_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
وكلشي ما محتاج منك بس أشوفك
وهي لا ترهم واحبك ولا عرفت شلون اعوفك .
لطفا لا تنسون التصويت والتفاعل بين الفقرات
⊰ حُــرة ⊱
قطع انفاس ، أيادي حاقدة قاتلة ، أصوات صراخات
وضجيج عقلي يصرخ ويلوم ويرفض ضعف جسدي
"حُــرة راح تموتين بدون ماتاخذين حق مصطفى "
هل كلمات دافع تخليني افكر واسحب المسدس من خصر
اخوية اي اخوية هيَّ حرب والعدو اهلي العدو اخوية
ضربته ما اريد اموت ضربته بصدره وگع بالگاع يرفس
وگفت بدون توازن وبلا عقل مخبلة واصررررخ
من الوجع ومن الخوف ومن القهر وهاي هاي الحرارة
تاكل بصدري لطمت على وجهي وعلى صدري بكل قوتي
_ ماااااااااات موووووتت اخووووووووية مات اخوووووية .
اسمع بس صوت النجدة برا وركض على درج ريــان
وانور يركضون دخل انــور للغرفة يشوف سجاد مات لو لا
وريان سحب المسدس من ايدي يمسح بي بالقميص انترس دم
حُــرة : ماااات سجاد مات اني موتت اخوية اني موتت سجاد .
دفعني على حايط وسد شفايفي فتح عيونه وصاح
_ اشششششش ديري بالچ حُــرة تروحين بالرجلين
لااااا تحجين لا تتنفسين اسكتي دخيل الله سكتي
بروح مصطفى تسكتين لا تحجين عليج القران لا تحجين .
بعده يحجي وصعدوا النجدة يركضون
صوت ركضهم يرهب يوگف الگلب
خليت ايدي على گلبي وگعت بالأرض
بس اباوع بعيوني اخاف اتنفس والله اخاف
رفع ريــان ايده ونزل المسدس دخلوا شافوا
سجاد وطلع واحد بيهم للضابط ينطي التعليمات
_ سيدي اكو جثة داخل الغرفة صايرة حالة قتل .
_ منو القاتل .
ريــان : اني سيدي اني القاتل .
كلبشوا أيده واخذوا ينزلون براسه وهوه يصيح
_ انورررررررر حُــرة انووور طلعها مناااااااا .
من وصل جوة شاف رنيم ونبرة صوته تغيرت صارت غريبة
_ انــور رنيم بحمايتك الى ان اطلع ممنوع يصير شي بيها .
طلع انــور يشوف بريان رجع عليَّ رفعني من ايدي وصوته يرجف
_ امشي حُــرة امشي .
_ اني موتت سجاد مو ريــان .
_ ريــان موت سجاد مو انتِ .
نزلني على درج بعدني لابسه جادر الصلاة امشي واتعثر
ورگبتي ذبحتني والموقف براسي مات مثل موتت مصطفى
انــور : لازم نطلع منااا راح يجون بيت الرياش .
حُــرة : راح اوگع انــور راح اتخربط الدنيا تفتر بيه الدنيا فرتني فر .
گعدت على درج هو نزل على رنيم لزمها من ايدها ودفعها للغرفة
_ بدلي بسرررررعة بدلي ارررركضي لچ اركضي .
خلت شال وعباية على راسها وانور إجه اخذني يمشي سريع
وصلت للباب بس ضربتني الشمس وگعت بعد فقدت لا من ايدي
ولا من رجلي ما ادري خفقان لو تشنج لو انهيار لو خوف
كلهن فد وكت هجمن على حُــرة وهدمني انهدمت هل مصايب مو بعمري.
وعيت على روحي بالمستشفى الدكاترة فوك راسي
ايدي مشلولة انتهت ما احس بيها
فتحت عيوني رنيم گاعدة يمي رأسها بالارض
باوع بعيد انــور يحجي هو وعلي الآكبر واخوانه اثنين موجودين
دخل علينة انــور دايخ مايعرف شيسوي وشلون يتصرف
انــور : حُــرة اخوان علي الآكبر راح يوصلوكم الدُر
ابقي هناك امان مايگدرون يوصلون الكم بين ما اشوف ريــان .
ساعدني انهض طلعني وصعدت بالسيارة
علي الآكبر: سراج الدين سيف الدين أمانة بيدكم
ادخلوهم الدُر ما اريد غير مكان اعتمد عليكم .
سراج : عد عيناك توكل لا تشيل همهم .
راحوا انــور وعلي الآكبر يركضون للمركز
واخذونا البيتهم نزلت ورنيم تتلفت من الباب استقبلنا ابوهم
وردة يسلم وبعيونه حزن مقهور على حالنا دخلني
وامهم بوستني ودخلوني بالممر على بيت دُر ضربت على بابهم
طلعت دُر من شافتني فزت وشهگت اخذتني من ايد عمتها
خايفة تتفحصني وتتلمس بيدي وتلزم بوجهي جرتني يحضنها بخوف
_ سودة عليك شصاير بيچ شكووو حُــرة شكووو .
ام حسن : دخليهم يمچ يمه خطية البنية مابيها حيل .
دخلتني للبيت گعدتني على تخم وسحبت مخدة نمت عليهه
وهيَّ گعدت بالگاع ترجف وتمسح بوجهي حتى ما همها وجود رنيم
_ حُــرة حاجيني شبيكم گلبي راح يوگف شصاير ؟
هزيت راسي والكلام يخنگ ببلعومي لا بيه احجي ولا ابجي
حضنتني وهيَّ بجت التفتت على رنيم وصاحت برهبة
_ شكووووو احجي شبيهاااا ؟
رنيم : فطرنا وطلعوا الولد ودخلوا اخوانها ضربوني وصعدوا الها .
دُر : وين شو مابيچ شي وين الضرررررربة .
رنيم : شنووووو ؟
دُر : مو مضروبة وينهااا الضربة وينهاااا ؟
رنيم : بظهري .
عافتنا دُر وراحت للغرفة تركض جابت تلفونها وهيَّ
تمشي ترجع يمنا تحجي بصوت عالي حتى نسمعها
_ واخواني وين شصار اخذ الكلام بالتواسيل احجي رنيم .
رنيم : حُــرة موتت اخوها سجاد والنجدة ما اعرف منو بلغهم
اجوي بسرعة وريان جذب عليهم على اساس هو موت سجاد .
دُر : واخذوا اخذوا ريــان مووو ؟
رنيم : اي اخذوا وزوجج وانور راحوا للمركز .
اتصلت على علي الآكبر مغلق وانور مغلق ضربت على خدها
_ عمة تلفوناتهم مغلق ليششش مغلق .
ام حسن : هسة اطلع اشوف عمج شنو يگول واجي .
طلعت عمتها وهيَّ رجعت يمي رفعت راسي وهمست
_ منو موت سجاد .
باوعت على رنيم وهمست
_ ريــان .
حضنتني دُر فهمتني وتخزر برنيم رجعت تتصل عليهم ماكو
للساعة بـ 10 بليل وسمعنا صوت برا راحت دُر فتحت الباب
قبل لا يندك دخل علي الآكبر وفتحه اكثر وهو يعلي صوته
_ فوت انــور .
دخل انــور من شاف دُر رفع راسها وقوس حاجبه متعجب
_ شبيچ راسچ ملفوف شصاير .
