_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
بعد مدة شهرين ..
شهد ...
صوت غرام وهي تضحك بعالي صوتها مسموع
بكُل الصالة الفوك ، ابتسمت واني انزل عيوني اركز
على اكل اخاف يوگع ويصير شكلٍ الصينية مو حلوة
دفعت الباب برجلي وگعت من المرگه قليل فريت حلگي
وخليتها على طبلة صغيرة قريب من التخم والتفتت
شفت المدگدگ لابس بنطلونه بدون القميص
حاضن بنته ويبوسها ويشمرها بالهوا ويرجع ياخذها بحضنه
_ ابو السفرات عيني تعال اكلك جاهز .
_ بابا غرام من نكبرين يا ويلچ اذا صرتي مثل ماما نكديه .
_ منو نگديه المدگدگ اجيك والله اعيد تأهيل ملامحك .
نزل غرام وهو يبتسم ابتسامة لعوبة تقرب سحبني من
ايدي ودفع راسه برگبتي يبوسني واني اضحك من جكجكت لحيته
انــور : ربيني ، عيدي تأهيلي ، موتيني ، كلي ملكچ .
شهد : عبالك تضحك عليَّ بهل كم كلمة .
_ اختهم انتِ منو يگدر يضحك عليچ تضحكين على عشاير انتِ .
_ اي عفية خليها براسك اذا اخليك براسي امحيك .
_ امحيني يا بعد ضوه عيوني امحيني قابل
والله قابل وداعت هل عيون راضي انا راضي .
وهوَّ يگعد اني كتفت ايدي ورفعت غرام بحضني ومستمرة احجي
_ سفررررر بعد وحدك ممنوع ، لو تاخذني وياك ، لو بلاهااا السفره .
_ شغل هذا شغلي عيوني .
_ لا شغل ولا عيوني تسافر وحدك ما اقبل
شعرفني ما متزوج هماك وهاي كل فتوة تروح .
_ شنو مسوي بينچ وبينها شفتات .
_ الله واعلم .
_ تريدين تسمميني مو ؟
_ اذا اشك مجرد شك مو بس انت اسممك .
_ ها لعد ؟
_ انت واهلك .
هز راسه اكثر من مرة ونزل عيونه على اكل ورجع معترض
_ شهدهد كم مرة اعيدهاااا .
_ اي شيوي من اصعد يوگع قليل .
_ المنظر يقلقني واگع مرگ بالصينية عبالك وسخ .
_ اوي شدعوة هاي لو نفس جــود سودة علية
جنت اختصر اكله حتى ماتصير مواعين اجيب صينية
صغيرة واخلي بالصينية تمن فوكاه مرگ والزلاطة
بالاطراف عود ترتيب وياكل لل يتشرط ولا يتأمر .
_ واحد يحجي يبتلي على روحي يسكت يموت من القهر
ويختنگ بالكلمة وضليت حايرررررر .
_ ظل حاير لا والقران تعرفني مخبلة اتخبل عليك بهل ليلة .
_ باعتها وراح اغص بيهاااااا .
مسح المكآن بالكلينكس واكل واني طعمت غرام
واحجي اني وياه على شغله والسفرة
ما حسيت غير غرام نامت شلتها للفراش نومتها
ونزلت الصينية اخذت گلاص الجاي من صفية
رجعت دخلت نايم على سرير وايده على عيونه
من شافني نهض اخذ مني گلاص الجاي وقبل لا ابعد
ايدي اخذها بكُل هيام باسها بـ احترام ابتسمت بخجل
وگعدت ابلعم واني اركز بوشم صاير بوسط بطنه غريب
شگد احاول افسرهن بدون ما اطرح سؤال وهو يشرح
عنهن ويتأذى نفسياً بس ما اگدر صعبة كلش صعبة الرسمات .
خطفت عيونه بوجهه شفته مبتسم ونزل عيونه
على مكان تركيزي ابتسم بصعوبة وشرب شوية من الجاي
بس كمل نام واشر بيده وهو يفرش ايده الثانية
_ تعالي نامي على ايدي .
_ ما اريد انام عندي شغل .
_ تعالي نامي واحجي الچ قصة هل وشم .
عضيت شفايفي بحماس واقتربت نمت على
ايده ورفعت راسي انتظر يحجي وهو تركيزه بعيوني
_ تگدر تحجي ؟
_ ارتاح من تسمعيني .
_ فقرتي المفضله من اسمع قصة كل وشم .
نزل ايده يرسم الوشم دفعت ايده واني صرت
ارسم على الوشم الي يعجبني واريد اعرفه معناه
تلمست اكبر وشم يبدي من بداية ايده ومرسوم
بكُل اتقان على كامل ايده وصدره
انــور : اول وشم بـ اول صدمة بعمري .
_ صدمة ؟
_ موتتني امي واني عايش بيوم الي عرفت
من حقدها وغيرتها ولان يقارنون ام يسار بيها
ولان احسن منها خططت المكيدة حتى يموتوها
امي اتفقت هي وأخوها يدبرون شخص يدخل عليها
وصارت ودخل وكلشي تصور ايام وشهور امي
تهدد ام يسار بالفديوهات من الضغط وخوف ام
يسار من عمامي عافت اولادها وموتت نفسها .
هو يشرح وايده ترجف ودمعته سالت من عيونه على خده
انــور : عرفت بيها سمعتها بـ هاي اذني ورحت
مخبل الها مخبل اعاتبها باعتني فضلت نفسها وضيعتني .
_ ضيعتك ؟
_ سايرتني بيومها ما صدگت جذبت گالت انتظرني
بالغرفة هسة اروح اجيب الك دليل اني ما اليه ايد بموتها
راحت بس من رجعت وياها اخوها ضربني على راسي غدر
والله غدر وطلعوني من البيت صفية شاهدة شافت كلشي بعيونها
تعذبت تعذيب على ايد اخوها المجرم في سبيل اسكت ويظل هو
وأخته متمتعين بالفلوس .
