_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
شايف من تحط راسك على ذراعي ؟؟
احس الناس كلهم مالهم داعي
لطفا لا تنسون التصويت والتفاعل بين الفقرات
⊰حرة ⊱
حُــرة : رجعني على بيت ابوية اليوم واخوك خلي يطلگني .
_ريان طلگهاااا ..
ريــان : امشي بغرفتچ حُــرة لا تخليني افلش البيت على راسكم .
حُــرة : انــور احجي وياه طلعوني اليوم بهذا البيت ما انام .
لزمني ريــان من ايدي ما ادري شلون حصلني يصعد على
الدرج سريع خلاني اركض ركض بس اريد اوصل
عنده اخاف اوگع على وجهي ، وهو لازمني شمرني بالغرفة
فرني بيها فر سد الباب وحضني بكل قوته يدفع راسه برگبتي
_ مكانتچ بكلبي تكبر يوم بعد يوم حُــرة شسوي بروحي گلبي ورطني ؟
دفعته واني ابجي واكرر نفس الكلامة
_ وإني مايهمني لا حبك ولا گلبك ولا انت بكبرك تهمني .
_ جذابة شكد جذابة اني مو زعطوط وتضحكين عليَّ
بهذا كلامچ اعرف اذا اهمچ لو ما اهمچ جذب لا تجذبين .
_ ههههههه مصدك نفسك زايد عن الزوم روح اطلع روح
اني بهذا البيت ما اگعد لو على موتي ما اعيش هنا بعد .
_ بنت امج وابوج اطـ ....
يريد يحجي ويتحداني واخر لحظة سحب كلامه من رفعت حاجبي بتحدي
_ حُــرة تحترمين نفسچ لا تخليني اتعامل وياچ بطريقتي .
_ اطلع ريــان اطلع .
اقترب مني اكثر لزم ايدي سحبتها من عنده اريد ابتعد لزمني
من زندي حيل يثبتني ورفع راسي صار يقترب يريد يحجي
ريــان : فترة والمشاكل تخلص والله .
حُــرة : عوفني ابتعد شوية خلي مسافة من تحجي شبيك لزگ تسولف .
_ ركّزي ويايَّ بس لا تطلعين من البيت اگعدي محلوله المشاكل محلوله .
_ وانت ورنيم تبقون تتعاركون واني سببها اهدم عائلتك تريد ،
_ مشاكلي وياها مو انتِ سببها لچ بنتي شبيچ .
_ اذا اظل هنا عندي شرط .
_ اسمع .
_ تفتح صفحة جديدة انت وزوجتك ام ابنك وتعيشون مثل
العالم والناس الطبيعية لا تخلي ابنك يجي ويعيش التفكك الأسري مثلنا .
ضحك يريد يطلع صحت وبصوت واضح فهمته
_ اضحك بس اريدك تعرف اذا ما تنفذ اطلع .
_ اني ورنيم دفتر اوراقة انتهت قبل لا تبدي
لا اني اگدر انطي هل فرصة ولا رنيم تتحمل تعيش طبيعي ويايَّ انتهينا.
_ والطفل لك انت بعقلك وابنكم .
_ من رجعت نصحوني والله وكلشي جان واضح
خطة ، وملعوب بس اني عميت عيوني منها
بيوم دخلوا اخوانچ اني كشفتها صوت وصورة كلبي مات
دخلت سجن واني انزف كلبي ينزف منها ومن يومها ماتت رنيم مات حبها
حرة المجروح من انسان يحبه وينصدم منه مايگدر يلملم ويطيب هل جرح .
ضحك بوجع وكمل كلامة قبل لا يطلع
_ واذا تظنين اني متخطي جرحها وغدرها غلطانة
ماكو وجع بثگل وجع گلبي من رنيم لا والله ماكو .
رجع يمي يرفع براسي ركز بعيونه وثبت نظراته
بجدية وكأن يريد يوصل رسالة ولازم اعرفها واحفظها
ريان : تدرين ليش حبيتچ لان اني لليوم بداخلي ما معترف بغدرها
ومتأمل يطلع الصار من رنيم جذبة مثل ما انتِ
تجملين حقيقة مصطفى وغدر مصطفى حراير .
وسعت عيوني ودفعت ايده طلعت من الغرفة ما اگدر انتظره هو يطلع
بعدني على درج وانور صار مقابيلي لازم رنيم دافعها على درج ويهدد بيها
باوعت على غرفة ريــان طلع تحمحمت بصوت عالي وصحت
_ احممممممم انوررررر شسمههههه يلة اخذني .
ابتعد منها فاهمني ومن اجه ريــان شافها مرعوبة وخدها احمر دم
عافتنا وبدون ما تنطق بحرف ركضت فوك هي وامها .
بس وصلت جوة اني هم لزمني ورفع اصبعه بوجهي مثبتني من ايدي
وريان عبرنا وراح گعد على تخم بعيد بدون ما يحجي يشاهد
انــور : شوفي لچ اني مو ريــان الفاهي الزمچ هناااااا
ودگ اخليچ تصيحين التوووووبة بس هل نووووبة
والدي والديچ انعلهم اخليچ تتقابلين انتِ وجدچ السابع عشررر بجهنم .
حُــرة : شعندي وياه جدي انوب وبجهنم تعرفون وين تاليتكم همزين .
انــور : اي نعررررف بجهنم لان راح اموووووتچ وادخل بيچ جهنم .
حُــرة : ترحب بيك انت واهلك الشرفاء .
انــور : حررررررررررررة .
_ لك عيني لا تصيح رجلي تصير خيوط جنك وحش حلگك بعرضي .
ريــان : هههههههههههههههههه .
انــور : اسككككككككككككت لككككككككككككك الفاهي
لوووو بيك خير مو ماخذات عليك يتصارعن وانت تصوفن مثل الخبل .
رفع ريــان ايده على وجهه ونزل راسه بس جسمه يهتز
انــور : شوفي هناااا ركزي هل باب اذا تفكرين تطلعي
واحنا ما ندري ادور عليچ وين ما تروحين افتر عليچ
احفررر هاي شنووو الگاع احفرهااااا والزمچ هنااا
اخليچ تنسين اسمچ واسم عشيررررتچ .
حُــرة : خوش سالفة هاي من هسة بالله بلش .
_ شنو ؟
_ انسى اسمي وعشيرتي .
انــور : ياااااااااااا الله يااااااااا اسلااااااااااااام .
ريــان : لو تمووووت ما تگدر عليها لا تحاول .
_ اسكت انت طلعت عينهااااااا .
اريد افلت من ايده لزمني وهل مرة بكل غضب صاح بحيث
صوته زرف طبلة اذني وجسمي رجف
انــور : حرررررررة اني حذرتچ وطبعي اصبر واحذر
مرة ومرتين وبالثالثة اصلخ صلخخخ سويتيها قبل ورحتي
البيت ابوچ العار وراح هذا البارد وربچ لطف وبالثانية اليوم رجعتي
سويتيها وصبرت روحي ما اكفخ بيچ الثالثة اخليچ تعرفين
حقيقة انوررررر على اصولهااااا يابه اقسم بالله ماكو بشر يخلصچ من ايدي.
لزم ايدي وبكل قوته شمرني نضربت بالحايط ردت اوگع
من الضربة صرخت ولزمت كتفي ، صعدت واني ادردم
بس بدون ما يسمع ، زين هسة اني شلون اروح اذا رجع لزمني يعدمني
اني ما اخاف هواي من ريــان بس هذا انــور يرعد رعد .
قفلت غرفتي ومن يومها رجعت اعتزل لا انزل ولا اشوفهم
بليل الفجر اسمع محاولات ريــان يتأكد من الباب مفتوح لو مقفول
ويروح بدون ما يدگ الباب ، من كلها تنام انزل اصعد اكل
ومرات من يطلعون للدوامات اركض اجهز اكل وارجع
تجنبتهم بس فكرة اطلع من البيت يوم بعد يوم تزيد وتفرض
فكرتها براسي دُر حتى دُر تخابرني ما اجاوبها وياهم بالبيت
بس مايعرفون اخباري ولا حالتي وكان ما موجودة بحياتهم .