دُر : مو مهم .
انــور : شلون مو مهم .
دُر : يعني هسة وضعي مهم عندك ؟
سكتت انــور ابتسمت وهمست
_ لا تهتم متعودة هاي وجعها اسهل من ضرب المواعين .
راد يطلع قطع علي الآكبر طريقة ولزمه من ايده
_ فوت مو وقتهااا نحجي بهل مواضيع .
فات للاستقبال گعد شفته وجهه
تعبان گعد قريب مني يسألني شلون صرت راحت دُر
تجهز جاي صبت ورجعت جسمها كُله يرجف
_ شصار وياكم بشروني ؟
انــور : بيت الرياش واصلين قبلنا للمركز ومقدمين بلاغ
وريان معترف هو القاتل يعني الموضوع صار صعب .
اخذ علي الآكبر استكان الجاي من الصينية وجاوب
_ اي بس المحامي فهمنا الموضوع يصير دفاعاً عن النفس
همَّ دخلوا بيته مو ريــان رايح وضاربهم ونثبت هل شي
بالكاميرات الموجودات ورحت سحبتهم حتى اذا بيت الرياش
عدهم ملعوب يريدون يحذفون التصوير خلي يحذفون الله يحذفهم .
انــور : استغفر الله .
طلع علي الآكبر اني گعدت بصف حُــرة ما اشوف غير
انــور اجه بصفي لزم ايدي وتلمس الشاش براسي
_ هذا علي الآكبر .
_ لا .
_ لعد منو .
_ ما ادري .
_ شلون ما تدرين دُر شبيج ؟
_ تدري هذا الصار بيَّ كُله بسببكم واني لليوم ما مسامحتكم؟
_ ما مرتاحة هنا علي الآكبر يرفع ايده عليچ ؟
_ لو محتويني شيصير يعني شنو ينقص منكم ؟
نزل راسه يمسح بوجهه جر نفّس وذب حسرة قهر وهم
انــور : اذا ما مرتاحة آخذج ونروح .
دُر : حتى اخلص من الي جاي يصير هنا وارجع للضرب مالتك ؟
حُــرة : دُر انــور تغير والله حتى ريــان .
دُر : يتغيرون ويصيرون زينين وتطلع شخصية حنينه بس
للغريب اني اختهم اقل كلمة مني ما يتحملوها بعمرهم ما سمعوني
كلمة حلوة لو افتقدوني صار فترة بمصيبة ولا واحد بيهم
اطمئن عليَّ وگال اختي وين خابروا اريد اعرف شيصير اذا تخابرون ؟
انــور : حقج .
دُر : ادري حقي حقي ونصصصصصصصصص حقي هذا حقي .
غطت وجهه بيدها وصارت تناشغ وتبجي بغصة
ضاغطه على راسها بـ ايدها الثانية مبين يوجعها
دُر : بس اني احبكم واخاف عليكم وما اريد اشوفكم مكسورين
مايهون عليَّ هسة من شفت عيونك تعبانة وقلقان والله روحي
فرفحت عليك وكلبي نار على ريــان بس انتوا شنو من گلب عدكم ؟
دخل علي الآكبر جمد بمكانه من شافها تبجي
حتى الحجي ضاع من عنده اجه يمها عدل شعرها
علي الآكبر : منو وياج ؟
دُر : كلهاااااا ويايه منووو مو ويايه ما ادري .
انــور : امشي نروح .
علي الآكبر: نعم ؟
انــور : شبيها عبالك مو واعية على تصرفاتها .
دُر : لااا واعية شنووو مو واعية .
علي الآكبر: دُر تعالي اغسلي وجهج .
دُر : انت لا تدخل .
انــور : هاي شصاير ؟
عافتهم وراحت للحمام وعلي الآكبر يمشي وراها من فاتت الحمام
دخل وياهه نسمع بس صوت همس ومبين دُر عصبية
حُــرة : انــور شنو لازم انسوي .
انــور : فوك مصيبة ريــان دوختني دُر بالزايد .
حُــرة : دُر من اول ما شفتها حسيتها مو طبيعية .
ظل انــور يفكر بدُر الى ان رجعت مو مثل قبل دقايق
گعدت طبيعي واضح الخوف والقلق عليهه اتابع
كلام انــور وعلي الآكبر دقايق ودخل عمي
_ ها بوية جاهز نروح للمركز .
علي الآكبر: يلة بوية كملنا نتوكل .
انــور : حُــرة لازم تجين ويانا حتى اقيم عليهم دعوة
محاولة قتل حتى نربطها بقضية ريان ونثبت جانت
رد فعل دفاعاً عن محاولة قتل زوجته .
حُــرة : وايدي شلون هيج اطلع .
انــور : مضطرين نروح .
ساعدتني دُر ابدل فستان من فساتينها وخليت شال على راسي
بطلب من علي الآكبر وطلعت وياهم بقت رنيم بيت دُر صعدنا
بالسيارة دقايق وصلنا المركز بس اخوان علي الآكبر اثنين
ويانا وابوهم واسمع اخو يحجي هو
_ امنت الطريق بس لازم نحسب حساب الهم ترا كلشي يسون
بيت الرياش مو امان ولا ثقة انتبهوا من اي حركة غريبة .
دخلنا المركز قدمت دعوة وياها تسجيل كاميرا شلون يدخلون
ولان علي الآكبر حافظهم استنسخ التسجيل اكثر من فلاش
حتى خاف تصير رشاوي هو حاسب حساب للموضوع كله
كملنا البلاغ ورجعوني بالبيت لگيت دُر هيَّ ورنيم بالمطبخ
مجهزين اكل فرشت السفرة وتستفسر من عدنا شصار والقلق
اخذ من حيلها ، تقربت مني حضنتني وهمست
_ حُــرة دايخة ليش احس تريدين توگعين ؟
_ اريد انام واستحي من انــور وعلي الآكبر .
اخذتني من ايدي وخلتني بفراشها وگعدت يمي
_ نامي ارتاحي هنا .
_ شلون انام هنا عيب من علي الآكبر .
_ لا علي الآكبر ماينام هنا شبيج اخذي راحتج نامي .
تريد تروح صحتها رجعت يمي بقيت مركزة بوجهه
_ عليج الله شبيكم ؟
_ والله العظيم ما ادري مو عبالچ ابالغ بس ما ادري شنو جاي يصير .
طلعت واني من التفكير والتعب فقدت ونمت ما حسيت على نفسي .
للفجر فزيت دخلت للحمام غسلت وطلعت اني طلعت ودخل
علي الآكبر ابتسم بوجهي ونزل راسه يريد يدخّل للاستقبال
حُــرة : علي الآكبر .
نزل راسه وجاوبني بنبرة صوت هادئة
_ ها خوية محتاجة شي ؟
_ شبيها دُر .
_ خايفة .
_ من شنو ؟
_ صارت اشياء غريبة وياها لليوم ما عرفت شنو .
_ زين ليش احسها ضايجة منك انت بالذات .
_ يمكن بعد ماتحس بالأمان ويايه، ويمكن وصلنا للنهاية .
عافني وراح لمحت انــور نايم يعني بات هنا ما راح
جريت نفس أريد استوعب الصار ويانا مايدخل العقل
بس دخلت شفت دُر فاتحة عيونها رحت يمها بستها من خدها
_ دُر اني خايفة من كلشي وهسة زاد خوفي عليچ .
