_______________________ الــريـاش
﷽
𓆩 اســاور حــسين 𓆪
بقلمي رواية : الــرياش
"لا نملُك رَفاهية الاِنتقام نحنُ بضمائرٍ يِقضة"
لطفا لا تنسون التصويت والتفاعل بين الفقرات
⊰ دُر⊱
عثرت وعلى اخر لحظة لزمت بالمحجر دفعت
الباب وفتت عليهم علي الآكبر من شافني وكف
وصاح : شبيچ منووووووووو وياچ لچ منوووووو .
حضني حيل شهكت بعلو صوتي وصحت : كتلوني علي الآكبر كتلوني .
علي الآكبر : منووووو ؟
_ ميثاق وريمان .
رجعني على صدره وحسن وسراج الدين اسمع اصواتهم
حسن : امسحها بشيباتي انا اتصرف خوية .
سراج الدين : حگها محفوظ وداعت الخوة .
قبض على الآكبر على أيّده اثنينهن يصبر بروحه
علي الآكبر: وحگ هو ابو راس الحار احتراماً الكم اسكت
بس والله اذا ماتعرفون تتصرفون اعصر سمهن بيدي
واشرررررررررربهن منه .
ابو حسن : بوية علاوي بغلاتي عندك لا تتجاوز بكلامك .
صعدوا حسن وسراج الدين فوك وعمتي اخذتني من ايد علي الآكبر
فوتتني بغرفتها تتفحص بوجهي وتلطم صاحت بشهد
_ لچ يمه اركضي ماي ومنشفة لا يفوت ويشوف الدم نازل منها .
تلمست خدي مخرمش وعيوني توجعني من الضربة
بقت عيوني مركزة على باب اريد يفوت وياخذني بس
اصواتهم عالية واسمع ميثاق جوة تصيح
_ وينهااااا عمتي وينها هي تشهد عليها شلون تجاوز
علينة من جنتوا بالسجن أكلتنا اكل بلسانها .
وعمتي تخاف ضربت روحها على وجهه وبجت
_ راح يتضاربون ولدي دخيلك ربي برداً وسلاماً عليهم .
اسمع صوت علي الآكبر يصيح وعمي صار عصبي
_ رجف ابن الزمال ولك بس انطيني مجال أكلتنا اكل بلسانك .
ميثاق : چا هيه بيمن شادة حيلها بعلي هو ينطيها مجال
تجاوز وتهين بالأكبر منهااا وتهدد بي كلمة والثانية وصاحت
تفاهموا انتوا وعلي الآكبر والله عمو كلمة ما نگدر نحجي وياها تجاوز .
علي الآكبر: انا دارسها دُر ماتحب المشاكل بس اذا تتحارشين
بيهااا ما تسكت احترمي نفسج وهي تحترم روحهاااا .
ميثاق : اول تالي تعلي صوتك على نسوان اخوك .
تعالت اصواتهم والكلام استمر الى ان سمعت صراخ ميثاق
ركضت عمتي باوعت ماكو احد معناها هذا الصراخ فوك
بغرفتهم نزل سراج الدين بالشارع : بعد ما اريدها الصلفة
عينك عينك تعترف تتعارك لان محروك كلبها على بنت عمها .
ريمان نزلت بلا صوت بيدها جنطة وأطفالها يبجون وراها
أعترض عمي وعمتي طريقهم ما قابلين
حسن : بوية دخيلك لا توگفني هاي تريد تخرب
بيني وبين اخوي ، نسوان تفرق بيناتنا لا وحگ الله .
ريمان : بس اخذ جهالي ويايه الله يخليك عمي أقنعه .
حسن : جهالي ما يطلعون من بيتي .
ميثاق عبرت منهم كلهم وطلعت من البيت وهي تدعي وتتحسب
فاتت ريمان على علي الاكبر كاعد بس يتفرج عليهم
_ بداعت امك وابوك تحجي وياه الخاطر جهالي مو الخاطر احد
وبعد ما تتكرر سمعت كلام ميثاق ولعب الشيطان بعقلي .
سحب علي الآكبر حسن وطلع هو وياه برا ما ادري شنو يحجي
وياه ظل حسن برّا وعلي الاكبر دخل اشر الها
_ اصعدي للغرفة بس ريمان اذا تتكرر انا اتصرف وياچ
وكلمتي حلقة بـ اذنچ دُر خط احمر من تتفقون عليهه
معناها تتفقون عليه ، مايعيش بخير كل من يتفق على علي الآكبر .
اخذت جهالها وصعدت وسراج الدين رجع وبدون كلام صعد
ابو حسن : شكد عيب البنية صار سبع ايام موجودة بيتي تنضرب
وحگ الله حتى استحي اشوفها، ليش غير افتهم ليش هل مشاكل ؟
جود : لان تحجي مثقف لو تبطل يحبنها بس هي نازوكية .
علي الآكبر: راح أجيك اغمك غمه يا اغم تسوى حياتك .