ومن بعد ايام شغلت مسلسلاتي وعفت التلفزيون مفتوح
ونزلت اجيب اكل واصعد ركض ، جهزت صينية كاملة
وصعدت ركض ما اريد اتأخر بس فتح الباب من وحدة انسد وانقفل
درت وجهي شفت ريــان واگف جر المفتاح واستند على حايط
يفر بالمفاتيح مبتسم ، بقيت جامدة هو راح يمشي سحب الصينية من ايدي
خلاها على ميز وذب نفسه على سرير سحب المخدة طبگها استند عليها
غمضت عيوني اعصابي شاااااطت منه ، نزلت راسي اعض بشفتي
احتار شسوي اصررخ اتعارك مليت حتى مليت والله
نطيته ظهري وگعدت لزمت راسي وبدون ما اشوفه سألت
_ شنو تريد ؟
_ اطمئن عليچ واطلع انتِ مسؤوليتي .
_ الحمدلله اني زينة واشكرك متوفر كلشي عندي تگدر تتفضل .
_ خابروني من المعهد مو تر ..
_ شلت الفكرة من راسي لا تعب نفسك واخذ راحتك .
_ انتِ اخذي راحتچ اتصرفي وكأن وحدچ .
ضحكت بستهزاء وهزيت ايدي واني احجي
واعرف كلامي غلط ومايصير اتصرف هيج بس يجبرني
حُــرة : انت بلا كرامة ريــان ايععععععع تلعب نفسي حرفياً منك
اطرد بيك اغلط عليك اهينك وترجع كالك....
بعدني ما خلصت وهجم عليَّ لزمني من ايدي ورفع ايده يريد يضربني
من منظرة وشكله المخيف وسرعته صرخت وبعلو صوتي
شمرني على تخم ورفع اصبعه بوجهي
_ اذا ما اخليچ تبوووسين بيدي ورجلي يا حُــرة
وامسح بكرامتچ الگاع اني فلااااا افتهمممم كرامة ماعندي موووو .
طلع وطبگ الباب بكل قوته صوته يدوي صار بكل البيت
خليت ايدي على راسي وگعدت وراه الباب اضرب بگلبي
واهمس بخوف من روحي اخاف من گلبي
كافي لا دگ هيج كافييييييي انهيهاااا دخيلك لاااا
ما اريد هذا الشعوووور يموووتني سويتها مرة لا تعيدها .
بقيت بمكاني للصبح جبرت روحي اصلي وانام
سمعت الباب يندك الصبح فتحته شفت دُر
لزمتني من ايدي وتتفحص بوجهي
دُر : انتِ وين ؟ من اخابر ما تسمعين تلفونچ
ما صدكت تصير عطلة اجيت ركض اشوف شبيچ .
فوتتها جوة ورجعت نمت بفراشي گعدت يمي تعدل شعري
_ شبيچ حُــرة احسچ مو مثل قبل تضحكين بعز كسرتچ
ليش عازلة روحچ حاجيني منو وياچ شصاير ؟
_ تعبانة دُر اني تعبانة .
لزمت ايدها خليتها جوة وجهي وبجيت بعلو صوتي اشهگ
_ مخنوگة دُر احس احد يخنگني كرهت كلشي حتى روحي كرهتها .
_ حُــرة مخنوگة وخايفة لان تحبي .
_ احب منوو؟
_ ريــان ، تتهربين من مشاعرچ .
ضحكت ودرت وجهي منها وگعدت اعدل بشعري
اتهرب من عيونها ونظراتها ، اخذت ايدي وسحبتها
_ اوكي اوكي ما تحبين احد وانتِ ماكو مثل قوتچ
اثبتي تعالي انزلي ويايَّ اليوم انــور عازمني انزلي ويانا .
_ انــور عازمچ ؟
_ اي خابرني يتوسل اجي واليوم من الصبح بالباب دگ رجل
اذا اني ما تروح وياه مايتحرك عاد اجيت وياه .
_ شعجب ؟
_ ما ادري اني بحالة صدمة ومعدتي من الفرح توجعني بس .
_ بس شنو ؟
_ بعدني اخاف من عنده ومرات اخاف يرتفع صوتي بوجهه .
بقيت ساكته رجعت تتوسلني خليتها تنزل قبلي واني
اخذت حمام وبدلت وبدون ما انشف شعري نزلت بس خليت عطري
باوعت من بعيد بالاستقبال العايبة رنيم الخايسة گاعدة وبطنها كبرانة
عوجت شفايفها من شافتني وگلبت عيونها شلون عيون
ملونات وتجدح جدح عبالك بزونة ، عفتها ورحت للمطبخ
شفت انــور گاعد على ميز ودُر مقابيلة لازم ايدها ما ادري
شنو يحجي اشوف بس ظهره من عرف بوجودي ارتبك
جر نفس ومسح وجهه عرفته يبچي طلعت بسرعة
شفت دُر وكفت وباست راسه وهوَّ حضنها فتحت عيونها
مصدومة وسرعان ما سدتها ومالت راسها ورفعت ايدها تبادله الحضن .
رجعت يمهم اتصنع الفرح كالعادة وصحت واني افتح الجدورة
_ لك عيني الدولمة والمقلوبة وفخذ الخروف والسمج كلهن للفاهية .
انــور : طلعت راسها النملة اليوم شعجب .
_ الخاطر الفاهية زوجة الملثم الصنديد الاسكندر .
دُر : الله فدوة حبيت .
انــور : اذا تريدين تغزلي بي اعتبريني ما موجود .
وكفت دُر ضربتني خفيف على ضهري واشر على انــور
دُر : هههههههه ساعدني نجهز السفرة انــور حباب .
انــور : تدللين انتِ عيوني .
حُــرة : هسة تموت دُر من الفرح ويجي علي الآكبر
يحودك حود ويسبيك سبي واحنا وياك .
دُر : هههههههههههههه .
شالت دُر مواعين التقديم الكبيرة رتبتهم على ميز الطعام
وانور شال الجدورة الكبار قلب المقلوبة بمساعدة دُر
وتعلم بي شلون يقلب الدولمة وهو يصيح ولكم صعبة
ودُر تضحك على ملامحه ورجفته يخاف تنقلب بالارضية
ركضت خليته ينزله وشرحت شلون يقلبها طبقها وضربني
على راسي من نجحت ، ساعدت دُر بترتيب السفرة
بعدنا نريد نگعد ونزل ريــان مبين مسلم على دُر لان
بسرعة گعد على ميز انــور ترأس الگعدة وريان على يمين
ودُر مقابيل ريــان گعدت بصفها ورنيم اجت بصف ريــان
وهو ياكل ويسولف هو ودُر وانور على دوامات والطرق ازدحاماته .
اخذت ماعون ما خليت سمج لا لحم لا دولمة
قسمتهم كلهم بالماعون وگعدت اكل واستمع
للكلام بدون تدخل من قربت اشبع خليت ايدي
على خدي واكل واني صافنة بيهم شلون يتناقشون
بالجامعات والتخصص وانور يشرح الهم شلون
گدر يدخل للمدرسة ويتعين بيها
انــور : نملة التهديد فاد وياچ عايشة صامت .
رنيم : خليها ساكتة مخلصين من هوستها .
انــور : يا مخلصين غير ريــان يطحل طحل ماتشوفي
شصاير بي الوجهه شاحب العيون تعبانة من التفكير ميت عليها.
رنيم : حجي يفيدك .
انــور : اكرمينا بسكوتچ لو لازم تترزلين حتى تفوخين .
بعدهم يحجون وريان دفع الكرسي وهو يقاطعهم
ريــان : الحمدلله ، عاشت ايدكم سفرة دايمة .
