_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
چم ليلة على ليلة يعز عليّ النوم
بس حلمك توالي الليل خطار .
لطفا لا تنسون التصويت والتفاعل بين الفقرات
⊰ دُر ⊱
سحب المسدس وبالوسط مخلي
_ لو نموت انا وياچ لو واحد بينا يموت نعيش أبعاد ما ترهم .
_ هههههههههههههه اني وياك لو واحد ضحكتني .
ابتسم على ضحكتي وسحبني اكثر سحب اقسام وباس خدي
_ ضحكت خوف لا تضحكين انتِ بيد علي الآكبر
مستعد يموت روحها لجل بنيتي ترتاح .
_ ومنو گال اني ما مرتاحة .
_ الاب من يشوف بنته يعرفها من عيونها مرتاحة لو ما مرتاحة .
_ بعدك تصفط كلام ؟
_ اصفط ؟
_ انت شاطر بالكلام بوقت الأفعال عكس الكلام .
_ هيج تشوفين ؟
دفعته من صدره سحبني ورجعني
_ لا تبتعدين ابقي قريبة ما اريد الزم ايدچ قوي اخاف توجعچ .
_ ترا انت كسرت گلبي باقي على لزمة ايدي الزمها واذا ترتاح
سويها هو اني حلفتك تعتبرني يتيمة وتحتويني تالي كسرتني .
_ بعدين من تعرفين الحقيقة اني سويت كل هذا حتى مايعتبرون
بنيتي نقطة ضعف تكشفين علي الآكبر اخر واحد يكسر دُرر روحه
بوية انا هلكت روحي هلاك بدونچ حتى تعيشين دخيلچ لا تكرهيني .
اخذت المسدس من ايده بكُل هدوء وحجيت بتأني
_ خلصت يلة روح .
_ لا تحاجيني هيج حتى بعدين ما تتندمين اخاف عليچ
من ذاك الشعور اخاف تنزل دموعچ وتنقهرين بوية دُر .
_ لاااااااااااااااااااا تگول بووووووووية دُرررر اطلب ثارك
اخذذ ثارك علي الاكبرررررررر طلع كلام يسار
اخذ ثارك خليتني ثار مووو
خليتني بينكم ثار استخدمتني ورقة ضغططططط ثارك تاخذه مني .
_ انتِ روحه لعلي الآكبر والثار ياخذه من روحه .
درت وجّهي على باب من انفتح ودخل انــور بوجهه الغضب صاح
_ شيسوووووووي هل عا ...
بعده ما مكمل وصدح صوت طلقة من ورا ظهري حيلي انتهى
اريد التفت جسميّ تصلب وعلى صوت طبت عقلي يتصارخ
ورن الطلقة ترن بأذني استدارت وشاغت روحي
من شفته غرگان بدمه واگع حرت بين صدره ينزف لو راسه
يجري دم دفع ريــان انــور ودخل شمرني بلا وعي على كنتور
وگعت فاتحه عيوني وايدي ترعش اريد اتلمس مكان الطلقة
رفعه ريــان وصاح وهوه فاقد
_ علاوووووووي لااااااا علي الآكبر لك لاااااا
افتح عيونك حاجيني علي حاجيني اححي وياااككك
انوووور انوووووور لك انوووور صاحبي انووور صاحبي
اخوووووي ينزززززف ساعدني وينكممممممم .
فات انــور يريد يساعده هز راسه وصاح بي
_ ما نگدر لك ثگيل وين الحرس اوگف .
ركض على درج يصيح على حرس تقربت أخذت ايده
_ علي الآكبر سويتهااا صدك شنووو افتح عينك وين
تررريد توووصل افتحهااا احجي شي خلي نتفاهم
بعدني اريد أعاتبك افتح عيونك يلة .
ريــان : سوي طريق دُر .
_ هدد ونفذ بروحه خلي يحاجيني راح يخبلني .
دخلوا اثنين من الحرس وريان وانور نزلوا
أريد اركض وياهم جسمي ماساعدني
والدم مقابيلي تارس الگاع نزلت مثل المجنونة
الجوارين بالباب يحجون ويسألون بالحرس شصاير
عبرتهم اجه انــور يركض
_ اخذني انــور اخذني .
_ فوتي جوة .
_ والله ما افوت اخذني يا مستشفى راح يروحون اخذني.
_ راح تسمعين كلام سم ارجعي .
_ مايهم بس اعرف عايش لو مات .
_ عايش بي نبض لا تعاندين ادخلي .
_ اروح وحدي .
حجيتها وركضت صعدت اجه اشر اروح على جهه الثانية
وهوه ساق السيارة ويخابر بـ ريــان عرف العنوان وصلنا
سندني ونزلني صعدت بالمصعد الدنيا تفتر بيَّ اريد بس اوگع
طلعت وشفت ريــان ايده على راسه وقميصه دم متروس
من شافني دار وجهه مني يريد يحجي سكت
_ نصحته مايجي ويحجي وياچ لان اني أعرفكم كلكم
تحجون بدون عقل تجرحون المقابل عادي عدكم ما يهم عدكم
وشكد ما يقدم الشخص زينات تمسحوها بغلط واحد من عنده
جنت استثني دُر طلعتي مثلهممممممم بالضبط نسسسسخة من امچ .
ضربة انــور على ايده ويجاوب على كلامه
_ اذا هوه على حق خلي يحجي ويبطل الغموض
تررررا مصخهاااااا هيَّ شمعرفهاااا شنووو براس صاحبك تشم ايدها .
دُر : خلي انــور خلي يحجي براحته .
ريــان : اي احجي لان اعرفه انا ادري بي مايغلط وياچ
إني مؤمن عليچ لان علي الآكبر زوجج .
مسحت دموعي ورديت بگلب محروك
_ غامض تعبني ما يحجي ماااااا يحجي شييييي .
_ لان امين هوه هذا علي الآكبر يسمععععع يساعد
اسرار عنده يابوووووو اسرار ما يحجي حتى مايضر صاحبهاااا
ابووووووج وعمامچ موووو اعدائه يعرف عليهم اسرار خاصة
اني ابنهم مايقبل يحجي بيهن مقابيلي .
_ بس اني زوجته .
_ مو كلشي ينحجي افهميها مرات اكو اشياء اذا ما نعرفها
احس دُر مرات من نستغبي حتى نعيش مرتاحين احسن والله احسن .