حجاها وفات للغرفة شهد كاعدة تمسح بوجهي من دم الخراميش
وكف يحجي هو وأمه تريد تتستر على مشاكل تگله
_ والله يمه وحدتهن لسانها بطولها ذاك
اليوم هم وحدة تجاوز على ثانية دُر تجاوز
وميثاق وريمان يتجاوزن .
وصارت تحجي كلشي بالتفصيل كلامي وكلامهن واني ابلع بريگي
عيوني بعد ما أكدر ارفعها غير تسكت وهو بس يهز براسه وايده
بجيبه يستمع بتدقيق وعمي وراه طبطب على ظهره
_ زين سويت بوية ما تجاوزت عليهن عيب نسوان اخوانك
خليهم اخوانك ياخذون حگها .
وفات عمي يعتذر من شاف وجهي غمز لعمتي تغسله
ويريد يطلع علي الآكبر بكل وسيلة حتى مايشوف
هو طلع وصاح شهد بالربع ساعة يحجي وياها
وحّدهم بالاستقبال رجعت وهي تتفحصني
اني غسلت وجهي وعدلت ملابسي
_ دُر روحي علاوي يريدچ فوك .
لزمتني عمتي باستني وعمي رجع يعتذر
ام حسن : عليچ الله يمه لا تكبريها واذا يحجي وياچ هدي الوضع
لا يروح يتضارب هو واخوانه ما تسوى انه بعد ما اخلي وحده
تگرب منچ وتفتح حلگها وياچ .
هزيت راسي وصعدت بعدها الشهگه بصوتي وصدري
لميت شعري وفتت كاعد منتظرني من شافني حاجاني
_ تعالي دُر .
_ والقران جنت اريد انزل وسحبتني للغرفة ضربتني .
_ وانتِ ما عندچ ايد تضربيها .
_ ريمان سدت شفايفي حتى ما اصرخ
وميثاق نامت فوك جسمي تضرب .
صفگ ايد بيد وعيونه تجدح من العصبية عض إصبعه
واجه اتجاهي رفعت ايدي احتمي بيها سحبها وسحبني
على صدره حضني تجمعت الدموع بعيوني رفعت وجهي وهمست
_ عيوني توجعني .
شاف عيوني تلمسها صايرة حمرة
كعدني ونزل شوية وصعد بيده قطرات
نام وطبطب على رجله : تعالي يمي .
_ اني اخليها لا تعب نفسك .
_ تعاااااااااااااااالي .
_ لا تصيح .
_ ما اصيح تعالي .
_ اعتذر .
_ اه .
_ والله .
_ اسف .
_ اجيت .
بس اقتربت سحبني وجرني بحضنه قطر قطرتين بعيوني
وبس كمل ضربني بغمه بنص راسي لزمت راسي وفتحت
تك عين : من كون غمه تغمچ غم يا غمه تعوفيهن يضربنچ
ومخرمشات وجهج ولاعبات بيچ لعب .
كعدت لازمه راسي صافنه بوجهه فاتحة عيوني متعجبة
_ هاي شنووو شسويت ؟
_ اغمچ غم غم غم كون يا فاهية بس يمي تبيعين بطولات .
_ اثنين وين اكدر عليهن شبيك علي الآكبر .
_ اعلم بيها صيرررري مثل زلمتچ ولچ حوديهم حوووووود
اسبيهممممم سبي تحركي زاگطي بيدهن غدريهن .
وكف دمه فاير يروح ويرجع يغلط ويسب بقيت اكل بـ اظافري
اجه يجر ايدي من شفايفي ولزم وجهي
_ ركزي بعيوني .
_ ركّزت علي الاكبر بس اعصابك .
_ باجر ترجع ميثاق من بيت عمها تلزميها من الباب ودگ كتل
آريد يجوني للمطعم يصيحون مرتك كتلت ميثاق وتعال حاسبهاااااااااا .
_ واذا كتلتني .
_ اني هم اكتلچ وحگ ابو فاضل .
_ ما اتعارك ما اريد شنو هي حرب .
_ تتعاااااااااااااااركين وتكتليهاااااا تعلمي ادافعين على نفسچ .
_ اخاف .
_ هم گالت اخاف ياااااا ابو فاضل لچ دُر لچ دُر .
_ اي اي والله ميخالف بس أعصابك .
كعدت عدل وهو بعده يفتر بالغرفة
_ هسة يكرهوني اهلك عبالهم احب المشاكل .
_ اريدهم يگولون تشبه زلمتها تاخذ حگها وما تسكت عنه .
لملمت روحي وبقيت صافنا ما كدر ينام مقهور ويفرك بيده
غفيت ما ادري بروحي كعدت الصبح بدلت ونزلت
الولد كلهم طالعين باقية بس عمتي وشهد وريمان وبتول
صبحت عليهم كعدت حجيت اني وشهد وصحتني عمتي
_ دُر يمه غسلي المسواك ورتبي بالثلاجة .
هزيت راسي وبقيت صافنة منين ابدي وشسوي
شهد شافتني اجت يمي همست بصوت ناصي
_ طلعي سلات المسوك من الثلاجة غسليهن بالماي ورتبي
كلّ الخيار وحد الطماطمة وحدها وهيج كملي المسواك .