انــور : ها وين ؟
دخل للمغاسل غسل وفات بالاستقبال ركضت رنيم جهزت
چاي واخذته عنده اخذه من ايدها واني على نفس وضعي
ايدي على خدي واكل واتبع تحركاتهم بدون كلام يذكر
دُر : حُــرة حاجيني فدوة عليچ الله بيچ شي؟
وكفت اني هم وابتسم جاوبتها واني اروح
_ شنو بيَّ قابل يا عيني مثل الگمر فديتني وفديت ربي
اكل ومليت بطني وتونست بالسوالف التعبانة مالتكم
وراح اغسل وذاك الچاي مهيل اشرب واخذ قيلولة الظهر ملكة لو مو ملكة ؟
انــور : مو ملكة بس ضاربة الحياة چلاق خليتيها ادگ وتلطم .
رحت مغاسل غسلت وللمطبخ شربت چاي ودُر تساعد بصفية
رحت يمها مترددة بس احتاجها
_ دُر عادي من تخلصين تجين يمي فوك .
_ ابقي هنا .
_ لا ابد ما اكدر تعبت .
بس حجيت هيج غسلت ايدها وحضنتني وتمشي
طلعت رنيم شافتنا وريان وراها مبين يريد يطلع
كملت طريقها فوك وانور بغرفته لمحته من بعيد
يخابر ومن الضحكة عرفت المتصل شهدهد مالته
دخلتني للغرفة گعدتني تريد تعرف شصاير
استصعبتها احجي خليت راسي على رجلها وهمست
_ اريد انام عادي تلعبين بشعري .
_ شعرچ ينقط ماي ليش ، حتى ريــان صاحني قبل شوية
گال شعرها ليش ينقط خليها تنشف شعرها.
_ ريــان لو انــور ؟
_ ريــان ..
_ ومسح الكرامة ؟
استغربت بس اكتفت بالسكوت نومتني وهي اخذت الها مكان
بصفي على سرير ونمت ، للعصر فزيت انــور يگعدها
يريدون يطلعون ودُر تشحك وتحجي بخجل وخوف
دُر: ليش تكلف نفسك يا عيني والله ما يحتاج .
انــور : اني اريد هسة اني مقتنع اتكلف بس تعالي .
طلعوا اثنينهم بدلت وركضت انزل واشوفهم يريدون يطلعون
_ اخذوووني وياكم حبابين اخذوني .
البس بالحذاء وطلع ريــان واشر على انــور حتى يصعد سيارة
ودُر صعدت تنتظرني اجي وياها صاح بيهم
_ يلة روح انت بعد ممنوع احد غيركم يطلع .
صرنا واحد يصفن بوجهه الثانية ضرب على سيارة وصاح
_ اتحرك خلصني يلة .
حُــرة : بس اريد اروح وياهم .
_ استأذنتي مني ؟
حجاها واشر على حارس يسد الباب .
بعده ما كامل ودخلت دُر عيونها عليَّ
_ ريــان اخذها ويايَّ .
_ ممنوع .
_ خطية ريــان صار هواي محبوسة بالبيت .
_ روحي دُر لا طولين بالكلام يلة .
هزيت ايدي وعفتهم وطلعت امشي وصلت للباب صاح
_ بنت امچ وابوچ اطلعي .
عبرت الباب وطلعت صعدت بالسيارة وكتفت ايدي بس كلبي خفقان
براسي صار يدگ بررراسي ، دُر طولت وانور رجع نزل واني بالسيارة
انوب انــور راح بعد ما رجع خلوني وحدي بالسيارة .
نزلت من السيارة واشوف الگراج دم بكل مكان طشار دم نقط نقط
واكو اماكن بيها هواي ، مشيت جوة واول ما دخلت للصالة بوسط
البيت انــور واكف يلف بيد ريــان وريان رافع ايده وراسه على ميز
الطعام نايم وما اشوف بس ظهره ، دُر ايدها على
گلبها وتبجي بس شافني انــور رفع ايده على شفايفة وصاح
_ اششششش ولا حرف اصعدي فوك لا تشوفيني وجهچ .
گلبي دگاته تخربطت رجلي بعد ما تشيلني صارت خيوط
نزلت دموعي وگعدت على درج اهز براسي همست
_ اسفة ريــان والله .
انــور : صووووووووتچ روووووحي مناااااا صوتچ .
دگ ريــان على ميز الطعام ركضت دُر لزمتني من ايدي صعدتني
_ بس احجي وياه اشوف شبي دُر .
سدت شفايفي حيل ودخلتني للغرفة
_ لاااا تنزلين لا تجين حُــرة لا تخلي يشوفچ يموووتچ والله يموتچ .
سدت غرفت بقيت اروح وارجع مثل الضايعة ما اكدر حتى اگعد
ما اگدر كتبت رسالة الدُر اتوسلها
" الله يخليچ شلونه شبي شنو هذا الدم انــور ضربة لو شنو "
" حُــرة صار زين ونام بس لا تنزلين عليچ الله لا تنزلين "
متندمة يمكن لان طلعت ضميري يأنبني بس شبي گلبي
اريد اشوفه حتى لو يصيح عادي بس افهمه ويمكن ما يفهم مني
شسوي بروحي اني ليش ما ابطل عناد امداني اي والله
بقيت حايرة صار اليل وعبرت ال12 وما ادري شصار
طلعت على اطراف اصابيعي فتحت غرفة دُر نايمة
وانور غرفته مطفية من تقربت سمعته يحجي هو وشهد
نزلت على اطراف اصابيعي جوة صفية ماكو اريد ارجع
اصعد وشفت اضاءة الغرفة الجوة خافته مشيت بممرها
دخلت بيها شوية بابها مفتوح ، بقيت بمكاني مترددة ادخل
من شفت ريــان گاعد مرجع راسه على تخم ومقابيلة
أوراق الشغل ومشروع يشتغل بي جريت نفس ودفعت الباب بطيء
فتح عيونه شافني ورجع غمضها ما مهتم تقدمت گدام الطبلة عريضة
كزاز دائرية مخلي اغراضه عليها دست الحاسبة
_ اذا تريد تحاسبني اقبل .
ولا كأن يسمعني تقربت اكثر بس بعدني بعيدة عنه ما اتجرأ اتقدم اكثر
_ اني اسفة بعد ما اكسر كلمتك والله .
التزم الصمت والتجاهل وكأن يستعمل الصمت العقابي
_ ليش ما تحجي شنو مخلي سماعات .
اقتربت اكثر خايفة بس ضغطت على نفسي ولمسته
_ ريــان حباب والله اسفة اني غلطت هواي وياك ذاك اليوم
تجاوزت عليك واليوم عاندت بس ما ادري راح يصير هيج بيك .
رفع راسه عدل نفسه وشغل جگارة ورجع يشتغل بالأوراق
_ كرهتني ؟
اخذ تلفونه شاف الوقت ورجع يكمل
_ تحجي لو اصرخ والملم عليك العالم ؟
وكف راح الجنطة طلع منها ورقة شمرها بوجهي
اخذتها قريتها "ورقة طلاق " واسمائنا مذكورة
بقيت اقرا بيها واخلص وارجع اقراها اخاف ارفع عيوني
ويشوف عيوني شلون تلالي بدموعها انقبض كلبي
وبهل دقيقة ما عرفت افسر مشاعري بين اريد وبين ما اريد
حُــرة : من سويتها ليش ما وقعت حتى اني وراك اوقعها ؟
يطفي بالجگارة وملامحة هادئة بس كمل يريد اطلع همست
_ اريد قلم حتى اوقعها لا عبالك اتوسل بيك ما تسويها .
طلع من المكان وعاف كل الشغل مقابيلي خليت الورقة
على صفحة وقهريها خليته بالأوراق والمشروع المصغر
لزمتهن فلشتهن تفلش وشكو ورقة راسم بيها سويتها اربع اجزاء
رجع دخل بيده جاي من شافهن صفن بيهن خفت بس
ظل على نفس حالته والصمت الي هسترني بي ، شمرت ورقة الطلاق
جوة رجله وايدي ترجف ودموعي خانتني ونزلت تبين ضعفي
_ من توقعها اوقعها وراك دام انت كفو وتجرأت تسويها
وقعها وكمل هل صلافة وقع .