نزلني من ايده ورفع جسمه وسند ظهره على سرير
شغل الجگارة ورجع يركز بكل تمعن بالوشم هز راسه
ابتسم بكسره وابتسم ابتسامة مكسورة من القهر
انــور : تعب مني بدون ما تدري امي صار يعودني
على مخدرات يوم بعد يوم واني شاب وسامع بمصيبة
وراسي شايب من امي واخوها وضرب وتعذيب اخذت
جنت اني اخذ واطلب منه الى ان تشبعت گال اسافر اني وياك
قبلت لان اذا يروح اتعذب هنا منو ينطيني واني تشبعت
سافرت وياه ، بعدني كم يوم هناك راد يزوجني بنته
حفظته عرفته يخطط بدون ما يحس طفرت منهم ورجعت للعراق .
_ وامك ؟
_ رجعت مو اتعارك عندي وياها حرب
اذيتها بالتهديدات ضغطت عليها ضغط وصلت
المرحلة اريد اسوي بيها مثل ما صار بـ أم يسار
بس امي محد يگدر عليه فرتها عليه بلغت ابوية
وعمامي على مخدرات وشمرتني مستشفى ادمان مخدرات
صحت بيهم حجيت الهم هي السبب تصيح بيهم هاي المخدرات
خبلته مو بعقله كلهم ما يصدگوني شهد كلهمم احجي وياهم
يگولون تخبل مو بعقله وجنت بوكتها صدك مخبل
صرت افكر افكار اذا احجيها الكل يتخبل عقلي اختل .
گعدت مقابيله حضنت ايده صايرة قالب ثلج
انــور : عذبتني بس اني احب امي والله .
_ ما ادري ضاع الكلام مني .
_ يسار هو الوحيد يصدگ صار بكلامي
ويربط احداث بعقله عرفني ما اجذب
صار يستمع اليه ، طلعني من المستشفى
سافرت ما بقيت وياهم ويسار اخذ بالشهرين مسافر ويايه
بس رجعنا يسار يشوف امي مو بشر جن يتخبل
بيوم وليله اجاني متعاطي بس متعاطي لدرجة گلبه
يريد يوكف ، نقلته مستشفى عرفوا بالموضوع شرد منهم
وداعت عيونچ شهد منعته ما ردت الصار بيه يصير بي
بس هو انهار واني من اشوفه واسمع كلامه اموت وياه اموت
جنت اتمنى امي ماتت مو آمه تأنيب الضمير دمرررني دمار .
جر نفس وهو يشوف ايده الثانية وتكملة الوشم
_ تدرين شنو اصعب شي من اواجه امي
وتجاوبني (ترا اموتك مثلها ) اني هنا موتت روحي
اني ويسار ناخذ بهذا الدمار واكثر وشوم بكل وشم موقف
وحدث وكسره جديدة .
رفع ايده على رقبته ومشه ايده على وشم
_ هذا اصعب وشم بيهن من اشوفه اريد اگطع رگبتي
وشمته بـ اول مرة ارفع بيها ايدي على دُر جانت
ترفض يسار واني احس بلا وعي احنا مديونين اليسار
لازم اني واخواني نشتغل عنده لان ادمر بسبب امنا
بيومها دخلت عليها جانت نايمة خنگتها الحد الموت
عيووووووووونهاااااا عيووون دُر بذاك اليوم ما تفارگني
جانت تفتح عيونها بكل قوتها مصدومة حتى ما تصيح
ولا تدفع ايدي بس مصدومة بيه اني حنين عليها
بروحي جنت بروحي افديهم شلون اضربها
رفعت ايدي منها جانت بحالة اغماء وريان يلطم على راسه
شالها وگعت بيده المصيبة اجت امي ما گالت اني تخبلت من وراها
لاااااا تصيح موووتوا هذا خلي يموووووت تخبل من النسوان والمخدرات .
عصرر راسه بكل قوته تقربت اكثر وهمست
_ اذا ما تگدر تكمل كافي لهنا كافي .
_ يسار سبب دماره امي واني دمرتني امي
اخواني دمرتهم امي امي امي امي وهسة تريد نحبها .
_ امك هاي امك .
_ اريد يصير عندي جهال اريد اعيشهم كلشي جنت احلم بي
حنان ، ودلال ، امان امان انطي الهم هوووواي امان
اخليهم من يشوفوني يأمنون يرتاحون .
_ واني راح اكون صديقتهم وصديقتك وعد .
_ شهد اني ساعدت نفسي واختاريت وجودچ
وخلصت من الادمان بس يسار ظل وحيد كلنا ضده
ضايع لا اخذ حق امه ولا اخذ الي يحبها كل تفكيري بي والله
وأدوره اني صار اسابيع ادور على مكانه ماكو مختفي .
ما وافقته بكلامه وبينت ملامح الانزعاج على وجهي
_ أخاف ترجع تشوف يسار وترجعون انت وياه تتعـ..
_ لا تكملين اشششش لا تكملين عندي انتِ وغرام وارجع ؟
_ حقي اخاف .
_ ادعيلي اساعده واخلصه اني اعتبر يسارّ أخوية والله .
_ اذا ربنا كاتب تساعده راح تساعده بس انت هدي فدوة
رجفتك هاي اتعبني بكل مرة تحجيلي قصة وشم .
_ خليني بي ايدچ مثل كل يوم .
اخذته بحضني نام وهو حاضني بكل قوته وكأنه خايف اعوفه
بقيت على نفس حالي الى ان نام واني فكره تاخذني وفكرة تجيبني
نهضت من مكاني امشي بالبيت وطلعت حُــرة من غرفتها
حُــرة : شلون نمت نومة .
جاوبتها رنيم وهي تطلع من غرفتها مبدلة وبيدها اوراق جرد البوتيك
_ هو انتِ شنو عندچ شغل عمل اشو اكل ونوم مثل الحيوانات .
حُــرة : اهم شي عندي كرامة لان الانسان بدون كرامة ما يسوى شي .
_ لا تخافين كرامتي محفوظة وغصب عنچ .
حُــرة : وبليل من تتوسلين بي يجي عندچ هنا كرامتچ محفوظة ؟
رفعت ايدي على راسي ونزلت اركض فتح ريــان الباب الخارجي
ودخل بيده علاليك صحت بي اول ما دخل
_ تعال عيوني خلصني من نسوانك .
