مجهولهوية مخفية

اتفقت مع وسيط على بيع شقة بمبلغ معين وأي زيادة ياخدها ولكن الزيادة كان اكبر مما كنت أتصور

دلوقتي أنا عايش برا بقالي كتير جدًا وكان عندي شقة في مصر مقفوله بقالها سنين والحقيقة إني مكنتش عارف اسعار الشقق وكده وهي في منطقة حلوة جدا والشقة نفسها حلوه اوي اتفقت مع صديق ليا يشوفلي مشتري فسألني هتديني عموله قولتله كل اللي عاوزه من الشقة 2 مليون أي حاجه زيادة خدها أنت ولكن المفاجأة أن الشقة تمنها وصل 10 مليون جنية وجابلي مشتري فعلا وصاحبي عاوزني اخد الـ 2 مليون وياخد هو 8 مليون على حسب اتفاقنا أنا بقوله أنت كده بتستغل جهلي بالأسعار وهو بيقولي أنت لو كنت اتفقت مع حد تاني كنت هتبيعها بـ 2 مليون ويضحك عليك وإني كده بغير كلامي وأنا حقيقي محتار ومش عارف العرف في المواقف اللي زي دي يمشي ازاي، هل اديله نسبة محدده واخد فلوس الشقة كلها ولا كده أكون ظلمته ورجعت في كلامي فعلا