_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
وعودتني شما يچيس الخوف
گلبي دكلي احبـڪ واطمئن !
لطفا لا تنسون التصويت والتفاعل بين الفقرات
⊰ حُــرة ⊱
ضحكت ورجعت انتظرت دُر من تصعد باركت الها ورجعت لبيتها
دقايق وفات انــور عليَّ اعصاب وبيده تلفون فر الشاشة عليَّ وصاح
_ هاي انتِ ؟
شفت الصورة اكثر صورة جنت خايفة منها وتعذبت بسببها
ردت اخذ التلفون سحبه ورفعه لزمني من ايدي شمرني على حايط
_ انتِ هااااااااااي انتِ .
_ اي .
_ زانية ؟
فريت راسي ورافعه ايدي اخاف منه لووو ريــان ولاااا انورررر
لمحت رنيم بيدها تلفون من برا الغرفة صورت على سريع صرخت
_ مبرررررررروك اختياركم مضبووووط تعرفون منووو تختارون .
انــور : حقه ابوچ يريد يموووووتچ طلع حقه واحنا مخلي بالسجن .
استدار بكل جسمه قفل الباب ورفع الكرسي
حيل بعد ما عندي بطني لوتني والخوف ملامحه احتلت وجهي
حُــرة : اني مو زانية والله العظيم هاي الصورة بيها قصة .
_ هاااااي الصورة وراها طمممممم عااااااار .
عصرت ايدي وهوَّ يسحبني حيل جر شعري وصاح
_ گلبي لعب منچ عرررررفت والله عررررفت ياسين
ما وراه زين بنت ياسين لازم تطفح قذارتچ .
وگعت دموعي واهز براسي وعيني على باب ادري بي بالبيت
ويسمع ، جريت النفس بصعوبة اريد احجي اختنكت خنك
_ اني شريفة والقران ماغلطت .
_ وهاي الصوووورة شنووووو .
_ وراهاااا قصة ما اغلط هيج اني والله اخاف الله والله .
_ متزوجج تزوجتي عقد عليچ كلهن لاااااا لااااااا يعني زانية .
لزمني من فكي دفعني على كنتور انخسف بيَّ
صرخت بوجع ظهري نطرررر بدفعته
_ من يووووم سمعت كلامچ انتِ ودُر دورت وراج دووووورت
مثل ما سويت برنيم سويت وياج طلعتي انعل منهاااااا
تلعبن على اخوية ا**** بنات الـ*** .
_ اقسم الك قسم ما لعبت على احد ، بيش تريد احلف .
طلعني من الكنتور شمرني على حايط وصرخ
_ احجي اسمععععع احجي راح ادمرررررچ ارجعچ للشلل بنت الـ** .
_ ما اكدر احجي بس وين ريــان ريااااااااااااان وين ؟
_ شال ايده واذا عبالچ يخلصچ غلطانة ، وصلت اله وشاف
كلشي وقبلي وراد يسمع الحقيقة منچ وانتِ خشخشتي لنفسچ .
_ خفت اني مو اخشخش لو اتقصد اخدع احد .
رفع ايده يأشر بيهاا بلعبان نفس لعبانه روحه مني يحاجيني برخص
_ دخلتي حياة ريــان بلبسه وحال المشردات حالتچ
ساعدچ وصرتي زوجته على اساس يصير براسچ خير
ما تستاهلين لچ انتِ حتى ما تسوين نلوث ايدنا بدمچ .
فتح الباب وهو يرفع تلفونه يخابر ويغلط ويهدد
_ تعالوا اخذوا اختكم وغسلوووووا عارها يا خنيث .
اريد اطلع دفعني بالغرفة رفعت ايدي اصرخ على رنيم
_ انتِ كله منچ انتِ كل فترة مرضي عفتوني من رجعت
تزلزلت الارض من جواكم وضربتوا عصفورين بحجر انتِ بلغتيهم برجعتي .
رنيم : بالأخير كل واحد من عدنا ياخذ استحقاقه.
حُــرة : انتِ حامل لچ اتقي الله اني بنية مثلچ وراح يمووووتوني .
شمرني انــور حيل بالغرفة واني اتعارك معارك وياهم
_ وين ريااااااان رررررريان تعال حباب .
رنيم : يسمع بس مايعترف بيچ بعد صرتي نكرة بالقائمة السوداء .
_ شسويت وياچ شهل حقد حاقدة عليَّ ليششششش .
_ بنت ياسين الج عين وتحجين .
دفعها انــور وكمل مكالماته بس سد الخط ضربت وجهي وصرخت
_ ما اريد اروووووح ما اروحححح وياهم يموووتوني .
لزمت شعري اعدل بي واتلمس بيدي وكملت واني احجي بخبال
_ يزينون شعررررري انووووور يخلوني بلااااا شعررر من جديد .
اريد اطلع بس اريد اطلع اروح لريان توسلت بي
_ يضربوني اذا اروح يضربوووني هسة رجعت امشي تعبانة اني تعبانة .
عبرت انــور دفعتني رنيم بكل حيلها
_ بس احجي ويااااااااه ريااااااان الله يخليك ريــان لا تخليهم ياخذوني .
ابتسمت وانور نزلني من ايدي جوة واسمعها تصيح ورايَّ
_ وصل جواب ريــان بعد عوفي الوهم .
جريت ايدي من انــور خايفة منه بس ما اكدر اسكت
_ خلصت السفرة اذكرچ لريان حتى يرجع يحبچ
انقهرت عليچ خليت نفسي بمكانچ بس طلعتي حيووووانه ما تستاهلين
راح اندمچ والله تندمين يا حقيررررررة .
رنيم : حاولي تعيشين وبعدين ندميني .
_ اعيششششش اذا الله كاتب الي عمررر اعيشششش
موووو تگولون بزر ياسين خبيث والله اصيرررررر خبيثة بعد والله
من اليووووووم اني حررررررة بنت ياسين .
طفرت من ايد انــور أستصعبت موقفي دفعت رنيم
ودخلت للغرفة اخذت تلفوني ضغطت على رقم دُر ارجف
_ دُرررررر يريدون يرجعووووني لأبوية تعرررفين انتِ
تعرفين اهلي شنوووو ماعدهم رحمة يموتوني دُر خلصيني فدوة خلصيني .
سحب انــور التلفون يحجي وياها طلعت من الغرفة
ضربتني رنيم بس مجرد ما حاولت اقترب من غرفتها
صحت بهضم وقهر ، بضعف وخوف ، بحيرة وعتب
_ رياااااان مو تگول احبچ شلون تكسرررررر كلبي هيچ
تخليني احرك بروووووحي ريــان ، اطلع بس اطلع حاجيني .