ريــان: بدت رحمة الله .
نزلت حُــرة عينها على علاليگ اخذتهن من ايده تتفحصهن
حُــرة : معليك بهاي عيوني كلشي ماكو اي
وهسة حبيبي الله يساعدك بالبداية الله بالخير .
رنيم : لا اكو انت شلون تخليها تشوف رسايل مو عيب عليك ؟
قوس حاجبه وهو يستفسر بعدم فهم
_ يا وسائل لچ ليش ترفعين صوتچ ؟
_ ماتعرف ياااا رسائل تخاف تعترف گدام هل زعطوطه .
راح يمها رفع ايده بوجهه يهدد ببها ما مفتهم قصدها ابد
_ يااااااااا رسائل انتِ مخبلة ؟
رنيم : الرسآئل الي ارسلها الك بليل وانت تجاوبني غشمت نفسك .
التفتت بكل سرعته على حُــرة ضحكت بشيطنة
وذبت العلاليگ كلهن بالگاع بقت بس وحده بيها علامة مطعم
مبين اكل ، هو تقدم عليها وهي رفعتها وشالت ايدها وركضت
بكل سرعتها وتضحك بعلو صوتها وتجاوبه
_ اني جنت اراسلچ اما ريــان نايم وشابع نوم بحضني .
ريــان : حرررررة الجنية .
_ اوووي صيادي تعال انتظرك بغرفتنا .
رنيم : بدون ما تصيحين يجي وراچ يركض معمي مسير .
حُــرة : دقيقتين بس ..
حجتها ورجعت على غرفتها عفته يحجي هو ورنيم
وهو يلوب عيونه على درج وكفت رنيم وصاحت
_ شلون تگول تدللين وخادم وبالك وعقلك وگلبك
يمهاااااا حتى ما تشوفني احجي اني والحايططططط
بس من تحجي هل زعطوطه عيونك وكلشي بيك يركز وياها
تعبددددهاااا انت صررررت حتى تعبدددددهاااا روح يمها روح .
هي طلعت السايق ينتظرها وهو ظل صافن بمكانها
لدقايق صعد فوك ومبين عصبي روحه طالعه
بقيت جوة اني وصفية نخطط شنو نسوي اكل
لان كلها راح تجتمع بليل على سفرة
بس اتفقنا صعدت سمعت صوت انــور يحجي
بالتلفون وصوت دُر عالي فاتح مايك ويتفقون .
فاتحة ملاحق خزانة الملابس واسمع صوت تلفوني
يرن على صوته فز الكرار من نومته يبچي بعالي صوته
ما يهون عندي اشوف دموعه اخذته بحضني
واني اهمس بصوت خافت حتى يطمئن
دُر : لا ماما حبيبي نظر عيني يمك مامي يمك .
اشر على تلفون بمعنى صوته مُخيف
دُر : يلة حبيبي يلة گلبي ميخالف هذا بابا يمكن .
سحبت الجهاز وقبل لا ارد على
مكالمة ضحكت وبحماس صحت
_ هذا خالو انــور تحجي وياه تريده ،
ضم راسه برگتبتي ويفرك بعيونه بعده نعسان
اخذته والتلفون بعده بيدي گعدت على تخم
ونومت الكرار بين أحضاني
_ خالو انــور ليش خوفت الكرار .
_ ها سالمين ؟
_ نايم وفز على صوت التلفون .
_ عمي لا يسمع ابو عباله صدك خوفته .
_ هههههههه طالع طالع ماكو .
_ شلونچ انتِ عيوني .
_ الحمدلله وانتَ قبل شوية جنت احجي اني وشهد گالت
هل ايام كُله بالشغل انتَ وابوية وقليل ترجع للبيت .
_ اي والله عدنا شحن وبضاعة جديدة وصايرة هوسة
صار هواي ما گاعد بالبيت باجر عندي عطلة تعالي انتِ وعلي الآكبر .
_ من يرجع ابلغه اذا قبل نجي .
_ خابرت جــود راح يجي هو ودارين .
_ اذا علي الاكبر ما قبل اني اجي وياهم .
_ اجي اني ؟
_ لا والله مايحتاج .
_ انتظرچ عيوني .
بدلت الكوكي واخذته واني احاول اخلي يمشي
دخل بعمر السنة وبلش يحاول يمشي ويخطي
خطواته الأولى ، اول ماعبرت الممر شافني
سيف الدين اخذ الكرار من ايدي وهذا شمر روحه
على عمه ويأشر على مطعم حتى ياخذه على ابو
جــود : ابوك مو بالمطعم عموووو ابوك راح خطار .
سيف الدين : ابو العلوم اسكت شكبرك تصير بعد .
دارين : يموت اذا يسكت .
جــود : تقبلين اموت ولچ عادي عندچ .
دُر: احجي ما اريد بنت عمي تصير ارملة من وكت .
جــود : غير هذولي العالم مسلمين بتهم هدية لعلولي .
رفعت حاجبي واني اريد اغوت على عمتي حجت وياها
وهيَّ صاير وجهه احمر من الضحك وتعجن بخبر العروگ
من شافتني رفعت ايدها وبعدها تضحك غمت جــود بالهوا
دُر : شطلعت هاي .
ام حسن : جذاب يمه هسة يجي علي الآكبر يطيح صبغه .
دُر : مو ذاك اليوم على اساس لحسن انوب تحولت على علي الآكبر
وهسة هم تجددت على علي الآكبر .
ام حسن : چا نصهم ما يدرون بي متزوج .
دُر : عنده ولد بطولة .
ام حسن : ههههههههه الكرار بطول علي الآكبر
هو وينه ولك كوكي تعال يمه ابوسك .
دُر : غيري الموضوع غيري هسة يرجّع ابنچ واتصرف .