ضحكت بوجع وضياع وقهر وصحت بوجهه بدون تفكير
_ استغبي يعني انت تقبلها على نفسك؟
_ قابلها كاشف ، وشايف ، ومساير ، متغاضي
وانطي فررررص انطيت فرص لدرجة شهر راسي شاب دُر
لان حبيت من كل كلبي حبيت الفرق بيني وبينك هذا انتِ ما حبيتي
علي الآكبر مثل ما گال تعلقت بيَّ ما حبتني مثل حبي الها .
صرت بنصهم رفعت ايدي واشرت عليه وعلى انــور وصحت
_ وبرأيكم ليش تعلقت بي ؟ هاااا جاوبني برأيك ليش تعلقت ؟
اني اجاوبك من وررررراك انت واخووووك استنجدت بالغريب وطلع الغريب
معتبرها نقطة ضعف يكدر يستغلها وياخذ الثار بيهااا .
ريــان : غلطانين وحقچ ، بس افهمي انتِ شرف وزوجت علي الآكبر
اخذچ على سنة الله ورسولة حبچ وحق العباس حبچ ماياخذ
علي الاكبر من نسوووان ما ياخذ ثار لچ اني اني شلون
اقبلها اخلي اختي ثار بيدهم .
حاولت أجاوبه ودخل عمي والولد كلهم بظهره
ابو حسن : رررررريان علي الآكبر وين شبي ولك ابني وين ابني .
ريــان : بالعمليات عمي خفيفة ان شاء الله بقوة الله خفيفة .
جــود عبرهم ودخل على ريــان قبض على قميصه بيده
_ منوووو ضربة منوووو دخل علي الآكبر للمستشفى
عمامك منووو ابوووك اخووك منوووو احجي لك ريان احجي .
ريــان : جووود تهور ما اريد اكعد واسمع احنا كلنا نفس الحال
وخايفين وقلقانين عليَّ لا تزيدها دخيل ربك .
فاتت عمتي وسيف الدين ساندها اخذها عمي گعدها
_ وين علي الآكبر .
_ بعده بالعمليات صراخ مايفيد ادعي يطلع منها .
_ واني كل مصيبة اكبر من الثانية يفوتون بيها ولدي
وملهم يوصلون بالموت وتصيح لا تصيحين لا تحجين
تريد انتظر تصير صدك ويروح واحد منهم .
_ لا تزيديها بعدين نحجي .
_ بعدين بعدين بعدين الحد ما اخسر ولدي .
درت على انــور من تقرب يمي
_ دُر نطلع احسن .
_ اطلع قبل لا يطلع من العمليات مستحيل .
انتظرنا ساعتين وطلعوا وجهه متعوب الى درجة العدو يبجي على حالته
الدكتور : خلال اربع وعشرين ساعة نحدد وضعيته
حالياً صعبة لان المريض يعاني من مضاعفات خطيرة .
ابو حسن : مثل شنو هل مضاعفات .
الدكتور : رسلنا عينات دم ننتظرها كم ساعة وتطلع .
دُر : ريــان شنو قصده .
بس راح الدكتور ريــان اشر لجود راحوا ورا الدكتور
ما اعرف شنو يحجون وياه ويقنعون بي الظاهر اكو شي يحاولون يخفونه.
علي الآكبر ...
خمس ايام بخمس ساعات كفيلات آصحى بيهن على نفسي
وأرجع الطريقي نفسي قبل اشتاقيت الروحي القديمة
كافي فقدت نفسي بما فيه الكفاية ، خلص لا اصفي حسابات
ولا احاول ابرر الي يريدني يدورني حتى يبرر تصرفاته ويايَّ .
جنت اشوف احلامي تنهدم گدام عيني مابيدي احافظ
عليهه احل مشاكل العالم واني مشاكلي اعجز احلها
تصعب عليَّ اضعف وانكسر وارخص كافي بعد يا روحي كافي .
فتحت عيوني وحجيت بتعب مهدود
_ بوية بعدني عد كلامي اريد ارجع .
_ باجر تطلع وبيدي أوصلك بعد ما ارد كلمتك .
_ اليوم اريد اروح اليوم .
_ اشوف الدكتور وارجع .
طلع وربع ساعة ورجع هوه والدكتور كشف على جرح وجاوب
_ تگدر تروح بس ما انصح تسافر هل طريق الطويل .
علي الآكبر: ضروري دكتور ضروري .
_ بس ارتاح كُل ماتحس بالتعب .
وصف العلاج ساعدني ابوية بدلت وطلعني وهوه ساندني
وصلني للسيارة يسوق بيها بنص الطريق نمت وبراسي هوسة
تتسابق الأفكار براسي دمرتني ، گعدت على صوت عم ابوية
يحچي هوه وياه ويعاتبه لان جبرني ارجع بالايام الفاتت
سلمت عليه ونزلني ابنه بدر للبيت اخذت العلاج ورجعت نمت
وخلصت اسبوع بين اكعد اكل وارجع انام ماعندي طاقة .
بس بديت أتحسن ابوية رجع وعافني طلعت وياه
الحد ما راح واختفت السيارة لزمت صدري
مكان الجرح ومشيت للبستان كعدت على شجرة
گاطعيها من نصها صايرة مثل الكرسي
دقايق والتفتت على صوت مو غريب ابتسمت
_ فلك .
_ هلو عمو الحمدلله على سلامتك خفت عليك .
شفت الگلاص بيدها وعلى نفس ابتسامتي وجاوبتها
_ الله يسلمچ هذا شنو ؟
_ سويت الك نومي بصرة اشرب طيب والله بيدي سويتها .
اخذته منها شربت شوية راحت شالت ارنب واحت يمي
_ شلونها دُر .
_ ان شاء الله زينة .
_ شفتها ؟
_ اي .
_ حجيت وياها .
_ وياريت ما حجيت بساعة عصبية .
_ انتوا الزلم ما ادري شبيكم من تصيرون اعصاب تحجون شيش بيش .
_ شنو هاي شيش بيش .
_ اندري ابوية يحجيها اي وبعد سولفلي حباب عمو .
رجعت الگلاص واشرت بيدي الها
_ فلك شنو طلعتي ؟
_ احممم محسوبتك طلعت صيدلة مثل دُر .
_ شاطرة عفية عليچ .
عفتها ورجعت للبيت وهيَّ عبرت على بيت الثاني فاتت
ابو بدر : ها عمو علاوي دوختك فلك ؟
_ لا عمي وردة فلك .