سويت مثل ما رادت واني اغسل بالطماطة اكو بيهن
مو قويات لميتهن بعلاگة وذبيتهن بالزبالة اريد اخليهن
بالثلاجة عمتي صاحت بيَّ : بس هاي الطماطة ؟
_ اي مو الباقيات مو زينات ذبيتهم .
_ خمس كيلوات باقي منهن بس سلة ؟
_ غير خربانات .
_ وينهن ؟
_ بالزبالة عمة .
_ والموز شو بس هذا العنگود .
_ مو شفت كم وحدة الگشر اسود خربان ذبيتهم .
_ بالعافية عليك يمه علي الآكبر .
بقيت اباوع عليها وبيدي الطماطة صاحت بشهد
_ روحي ساعديها وعلميها ، اكلج يمه ما غاسلة مسواك ابد .
_ ولا مرة بحياتي والله بس عادي اتعلم .
_ هزت راسها وضحكت ، خوش يمه خوش .
راقبت شهد ترتب درت وجهي على باب شفت ميثاق فاتت تضحك
وسراج الدين وراها هاي شلون تنكتل بالله هذا شبي علي الآكبر
حاربت روحي محارب واول ما دخلت جريت عبايتها وصرخت
_ وتضحكين لچ فخوووورة بنفسچ مو .
ضربتها على وجهها راشدي وره راشدي سحبت شعري
جريت شعرها بكل قوتي وضربتها على وجهه سحبت
الجفجير من الكاونتر عمتي تطبخ بي وضربتها على ايدها
دارت تصرخ وتغلط وريمان تفاكك وبتول تسحب بيه
عطت بيها : لااااا تلززززموني اليوم اموووتهااا هل حيوانة
تضربيني موووو عبالج هاي هيه انسى شوهتي وجهي حقيرة.
ام حسن : والله راح اصيح علي الآكبر يكسر راسچ
لچ دُرررررر عوفيهاااا ياااا يااااا يمه ولچن كاااافي دهر .
شهد : كافي عيب ولچن سراج تعال فاكك .
وعمتي ركضت تضرب على باب المطعم وسراج الدين يصيح
مايكدر يقترب يفاكك عيب عدهم يدخلون بعركة نسوان
كل شوية اندفع اكثر على ميثاق لمحت شهد هي تدفعني
ضربتني ميثاق براشدي فرت وجهي عوجت اصابعي
اخذت ايدي وصرخت بخبال فصلت عليهه ملختها تملخ
بـ اظافري ما احس غير رفعني من خصري حيل
وصرت وره ظهره وهو يصيح بيهم
علي الآكبر: كااااااافي فضحتونا تخبلتوووووووا .
ام حسن : يمه هاي مرتك هجمت عليها ضررررب .
ميثاق : ولكم شووووهتني هل سـ****** .
سراج : لاااااا تجاوزين ، علي الآكبر كدامي صار كلشي شسالفة .
علي الآكبر: امسحها بوجهي أحسابها عندي والله انا العب الك بيها لعب
لچ انتِ شنوووووو هل صلافة .
جرني من ايدي يصعد سريع صرت اتعثر من سرعته
اول ما كمل الدرج شالني بـ أثنين اديناته نومني
ونزل راسه يبوس بشفايفي بكل قوته فصل البوسة من دخلنا
للغرفة نزلني ودفعني وره الباب اخذ ايدي باسها حيل ويضحك
بعالي صوته : من اروح فدوة الهل ايد وهل اظافر النازوكيات .
لزمت شفايفي من بوسته يوجعني وهو بعده يضحك
_ لازم احاسبچ .
_ اكو واحد هيج يبوس .
_ شلون اعبر اريد اكلچ إنّي لچ بوية انتِ عسل بعلي .
بقيت اباوع بوجهه هو ابتسم وحضني
_ لا تزعلين تعالي نطلب الرضا من هل شفايف
نزلت روحي واشرت على باب
_ لا تستغل الفرصة عوفني .
_ بعدني ما لاعب بيچ لعب غير حلفت .
_ تعبت .
طلع من جيب البنطلون عصير وكيكة وسحبني من ايدي
كعدني على سرير فتحهم وهو يضحك مرتاح
_ اكلي وارتاحي اني نازل اشوف شصاير جوة .
اخذتهن وهو باس خدي ونزل رحت بالممر اكل
واستمع الكلامهم حتى عمي موجود وميثاق كل صرخة
تصرخها وهي تبجي توصلني واني فوك الى ان دخل
عليهم علي الآكبر واشتغلهم ببرود
_ ذكروا الله ، الله بالخير عليكم ، بوية الطرفين على غلط
طلع صوتنا عيب من العالم ، شنو براسچن تريدن خوتنا تتخارب ؟
سراج الدين : عيب على الشوارب اذا تصير
البارحة ميثاق تجاوزت على مرتك واليوم مرتي
ولهنا وتفض اللي عدها رأي ثاني تطلع من البيت .
علي الآكبر: اذا على دُر اضمنها ما تجاوز بحرف بعد
وهسة سبيتها سبي فوك خلستها خلس ماتكررها واعتذرت مني .