دخل جــود الكرار ومال بجسمه باسها وهي باسته
ونزل على ابن سراج ونرجس لزمه من شعره وضرب راسه بالحايط
على صوت صراخه اجت امه تركض هو من شافها ساعد روحه وگف
يسوي روحه مو هوَّ ورجع يمشي على جــود هو يشيل بي انفتح
الباب شاف ابو لو ردت روحه وفصل منه ، وعمي بعده يحجي
هو وعلي الآكبر وهو الثاني من شاف الكرار فصل اجه اخذه
من جــود رفعه يبوس بيده والكرار يضحك ويأشر على باب الشارع
يريده يطلعه عافنا كُلنا واخذه وراح برا يلبي طلباته لازم .
اخذت العلاگه من عمي وهو فات جوه مدد جسمه على تخم
خدرت جاي قدمته ورجعت للمطبخ ، فات علي الآكبر والكرار
بيده جيس حلوياته الخاص ، ومنا اطفال اخوانه مايصير
بس يشوفون لان اخوانه ابد مايقصرون على الكرار
طلع جيس ثاني وزعت عمتي حلوياتهم عليهم
تربع علي الآكبر على تخم والكرار مقابيله يفتح
بالحلويات ويوكل بي وكُل شوية يحضنه ويبوسه
رحت يمهم من شافني ابتسم رحت گعدت يمه
فتح نستله اخذتها منه وجود صاح بي
_ اي وكلها وكل ابنها .
دُر : جــود يگول هذولي العالم عدهم بنية وابوها هداها الك .
علي الآكبر: ها وين عايشين ب2024 احنا منو ينطي بنته هدية بعد ؟
دُر : ها .
علي الآكبر: اگول ليش ماتسلم اثاري حش براسها ابو لعلوم .
جــود : مرتك عربانة بكل امانة .
باوعت على علي الآكبر وكملت اكل وهو انشغل
يحجي هو وابو واخوانه، بس كمل الكرار اخذه
يغسل بيده وجهه نزّله بالگاع ورجع علي الآكبر
يمشي بـ اتجاهنا هو وصل قريب من جــود ولزمه
وبكُل قوته غمه غمه بحيث راسي من يمي وجعني
_ حتى تبطل علوم يا اغم غمه تغمك غم يا اغم .
خفيت ضحكتي من شفت دارين خزرتني
طلعت للبيت واسمع خطوات ورايَّ بمجرد
ما اريد التفت صرت بين احضان الصنديد
ضميت وجهي برگبته واني اهمس بكلماتي
_ هم تبدلني ؟
_ انا ؟
_ تعوفني تملني ؟
_ بنيتي انتِ .
_ اخاف مرات .
_ ازعل ؟
_ ليش ؟
_ ما اريد تخافين .
_ حقي ؟
دفع باب البيت بس دخلنا نزلني وهو
ياخذ شفايفي بين شفايفه فهمني
_ انا ابدل روحي شبيه ؟
_ مهوس انت .
_ بعدني واظل للموت حتى لو ازوج
ولدي واصير جد اظل مهوس بيچ
وعيوني ماتشوف غير دُر روحي .
غضيت شفايفي على حركتي هز راسه متحلف
وهو يدخلني للغرفة اني افهم بي بلطف
_ معزومين باجر .
_ ياهو معزوم ؟
_ انــور عزمنا .
_ ماكو روحه .
_ اوكي بيبي .
_ دُر ماكو روحه .
_ احب هل عيون .
_ دُر بوية لا .
_ ملامح الغضب ياخذن گلبي بجمالهن .
بين احضانه ، واثر لمساته ، وكلماته ، احتوائه
نساني وفصلنا عن الدنيا كُلها ، وبعد حين فتحت
عيوني نايمة والغرفة باردة جسدي العاري مغطى
بغطاء خفيف يستر معالم جسدي ، مددت ايدي وابتسمت
واني اسمع صوت علي الاكبر والكرار بالمطبخ وريحة
الاكل وصلتني ، نهضت بكسل ، توجهت للحمام غسلت
ورجعت سترت جسمي بفستان قصير ، بخطوات الحذر
تقدمت للمطبخ تكتفت بدون ما اخليهم يشوفوني راقبتهم
الكرار گاعد على كاونتر بصفه ماعون بطاطا وكجب ومايونيز
وياكُل بيهن ويستمع لكلام ابو وهوَّ يفهمه صار جبير لازم يبطل مُلهيه .
لملمت شعري وهو مستمر يحجي بس كمل البطاطا
رجع اخذ مُلهيه كتف علي الآكبر ايده وگف لدقايق
يعاتبه بنظراته اخر شي صفق وصاح بخفوت
_ جنت احجي انا والحايط موووووووو بابا ؟
سحب الكرار الملح صاح بي يرجعه
_ رجع الملح وذب هاي من حلگك
والله الغلط مو منك من امك علمتك عليها .
تقربت وبس شافني الكرار ابتسم ورفع ايده بمعنى شيليني
اخذته بين ايدي ابوس بي واحجي واضحك
_ شبي بابا وياك عباله كبرت گلبي والله
شنووو هل سنون فدوة كلبي فدوة .
رجعته بمكانه بس حسيت بعلي الآكبر حضني
حط راسه برگبتي يدغدغني بلحيته
_ العناد عندچ وين يوصلنا بعد .
_ بيبي ازعل عليك والله شكو بيها ترا بعده صغير .
_ عيوني انتِ الخاطري علمي يذبها .
_ بعيوني يا عيوني انت .
قلب عيونه وهو يضحك سحب الكرسي وهو يأشر بيده على ميز
_ تعالي اكلي شي من البارحة صايمة .
_ اريد اشتري فاتح شهية شهيتي للأكل صفرر .
_ نروح دكتور تغذية احسن واضبط .
_ اوكي من تفرغ ادري هل كم يوم مشغول .
باس راسي من گعدت وقبل لا يگعد جاوبني
_ اذوب بـ تفهمچ .
ضحكت وحاولت بكُل قدرتي اكل جبرت نفسي على كباب قطعة
وخلص بعد ما اتحمل اكمل ، الكرار وعلي الآكبر ياكلون
مقابيلي ومن اشوفهم شلون يضحكون ومرتاحين اشبع من يمي.