تركت المكان وصعدت مستعجلة اصعد بسرعة
سديت الباب ايدي على گلبي اتنفس سريع
خايفة من شنوووو خايفة لا يوقعععع خلي يوقع
حتى تروحين منااا موو اني اريد اروح بس يووقع اروح
وبعد ما اشوفه ولا هو يشوفني ولا .....
ضربت على كلبي وجهي ملخت روحي كررررهتهااااا
اني موو هيچ حُــرة اني وگلبي حر لا تخلين روحچ ضعيفة
اني مووووو تحت رحمة ريــان ولااا غير ريــان .
مسحت وجهي بكل قوتي وجريت نفس بكل حيلي ونزلت
بكامل قوتي امشي بخطوات محسوبة رجعت دخلت شفت الورقة
بيدة يقراها اقتربت اخذتها من ايده وهمست
_ اذا اوقع توقعها ونخلص اليوم .
اخذت قلم نزلت اريد اوقعها شفتها مو نفسها الورقة
حُــرة : هاي مو ورقة الطلاگ وين وديتها ؟
رجع اخذ الورقة والقلم ورقع يرسم من جديد
_ خربت كل شغلك ومن ترجع تشتغل هم اخربه
اني اجيت اعتذر منك بس انت استفزيتني .
ضحكت بقهر وصرخت بي بلا وعي
_ لااا تحجي ياااا اخررررس لا تحجي اني غلطانة اجيت
اعتذر منك انت ما تستاهل والله ما تستاهل اكررررررررهك .
طلعت من المكان كله للحديقة سحبت كرسي وگعدت امسح
بوجهي واحارب بدموعي من بعيد شفت دُر اجت تمشي اتجاهي
_ گاعدة وحدچ .
_ انتِ طبعاً هم خايسة مثل اخوانچ .
_ يا حقيرة ليش ولچ هاي فوگاها راد يطلع يملخچ واني منعته .
_ حتى اخلي سينما الأمة محمد اخلي الي ما يشتري يتفرچ عليكم .
_ مو بعيدة تسويها انتِ ، بعدين لازم تدعين لعلي الآكبر
معلم ريان يضرب روحه ويفلش ايده قبل لا يضربچ ويفلش راسچ .
درت وجهي منها گرصت خدي وهي تضحك
_ الصياد صاد قلب حُــرة كفو منك يا صياد .
_ تخسين انتِ وياه .
_ بالقران تحبي .
_ لا تحجين وحدچ لا اسحل بيچ البيت والله .
_ هسة انتِ عصبية روحي بوسي وتروح العصبية .
_ يا سخيفة اني ابوسة هل بارد جبل الثلج احجي ويا يتجاهلني الخايس .
اجت يمي ضربتني على راسي
_ ريــان خايس متأكدة ؟
_ خايس لعد شنو .
_ يضوي بالقران عطر النظافة يهفهف
يفتر وراه والدليل انتِ مسحولة وصاد راسچ وميتة عليَّ ميتة مووووت .
_ صايرة سخيفة هذا علي الاكبر يسقط بيچ تحتاجين تربية .
بعدني احجي وطلع رافع حاجبة صاح
ريــان : دُر باردة عليچ هنا دنيا ليل امشي نامي .
دُر : اجيت اشوف حُــرة شفتها من فوك گاعدة وحدها
طلعت تريد تتزوج تگول اريد اكون بيت وعائلة شفت هل فصعون .
هز راسه وطلع للسيارة اخذ منها اوراق تقربت مني فرت راسي
علية حيل وضربتني على راسي مرة ثانية
_ شوفي زين شوفي طول وشخصية ومهندس وعنده فلوس ويحبچ .
وكفت ضربتها على راسها وركضت بدون ما اشوف گدامي صار
مقابيلي ردت انضرب بي لزمت الباب وصعدت فوك واني اغلط عليهم
_ لا الرجال عاقل ولا اخوانه عائلة تقطر خبث الله يقرضهم
ويخلصني من دوختهم هل گطعععععع .
بعدني اصعد ونزلت رنيم رفعت ايدي وحجيت بلعبان نفس
_ كملت الخيسة مرارتي راح تنفجر اليوم اوووععععع .
ريــان : دُررررررررررررررر تعالي يمي دُرررررررر .
هو عاط واني طفرت على غرفة سديت بابها
دقايق وفتحت دُر الباب وهمست وهي نحجي بجدية
_ نصيحة حُــرة ريــان صاير اعصاب صوتچ لا يرتفع بالبيت .
كملت وراحت على غرفتها تلفونها يرن .
طلعت فتحت الشباك حتى اسمع الأذان
حتى اجهز روحي للصلاة أسمع صوت رنيم
تحجي جوة بالممر عبر ريــان من الممر للمطبخ ويجاوبها
ريــان : واني اتفقت وياچ ما اتراجع لو بدل الطفل يجون توأم .
رنيم : حلفت الك وفيت وهسة مثل ما خابرني ياسين
اجيت بلغتك قبل لا اتصرف يعني اريد نبلش فرصة اخيرة .
صعد واني ركضت للمخزن وهو يجاوبها
_ اني حذرتچ بعد ما تتواصلين وياه ورجعتي چلبة فلوس صرتي .
_ تواصلت وياه حتى يخلصني من بنته شنو بالله وجودها بيتنا .
ماسمعت الرد مالته لان فات للغرفة ودخلت رنيم وراه
يصيح ما اريدها وهو وياها نفس الغرفة الخايس .
ثاني يوم ضربت الدنيا عرض الحايط ما طلعت
ودُر من الصبح طلعت للجامعة ومناك علي الآكبر يجي ياخذها
للظهر دخلت صفية وجهه حزين واني نايمة بفراشي فزيت
_ شبيچ صفية .
_ ماما انا مريض .
_ سودة علية تعالي تعالي ويايَّ انزلي .
نزلتها جوة امشي بيها واسألها
_ اخذچ مستشفى اني وابو محمد برا ؟
_ لا ماما تعبان والبيت واكل بابا راح يجي ماكو بيت نظيف لا .
مشيت بيها للغرفة مالتها ما تقبل جبرتها تنام وطمنتها اني اكمل
طلعت من الغرفة بديت ارتب بي هو ما بي شي ماعدنا جهال
يظل كلشي مثل ما هوَّ ولو اموت ما انظف هل بيت هسة اموت
بس رتبت ودخلت اطبخ دخل انــور سأل على صفية بلغته مريضة
عافني وصعد فوك ، دقايق ورجع ريــان بوجهه فوك حتى ما شافني
عفية بيت مسكون والله الي يفوت بي ينسى شلون يحجي يتعود صامت يصير
الى متى هل لعبان النفس يعني هم اريد احجي اني واحد نسولف
راح يصير بيَّ توحد وانسى شلون اسولف طرگاعة على هل بيت
بلكي يتزوج انــور وتجي شهد على اقل اگدر اسولف وياها
عززززا واذا انــور وشهد قرروا يعيشون بيت ثاني
ما اعتقد اروح اسأل انــور بالله ، عفت السلطة على النص وصعدت
اركض على الدرج فتحت الباب الغرفة ظلام وباردة ثلچ
شغلت الأضاءة ومشيت واشوف انــور نايم على بطنه وظهره
كله طالع استغفر الله ربي تفففف منك ومن هل ظهر الشيطاني .
رفعت الغطوة على ظهره وبقيت اضرب على خفيف على ظهره
واصيح بـ اسمة اريد بس يگعد ويجاوبني
_ لك انوووووور شبيك مو احجي وياك انــور جاوبني انــور .