رفعت رنيم ايدها ليفوك تأشر بمعنى روحي منا
مسحت وجهي حيل وبرجلي دفرت الباب مالتهم
شلون انزل وين اروح للموت ، انهي حياتي اذا صارت
ما اصعد ويلهن الموت ارحم من الضرب والعذاب
فتت للغرفة اريد اقفلها دفعها انــور فات بكل جدية يحجي
_ تنزلين لو انزلچ بيددددي ؟
_ فكر بيها شبيك انت شبيك اهلي يموتوني .
_ يغسلون عارررررچ يا عار بنت العار .
شكله وضخامته يخلوني اموت الف موته من الخوف
ما اكدر حتى اجاوب مرعوبة منه ، نزلت لزمت ركبي
بيدي ونفسي تخربط عيوني تجدح بحرارتها
بنص القهر والضيم اسمع بصوت دُر صارت هنااا وآخيرآ ربي واخيراً
طلعت صارت بوجهي لزمت ايدها وتمسكت بيّ
_ هذولي تخبلوا يريدون يرجعوني بيد ابوية خلي يموتوني
ولا يرجعووووني لچ هذا المسكون اخوووووج عرفته جذاب
يگول احبچ ياااا اكووو واحد يحب يعوف هيج فاهم الحب منين هذا .
التفتت على انــور وحضنتني دفعته من صدره وصرخت
_ اشوف زلمة بيهم يوصل يمچ اخلي علي الآكبر يحودهم حود .
انــور : احترمي نفسچ ، وكلامچ ثمني قبل لا تنطقي .
دُر : عود من تبطلون تبيعون بطولات براسي وبراس حُــرة المسكينة
احترمكم ، اشوفك ماتبيع هل بطولات من ترزل وتهين بيك شهد .
انــور : دُرررررررر .
لزمتني من ايدي ورفعت فستانها تصعد سريع على درج ضربت
باب غرفة ريــان حيل ودفر بي وتصرخ بصوت جلجل البيت
_ افتح الباب عيني ضميت راسك ، رجعت نفس الطبع تتختل بهل غرفة
وانور يصير رجال وانت تستمع وساكت مثل ماسويت بيَّ .
اشرت على رنيم وكفت تباوع علينا معاجبها الوضع
حُــرة : هاي البربوك وراهاااااا .
دُر : صار فترة بنفسي اسحل بيچ البيت يا بربوك
حتى رسمياً بيت الرياش كلها تسحلچ بنت الشريفة تعاااااالي حرة ويايَّ .
هجمت عليها سحلتها من شعرها وجرته ليوره ضربتها براشدي وره راشدي
وهيَّ تملش بينا ماتخاف وتصرخ صراخ هرجت البيت هرج
ملختها تملخ اني ودُر ما عفناها بس من سحلنا ريــان من يمها
وباوع عليها تفل بالأرض قريب منها وصاح
_ تستاهلين يا سـ****** .
حُــرة : وين علي الآكبر ويفزع وتنسحل انت واخوك نفس سحل رنيم .
انــور : شوف شوف البربوك .
رجعت دُر تضرب بالباب مايقبل يفتحه عافتني ونزلت على درج تصيح
_ علي الآكبررررررررررررر .
_ روووووحه .
_ شوفلي حل وياااااهم .
سحل انــور رنيم شمرها بالغرفة وعلي الآكبر صعد لدُر
_ شبيچ خوية حُــرة .
_ يريدون يرجعوني لبيت الرياش .
استغرب تقدم بصف دُر ويحاوبني
علي الآكبر: مستحيل ريــان مستحيل يسويها ، وين ريــان ؟
اشرت دُر على باب ظل صافن لثواني ورجع يباوع على انــور
تحمحم وهوَّ يحك راسه بطرف اصبعه
علي الآكبر: انــور نزل البنات جوة بسرعة .
دُر : لاااا ما انزل اريد اشوف ريــان مايتووووب من هذا طبعه .
علي الآكبر: الخاطري انزلي بس انزلي واني اتفاهم وياه .
اشر على انــور وتقدم لزم ايده وهمس بـ أذنه بكلمات
بحيث انــور فر وجهه على علي الآكبر وفاتح عيونه
انــور : لا يمعود مابي شي .
_ نفذ وبعدين تعرف نفذ اخذهن .
نزلت دُر قبل لا يقترب انــور واني ركضت وياها
لزمت راسي وگعدت على تخم اهز بجسمي من التوتر
واتذكر الصورة دُر تحجي تريد تفتهم مني واني بلعت لساني
شنو احجي وشلون افهمهم اذا احجي تنگلب الدنيا على راسنا
بقيت متجاهلة سؤالها وصفية تحجي وياها على رنيم وعلى انــور
شلون دزت اله الصورة وخلت ريــان يشوفها ويمكن ريــان
شايف اكثر من صورة ، باوعت على باب وحرت اشرد قبل لا يسلموني
لو انتظر واعرف وين يصفون اخاف يصفون ويصفوني ويخلصون مني .
دخل يوسف وياه وفاء شفتها من بعد اشهر ضحكت دُر بقرف
وفرت ايدها تأشر عليهم وتحجي بقرف
_ ما استغرب دربك عليها تغلط بحقك وحقنا وترجعها بعد فترة
هههههههههه وهيَّ تزيد بكل مرة ترجع تزيد بمصايبها .
وفاء: شعدها هاي هنااا مخليها الهمجي تفتر علينا .
علي الآكبر: عندچ اعتراض ؟
حُــرة : اكيد اجت تكمل خطت رنيم ، لازم رنيم تحتاج دعم منهم .
نزل علي الآكبر يريد يطلع ونزل ريــان يمشي وراه لابس رسمي
ويسد بدگم السترة بدون مايشوف احد او يحجي
دُر : ريــان وين رايح ، وين رايحين تعالوا فهموني .
اشر علي الآكبر تنتظر وطلعوا كلهم وصفون راح وياهمً
عافتهن وفتت للمطبخ اشرب بالمي واتذكر بالعلاج مالتي
واخر مرة اكلت ما اتذكر شوكت ، ملابسي بعدها نفسها
الي رجعت بيها من السفر حتى بعدنا ماصار وقت ارتاح هجموا عليَّ
اخذت معكرونة سلگتها وسويت مقرمش على صفحة خليتهن
بنفس الجدر اكل بيها بكل جوع اريد اشبع
دُر : انتِ هنا .
_ امممم .
رفعت راسي شفتها صافنه
_ شلون الچ نفس تاكلين وهل مشاكل فوك راسنا .
_ اني من اخاف اكل ، من افكر وانقهر اكل عوفيني .