وسراج يحجي وهو يكبس عليهم وعمي يرزل اعتذرت منهم
ميثاق وسمعت ريمان تحچي: ودُر هم لازم تعتذر من عمتي
وميثاق ويتصالحون .
علي الآكبر: دُر عوفوها معاقبة عفتها تعيد
حساباتها بعد ما اكلت المقسوم .
ابو حسن : عيب ابني البنية بعدها عروس توها تتعرف علينة
نازلين بيها كتل وناس ترزل وتغلط وانت تعاقبها شبيكم مخابيل .
علي الآكبر: نريد نشتغل اسمع صوت وحدة
تتعارك اليه تصرف ثاني وياها زين لو لا ؟
رجعت للغرفة قفلت الباب وشغلت التلفزيون
اهتز تلفوني برقم غريب جاوبت ماكو رد لدقايق
اريد اغلق المكالمة وسمعت صوته : ريان .
_ شلونچ ؟
_ انتَ وينك .
_ سافرت مضطر .
_ ليش .
_ عمامچ يريدون يهدرون دمي .
_ شنو السبب .
_ مايريدون اكشف حقيقتهم .
_ شوكت ترجع .
_ رجعت ، تزوجتي زوجج شلونه وياج ؟
_ علي الآكبر يگول احبچ بس
حجيت اله كلشي صار من زواجنا لليوم وهو يستمع
بنهاية المكالمة جاوبني بكلمتين .
_ سهلة الله كريم .
سد الخط وراح بدون ما يسمع جوابي سمعت صوت علي الآكبر
فتحت الباب دخل للغرفة طالعة روحه اخذ الملابس تلثم
عارضت طريقة وصحت : ها وين ؟
دك تلفونه رفع اصبعه وهمس : اشششش
_ ها صياد ، ضربك ، بالطريق بس افتح الباب حتى بسرعة نفوت .
طلع وهو يخابر مستعجل يركض ، نزلت جوة عمتي وجهه ثگيل
من شافتني فاتت للغرفة .
شهد : روحي احجي وياها امي طيبة بس الكلام ترس راسها ترس .
دخلت الغرفتها بست راسها وفهمتها واعتذرت منها بقيت
بالغرفة الى ان عمي صوته طلع
_ يوسف علي الآكبر بالمطعم هو واخوانه لا تذبون مشاكلكم براسنا.
سد الخط وطلع للمطعم رافع جود من التيشيرت
_ وين اخوك ؟
_ راح .
_ وين .
_ يصيد طيور .
ضربة على راسه والضربة الثانية بالحزام على ظهره
_ وين اخوك ابو راس اليابس .
_ ابنك شغل يا فارس بدر وانطلق .
بعدهم يحجون وفات علي الآكبر ريحته دخان
صاح بي عمي هو بسرعة جاوبة : اسبح واجي .
صعدت وراه شامر الملابس بالگاع وفايت يسبح
لزمت تلفونه فتحت الرمز دورت بي شفت صور
يَسار هو وبنية بدون ملابس وما احس بي غير طلع
شمرت التلفون مرعوبة انتفضت وكفت اريد اطلع لزمني
من ايدي وقفل الباب ، رجع للتلفون عرفني شنو شفت
ردت اموت من الخجل كلبي يدك سريع وعيوني ما اكدر ارفعها .
انضرب باب غرفتنا وصوت عمي قوي بدل ملابسه
وفتحه صاح بي : شسوووووويت .
_ انا كاعد هو يتحارش بيه .
_ شسوووووويت .
_ ضربتهم بالمولوتوف ورجعت .
_ انتَ شلوووون تكدر فهمني منو يساعدك .
_ يابه يريدون يخلصون مني فهمهم يسلموني الأمانة .
_ موووو عيب عليك اهل مرتك ولك سـ*****
_ هو انا جبتها يمي حتى انتقم براحتي مرتي يمي مو بتهم بنتي .
نزل عمي وهو يصيح
_ هذا آريد تشوفون حل وياه لا ارتكب بي جريمة
ابووووو راس اليابس هذا لثامك اذا تلبسه بعد اموتك .
رجع قفل الغرفة وراح تمدد على سرير ايده على راسه
بقيت كاعدة اركز بي وهو يتنفس بسرعة مبين عصبي
دك تلفونه واسمع صوت صراخ وهو بارد ولا يحجي حرف
سد الخط وعدل نفسه رفع ايده اشر بحركة تعالي
خفت ارفض مشيت وكفت مقابيله حضني من خصري وجرني
_ هذا المفتاح اخذي وانزلي بدون مشاكل .