_ گلبي ناغزني على ريــان والله التفكير تعبني
هذولي اخاف يستغلون هوه بالسجن ويسوون بي شي .
_ لالا بحفظ الرحمن ريــان بحفظ الرحمن .
فرشت دُر السجادة شفت رنيم نايمة على فراش بالأرض
وكفت اصلي ونمت على سجادة دموعي تجري على خدي
همَّ اهلي يكرهوني وهسة من يعرفون موتت سجاد يحقدون بالزايد
اني موتت اخوية بس مجبورة هوه اجاني يريد يموتني وابد ما ينقهر
على اخته ولا شفت بعيونه ندم لو قهر لو متردد بالعكس مصمم
على موتي جان مبين شلون زارعين الكره والحقد براسه .
بقينا بيت علي الآكبر بالأسبوع كُل يوم تتأجل محاكمة ريــان
بالواسطات انــور تخبل وعلي الآكبر كل شوية يريد يهجم عليهم
بس ابو براسه انقطعت اخبار ريــان بهل فترة ماندري بي عايش
ميت كلها رافضه ينطون اخبار منه وكلها دخلت انذار
بليلة ما متوقعينها كلنا ملتمين والباب انفتح دخل
ابو حسن بعد ما استأذن من عدنا اني ورنيم بالغرفة راح للاستقبال
_ عدنا خطار علي الآكبر مشاكل ما اريد .
_ منو ؟
راح ابو حسن فتح الباب دخل يسار اخذت دُر شال وراحت
مشيت وياهه اول ما فات علي الآكبر صار بوجهه
_ شعندك يسار خيسه .
يسار : اجيت اشوف انــور .
انــور : تشوفني هههههه .
يسار: ابوك يريدك .
من سمع حركة وراه التفت شاف دُر ابتسم
_ دُر شلونچ ؟
تريد تجاوب وفزيت اني وياها وحده انضربت بالثانية
علي الآكبر: شعليك بيهااااااااااااا شيل عيوووونك لا اقلعهااااا .
يَسار: ترا سلام لله شبيك .
علي الآكبر: خلصت يوسف يريد انــور خلصت بعد عندك شي .
يسار : انــور لا تروح لان ياسين متحلف الكم محروك
گلبه على سجاد طالعة روحه .
علي الآكبر: وبعد اختصر .
يسار : ريــان مجهزين ودافعين دفاتر حتى مايطلع .
علي الآكبر: هاي سهلة يطلع اني احلها ويطلع .
يسار : انت جاي يجهزون الك ملعوب يريدون ينهون عليك .
علي الآكبر: لازم راعبهم هههههههه .
تحمحم انــور ونهض طلع ويسار التفت يريد يطلع وياه
وشاف دُر باوع عليهه بنظرات غريبة حزينة على ندم
_ اذا تحتاجين شي لا تترددين تطلبين مني .
دفعه علي الآكبر طلعه وضربه بوكس على وجهه
سحبه انــور منه وصاح حتى يستمع لان فقد
_ كافي علي الآكبر هسة يروح بس انتظر دقيقة يمعوووود .
_ عينك منهاااااا كم مرررررة اعيددددددهااا .
ما سمعت بعد شنو يحجي وياهم دقايق وطلع وام حسن
أجت تشوفنا شلونه واذا محتاجين شي دقايق وراحت
انتبهت دُر تحجي وياها بأحترام بس تختصر بالكلام تسليك
رجعت للغرفة اني كاعدة اشوف رنيم التفون رافعته عليَّ
من فاتت دُر همست بأذنها
_ دُر يمكن رنيم تصورنا ؟
_ خليها تصور براحتها ملابسنا مستوره وكاعدين بالبيت .
_ بس ليش تصور ؟
_ خايفة لا تكون رنيم هيَّ القنبلة الموقوتة .
التفتت على باب من سمعت صوت علي الاكبر طلعت
_ ها .
_ اريد الملابس ولثامي من الكنتور ليفوك صايرات .
_ وين رايح .
_ اسلم على ابوچ .
_ علي الآكبر ليش تسوي مشاكل عوف ابوية هو بيد ياسين .
_ اريد اصحي على زمانه خلي يطلع ابنه .
_ مو اخاف يـ ..
_ ما اسوي شي هجمه بسيطة خفيفة سريعة .
راحت للكنتور طلعت ملابس كلها اسود دخل للحمام دقايق
وطلع منزل لثامه على ركبته ونزل يلبس بوت اسود عبالك
مال عسكرية وانور يحجي وياه بالمطبخ
_ خابرت صفيّة خدرت الحرس احنا نتلثم وندخل عليهم .
علي الآكبر: هي جانت بنفسك وراح احققها الك .
_ اهووووو .
وكف ينزل بالبنطلون ومستمر يحجي
علي الآكبر: تتذكر من جنت اتلثم وحصرك بالسيارة
واشبعك كتل وغم العباس عليك مو اسبوع اخليك دايخ .
انــور : بلشنا لعبان نفس .
علي الآكبر: هذا الزي جان رعب الك موو ؟
انــور : تخسي .
علي الآكبر: يا اخسي غير هسة انت خايف .
انــور : شتحس ابني كافي امشي يلة .
علي الآكبر: تتذكر من كتلتك بالسيارة ورجعتك دمك بطولك .
انــور : الخايس .
علي الآكبر: هاي لان ضربتها بعد اذا تضربها بعد اكسر ايدك .
طلعوا واحد يغلط على ثاني دُر سدت الباب وهيَّ ادردم
_ هذولي مايصير الهم حل ابد اغسل ايدي منهم .
بعدها تسد بالباب سمعت صوت عمها يحجي وياهم
ابو حسن : جــود مايكدر يجي يگول عندي تمرين بالقاعة .
علي الآكبر: يا قاعة تفتح هسة خلي براحته خلي .
ابو حسن : بعده زعلان كم يوم ويفك .
طلع علي الآكبر ضايع بدون جــود عبالك طير ومذبوح
يمشي ويتلفت بنص يريد يلمح جــود بس مختفي لا يحجي ولا يضحك
بقت حُــرة فوك راس رنيم ما عافتها وحدها ما ادري ليش
بس عبالك شكت بيها اطلع اخبارنا .
علي الآكبر...
طريق مجهول ، خطوات مدروسة ممسوسة
ليل واضاءة الشوارع والهواء عالي وراسي
عالي مركز على بابهم انتظر ينفتح وصفية تطلع
حتى ندخل الداخل البيت بـ امان ، ساعة مرت والساعتين
انفتح قليل من البارت لزمني انــور ورفع لثام على وجهه
_ اني اروح بالبداية خاف فخ .
علي الآكبر: دروح صير سبع امشي .
انــور : غصباً ما عليك سبع ابو غمه .
راح فتح الباب ودخل اشر من بعيد ركضت وكفت قريب من الباب
وافتريت خليته ورايَّ ودخلت بنص الصالة التفتت وهمست
_ اكيد مشتاق البيت ابوك خليتك تفوت تمعن بي.
_ تجبرني ادفرك واخرب عليك كلشي وهنا اخليك تنعلس .
_ تخسي .
_ والله حتى اخوانك ماكو .
درت كل جسمي وانور حتى نزلّ لثامه من سمع صوته
جــود : تخسي .
