هل محمد ممدوح تايسون واخد حقه في مصر كممثل جامد فعلًأ؟
دايمًا بشوف تايسون كممثل جامد اوي اوي، أول مره أشوفه في عمل كان فيلم الفيل الأزرق الجُزء الأول وحقيقي كنت بتخنق من مشاهده وقتها كُنت صغير ومكنتش فاهم أنه مقدم دور ناجح جدًا للشكل ده .. لحد ما بقيت أرجع أدور على مشهد المواجهه بتاعه مع كريم عبدالعزيز إللي كان بيقول فيه قعدت 7 سنين أطفح الكوته في قطر مصر الفيوم أو حاجه كده .. واستمتع فعلًا نبرة صوته وعينيه وكل حاجه .. بحس قد ايه المشهد عبقري .. وأن كتابة حتى الباك ستوري بتاع الشخصية دي عبقرية من أحمد مُراد لكن بداية حُبي لتايسون فعلًا كانت 2017 مع مسلسل لا تُفطئ الشمس ودي كانت السنة اللي بدأت فيها أتفرج على مسلسلات عربي وأتخلص من عُقدة الخواجة إللي كُنت فيها وأكتشفت أن في حاجات عربي حلوه جدًا .. زي (ونوس) مثلًا .. بس سيبكوا من ونوس دلوقتي أداء محمد ممدوح طول مسلسل لا تطفئ الشمس خُرافي .. مش طبيعي ومن وقت المسلسل ده لحد دلوقتي وهو ممثلي المُفضل فعلًا .. فالسؤال هنا بعد الرغي ده كله .. هل شايف أنه واخد حقه فعلًا .. ولا مُهمش؟
النقاش