اخذته وطلعت شفت شهد يمها اطفال من المنطقة يقرون
دخلت يمهم وكل شوية تصيح بواحد بيهم يركزون ويايه
طلعت كعدت بالمطبخ نزل علي الآكبر بغرفة امه كعد يمها
يسولف على مطعم وعلى الشغل وهي تجاوب وياه بالكلام
ودخل جود وسيف الدين يحششون ويضحكون
نسوان اخوانه نزلن ما يحجن ويايه جهزن الاكل حتى يتغدون
وكلها اجتمعوا على سفرة وحدة بس عمي ما يحجي هو وعلي الآكبر
بس خلصوا اكل شربوا جاي بعدني اساعد شهد اشيل المواعين من السفرةً
حتى تغسلهن بتول وريمان طلع من الأستقبال بيده استكان الجاي
اشر بمعنى تعالي عبالي يريد اخذه لزم ايدي اول ما وصلت
وسحبني فوك للغرفة امشي وراه بس دخلنا ذبّ الاستكان
وشال لحاف السرير نام وسحبني
_ علي الآكبر مو .
نزل وجهه بركبتي جر نفس طويل وهمس بـ أذني
_ نوميني وروحي .
_ شلون .
_ أبقي هيج قريبة مني اريد
اجر النفس اعصابي تعبت من بعدچ .
ظهري على صدره قربني اكثر ولازم خصري
غمض عيونه حسيت ايده ثگلت درت وجهي
نايم ملامحه هادئة تلمست الضربة صايرة بحاجبة قديمة
بس مبين اثر ضربة تقربت اكثر خليت راسي برگبته على
دفو الفراش طوقني بيده وسحبني اكثر نمت بدون ما ادري بروحي
يحضنه ولأول مره بحياتي انام بحضن شخص اني حتى امي
ما نايمة بحضنها حسيت بأمان بعمري ما حسيت بي .
على صوت اذان المغرب فزيت على صوّت الاذان
وضربات على باب فتحت عيوني وجهي صاير برقبته
تراجعت خجلانه وكفت بسرعة هو فاتح عيونه
_ الباب .
فتحته شهد متوترة اشر الها من بعيد بيده شكو
_ ام دُر جوة .
_ امي اني ؟
_ اي تريد تحچي وياچ .
درت وجهي على علي الآكبر مستغرب مسح وجهه
وصفن مبين يفكر ويحسبها ، راحت شهد هو وكف بدل
واخذ تلفونه خابر وهو يسأل : تعرفها على شنو ناوية ؟
استمع لدقايق وغلق الخط وهو يتحمحم اجه اتجاهي
وبكل هدوء فهمني : انزلي تعاملي وياها طبيعي .
عدلت نفسي غسلت وجهي ورتبت مكياجي ونزلت
لابسه دشداشة ، دخلت للغرفة الجوة شفتها كاعدة
وساكتة ما تحجي وياهم ، من شافتني باوعت علية
من فوك ليجوة ماعجبها وكفت بسرعة : ماما دُر اريد أحجي
اني وياچ على انفراد .
درت وجهي على عمتي خطية فشلت
_ اخذي امچ للغرفة مالتچ بنتي .
نزل علي الآكبر لا هو سلم عليها ولا هي سلمت
صعدتها فوك دخلت تتفحص بيها وتفتر
_ فرحانة بهذا الزواج ؟
_ احس بالأمان اكو شخص يحميني .
_ راضيه على هل بيت وهل اثاث ؟
_ مرتاحة واهم شي زوجي يحترمني .
_ عفتي القصر والعز والدلال واختاريتي عيشة الخدم .
_ مو خدم هذولي ناس تعبانين على نفسهم مو مثلكم .
اجت قريب مني عبالي تحجي ويايه ضربتني براشدي
وجرت شعري بكل قوتها صرخت لزمتني من شفايفي
_ عمامچ وابوچ بلغوني اوصل رسالتهم
عندج مهلة اربع ايام بـ أيامها ولياليها اذا ما ترجعين
وتكسرين راس هل كلب علي الآكبر يموتوهم ويموتوچ
تعرفيهم مايخافون من احد واذا يخلون احد برأسهم ينهونه .
دُر : اطلعي برا والله ما اكدر ارفع ايدي عليچ .
فرت جنطتها وضربتني على راسي دخت وگعت
واني اشهگ من الوجع داست على اصابيعي بالكعب
مالتها وعوجت حلگي عوج : والله اذا ما تتندمين حالفين
اذا ما ترجعين يلعبون لعبة بحيث علي الاكبر يموتج بيده ويغسل عارچ .
دفعتها واني اقوي نفسي ما اريد ابجي وابين ضعفي كدامها
وهي تزيد وتقسي اكثر حتى تشوف ضعفي رفعت راسي وصحت
_ لو تموتون ما تنجحون ادري ماتحبوني بس تريدون
تكسروني مثل ما صار بـ ريان .
كملت كلامي وما ادري الضرب منين ينزل راشديات
بـ اثنين اديناتها دفعتها وصرخت بعلو صوتي
اندفر الباب ودخل ما يكدر يجاوز عليها وهي مبين تتقصد
تسوي مشكلة براسها غاية : اطلعي برررررا .
فاتت عمتي هو اجه اتجاهي رفعني من ايدي شافها
مجرحة من كعب حذائها لزمت التيشيرت مالته
هي اخذت جنطتها وطلعت وام حسن تحجي عليهه
على طول الدرج ترزل بيها وطردتها .