_ اني اصوم .
_ هوَّ انتِ واخوانچ مو نفس العالم والناس .
فاتت وفاء تضحك عفناها وصعدنا بعدني
بنص الدرج وصوت انــور استوقفني
_ دقيقة دقيقة وين صاعدة اخوانچ برا يلة .
دخلوا اخواني اثنين واثنينهم يأشرون على باب
حُــرة : دُر بداعت علي الآكبر لا تعوفيني عليچ الله دُر .
دُر : وين علي الآكبر هذولي الذبان شيسون هنا.
بقت لازمتني خلتني ورا ظهرها ماتقبل احد يقترب مني
_ موتوني واخذوها والله ماتطلع وياكم
اني اعرفكم شنو من بشر وشلون تضربون اسلمها بيدكم امداني .
انــور : دُر انتِ تعرفين شي واحنا نعرف شي ثاني .
_ مشكلتكم مو مشكلتي وين بيكم زلمة طالع من ظهر امه وابو
يجي ويقترب منها وياخذهااا يلة تعالوووووا اخذوهاااا مني تعالووووا .
اشر واحد من أخواني لأنور رفعت حاجبها واشرت بكل ثقة الهم يجون
رفعت راسها وعيونها على باب تنتظر واحد بيهم يتقدم حتى تصرخ
ويجي تدري بي يجي دُر ظهرها قوي بعلي الآكبر واني قوتي
اخذتها منها من موقفها وقوتها ، صعد انــور يريد ياخذني
دُر : ينطيك گلبك تسلم هل طفلة الهمممم .
انــور : شفتي حقيقتهاا انتِ شفتيهااا .
فتح التلفون يشوفها بالصور باد حياي گعدت على درج
يعني مو بس صورة صوووور عدهم صوووور يعدموني والله .
دخل ريــان ساكت ولا نطق بحرف ولا يشوفني بعيونه
نزلت دموعي انهضمت اتمنى احجي كلشي بكلبي
اتمنى اصرخ اني شريفة والله ما غلطت والله
بس ادري محد يصدك ابوية امي الي هي امي جذبتني
دُر : حُــرة احجي شي شنو هل صور .
حُــرة : هذا مصطفى دُر شبيچ .
انــور : مصطفى ضحك على عقلها شبيچ دُررررر .
ريــان : لا تحجون هل حجي بنص بيتي اطلعوا برا احجوا بي .
راح يريد يگعد على تخم رحت وراه ركضت استوقفه
صرت مقابيله رافع راسه مايقبل يشوفني
رفعت روحي على اطراف اصابيعي ولزمت وجهه دفع ايدي
_ ما اريد اروح ريــان شوفي بس شوفي
خلي عيونك بعيوني ما اريد اروح .
انــور :تروحين برضاتچ غصباً عنچ تروحين .
گعد على كرسي واشوف اخواني يريدون بس يفوتون عليَّ
وياخذوني ، صرت قريبة منه افهم بي وابجي من كل كلبي عيوني تجري
_ والله اخاف ريــان انت ما مفتهم الموضوع .
انــور : ولا يريد يفتهم .
_ ريــان ماروح اذا ما اسمعها منك تقبلها اروح وياهم
ريــان يموتوني هذولي ماكو بگلبهم رحمة .
انــور : ومو غلطتي ما فكرتي بالعواقب .
_ انت اسكت لا تحجي ريــان خلي يسكت سكتهممممم حباب .
لمحت دُر طلعت على علي الآكبر
حُــرة : انــور روح حباب بس احجي وياه بس افهمه .
ريــان : انــور اخذها مني .
حُــرة : لااااا عليك الله ريــان لاااااا شبيك بس احجي بس اشرح .
ريــان : ايام واني انتظررررر تحجين وانتِ تعرررفين شنو سويتي
ماكو داعي اذكرچ شسويتي بيَّ .
حُــرة : ما اتقبل الحقيقة اني ما اتقبلها انت مو تگول انت الصيـ..
اريد احجيها سد شفايفي والتفت على انــور صاح بي
_ اخذهم واطلعععع طلعهممم ودقيقة واطلعها وراكم .
وهنا عرفت واتذكرت ريــان ميريد احد من بيت الرياش يعرفون
هوَّ الصياد ولليوم هوية الصياد مجهولة ورقة رابحة وصارت بيدي .
ابتسمت واني امسح دموعي من وجهي بس بقسوة وحقد
رجع بمكانه وعاف شفايفي وكفت صرت مقابيله وملت جسمي
صار وجهي قريب من وجهه حجيت بنبرة مراوغة
_ كل واحد بينا عنده اسرار يخاف يحجي بيها
واكو ناس عدهم اسرار بينهم وبين نفسهم مايحبون يحجون بي
مثل ما انت ماتريدهم يعرفون منو الصياد ، اني ما تريدكم تعرفون
حقيقة الصور ، الصور هاي وراها قصة والقصة مو هينة عليَّ
سرهن متعبني اني مرضت بسبب حقيقها اذا افكر بيها بيني وبين
روحي اتمنى امووووت وجاي اموت والله الف موووته اموت من استوعبها .
رسخ نظراته الغضبانة بطن عيوني ويجاوبني بعجرفة
_ صورتچ بعيوني خربت وبعمرها الصورة اذا تخرب ما تنعدل .
حُــرة : مثل صورتك وموقفك الرجولي اليوم .
_ ما ابرر الچ لان ما تستاهلين .
_ يعني راح تخليني اروح وياهم ؟
_ اكيد مكان الچ هنا بعد ماكو .
_ ما اريد اروح .
_ مايهمني رأيچ وقرارچ .
_ اذا اطلع من هذا المكان اخليهم يعرفون منو الصـياد .
لزمني من ايدي شمرني بمكانه بنفس المكان الي گاعد بي
_ لا تهدديني لا املخچ تملخخخخخخ .
_ ملخ مايهمني وخليني اطلع احجي الحقيقة الي انت ماتريد تحجيها
بس تريدني احجي سر اني دفنته بگلبي .
_ وحدة بووووحدة تسووووبهاااا بنت ياسين .
_ اي صيح بطل تمثل انت هدوء صيحححح صرررخ .
_ ما تستاهلين لچ كررررهتچ .
حجاها وطلع حجاها ويمكن يعنيها صار حجاها ويمكن
من نطقها كذب بيها بس طلع المستور اليوم ، خلاني
بمكاني ، طلع واخواني دخلوا عليَّ لزمني من ايدي وطلعني واحد منهم
خفت من شفته شلون ينظر ببرود انخمش كلبي
يدري ما اكدر احجيها ما انطي بي واخلي روحه بيدهم يعرررفني
وبنص كسرتي ما اريد ابين ضعفي ، رفعت راسي وطلعت من بينهم
مرفوعة الراس ادري بروحي اشرفهم كلهم وتاج على راس كل واحد بيهم
دورت بعيوني على دُر اختفت ، خطة وحتى دُر وعلي الآكبر استصعبوا
يخلصوني من بين انيابهم الظالمة .