فز من النوم يتلفت ويسحب بالتيشيرت يريد يلبس
_ ها شصار ، حرامي ، هجموا علينا شكوووو شصاير منو مات ؟
_ غير يستقر ابن الكاظمي يهجمون عليهم .
مسح وجهه وبلع ريگ لازم صدره يتنفس سريع
_ منو شكو احجي ولچ ؟
_ اگلك انــور من تتزوج انت وشهد تعيشون بهذا البيت
لو مقررين تروحون بيت ثاني .
_ شنو ؟
_ حبيت اعرف السؤال خطر على بالي .
ضرب على رجله حيل حيل حيل رجعت للخلف وهمست
_ سودة بوجه ابوية ابن عمي هاي هيچ شهد متعبتك .
لزمني من ملابسي رفعتي على حايط ورجلي تتلولح بالهوا طرت
اول مرة بحياتي اطير بقيت ازاگط برجلي وهوَّ هجم عيونه
نطت حمرة والشرار بيها ويرفع بيَّ اكثر واكثر وعاط ذاك العياط
انــور : انتِ مخبلة لچ انتِ شنوووووووووو من بشررررررر .
حُــرة : اعصابك لك عيني شبيك سؤال ويا سؤال رد مكانك .
انــور : موووووووووو ناااااااااااايم ما تشووووووفين نايم
زمال نايم اني نايمممممم لچ ناااااااااااااااايممممم بنت الحيوان نايم .
هو يحجي واني اضرب على خدودي وبعده
رافعني دنگت راسي الگاع صارت بعيدة
_ ارفعچ والزگچ بالگاع .
_ ما تسوى والله اعتذر اني حيوانة .
_ ترررروحين فدوة للحيوووووووووووات
_ اي والله .
عافني ولزگني بالگاع صرخت بوجع صراخ بكل علو صوتي
هرجت البيت هرج ، تقدم وصاح بعلو صوته بوجهي
_ اطلععععععععييييييي بررررررررا اطلعيييييييي .
_ انت مخبل شبيك شبيك الله لا يوفقك .
_ حرررررررررة اطلع برررررررررا .
_ ليشششششش هيج رگعتني بالگاع
ما تخاف امووووت اوگع على راسي .
_ اطلعي لچ اطلعي راح اضرررررربچ اطلعيييييييي .
طلعت من الغرفة ودموعي تحري دگيت باب غرفة ريــان
بكل قوتي فتح الباب ورجع يشتغل بأوراق ورنيم گاعدة
على سرير بيدها تلفونها من اجيت مبين سامعين صوتي
عيونها تتفحصني وهو ولا عبالك بغير عالم بارررررد بارد
_ انــور شالني ورگعني بالگاع .
رسم خط وفوك الخط خط ثاني شخبط الورقة وشمرها
_ تسمعني هذا اخوووووك ضررررررربني شبيك
راح تظل ساكت يعني عادي عندك ؟
رنيم : ماتشوفين مايريد يحچي وياچ امشي اطلعي وسدي
الباب إتحملي نتيجة غلطچ .
حُــرة : اجي اشگ حلگچ اذا ما تسكتين مني هسة .
عفتها وطلعت طبگت باب غرفتي بكل قوتي
لزمت عكس ايدي كل ثگلي صار علية
اخذت كريم اعصاب مسدت المكان وامسح بدموعي
شلت تلفوني وبدون تردد كتبت رقم ابوية
_ الو .
_ حُــرة ههههههههه درب الچلب على گصاب .
_ اذا ارجع يمكم تموتني ؟
_ لا .
_ لعد .
_ ما ادري بس كلبي منفوخ منچ .
_ اني اقبل تموتني .
_ ترجعين .
_ اي .
_ اجي ؟
_ انتظرك .
بدلت واول ما طلعت شافني بفستاني شافني والله شافني بس
تجاهلني ورجع للغرفة نزلت بسرعة جوا گعدت بالصالة مقابيل الباب
انتظر مرعوبة بس الموت ارحم من هل ذلة تعبت لعبت روحي منهم
نص ساعة وسمعت صوت سيارات بعدني أريد انهض وحسيت
بكلينكس صار على وجهي بنفس لحظتها دخت وگعت بيد الصياد
رفعني من الأرض عيوني مفتوحة بس عقلي مخدر وجسمي
ثگيل لمحت انــور نزل هو فتح الباب لهلي، دخلني غرفتي
نزلني على فراش ورفعني فتح سحاب الفستان وذب فستاني
بالكامل بنفس الدقيقة يغطي بجسمي وكف ينزع بالقميص وصوت
الصياح والتهديد جوا صار يرن بـ اذني مسموع صوتهم مسموع
تمدد بصفي وسحبني على أيده يغطي بجسمي بس جسمه عاري
وراسه ينزل بروحه يخلي بين رگبتي وبين شعري .
من شاف عيوني مفتوحة يسد بيها وارجع افتحها رجع اخذ
الكلينكس وشميتها وگعت غشيانه راسي بكبره يفتررررر
بقيت اسمع كلمات طفيفة وبس صوت أبويه صار بالغرفة حسيت
بي نزلني من ايده يغطي بيَّ ويصيح
_ شكووووو داخل علينا هيچ الغرفة نومنا .
ياسين : مستحيل هي گالت على ورق انت جذاب انت ملعون ملعون .
ريــان : ما اخليها على ورق احبها اموت عليها اريدها احبها احبها .
صياح انــور وريان يتضار هو وابوية اخواني صعدوا
وابوية بعلو صوته يصيح بـ اسمي ، جسمي شلني شل
ما ادري شنو صار بعدها بس نمت گعدت لگيت روحي لابسه
ملابسي ونفس الفستان لملمت روحي اريد اوكف
راسي افتر وگعت بالفراش رجعت احاول وگعت على أرضية
مشيت استند على حايط وامشي بصعوبة ، باب غرفته
مفتوح ورضية تنظف بالهوسة الصارت يعني مصار هواي
_ رضية ررررررريان وين ؟
اشرت على غرفة مشيت بصعوبة لزمت الباب استند عليَّ
التفت شافني ورجع دار وجهه مني
_ شسويت حاجيني اذا ما تحجي اموتك واموت روحي احجي .
رحت سحبت الأوراق طشرتهم بحركة وحدة
_ من احجي تحجي من احجي وياك تجاوبني .
اريد اجر باقي الأوراق وتوازني اختل والدوخة فرت راسي
ردت اوگع بآخر ثواني لزمني الساني ثگيل احجي عبالك
سكرانة مثل بالافلام ، ضحكت وإنّي اضربة على وجهه
_ تبيع ثگل الخايس غير ميت عليَّ .
نزل ايدي الي اضرب بيها رجعت رفعتها أتلمس بلحيته
_ دوختني انت تعبتني عوفني حيرتني .
رفعني شالني باثنين اديناته ودفر باب الحمام
فتح الماي ونزلني اريد اطلع مايخليني لزم وجهي رفعه
حتى ينغسل بالماي ضربته براشدي شمر ايدي ورجع
يرفع براسي ومايحجي حرف شنو الحرف ما ينطق
_ عوفني اروح اريد ياسين .
بقيت اضرب بـ إصبعي بصدره وارفع بروحي على اطراف اصابيعي
_ إني خابرته حتى اروح منا وانت تتعذب
بعد ما اخليك تشوفني وهلي هذا الصمت العقابي يفيدك .
لزمته من وجهه مثل ما هو متمسك بوجهي
_ ريــان خلي عينك بعيني وگول شيصير بيك اذا بعد ماتشوفني ؟
جاوبني على شكل بوسة اخذ بيها شفايفي يتفنن بيها
والماي جاري فوك راسنا ابتعد يجر النفس واني امسح
بعيوني بكل قوتي حتى اگدر اشوف ضربته على صدره وصحت
_ شفت واتذكر شسويت بالغرفة من فات ابوية .
بعدني احجي ورجع يبوس بشفتي هيمان
اريد ابتعد وفاتت علينا رنيم من شافتني بهذا القرب جن جنونها
رنيم : عاشت ايدك وايدچ يا جذابة لج انتِ
تعيشين لان تتمسكنين الحد ما تتمكنين .
خليت ايدي على صدري اريد اجر النفس ما اگدر
ودگات گلبي بعد كل ثانية تمر تزيد احد بگلبي يدگ حتى براسي
لزمت ايد ريــان وهميت قبل لا اوگع
_ گلبي راح يوگف ريــان .
رفعني وهو يصيح بعلو صوته
_ انوررررررررر وينك لك انورررررر .
نومني على سرير وبس فات انــور لزمه من ايده يصيح بوجهه
_ لك هذا شنوووو من مخدر البنية گلبها راح يوگف ؟
رنيم : عزا بالله هاي عملة يسويها مهندس فاهم عود ودارس
تخدر طفلة علمود تقترب منها كل عقلك تخبلت انت تخبلت وهذا وياك .
ريــان : راح اطيح حظچ اذا ما تسكتين .
تقدم انــور لزم ايدي يشوف النبض
_ لك هاي صدك دگات گلبها سريعة .
ريــان : لعد اشاقة وياك شسوي اخذها للمستشفى شگول .
انــور : كم مرة خليت مخدر ؟
_ مرتين ؟
انــور : ثول اي والله ثول ثولك بكلشي ماتفتهم ما ادري شلوو اخذت شهادة .
ريــان : احجي يمعووووووود .
انــور : شعرفني خليها ترتاح مو گلت ونبهت بس مرة هاي تحتاج
يومين يفك من راسها ويستقر گلبها شسويلك منسم التخدير براسها .
ريــان : منسم ؟ براسك كون منسم .
حُــرة : ابو شمه خلاني اشمشم وياه ههههههههه .
انــور : اي بنت الـ***** اي ثبتيها عليَّ بعد .
حُــرة : اذا ما اخابر شهد .
انــور : شسووووين تخااااابرررررررريهااااا .
_ ابري ذمتي .
_ يا ذمة بنت الكلب .
_ ابلغها بعدك تشمشم هههههههه .
لزم انــور ريــان من قميصه وصاح بوجهه
_ لك هاي راح تشهرنا الله لا يوفقك ولا يوفقهااااا .
ريــان : لا تخاف يمي الموضوع .
_ هو اذا يمك الموضوع يعني هجمان بيوت يفاهي يا بارد .
حُــرة : بالقران اخابرها .
انــور : امووووتچ .
_ اخابرها وين تلفوني .
_ لك رررررررريان .
ريــان : تلفونها يمي يمعود هذا تفلش كسرته مو شفتني كسرته .
رجعت لزمت كلبي وفريت راسي وبيدي الثانية لزمت راسي
_ ريــان تحبني ؟
رنيم : يموت عليچ .
حُــرة : ادري خايسة اسكتي ، ريــان انت حيوان .
انــور : بهاي حقچ .
حُــرة : هسة اخابرها اخليها تعرف انت تشمشم انــور شمه .
ساعدت نفسي اروح على غرفتي اوكف واوگع
ثبتني ريــان ولزم بطل الماي يغسل بوجهي
انــور : مايفيدها هسة لو تغرگها بتانكي ، جيبها اغرگها ونخلص .
ريــان : يعني شلون تظل هيج يمعود شوف حل .
طلع انــور يدردم ويسب بينا
_ مايفهم المصيبة لو احجي الصبح يرجع يگول شوف حل .
رنيم : يلة طلعها برا يلة .
ريــان : رنيم البنية مو زينة اكرمينا سكوتچ .
بقت تحجي وتفشر لزمها من ايدها وطلعها والتلفون
مالته بصفي اخذته وفتحت الرمز دورت بالأسماء
ماكو اسم شهد ماعنده رقمها ، اتصلت على دُر وابتسمت
_ ها دُر .
_ حُــرة شسوين بتلفون ريــان .
_ تلفوني وگع مني وراح اخوج حبيبي يصلحه
اگلج اريد شهد بسرعة موضوع مهم .
_ يعني شلون مهم .
_ اريدها شبيچ اريدها حبابة .
_ دقايق .
اسمع صوت الباب ، وخطواتها ، واقتربت من اصوات اطفال بالكراج
عبرت وعرفتها بالمطبخ من سألت بتول
_ وين شهد ؟
_ تنظف بغرفة جــود فوك .
رجعت تمشي واني ايدي على گلبي صحت بيها
_ وجع شوكت توصلين .
_ شهد حُــرة تريدچ .
شهد : ها عيوني شلونچ ؟
حُــرة : هلو شهد اكلچ من تتزوجين ابو شمه تعيشون هنا
لو تروحون بيت ثاني ؟
شهد : والله اذا يسمع تگولين ابو شمه .
_ توني جنت اصيح علية ابو شمه ، المهم جاوبيني ؟
شهد : شعرفني بعدنا نفكر بالموضوع.
التفتت على باب وضحكت وراسي يفتر
حُــرة : تدرين ابو شمه اليوم مدري البارحة ضربني
شالني ورگعني بالگاع وهسة اخر شي تدرين شمسوي بيَّ ؟
شهد : عزززززا شمسوي .
حُــرة : بعده يشمشم وهسة شمشمت وياه صرت حُــرة ام شمه .
شهد : انــور يشمشم ؟
حُــرة : اي بالقران .
شهد : حلفتي قران .
حُــرة : لعد ما تشوفين حالتي گلبي يوجعني واحس بغير عالم
وما ادري احسني احب هذا الخايس ريــان .
بعدني احجي واسمع صراخ شهد الظاهر تلفونها يمها
_ انوووووور بعد ما اررررريدك عززززا گالووووا
الي يشمشم يظل عمره كله يشمشم ابوووو طبعععععع
ابو الديسكوووووو ابووووو النسووووووان .
والتلفون بعده على اذني واندفر الباب واشوف انــور گدامي
انــور : لا بالبداية اكتل ريــان وبعدين اموووووتچ .
شمرت روحي من السرير نزلت جوة السرير خايفة
واسمعهم اثنينهم يصيحون وفات ريــان يدور بالغرفة ماكو
جريت مخدة وخليت راسي عليهم لان لعبت روحي اريد اتقيئ
راسي يفتر بعد ما اگدر افتح عيوني غفيت بلا وعي وسيطرة
واني انتظرهم يعرفون اني وين موجودة .
شهد ...
دُر : لچ هاي مخبلة يمكن لان متعاركة وياه هيچ حجت
_ تحلف قران باع هاي ادافع على ابو شمه .
وگعدت تحلف وتتكفل اخوها ، اخذت السطل ونزلت اغسل بيدي وادردم
بتول : ها شبيچ ؟
_ سعيدة مرتاحة عوفيني .
نزلت دُر تحجي بالتلفون ومن شافتني طلعت من البيت راحت
على مطعم دگت الباب وعلي الآكبر طلع يعدل بشعرها ويحجي وياها
شوية وابتعد مخنزر ضرب على رجله ورجع ضرب الباب
بقت دُر رافعة حاجبها تباع على باب والضربة ابتسم ومن شفايفة
وحركة الحروف عرفت علي الآكبر گال اسف .
سمعت صوت تلفوني رحت للغرفة شفت اسمه "المدگدگ "
ذبيت التلفون وگعدت على سرير اتخيل تخيلات مخيفة
يمه اتزوج ويصدمني يا صخام وجهج يا شهد
فزيت على باب ينفتح ابوية مد راسه مبتسم
_ بنيتي خطيبچ ينتظرچ بالاستقبال طلب يشوفچ .
ردت ارفض بس خفت ابوية هم يعاند اني كلشي ولا اهلي وقفلتهم
خليتها بيني وبين انــور وكبرت عقلي وطلعت اتفاهم وياه
واذا ما شفت نتيجة كل واحد يروح بطريقة واخلص .
لملمت شعري واخذت شال لليوم ما شايفني بدون حجاب
حتى بيوم خطوبتي جنت لابسة وسترت نفسي بالكامل
بس دشداشتي بدلتها رشيت عذري وطلعت فتحت الباب
شفت گاعد هو وابوية يسولف وعلى اعصابه صابر
شهد : السلام عليكم .
انــور : هلا عيوني .
نهض ابوية هو يمشي يحجي ويانا واني ما ادري انصب عليَّ
خجل من شفت ابوية لزمت ايدي وبقيت جني صنم بس اهز براسي
ابو حسن : اخليكم وحدكم انا هنا بالصالة اي شي تحتاجون موجود .
بس طلع ابوية تقدم يريد يلزمني رفعت ايدي وصحت بي
_ لا تجي يمي لا طخ ابد ابد ابد .
_ جذابة مو بوعيها والله .
_ انوب تخلي بنية طفلة تشم عزا اذا اهلي يعرفون يطلعوك منا دفرات .
_ منو يطلعني دفرات احجي عدل شهد لا تخليني افقد اعصابي .
_ هذا كلامي ما يعجبك عوفني وروح .
طگ رگبته وتقدم اكثر
_ عود عبالك تخوفني انا ما اخاف خليها ترچية بإذنك .
_ اي البس تراچي .
_ لا تفرحها وخلينا دام النهر ضيگ ننهيها .
_ تنهين شنوووووو شهددد شنووو شنووو تنهين هو شكو .
اشرت على بيتنا مخنوگه احجي بقهر وعجز
_ امي كارهتني ومتعاركة وياها الخاطرك
عاندتهم كلهم عاندتهم الخاطرك تريد تكسر ظهري
وترجع تشم مخدرات انــور مخدرات ؟
_ وعيونچ وحق من انزل القران تركتها صار هوووواي ما اريدها
اني بعد ما اريدها لچ والله فهمتي غلط هاي حُــرة مو بوعيها .
_ اخاف اخاطر اني اخاف نتزوج وبيوم ترجع للبيت ومتعاطي
شسوي وشلون ازعل وشنو احجي وياهم انت اختياري يلوموني
ياكلون راسي اكل يلوموووووني تفتهمني انت تفهمني .
اخذ ايدي باسها من شافني ارجف وخايفة گعدني على تخم
ثاني رجله وگعد مقابيلي لازم ايدي يمسح بدموعي
_ لا تبجين ماكو شي يستاهل تبجين علية لو صدك راجع
اعترف اني ما اخاف من احد بس ما رجعت ولا اريدها
اني بمرحلة واصل بيها ابني بحياتي وياچ تريدين اهدم كلشي بيدي .
_ خلفت القران .
_ صح مخدر بس مو مخدرات .
بعدنا نحجي واندفع الباب ودخل علي الآكبر من شافني ابجي عيونه
صارت براسه لزمني من ايدي وسحبني من انــور الي نهض وابتعد
يرفع براسه ويعدل بقميصه ، اتفحصني علي الآكبر وصاح
_ شسووووويت ليش شهد دموعها نازلة لك ؟
انــور : نتررررر صيح شهرنا رررررجف بعد رجف .
_ تحجي لا صدك ارجف عليك واطلعك من البيت غمممممممم .
_ ماكو شي عزيزي سووووء تفاااهم مايصير اتناقش وياها
هاي دموع الفررررح .
علي الآكبر: شهد احجي هذا شبي وياچ .
دخلت دُر وسدت الباب واتصلت على ريــان
دُر : اخذ التلفون علي الآكبر ريــان يريدك .
سحبه منها وراح ابتعد يحجي هو وريان واسمعه يگول
_ اي وياسين اجه اكيد ، اي وتالي ، منو انــور ، زين سويت
حتى اذا يعرف عايشين انت وياها طبيعي يشيل ايده هو متأمل ترجع
اي وهسة فكها ، تحتاج يومين هذا قوي ههههههه انــور بعد
هاي هي وضحت بس ما اوضحها لشهد اخلي يتعب حتى يفهمها
ههههههههه طالع عليك صياد .
رجع التلفون ورافع حاجبة على انــور وانور متكتف يخزر بينا
علي الاكبر : عبالي متقصد تنزل دموعها والله اشتغلك شغل
انور : امشي لك امشي تشمشم مشاكل انت عمي شراني
علي الآكبر: خاب من كون غمه تغمك غم يا اغم .
طلعوا دُر وعلي واني گعدت اجر انفاسي
وانور راح بعيد شغل جگارة يشرب بيها وساكت
دقايق وصار يحجي شنو صار وياهم وليش ضربها
وحرة شسوت بعدها الى ان وصل هنا بقيت على نفس سكوتي
انــور : وهسة غلطان .
شهد : لا .
انــور : تعالي صالحيني .
_ شلون يعني .
_ تعالي اعلمچ .
فريت ايدي وضربت التخم وكفت متعجبه
_ شنوووو قصدك ليش احس قصدك سخيف .
_ تعالي ارسمي الوشم بيدچ .
_ احترم نفسك من حلاوته هسة الوشم وارسمه .
_ عندي بصدري وشم جديد تريدين تشوفي .
_ انوررررررر .
هز راسه وشغل جگارة ثانية سحب نفس وقبل لا يذب الدخان همس
_ براحتچ اهم شي عرفتي لا رجعت ولا اريد لا تعتذرين .
ذب الدخان وگف يعدل بالقميص وجهه نظيف والقميص اسود يلمع
رفع ردن وظهر الوشوم بكل احترافية يخليهم يبينون بفخامة
انــور : اني اروح الظاهر وجودي ثگيل عليچ .
وصل للباب رحت بسرعة وكفت مقابيل الباب وهمست
_ تطلع زعلان جنت اني زعلانة احلى .
رفع أيده جنت لابسة سلسال ناعم على شكل نجمة ناعمة
مرر اصبعه على سلسلة بخط دائري الى ان وصل للنجمة
_ تعبت الرگبة ليلو حاضنتها گلادة .
اريد اتحرك لزم ايدي بكُل تحكم ودفعني على حايط استحوذ
على كل تحركاتي ، رفع وجهي وقرب وجهه مني رافض يبوسني
بس يمرر شفايفة على بشرتي غمضت عيوني وهو باحتكار خاص
نزل من وجهي وانصدم بشفايفه تصير على مكان النجمة طبع بوسة
اريد اتحرك ادفعه ما اگدر دفعني اكثر ورجع باس النجمة
ابتعد وعاف ايدي لزم الشال يريد يسحبه رفضت وابتعدت
لزمني من ايدي ورجعني نفس مكاني
_ حددي يوم زواجنا شهدهد .
شهد : بس خليني اكعد هناك شبيك بس عوفني .
انــور : تعبت لچ بابا افهمي .
شهد : من شنو تعبت .
_ اريدچ .
شهد : هاااا مو باقي بدون نسوان صدك
انــور شنو جنت تسوي بالديسكو ؟
_شيسون بالديسكو ؟
_ ما ادري اني سألتك ؟
_ تريدين مشكلة عيوني ؟
_ صعب الجواب ؟
_ ضروري المشاكل ؟
_ حلوات البنات ؟
_ عشرة واگول گليلات .
رجعت ايدي وضربته بوكس بنص بطنه خليته يسوي يفر
استقبالنا كله من الوجع ورحت عنده عياله اخاف لزمت
ياخت القميص وصحت بتحذير
_ شوف عندي وجهين وجهه لطيف وجهي الثاني هذا
وبعد عندي عدت شخصيات منها انثى كيوت ومنها .
_ علي الآكبر .
_ بالضبط عفية عليك اضبط كلامك لا اضبط هل مخيخ الفاشل .
_ وشخصية تموت وتذوب بيدي .
_ هاي شخصيتيّ أتبرى منها لان صلفة وماعندي سلطة عليها .
_ اني من هواة وعاشق الشخصية الصلفة .