ابتعدت من عنده ورحت للحمام ركض اغسل بيدي وجهي
دك الباب ما قبلت افتحه بقيت بمكاني مصدومة بحجم
نذالة اهلي فشلتني مقابيلهم شلون بعد ارفع عيني بعيونهم
طلعت منتظرني برا دخلت للغرفة قبل لا يحجي همست
_ ما اريد احجي الله يخليك عوفني .
_ طالع بس لا تهملين محادثتنا .
كعت بغرفتي بقيت اكل بروحي على حظي
شسوي وين اروح شلون تحلها اذا صدك تنفذ التهديد
حرت اختنكت وين انطي وجهي بعد وين اروح جانوا
مو بحالي ليش طلعوا هسة حاربوني .
اخذت تلفوني وكتبت تهديداتهم
_ مهلة أربع ايام يجبروني بيهن ارجع الهم
يا اما يموتون الكل واني ادري بيهم مجرمين
يدخلون واحد يقتلون الكل بدم بارد خايفة عليكم .
رسلتها شافها بالثواني رجعت كتبت
_ هددتني علي الآكبر يموتني بيده ويغسل عاري يا عار ؟
بعمري ما غلطت ليش ما يغسلون عار ابن اخوهم
يسار من خدرني وما ادري شسوه بيَّ واخذ اليه صور بدون وعي ؟
بقيت احجي كُل النايمات بكلبي سوالفهم وكلام ابوية من اشكي منهم
وهو بس يقرا اخر شي طلع واربع رسائل ما قراها
ساعتين وشفت رقم ابوية على تلفوني اول تالي
فتحت خط يسب ويلعن وأصوات عالية قريب منه
_ خاااااابري بنت الكلب خابري هل ******
خلي يوگف تدفعي على اهلچ مووو بسيطة حسابچ صار ثگيل .
_ ما أخابره وخلي يعذبكم مثل ما عذبتوني .
سديت الخط وبقيت افتر خفت لا يصير بي شي
خابرته هواي ما يجاوب كتبت رسالة شافها
_ ارجع اريدك حباب الله يخليك .
نزلت جوة لا اكدر احجي ولا اصبر وكفت بالباب
الى ان شفته رجع وراح للمطعم ما دخل البيت
وصار العشا وما فات اكل وياهم يسألون جود يجاوبهم
_ اكل بالمطعم وعدنا شغّل يتأخر ما يعزل اليوم .
صارت بـ11 صعدت انتظرته الحد ما تعبت ونمت
ثاني يوم حسيت بي يبدل من حس كعدت نزل
شنو معقولة مايريد يشوفني ضاح مني من
اعترفت بتخدير يسار اكيد ضاج مني والله
رحت جوة باب المطعم مفتوح شوية اكلت
شوية اني وشهد وبقيت افكر بس اريد اوصل
واحجي وياه ، كل ماتصير فرصة عمتي تطلب
مني طلب واحاول ما اتفشل وياهه شهد تساعدني
وتنصحني من تشوفني ما اعرف بس كلشي يصير
بيدي يخرب ما ضبطت شي ابد .
من شفتهم مخبوصين بين الطبخ والتنظيف عبرتهم
بدون ما يشوفوني وطلعت للمطعم دگيت الباب دار
جود شافني اشر بيده شكو ، اشرت على علي الآكبر
رجعت ضربت التفت من شافني طبگ حاجبة مستغرب
رفعت ايدي اشرت تعال ذب الكفوف واجه نزل روحه
بمستوى طولي : همممممم .
_ باوع بعيوني .
_ شكو .
_ ركز بيهن .
عدل نفسه وركز بعيوني لدقايق ابتسمت ما بادلني
_ گول والعباس تحبني .
_ دُر .
_ علي الآكبر احلف تحبني احلف .
ذبلت عيونه وهو يبتسم لزمني من ايدي ودخل بممر
صاير على طول ألبيت يوصل للنهاية بي ترك
وكف بالممر رفع شعري وره اذني يتلمس بجروحي
_ دُر شنو تريدين ؟
نزلت راسي العب بـ اصابيعي متوتر
_ احلف من كل كلبك تحبني .
- منو گال آحبج انا العب عليچ .
رفعت راسي وسعت عيوني
_ جذاب .
_ بشنو اجذب ؟
_ مبين تحبني .
_ تدرين يعني بس تريدين تعذبيني .
_ انت ماتقبل تحجي .
_ حقج .
_ تحبني ؟
_ لا .
باس راسي وحضني بكل قوته نزل راسه بركبتي
جر نفس وهو يجاوبني بخدر
_ انا اعشگ دُر ذايب بتفاصيلها .
_ زعلت مني البارحة مو ؟
_ خفت عليچ تخيلتچ شلون جنتي عايشة بينهم
اريد ارجع الزمن واحارب حتى اخذچ ليش ابتعدت عفتچ يمهم تتعذبين .
_يعني ما لعبت نفسك مني ؟
باس طرف شفايفي بتملك قيدني بين أيده
_ وعد علي الآكبر الدُرر روحه
اعكس كلشي حلو بالدنيا الج .
ام حسن : يااااا وين راحت هاي البنية لچ دُر وينچ .