_ طالعة على امها تحجي هواي بناتي من الأولى على امهن مو اجتماعيات.
_ الله يحفظهم الك عمي .
_ شلون صرت ؟
_ الحمدلله بلغت بدر باجر اطلع وياهم اشتغل ما اريد اكعد بالبيت .
_ اي والله عمي اريدك تبني غرف اخزن بيها المحصول .
_ تدلل عمي .
لليل رجعوا الولد سبعة اولاد ابن عم ابوية
متزوج اثنين الأولى عدها ست بنات والثانية
سبع ولد على بنية الي هيَّ فلك ، طلعت وياهم بالمزرعة
نتفق على شغل باجر وندخن نرگيلة ، رجعنا للبيت متاخرة
والثاني يوم من الفجر طلعنا على شغل اريد بس التهي اشغل تفكيري
بديت اني وبدر وتقي وحارث نبني بالغرف والباقي يشتغلون بالزرع
بلشنا من الصبح المغرب رجعنا بس غسلت بقيت بفراشي
النوم محارب عيوني كلهم اكلوا وناموا بس انا اتحرك بمكاني
طلعت برا شربت جكارة وبقيت افتر بالنص ساعة ورجعت
اختنكت فتحت تلفوني واتمنى ما دخلت شفت حساب دُر نشرت
رجعت طلعت حتى اشوفه براحتي كعدت على نفس الشجرة
فتحت التلفون شفته أيدها بيد غيري بقيت صافن بس
گلبي يلجمني بدلت على ستوري الثاني مقابيل الجامعة
مالتها ومكتوب بداية جديدة غلقت التلفون ورجعته بجيبي
ومشيت ما ادري رجلي وين تاخذني گلبي ينزف روحي رافضة
الصار وين جنت اني وياها وين وصلنا معقولة هاي دُر ..
قفلت التلفون وحلفت ما ينفتح بعد مثل قبل
خليت روحي بالشغل عيد عليهم كلهم
يوم ويومين واسبوع واسبوعين وصار شهر وشهرين
وانا بعيد عنهم كلهم لا اعرف عليهم شي ولا يعرفون شي عني .
بدر : علي الآكبر هنااا هاي الغرفة تسوي الها سقف ثانوي .
_ جيت .
ركبت نص وصحت
_ بعد وينك بدر انطيني الباقي يمعود .
جــود : تريد ابيض لو الرصاصي ؟
نزلت راسي مصدوم بالصوت يابووووووية شگد
مشتاق الصوت الخايس كمزت من الدرج وحضنته
شهگ بصوت عالي يبجي من كل حيله
_ صدك تحجي علي الآكبر لك تعوفني انا جــود تعوفني ؟
_ شلونك شلون عرفت مكاني ؟
_ شردت منهم والله صار اسبوعين افتر ادور عليك
ابوية مايقبل يگول وينك ريــان من مكان يدور واني من مكان ثاني .
طلعت برا الغرفة شغلت جكارة صبيت جاي شربت شوية وسألت
_ ريــان شبي ؟
_ يريدك غير صاحبة .
_ جــود ما اريد احد لا تنطي عنواني .
_ اول ما عرفت موجود خابرته بشرته اعذرني يعني وانجب .
رفعت ايده وغميته وصحت
_ من كووووون غمه تغمككككك غمممم يا اغم على هل مصيبة.
لزم راسه يلوب من الوجع ودفرني من الوجع
_ يا حيوووان دايخ ولك دايخ .
بعدني احجي وياه وسمعت صوت من بعيد
بدر : علي الآكبر صاحبك هناااااااا .
رفعت راسي شفت ريــان داخل المزرعة بكامل اناقته ابن الرياش
ضحكت على منظرة ولزمت عيوني دنكت راسي وضحكت
ريــان : اي اضحك العار اضحك طيح الله حظك .
وصل يمي دفرني رجلي وضربني على ظهري
_ شتحسسسسسسس ابن الـ***** عايفين شغلنا
وندور عليك ماعدنا شغل وعمل غيرك .
علي الآكبر : مجبورين انت وياه ؟
ريــان : غير مشتاقين لسوالفك الطايح حظهااااا .
علي الآكبر: امكم خلقتكم ونسيتكم ؟
ريــان : استلم ويگلي اخووووووو لا تضربة .
نزع السترة وكف ردن القميص ولزمني من ايدي لواها ورگعني
بالحايط بكل قوته يدفع بوجهي ويضرب
ريــان : اذا ما ارجع اخليك تصحى على زمانك يعاااار .
_ راسي لككككك ريــان كافي بشرفك كافي .
_ تعيدهاااااا .
دفعته برجلي وصحت بي
_ بعد عرفت مكاني ما اكدر اعيدها .
_ يعني بعدك تريد تعيدها .
جــود : بس أعصابك خليني اضربة وياك .
علي الآكبر: بشرفكم كااااافي .
ضربوني هوه وياه وشمروني على زرع
ريــان : حلفت وين ما اشوفك اضربك اطلع قهري بيك .
عدلت ملابسي واستندت على شجرة
انا ساكت واثنينهم ساكتين بالساعة
عيوني من التعب ادمع فركتها وجود قطع الصمت
_ صار شكد ما نايم ؟
_ مو هواي اسبوع قبلها عشر ايام بديت اعود روحي .
ريــان : صاير ضخم شنو تلعب حديد ؟
علي الآكبر: اشتغل هنا وبليل نروح اني وحارث نتمرن .
جــود : المكان هنا عبالك جنة .
علي الآكبر: لهاذا السبب احبة خضار وماي وحيوانات
كلشي هنا صافي حتى الناس كلهم طيبين .
رحت اكمل شغلي وبعدهم بمكانهم يحجون ويايَّ
جــود : المعنى ؟
علي الآكبر: ما ارجع مرتاح هنا .
ريــان : ترا درستك انت ما مرتاح .
علي الآكبر: ترا هاي كلمة اختك لا تعيدها هووواي .
ريــان : علي الآكبر ارجع الخاطر الله ترجع ليش عفتني بنص الطريق .
_ تعبت اسوي بالزين وأنفهم غلط .
أثنينهم سكتوا كملت الشغل واشرت الهم يجون رجعت للبيت
بي الشباب عفتهن وياهم ودخلت اسبح بدلت وطلعت اني وياهم
نفتر واشوفهم المكان بنص المزرعة كعدت وريان وجود يفترون بالمكان
جــود : شوكت ترجع يعني انطيني وقت ؟
علي الآكبر: ما ارجع .