بعدهم ياكلون واندگ الباب رحت للغرفة لبست تراك
وعلي الاكبر فتح الباب الجود ودارين ويسأل بيهم من شافهم مبدلين
_ شعدكم ؟
جــود : مو عزمنا انــور .
_ شعنده عازم الدنيا كلها معرس ؟
دارين : وين هل مسكين ابن عمي يتزوج واختك زوجته .
جــود : شبيها اختنا .
دارين : ما تنجرع .
دُر : راح تروحون ؟
جــود : زوجة اخي المثقفة صباح الخير مدري مساء الخير.
دُر : شلونك من بعد الغمه ظل بالي بمك فد انقهرت ؟
جــود : هو هذا الي يحجي الحقيقية ينسحگ لو ينغم .
التفتت اباع على علي الاكبر غلس علينا كُلنا وشغل
جگارة وراح يتصفح بالتلفون متجاهل نظراتنا
راح جــود للاستقبال گعد قريب منه وسأله
_ تروحون ؟ ليش ما مبدلين .
_ روحوا انتوا انا ودُر ما نروح .
صفن جــود عليَّ وعلى دارين مصدومين من رد فعله
يريد يكمل استوقفه ما يخلي يحجي استسلم اخذ دارين وراح
بقيت بغرفتي لدقايق اتصل انــور خجلت اجاوب اخذت ملابس
الكرار اغسل بيهن وهو فات من يمي يحاجيني
_ شنو من مسواك محتاجين حتى اروح .
_ سلامتك عيوني محتاجين بس سلامتك .
عافني وراح فتح الثلاجة وطبگها بكُل قوته وهوَّ يرجع
_ اخابرررررر جووووود يجي ياخذچ ؟
_ وين ياخذني جــود ؟
_ بيت اهلچ مو معزومه ؟
_ وانت شنو دورك عزموني اني وياك وحدي ماروح .
_ براحتچ لا تروحين .
خليتهن بالغساله بس ينشفن ودفعته بكُل خفه من صدره وطلعت
_ دُرررر .
التفتت صوته صار عالي استغربت منه
نظرت بعيونه بضياع عصرت ايدي واني اجاوبه
_ نعم .
_ تعالي گدامي .
رفعت حاجبي بتعجب وهزيت راسي بعلامة لا
هو تقدم من شافني رفضت قدم ايده ورفع راسي
_ تدفعيني .
_ ردت اطلع .
_ وتدفعيني ؟
_ شبيك ؟
_ انتِ شبيچ لچ دُر .
ضغطت على اسناني وثبتت عيوني بعيونه رغم ضعفت
وانمرد گلبي من سلوبه عيوني تلالي بس تريد تنزل دموعها
دُر : اريد اروح .
_ وين ؟
_ بغرفتي .
_ واهلچ ؟
_ حتى لو تگول نروح كلنا بعد اني ما اروح .
_ عناد ؟
_ اي عناد بيك .
اني حجيتها وهوَّ عافني وفات للغرفة
بقيت ما دخلت ابد رحت للمطبخ گعدت
على ميز الطعام ايدي على خدي
اجه الكرار يريد حليب سويت اله
ورجع للغرفة حتى ينام بحضن ابو
رن تلفوني بالغرفة رحت واني اخذه سحب ايدي
جريتها منه ثبتني من خصري وشمر تلفوني
_ بدلي انا اسف بس من خوفي وحرصي والله بوية دُر .
_ ما اروح لان كُل ما اريد اشوفهم تسوي مشكلة صاير .
_ اهلچ هل كم يوم عدهم مشاكل ، ياسين من جهه ، وعمران
مسيطر عليهم ، ويسار يهدد ويتوعد هنا احسن گلبي يرتاح .
ادفع بيده واهز بروحي حتى ابتعد
دُر : هذا كلامك تبلله وتشرب الماي مالته .
علي الآكبر: سببي واضح .
دُر : هوسك سيطر عليه احسن الك حتى ما تتأذى .
_ بالخدمة .
جريت فستان البس بي وهو يفتر متردد
راح للاستقبال يخابر ورجع يشيل ويبوس بالكرار
من بديت اكمل جاب ماي وگعد مقابيلي يشرب ماي
ويستغفر، رفعت حاجبي وغمزت بمعنى شكو
اشر بيده ويصفگ عود ماكو شي سحبت ملابسه
خليتهم قريب منه واعدل بيهن طاعت حذائه امسح بيها
اخذها من ايدي هو يمسحها ودار عليه يسألني
_ وين الحذاء مالتچ ؟
_ شسوي بيها ؟
_ جيبيها .
_ هاي لونها ذهبي .
اخذها يمسح بيها ومسح حذاء الكرار واني
على ميز كملت مكياجي واسرح بشعري
كمل تبديل قبلي وكف قريب مني يرفع بشعره
اريد اختار جنطه وما احس غير سحبني من خصري
دفع راسه برگبتي يشم بيه هيمان
_ والله اسيطر على نفسي بس لا تزعلين .
_ بديت تخنگني بهوسك ما اريدك هيچ .
_ تأمرين والله تأمرين .
لملم شعري يعدل بي واني البس بالحذاء اخذها الثانية
لبسني واخذ ايدي بيده وشال الكرار وطلع
اني اضم بمبايلي وهو يقفل بالباب سلمنا على عيالي
من الباب وطلعنا تحت انظار ريمان وبتول الحاقدة
بس نرجس تضحك عليهن ، صعدنا بالسيارة
شغل يا فارس بدر هو والكرار يصفگون فرحانين
واني اصور بيهم وبالطريق ، الى ان وصلنا مقابل بيت
اهلي اني انزل وابوية نزل هو وامي بكامل اناقتهم
سلمت عليهم واني عبرت علي الاكبر ماتقبل تسلم عليَّ
وهو من يشوفها يتكهرب كُل وضعه ، دخلت وظل هو وابوية
يمشون ويسولفون ابوية يحبه ، اريد أدخّل وأنفتح الباب
وطلعت حُــرة تگمز من الفرح حضنتني بكُل قوتها
_ شلونچ لچ نملة .