بـ اخر خطواتي التفتت اريد اشوفه ابتسمت بوجهه
وطلعت وياهم خايفة ميته من الخوف بس ثابته
قبل لا اصعد شفت دُر لزمت ايد علي الآكبر وصرخت بعالي صوتها
_ بطنييييييي علي الآكبر بطني الطفل راحححح اموووت الطفل يمممه .
فكيت ايدي منهم ورحت اركض عليها ارفع بشعرها وعلي الآكبر
فقد يلزمها يريد بس يفهمها ، ساعدها تمشي للسيارة وهيَّ لازمتها
تفرك بطّنها وتصيح
_ شبيها تقلصتتتت ليششش نزفت ليشششش انززززف .
صعدت بالسيارة بقت لازمتني صعدت وياها وكلها معترضة
بقيتها بيدي وهوَّ يسوق بكل سرعته وسيارة ريــان وانور
يمشون ويانا بقيت افرك بيدها وكل ماتشوف الدم تتخبل اكثر
دخلناها مستشفى للدكتورة مالتها الكل طلع بس اني بقيت يمها
لزمت ايدها والدكتورة كشفت عليها وعزت راسها
_ للأمانة امي من بشرتچ بالحمل عرفت مايطول ويوگع
رحمچ ابد مايحمل اطفال صعبة نسبت الضرر عالية.
دُر ..
بمثابة طعنات سجين كلماتها وهي تبلغني بموت ابني
ابني الي ما صار عندي وكت حتى افرح بي بعدني حتى
ما كدرت اعلن لكل الناس على حملي ، تهدمت فرحتي قبل لا
ارفع راسي اني ام حملت بـ ابن علي الآكبر.
صارت روحي بـ حُــرة حتى مو بالطفل ادمرت على حملي بس حُــرة شلون بيها منو الها اعتبرها يتيمة القهر والخوف بعيونها ضايعة هل بنية
تريد الدكتورة تسوي فحوصات وتحاليل حتى تنظف رحمي
واني بعز انهياري ما گدرت ادخل قبل لا اوصي عليها
اصريت اشوف علي الآكبر هوَّ دخل واشوف عيونه مصبوغه دم
بس ابتسم ادري شكد يتمنى الطفل ويصير ابو جبل بس الله ما كاتبها
مني يمكن ، لزمت ايده واني منتهية وجع وقهر الدكتورة تجهز
وحرة بعيدة صارت من اجه يمي
_ راح تنومني الدكتورة يمكن بداعت گلبك الي نكسر هسة
حلفتك بداعتي اذا عندي معزة بگلبك احمي حُــرة الله يخليك احميها .
_ لا تخافين بحمايتي .
طلعتهم الدكتورة وبين الاجراءات والتحاليل
وقبل لا اغمض عيوني حجيت وكلبي يعصرني
_ افقد الآمل مو بعد ما أكدر اصير ام .
_ المعجزات كلشي تگدر تسوي خلي ايمانچ بالله قوي .
نمت مقهورة مكسورة دموعي تجري على خدي
گعدت من بعد ساعة ويمكن اكثر شفت روحي بغرفة
واصوات هواي يمي ، ركزت بالأصوات قبل لا حتى افتح عيني
عرفت عمي وعمتي موجودين واخواني بنفس المكان
بمجرد ما فتحت عيوني عمي باس راسي ويحجي بحنية
_ الله يعوضكم بنيتي .
وعمتي تصبر بيَّ حُــرة وينها ماكو حُــرة
التفتت من الوجع صوتي مايطلع ، تقرب علي الآكبر يمي
لزم راسي وايدي يمسح بيهن واضحه الكسرة بعيونه
_ لا تخافين على حُــرة بأمان تنتظر بيتنا وشهد يمها .
درت وجهي على عمتي ونزلت دموعي
_ عمه زوجي علي الآكبر .
ابو حسن : هذا ابو رجفه مايريد غيرچ بنيتي .
_ يريد شنو مايريد قابل بكيفه .
ام حسن : تأثير المخدر لا تاخذون بكلامها عبالها سهلة يتزوج عليها .
اني احجي وعلي الآكبر صافن بيَّ باوعت عليَّ وبجيت
لمني بحضنه يمسح على ظهري بدون ما يحچي حرف يخاف اتحسس
بقيت بين ايده الحد ما وجعت غفيت متوجعه كلش
صحيت بعد فترة الدكتورة يمي سمحت اليَّ اطلع
ساعدتني عمتي واشوف ريــان وانور وعلي الآكبر برّا يحجون
من شافني اجه سندني وحضني من ظهري يمشي بيَّ
مريت من اخواني ما حجيت وياهم اخذني ريــان من علي الآكبر
ريــان : روح شغل السيارة أني اجيبها اريد احجي وياها .
راح علي الآكبر وريان وانور يمشون ويايَّ
_ انت شلون ينطيك كلبك تريد ترجعها .
_ ما ارجعها ردّتها تجربهم هل عرمة .
_ توك رجعتها تعذبت وانت تعذبت حتى رجعت تمشي
حرام عليك لك حُــرة بعدها صغيرة تعذبت تشمروها منا ومنا بكيفكم .
نزلني بايات الباب الخارجي لو بيدي اعرفه وامشي وحدي
دُر : وهذا اخونا الجبير همجيه بعمره ما راح يبطل منها
وحقه عمي من ما يزوجه بنته يستاهل واذا عمي يريد ينطي بيوم
اني ادخل واخربها .
عافنا ويمشي شغل جگارة وشفته بالگراج صعد سيارته
صعدني ريــان بسيارة علي الآكبر وراح لأنور
رجعوني للبيت مكسورة خاطر بس نزلني توسلته
_ على بيتنا فدوة ما اريد اشوف احد .
استأذن منهم واخذني حُــرة فتحت الباب طلعت هي وشهد
اخذني من علي الآكبر اريد اگعد ما قبل
_ فوتوها تاخذ حمام دافي .