ريــان : اذا ما ترجع طلگها .
_ ما اطلك تعذرني بهاي .
ريــان : وين علي الآكبر الي محد يعرفه وبخافون منه وينك ؟
_ تعب الانسان عنده طاقة واني طاقتي خلصت .
جــود : والحل ؟
_ ترجعون ، اشتغلوا شوفوا حياتكم لا تفكرون بيَّ انا مرتاح .
جود رفض كلامي رفض قطعي لزمني من التيشيرت وصاح
_ بس اريدك ومتعود عليك ويايَّ انا ضعيف بدونك علي الآكبر .
كعدن_ تتعود .
_ نرجع اني وياك مثل قبل مشروعنا شغلنا ضحكنا والسوالف
واذا احد يحتاجنا نساعده لا تتغير انا قوي بيك والله قوي بيك .
_ جــود تزوج عيش حياتك بطلنا وكبرنا كافي .
راح جــود بدون ما يزيد بالكلام وريان مكسور الخاطر رجع
بدون ما ياخذون مني جواب رجعت للبيت تعبان بس مرتاح شفتهم
بليلتها نمت ساعتين بدون انقطاع ومن ثاني يوم رجعت للشغل .
يومين وابوية اجه يشوفني حضني وگعدت بي انا وياه
_ صفيت عقلك .
_ عقلي فحطان .
_ ما ناوي ترجع وترجع دُر .
_ لاا اكيد لاا والف لااا .
صفكت ايدي بالثانية حتى أنظفها
_ انا من البداية أمنتها عندك ليش تكسر البنية لك ابني .
_ بوية تتعذب من تجي يمي يحيرون شلون يخبلون بيها
وهيَّ كرهتني واول الناس تلومهم اني انسى ما اريد اكمل .
_ ليش تجذب مبين مهدد ، بغلاتها عندك تحجي شصاير .
_ ما تحجي ابد بوية اذا احجي الك الي عرفته ما تحجي ؟
_ ابد وروح ابوية .
_ ام دُر هيَّ السبب بـ الصار بدُر اخر فترة الدجاجة والدم
والخوف وشعرها وووووو كلها امها السبب .
فتح عيونه واشر بعيد
_ وميثاق .
_ من سافرت دُر امها سمعت بميثاق وعرفتها تكره دُر
من رجعنا رايحه ومتفقه وياها ودافعه الها فلوس ملايين ملايين حتى
تخليها تكره البيت وتكرهني وتشك بالكل حتى تشرد .
_ وشني غايتها شني تستفاد ؟
_ وفاء آستغفر الله من ذنبها بس غيرانه من ام يسار
ومن شافتهم مرتاحين بحياتهم ذبت سمها عليهم
خلت ابو يسار يشك بـ ام يسار وهذا خاينها ويضربها
واكو هواي امور ما اكدر حتى اذكرها بوية صعبة
اتهم أعراض العالم بدون ما اتأكد ، المهم ام يسار انتحرت
ويسار عنده تسجيلات وفديوات على وفاء ما اعرف شنو نوعها
بس وفاء راح تموت وترضي يسار ويسار ما يرضى بغير دُر .
نهض ابوية من مكانه دايخ بهل مصايب عائلة كلهم مستنقع وحل
ابو حسن : وانت اذا تنفصل على دُر وفاء تقنعها بـ يسار .
علي الآكبر: وانا هنا صرت بين نارين بوية اذا احجي الدُر
امها السبب بكل الصار شيصير بيها يمكن تموت والله
راسها والتهاب، لو الحيوانات الميتة ، لو القزم الي طلع ابن اخوي
لو الدم لو الشك والقلق والخوف الي عاشت بي ، بوية اجرام هذا
ام تبهذل بتها حتى تغطي على روحها مصيبة عظيمة
شنو موقفها من تعرف امها السبب اني بنيتي واعرفها شكد
امها اذتها بس تحبها وتشتاق تشوفها وتحضنها وعدها امل بيها .
دك تلفونه سد الخط وكمل ويايَّ
_ شلون عرفت كل هذا ، زين انت حملت نفسك الذنب
وخليتهااا هيج وانت تعذب بنفسك هنااا لك ليششش .
_ خابرتني ميثاق ورحت اشوفها قبل لا اشوف
دُر بكربلاء وحجيت وياها وسولفت مصايب تشيب الراس بوية
تتصور رادت تخلي دُر تطلع حتى تاخذها البيت ودخل واحد عليهه
حتى تصورها وتخليني اكرها واضربها تريد دُر تكرهني بكل وسيلة
يعني اذا دُر تظل ويايَّ راح يخلوها بتهلكه .
صار بصفي وضرب على رجلي
_ وانت حققت مبتغاها رحت كسرت البنية بكلامك
حتى ترجع الوفاء تلعب بعقلها وتخليها ترجع اليسار .
_ بوية اني ما أخطي خطوة بحياتي اذا ما ادرسها دراسة كاملة بعقلي
فما بالك الموضوع يخص روحه العلي الآكبر .
ما استوعب كلامي وداخ يفر براسة يريد يستوعب كمية القرف
_ بس فهمني ليش عفتها لك راح اضربك .
_ اذا اتهم امها واجيب ميثاق تحجي الها دُر بنيتي واعرفها
تجذبني تگول جبرها وميثاق ما عدها ولا ربع دليل على وفاء
هل وفاء ذكية بوية من بيت الرياش وتعرفهم بعد بالخبث أساتذة
يدرسون الشياطين .
شغل جكارة اخذت وحدة ضرب ايدي
_ اي عفية اشرب مقابيل ابوك .
_ من ضيمي بوية .
_ حقك ، عفتك كل الفترة الفاتت تفكر هسة لازم اعرف شنو براسك
دُر انا خايف بس عليهه صح اخوانها يمها بس خطر وضعها .
_ بوية دُر خط احمر بحياتي مأمن عليهه بنفس الوقت
ما اكدر اجبر انسانة ماعدها ثقة بيَّ تعيش ويايَّ ترا صعبة
انا وياها بيت وتخاف مني ولو احجي منا السنة ثقة بيَّ ماعدها
ليششش ما ادري يعني هيَّ معقولة ما تشوف خوفي وحرصي عليهه
زين حبي الها وحناني اهتمامي ليش ما تتذكرهن مكسور گلبي منها
والله يا بوية مكسور گلبي .