اجه جود عافنا صافنين وصعد على درج بيده حديدة باوعت
بفخر على انــور وصعدت وراه بحذر اشرت من فوك
على انــور صعد يفر بيده متعجب
علي الآكبر: وين غرفة ابوك ؟
انــور : شنو انتوا من بشر ؟
علي الآكبر: مو اكو دفان يدفن الميتين احنا انطم عارية .
رفع جــود الحديدة وتقدم
_ لو صارت عركة احنا الها قادة وعيالة مو قليلين شر بوية .
علي الآكبر: اذا ما اخليهم من الخوف يعبرون حدود العراق معتب .
انور صار مقابيل الباب دك اكثر من مرة طلع ابو من شافنا
ملثمين ولابسين اسود بـ اسود وانور دفعه وراح لزم
امه دخلها للحمام وقفل الباب ، سيطرت على حركة يوسف
گعد على كرسي صرت مقابيله بدون ما انزل لثامي صاح
_ منوووو انتواااا منوووو ؟
علي الآكبر: جاكم الموت يوسف الرياش .
بس حجيت عرفني من صوتي راد ينهض دفعته رجعته بمكانه
جــود بالباب يراقب وانور بصفي يترقب الي راح يصير
يوسف : علي الآكبر احترم نفسك واطلع برا .
_ طلبت ابنك جبت ابنك واجيت كلشي ولا بر الوالدين .
يوسف : انــور ؟
استدارت على انــور تقدم نزل لثامه من عيونه
يوسف : لك انوووووووور حتى انت وياااااه لك انووووور لااااا .
صار انــور بصف ابو ودفع ايدي
انــور : لا وياك ولا وياهم اني حر نفسي طلبتني اجيت .
يوسف : ارجع يمي احتاجك لازم ترجعون ويايه خلال هل
شهر لان أعمامكم ناوين على شررررر وياكم .
انــور : حلم ارجع وياكم هذا حلم تعذبت وتخلصت منكم .
يوسف : اذا ماترجع ريــان يروح بيها اعدام .
دفرت باب الكنتور والمجرات فلشت المرايا واجت
فتحت تلفوني وقبل لا اشغل الفديو هددته
_ اجيت مخصوص الخاطر ريــان شوف يوسف
انت تعرف كلمتي اذا احجيهااااا ما اثنيها وحگ
ابو راس الحار ريــان اذا مايطلع تفتحون عليكم باب جهنم
ما تعررررفون منين تجيك الضربات والكفخات .
يوسف : ما تگدر على ياسين واخواني الكبار .
علي الآكبر: هههههههه ضحكتني يوووسف ترا دافنين
موضوعكم سوية شنووووو نسيت لو اذكرك منو ايدهم
اليمين خياسات بيت الرياش كلهاااااا عندي وانت تعرف شنو عندي .
ختمت كلامي بغمزه هو فارت اعصابه دفعته على كرسي ثبت .
شغلت الفديو على مقتل مصطفى بالتفصيل شلون دخلوا
من دخل ياسين واخوانه على غرفة وتضاربوا ومصطفى
مخلي حُــرة ورا والبوكسات واخشاب الغرفة كسروها على راسه
واخذوا بتهم وكفوها ومقابيل عيونها ضربوا اربع طلقات
وضربها ياسين على واسها بطرف المسدس خلاها تفقد الوعي
سحب التلفون حذف الفديو ضحكت
_ شنو بس هل نسخة عندي تعرف كلش زين عندي ملايين النسخ .
يوسف : ياسين راح يسوي كلشي حتى يموتك .
علي الآكبر: هي مووووته اموت مظلوم ولا ظالم مثلكم .
يوسف : شنو براسك فهمني .
اخذت كرسي ودفرت الطبلة صرت مقابيله طلعت الباكيت
بكُل برود قدمت اله اخذ مني وهو يرجف شغلتها وشغلت مالتي
علي الآكبر: أنت واخوانك عرفتونا اني وريان صار ايام
نجمع معلومات على موتت مصطفى وتدرون وصلنا
التسجيل الكاميرات دخلتوا انذار صافرات الخطر اشتغلت
وفكرت شلون نطلع منهااا شلون نخلص عليهم
طب راح ياسين قرر يخلص على حُــرة الي هيَّ اهم شي بالدعوة
والشاهدة الوحيدة على كلشي دز اخوانها يموتوها
طب الموضوع افتر عليكم وياسين خسر اهم كلب من كلاب عائلته
طب ابنك هو شال القضية من حُــرة مع العلم اخته موتت مو ابنك
طب استغل الموضوع وصار ايام يجبرك توصل لأنور حتى يوصل لحرة
طب جان دخل انــور عليك هو وأهم اعدائكم وصدمك صدمت حياتك
طب وجان لزمنا عليكم دليل يخليكم تغسلون حمامات السجن لان مبين عصابة
طب مجبورين تروحون تتنازلون وخلال هل سبع ايام يطلع ريــان .
بعدني أحجي وتحاصرني بالبيت نسمع بس صوت طلاق رصاص
دخلت جــود للغرفة يلزم يوسف حتى تظل الغرفة تحت امرنا
وطلعت للدرج اول ما وصلت صار رمي ركض يوسف صاح
_ ياااااسين مجال ياسين ..
علي الآكبر: اي فهم اخوك حياتكم بين ايدي .
ياسين : تاكل تبن انت ويااااااه .
علي الاكبر: ياسين اني احبك انت مسكين .
نزلت الدرج ودخلت على محذوفات رجعت الفديو
وسلمت التلفون بيد ياسين يصفن ويدقق بالفديو اكثر
هو يشاهد واني اعلق ما تركت اله مجال يستوعب
علي الآكبر: فلم اكشن ، عصابات مافيا دخلت بكُل برود
قتلتوا وطلعت انت ولدك واخوانك بدم بارد ولا عبالك
برأيك اذا قاضي يشوف هل مهزلة هو يطلعك ؟
لو الوزير يشوف هل عصابات يطلعكم ؟
زين اذا طلعوكم علي الآكبر يخليكم تعيشون
طبيعي بعد ما شاف هل المصيبة راح بيها شاب بعز شبابه ؟
والله احولها راي عام واخلي العراق كله يعرف منو بيت
الرياش وانت وكل واحد يطلعك اخليهم جوة قندرتي وادوس عليكم .
اخذت المبايل وهو بعز صدمته بس الي يعجبني بيهم
ثابتين مايبين عليهم انهيار وين ما امشي وين ما اروح
عيونه تفتر ويايه ينتظر يسمع شنو احجي بعد
علي الآكبر: وبعد عندي عليكم اخر ورقة ضد القاضي
الـ **** من قتلت ابنه لان حكم بالسجن الواحد من تجاركم
انتوا عصابات وحياتكم بيدي وشسوي سوووي مايهم
تخطط على تموتني اكو غيري عدهم الفديوات
واذا بيوم صار شي بيَّ يقومون بالواجب مثل ما فهمتهم واكثر .
ياسين : كافي راسي راح ينفجر من صووووتك
الراح ابني يا حيوىووان هذا ابني وهم بعز شبابه .
علي الآكبر: كلب راد يموت ابنه عادي عندك هواي غيره
كلاب متدربين على مستوى عالي من لعبان النفس الكره
والغل والقتل والتجارة المحرمة ولو سجاد اهم كلب منهم
بس ميخالف كثف تدرين على باقي ويصيرون مثله .