اخذتني حُــرة وشهد تساعدها سبحت وطلعت اسمع صوت بالمطبخ
دقايق واجه علي الآكبر بيده صينية اكل عالج حاول نفسي مسدودة
خليت راسي على مخدة وحرة وشهد يمي ياكلون هو عافنا وطلع
يجابر برا ، خليت حُــرة يمي وشهد غسلت المواعين وكل شوية
تلزم التلفون ما ادري شنو تكتب وترجع يمنا ساعة وطلعت
بعد ما شافت حُــرة نامت وهيَّ گاعدة خليتها تنام وطفت كل الأنارة
نمت اني وياها ومن الوجع كل شوية افز اسمعها تهلوس خايفة .
على صلاة الفجر گعدت اخذت السجادة وراحت توضئت ورجعت
يمي تصلي عبالها نايمة بجت بجي على سجادة خلتني اشهگ وياها
من سمعتني وكفت اجت يمي حضنتها وحضنتني
حُــرة : شوكت نرتاح دُر شوكت .
دُر: بيت الرياش حتى لو بعيدين بس اثار تعذيبهم بينا ماتروح .
حُــرة : كابوس كلهم كابوووس ، اني ما اخاف مو الموت دُر
بس خايفة من الصدمات من الضربات من التعذيب كون يموتوني
بدون ما انضرب .
خليتها تعدلني كعدت واني ايدي بيدها
_ على موتي اخليهم يرجعون يضربوچ لچ انتِ اختي .
_ اذا يعاندون ما يخلوني اعيش خلوني براسهم دُر .
_ ريــان شبي ؟
هزت راسها ما تعرف ورجعت يمي متوترة مبين من هز جسمها .
استندت على حايط وكفت امشي سديت الباب عليها ورحت ادور وينه
دخلت على استقبال لمحته من بعيد نايم وايده على راسه
گعدت قريب منه أتلمس لحيته نزلت بست راسه
مد ايده حول خصري حضني واخذ ايدي باسها
_ علي الآكبر .
_ روحه لعلي الآكبر .
_ صلي تعال صلي مو من صرت حامل وعدتني تلتزم .
كعد يمسح بوجهه عدل شعري بيدي ويحاجيني بهدوء
_ شلون صرتي بوية دُر .
_ بطني توجعني .
عافني وراح للحمام غسل واجه فرش سجادة واني صافنه بي
صلاها وسداها ، فتح الشباك من شغل جگارة واجه يمي
يريد يحچي والبيت نقلب بدقيقة صراخ وعياط .
ابو حسن : علي الآكبررررررررررر .
ركض اخذ التلفون واتصل ما ادري بمنو بس بسرعة يحجي
_ يمكن ابوية شاف الفديوهات.
سد الخط وفتح الباب مستعجل طب عمي علينا يرعد
ابو حسن : خلي مرتك تروح هناك لا تشوفني اطيح حظك .
علي الآكبر: شصاير بوية ؟
_ ماتعررررف شصاير يا سـ***** ابو الديسكوووووو .
رحت قريب منهم ما مستوعبه الكلام
دُر : ابو الديسكو ؟ عمو شنو هل كلام ؟
نهض علي الآكبر لزم ابو
_ بوية شسالفة خلينا نتفاهم بهداي عيوني خلي تروح
دُر هناك تعبانة ، امشي عيوني اطلعي منا روحي يمه اخذيها
خوية حُــرة روحي وياها ترتاح هناك .
دُر : اشوووو ما اروح والله عمو احجي شبيك شنو ديسكووو ؟
ام حسن : خليهاااا تشوف اخوها الشريف شلون مبربع بنص النسوان
والشرب والسكر ، وبعين صلفة الخايس يجي يخطب بنتي .
دُر : اخوية انــور تقصدين .
_ منو غيره خطب شهد .
اخذت التلفون من ايد عمي واشوف انــور گاعد على تخم جلد
بنص ديسكو واربع بنات گاعدات قريب منه ويشرب
رفعت راسي فشلات منهم بلعت ريگي ورجعت اشوفه شلون يضحك
ويركص هوَّ وياهن ويفر براسه وجسمه ويغتي هو والأغنية
الباقي گاعدين وياه وجهم مغوش افترت الكاميرا الي تصور
بالمكان واشوف علي الآكبر واكف بعيد وبيده گلاص هذا شنووو
_ عزززززا تشرررررررب .
_ لا وراسچ وراسچ ما شارب هذا عصيرررررر .
لزمه عمي من قميصه ويهز بي هو مسلم روحه ما بگدر يمنع ابو
ابو حسن : عصيررررر وهيچ مكان لك ***** انعل والدي والديك اليوم .
علي الآكبر: بوية والله مفتهم غلط جنت بهل فترة اشتغل وياهم
ويوسف عازم ناس من شغلهم هنا واني لازم اروح وياهم غير اشتغل عنده .
ابو حسن : تعتذررررر تشتغل بسسسس تگدر تعتذر ابن الكلب .
علي الآكبر: اعتذرت وماقبل اصر اروح وياهم ومن تعبت طلبت عصير .
_ جذاب مو عصيررررر وين احو بالديسكوووو عصير .
هزيت ايدي وصحت بي
_ اگول ليش تكره ورافض انــور اثاري شاهد على كل لعبان النفس
لان ويااااه واگول ليش انــور يگول علوله لاعب لعب اثاري
صدك لاعب لعب .
_ استلمممممم بوية باساااان منوووو وگعت .
ابو حسن : ليش انت بس بلساااانهااا الفديو منشووور بكل مكان
بكل المواقع منتشرررر ابن الكلب فضحتنا الله لا يوووفقك .
ذبيت التلفون على ميز بطني ملختني تملخ اخذتني حُــرة من ايدي فوتتني
اخذ علي الآكبر التلفون يشوف بالفديو وعمي فوك راسه يهدد ويسب بي
طلع علي الآكبر عصبي منفعل وجود وياه يمشي مستعجل
لزمت راسي واخذت التلفون اتصلت على سايب هذا خبلني
_ انت هم تنحسب على كبار .
_ اهووووووو بلشنا من الصبح .
فاتت شهد واني احجي صحت بي
_ لك نشروك بوضع يلعب النفسسس .
شهد : شنو تتوقعين من واحد مدگدگ غير تصرفات تلعب النفس مثله .
انــور : كملت والله كملت .
دُر : هذا منو طلع فضيحتكم .
انــور : فضيحتي اني وزوجج ، اني واخووووو شهددددددد .
شهد : فررررحان عندك عيد اخوية وياك موجود بس الحمدلله
مبين جان يحرس مو مثل ذولاك الناس كل النسوان لزك صايرات بي
ومخلصيها ركص رگص للگاعع هزززز هزززز .
سدت شهد الخط قبل لا يجاوب رجع يتصل ماتقبل اجاوب
اخذتني وسوت التلفون صامت كعدتني بالمطبخ
تسوي ريوك وحرة وياها يسولفن على فديو
دخل علي الآكبر وصاح
_ طررريق .
