أهلي بيكرهوا مراتي بسبب غلطة قديمة قبل الجواز أنا السبب فيها
أنا متجوز من سنتين من حب حياتي حرفيا ومن قبل ما أتجوز وأنا بحب مراتي جدا ومرتبطين سنين .. وبسبب طول فترة الإرتباط بدون أي خطوات حصل بينا تجاوزات وصلت لأنها تكون علاقة كاملة وبالوضع الموضوع أتفضح لأسباب مش حابب أذكرها وأهلي وأهلها عرفوا وأتجوزنا بسرعة وقتها وقاعدين في بيت عيلة عندي أنا وطبعا مراتي بتعاني معاناه شديدة مع أهلي لأنهم شايفينها مش كويسة وبيعاملوها معاملة قذرة .. يعني من المواقف مثلًا نبقى قاعدين كُلنا بناكل الاقي أمي أو أبويا يبصولها بقرف يقولوها ليكي نفس تاكلي؟ ويبصولي ويقولولي أنت مش سترت عليها وخلاص ما تغورها من وسطنا وتطلقها بقى بدل ما هي قاعدة ببجاحتها دي ومواقف زي دي كتير جدًا، والبنت خلاص نفسيتها بقت سيئة جدا وأنا مش عارف اتعامل أتكلمت مع أهلي كذه مره بدون فايدة .. فأنا المفروض اعمل ايه؟ اجي على مراتي عشان أرضي أهلي ولا أعمل حدود واضحه لصالح مراتي وأزعل أهلي
النقاش