اخذت جكارة ثانية ما اخفي خوفي على جــود وانور بحمايتي
وادري بيهم طالبي بس قويت روحي وخليتها على الله
شغلتها اخذت نفس وابتسمت
علي الآكبر: لا تحاول توصل للبنية بنتك لان بحمايتي
وانت عرفت من شخص بلا حول ولا قوة يصير بحمايتي
شيصير افددددددي بروووحي بنتك هسة بحماية علي الآكبر .
يوسف بس يوسف بين التعب عليَّ گعد على درج
ومبين حتى هو ماراضي على سجن ريــان وزاد
من عرف حُــرة هي موتت سجاد مو ريــان
ظل مراقب كلامنا والواضح يريدني اكمل
علي الآكبر: عندك سبع ايام غيرها أني اشتغلكم
خلال هل ايام ريــان يطلعععع واذا ماطلع تروحون
عنده وانت ياسين انت براس القائمة خليها باردة
وياكم واسمع كلامي ونفذ لا انفذ بيك .
ياسين : ومنو يثبت من يطلع ما تقدم الفديوهات للدولة .
لزمت شاربي وجاوبته بكل امانة
_ كلمة زلمة واخذها من هل شارب الفديوهات ماتطلع مني
للموووت ما اقدمها ولا اليه شغل بيهن هااا .
ياسين : بداعت دُر .
طگيت رگبتي ورحت قريب منه
_ لا تجيب اسمهاااااا على السانك وداعتهاااا الفديوهات مني ماتطلع .
_ من باجر اشتغل على خروج ريــان اذا صار العكس
اسوي بيك مجزره انت واهلك .
_ لا تجبرني انطيك ضربة هسة اخليك اسمك ماتعرفه .
دفعته وصرت قريب على باب
_ يلة نرفع الزحمة اخذوا راحتكم واحنا نريد ناخذ راحتنا .
اني طلعت وانور بس جــود ينزل بطيء ويفر بالحديدة
وبعلو صوته يردد والبيت جبير ينطي صدى
جــود : ياحماي الحمية وساكن انت بيه انا حبك مو بيديه
دكت الگلب تنبض حيدر ...يافارس بدر
تبقى انت ولينا تظل قائد علينا وگالها نبينا
علي بعدي ولي يتصدر...يافارس بدر .
وصل بصف ياسين وضحك واني على ضحكته ضحكت
جــود : بربك بدينك مو حادك حود وسباك سبي
مو خلاكم خرسان حتى النفس انگطع هذا اخوي
يطرررركم طررررر وحگ داحي باب خيبر .
ياسين : اطلعوووووووا ولكمممممم اطلعوووووووا .
جــود : علي علي علي علي علي علي
اسمك يظل عالي وتاج لكل موالي اصيح بصوت عالي
جــود خادمك ومقصر... يافارس بدر يا حيدر يا فااااااااارس بدر
الحبك ما خسر يا حيدر .
يريد يطلع ورجع يحجي هو وياسين عبالك صديقه
جــود : ياعيوني انطي مجال للشيطان يسوي مشاكل مو مل من الكعده شوووكت تخلوووووووو يوووسووووسسسسسسسسس
الشيطان ضاج مل مل من نعلت الله عليكم مو على شيطان .
سحبه انــور من ايده بس وصلنا الباب جــود تبدل
وحتى ماقبل يرجع بالسيارة راح يمشي وحده
اني ما اكدر احجي وياه بس انــور يحاجي هو تجاهلنا
وراح ، رجعت للبيت بعدنا اطبگ السيارة ورجع
فات للبيت قبلي صار ايام هو على هل حالة
وين مايشوفني يطلع من المكان حتى اذا بالشارع
يغير مكانه ولا هو يتنازل ويحجي ولا اني متنازل وباقين .
فتت بالممر قبل لا ندخل للبيت شربت جگارة بس اسمع اصوات جوة
بالبيت ردت اخذ طريف اذا احد من اهلي موجود تقربت
اول ما صرت قريب من الباب سمعت صوت دُر وشهد طالع
دُر : هسة اذا أفكر بالموضوع ماكو احد غيرچ
ميثاق وماكو تعرفين يعني شنو ميثاق ماكو .
شهد : طوختي بالحجي هووواي والله العظيم ساكته الخاطر
علي الآكبر واخلي نفسي بمكانج اگول خطية خافت
واتذكر ذاك اليوم من الدم نزل من راسج وادري بيج
گلبچ طيب بس كافي لهنااااا وكافي لو اني ما تجي واخبي عيني بعينچ .
دخلت عليهن من شافتني شهد طلعت من البيت ابتسمت
بوجهه دُر اريدها تحس على نفسها وتعرفني وصلت
وياها بالصبرررر فوك الحدود وصابر الخاطر عيونها
بس الظاهر عيونها عماها الخوف ويمكن الكره
عافتني بدون ماتهتم وتدري سمعت كلامهم بس ما أهمها
سمعت ما سمعت اخر همها وهنا صرت اشك بدُر ماتحبني .
رجعت للممر من سمعت صوت انــور يضحك
_ شكوووو ؟
من تقربت لمحت خيال شهد افتر للبيت
علي الآكبر: شووووف لك انت بيتي احترم حرمة البيت لا ادوس راسك .
انــور : جنت اشرب جگارة واجت مرت مني شسوي اعمي عيوني .
_ اي اي عميهااااااا لا اعميهااااااا .
انــور : زوجنا اجمع راسين بالحلال .
_ روح شمشم احسن الخايس .
رفعت ايدي على خشمي قلدت حركة شم المخدرات
ولزمته من القميص ودفعته على بيت .
دخل واني رجعت على بيت اهلي امي بالمطبخ ايدها على راسها
بستها ودخلت على استقبال اسمع صوت جــود خربان ضحك
يضحك بعلو صوته ومبين سابح شعره مبلل وسراج الدين
وياه يضحكون من شافني فز من مكانه وصعد حتى الضحكة راحت
من وجهه ابوية انتبه بس ساكت ، كعدت بصفه حجيت كلشي صار
ومن تاخر الوقت رجعت للبيت سبحت ورحت بالاستقبال نمت تعبان
من كلشي تعبان حتى ما اريد افكر اكثر راسي يريد ينفجر
من جهه اهلي علاقتي بيهم شبه منهارة
ومن جهه زواجي وحب عمري ماعدها حتى ثقة بيَّ
ومن جهه صديق عمري على ساعة يروح بيها ظلم
حرت طاقة مابقت عندي والله طاقة ماعندي .
يوم والثاني والثالث تحددت موعد محاكمة ريــان
من الصبح طلعنا اني وريان وابوية وسراج الدين
انتظرنا بالساعة والساعتين وصار الوقت من دخلوا
بيت الرياش حتى حراس شخصيين وياهم
شافني ياسين من فوك رفعت ايدي وضحكت بشر
دخلنا كلنا ننتظر الحكم بعد ما قدم المحامي الأدلة
وتسجيل الكاميرات وتنازل ياسين ثبتت براءة ريــان
من القتل الصار تقربت من ريــان اثار الضرب
واضحه على ملامح وجهه وايده هزيت راسي وهمست
_ اخذ حق كل اخ طلعت منك خوية صياد .
_ قدّم الفديوهات علي الآكبر.
_ انــور يقدمها انا حالف ما يطلعن مني .