ضربت على خدي بخجل هو ضحك
_ شكد عيب شلون نطلع .
باسني برگبتي حيل وهمس
_ هسة تفوت واطلعي ابقي يمي .
ام حسن : شهد تعالي صيحي على اخوچ يدور على بنية وينها .
على كلامها باسني وهمس وراسه برگبتي
علي الآكبر: مرتي سابيها سبي بحضني يمه .
ضربته على صدره وطلعت صارت مقابيلي صرت اتأتأ
_ هنا اني عمه .
_ وين رحتي صار ساعة ادور عليچ
وهاي شهد راحت صاحت علي الآكبر
_ يمه ماكو علاوي يگول جود علي الآكبر راح يسبح مو مثل حضي .
طلع جود من المطعم واشر على ممر
_ يمه ابنج خاتل بيها بالممر روحي شوفي
يتختل بنات العالم وعايف الشغل تربية ماكو .
طلع علي الآكبر شايل قنينة غاز على أكتافه
حتى ما باوع على امه يمشي ويسوي روحه مستعجل
اول ما وصل لجود وغمه غمه من يمي راسي وجعني
_ من كون غمه تغمك غم يا اغم ابو لعلوم الخايس .
بعدنا نحجي والباب اندفع
سراج الدين : يمه ام سامر متخربطه ركضي .
ركضت ميثاق وعمي للبيت شهد جانت تطبخ مقلوبة
عافتها من دزت عمتي عليها حتى تصبر اريام وراحت وياها ريمان
وبتول ابنها حرارته مرتفعة وما نازله اليوم
اريد اصعد وطفلة اجت من بيت ابو سامر
_ خالة دُر بيبي ام حسن گالت كملي المقلوبة قبل لا يرجعون
الزلم من الشغل يريدون يتغدون ما تكدر ترجع هسة .
_ اني اطبخ مقلوبة .
_ اي خالة انتِ .
رجعت للمطبخ صاير هوسة صخام بوجهي
المواد جاهزة بس اني الطباخ ما اعرف اشغله
عضيت اصبعي حايرة بروحي رحت اركض للمطعم
اجه يركض خايف يتفحص بوجهي
_ ها عركة .
_ علي الآكبر اني بمصيبة .
_ يا ستار .
_ يريدون اطبخ مقلوبة الدجاج تعرف يعني شنو
اطبخ مقلوبة مصيبة .
_ لا تطبخين .
_ عيب شنو ما اطبخ
باوعت بعيون مدمعة حك راسه واشر افوت
رحت للمطبخ اشرت على مواد : موجودات بس اني ما سويتها قبل .
غمز بمكر وتلاعب وصار يقترب مني
انضربت بالكاونتر نزل راسه وهمس
_ اساعدچ بشرط .
_ شنو هو .
_ كلشي اسوي حقه بوسه تقبلين ؟
_ لااا اكيد لا عوفهم ميتين من الجوع قابل مضطره .
_ عمتچ طلبت منچ عيب تكسرين كلمتها .
_ بس ما اعرف وابنها استغلالي .
_ براحتچ ما اجبرچ بوية .
عافني ورجع للمطعم صعدت فوك ورجعت نزلت
اني شكو اورط روحي من يرجعون يدبرون نفسهم
عمو ابو حسن يعرفني اني مو شاطرة بهل اشياء
وارجع اقلق واخجل من يرجعون وماكو اكل شنو يگولون عني
اخذت تلفوني وكتبت
_ على مسؤولية اني اساعدچ انتِ متزوجة شيف يعني
يدوخچ ويجذب عليچ كذب بس كلام .
دقايق وسمعت صوته صاحني من جوة
_ دُرررررر .
_ تصيح علية .
_ اي
_ ليش تصيح .
_ تعالي يمي .
نزلت وكفت قريب منه اشر على مطبخ
دخلت وياه للمطبخ شغل النار وبدا يقلي
بالخضروات وطبخ التمن بدقايق والتفت
_ عينج على بيتنجان اشوف المطعم وارجع .
راح واني اركز وياهن من رجع شافهننفس ما تركهن
_ هاي ما تستوي من فوك شبيها .
_ ادب سز ما تگلب روحهاااا وحدها على جهه الثانية .
_ يا شلون تگلب روحها ؟
_ شلون وصلتي صيدلة لچ دُر .
_ صار مرتين اليوم تصيح بوجهي .
عض شفايفة وذب حسرة متعصب
اقتربت منه ضربته خفيف على ظهره
_ عصبي ؟
_ لااااااااا .
_ اضرب بعد .
_ روحي دُر اني اكمل .
_ ماتريد تشوفني .
_ تعالي ابرد اعصابي بشفايفچ .
باسني على سريع ودار يكمل وكل شوية
يستغل الفرصة وياخذ بوسة الى ان كمل
رجع للمطعم ساعة ودخل عمي والولد كلهم يريدون ياكلون
وعمتي فاتت هي والبنات جهزوا السفرة وكلها التمت
علي الآكبر يغسل بيده قبل لا يكعد وجود سند ايده على رجل ابو
وصاح : اكلو مقلوبة ام البوس .