انــور : قصدچ احنا شلونه من وراها .
حُــرة : حاقد هذا المدگدگ هو ومرته المدگدگه .
طلعت شهد من المطبخ تمسح بيدها بالكلينكس
_ هلاااا هلااااا بيهم هلا بريحة هلي .
تقربت بوستني وفتحت الباب سريع صار علي الآكبر
مقابيلها حضنته بكُل قوته تبوس بي وهو يبوس براسها
تريد تبتعد وسحب ايدها ورفعها فر ايده يسأل بيها
_ وين الوشم المدگدگه ؟
_ يجذبون عليك يا وشم هذا ؟
جر ايدها الثانية وهي التفتت على انــور
تتوسله بعيونها هو انــور بسرعة افتهمها
وتقدم اتجاههم اخذ ايدها من علي الآكبر
انــور : هسة اني ادخل بينك وبين
دُر شكوو تنبص روحك بيناتنا .
علي الآكبر: چااااا ما ندخل انوب ادگدگ أختنا ؟
انــور : عاجبها وعاجبني .
التفت عليها علي الآكبر فاتح عيونه
_ يعني صدگ واشمه مووو جذب ؟
لملمت ايدها بخجل وهو لمحها من بعيد
طلع ريــان من غرفة الضيوف فاتح ايده
_ منوووو هناااا الصنديد .
رفع علي الآكبر ضرب ايده بيد ريــان
_ الصياد الكبير شلونك .
انــور : مو البارحة طلعتوا سوية ؟
ريــان : هذا العزيز هذا الغالي .
علي الآكبر: يغارون من حبنا؟
ريــان : تعال تعال سحلت جــود تعال اسحلك .
بقينا الجهال بالهول الكبير يمهم مساعدة جايبيها
جديدة للأطفال، بقيتها يمهم ورحت للمطبخ كل البنات
موجودات دارين حُــرة وشهد وصفية وياهن
حضنتها بوستها وهي تضحك كبرانه مو مثل قبل
حُــرة : اليوم اني طبخت اذا ما اخليهم يتعجبون .
شهد : يبووووو علينا البوم ما نام من التعيارة مالتها
تمشي وتعير وتصيح اني طبخت واني طبخت .
حُــرة : تعالي عليچ الله شوفي هذا الدجاج طيب انتِ ذوقچ رفيع .
دُر : لعد واني شنو ذوقي بالأكل .
حُــرة : ذوقچ فاهي مثل اخوانچ تريدون الاكل حُله ناشف
لا زيت ولا طعم هيج بس اسمه شي ينوكل .
دُر : اسمه اكل صحي .
حُــرة : مو جوووونا موو شهدهد .
شهد : صح كلامچ زوجة حمايه .
جهزنا السفرة اني وياهن ونضحك ونسولف كلنا سوية
بحيث البيت صار عبالك روضة نزلت امي لازمه راسها وتهز بي
_ مدرسة عندي مدرسة .
شهد : تعالي عمه كمل الأكل .
بعدني ارتب بالسفرة والبنات راحوا يجيبون الباقي
تقربت مني وهي تگعد تحجي بستهزاء
وفاء : شكد انسحلتي وانضربتي وخسرتي
لخاطر هل لمه وبألاخير سويتيها يا بنت وفاء .
دُر : ردت اكسر القاعدة مالتچ قطع صلة الرحم ، والكره
والحقد والبعد الي تزرعي والحمدلله خلصنا من عنده .
شهد : شكو شبيكم .
وفاء : ماكو شي بس سويلي عصير برتقال طبيعي .
شهد : حاضر تدللين .
حجتها وراحت تركض للمطبخ الكُل اجتمع على نفس السفرة
وشهد اخر شي اجت خلت العصير على ميز وصبت گلاص
من شربته هزت راسها وابتسمت الها ، انــور يسولف
هو وعلي الاكبر وابوية وريان نزل من فوك ابنه بيده شايله يضحك وياه
وفاء : وامه وينها خليها تنزل ؟
_ ما تقبل خليها براحتها .
حجاها وگعد وابنه بحضنه يوكل بي ورزان بس شافته
اجت تزحف لزمته من رجله تسحل بي تلفت انتباهه
ضحك ريــان بوجه حُــرة اجت اخذتها ما تقتنع
ريان : جنيه نفس امها تظل تحوم تاخذ الي تريده ترتاح .
حُــرة : الفقير بعل وكت مايعيش خليهاا هيچ فديتها .
انــور : انتِ وبنتچ تاخذن حصتچن من حلگ الأسد .
حُــرة : حالنا من حال مرتك .
حجتها وبقت تاكل وهو شاط بس مايگدر يحچي
وريان يضحك عليهم ، بس كملنا خلينا كُلشي على صفية
والمساعدة الجديدة واني والبنات اخذنا الجايات وگعدنا كُلنا
ودارين توزع بالچاي وسوالف وضحك الى ان صار المغرب
طلعوا الشباب الشوايات وجهزوا الميز والمشاوي
والبنات سحبوا ميز ثاني لزمتني شهد وصعدتني
واني اريد اساعدهن طلعت بوكسات اثنين اكبار
وبقت تحجي على دوام وعلى شغل انــور واني بالي جوة
حسيت دا يصير شي ، اخذت البوكسات منها ساعدتها ونزلت
بس طلعت الباب للحديقة وما اشوف غير شعالات اشتعلت
والميز مقابيلي مزين بالبالونات الورديه والميز عليه
قماش گلتر ، وكيكة مستطيلة والعصاير وبس انــور
وعلي الآكبر يتجادلون من بعيد اشوفها اقتربت بصدمة
علي الآكبر: لهذا السبب ما ردت اليوم نجي ردت
اطلع اني وياچ نختفل سوية بعيد عنهم .
انــور : ويانا كُلنا احلى ابني احلى .
حضني علي الآكبر باس راسي وانور اخذني من ايده
_ كُل عام واميرتي بخيررر .
سحب ريــان ايدي فرني وحضني اخذني منهم وهو يحجي بكُل هدوء
_ هذولي هوسة تعالي شوفي الكيكة ذوق الجنية مالتي .