التفتت على انــور وهزيت راسي بمعنى شوف شغلك
دام احنا مقابيل القاضي بعد ماكو احسن من هذا الوقت
نهض انــور تحمحم ودگم السترة وهو يتحمحم يجذب انتباه الكل
انــور : سيدي لو سمحت تگدر تعرض هل فلاش وتشوف شنو بداخله .
آخذه المحامي قدم الفلاش وياسين وجهه صار اصفر كركمي
دخل القاضي الفلاش ونعرض الفديو بكُل لحظاته من بدايته للنهاية
وعيونه نطت القاضي متعجب على كمية الوحشية عدهم
يشوف بالفديو ويرفع وجهه عليهم يضرب على ميز ويصيح
_ كارثة مصيبة هاي كارثة ومصيبة .
ياسين : علي الاكبرررررررررررر .
سويت نفسي ما اشوفه ولا يمي ولا صاح بأسمي
حكم القاضي بالبراءة بعد ما افتهم الموضوع بالتفصيل
حول ريــان على مركز وحكم على ياسين واولاده بالسجن
اخذوهم للسجن وبعدها القضية انفتحت تحقيق ودراسات
وريان طلع وظهر الحق وزهق الباطل رحت وياه
للمركز بس طولوا بالإجراءات واخر شي تأجل خروج ريــان
الثاني يوم ، رجعنا للبيت انــور دخل بشرهم بس اني كلبي
حتى ماينطيني افوت واشوفها صرت اخاف احس بهذا الشعور
ما اريد اضوج منها واكره تصرفاتها صورتها احارب حتى ماتخرب بعيوني .
دُر ...
بعد اسبوعين سجن اليوم واخيراً يطلع ريــان جهزت
الأكل اني وحرة بعد ما ايدها فكت وراح منها التشنج
ورنيم ويانا اعاملها مثل ما اعامل حُــرة بس بحذر
سمعت صوت خشن برا فتحت الباب تهفي من البيت
برودة وعطر طيب وبخور وعطورات اول ماشفت
ريــان كلبي رفرف ردت اروح احضنه وركضت
رنيم حضنته من بطنه وخلت راسها على صدره
طبطب على ظهرها ونزل نفسه باس راسها
بس حسيت ملامحه غريبة ابتسم بوجهه ولاحظت
التصنع بابتسامته ، من لمحني عافها واجه قريب مني
ريــان : ماتريدين تسلمين على أخوج .
دُر : الحمدلله على سلامتك ما تتخيل فرحتي شكبرها بشوفتك .
تقرب اكثر مني وهمس بصوت مهزوز
ريــان : عادي تحضنيني .
فتح ايده حضني وحضنته وبجيت وهوه حاضني حيل
ريــان : عذبوني اهلي دُر .
دُر : بس تعبوا تعبهم الصياد .
باقي حاضني بس نص جسمه استدار واشر على علي الآكبر
_ هذا الصنديد الاسكندر خلصني منهم .
رفعت راسي على علي الآكبر مبعد عيونه مني ابتسم وجاوبه
_ بالخدمة صيادنا انا وياك عليهم نهدمهم هدم وعيونك .
فتح الهم الباب وبعلو صوته يرحب بيهم دخلوا كلهم
دورت على حُرة ماكو جانت بالمطبخ وريان يتلفت
ردت اروح اشوفها وين لزم ايدي وهمس بضياع
_ وينها ؟
_ ما ادري جانت هنا .
_ ماتريد تشوفني .
_ هسة اشوفها ارتاح انت تريد تفوت تسبح .
_ لا ارتاح ساعة هنا اشوف علي الآكبر وارجع للبيت .
دخل للحمام يغسل واني رحت للغرفة شفتها گاعدة تاكل
بـ أظافرها من فتت فزت واجت يمي تتختل وتسرق نظرات على استقبال
حُــرة : وين ريــان ؟شلونه تعبان ؟سأل عليَّ ؟شو ماكو صوته ؟
دُر : اخذي نفس اعصابچ بس اعصابچ .
بعدني اريد احجي وياها واشوف البنية تضغط على ايدي
ورافعة راسها على باب جمدت فرد جمدة التفتت شفت ريــان
ابتعدت منهم دخل وسد الباب مركز وياها بحيث عبالك ماكو غيرهم
ريــان : ماتعرفين تسلمين ؟
حُــرة : ها ..
_ الحمدلله على سلامة ماكو .
_ صار ساعة اكلو راسك بالحمدلله على سلامة شبع .
_ والله .
_ حسسوني حامل ولدت واجت هوه سجن .
_ هيج تشوفين ؟
_ اي السجن للزلم .
_ وجهة نظر .
_ كُلي نظر .
_ هههههههههههه .
_ اي اضحك .
_ هههههههههههههه ام السان .
طلع والضحكة بعدها على وجهه بدون ماينتبه
دخل يمهم وانور لزمها علية بس گعد استلمه
_ صار ساعة وياك لا ضحكت لا سولفت جنك ارملة حامل .
ريــان : ولدت .
علي الآكبر: لا رايح الولد كلش .
رنيم لابسة عباية تساعدني بتجهيز السفرة
من خلت المواعين وجفص انــور
_ رنيم تدرين اول ماطلع ريــان على منو سألني ؟
_ ادري بي قلقان عليَّ ماقصروا دُر وزوجها الله يحفظهم .
انــور : لاااا وين سألني على حرته يريد يموت يصيح
وصلوووني وينهااا ولكم وصلوووني اشوفهااا وصدك بس وصل
شافها ضحك انتِ شبيچ ماتعرررفين تضحكي مثل حرته ؟
هي ولا عبالك سوت نفسها مو يمها بس ايدها فضحتها
نزلت الماعون من قوة النزلة تفلس هوّه والأكل
ضميت ضحكتي وطلعت بسرعة جبت مكناسة اريد اكنس المكان
وما اخس غير سحبها علي الاكبر من ايدي شال الكزاز
بقت عيوني ثابته على عيونه تعبانة بس مزين وجهه
هيج من اشوفهه كلبي يدگ سريع وبنفس الوقت خايفة منه .
من كمل طلع ذبها بالحاوية ورجع رحت على حُــرة اجت
يمي بصفي اكلنا كلنا وبس ريــان وعلي الآكبر يحجون
وانور اذا يشاركهم يفشل بيهم وعلي الآكبر يهدد بي يغمه
وريان يهدي بيهم خلصت حُــرة قبلنا رحت وراها
_ شبيج الاكل مو طيب .
_ لا اخوج وترني بس يصفن بوجهي قلقني .
_ منو؟
_ المتزوج .
_ زوجج .
_ زوجي شنو بعدني صغيرة .
_ انجبي زوجج .
_ زوج رنيم الـ سسسسسسس .
_ وشلون ؟
_ والله بعدني جوعانة .
_ تاكلين هنا .
_ لا شوفي راح اروح للغرفة جيبي الجدر وتعالي بدون ما احد يشوف .
_ جدر ؟
_ البرياني يذبح وياج ابن فدوة واذا اكو دجاج .
راحت للغرفة صدك عافتني بحالة صدمة اخذت دجاج ولبن
وبدون مايحسون ركضت للغرفة اخذت الجدر واني رحت اخدر الجاي
انــور راح يغسل قبلهم ورنيم تغسل بالمواعين وعلي الآكبر
اخذ الجاي ، اخر شي ريــان يريد يغسل ايده من الأكل صاح
_ دُر عفية منشفة .