_ ماتخاف عليهه ؟
_ أمنتها عند الصياد والمدگدگ صاير زلمة مايخلي يسار يقترب منها .
_ وامها ؟
_ اصبر مشتغل امها على بارد اكشفها والزم اوراقها واقدمها
صوت وصورة بالدليل القاطع الدُر حتى ما تجذبني .
_ جربت تحجي وياها وجذبت كلامك .
_ بكل كلمة احجيها تگول جذاب وهذا ثار ووووو هل كلام
وانا اخذ الثار من روحي وما اخذه منهااا خبلتني والله
ما تحبني بوية لان لو تحبني تجذب الكل وتصدك كلامي
لو تحبني تجاهل وتتغاضى مثلي اني اسامحها هواي
انا ما اغلط وياها بس ما تسامحني احس انا ابد مو مهم عدها ابد
بس كلها هذا اني المهم عندي هيَّ مرتاحة وبخير
اشوفها زينة تنشر وتطلع خليني اني افضحهم واني بعيد
وخليها هيَّ عايشة بعيدة ومرتاحة مني الى ان اقرر ارجع
وكلشي بالدليل القاطع عندي .
_ انتظر اشوف شلون يرجع علي الآكبر ابني الصنديد الأسكندر .
طفيت الجگارة وشغلت الثانية وكملت كلامي
علي الآكبر: وثارك وياهم .
ابو حسن : ثاري انا وعمهم الجبير مو وياهم وما اقبل
بغير حقي كامل يرجع منهم دم اخذه من عيونه
انا ابن عشاير وجنوبي اذا الثار صار براسي مايبرد بس بالدم .
_ بس مثل ما وعدتني ولد يوسف استثناء من ثارك .
_ ريــان من زمان معتبره حالة حال ولدي ودُر انا الوحيد
شاهد على عذابها من اهلها انا الي احميها بروحي وانا
خليتها براسك حتى تحبها وتتزوجها وكفت وياك ضدهم
وتحملت مصايبهم حتى تصير بحمايتك لان انت رعبتهم حدتهم حوود .
بعد اتفاقات وكلام طويل بيني وبين ابوية عافنا ورجع ثاني يوم
خمس ايام وبنص التعب التفتت على صوت مو غريب بس ما توقع اشوفه
يوسف : النسيب طلع يشتغل هنا .
_ حتى هنا يوووسف حتى هنااا .
يوسف : وراك وراك ماتخلص دام دخلت روحك من البداية .
_ شكو ؟
_ أريدك بموضوع على انفراد .
_ چا بعد وين اخذك ارض الله هاي شكبررررهاااا منو يسمع احجي .
_ ماكو ضيافة جيت من طريق بعيد .
اشرت اله بيدي ومشيت وهوه يمشي ورايَّ .
كعدت على تخم برا صاير وصبيت جاي قدمت اله گلاص
_ شصاير ؟
_ زمان ما بينت شنو عبالي متت .
_ اختصر ؟
_ عندي اتفاق وياك وهل مرة خلي كل الثار
على صفحة ونتفق اتفاق جديد .
_ ماعندي اتفاق وياكم .
_ ياسين هل فترة ويطلع
طلع نفسه من القضية ولبسها الولده واخر مرة زرته بيها
هددني بس يطلع مثل ما ولدي كشفوا اوراقه وبسببهم
صار بالسجون واولاده ضاعوا يضيع ولدي اثنينهم .
_ ولدك مو صغار لا تخاف عليهم .
_ ودُر ؟
_ دُر من تصير ويايَّ يتعبوها وانا مايهون عليَّ تعبها .
_ وهنا مقصد كلامي اسمعني وافتهم وقرر توافق او لا .
_ اسمعك .
حُــرة ..
استلمت شهادتي ورجعت صعدت رجعني ابو الخط للبيت
رنيم شافتني رادت تسحبها من ايدي دفعتها وصعدت
قفلت باب غرفتي كعدت ورا الباب وخليتها بحضني
نزلت دموعي عليهه وشمرتها بعيد ضربت على وجهي
متت شكد اكررره نفسي يكلشي فشلت ماكو شي ادخل
بي اذا ما اطّلع خايبه تعبت من روحي تعبت .
شكد حاولت ادرس واجاوب ومانجحت
شمرت الباروكة من شعري ونمت على سرير
شعري طلع واني تعودت على باروكة
نمت بقهري وكسر خاطري بنفس ملابسي
فزيت على صوت صراخ رنيم تصيح بصف الباب
_ اني اشوفهااااا انت انزل لووو بعد ماتتحمل لازم تشوفها .
_ رنيم واصله ويايَّ لهناااااا قسماً عظماً هسة اتصرف
تصررررفات وياچ اخليچ شهرررر مصكوكة .
نزلت وهيَّ ادردم وتغلط دك الباب اريد اروح افتحه
جسمي جامد ما احس بي من التشنج
ريــان : ادري بيج كاعدة مو معقولة نايمة على هل صباح افتحي
البااااب شبيج راجعة تبجين ابووو الخط خابرني افتحي المهجوم .
حُــرة : ريــان جسمي .
_ شبي .
_ ما احس بي شبيك .
نزل ودقايق ورجع صعد دفر الباب خمس دفرات تفلش من الوسط
لزم ايدي شافها متصلبة وصل التشنج الرجلي اليسار وظهري ماحس بي
رفعني ورفع المخدة نومني واني گاعدة وراح فتح الكنتور
_ لا تفتح كنتووووري شنوووو خصوصياتي شبيك .
_ اطلع ملابس نروح للمستشفى .
_ سد الكنتور اخذني هيج .
_ الساعة بـ1 بليل وبملابس المدرسة موو عيب ؟
_ عندي مو عيب .
_ هااا عدها مووو عيب .
_ بطلت ما اروح .
تقرب مني وضربني راشدي خفيف
ريــان : استغل الفرصة دام ما تگدرين تگمزين ؟
حُــرة : بشنو تستغل الفرصة ؟
ريــان : افكر .
حُــرة : غير من افك من التشنج اخليك تفتر بالشوارع حالك حال
مخبل ضايع استر على روحك عيوني استر على نفسك .
رجع ضربني وجر خشمي وشالني
_ هواي تصير وياچ ؟
_ بس من ابجي وانام .
_ ليش تبجين وتنامين ابوج مات .
_ ياريت والله هنا اضحك وانام واموت من الفرح .