رحت مقابيل الكيكة خليت ايدي على شفايفي واضحك
_ صورتي ؟
حُــرة : اليوم ناكل مرتك يا علي الآكبر .
علي الآكبر:كلامكم سجاجين .
ريــان : ههههه يساعدك الله خوية .
رفعت ايدي اشرت لعلي الآكبر اقترب مني
قطعت الكيكة اني وياه وكُلها تصفگ ضميت
وجهي بحضنه وهوَّ حاضني بكُل تملك
اجه انــور فتح علبة صغيرة طلع منها قلادة
على شكل فراشة صغيرة ولبسني بيده وهو يضحك فرحان
وريان بيده سوار من نفس ماركة القلادة
حُــرة وشهد بوكسات هدايا ملابس واكسسوارات
جــود ودارين مجهزين بوكس عناية عرفتهن اختيار دارين .
اخذوا الكيكة للثلاجة وانور وعلي الاكبر راحوا يكملون شوي
وجود وريان كافين ردن القمصان ويشيشون تكه وكباب
وهمَّ يشون يذبون على ميز واني والبنات نسولف
وناكل حار بحار والصمون حار مكسب .
رن تلفون انــور اكثر من مرة ابتعد من عدنا كُلنا وراح بعيد
يحجي ويأشر دخل للبيت عافنا وطلع وابوية وياه مستعجلين
ريــان: شكووو خيررر ؟
يوسف : كملوا بابل ماكو شي دقايق وراجعين عدنا شغله .
طلعوا بالسيارة مستعجلين فتت للبيت اجيب المقبلات
اني وحرة ورنيم نزلت تركض صاحت بعلو صوتها
_ لچ هذاااا ابن عمكم يسار فات للبيت وحط مسدس براس علي الآكبر .
هي حجت هيچ لو وگفت الدنيا بعيوني طلعت مثل المخبلة
واشوف يسار موجهه التلفون بوجهه علي الاكبر
بس شافني فر المسدس اتجاهي ريــان اجه اتجاهنا يركض
حضني ويدفع بينا اني وحرة حتى نفوت ويسار يصيح
ومبين من صوته مو بوعيه ، بعدني ما مستوعبة
ونزل يركض انــور وابوية من السيارة يصيحون بي
انــور : يسار نتفاهم احسن من المشاكل خلينا نحجي .
علي الآكبر: اليوم اذا ما ارررربيك تبيع رجولة الحررررمة .
انــور : الخاطرررر الله علي الآكبر لا تحجي متعاطي
مخدرات مو بوعيه لووو يموتنا هسة كلنا ما يدري بروحه .
سحب اقسام ، سلاح تهديد ، قتل ، تدمير شخص
واگف منهار متعب عيونه حمرة دم تبث غضب وحقد
وجهه المسدس ناحيتي وهو يرجف ، ما حسيت غير اندفعت داخل البيت واصوات الصراخ تدوي بالخطر والرهبة ، موت لا بدّ منهُ ، سواد قلوب وملابس
صرخت وبعالي صوتي شبه فاقدة السيطرة من خوفي من شفت
يسار يرفع المسدس براسه يريد يضرب روحه
_ اخذوا المسدس اخذوووووا لاااا يمووووت
يموووووت ينتحرررررر يمووووووت لااااااا .
التفت علي الآكبر ورفع اصبعه وصرخ بوجهي
_ لا تطلعين لااا تطلعين لا تخليني اتخبل عليچ .
رفعت ايدي ودموعي تجري على خدي بتوسل
_ بس ما اريد يموت بسببي ما راح اسامح نفسي .
_ اسمعي كلامي دُر فوووووووتي .
هزيت راسي وفتت اباع من خلف المرايا
وانور يراوغ بالكلام وياه يريد يوصل اله ويوثق
بي وهو يصيح منهار ويأشر على علي الآكبر
_ باعتني واختارررررررت الغرررريب فضلته عليَّ
ليشششش عافتني اني اريدهاااااا مو جانت خطيبتي
ردنا نتزوج هذاااا هذااا السبب خربناا لعب بعقلها .
علي الآكبر: انورررر سكته وخلي يطلع لا افوووت بيكم
گول اخلي يندم على يوووووم الشرب بي زفت .
تقرب انــور من علي الآكبر يتوسل بي ويسكته
وجود اشوفه من بعيد يفتررر بدون محد يحس وينتبه
عليَّ استدار على يسار ويسار رفع المسدس اكثر براسه
وصاح بعالي صوته ودموعه تنزل
_ تعبت اني مليت اموووتها واموووت نفسي وارتاح .
علي الآكبر: ولك لا تذكررررها مووو امووووتك والله .
يسار : دُرررررر اليوووووم عيد ميلادچ دُر تحتفلين وياهم
نسيتي شلون جنت اسوي الچ عيد ميلاد ونطلع سوية نسيتي .
هجم ريــان يريد يسكته وما نشوف غير ضرب طلقه
من المسدس بحيث بلاعيمنا طگت بلحظتها
اريد افتح عيوني اخاف اشوف منو انضرب
افترت الدنيا بيه وگعت بالأرض ايدي على راسي اهزه
تقربت حُــرة مني حضنتني واطمن بيَّ
_ لزموا اخذ علي الآكبر المسدس منه لا تخافين .
_ ريــان وين ريــان ؟
_ مابي شي والله .
رفعت نفسي جسمي يرجف بعدني اريد اشوفهم
علي الآكبر يرزل بي وانور يرفع بيسار سحب
المسدس من بنطلون يسار وبكُل سرعته سحب اقسام
وهو يصيح بوجه انــور ويبچي يشكي حاله
_ اني تعباااان اريد ارتاح .
وثارت طلقه من السلاح بنص صدره ضرب روحه
وگع بالأرض دمه يجري بكُل سرعته .