حتى ما ارجع اظل بس اني وياه فتحت الباب صحت على ابوية
جان گاعد فاتح التلفزيون وجاي وحب قريب منه
_ بوية انــور يريدك .
_ اجيت بوية .
انــور : اني اريده شسووووي بي دايخ هسة اني خرب راسچ ؟
_ مشكلتك دبر نفسك .
بعدنا نحجي واشتغل بصوات عالي من المطعم
_ يا فارس بدر يا حيدر يا فارس بدر
تبقى انت ولينا تظل قائد علينا
تبقى انت ولينه تطل قائد علينا
گالها نبينا انا گالها نبينا
علي بعدي ولي يتصدر يا فارس بدر
الحبك ما خسر والعافك خسر .
غمض انــور عيونه عبالك سامع صافرة انذار ضحك ابوية وگعد
_ هذا جــود مايعرف يشتغل اذا ما يشغلها بصوت عالي .
_ لو اني من منطقتكم افوت افلش راسه .
_ نعم .
_ اضحك وياك عمي احممم المهم ان شاء الله باجر
اخذ شهد على بيتي الي سجلة ابوية تشوفه اذا يعجبها نعيش بي .
_ تقصد البيت الموجود بالمنطقة **** .
_ اي صح .
_ والله يا ابني اريد احجي وياكم بهذا الموضوع
شهد بعدها صغيرة ، وانت تعرف اهلك مو قليلين شر
اقل غلط يبدر منك تصير حرب ومتأكد اني قبلت
بس من يوصل الخبر لعمران انت خطبت غريبة ومن عندي
يحاول يأذيك ويحرك گلبي .
_ ما يكدر عليَّ صدك .
_ يگدر لو لا مو مهم لازم تعرف ما اقبل شهد تعيش وحدها
خليها بنفس البيت العايشين بي كلكم اخوك ونسوان اخوك
وحرس على باب امان اكثر واني اطمئن شنو رأيك ؟
_ شهد شنو رأيها .
شهد : مو مشكلة .
انــور : بنتك بس تريد نتزوج كلها مو مشكلة .
شهد : انــور بعد ما اتزوج .
ابو حسن : هههههههههه تريدها تقفل عليك ؟
_ قبل شوية قفلت دخيل الله عائلة كلكم تقفلون .
ابو حسن : شهد قنوعة عيونها مليانة اني اسلمك جوهرة .
هز راسه ورفع عيونه عود شنو قصده المدگدگ يريد ينسحل والله
راح ابوية يشوف ابن عز الدين ليش يبجي وصحت بي
_ شنو قصدك نرفزتني .
_ جوهرة صلفة .
من رجع استأذن وطلع هو وابوية بعده بالباب وريان خابر
_ ها ريــان ، حُــرة شبيها ؟ وينها دور عليها بالبيت
رجع الكاميرات، يعني وين راحت اختفت اجيت شلون اطير اجيت .
سلم وطلع مستعجل رحت على دُر حجيت الها تخابر على ريــان ماكو
علي الآكبر سمع بالصار اخذها وراحوا، بقيت بقلق كل شوية
اتراسل وياها بعدهم فاقدين وجودها .
_ ها انــور .
_ عيوني .
_ وينها خطية حُــرة ؟
_ فوتوها على غرفتها .
_ وين جانت .
_ خايفة من عدنا ونايمة جوة السرير .
_ سرير ؟
_ اي
_ جرباية سرير شنو؟
_ دققي بعد دققي .
_ احب الثقافة بس شخصيتي المتنمرة تدخل .
_ شخصية الاعتراف هم احبها .
_ الصلفة وام الاعترافات .
_ سلميلي عليهن لو اگلج بوسيهن من شفايفهن .
سديت الخط بوجهه ورجعت اكمل شغلي بليل رجعوا علي الاكبر ودُر
گعدوا اخواني يسولفون بموضوع عمي اني ذكرها يخوفني
ما ادري صارت بگلبي خوفة من تصرفها وهل احساس متعبني
رحت على غرفتي نمت من وقت ، الصاني يوم گعدت على تلفون
_ انــور .
_ نايمة مرتي .
_ اممممممم .
_ ايام وانومچ بحضني .
سديت الخط بوجهه خليته برن 15 مكالمة بالتمام ورجعت جاوبت .
_ ها ..
_ سهلة اتحمل اني هسة بس اطلعهن بعدين .
رجعت سديت الخط ورحت للحمام اخذت حمام ، ورجعت بدلت
وطلعت اجهز ريوك قبل لا اصيح اخواني شفت 25 مكالمة جاوبت
_ المدگدگ .
_ شهد بس اشوفچ الله يستررررررررر مني خليهااااا براسچ .
_ رجفتني ، تهدد مو تهدد ؟
سديت الخط ورحت اكلت اني واخواني يريدون يروحون يشوفوو امي
ودك باب بيتنا جــود واكف يلبس بالحذاء وعز الدين يقنع
بالجهال ما يتأخر وما يگدر ياخذهم علي الآكبر بعده بيته
نزلت امسح بحذاء جــود ، وطلع سيف الدين ينتظر
ايدي تريوها ترس صخام وخشمي يحك بيَّ لزمته
وطبع الصبغ على وجهي والباب اندك ركضت
مثل الشاطرة افتح الباب اخاف يتحركون ويخربون شغلي
واشوف انــور مقابيلي بكامل اناقته والعطر لفحني تغلغل بالرئة
بقيت صافنة بوجهه وهو يصفن بوجهي وينزل ايده على ايدي
انــور : الله صخم وجهچ على افعالچ يا قاسية .
جــود : قاسية ولك شني فستق لوووز تعال النسيب تعال كل الهلا .
سحبه انــور واني ركضت للبيت
جــود : مسوينا مزار يا رايح يا راجع شكو ؟
_ زوجتي عدكم شعبالك .
جــود : صير كفوووو وگول مرررررتي هيج بحيل صدر .
_ شوكت تتزوج ؟
_ عدكم مثقفه تحجي انكليزي، صغيرة بيضة تلگ لگ
ونازوكية ماتعرف تتطبخ كون مثل اختك دُر .
_ خو مثل اختك تسحل سحل بجمالها هم بيضة تلگ لگ .
_ احترم نفسك .
_ من تحترم نفسك سـ**** ...
علي الآكبر: ها نونو هنا .
انــور : اجيت اطلع اختك .
كمز علي الآكبر عليَّ لزمه من ملابسة وصاح
_ انوووووور احتررررم نفسك .
_ بالقران شبيك اجيت اطلعها تشوف غرفة عرسنا ابوك يدري .
_ يلة اني هم طلعت اختك اختارت الغرفة .
_ واني راح اطلع اختك تختار الغرفة .
فتت ابدل واغسل بوجهي لبست فستان ولفيت الشال
وكل شوية اسمع تگب الصياح بينهم واحد يعاير بالثاني
رحت يمهم تقدم انــور لزم ايدي وضحك
_ راح اخذ اختكم واروح لا تخافون ادير بالي عليها .
علي الآكبر: شايف اذا اقفل عليك هسة لووووو تموت هناااا
يمي شنووو تموت ما اخليك تاخذها .
انــور : شيت اب .
جــود : يروحلك علي الاكبر وشهد واهلي فدوة .
شهد : كثر انكليزي حتى جــود يحبك .
اخذني وهو يلوح بيده ويضحك بخبث
بعدنا بنص الطريق بس عبرنا فرعنا واعترضت
طريقنا سيارتين مضللات نزلوا منها اثنين واحد صار من جهتي
والثاني راح على انــور سحب انــور المسدس من جوة كرسي
السيارة وسحب اقسام ، فتح واحد منهم الباب وبصوت خشن يبلغ
_ استاذ عمران طلبكم انت والمدام .
انــور : روح بلغ استاذك وجهه ما اريد اشوفه .
_ طلب مني ابلغك وفي حال تم الرفض نتعامل بالقوة .
اثناء كلامه انفتح الباب من جهتي وسحبني واحد منهم من ايدي ..
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..