فزيت على صوت رنيم تضرب على محجر هوه تعداها وطلعني
رنيم : مو احجي وياك شايلها وين رايح .
ريــان : ماتشوفين حالها .
_ لااا والله ما اشوف شبيهاااااا فهمني بلا زحمة مخليها
على گلبك ورايح بيها وين لازم البيت بعد مايتحمل حُبكم .
حُــرة: شلون تخليني اشمر روحي عليهه الغبية
يا حب اني احب هذا الابيض اني ما احب ذو البشرة البيضاء
لا تخافين احب الرجال ذو البشرة السمراء .
ريــان : بعد الله شيسوي بيچ شل جسمج لو شال
هل لسان وخلصني فد نوب .
صعدني بالسيارة وراحت تريد تبدل عافها وطلعنا
وصلنا على مستشفى دخلني على دكتور اختصاص
حولني تحاليل واجراءات صحية كاملة عن اسباب الشلل
كتب علاج وطلعت ماقبلت ادخل طوارئ بس شكل المغذي
اخذته وطلعت شكله بالسيارة وكفني على جسر مقابيلي نهر
جاري دنيا ليل ناس قليلة الهوا عالي والنور خافت
نزل وفتح الباب مالتي وابتعد راح وكف بعيد مستند على جسر
_ شبيچ ؟
_ طلعت بدرسين وباقي درجاتي الناجحة بيهن زفت .
_ زين بس بدرسين على مشاكل الي تصير بحياتنا .
_ ها ؟
_ طالب السادس اعدادي يحتاج اجواء وراحة نفسية
انتِ من يوم بلشتي دراسة مشكلة اكبر من مشكلة تصير وياج .
_ اي صح عفية انت شاهد بعد .
_ اي اني شاهد .
_ يعني تخليني اعيد السنة ؟
_ اذا تحبين ليش لا ..
_ بس رنيم قبل لا اطلع گالت على اساس
انتَ گلت اذا تطلع بواحد تنسى المدرسة .
_ رنيم گالت مو اني يعني اذا تحد يجي يگول حُــرة تحجي عليك
يصير اصدك مو المفروض أسأل أتأكد ؟
_ صدكهم اذا يگولون حُــرة تحجي عليك الگال ما جذب .
_ لعنة الله على ياسين .
_ واهله كلهم والعشيرة وانت وياهم .
اجه يمشي سريع من الخوف ايدي تحركت رفعتها على راسي
_ اكلك اسمععع اسمعععع هذا انــور ..
لزم ايدي حركاها وشمرها
_ رجعت تتحرك واني راح انجلط منها .
_ هذا انــور اخوك غير اني ما احجي خليني ساكته .
_ شبي صخام حاجيني .
_ لا مو هذا سر عيب ينحجي تعرف البيوت اسرار .
_ انــور هو گال سر .
_ قابل اخوك خبل يخلي سر يمي .
_ مو اگول .
_ لا بس سمعت وعرفت الموضوع سري .
_ وانتِ راح تخلين الموضوع سري مري .
ضربت على صدره واني اضحك باوع على مكان الضربة
ورافع طرف شفته ما عاجبه زوج الخايسة
_ احجي لااااااااا تسكتين .
_ اني مريضة مايصير تصيح بوجهي .
_ اوكي احجي .
_ اوكي شنو .
_ تحجين لا اهف وجهج براشدي اگعد ملامحچ وزن .
_ برتقال مو ملامح .
_ ربي اني شسوووويت بحياتي وتعاقبني بهل بنية .
_ زوجني وخلص مني انصحك .
_ طالبة زواج ست حررررررررة .
ضربت على خدي بس ايدي ثگيلة اشرت على عقلي وملت راسي
_ يماااااااااا اقصد طلگني وخلص مني هذا عقلي هم متشنج يمكن .
مآل راسه على ميال راسي بدون ما يدري بنفسه
_ ما ناقصني قهر يا حُــرة فكررررري قبل لا تحجين .
_ ما أوعدك اعذرني اني بس الساني صعب اسيطر عليَّ طالع عن الطريق .
_ وعلي وعلي وعلي انهي نهي من العرگ اقلعه .
لميت شفايفي للداخل اخفي ضحكتي هوه افتهم اني تذكرت
موقفة من لزم إلسانه وقلدني ضرب الباب وابتعد يشرب جگارة .
عدلت المغذي وطلعت رجلي برا السيارة
غيرت الموضوع قررت ما افضح انور
_ صدك ابوية راح يطلع من السجن .
_ اممممم .
_ شوكت ؟
_ هل يومين اشتره نفسة وباع اخوانج .
_ متأكده مايسكت راح يدمرني والله ويدمرك .
_ لا تخافين وآني وياج راح أغير مكانج هل فترة لان بيتي صار خطر .
_ ورنيم تجي ؟
_ امممم طبعاً .
_ لا ما اروح .
_ مو بكيفچ .
رجعنا للبيت عفتهم وصعدت ورجعت ما اشوفه لان ما انزل بس اسمع
صوتهم مرات يتعاركون ومرات يحجون طبيعي مر كم يوم
ودخل انــور يخوزر ويفر بيده من شافني اكوي بشعري
_ شعرتين مو مال كوي زعطوطة .
_ شرّعاً حرام تتنمر على شعري .
دخل جنط كبار اثنين وشمرها بالغرفة
_ لملمي ملابسج المهمة وانزلي راح نطلع من البيت
بس هل جنطتين غيرهن ما اخذ .
لميت كُلشي مهم عندي وعفتها للغرفة ونزلت طفرت من ثالث
درجة طلع ريــان وانور بوجهي فاتحين عيونهم
_ ابو الررررون البيت الجديد حلوو لا .
ريــان : حُــرة عيدي بعد هاي الحركة وشوفي شيصير بيچ .
طلعت رنيم من غرفتها بيدها جنطة انــور سحبني
من ايدي صرت بين انــور وبين ريــان واحدهم عملاق
_ زوّجتك الاولى الها سويت كامل زوجتك الثانية
اشمرها فوك بالغرفة الصغيرة .
حُــرة : كلام ابن عمي صحيح رنيم تنام بالمطبخ اذا ماكو غرفة
واني اخذ احلى واكبر غرفة بالبيت واخذ ريان وياها هههههههه .
سحبني ريــان من ايدي وفر وجهي على أستقبال
_ مو اخذج هناك وتصيرين فارة بيدي تكمز تخاف تنصاد .
رنيم : عوفها هل طفلة ماتعرف تحجي .
حُــرة : انجبي الخايسة اني طفلة .
رنيم : اي هوه ريــان بذات نفسة
كُل مايحجي يگول طفلة لا تاخذون بكلامها .
انــور : لااااا تجذبين هسة من نزلت گال
ولك انــور هاي غير طفلة اطگ بالگاع .
درت وجهي ورفعت اصبعي بوجهه فيت هوه عيونه صارت على اصبعي
حُــرة : صدككككككككككككككك ؟
ضربني انــور على راسي وسحبني من اصبعي للسيارة
وصياح رنيم هز البيت شغل السيارة ويضحك
وعافهم يجون ورانا النص الطريق وهمست
_ ليش تكرها والله يعني مرات انقهر عليهه .
_ لا تنقهرين على رنيم لان حتى ريــان بطل ينقهر عليها .
_ ليش ؟
_ لان ، سدي الموضوع بعدين كلشي ينكشف .
_ متفقة وياهم مو اتفقت هيَّ وبيت الرياش .
_ اذا يدري ريــان يذبحني على قبلة .
_ لا تخاف سرك بير غميق .
_ عفية هيج اريدج حتى اساعدج .
_ لا تدلل من هل ناحية نام مطمئن .
وصلنا مقابيل بيت كبير نزلت راسي بعدم تصديق
ونزلت صحت والباب ينفتح
_ يااا ياااا شنووو هاي اجيت تاخذ دُر شنو ؟
_ لا تعالي يلة .
_ يعني شنو تعالي .
وكفت سيارة ريــان رحت اركض اضرب على جام السيارة
_ شنووو هاي ريــان .
فتح الباب دفعني بي لزمت بطني وبلا قصد ضربته لان ضربني
رفعني من التيشيرت وبعد هيج شووووية ويرفعني ويمشي سريع
_ بس خليني افتهم ياااا ياااااا امداكم ولك عيني بس انتظروا .
اخذني انــور ودخلني للبيت ورنيم بقت بالسيارة دخلوا
الحارس الجنط هوه وريان وهيَّ نزلت دخلنا عليهم انزال
وفاء كاعدة بنص الصالة هيَّ وصديقاتها الفايخات
صفكت بيدها وكفت تصبح
_ نعمممم نعممم وين داخلين هي وانت
وين رايح انت وهاي الزبالة رنيم .
انــور : بهاي صادقة امي المفروض يجي بس هوه وبنت عمة .
حُــرة : اسكت انتَ المدگدگ .
لزم ريــان ايد رنيم وواشر على امه وصديقاتها
_ انتِ وهل مجموعة القذره شكوووو هنااا .
وفاء : ريــان احتررررم صديقاتي انت بيتي .
دخل يسار وابو ويوسف على صوتنا نزلت دُر مبين نايمة
ريــان : كلهااااا تطلعععع برا يلة هسة كلكم تطلعون البيت بيتي .
ابو يسار : نعممممممم .
طلع ريــان ورقة وشمرها بوجههم كُلهم وصاح
_ اقراهااا البيت هذا صار بيتي واني لان تعرف برا الوالدين
يگولون مهممممممم راح اعوف امي وابوية عايشين ويايَّ بي من اليووووم .
ركضت وفاء على عمي يوسف تهز بيده
_ صح هذا الكلام هاااا صحيح حاجيني ليش ساكت البيت مو بـ
اسمك وعدتني يتسجل بـ اسمي .
دفع ايدها وهوه صاعد جاوبها
_ صحيح البيت صار بيت ريــان وبيتي الثاني
صار بـ اسم انــور والعمارة خليتها بـ اسم دُر
عاجبكم براحتكم ما عاجبكم الباب يفوووت جمل وفيل .
ركضت وراه وصديقاتها طلعن يتبسبسن
وهيَّ بعد ماتشوف تحد تصيح بعلو صوتها
_ واني شنووو اني هنااااا حاجيني احجي وياك
ليشششش هيج سويت بيَّ .
ريــان : يلة صعدوا الجنط وانتِ رنيم تعالي ورايَّ .
نزلت دُر مصدومة تتصفن بالوجوه
حُــرة : هاي عود صدك يحجي ابوية راح يطلع جابني هنااا يريد يموتني ؟
انــور : ابقي مصدومة واني اروح اشوف حل البيت صفوان .
صعدت اختاريت غرفة صغيرة مقابيل غرفة دُر
ودخلنا الجنط اني ودُر وصفية نرتب بالملابس
وساكتين مانعرف شلون نعبر من فعلت ريــان
بعدين وعيت على نفسي وحضنت دُر وهيَّ تشتغل
_ مشتاقة اشوفچ بذاته انتِ .
دُر : مو بذاته بس عاجبتني الوحدة مرتاحة ببها .
حُــرة : طلعت حلوة ؟
دُر : كلشششش حلوووة والله .
دخلت صفية صينية اكل كعدت ويايَّ شغلت فلم
ناكل ونشوف بس عقلنا مو صافي ابد مو صافي
النص اليل ورنيم هرجت البيت بصوتها
_ تلفووووني يمي ريــان حالي حالكم
مووو هاي اختك وحرة عدهم اخذ تلفوناتهن واني انطيك تلفوني .
اسمع صوتها بس ما اسمع صوت ريــان لان هوه يكره
يحجي بصوت عالي ويكره الي يعلي صوته من يريد ينفجر
يهز البيت هز بصوته بس بهل وقت صابر ومتحمل
بالنص ساعة ورنيم ما سكتت وكُل دقيقة تهدد بي تعوف
البيت وترجع تعيش بيت امها ونفسي اعرف ريــان
شنو يجاوبها لان بكُل سكوت بعده انفجار منها حتى لطم تلطم .
فات انــور عليّنا متعجب من صوتها
_ هاي شبيها .
دُر : ريــان ما ادري شبي وياها يريد تلفونها .
_ ها اذا هيج زين .
طلعت شفتها وصلت النص الدرج وريان هوه داخل الغرفة
طلعت مديت راسي اني ودُر كاعد ورجل على رجل يشرب
جكارة واشر الها وهوه يحجي بنفس البرود
_ دقيقة ستين ثانية يا رنيم اذا التلفون ماصار
على ميز هنا بصفي ارمي يمي الطلاق واني بكامل قواي العقلية .
رنيم : حسبي الله ونعم الوكيل زززززين لوووو لااااا .
باوعت عليهه هي بيضة گطن وجهه صاير احمر دم من البجي
وايدها ترجف بعدها محتشمة بحيث بس ايدها ورجلها مبينات
شغل ريــان العداد بالتلفون دقيقة وحدة راحت دُر دفعتها
دُر : روووحي شبيج لچ يسويهاا والله اسمعي الكلام
يومين ويقتنع ويرجع التلفون امشي .
اشرت على تلفون بيدي وصاحت
_ خلي ياخذ تلفونهاا واني اسلم تلفوني
_ ررراح يخلص الوقت لج اركضي .
حُــرة : انتِ هيووووو كل سالفة ودخليني بالنص شبيچ .
رنيم : موووت ياخذج حقيرة كُله منچ والله حتى بديت
اضوج منه بسببج يركض بينا من مكان لمكان يحمي بيچ
خايف على ست الحسن والدلال .
رن المنبة وخلص العداد يريد يحجي رجعت تركض
وهوه يريد يحجي سدت شفته وخلت التلفون على ميز
وكعدت تبجي بعلو صوتها
ريــان : لهل درجة التلفون مهم ؟ تبجين وتلطمين على تلفون ؟
وتدعين علمووووووود نعاااااااال ؟
انــور : بعد بيمن تخابرررر ماما انگطع عليهن الماي والكهرباء .
همست بصوت ناصي وانور بصفي
_ بعد بيمن توصل اخبار البيت الرياش عيني .
انــور سمعني لو تخبل دفعني الداخل الغرفة وسد شفتي بكل قوته
دفعته وريان دفع الباب وفات سحب ايده مني
_ شبيك فوتتها خايف ؟
_ كلشي ماكو تجفص غلطت عليك .
حُــرة : جذاب اكبر جذاب انــور .
ريــان : شنوووو الحقيقة حُــرة احجي اسمعععع .
وانور يعض بيده ويأشر على رگبته يذبحني بلعت ريگي وهمست
حُــرة : گلت دوخني الخايس هوه ومرته .
ريــان : جذابة بنت الخايسسسسس جذابة .
حُــرة : الكذب حرام شرعاً وصلاة امي وابوية احجي صدك .
سحبه انــور خايف لا اجفص بس ابد ما دخلت بعقله
ويهز براسه بعمي صبري ضحكت وكعدت على سرير
_ راح انشل من الخوف .
ريــان : بهل لسان كووووون الشلل .
حُــرة : مو أطوله عليك والله روح لزوجتك الخايسة العب عليهه .
اخذه انــور يدفع بي رجعه للغرفة مالته ورجع عليه
قفل الباب وهي دُر عدها برود صاير خلتني اريد الزمها
واخبزها خبز والله ذبني على تخم واخذ السجين من الماعون
_ بهاااااااي اگص السانچ والله والقررررران بسسسس تحجين .
طلعت الساني وجريته
_ مااااااا ينگص لاااااا تخبصني انت واخووووووك .
خنزر واني طلعت الساني صحت
_ جررررب جرررب مثل اخوك وتعرررف كلامي صحيح
سبحان الله من الله هيج السان ما ينجر الف الحمدلله.
انــور : اخوية مجرب ؟
حُــرة : اي هههههههه جر السانه عباله ما شفت خطية
وعرف كلامي مو حذب انت هم جرب عليك القران جرب .
انــور : حرررررررررررة .
حُــرة : بداعت شهد جرب .
انــور : دُر سكتيها مني لا اجرم بيهااااا .
ريــان : وقز القطططططط شبيكممممم .
رحت بصف ريــان واحلف بي
_ بداعت مرتك الخايسة احجي صدك انت مو جربت
جريت لسانك مثل ما علمتك السان ينجر .
بهتت وانور يهز بيده ويصيح
_ جاوبهااااا يالززززين يالصياد يالحوووك ياااا ما تصاد جاوبهاا .
ريــان : تجذب عليك لك شبيك .
حُــرة : اني اجذب ؟ بالسيارة شبيك من جريت لسانك .
ريــان : تعبت منها .
انــور : طگهاااا بوووسة عمي على اقل الواحد يتحملهاااا
الخاطر البووووسة خوومااا مغثه على فاضي .
طفرت بصف دُر وهمست واني ارجف
_ شبيكم اضحك وياكم ما عدكم واحد يضحك اعصابكم
اصلا السان ينجر وينسخب وينگطع واني
هاااااا كدامكم ابلع لساني بعد للابد.
ريــان : والله اذا اسمعععع صوتچ تباتين بيت الهاسكي برا .
سديت شفايفي وسويت علامة الخياط طلع هو وانور
خليت دُر تنام يمي من الخوف لا يرجعون يعاقبوني .
الثاني يوم حسيت بيها كعدت وطلعت بقيت اشوف تلفوني
مليت ماكو شي جديد رحت اغسل وجهي وشفتها مبدلة
وطالعة والكعب صوته يرن رن بالبيت وعطرها اخذ كلبي
_ الله طالعة حلوة وين رايحة ؟
_ اشوف جامعتي .
_ حبابة اروح وياج اشوفها عادي .
_ اي عادي انتظرج جوة بدلي وتعالي .
هيَّ نزلتي واني ركضت للحمام بدلت ورجعت للغرفة
اخذت ملابس بدلت على سريع وما ادري ليش شكلت
بالباروكة خليتها على راسي رتبتها وكويتها شلون ما كان
ونزلت سمعت عمي يوسف يحجي هوه ودُر بصوت واضح
_ خليت سايق وحارس بنفس الوقت تروحين وترجعين
وياه ياسين طلع وناوي على شر عليج انتِ واخوانج
الغي فكرة السيارة هل فترة ولا تتحركين بدون علم الحارس .
_ اني هل سوالف اكرها والله استحي من الجامعة
يبقون ينتقدون وعبالهم اني افخفخ عليهم مايعرفون مجبورة .
_ حياتچ اهم لو العالم ؟
نزلت ما سلمت عليَّ اتذكر من جبروني اتزوج ريــان
وهوه جان حاضر وعادي عنده ، طلعت وياها عدلت جنطتها
والأوراق وفتحت الباب هيَّ طلعت وشافت علي الآكبر
لابس رسمي من طلعت فتح باب السيارة
دُر : علي الآكبر ؟
سكت ما جاوبها ضحكت
_ لو جايبين ياسين سايق وحارس احسن منك .
يتبع ...
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..