Mount.and.Blade.Bannerlord أفضل لعبة لعبتها في حياتي
لو جيت تلعب Mount.and.Blade.Bannerlord لأول مره وخاصة في أول ساعة لعب ممكن تحس بملل شديد فشخ، ولكن مع الوقت هتلاقي نفسك أتسحلت بشكل غريب في اللعبة ..
ده بالظبط إللي حصل معايا كواحد بلعب طول عمري fifa بس وأي لعبة تاني بمل منها بسرعة حتى gta جت قدامي لعبة ماونت أند بليد 2 فقولت وماله أجربها .. وأنا كشخص ملول معرفش إزاي عديت أول ساعة من اللعبة وبعد ما خلصتها .. ايه ده يا جماعة! إيه الإبداع ده .. اللعبة سحلتني .. اللعبة مبتخلصش!
في مليون طريقة ممكن تلعب بيهم اللعبة وكل واحدة فيهم ممكن تقعد تلعب سنة بيها من غير ما تزهق، والأجمل بقى أن اللعبة كمان ليها مُجتمع كبير فشخ من صانعي المودات ..
فشوية تلاقي مود يحولها لجيم أوف ثرونز
أو مود تعريب أو غيره
طبعًا أنا مش بقول معلومات عن اللعبة لأن أكيد في ناس متخصصه أحسن مني كتير تقدر تفصصها .. لكن أنا الشخص إللي بيظهرلك لما تكون بتفكر تشتري اللعبة وبتسأل نفسك تستاهل ولا لا
عشان اقولك .. تستاهل فشششخ
التعليقات