فات ريــان فارط من العصبية مغتاظ يرعش وجهه محتقن
كعد على تخم يحوم ويفتح التلفون يضرب الشاشة ويصيح
_ هسة ينشررررررون انــور عادي زلمة موووو مهممممم
بس يااااا اخي هاي تعتبر عرضهم مو بس عرضي شلون ينشروها .
علي الآكبر: نيتهم يحرگون گلبك بس مدري شلون يفكرون
صح هيَّ مرتك بس بتهم هاي .
ريــان : ابن امك وابوك گول عووووفهممممم گول .
علي الآكبر: لا ليش اگول اليوم نسوي الهم غمه غمتين بليل بعد العشاء.
دخلت عليهم وسديت الباب اريد افتهم شصاير
فتح التلفون واشوف صور حُــرة ناشريها
دُر : هذولي وتريد ترجعها .
علي الآكبر: وين يرجعها هذا المعقد غير ميت عليها .
دُر : هم يحجي ابو الديسكووووو .
رفع ريــان ايده على وجهه عصبي
علي الاكبر: ها مو گلت ابوية ودُر راح يشهروني بالكرة الأرضية .
دُر : انــوب يحجي على انــور طلع انــور يلعب بالمكشوف
ابو المولوتوف يشتغل سكاتي من جوة لجوة .
علي الآكبر: بالقران اني اشرف من اخوچ ما طخيت بعمري كله
بنية غيرچ وهذا انــور شفتي بعينچ اربعة گاعدات اربعة يرگصن .
ريــان : طيح الله حظك انت وياهاااا مو گاعد .
علي الآكبر: شبيك شنو يوجعك ؟
ريــان : شنووو ما طخيت غيرچ اني اخووووووهاااا ترررررا .
علي الآكبر: ترا عادي طخيتها قابل گتلت بستها نمت يمها شبيك .
ريــان : تسكت لا اخلي قهري بيك والله .
عافنا علي الآكبر طلع ما ادري وين وهو يدردم
_ الله ورطني ، من الصبح فضايح بيت الرياش طيرتنا .
لزمت بطني وگعدت الدنيا كلها تفتر بيَّ
دُر : ترا حُــرة حالتها مو زينة ومن البارحة لليوم تتألم وتبجي .
فز من مكانه اشر على باب وتقرب يمي
_ صدددك شبيها منووو وياهااا ، موتتني عررفتها ما اخذت علاج .
_ شلون تاخذ علاج وانت طلعتها من البيت بملابسها بس .
_ شنو لزمت العلاج عليها .
_ ليش هيج سويت بيها انت جنت ظهرها تحتمي بيك
ليش خليتها ترجع مكسورة كسرت خاطر هل طفلة .
_ يا طفلة وحق الله تربي اجيال .
_ هي صح قوية بس طيبة شبيك .
_ لا تحجين بيها هل عرمة .
ذبيت نفس طويل وجاوبته بنفاذ صبر
_ براحتك هي على هذا حالها البنية
لو تتخبل ، لو تنتحر ، لو تشرد .
_ هي شبيها يعني غير افتهم شبيها.
_ ألم تتألم ودايخة وروحها مسحونة تصيح اريد اموت موتوني عافني
ريــان حتى الي ردته وصار سندي عافني وكسرني وبعد ماعندي غيره
تگول ريــان مثل مصطفى هم عافني الهم وتبجي تبجي
خلتني ليل كله ابجي على بجيها لو تشوفها من تصلي
خطية تدعي الله يهديك وتراجع حساباتك تريدك هي خطية
والله لا يجذبني يمكن يمكن حُــرة تحبك .
فتح ايده ما مصدگني
_ حُــرة العرمة النملة تحبني وينها وين الحب
هاي حتى حساسات ماعدها .
_ شعرفك البارحة عافتنا كلنا وتستنجد بيك بس غير انت عفتها .
_ ما عفتهاااا اني ما عفتهاااااااا بس هي تستغفلني
اني مو زوجها من اسئلها مو المفروض تجاوبني
شنو سر ، شنو ما اگدر احجي .
_ اي طلگها لعد اذا تشلع گلبك .
_ اي هوَّ ناوي على طلاك .
هزيت راسي وسويت روحي ما مهتمه شغل جگارة يهز برجله
ويحوم يلوب يلوب ، فات علي الآكبر گعد بس مايحجي
بس رجع طلع علي الآكبر اريد اني هم اشوف البنات درت من سمعته يسأل
_ اگلج وينها هاي بنت الكلب اشوف شبيها لا تخرب تعب الأيام الراحت .
_ دقيقة اسوي الك طريق تفوت تشوفها خطية بلكي نگدر نلحگ عليها .
طلعت وهيَّ گاعدة تاكل موتتني هل ام بطن
سحبتها من ايدها وشهد صفنت
_ امشي ركض امشي ويايَّ .
_ شبيچ ولچ بطنچ ديري بالچ هيوووو .
فوتتها للغرفة نومتها على سرير باوعت على ملابسها
مو بالمستوى المطلوب رحت على كنتور طلعت تراك ربع جديد
_ لبسي ركض لبسي يلة .
_ هاي شبيها .
_ بس لبسي.
اخذته بدلت وتسأل شكو وشنو وشصاير ، رجعتها تنام فتحت شعرها
بـ اهمال واني مستعجلة اعلم بيها ولو هل عرمة ماتحتاج تعلوم
_ تريدين تروحين بيد الرياش ؟
_ لا اكيد لا .
_ ورنيم تتشمت بيچ .
_ البربوك كتلتها وبعد كلبي مورم منها .
_ لعد اسمعي اني شنو حجيت لريان وانتِ شنو المفروض تسوين .
بديت احجي الها واعلم بيها وهيّّ تضحك بحقارة
حُــرة : اموت على تمثيل والجذب هاي السوالف اخذ بيها اوسكار .
_ اوسكار ابوچ بنت الشريف .
_ وين شريف تضحكين عليمن.
عفتها وطلعت صحت ريــان فار وراسه بالارض
سلم على شهد وتعداها ودخل واشوف حُــرة الشعر مهوس
وايدها وخده على بطنها والثانية هيج من السرير تتحرك
وتوووون تووون عبالك صدك بقيت فاتحة عيوني
راح يمها لزم راسها همس
_ ماعدها حرارة تون من الوجع .
_ سودة علية هل طفلة تبهذلت .
رفع الغطوة طلعت رجلها لان البجامة قصيررررة كُلش قصيرة
هي شنو هنا كمزت من الفشلة سوت روحها خايفة عبالها عود يضربوها
_ لا تضررربوني ما سويت شي .
رجعها بالفراش يعدل بشعرها ونومتها وهي تون
_ عافني هذا يگول احبچ الحقير الـ**** .
_ لا هواي تحبني .
دُر : هاي بالغلط طلعت عيوني انتظر .
ريــان : شنو ترستيها .
اشرت بيدي بعلامة اصبر وضربتها على وجهه راشديات
_ حُــرة هذا ريــان هنا حُــرة امشي اگعدي يحجي وياچ يريد .
فتحت عيونها بطريقة اني صدگت جانت نايمة من شافته
بجت ودارت وجهه وهوَّ تخربط وضعه
_ دُر عوفيني وياها دقايق .
عفتهم وطلعت اريدهم يتفاهمون ياريت بس يتفاهمون .
حُــرة ...
استدار على جهتي كعد اشوف بس ظهره شغل جگارة
يشرب بيها بدون ما ينطق بحرف بس يجر النفس طويل منها
شهگت بصوت عالي دار وجهه بقيت اباوع بعيونه
وهوَّ مارفع عيونه مني مقهور نظراته كلها عتب
ريــان : شسويتي بروحچ .
_ انت شسويت بيَّ .
_ الصور حُــرة .
_ اذا تحجي بيهم وصدگت كلامهم اطلع ريــان روح
اذا تصدك اني زانية ورخيصة روح لا تحجي بعد حرف .
_ احجيلي .
_ من اكدر احجي انت اول شخص يعرف بكلشي .
_ اني اول شخص ؟
_ اذا ما عفتني .
_ اني ما اعرفچ اذا انتِ ماتريدين .
_ ما اريد ، بس انت خليتهم يجون وردت اروح وياهم بعد .
_ غبي .
حجاها وعيونه على جسمي دار وجهه وكف بعيد مني يمنع روحه
_ حُــرة شلون اخليچ يمي ، واثق بيچ بعد الي شفته
لازم فاهم واني مفتهممم بس اريد اتأكد منچ .
_ فاهم شنو انت ؟
_ ادري بيچ مصدومة بمصطفى ماتريدين تتقبلين حقيقته .
_ يا حقيقة لا تحجي هيج هاي طريقتك لا تحجي بيها بمصطفى .
حجتها واني امثل الوجع حتى اتهرب من واقع السؤال
ريــان : تحتاجين تتعالجين من هذا التعلق ، انتِ مو راضية
تعترفين مصطفى استغلچ واستغل طيبتچ .
_ بالقران جذابين مصطفى جان حباب وردة والله يختف وينصح
لا تحجي هيج علية لا تخليني افقد اعصابي دخيلك اسكت اسكت .
غطيت روحي وراسي حسيت بي يقترب مني
رفع وجهي مسحت دموعي واسمع بكلامة
_ حُــرة حيرتيني والله .
_ انت ليش ما تلتزم بكلمتك گلت ما اعوفچ اله انتِ تريدين .
_ نسيتي انتِ ما تريديني .
_ انت معليك بيَّ من احجي حتى لو اگول عوفني لا تعوفني .
_ واظل حاير ومتحمل .
_ مجبور يعني وين اروح ، اذا انت ما تتحملني اهلي يموتوني .
_ تصيرين عاقلة .
_ ما ادري تريد اجذب عليك .
_ جذبي بقت على هاي جذبي بيها .
نزلت راسي اعدل بملابسي حسيت بـ انفاسه قريبة صارت يمي
جمدت بس صارت شفايفه الدافيه على طرف شفتي طبع بوسة
وابتعد مغمض عيونه مد ايده لزم وجهي وباس راسي .
_ تعبان اني حُــرة تعبان .
_ واني تعبانة ريــان وخايفة تعوفني وخجلانة من عيال دُر
شلون يتحملوني وهو ابن عمي شمرني بالشارع .
_ شوكت شمرتچ يعرمة .
_ اوكف احجي صدك انت عفتني .
وكف ما ادري شيسوي بالتلفون ورجع يمي يحاجيني بهدوء
_ اتحمل هذا گلبي حكم عليَّ بالاعدام امشي أرجع وياي َّ .
_ لاا اخاف ترجعني .
_ لچ نملة امشي هوَّ اني طلعت من البيت لان ماكو هوسة بي امشي .
ساعدني اكوم اخذت ملابسي واشرت يطلع
راح قبلي واني بدلت متحمسة ارجع واشوف ملامح رنيم
بدلت على سريع وطلعت دخلت عليهم على استقبال
من شافني ضرب على رجله وصاح
_ يلة احنا نرفع الزحمة ، لا تنسى اليوم بليل علي الآكبر.
_ لا ما انسى اخذ راحتك ودير بالك من كلشي .
دُر ما گدرت تطلع بس ودعتها ورحت وعفتها
بالاستقبال تنتظر علي الآكبر يوصلنا ويرجع لها تحجي وياه .
دُر ...
انتظرت بالخمس دقايق ورجع عليَّ سحب القران صار مقابيلي
_ مستعد احلف يمين عظيم غيرچ ما حبيت ولا طخيت بنية
وهذا المكان تواجدت بي بحكم شغل وهاي جانت اول واخر مرة .
سكتت لدقايق وبطني توجعني متحملتها على اعصابي
حضني نمت على صدره يمسح براسي
_ خسرت ابني علي الآكبر مقهورة راح اموت من القهر .
_ يتعوض انا عندي دام الخسارة مو انتِ تتعوض .
غفيت بحضنه نعسانة ومن هل يوم اعتزلت من القهر
وبنفس الوقت ما اريد اختلط واشوف احد وعلي الآكبر
يحاول بكل الطرق يخليني انسى واتخطى موضوع الطفل
واليوم يجر ويصير اسبوع واني على حالتي .
الى ان بيوم يوم مغرب ونايمة فزيت المغرب ماكو علي الآكبر
اتصلت عليَّ مايجاوب وكفت اروح افتح الباب يندك
طلعت شهد بيدها صينية اكل لزمت الحايط وفتت للغرفة
_ وين علي الآكبر ؟
_ طلع وصاني اجيب الچ اكل من خابرتي خابرني عرف گعدتي .
نمت بفراشي واشرت على اكل
_ اخذي عفية كلشي ما اگدر اكل نفسي مسدودة
_ يغمني علي الآكبر اذا اعوفچ بدون اكل يمعودة .
_ گولي اكلت اريد اكمل نومتي .
بعدني احجي وياها وسمعت صوت جــود
_ منو هنا .
شهد : تعال جــود .
_ وينها المثقفه.
_ هياني .
جــود : يا بعد روحي اجيت عيني اجيت احجي
وياچ مثقف حتى ترد روحي .
دُر : وين اخوك .
گعد على سرير ويهز بيده يشككني
_ خايف منه يغط ابو الديسكووو
بس لا شايف علينا وحدة ثالثة .
اشرت عليَّ وعليك
_ علينا تقصد اني وياك .
_ اي چا شني .
_ شيت اب جــود .
_ شيت اب بشهد وعلي الآكبر واهلهم .
باوع من الشباك شاف ماكو احد سد الباب شغل جگارة شهد ضربته
دُر : عززا تشرب جگاير اذا ما اگول لعمو عليك
جود : اي دُر ما ادري ليس احس روحي انتمي الچ .
دُر : لان مثقف هههههههه .
جــود : الله الله لك عيني اعترفت ، احلفچ بررراس انــور شمه
اني مو اكثر واحد مثقف بالعائلة .
دُر : مشرشب هم اكثر واحد مشرشب وهوسة بالعائلة .
جــود : هي شني مشرشب هاي مال مثقفين
قصدج هوسة مو .
_ مشرشب .
خلصها طفاها وكف اخذ عبايتي خليجية من الباب
_ بدلي .
_ وين ؟
_ بس بدلي ابقي ورايَّ واركضي شعد انتِ هم بدلي بسرعة .
دُر : اني مريضة وتعبانة ما اطلع جــود .
_ بالطلاك تررررروحين ويانه اطلگ بالعباس اطلگها .
دُر : هي منو انت واگع ببنية والله لو تضربك ماتحجي وياها .
شهد : هذا بس يتزوج يطردنا من البيت علمود ست الحسن ترتاح .
لبست وطلعت اخلص من لسانه طلعني امشي بطيء وهو يمشي ويايَّ
صعدت بسيارة بالصدر وشهد صعدت وما اشوف غير سيف الدين ركب
سيف الدين : زوجة اخيييييييييييييييي .
_ هلووو سيف .
_ هلووووو زوجة اخي هلوووووو .
_ صار هواي ما شايفتك شبيك غير نشوفك شي .
_ زوجة اخي حقچ عليَّ .
سحب كيبل ركبه بتلفونه وشغل اغاني بعلو صوتها
وهو وجود وشهد يصفكون ويركصون ويغنون
لزمني جــود من ايدي يرفع بيها يرگصني
واني اختنكت من الضحك على حركاته
يهز شعر ، ويهز كتف ويصفك ويطگ اصبع
بعد محاولات لا ارادياً صفگت وياهم واضحك على ضحكهم
والاغاني ، طلع يا فارس بدر وهز السيارة هز بالرگص
والصفكات ، وكف السيارة بشارع مابي ناس
نزل يركص وراح يمشي اشتراه اليه عصير وكيك
فتحهن اخذتهن منه اكل واباوع واضحك على سوالفهم الحلوة
نزلنا على حديقة حلوة وموجودة بيها ناس لزمتني شهد وهوا
وكف ورايَّ يخاف اوگع يدري دايخه وجهي تعبان
گعدنا وراح ، وسيف يمنا يسولف ، دقايق ورجع بيده وجبات
اكل كنتاكي وبيتزا وصاج شاورما ، فرشها ورتبها بالأرض
گعدنا كلنا وهو بس يشوني اخلص قطعة بيتزا ينطيني الثانية
ويرجع ياكل ويحشش على عالم وكل شوية مطلّع الببسي من خشمي .
واني اكل واشر على بنية تجي بعمري مربربة
جــود : شهد سيف تتذكرون هاي جوارينا بنت ابو امير
مربربة من جانت تلعب ويانا وعلي الآكبر يحبها ولازم
يدخلها تلعب ويانا بالشارع .
دُر : وين راحت ؟
جــود : ومن راحنا للمدرسة لازم يشتري الها وياه حلويات
ويگعدها يوكل بيها ، ويلعب وياها .
دُر : المسموم كمل كمل .
شرب ببسي يبلل ريگه الحية سنيك والله سنيك
جــود : ومن كبرت اهلها بعد ما خلوها تطلع وياه ولا تحجي
وهو سافر فترة عند بيت اهل فلك ، من رجع جانت خاطبيها
فد ضاج والله عنده ذوق الحيوان يشگ شگ .
شهد : غير ترملت زوجها مات ورجعت .
جــود : هو هنا رباط الحجي يا خية يا دُر البنية رجعت
تگول اني قطعة من السما ، لا شني من السما وين تعرفين من السما
المثقفة اقصد قطعة مارشميلو بيضة على وردية من تشوفيها
هيج بودچ تاكليها .
طلعت تلفوني بعدين رجعته صحت بي
_ اي واخوك شافها .
_ اجت اشترت من عدنا اكل وعلي الآكبر
حط الها دجاجة كاملة بلاش .
_ عفية برجلي السبع .
جــود : عبالچ بس هاي ؟
دُر : كمل انت شنو بقيت كمل .
جــود : واليوم الصبح اجت تريد طلبية عيد
ميلادها خطية صار عمرها 25 .
دُر : بعدها اصغر من اخوك كون الله يوفقهم ويجمعهم بالحلال
ما عرفت جهز الطلبية اخوك لو لا ؟
فر روحه فررر ينود بمكانه ويفر بيده
_ الصاج عليها وهوَّ جهز الها كنتاكي على حسابة وگال الها
كُل عام وانتِ بالف خير ارجوان هي اسمها ارجوان شلون ارجوان لقطة .
هزيت راسي وشهد تغمز اشوفها وتضرب على خدها
وسيف الدين غاص بالأكل شرد من عنده شرد محد يگدر عليَّ .
نفضت روحي واصريت نروح دگيت رجل يرجعني
قريب من فرعنا شفت سيارته صار بمستوانا صاح بي جــود
_ ها رحت تشوف ارجوان الخاين .
دُر : عزززا جان يمهااا شنو راح لعيد ميلادها .
وعلي الآكبر صوفر صفن بوجهه جــود نزلت
من السيارة واشوف علي الآكبر نزل غم غم حصر جــود بسيارته
_ ولك ما توووب ابو العلوووووم مووووتتني ولك مووتتني .
جــود : اليوم تنطرد من البيت تنام يمي ههههههه .
بعدنا بالباب وصفت سيارة انــور نزل يركض على علي الاكبر
_ علي الآكبر حرررررة يمكم .
واحد صار يصفن بوجهه الثاني
انــور : احجي عدكم حُــرة يمكم .
طلع عمي مستغرب من كلام انــور
_ مو عدنا بتكم بوية وينها وين راحت ؟
انــور : علي الآكبر البنية وين اختفت ...
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..