انشلت رجلي من الصدمة وصوت صراخ شهد يرن بـ اذني
ودوي صوت الطلقة زرف گلبي انظر على دم شلون يجري
وايدي ترعش ما مستوعبة ، اصواتهم الخشنة مخيفة
رفعوا كلهم من الأرض صعدوا بالسيارة والكُل ركضوا للمستشفى بي
نزلت اني تخابر وخايفه وتسأل بالبنات اني ايدي على راسي
انتظرهم بس اريدهم يرجعون يطموني وماكو رد منهم
مرت الساعات والدقايق وماكو جواب الى ان دخل عمي ابو حسن
وياه دورية رجعوا الكاميرات اخذوا التسجيلات وراحوا .
كتبت رسائل لعلي الآكبر يشوف بدون جواب
الى ان صارت بـ12 اجه جــود يريد ياخذني اني
ودارين ويريد يرجعنا خليت ايدي على راسي
ونزلت راسي واني أجاوبه
_ ما اروح بس طمنوني شصار وياكم يسار عايش لو ميت .
_ طلع من العمليات واهله كلهم هناك لا تخافين .
_ ليش ما رجعتوا .
_ ياسين وعمران وصار عدهم شي ضدنا عيد عدهم عيد .
_ يعني ؟
_ عبالهم احنا ضاربي والحمدلله اكو كاميرات ثبتت العكس .
_ علي الآكبر وين ؟
_ يرجع هو وأبويه امشي عيوني امشي .
_ انتظرهم ما اروح انتظرهم احسن .
بعدني احجي وفات ريــان وانور
واخر شي ابو حسن وعلي الآكبر
راح عليهم جــود يحجي وياهم عمي كالعادة وجهه مبتسم
طلعت الهم آسأل بلهفة على يسار ولزمت ايد عني
رفع علي الآكبر حاجبه ما راضي ، عافنا وراح على ميز گعد
وشهد جابت ماي يشرب ويستمع
ابو حسن : طلع منها سلامات والدكتور نصح اهله يدخلوا يتعالج
واقتنعوا يسافر بالخارج يتعالج منَّ الأدمان مو هنا .
انــور : واني احتمال اسافر وياه ما اعوفه وحده .
ابو حسن : هو مشلوع گلبه لان انت عفته يگله فضلت الغريب وعفتني .
اخذني ريــان من ايدي هم گعدني على ميز وانور يرحب لـ عمي
فر علي الآكبر ايده لان ايدي ترجف ريــان جاوبه
_ خايفة علينا حقها الصار مو قليل .
_ لا ترجف على هل عار لو بي خير يعالج روحه من هل سم .
انــور : لازم نساعده وحده صعب يتعالج بالعكس يزيد .
علي الآكبر: اي لعد عالجه وخلصنا ساعده لا كل شويه هاجم
هل مرة عدت الله يستر من الثانية عيب خلي يستحي لا ارجع اربي.
انــور : المشكلة حقك ولو اني مكانك يمكن اسوي اكثر .
طلعوا برا دخلت اغسل اريد اطلع من المغاسل
واسمع صوت ابوية مديت راسي شفته يسلم
قرص بالظرف لعلي الآكبر
يوسف : هذا القرص ضيفة على دلائل ودزه
لعمران وياسين ورقة رابحة وتنحسب ورقة ضعف الهم
حتى ننهي حركتهم وتهديدهم علينا .
علي الآكبر: من باجر ارسل الهم كل واحد نسخة
وهاي النسخة احتفظ بيها هي وباقي المستندات والفديوهات .
يوسف : دام هل فديوهات مالتهم شلون يتفقون ويوگعون
عالم حتى همَّ يصعدون هذولي تجار معروفين اذا يعرفون
ينهون ياسين وعمران بطلقتين بس .
علي الآكبر: قبل اسبوع دزلي ياسين فديو بي
صورتي واضحه واني احرك بيته يهددني بي
ماكو كلها ثواني ودزيت اله مستند المخزن المزور
والسيارات الـ*** بحيث خابرني يتوسل وتعهدت
اذا يشيل ايده من عدنا كلنا اي مستند ودليل ما يطلع .
بالغلط انتبه علي الآكبر على وجودي عافني وراح
وجهه ثگيل واضح زعلان مني بس خوغي خارج سيطرتي
حاولوا الكل يغيرون الجو ويصلحون الموقف
بحيث عمي وياهم صار يضحك وابوية يسولف
والبنات بيدهن الكيك يقطعن ويوزعن وعمي يبوس براسي
ويغني اغنية عيد الميلاد والجهال حواليهم يهوسون فرحانين
من شفت علي الآكبر يتجنبني انكسر واهسي ركزت بي ودموعي
نزلت بخنگه ، يحجون يضحكون بس اني اريد ذاك الملثم
تقصدت اخلي يلمحني ويشوف ادموعي ابتسمت
واني امسح دمعتي واشوفه يتنازل بضعف منه
اقترب مني علي الآكبر باس راسي واخذ ايدي بين ايده
_ ادمريني من اشوفچ خايفة .
_ حقي .
_ انتِ حرمته لعلي الآكبر ميصير تخافين .
_ظل قريب مني لا تترك ايدي .
اخذني بحضنه يوكل بيَّ بالكيك ويهمس بـ احلى الكلمات
رفعت عيوني شفت ريــان يلاعب برزان وحرة تضحك
قريب منه وتكمز وتضحك وياها ، وشهد وانور گاعدين
يصورون ببنتهم ويصفگون وهي ترگص وتتلاعب على نغماتهم
وجود ودارين بعيد واكفين بصف شجرة بنص الحديقة
ونافورة قريبة منهم ياخذون صور ويضحكون .
دُر : جنت خايفة يصير بيكم شي .
علي الآكبر: بس عدت وهاي هسة انتِ بحضني
واخوانچ واخواني كلهم مرتاحين وضحكتهم مرسومة على
ملامحهم لو مهما صار نظل ربحانين بحبنا يفوز على كلشي .
_ احبك انت گلبي والله علي الآكبر انت كلبي.
_ وانتِ روحه لعلي الآكبر بوية دُر .
النهاية ..
اكو طن اطنان من الاحداث الجديدة قريباً
ارجع اكتبها للرياش نهـج مُغاير راح تعجبكم
وتحودكم حود وتسبيكم سبي من جديد ❤️🔥
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..