فتت للغرفة جبتها اريد اسد الباب لمحها من بعيد تاكل
انوب ما ادري منين متعلمة تاكل بيدها تخلي لبن فوك التمنً
والدجاج وتاكل بكُل أريحية اندمجت إخذ المنشفة من ايدي يمسح
بيها ومستند على باب هيَّ ولا بمها عبالها اني بعدني
اختنگت من الفشلة غمضت عيوني وعضيت شفايفي تحمحمت
ردت بس تحس على روحها ومشغله توم وجيري وتضحك وياهم
حُــرة : شنو من برياني ابوس ايدي .
دُر : احمممممممم .
اخذت بيدها لگمه بكبر راسها اكلتها وشغلت حلقة ثانية
من فشلتي اني ما تحملت صحت
_ حررررررررة .
_ امممممممممم .
رفعت رأسهآ والآكل تارس حلگها من شافته ضحكت .
حُــرة : جاي اوكل الجهال .
ريــان : يا جهال ؟
_ ماتشوفهم ؟
_ حلفي ؟
_ بصلاة امي وابوية .
غمض عيونه وعصرها بـ اصابعه ويضم بضحكته
رجّع المنشفة وراح هي تربعت وصفنت على جدر
ضحكت عليها ورجعت للمطبخ بس كملوا الجاي
بعد ريــان ماتحمل ترخص وتشكر من علي الآكبر
ورنيم لملمت اغراضهم وطلعت اول وحدة
حُــرة : دُر قنعي اظل يمج كم يوم فدوة عفية .
طلعت وياهم هو يدور عليهه زين وهيَّ ماتريد احتاريت
دُر : ريــان ارتاح وفد يومين وتعال اخذ حُــرة خطية مريضة .
ريــان : مريضة شنو قابل تشتغل عدها مدرسة صار أسبوعين عايفتها .
دُر : بقت على يومين فدوة بقيها يمي اني هم اريدها .
وعلي الآكبر ادخل خجل وسكت وراح من شافتهم راحوا فرحت
بقت يمي كاعدين اني وياها نشوف مسلسل رمضان
وعلي الآكبر بالمطعم فاتت سبحت اخذت علاجها ونامت على رجلي
بقيت العب بشعرها من تعبت خليت راسها على مخدة ودخلت
للغرفة أريد اجيب غطوة وبابنا يدك فتحته رفعت اكتفي بمعنى شكو
ريــان : افوت ؟
علي الآكبر وياه واكف بعيد يشرب جگارة مايتقدم
دخلت وبيدي الغطوة هو حاير بعده حتى ما مغير ملابسه
_ شبيك ؟
_ وينها .
_ نامت هناك .
راح يمها شافها نايمة گعد قريب منها
_ انــور گال صار عدها شلل بيدها .
_ والحمدلله صارت احسن .
_ ضاربيها مو ؟
_ اي رگبتها هسة راح الأثر منها .
فزت من حست بوجوده عدلت نفسها وبقت صافنة
_ ريــان .
_ حراير .
نزلت رجلها على ارض وعيونها ما شالتها
_ عيب تبقين هنا امشي ويايه .
_ لا ما اريد اروح بقيني هنا .
_ عيب .
_ من منو ؟
_ علي الآكبر ودُر صار اسبوعين ما ماخذين راحتهم .
دُر : عادي والله عوفها .
_ لااا دُر تجي ويايه لا تصيرين وياها .
وكفت رفعت ايدها تاشر بـ إصبعين
_ بس يومين والله بس يومين حباب .
_ ولا ساعتين ما اطلع اذا مو انتِ ويايَّ .
_ لعد انت هم لا تروح .
_ حرررررة امشي يلة لا تخليني اصيرررررر عصبي .
_ وصير عصبي عبالك اخاف .
_ حررررررررررة اخر مرة احذر بيهاااااا .
_ دُر احجي .
من شفت وضعه متخربط سكتت يعني شنو احجي
وكُل ما اريد احجي يسكتني وهيَّ استسلمت وراحت
تلم ملابسها توسلت ردت قافل اخذها وراح مستعجل تعبان .
صار اليل وثاني يوم يصادف عيد الفطر لملمت البيت ونظفت
سبحت بليل وعلي الآكبر بعده بالمطعم صاير عليهم لود طلبات
وطلبيات اعراس وتجهير مناسبات ، بس فرغ البيت صليت
وحتى الاكل جهزته كاعدة احجي اني وحرة ودك بابنا فتحته
دخلت شهد شكد ضغطت عليهه ذاك اليوم بالكلام بس تتصرف طبيعي
_ باجر الصبح اروح للسوك تجين .
_ تعالي فوتي جوة .
فاتت على غرفة اخذت كرزات وحب وجاي وكاعدين نسولف
واسمع صوت بالاستقبال فتحت عيوني ولزمت ايدها
شمرت الكرزات واخذت الكاسات الكزاز وفتحت الباب تمشي
على اقل من مهلها عي وصلت للاستقبال وصرخت صرخة
على صراخها صرخت اريد اوصل للغرفة اقفلها وهي تشمر
بالكاسات على شباك دفع علي الاكبر الباب وحضني
من الخوف انبلع الساني انصدم احو صوت ثاني
دخل عمي يركض وجود وعمتي وجهالهم
عمي شاف شهد تاشر على حايط والشباك
التفت ما ادري شنو شاف بس صاح بصوت جلجل البيت
_ علي الآكبر طلع مررررتك من البيت طلعهاااااااا .
_ شكوووو بوية شكوووووو احجي .
_ طلعهاااااا ولك طلعهااااا .
شهد : طلعها فدوة طلعها منااااا .
اخذتني عمتي من ايده طلعتني اني من الخوف
ما ادري شسوي ارجف لو اشرد لو شسوي ما ادري
أيدي مربطه ارعش بيد عمتي ارعش وبطني مغصتني
راح علي الاكبر على ابو هو شاف الاستقبال
والصراخ والغلط والفشار صار بفلس صارت عيني بعين عمي
قفل الباب ودخل ظل بس هو وشهد جــود رجع للمطعم يقفل بي
اريد افتهم شصاير شبيهم ليش هل صراخ خليت عمتي تعوف ايدي
ركضت على شباك الي ينفتح على ممر صغير اريد اشوف شكو
لمحت كتابة على حايط صايرة بلون احمر مكتوب
" ومـــوت دُر بــنـت يـــوسـف "
وكتابة غريبة ورموز ماعرفت شنو معناها
لمحني علي الآكبر ركض طلع افتر عليَّ
دخلت للبيت اريد افوت للغرفة لزمني من ايدي وحضني
_ يابه خليني وياها .
ابو حسن : دُر بنيتي والله خجلان منچ تخلصين من بيت الرياش
تفوتين بنص بيتي تتعذبين وتخافين كل هل خوف وين انطي
وجهي من الفشلة ما اگدر حتى اشوف وجهچ .
اريد ادفع علي الآكبر متمسك بيَّ ويمسح على راسي
شهد : الخوف ماينوصف الله يساعدها شلون متحمله
والله بلحظتها گلبي حسيت بعد وكف رعب بمعنى الكلمك رعب
قزم والله بعيوني شفته قزم طفر من الشباك .
علي الآكبر: بوية أخذهم وروحوا خلوني وياها عدها خفقان
صار من الخوف والله راح ترووووح بيهااااااااا .
دُر : بس عوفني خليني وحدي علي الآكبر .
طلع عمي واخذهم وطلع وسد الباب علينة دخلت للغرفة
ضربت على راسي بكُل قوتي ومغص بطني ذبحني ذبح
شل حالي شل وبعدني اضرب بروحي وهو يحضن بيَّ
گعدت على سرير امرد بروحي من الألم
دُر : لااااا تقنعني هذا سحرررررر مو سحر بالقران مو سحر
يريدون يخوفوني ويفرون الموضوع على اساس جن موووو
تراااا اني دارسة وفاهمة موووو زعطوط هل سوالف ما تمر
على عقلي والله متقصدددين بيش احلف متقصدين .
لزمني من وجهي يغسله بالماي واني ارجف بين ايده
وعيوني وحدها تبجي ملت راسي وشهگت
_ تعبت من الخووووف علي تعبت .
_ دُر خرب بيهم بس جري النفس جرررري
خلي تنتظم دگات گلبچ راح تخبليني .
_ أقنعني انت ماتعرف لك فريت بيت الرياش فرررر
وكلهممممم شياطين هسة هااااي تعبررر عليك
تعرررفهم احلف عليك تعرفهم بي لان اهلك تتستر عليهمممممم .
علي الآكبر : ما اعررررررررفهممممممممم والله .
_ تعرررررفهممممم تعرررفهمممممم جذاب انت جذاب .
_ دُررررررر .
_ لااااا تحجي دام تتستر عليهم بعد لاااا تحجي ما ارررريدك .
يخلي عصبيته بروحه يضرب بيده بالحايط ويصيح بعيد
مني مايريد يصرخ بوجهي ويسكت بروحه
_ لچ دُر انتِ تعرررفين نفسچ شنووووو تحجين اني اعرررف
فكرررري قبل لا تحجين فكرررري مثلي اني اخاف كلمة
تطلع مني وتجرح مشاعرج ليشششش دُر تعذبيني
بووووووية والله هلكتت من تصرفاتچ ويايَّ .
_ عوفني اذا ما تتحملني ما مجبور
حقك تحجي هيج ماعشت الرعب الي اني اعيشه
صرت من ابدل اخاف احد يشوفني اني تعبانة علي .
راد يطلع لزمت بطني وصرخت بعلوووو صوتي
_ علي الآكبرررررر بطني علي الآكبر بطني .
اجه لزمني من ايدي رفعت الدشداشة خط دم نازل مني
باوعت بوجهه بصدمة واهز براسي لزمني من وجهي وهمس
_ اششششششششش دُر اششششششش ماكو شي .
_ انزف علي انزف .
طلع عباتي لبسني اريد اوكف على رجلي امشي
ثگلت شالني وركض للسيارة حتى اهله ما يدرون
عاف البيت مفتوح مو بوعيه فقد من شافني انزف فقد
وصلنا على مستشفى دخلني على دكتور نسائية اختصاص
من شافت حالتي ساعدتني انام على سرير وهوه وياها
لزمت ايده اتصارع اني والوجع اعصر بروحي وبطني عصر
والدكتورة تصيح بيه ميصير بس الوجع ما ينحمل
قربت السونار فحصتني بس على ملامحها قلق وخوف
_ مثل ماتوقعت حامل بالشهر الاول الحمدلله .
اشرت على مفسي بعدم تصديق وعيوني على جهاز
_ دكتورة بس اني شسمه دكتورة اني سويت عملية
ويمكن ما يصير عندي حمل تأكدي فدوة تأكدي .
رجعت السونار تفحصني وتبتسم
_ هذا ابنج شوفي نملة بعده صغير بس حالته خطرة
ومهدد بالإسقاط لازم تضربين مثبت وترتاحين هل ايام .
درت وجهي على علي الاكبر صافن على شاشة
_ علي الآكبر ..
_ روحه العلي الآكبر .
_ حامل اني حامل .
_ راح نصير ام واب .
_ اي متخيل .
سحبني بين ايده ناسي الدكتورة وكلشي يبوس براسي وايدي
بس الوجع ما راح مني رجعت اصرخ ومرد بجسمي
والدكتورة تلزم بيه كتبت على علاج واجد الممرضة ضربتني ابر
ساعة وصرت شوية احسن طلعني وهوه يضحك ما مصدك
صعدني بالسيارة بنص الطريق ولزمت ايده ارتعبت
_ علي الآكبر ما اريد اروح للبيت فدوة لا تاخذني .
_ دُر ما اطلع حتى للشغل طز بي والله يمج ما اطلع دقيقة .
_ ذاك البيت ما افوت بي اخاف والقران اخاف .
_ لا تكسرين فرحتي خليني ابشر اهلي وانتِ يمي .
_ بس يستقر وضعي نحجي الهم اني وياك .
حاول توسل رفضت والله خوفاً على الطفل استسلم
وفر السيارة وصلني على بيت ريــان استقبلني
متعجب من وجودنا لزمني من ايدي ودخلني
علي الآكبر: راح تصير خال .
ريــان : احلف .
_ والله .
ابتسم بس خجلان حضني ودخلني جوة علي الآكبر ما قبل من
الباب وراح صعد بالسيارة وما ترك الجگاير لحظة وحدة
_ شبي .
_ يمكن زعل .
_ مو يمكن مبين زعلان .
_ لان مارحت وياه .
_ بعدهم يخوفون بيچ .
_ تدري .
_ اي علي سولفلي .
دخلني للبيت حُــرة فوك صعدت الها من الباب اجت تركض
_ عزا شبيچ وجهج مال موته .
_ شسمه اني حامل .
حضنتني وخلتني اسبح وابدل ملابسي ونمت
على سريرها الساعة 10 وصلتني رسالة من علي الآكبر
_ تأمنين على نفسچ يمي جاوبيني بصراحة .
تاخرت الى ان كتبت
_ جنت بس هسة اخاف بيتك يخوفني .
بعد ما كتب شي الثاني يوم گعدت على وجع ماينوصف
لزمت بطني وصرخت بكل حيلي فات انــور من شاف الدم
شالني ويصيح من فوك
_ رررررريان السيارة رياااااان .
ركض ريــان شغل السيارة واخذوني دخلتني
الدكتورة من شافت السونار هزت راسها
_ مع الآسف الطفل سقط الله يعوضكم .
كملت فحوصاتي وطلعت بلغتهم علي الآكبر وجهه ما يتفسر
بس نفس حنيته يلبسني ويعدل ملابسي وبيده اخذني
صعدني بسيارة اخواني وهو النص الطريق غير طريقة وراح
بقيت بغرفة حُــرة ما اكدر لا احجي ولا اكل ولا اشرب احس
فقدت جزء مني اول فرحتي ماطولت تعودت كُل فرحة ما تستمر ويايَّ .
بقيت بفراشي بعد اذان المغرب غافيه واسمع شعارات رسايل
فتحتها وبقيت بحالة صدمة طفت روحي واني اقرا كلمة كلمة
بجيت فرفحت ضربتي عيوني لاااا جذب هذا الكلام جذب
مستحيل كلبي وعقلي رافضين يفهمون اعيد بالكلمات
ولزمت بطني صرخت منها والدنيا كلها تفتر بيَّ .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..