ابو حسن : شني ؟
_ مقلوبة كلها بوس وحب .
غص علي الآكبر وعض أصبعه
جود : شبيك اكلهم مرتك تطبخ بكل حب مثقفة .
علي الآكبر: نازوكية .
جود : مقلوبة أم المفاوضات .
ابو حسن : شبي هذا ابو لعلوم ؟
عاي الاكبر: نريد ناكل اسكت لا اسكتك بطريقتي .
قلب حسن المقلوبة وكلها التمن عمي تعجب
_ ماشاء الله بنيتي دُر تعرفين طلعتي تطبخين .
دُر : كُلشي اعرف اطبخ .
شال علي الآكبر ايده على راسه لزمه من سمع عمي يگول
_ چا طبخي بين فترة وفترة ناكل من ايدچ الحلوة .
علي الآكبر : مبين راح تبهرنا بهر .
دُر : اذا تحب اعلمك شلون تطبخ المقلوبة وتعتمدها بالمطعم .
صفن بوجهي ونزل ياكل ويجاوبني
_ اي ليش لا علميني هو انا اريد اتعلم .
اكلنا كلنا وكل ما يخلص واحد منهم يگول
_ عاشت ايدچ دُر نفسچ طيب ما شاء الله .
بس عمي اخر شي من خلص ضحك وهمس
_ عاشت ايدك بوية علي الآكبر المقلوبة طيبة .
درت على علي الآكبر وبطرف ايدي ضربت على خدي بخجل
اخد ايدي عضها صحت هو عافني وراح يغسل اجت
ميثاق فوتت الجاي وتسولف هي وياهم على ام سامر
واكفين بالمطبخ اني وشهد نغسل بالمواعين
وما آحس غير الطلق صار مطر على بيتنا
واسمع صراخ الجهال وصياح عمي
_ علي الآكبر جووووود لا تتحركوووووون ولكممممم تنضربون .
فات علي الاكبر دفعني بالارض وحماني بجسمه
وجود دفع شهد وكزاز الشبابيك تمطر على راسنا بعز النهار
لدقايق مستمر الطلق وبس خلص عمي خابر على ابوية
يهدد بي وعلي الآكبر وجود والباقين يتهاددون يريدون يروحون
وعمي قفل البوب كلها ما يقبل العالم تضرب بالباب ويدري بس
يفتحه يطلعون وتكبر ما تصغر وابوية بعين صلفة
يصيح بالمكالمة : اربع ايام أعيشكم برعب وصلت رسالتي
بنتي ترجع لا اخيس عررررضكممممممم .
علي الآكبر: منوووو يعيشنا بررررعب ولكممممممم
اذا تطيحون بيدي اليووووووووم منووووو يخلصكم .
يوسف : اشششششش ولا حرف بيوتنا مفتوحة
كلنا مسافرين افعل ما شئت راح نشتغلكم من بعيد
ومو بعيدة كم يوم وعرضك يصير عدنا مثل ما اخذت من عرضنا
ولد الـ******* .
هو يحچي هيچ وعلي الآكبر تخبل ركض الباب المطبخ يفلش
بي ويضرب بكل قوته وهو يصرخ
_ خررررررررررب لكممممممممم اليووووم لو انا لو انتوووووا .
سحب حسن المفتاح من عمي وفتح الباب
طلع كلهم وعمي وحسن باقين بالبيت يحجون
ويفهمون بالعالم خابر ابوية على عمي يصيح
_ علي الآكبر حرك البيوت موووو سهلة انتوا
الظاهر ما ناوين على خيييييير .
_ شوكت حركها هسة طلععع .
يوسف : بيتي وبيت ابو يَسار مشتعلة بيهن النار اذا ما اخلي يخيس
بالسجون هو ولدك الباقين يا فگوووووور .
اخذت التلفون من عمي وصرخت واني ابجي وادك والطم
خزوني فضحوووني الله لا يوفقهم
_ والله اذا تشتكي عليهم والله افضحكم واسلم كلشي عدنا .
_ خلصيهم واسمعي الكلام وتعالي اليوم بـ 2 وحدج
ياخذج انور من منطقة الـ**** .
سد الخط وراح مشيت فوك اخابر على علي الآكبر
ما يجاوبني ، رجعوا فايرين وعمامهم موجودين
ناس تلوم وناس تهدد باوعت من الشباك
وبيدي التلفون وصلت رسالة فتحتها من رقم غريب
بيها فديو تصوير من اسلاح والهدف علي الآكبر
واكف يحجي هو واخوانه وكاتبين
_ اخر فديو يتحرك بي العار .
طلعت اركض فتحت الباب وطلعت من شافني دفعني
جوه للبيت رجلي ثگلت ودموعي على خدي تتسابق
دخل بسرعة لزمني صرخت : علي الآكبر اسلاح شوف شوف
رفع التلفون هو شاف الفديو والرمي اشتغل على بيت من جديد .
صارت عيونه بعيوني مال راسه بضعف وصوته طلع مختنگ
_ اخواني برررررا اخوووووواني .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد