_______________________ الــريـاش
﷽
𓆩 اســاور حــسين 𓆪
بقلمي رواية : الــرياش
- وشفت بعيونك آمان وسلمت آمري .
لطفا لا تنسون التصويت والتفاعل بين الفقرات
⊰ دُر⊱
اجت عيني بعين علي الآكبر بهت من شافني
بهتت حركته ، عيونه ، رجفته كلشي بي وگف لثواني
وبتعجب نطق : انتِ .
دُر : اسفة .
تقرب حسن مني يريد يلزمني وكفّ علي الاكبر بوجهه هو طلع
راسه من يمه وصاح وجسمه سعفه يرجف من الخوف
حسن : شصاررررر ليش ابوية ما يجاوب عليه.
رفعت ايد والساني نربط اريد اكله ما ادري وحالي من حالكم وصاح
عز الدين :ساعدوني نقلوا وره ينام اركض لك
اركض مو وكتها توگفوووووون تباوعون .
جود والباقي نزلوا يركضون بجنون علي الآكبر رفعه نومه
وعز الدين كعد يمه راسه صار على رجله
والبلقي مايعرفون وين يروحون بس يريدون يتحركون
وكفت بعيد اكل بـ أظافري ودموعي تنزل برعب
على وجهي احساس الذنب يموووت والله يموت
صعدوا كلهم وإني حايرة بزماني بس تحركت
النص الطريق وكفت ولمحت علي الآكبر نزل
وهمَّ راحوا، اجه يركض اتجاهي ضرب على سيارة
— اصعدي .
بقيت بمكاني رجع نزل يباوع مستغرب
_ مو احجي وياج اصعدي .
اشرت على شارع وامسح بدموعي
بلاعيمي وفلاونزا وجسمي كله يوجعني
حجيت بصعوبة من الهبطة : روح وياهم اني استأجر
تكسي وارجع للبيت .
_ وين اقبل تروحين تكسي وانا موجود اصعدي بوية
لا تعبيني تراني مهدود حيلي على ابوي .
اجه ناحيتي فتح الباب ومركز بحالي
حسيت بالذنب صارت بوجهي اني طلبت منه
ومن اول يوم تصير مصيبة
_ اصعدي لا تعانديني .
مشيت وركبت وياه هو يسوق ويخابر عليهم
بعدهم ما واصلين دار عليه يتفحص شكلي
_ منو مسوي بيچ هيچ شصاير وياچ راح اتخبل .
ضميت وجهي بيدي اشهگ وبلاعيمي تجرحت بالزايد
حسيت بعيوني تريد تطلع من الحرارة لزمتني رجفه
درت بتعب اجاوب : رجعني للبيت دخت اريد انام خايفة
اني خايفة من كلشي العالم هذا قبيح دمررررررني .
وكف متحير من كلامي ، وبدهشة تقرب اكثر
سحب بطل مي وهمس : اغسلي وجهچ
عرفت راح تتمرضين من برد البارحة استغفر الله .
فر السيارة ورجع يتصل بيهم عرف المستشفى
وصلنا عليها اجه يريدني انزل هزيت راسي بـ لا
_ اريد دكتور يكتب الج علاج انزلي بطلي عناد .
دُر : اريد انام رجعني للبيت راسي ينفجر اذا ما انام
وعمو تخربط بسببي اني ورطته ورجعته كُلي غلط
اريد اسوووووي شي صح ماكوووو دائماً اورط روحي بمصايب
اكبرررررر من راسي وهسة ورطتك انتَ شفت نظرات لوم اخوانك
الك لو .
_مايهم كلش مو مهم وكلنا نغلط بوية كلنا نغلط .
_ انوررررر السبب هلكت منه اريد الزمه املخه تملخ والله
تعبت اني تعبت نفسياً وجسدياً نلعب بيه خلقه شوكت ارتاح
يعني كل يوم اخلي روحي بمواقف بايخه توگعني بتهلكه.
رجعت راسي متأذية بس راسي ثگل ما ادري من المرض
لو صدمتي بوگعت ابو حسن لو بضرب انور عجز شلون
يتصرف وحسيت بي حريص من ناحية مايريد يتقرب
لان بنية غريبة ، سد باب السيارة فتحت عيوني لمحته دخل
يركض للمستشفى غمضت وثواني ايد باردة تلمست حرارتي
باوعت بتعب شفت ممرضة ويمكن دكتورة ما ميزت
_ دخلها للطوارئ .
نمت بس استمع اصواتهم حركتهم
إضطر يشيلني ودخل يمشي سريع
_ نزلني اكدر امشي .
علي الآكبر: آسف اضطريت أتعدى حدودي واقترب .
جسميّ ثگل دموعي تنزل من الفلاونزا
الدكتورة تسأل شبيها يجاوبها وهو ينزلني
على سرير : دكتورة البارحة ليل كله تنطنط بالمطر .
شكلت مغذي وضربت بي علاج نمت لدقايق ما اعرف شكد
بس گعدت الم راسي خف وأكدر استوعب وضعي حسيت
وجع جسمي كله سكن ، صحصحت بصعوبة ميزت ضوء
النهار داخل من الشباك واكو ظل من ركزت اكثر شفت
ظهر على الآكبر واكف يباوع من الشباك طال على شارع
نشحطت بلاعيمي هو دار بسرعة فتح گلاص مي
_ اخذي اشربي سلامتج بوية الف سلامه .
شربت شوية وتذكرت يَسار قلصت نضراتي
وبدون تردد سألت: احلف ما مخلي شي بالمي .
تعجب من سؤالي وابتعد مكتف ايده
_ شحط قابل بي شعندي وياچ .
اخذته واني ارفع اكتافي بمعنى ما ادري وجاوبته بكُل برود
دُر : ماكو امان لكل مان .
رفع حاجبة ويهز براسه دار مني وهو يتحمحم
_ تنطنط شنو يعني تنطنط ؟
من حركاته عرفته عباله ماجنت اسمع
خفه ابتسامته لدرجة شفايفه ترجف رجف
ويرمش حتى يخفي ضحكت عيونه : تنطنط وين سامعه هل كلمة .
دُر : منك ؟
علي الآكبر: مني اني متاكدة .
دُر : أي متاكدة .
علي الآكبر: غلطانة متوهمة حرارتج عالية اكيد تخيلات .
دخل بعيني انوب استحي اگول جذاب بلعتها وعدلت گعدتي
_ عمو ابو حسن شلون صار ؟
_ الحمدلله قبل دقايق طلع للبيت وأمني عليچ .
_ أعتذر عن الصار خجلانه منكم .
_ قدر وصار والحمدلله عدت سلامات اهم شي انتوا بخير .
_ تأخرت على امتحان لازم ارجع ، الحمدلله على سلامته
وشكراً تعبتك ويايه هواي .
نزلت من السرير بس بالجوارب حنيت نفسي ناويه
البس حذائي وقفني صوته : لا تنزلين تصير عندج دوخة وتوگعين .
اشرت على رجلي اريد افهمه باردة لازم البسها
صدمني وجمدني بمكاني صرت لا انطي ولا اخذ
ما مستوعبة ولأول مرة بحياتي اصير بهيج موقف
نزل ثنه رجله وسحب الحذاء: أرفعي رجلج اني البس الج الحذاء .
احتاريت وبهت لوني وحيلي قرّب الحذاء اكثر
ورفع راسه : البسيها الگاع باردة .
بلعت ريگي دموعي نزلت تذكرت من ضربني انور بالسيارة
من اخذني ابوية جنت منتهية من الوجع وجبرني البس حذائي وحدي
فز من مكانه من شاف دموعي راد يرفع شعري من وجهي وتراجع
حاول يلزمني يكعدني ولزم روحه گوه ما يقترب
_ گعدي شبيچ دايخه اصيح على دكتورة خرب هاي شهد شوكت
تووووووصل اگعدي بس اگعدي لا توگعين على وجهج .
دُر : مابيه شي بس اني البسها لا تلبسني .
گعدت بصعوبة على سرير رفعت نفسي صرت عالية
هو رجع گعد لبسني الحذاء ويسأل: هسة ناخذ العلاج هاي
الدوخة من الفلاونزا لازم تشربين شي دافي لو تأكلين شوربة
وتنامين من تگعدين احسن ان شاء الله .
دُر : ترجعني ؟
علي الآكبر: بالخدمة بس شگد ما تگدرين دفي نفسچ
لان عرفت من شهد الجامعات عدكم امتحانات هل فترة .
هزيت راسي وسندت نفسي لزمت الحايط وصرت امشي
اقترب هو بدون ما يطخني ايده وره ظهري والثانية گدامي
يمشي ببطء حتى اذا ادوخ واوگع يلزمني ، فتح السيارة
صعدت رجعت راسي على كرسي وغفيت .
السيارة تمشي وتمشي وعيت على صوت ابو حسن
يضربني بخفه على خدي : بنيتي دُر تسمعيني بوية
الله لا يوفقه هذا ضربها براسها بس لا صار بالبنية خلل .
ام حسن : الله يكسر ايده شبي عود ناس وأصلين ومثقفين .
جود : هو انور شنو فايدة وجودة ؟
علي الآكبر: يصرف اوكسجين .
عدلت نفسي باوعت داير ما داير المكان
يا هذا بيتهم لا ومدخل السيارة شعندي هنا
شگد عيب عالم غرب شكو كل يوم والثاني
كاعدة بنصهم رفعت شعري من عيوني وابتسمت
بخجل : الحمدلله على سلامتك عمو اسفة على صار وياك بـ .
ابو حسن : هههههههه كعدت بنيتي هلا بهل ضحكة اي
اضحكي ماتحلى لهل وجهه غير الضحك .
ام حسن : انزلي يمه .
دُر : عبالي رجعت للبيت مو ..
اجت شهد من باب المطبخ لزمتني من ايدي
بعدها مبدلة توها راجعة من الجامعة
_ نزلي متت من الجوع منتظرين ترجعون
حتى ناكل لا تعترضين اليوم آنتي بضيافة ام الزوز
طبعاً ام الزوز هاي حبيبت هل شايب امي هاي الحلوة
بعدها صغيرة وابوية راحت عليه .
جود : باليوم مرتين تنسحن روحه ويتخربط .
عز الدين : الخربطه زايدة عنده .
علي الآكبر: هسة اكل وابدله دهن .
جود : شني لزكتي بالسيارة دنزلي مو نزلتي أفادي .
شافوني مترددة دخلهم علي الآكبر كلهم ظل يمي ابو حسن وامهم
_ اعتذر بنيتي اني طلبت من علي يبدل دربه
اعرف شني وضعج هناك ، وادري بيج ماتحبين احد يعرف
عن خصوصيات حياتج والله حرف مايطلع بس عمتچ تعرف .
ام حسن : انه امها وخالتها واذا تريد تحسبني صديقتها
عد عيناها وداعت ولدي بعيوني اشيلچ نزلي يمه ارتاحي
وعمج يوصلچ لا تكسرين خاطر عمج وترحين .
دُر : بس والله عيب صعبة كل يوم هنا هم ولدكم يريدون يرتاحون
ياخذون راحتهم واني غريبة مو حالة استحي والله .
ام حسن : يا جا غير خطار ابوهم شكو بيها حالج حال اختهم
مايفكرون هيج ولدنا اگمعهم وداعتهم بالعكس فرحانين بيچ
انزلي يا عيوني دنزلي .
عدلت ملابسي ولزمتني من ايدي نزلتني
البنات كلهن من المطبخ استقبلني يهلون ويرحبون
بس ولدهم بالاستقبال ما شفتهم بعد ، وكفتني امهم
بصف حمامهم وفتحت الباب : غسلي وعدلي نفسچ
بين ما يجهّز الاكل يمه .
شكرتها ودخلت اباوع على وجهي مخطوف لونه
وصاير اصفر والأثار مبينه وداير ما داير عيوني هالات سود
بللت ايدي ومشيتها على شعري اعدل بي شوية
وغسلت وجهي حاولت اعدل ملابسي وطلعت
فتت للمطبخ صار مقابيلي علي الآكبر كاعد
على ميز الطعام مخلي بالمطبخ وياكل
وآمه كاعدة مقابيله تسولف وياه وهو يعصر رارنج بالكاسة
_ يمه لا تعيدين بالموضوع انسد موضوعها كافي .
من شافني تحمحم واشر بتجاهي ضربته على أكتافه
وصاحت بي : اخذ اكلك وروح يم ابوك اكل يلة بساع .
هو ما ناقشها اخذ الصينية وراح والتلفون مالته مفتوح
على فلم اجنبي : شهد تلفوني ركضي جيبي ورايه .
شهد : ولدج اشتغل عدهم .
علي الآكبر: سمعتج .
شهد : چا ادري غير عندك لاقطه مو اذن بني ادم .
راحت ودت التلفون ورجعت بيدها فلوس
_ طلعت فلوس سفرة باجر وابوية قابل واخواني
قابلين لا تگلبين وجهج دخيلج .
جاوبتها امها وهي تنزل الصينية يمي اني كعدت بدون صوت
كاتلني الخجل : قابلين عليج وباجر من تتأخرين كلها
تعرس فوك راسي ويكولون انتِ طلعتي عينها .
كعدت يمي شهد ونسوان اخوانها يسولفون على جوارينهم
وعلى جو هل ايام برد يحاولون ما يحسسوني بالغربة
ولا يريدون يسألوني عن شي قربت ام حسن ماعوني
ودخل على الاكبر بيده الصينية مكمل وهي اندمجت
_ شلون كبة برغل على لحم تلوگ لهل حلگ العسل .
علي الآكبر: احمممممم شهد جاي .
طلعت اقتربت اكل ريحة الاكل ترد الروح
والصوبة قريبة مني عليها قوري الجاي
صبت شهد ودته ورجعت تآكل بشهيه
وتسولف على جامعته شاركتها الحديث
على دكاترة والدوام والطلاب الى ان كملت
ومر الوقت وياها بدون ما احس غسلت
وصبت جاي شربت وصاح جود على شهد
بيده علاج بدون ما يدخل فهمها ، شربت العلاج
وابو حسن اجه يطمئن عليه طلبت منه
ارجع للبيت صاح على جود شكرتهم
وصعدت بالسيارة ليوره وهو يسوق
بدون ما يحجي قبل لا نوصل دك تلفونه
صاح : ها علي ، لا بعدنا دقايق ونوصل ، اي دواها عدها
ما ادري هسة أسألها ، خوية الملازم مالتج بالسيارة يمج تدرين ؟
دُر : اي هاي يمي .
_ يمها علي تندل ، ماشي من اوصل ابلغك اي اروح وياك انتظرني .
سد الخط نزلت وشكرته وهو كلش حباب راسه ما يرفعه
دخلت للبيت كالعادة ميت ، صعدت للغرفة كنتوري مفتوح
استغربت شفت فلوسي والذهب موجودات، صحت على صفية
ماكو سديت الباب ودخلت ما اريد اصيح ويطلع انور مآبيه حيل
هسة يصير رجال براسي .
بقيت بغرفتي وباليوم الثاني ما داومت لو اموت
بغرفتي يمكن محد يدري بيه ، الساعة بـ 3 الفجر
متت من الجوع نزلت البيت بارد ثلج لفيت نفسي
واني اگح وكفت گدام المرايا شفت وجهي
تعديتها وكملت طريقي سويت حليب واسمع
ضربات متفاوته على باب الخارجي ، كعدت اشرب
بالحليب واكل بسكت شربت علاجي اريد اصعد
ورجع الصوت ، باوعت من الشباك ماكو احد
انضرب الباب آقوى من قبل اريد اصعد ورجع انضرب .
يمكن بزون مشيت متوترة فتحته الدم تارس الگاع
ذبيت روحي بالگاع اضرب بوجهه واصرخ : انوووووور لااااا انوررر لاا .
ركضت واني امشي واتعثر بين اباوع على انور ملابسة
كلها دم مشگگات ، وراسه يجري دم وجهه ازرك من الضرب
_ رياااااااان وينك بابا ماما تعالوا وينكم انور ولكممم انور .
فتحت غرفة اهلي فارغة دخلت على انور بيده صور وعيونه حمره
باوعت على ايده هو دار وجهه : انور ريان تعال فدوة .
لزمت ايده وركضت هو سحبها مني يمشي ما فاهم شي
من شاف حالته ركض رفعه يضرب بوجهه : انور تسمعني
منو سوه بيك هيج لك انور ، سامي وينكككككككك .
اجه الحارس من غرفته بالكراج صايرة
_ انت وينكككككك شنوووو شغلك هناااااااا ؟
_ ما ادري والله استاذ ريان قبل ساعة دخلت اكل وارجع للحراسة .
ريان : دُر المحفظه ومفاتيح السيارة على مكتب ركضي .
شالوا انور هو والحارس وركضت فوك دخلت غرفته
شفت صورته هو بنية اية من الجمال بس محجبة
ولابسة عباية متحفظة ومبين حالتهم ضعيفة
فزيت على صوته يصيح من جوه اخذت اغراضه
ونزلت اركض البس بالحذاء: اجي وياكم .
دفعني للبيت وراح بقيت اكل بروحي قلقت
اخابر على اهلي ماكو صعدت فوك نزلت خابرت
نرجس اسولف وابجي وهي تصبّرني متعجبة
كل مرة اخابرها عدنا مصيبة جديدة .
ساعتين ورجع ابوية من شاف حالي تنازل وسألني شصاير
صرت احجي اله واشهگ خابر على ريان ما يجاوبه
يريد يطلع دخل يَسار ساند انور وريان يقفل بالسيارة
ذب الجكاره ويباوع على ابوية ذبها جوة رجله وداسها
_ منو مسوي بيك هيج يالسگط كل يومين تنكتل شمسوي
عندك مشكلة ثار .
كعده يَسار على تخم وهو مايكدر يرفع راسه
جاوب على ابوية وهو ينود من الوجع: ماعندي شي جنت امشي
بالسيارة والشوارع فارغة ب2 بليل حسيت سيارة تراقبني
ما احس غير كسرت عليه ونزل واحد اجتافه عريضة
ملثم وجهه حتى عيونه ماكو واحد ثاني نزل يراقب
نفس الحال ملثمين .
سكت شربه يَسار مي وكلنا متفرقين كل واحد واكف
بمكان نستمع حتى ريان مكتف ايده ويستمع
_ قفلت الباب كسر الجام ولزمني من شعري
يضرب براسي بالستيرن اصرخ اريد احد يطلع محد بحالي
اخر شي رفع راسي ثبتني من حنجي وغمني بنص گصتي
بكل قوته فقدت الوعي .
تذكرت موقف المستشفى من علي الآكبر غم جود واخوانه
حافظين حركته لان من اقترب جود لزم راسه واخو الثاني ساعدة .
يوسف : منو معقوله ابد ما عرفت منو ؟
انور : قبل لا يروح يگلي يا تربات الغراب انا تربات لبوة احودك حود .
ريان : حادك حود يا اغبر طم روحك .
يوسف : تتشمت بأخوك .
ريان : هو هذا ايدك اليمين ههههههههههه يشبهك
صدك ليخلف مايموت گرت عينك .
عافهم وصعد وابوية وگع رزايل على انور ويسار
ابو اتصل بي وراح وامي نزلت وياها صفية
انوب من تطلع تاخذ صفية تخدم عليها برا
_ يا ماما انتبه لا يروح يصير بيك
شي انتوا من عائلة معروفة اكيد الناس الحقودة هواي
ويغارون منكم ركز يا حبيبي ، صفية جهزي حمام يسبح
شصاير بحالك باجر اشتكي عليهم يطلعون بالكاميرات مو يوسف ؟
يوسف : ما ادري غيّر ملثمين هو يبتلي ويطلع حقه .
عافهم وصعد وامي سوت روحها خايفة لان ابوية عصبي صعدت
وياه ، وهذا باقي هنا لا يكدر يتحرك ولا يصعد كلش كارهته
بس كلبي ينمرد عليهم مرد من أشوفهم يتألمون تقربت منه
عدلت مخاديد التخم وبتردد وخوف حجيت : رجع نفسك ونام هنا .
هو بدون كلام نفذ رحت للمطبخ طلعت طاسة وخليت مي دافي
ومنشفة ورجعت امسح الدم من وجهه واني دمي يفور
بس خلصت عفته وركضت فوك اريد اتصل على ابو حسن
بس باوعت الساعة 5 ونص خفت يصير بي شي تحملت
واخذت لحاف ونزلت غطيت انور وبقيت بالگاع اباوع بوجهه
مقهورة لان مو حنين ومقهورة لان متأكده بيوم من الأيام
رب العالمين يحاسبه على إذيته آليه، طلعت من البيت مخنوكه
ابچي رفعت راسي وهمست بضياع : ربي اني مسامحته لا تعاقب
اخوية هو حقير بس اني احبه ماعندي غيرهم ربي اصلح حاله
وازرع بكلبه الحب والحنان واهدي على طريق الصحيح
رجعه لطريقك ربي .
صرت اشهك من كل كلبي خايفه عليه رجعت للبيت غفيت ساعتين
واني ابدل اريد اطلع للجامعة شغلت السيارة وقبل بوقت رحت
انور بعده نايم ، طلعت مستعجلة حضرت المحاضرات على اعصابي
ما ادري شلون خلصتهن حتى نرجس قليل حجيت وياها
طلعت ودمي يغلي وكفت مقابيل المطعم لمحته من بعيد
يشتغل هو وجود ويضحكون تقربت دگيت الميز وصحت
_ انتَ السبب مووو ؟
ترك السجين من ايده على ميز وتقدم اتجاهي
_ شصاير شبيج ؟
_ انور انتَ ضربته ؟
_ اي .
_ وبدون خوف تعترف .
رفعت تلفوني بيدي اباوع بعيونه بتحدي
وهو يقترب اكثر واكثر وكملت بدون ما افكر بكلامي
_ هذا التلفون بيدي سجلت اعترافك واكدر اشتكي عليك .
اشر على شارع وضرب الميز بـ انفعال
_ خاف التسجيل مو واضح اي انا ضربت انور يوسف
وأرجع اضربه اذا ما يتربى ويصير رجال ، صار الدليل
واضح بيدج ست دُر توكلي لو تريدين اوصلج للمركز .
ذب الصدرية من جسمه والكفوف من ايده
لزمه جود ويحجي حتى ينبهه على نفسه
: لحظة علي انتظر كول يا الله .
طلع بسرعة فتح سيارتهم واشتد غضبه
_ اصعدي يلة اصعدي ترا اني على حق والحق
مايخاف بس من ربه لا انتِ ولا كل اهلج اقبل
بيوم اتهدد منكم افتهمتي لووووو لا .
عبرته ورحت لسيارتي اريد اصعد وكفني
وهو صعد بدالي اضطريت اصعد بالجهه الثانية
صار يمشي سريع : انتَ اذيت اخووووية ليش تضربة بهل طريقة .
علي الآكبر: لان اخوج الشريف وصل ابوية للموت .
_ بس ما ضربه والله العظيم ما ضرب ابوووك .
_ بس ضربج ، وتجاوز حدوده .
_ أني اخته .
_ وأخته يضربهااا قابلتها على نفسج .
_ لاااااااا تدخل منو سمحلك تدخل .
_ قابلة يعني حلووو .
_ انتَ تريدني افرح من اعرف ضربت اخوووية
وصلته لهل حال انتَ شلون تفكر بيه هيج شلووووون .
حجيت اخر كلمة وضميت وجهي بيدي ما اريد يشوف ضعف
شخصيتيّ ودموعي ما اريد ابجي على اتفه الأمور اني قوية
ربيت نفسي مثّل اليتيمة بوجود ابوية مايصير دموعي هيج
تنزل كدامهم ميصير .
جريت نفس وشهگت اريد اسيطر على نفسي ما اريد
ابجي هو من شافني أنصدم نزل من السيارة يمسح
بوجهه دار من جهة مكاني فتح الباب ونزل على رصيف
_ لالالا تبجين اسفة اني غلطان اعتذر منج ما تتكرر
صيحت عليج رفعت صوتي صرت مثلهم
ضغطت عليج بالكلام انا غلطان بوية لا تبجين تشلعين عيوني
شنو تريدين اروح اعتذر منه ؟
هزيت راسي بـ لا ومسحت عيوني باوعت بوجهه
وحجيت واني امثل القوة : ما اريد منك شي بس لا تضرب
وانتَ لا تجاوز حدودك وبس هذا المطلوب منك .
دگ صدره وكف بثبات صدره يعلو ويهبط من العصبية
وهو يحاول ما يضهر هل جانب مقابيلي : تم اعتبري الطلب تم
ما اشوف اخوج واصلاً ابوية بعد ما يتگرب
منكم ومن بيتكم يعني لا اشوفه ولا يشوفني بعد تريدين شي ؟
دُر : احلف ؟
كبد الغضب وقبض ايده بقوة اغتاظ وراح بعيد ورجع
بـ اتجاهي يباع متردد بين يحجي وبين يسكت
_ اسمعي اذا اسمع يبيع بطولات براس ناس أضعف منه قوة
انهي نهي وحك ابو راس الحار اعلمه شلون يصير زلمة .
صدت نظراتي بنضراته بحدة هاج دمي فورت
نزلت من مكاني وطبگت الباب بكل قوتي
ورحت المكان السايق صعدت ، دار بتجاهي
_ لا تسوقين السيارة وانتِ عصبية انتظري .
_ استحي شوية ولا تدخل .
فتح طريق حركت بسرعة وتعمدت أسوق بكل سرعتي
الى ان صار بعيد خففت السواقه وصرت اسوق بالحد المعقول
وصلت على بيت يسار كاعد ياكل هو وانور عبرتهم
وصعدت بعدني بنص الدرج وصاح بـ اسمي انور
وهو ياكل مخلي ايده على شفايفه يبلع بالأكل
نزلت اشر اقترب اكثر اول ما صرت مقابيله
بثانيه قبض على شعري وجرني بالگاع
داس على اصابيعي بالحذاء وصاح بـ غيظ : دُر للمرة الثانية
انضرب بنفس المكان اللي اضربج بي برايج شنو السبب ؟
لزمت ايده وبقيت اتوسل بس يعوف شعري
وهذا يسار ما تحرك كاعد ساكن يشاهد
_ مااااا ادري الله يخليك تگطع شعري اني مريضة .
ضربني براشدي فر وجهي فر لزم ركبتي من قوة لزمته
اني بالنص دفعني لأخر التخم يمرد بركبتي ويصيح
_ عبالج تعبررررررر علية موووووووو
تاجرين مجرمين يضررررربوني لج دُرررررر .
دفرته على رجله وركضت شلت تحفة مخليها
وعطت بوجع وألم واني اتذكر عركتي قبل
شوية جرحت شخص يدافع عني وعنده غيره اكثر من اخوية
_ اقترب وشوف شلون اضربك والله طفح صبري
لك من البارحة ابجي ونايمة يم راسك خايفة عليك
وادعي ربي يسامحك ويشافيك أمك هي امك ما عبرررررتك .
دفعني على درج باوعت على يسار اريد اموته والله
_ دفعته وهو عربانه سريعة الدفع صاروخ مو عربانه
تففففففففففووووو على شواربكم يا انذال .
حجيتها وصعدت اركض قفلت الغرفة فلش الباب تفلش
ما عبرته حجيتها ما اريد تنام بكلبي بقيت بمكاني فترة
طويلة افكر بالصار بالتفصيل غلطت بحقه ادري غلطت
شسوي بحالي وشلون اعتذر لاااا زحمة هو تجاوز حدوده
لازم يعرف يتصرف ميصير هيج يتهور بتصرفاته
بس والله انور يستاهل هل حقييييييير.
خابرت نرجس جنت اريد انفجر بس اريد احجي
بس اني وعدت نفسي سري مايطلع بالخصوص
الأصدقاء ماعندي علم يدومون احتمال يصير موقف
ومايطلعون أمينين ويحجون الدنيا كلشي بيها
هوووو شكد سامعه اصدقاء روح بروح صاروا
اعداء واحد يهدد الثاني بفضيحة اكبر من الثانية
لو يعايرون بعض بنقاط ضعفهم فـ التحفظ واجب .
بقيت احاول انسى هي تسولف عن اهلها وبدون قصدها
تجرح بيه ولليوم احاول ابين الها احنا عائلة حنونة مثلهم
سديت المكالمة وقريت تاخر الوقت بقيت بمكاني الى ان نمت
مرت ايامي محتارة بالامتحانات وفترات غيابي اثرت على مستوايا
ذبيت جهدي على دراسة بحيث اطلع ادرس امتحن اشتري اكل
النفسي واحبس روحي بالغرفة لا اطلع ولا اطب بس ادرس
هلكت هلاك شكد تمر ساعات اضعف احتاج اهلي واحتاج نصيحة
امي بس بعدين اصبر روحي هو هذا الواقع انفرض عليه لازم اتأقلم .
اخر امتحان رجعت للبيت خفيفه اريد أطير فرحانه
بنفس الوقت تعبانة اريد انام اريد اكل اكلات طيبة
اباوع افلام حلوة اقرا كتاب يونسني واستفاد منه
واهم شي انفذ الأفكار براسي صار فترة اكل بروحي بسببهن .
بدلت ورتبت نفسي بشكل طبيعي يليق بالمكان الي اروحله
شعري رفعته ولبست حذاء رياضي واخذت تلفوني وفلوس
ونزلت ، صفية امي ماخذتها وطالعة والباقي كلهم مختفين
من الحياة كل واحد عايش بكوكب ، ركبت سيارتي ميتة من الجوع
لا عندي ام تعلمني ولا شخص يحتويني ولا اكو واهس اتعلم
اشو اني كل ما انزل انكتل واصعد طلعت روحي وتعودت على اكل المطاعم .
فتت بشارعهم ، ركنتها على رصيف ، نزّلت مترددة خجلانة
بس والله الموضوع قاهرني ولازم ينتهي
كاعد يجهز باقي الأكلات حتى يبلش يفتح المطعم ويستلم طلبات
واني وكفت بدون تردد ضربت اربع ضربات على باب الكزاز
رفع راسه وظل متعجب بوجودي بعد حين استوعب ابتسمت
رفع حاجبة ، دخلت هو وكف ويصفك بيده نزع الكفوف وغسلها
_ السلام عليكم .
جاوبني بدون ما يلتفت وكان مجبور مايريد يفشلني
علي الآكبر: وعليكم السلام اهلآ وسهلا .
بس كمل ضرب على كتف جود وبصوت واضح
يحجي حتى يسمعني : شوف طلبات اختك فايت اشرب استكان جاي .
رفعت ايدي اريد احجي فشلت والدموع تجمعت بعيوني
جود شافني ونزل راسه ضاغط على أسنانه
_ بشنو تآمرين؟
دُر : عمو ابو حسن شلونه ؟
جود : الحمدلله بخير سافر هو والوالده
زيارة للرضا (عليه السلام) هل ايام يرجعون
محتاجة شي خوية .
دُر : زيارتهم مقبولة ان شاء الله، احممم اريد تنوع بالاكلات من
كل نوع عدكم لفه لو سمحت ممكن .
احجي والغصه ببلعومي نزلت راسي بس راح
عصرت ايدي عصر اني ليش هنااااا على اي اساس اجي
وانزل نفسي ما غلطت هو غلطان واستحقرني وراااااح .
عفت كلشي وحتى جود بهت من عبرت
وصعدت السيارة وسقتها بسرعة بس اريد اطلع من المنطقة
الجو مغيم مثل حياتي صاير اظلم ، رجعت للوحدة وللبيت
يجي ببالي أحركه واخلصصصصص من طاقته القذره
بس الخوف يمنعني ، صعدت بالغرفة صعبانة عليه نفسي
خربطت كل أغراضي مثل ما حياتي مخربطة واكثر ..
تعبت نمت على ارض فوك الملابس وبس دموعي تنزل بلا صوت
الساعة 8:30 رن تلفوني بشعار رسالة فتحتها
رقم غريب وصورة تحمل بعدها
انفتحت الدنيا تمطر وباب السوبر ماركت
وايد علي الآكبر اي والله ايده طالعة يأشر على نفس المكان
الي قبل فترة افتريت بي وفرحت بيومها من كُل كلبي
وكاتب تحت الرسالة بين اقواس
( لطالما انتظرت بأماكن مرت بها دُرر فـ تركت اثراً لا ينسى)
ما استوعبت لثواني معدودة اخذت المفاتيح وركضت
نزلت بكل سرعتي وشغلت السيارة ما اشوف زين بسبب
المطر ، السوبر ماركت قريب اول ما وكفت سيارتي نزل
من سيارته يضحك وما ادري شنو شايل دك على جام
كذا مرة كتفت ايدي رجع دك ويأشر بيده بمعنى تريدين اروح ؟
فتحت قفل السيارة ودرت ونزلت ايدي العب بـ أصابعي
_ حقج تزعلين علية غلطت بحقج هواي شسوي واكفر عن ذنبي وياج
اريد تسامحيني كسرت بخاطرج مو قصدي وحگ الله مو قصدي .
_ اجيت اعتذر منك بوقتها و ..
علي الآكبر: اني ما زعلان منج ولا راح ازعل بيوم
بعد لا تعتذرين حتى اذا تغلطين فهميني وجهة نظرج
بدون اعتذارات وإني اتفهم .
_ يعني انتَ ما زعلان مني ؟
_ كلبي من ناحيتج صافي .
فتح الكيس بيده رتبه على فاصل بين السايق وكرسي
بصف السايق وابتسم : تعشيتي ؟
_ لا بعدني كلشي ما اكلت من الصبح .
فتح لفه مرتبها بالكيس ومغلفها بعناية
قدمها اخذتها طلع ببسي فتحها وهو
يفتح بالباقي يحجي بحنيه : واني مثلج نتعشى سوية اكلي
زين صايرة ضعيفة وجهج تعبان ، تحبين الكباب المشوي سويت
هسة علمودج بعده حار .
ريحته تموووت بس الخجل دمرني وطريقته بالكلام
حركاته اهتمامه تركيزه بـ ادق التفاصيل تربكني
اكلت وشربت ببسي اريد ارجع اكل اخذ الببسي
مني حتى اكل براحه ومن احتاج اشرب ينطيني
اشرب ويرجع ياخذها ، اكلتها كلها وهو هم كمل
اثنين وفتح وحدة ثانية : اكلي من هاي شوفيها شكد طيبة
جانت لفة بيها لحم وما اعرف شنو مخلي بعد بس طعمها
هيج طيب اول مرة بحياتي اكلها بس سحرتني .
_ تدري اني كلشي ما اعرف بالطبخ حتى بيض ما اعرف اسوي
هذا الجاي بعمري ما سويته.
جاوبني وهو ينطيني كلينكس ويفتح بطل المي
حتى اشرب : تتعلمين سهل .
شربت شوية واخذه سد البطل ولف الباقي
عرفني بعد ما اكدر اكل وشبعت ، رجع فتح
عصير وطلع علبة صغيرة بيها كيكة بالككو
اخذتها من ايده اكلت منها وشربت عصير
وما كدرت اكمل : كافي اكلت هواي والله .
علي الآكبر: عصفورة والله لو شهد اله تسوي انقلاب عليهن .
دُر : شمعنى شهد ؟
على الآكبر: بعمري ماركزت بجنس حواء
غير امي وشهد وانتِ الثالثة ومو قصدي اركز بيج .
دُر : شكراً على كلشي .
علي الآكبر: منو سبب ضربة ابوية من تصاوب هو وابوج ؟
دُر : ابو يَسار عصب على ابوية ويريد يلوي اذنه يعني
تخويف ، يمكن لان ما جبرني على يسار لو لان خرب خطته بقتل ريان .
هز راسه وكأنه يحمل معلومات ويرسم خطط
_ ابوية شلون عرف اسمك اول ما شافك بالمستشفى؟
رجع شعره ليوره يعدل بي وهو يحاوب ببرود
_ اجت فترة اشتغلت عنده حماية بالشغل مالته .
دُر : وليش بطلت .
علي الآكبر: تفكيري وطريقة شغله ما توالمني
تفكيري غير تفكيرة وتصرفاتي تختلف عنهم ما أتأقلم وياهم .
بقيت احجي وياه الى ان دك تلفونه جاوب على صديقه
واني فتحت تلفوني باوعت على ساعة سد الخط
وصار يحجي ويايه ما اريد تبقين برا البيت الوقت متأخر .
بكلبي جنت احجي اني هم ما اريد رغم غابت الرقابة
وماكو اهل يستفقدوني واني بمحطة اكدر اطب واطلع براحتي
بس اني من هل نواحي متحفظة على نفسي لا احب اطلع
واذا طلعت ما اطول حدي مطعم لو سوبر ماركت لو اشتري ملابس .
كل هل كلام اريد احجي بس لا اراديا صرت احجي بيني وبين نفسي
ما اعرف اجاوب واعبر عن الي بداخلي عبالك جامدة
ظل لدقايق متردد بالملام بس بعدين كسر الحاجر وهمس
_ سجلتي رقمي ؟
_ لا .
_ ليش .
_ ما ادري شنو اكتب اني بتلفوني
موجود كم رقم .
فتحته رقم امي وابوية وانور وريان وجوري
ويسار ونرجس وصفية وابو .
_ سجلي براحتج بالاسم الي يعجبج بس
عندي طلب منج عادي اطلب ؟
هزيت راسي بـ اي عدل نفسه
وصار يباوعلي بتركيز مبالغ بي
_ من تحتاجين شي تتذكريني اني موجود دائماً .
بقيت ساكته لثواني هو كمل
_ اذا تحتاجين تحجي اني موجود
شوفي تگدرين تعتبرين محادثتي دفتر مذكراتج
بنهاية يومج كتبي كلشي يفرحج وكلشي صار وياج سبب حزنج
واني وعد مني ما اناقشج بالمواضيع المكتوبة .
_ يعني شلون اني ما اعرف بهل اشياء اصلا فاشلة بالتعبير .
علي الآكبر: هاي محادثة بيني وبينج مو صح ؟
هزيت راسي بـ اي ، كمل كلامه بهدوء
اريد تعتبريها بيت اسرارج فرغي طاقتج بيها
اني ابد ما اراسلج هناا ابد انتِ بس انتِ مسموح تراسلين بيها
اذا احتاج شي اخابرج الباقي مساحته يمج .
_ ما ادري بس اني ثقتي بالبشر معدومة احاول ..
_ واني انتظر ، صار لازم ترجعين واني ارجع
ديري بالج على نفسج انبهي على صحتج
وشوكت ما تحتاجيني تذكري اني يمج بـ اتصال واحد .
نزل بعد ما سلم ركض للسيارة ورجع بيده
كيس ثاني : حلوياتج نفسهن حتى ما تنزلين وتتمرضين .
حسيت بخوف منه كلشي عبالك تمثيل وفخ
ما ارتاحيت بسرعة شكلي نقلب رفعت الجام
وشغلت السيارة سريع وهو يتبع سيارتي
الى ان وصلت للبيت اخذت الأغراض ونزلت
فرحانة اريد اكمز واصرخ بس اكو كسرة بداخلي مخوفتني
صرت احس كلشي حلو يصير ويايه فخ والناس اذا ما تتصرف
مثل اهلي معناها مبالغ بيهم وراهم شي واحتمال اهتمامهم مصلحة .
اول ما دخلت ابوية كاعد هو وانور ويَسار وابو يَسار
شلون تصالحوا بهل سهولة ما ادري وهو راد يموته
وكفوني عبالك يسألوني وين جنت بس صار العكس
وهمهم الوحيد : ست شوكت ناوية تحددين موعد زواجكم انتِ ويَسار .
دُر : احدد موعد وفاة ابنك ؟
ابو يسار: ترا للعلم مخليج براسي واني الله يكرها
الي يدخل راسي معناها موضوعه منتهي .
يوسف : لا تعب نفسك هي اول تالي يَسار نصيبها .
ابو يسار : بنتك ما نارية على خير يا يوسف
الضاهر حالها حال اخوها ذاك .
يوسف : لا تخاف بنتِ ما تتزوج غير واحد مرتاح
ازوجها الرياش وبس على نهجنا تسير .
عفّتهم يحجون وحدهم يدردمون وصعدت
وكلمة ابوية ابالي : ازوجها الرياش تسير على نهجنا ضحكت
واني الزم التلفون طلعت رقمة وكتبت
( الـرياش نهج مُغاير)
ذبيت تلفوني والضحكه على وجهي بمجرد ما افكر
بي وبـ اهتمامه افرح بس أنصاب برهبة، دخلت للحمام
سبحت غرفتي على حالها هوسة ، لبست ملابس خفيفة
وطلعت بقيت باب الحمام لا بيه ارجع ولا اكدر اطلع
_ شعندك هنا يَسار ؟
يَسار : فترة الامتحانات كلها واني تاركج جبرت نفسي ابتعد
حتى تدرسين بدون ضغوطات وهسة من حقي اجي واشوفج
ميت عليج .
دُر : شنو المطلوب؟
يَسار : مثل ما اتنازلت عن راحتي بقربج اريد تعوضيني اليوم .
تجاهلته وقويت نفسي تقربت وكفت على ميز
اسرح بشعري امثل اني بقمة قوتي وادري اذا
اصرخ هسة ما احصل غير الضرب وملامه
دُر : وبرأيك تفكيرك يتنفذ ، واثق من نفسك حضرتك ؟
يَسار : هو لازم يتنفذ لان اني بقمة اشتياقي وصبر بعد ماكوو
صبرت هوووواي عليچ دُر احترمي نفسج وكافي تذليني .
دُر : كم يوم واحدد موعد خطوبة وتدلل نعقد ويصير خير .
يَسار : رشي عطر رشي عطرج .
بقيت اباوع بضيع اتمنى اهلي يخلصوني منه
ماناوي على خير والله هل يَسار ما ناوي على خير
نظراته جانت تاكلني اكل كاعد وعيونه دم ودمار طالع براسه مبين
_ رشي عطررررررررررر وتعالي كعدي على رجلي هنا مكانج .
نزلت دموعي ورجف قلبي بمجرد ما شفت طلع
كيس باودر ابيض حط على ايده واستنشق
بكل حيله بحيث من رفع راسه عيونه تحولت لون احمر
دم وشرايينه كلها تصلبت وصار ينظر بطريقة مخيفة
يَسار : تعالي محتاجج ، دُرررررر تعالي برضاتج لا تجبريني
استخدددددددم القوة وياج .
وكف دايخ قفل الباب صار يتقدم انحصرت بزاوية
لا اكدر اصرخ لان يزيد وتوصل للقتل هو واصل
مرحلة المخدرات ، ولا اكدر ادافع عن نفسي لان
قوته تضاعف قوتي بمليار المرات .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد