_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
"التعَب لملَم بروحي أنسان ماعرفه "
لطفا لا تنسون التصويت والتفاعل بين الفقرات
⊰ دُر ⊱
حُــرة : عندي خطة كدها تنفذيها وتخلين علي الآكبر يعيد حساباته .
_ شنو هيَّ ؟
_ خطة نفرهم بيهااا فرررر وروح مصطفى .
_ اسمع ..
حُــرة : الخطة نضرب راس براس شلوووون اني اشرح شلون
بدت حُــرة تحجي بالتفصيل شنو واجبي والمفروض هيَّ
شنو تتصرف دقايق وساعة خلصت اني من يمي تعبت وهيَّ
ما تعبت من الحجي لزمت راسي وصحت
_ كافي دخيلچ يممممممههههه هاج لچ عيني هاي اشربي ماي .
اخذت ماي من الثلاجة شربت وشمرت الباقي عليَّ
_ امداج انتِ واخوانچ لو افهم شسويت بحياتي طلعتوا بيها عقاب
من رب العالمين هذا اروحححح اني اروح واليوم بليل تنفذين .
سحبت تلفوني شفت الساعة بعد وكت
دُر : بس استحي .
_ اجي هسة لا حتى ما اكدر اجي اني ليش ادوخ
روحي تعبانة ومريضة وحال الضيم حالي حجيت وعلمت
تمشين بيها تفوزين ماتقبلين انتِ الخسرانة والخسارة مو سهلة هاااا .
صاحت على رفل وقبل لا تطلع كملت
حُــرة : واني من اليوم ابلش بالخطة اريد انفذ بأسرع وقت
مو مثل هل ناس بعقلهم عقل مطي .
فاتت رفل اخذتها وراحت افتريت منا رحت هناك منين ما اجيبها
صعبة استحي اني استحي اشتري جرئه يمكن اذا اتصرف هيچ
علي الآكبر من الصدمة ينجلط ويروح بيها من عرفني لليوم
مصار ولا مفكر بيوم اتصرف هيج تصرفات ، لاااااا هاي حُــرة
تورطني منين تفكر بهل افكار مو عقل جنية مو بنية .
ساعة وساعتين مرت جبرت نفسي ابحث بالبيجات على مطلوب
طلبت كُلشي احتاجه وضروري ويفيدني بهل ليلة الصلفة
وكل دقيقة اتراجع وارجع اقوي روحي من اتذكر الصار اليوم
للمغرب وصلوا الطلبات على شحن السريع استلمت الطلبيات
آني وصفية صعدنا للغرفة خليت لأغراض على ميز وحجيت مستعجلة
_ صفصف على سريع نرتب وانظف الغرفة فدوة .
_ نظيفة ماما .
_ بعد صفية بعد اني اشوف لازم تتنظف .
نزلت جابت اعراض التنظيف واني وياها انظف كملنا على سريع
وطلعت من الكارتون فرشة جديدة من افهم الفرشات الي شفتها بحياتي
ضخمة بلون ابيض ساطع فرشتها وصفية تساعدني وتسألني
_ عروس ماما شكو ماما في شي ؟
_ اتخبلت ماما يا صفصف خبلني علي الآكبر .
_ بابا علي الآكبر شبو .
_ راح يخليني اتنزل عن تصرفاتي واطباعي متخيلة اتنازل الخاطرة .
رفعت أكتافها بمعنى ما ادري وكملت الفرشة ويايَّ
طلعت من بين الأكياس واحد منهن بي ورد لون احمر معطر مقطع
وزعته على كُل الفرشة وخليت المخاديد عطرتها بعطري الخاص
وزعت شموع بكل مكان بالغرفة ونشرة اضاءة افتريت على الغرفة
كلها شغلتها بـ إضاءة هادئة مريحة للعين دفيت الغرفة لان الجو
صار ثلج البرودة تضرب بالعظم ، رن تلفوني وصلت الكيكة
نزلت صفية تستلمها ودخلت للحمام اخذت حمام توب التوب
وطلعت بكامل اناقتي فتحت بوكس ورفعت التغليف منه منا ومنا
وطلعت الفستان بكُل اهتمام لبسته وشفت نفسي بفستان
قصير لامع ميزته على باقي الغرفة كلها عبارة عن بياض
بس الورد وفستاني وحمرتي بلون الماروني البارز يجذب النظر
كملت مكياجي وتعطرت على اخر ، قفلت غرفتي واخذت تلفوني اتصلت
على رقمة وايدي ترجف اشوف فستاني جريئ ابد علي الآكبر ابد
ما يوم شافني بهل ملابس او بهذا الشكل او سويت مفاجأة فزيت على صوته
_ دُر .
_ انت وين ؟
_ بيج شي .
_ اي .
_ شبيچ ؟
_ لازم نحجي بموضوع مهم .
_ دُر بوية تعبان باجر .
_ تعال .
_ عندي شغل .
_ اهم مني ؟
_ اجيت .
سديت الخط واني مو بس متوترة مرات النفس ينگطع ويرجع
خفقان ما عافني هسة على شنو خايفة وخجلانة ترا زوجي
يا زوجي غير اليوم ينجلط اول تالي اني اسويهااا
نص ساعة بالتمام باوعت من الشباك مثل قبل بالضبط
ونفس المكان الي جنت اوكف اشوفه يجي بي ملثم
اليوم اجه ذب الجگارة داسها بحذائه وطگطگ ظهره
عبالك عنده عركة ويستعد الها استاذ علي الآكبر
دخل للبيت لابس اسود بأسود ولثام بيده وين چان
استغربت وعقلي صار يودي ويجيب ملثم وين رايح بهل وقت ؟
هسة يطلع عنده غيري ويروح الها ملثم العب .
أنتظرت ومرت ربع ساعة ثانية وماكو وصارت نص ساعة وماكو
دزيت رسالة كتبت بيها
" انتظرك "
قراها ما جاوبني
" جاوبني "
رجع قراها ماكو ذبيت التلفون اشوف من الشباك ماكو احد
اخذت كم صورة على مرايا عجبني اخذ ابتسمت من سمعت
صوته يحجي هوه وريان على درج يصعدون كتبت بسرعة
" تعال وحدك "
قراها واندك الباب همست بصوت يرجف محرجة بشكل مايوصف
- ادخل .
فتح الباب على خفيف شوية شوية بحيث يمر مقابيله الغرفة
والشموع والورد وميز الطعام وتحضيراته وترتيبه وصل عندي شافني
جمد لا حركة ولا حتى يرمش بعيونه فاتحها على وسعها ما يحركها
مردت اصابيعي مرد من الخجل رفعت ايدي رجعت خصلات شعري
وابتسمت بلع ريگ وتقدم قليل مال راسه يشوف شنو وراه الباب
عباله فخ كميل هوه صح فخ بس مو مثل تفكيرة .
ابتسمت ورفعت واحد من اكتافي بدلع وهمست بصوت ناعم
_ عمري فوت .
قوس حاجبة بستغراب ورفع تك شفايفه بغرابة
يباع على غرفة ويرجع عيونه تشوفني مشيت عنده
لزمت ايده وحجيت واني ابتسم على منظرة
_ اني اجي بذات نفسي اخذ ايدك حتى تدخل .
_ وين ادخل ؟
_ بالغرفة .
_ شنو اني ميت لو عايش ؟
عضيت شفايفي وحضنته ما اريد يشوفني اضحك
ابتعدت اتلمس خده صفن على ايدي شلون تمشي على وجهه
علي الآكبر: اني بالجنة لو شنو ؟
كعبي عالي وصلني بمستوى وجهه طبعت بوسة وابتسمت
دُر : لا بغرفة دُرر روحك .
علي الآكبر: حتى بالحلم ماتحملت بيچ تسويها .
شاف ماكو احد لزمني مو خصري ودخلني سد الباب
وتلمس راسي يفحصني ويتأكد
_ بيج شي مريضة اسم الله عليچ بوية مضروبة براسچ ؟
سحبني من ايدي گعدني على سرير يمسح بوجهي واني أبعد
بروحي خايفة على مكياجي يخرب بيده لزم ايدي وطلع تلفونه
علي الآكبر: اخابر الدكتور اتأكد بوية اخاف هاي تأثير الحبوب
الي اخذتيهن ذاك اليوم هوَّ گال الدكتور بيهن اعراض جانبية .
اخذت التلفون من ايده واني گاعده وهوَّ فوك راسي لازمني
خايف يرفع راسه على غرفة يشوفها ينبهر بجمالها ويرجع
يصفن بيَّ ويرجع يتخبل ما يستوعب
دُر : مابيَّ شي والله مابيَّ .
_ وهذا شنوو كل هذا .
_ زوجي واريدك عادي .
_ تريديني ؟
_ اي يعني طبيعي اريد اسوي ليلة خاصة بينَّ .
لزم راسه يهز بي اشر على ملابسي رجلي كلها طالعة وآني گاعدة
بقيت اسحب بالفستان اكلني اكل بعيونه ونظراته
_ هذا شنو الي لابسته ؟
_ شبي محلو ؟
_ طير عقلي بوية انا ما اتحمل كل هذا على اقل مهدي للطريق .
_ شلون يعني .
_ دُر شسويتي دخت دخت .
لزمت ايده وملت راسي ركزت بملامحه وثبتت عيوني بعيونه
_ ما تريدني ؟
_ افاااااا انا ما اريدچ بس اليوم اليوم الصبح احنا بحرب .
برطمت شفايفي بزعل وبعدت وجهي منه
_ لا تذكرني احارب روحي حتى انسى لا تذكرني .
كعد وسحبني على رجله اخذت لثامه لبسته بيدي غطيت وجهه
_ وين جنت ؟
_ بشغل .
_ اعشقك هيج .
_ ملثم .
_ اي اي ملثم احبك ملثم .
تلمس وجهي يرسم بملامحي
_ شنو براسچ دُر ؟
_ بعدين تعرف هسة لازم تسلمني نفسك بدون ماتفكر .
_ كلي ملكچ انا لدُر .
ابتعدت احاول ما اخجل وانخبص بالفستان
حتى لو قصير عادي لازم ما اهتم اصبر بروحي وامشي وهوَّ
هايم عيونه ذبلت وبدون ما يحجي ويعبر على فرحته وصدمته
عيونه تشوح كلشي ضحكته نظراته كُلشي بي جان يعبر
ثبتت التلفون على ستاند اضاءة وفتحت فديو زاد استغرابه .
رجعت اقتربت كعدت على رجله بنفس مكاني
علي الآكبر: تلفون وتصوير ؟
_ اريد اصور وياك عيب .
_ لا بس .
بست خده وسألت
_ بس شنو ؟
_ ماحب التصوير دُر .
_ تحبه الخاطري .
_ طفيها ماحبها .
سحبت ايده اريد بس يجي مايقبل ثابت بنفس مكانه
هيمان دايخ بيَّ ، بست شفايفه وملت راسي بتوسل احجي
_ الخاطري بس كم صورة .
_ صوري بس انا اكره الكاميرا .
عفت أيّده واستندت على حايط درخني درخ من فوك ليجوة يحفظ
بتفاصيلي بملامح الزعل قابلته والتفتت اشوف التلفون
دُر : بنفسي اخذ هيج لقطات انت ملثم واني بهل ملابس يمك .
طال النظر بعيوني واستسلم اجه لزمني يضحك بصوت
وكف مقابيل التلفون ايده بجيب البنطلون وجرني من ايدي
صفكت واخذ لقطتين بلثام وشال لثامه وهوَّ يضحك بصوت عالي
رجع كعد على سرير والتلفون يسجل فديو اجيت بحضنه
وهوَّ يضحك وجهه احتقن احمر
_ تدري احب ضحكتك ؟
_ لا .
_ أضحك دائماً ضحكتك ترد روحي .
_ يا روحي انتِ اروحلچ فدوة بوية دُر .
يحجي وبعده يضحك على تصرفاتي ويتصفن بالغرفة وبيَّ
تلمسني بلمسان جريئة غمضت عيوني وابتسمت نهض من مكانه
بلمح البصر سد الكاميرا واجه يمي نزع التيشيرت
برز جسمه كعدت وهوه يقترب اني احجي اريد افهمه
_ ناخذ بعد صور ؟
_ بعدين بعدين .
_ لا هسة شنو بعدين .
عبرت للكنتور فتحت الباب طلعت بدلة رسمية جديدة بلون اسود
حك فوك حاجبه واشر عليها يريد بس يفهمني
علي الآكبر: شنو هاي ؟
_ البسها حتى نطلع نشگ شگ .
_ هههههههههههههه .
_ اي اضحك والبسها .
_ البسها ليش اليوم عرسي ؟
_ اي اريد نتزوج .
_ شبيچ بوية .
خليتها بصفي وكعدت وهوَّ صافن بيَّ
_ طلب طلبته منك شيصير اذا تسويها تموت يعني تموت ؟
_ انا صرت رسمي ولچ طالعة لعابة .
_ عجبتك .
_ جنتِ عاجبتني هسة عبرنا هل مرحلة .
_ هسة شنو ؟
_ مريض بدُر مهوس بيها .
_ اي لا تتعالج ماكو علاج لمرض دُر .
_ عاجبني المرض هذا حلو صح متعبني بس احبه .
رفعتها واني ارمش بعيوني دزيت بوسة بالهوا وحجيت بتوسل
_ الخاطر دُر البسها .
اخذها من ايدي ويضحك بعلو صوته وكل شوية يهز بيده وبراسه
لبسها وشاف نفسه گعد على تخم يغطي بوجهه ويضحك
واني على ضحكته اضحك وياه
_ اذا يشوفنا احد هسة شنو يفكر مخابيل .
_ اخر همي .
رجعت فتحت التصوير وكفت قريب منه عض شفته وهز راسه
_ شبيك ؟
_ سلامتچ كملي .
تحمحمت والتفتت اشوفه رفعت حاجبي وهمست
_ شنو روبوت وين جهاز التحكم مالتك .
_ ههههههههههههه
ما احب التصوير يا عيوني .
_ تحب التصوير الخاطري شكو بيها .
_ لا حبيت التصوير يلة شلون تريدين نصور .
طلعت صورة شافها وغمز بتلاعب وحيلة
علي الآكبر: وصلتي للملعب الصح هاي الحركات لعبتي .
فر ايده على خصري وسحبني وجهه صار برگبتي
دُر : عزه هاي شبيك .
_ تسوين اغرائات وانا زلمة متعوب بالأسم متزوج .
حاولت اسيطر عليَّ وعلى حركته حاضني بكُل قوته يبوس
بوجهي وادفع بي من صدره فقد ، ابتعد بعد دقايق عدل الملابس
_ اخذت تصبيرة يلة كملي تصويرچ بسرررعة يلة .
_ تصيح عليَّ ؟
_ لا .
_ شبيك ضايج .
_ دُر يلة يا عيني يلة يا كلبي يلة خلصيني بعد راح يخلص صبري .
_ اوكي ريلاكس بيبي ريلاكس .
طلعت لقطة ثانية من شافها صار ورايَّ والتلفون يصور
تملك خصري بين ايده ومد راسه طبع بوسة على خدي
اخذت هل لقطة وطلعتها بالتلفون فرحانة بيها واركز
_ شوف حبيبي شوفها شكد حلوة .
رفع وجهي بطرف اصبعه وهمس بصوت هيمان
_ انا حبيبچ ؟
_ ها .
_ ارجعي گولي انتَ حبيبي .
_ لا استحي من تطلع وحدها احسن .
_ دُر .
_ ها .
_ احبچ بوية ماكو من بعد حضنچ حضن يحلالي يا حلالي المحروم منه .
رجع خصلات شعري واقترب حاضني ما بيني وبينَّ غير مسافة قليلة
علي الآكبر: خلصتي تريدين بعد شي فديو صورة لو افطر ؟
_ شنو .
_ عندچ بعد شي .
_ ها ؟
_ تريديني قصرت وياچ ؟
_ علي الآكبر .
_ روحه ضايع بيچ انا ، اخذتيني من كلشي
انتِ وبقيتي بس انتِ بروحي طريقي الحلو وساعاتي الي احبها بس وياچ .
استسلمت بـ أيده من بعد ايام وشهور وليالي رجعنا هايمين ببعض
وبكل مشكلة وراها صلح احس حب علي الآكبر بكلبي يكبر
ضعت بي مثل ما ضاع بيَّ ، لحظات عشتها ما انساها
جان صنديد اسكندر حنون محب عاشق ولهان مشتاق لدُرر روحه
ومن بعد وقت طويل مر نزلت نظراتي على رجلي بارزة صعدت
بنظراتي اتلمس صدره رفعت عيوني نايم خليت راسي برگبته
طبعت بوسة وابتعدت اتنفس عطرة شكد احب عطرة
دُر : عادي ما نتحرك ويوكف الزمن .
_ ياريت .
_ بس نطلع من هل غرفة تصير الف عركة تفرقنا اشهر .
_ الغلط من عدنا بوية ماعدنا ثقة .
_ ماعندك ثقة بيَّ ؟
_ عممت لان ما اريد تزعلين .
رفعت نفسي لزمني يخاف ابتعد غطيت جسمي بالغطوة وبقيت بين ايده
_ اسفة تعبتك .
_ احب تعبچ بس عوضيني تعبت ، عادي تعوضيني ؟
_ اي نبدي من جديد .
_ ابوس راسچ سويها حبيني ، لا توثقين بشخص غيري
دُر وحگ داحي باب خيبر ماكو بشر بالكون يحبچ بگدي
ماكو بشر يريد يشوفچ فرحانة بگدي
انا اذا تريدين روحي ترخص لعيونچ .
بست وجهه وسألته بفضول
_ زين ليش تحبني لهل درجة مرات اخاف من حبك .
_ تدرين دائماً يسألوني هل سؤال حتى إني اسأل نفسي من
تتصرفين تصرف مو حلو ويايَّ اضوج واردد لا ارادياً
شنو بيها مميز وحبيتها هيج ليش اعذب نفسي على انسانة ماتحبني .
_ احبك .
_ ما توصلين ربع حبي الچ احبچ حب لچ دُر سبحان
من زرع هل مشاعر والحنيه الچ بگلبي .
_ اريد احبك مثل ما تحبني .
_ هههههههههه ان شاء الله بوية ان شاء الله .
خليت راسي على صدره ونمت للفجر فزيت واني احس
ثگل على صدري وكفت امشي على اطراف اصابيعي
سحبت تراك ودخلت للحمام واخذت تلفوني بيدي
قفلت الباب وكتبت رسالة الحرة
"نايمة لو كاعدة "
جاوبتني بسرعة
" ها عروستنا شلونچ انتِ وعلوله على گولت اخوج انــور "
دُر
" شنو انــور يعرف بعلي الآكبر هنا "
حُــرة
" آي وتجادل وتمالخ هوَّ وريان ، يصيح مو رفضوا اخوكم
شلون تقبلون يفوت بيتنا مو يستحقرنا هوه واهله "
دُر
"علي الآكبر ما مستحقر احد بس اهله رافضين انــور "
حُــرة
" حقهم الصراحة هوَّ انــور وين يتعاشر لو اني بصحتي
اخلي مخبل يمشي ويتلفت خليني ارجع بحيلي اذا ما اخبزهم "
دُر
"وهسة شلون ؟ "
حُــرة
" عيشي حياتچ حبيبتي قنعت ريــان وريان سكت المدگدگ
هسة بشريني خطة A نجحت "
دُر
" كُلشي تحت السيطرة "
حُــرة
" بلشي بخطة B من باجر الصبح "
سديت تلفوني وسبحت طلعت على غرفة صاير بيها انفجار
كلشي مطشر بكُل مكان مبعثر ، اذت الأكل همزين الغرفة
باردة مابي شي رتبته بالثلاجة ورجعت غسلت وتوضيت
وفتحت السجادة صليت صلاة الفجر عسى ولعل تخف
هل ثگل على گلبي من شنو خايفة ليش گلبي ناغزني ليش ؟
فتحت تلفوني دخلت انستا حذفت الكُل بقيت بس
اخوات علي الآكبر ونسوان اخوانه كلهن حتى ميثاق بعدها ما حضرتها
مشيت بدون ما اصدر صوت وتلمست وجهه بـ اظافري الماروني
واخذت صورة وهوَّ نايم بفراشي وكتبت
" الوحش مالتي "
رتبت الغرفة اكثر وعدلت ملابسة جهزت الحمام وعطرته
اريد اطلع عثرت وگع من ايدي المعطر عضيت شفايفي
ودرت وجهي اشوفه گعد شفته فاتح عيونه ونظراته تراقبني
رفع ايده اشر حتى اجي رحت ركض واني ادز بوسات بالهوا وهوَّ يضحك
سحبني من ايدي باسني برگبتي ويحجي بعدم تصديق
_ والله وداعتچ جنت عبالي احلم .
_ ترا انت كلك حلم جنت احلم بشخص يحبني ويهتم بيَّ مثلك
ورب العالمين عوضني صدق من گال بعد التعب عوض عظيم من الله سبحانه .
_ تحبيني ؟
_ اي بس مو بگد حبك .
_ اخذي حيلي وروحي يحيلي .
گرص خدي وشاف الساعة نهض مستعجل
_ تأخررررررت تأخرررت عندي طلبية بـ 4 لازم اسلمها .
_ ازعل اذا ما نتريك اني وياك وانت توكلني والله كلبي طگ .
_ منو شنو طگ گلبچ اطگ الطگ گلبچ وحگ ابو راس الحار .
_ حياتك ركض بركض ما افتهم شي منك .
_ امشي جهزي الريوك يا ريوك انتِ بين ما اسبح .
صفگت بيدي وطلعت اركض نزلت للمطبخ بست صفية وهيَّ
تباوع صفح احلف عليها تگول هذولي عائلة مخابيل .
طلعت كلشي موجود بالثلاجة ينفع ريوك أنواع الأجبان والزيتون
وعصير برتقال طبيعي جهزت وبيض مسلوك رتبتهم بصينية خشب
وصعدت متحمسة وصفية تصيح ورايَّ
_ ماما انت فاهي آني اصعده ماما .
_ لااا إنّي اصعده مو فاهية ترااااا اخلي ريــان يغيرچ يرجع ميمي .
وصلت للباب ملت ايدي افتح الباب بعكسي وگلاص العصير طب
صار طشار بالگاع فتح علي الآكبر الباب بعده يلبس بالتيشيرت
وطلع انــور من غرفته شافه والشرار صار يطاير من عيونه
انــور : صححححححح النووووووم نعيماً على حماااااااام .
ضحك علي الآكبر واخذ من ايدي الصينية
علي الآكبر: تسلم وينعم الله عليك حبيبي .
انــور : بشررررر الإقامة كم نجمة اربعة خمسة نجمات .
علي الآكبر: والله لإقامة يمكم تعبر المليون نجمة يوم الكم .
وصفية صعدت تركض تهز براسها وتشيل بالگزاز
رضية : ماما انت فاهي قول انت تزعل .
عضيت الها شفتي اريدها تسكت من الفشلة من علي الآكبر وانور
وحهي انطعن احمرررر دم وتطلع الحرارة من كل وجهي واذني
سد علي الآكبر الباب وبس اسمع انــور يدردم وعلي الآكبر فرررحان
طاير نعنششششش حتى الطلبية نساها نزل الصينية
وسحبني من ايدي گعدتي بحضنه يبوس بوجهي وايدي
علي الآكبر: اوكف الفاهية .
_ اني مو فاهية عثرت .
_ همَّ المثقفين من الولادة بيهم فهاوه معذورة يا روحي معذورة .
رفعت حاجبي اباوع عليَّ صفح سوالي لفة يوكلني ويشربني عصير
خلاني اشرب وهوَّ بس يذوق بالأجبان، كمل ومسح ايده بالكلينكس
اخذت الصينية وتركته يكمل تبديل صعدت بعدني بالباب مفتوح شوية
واسمع صوته يحجي بالتلفون
علي الآكبر: ها يمه ، شلون عرفتي ، اي صح اني بيت دُر ، شصاير؟
سكت لدقايق واشوفه بالمرايا بارد ورافع حاجبة ويمشط بشعرة ويجاوب
_ من البارحة صح بايت يمها بيها شي ؟ ليش تدخلون ؟
يا صورة ؟ انستا انتِ منين تعرفين انستا ومواقع تواصل يا بربوك
هاي حجت هيچ انعل والدي والديهن بعلي خلي بربوك تحجي عليها
خليها عسى ما تنشرني مصلخخخخخخ شعليكم القاضي راضي
اي راضي وفررررحان هم ومرتاح لا تعكرون مزاجي .
سد الخط منها ابتسمت ومن الفرحة اكمز اريد اكل هل رجال وعلي
اني عمتي احبها ادري بيها كلبها حنين وطيب بي مشكلتها تندفع
بالكلام دافعيها كل عادة ويريدوها تخلي علي الآكبر يحجي
عليَّ حتى تفوخ الدودة ، بس اجاهن الرد قاسي .
اريد افوت سمعت نفس الاغنية خليتها على الستوري مالتي
يعني شاف الفديو توترت من ردت فعله خفت منها بس
بقيت صافنة من هز راسه وذب التلفون يلبس بالحذاء ويحجي
_ والله المثقفين عدهم سوالف طايح حظها انت نايم
تگعد تشوف روحك ناشريك مصلخ .
دفعت الباب ودخلت مبتسمه انتظرت يحجي حتى انفجر بي
اذا يخليهم يأثرون ويدخلون شو هذا اجه يمي باسني
حيل من شفايفي واخذ التلفون
_ سويلي طريق بوية اريد اطلع .
مشيت نزلت ماكو احد صعدت طلعنا اني وياه
شافتنا رفل ابتسمت وراحت للحمام كملنا الطريق
يريد يطلع وانور يطلع بسيارته هم يريد يطلع
انــور : تقبل افوت ابات بيتكم .
علي الآكبر: شني عرف ولف وتبات بيتنا انا اجيت اشوف مرتي .
انــور : سهلة دين والدنيا دوارة ارجعهااااا ارجعهاااا .
صعد انــور بالسيارة يطلعها وعلي الآكبر يصيح
_ شلون ترجعهاااا المدگدگ مو اجي اغمك صارلك
هواي ما محصوووور بالسيارة الأغم .
قبل لا يحرك السيارة صار بالشارع وصيح انــور بعلو صوته
انــور : من اتززززززوج اختك اوجعهاااا ابات بيتكم والله .
هوَّ راح وعلي الآكبر يخابر بي وانور يرفض
ضرب الباب ويصيح
_ على جثتي يا **** على جثتي تتزوجهاااااا .
لزمت ايده واتلمست وجهه حضنته وهمست
_ كافي حبيبي لا تخرب مزاجك خلي هوَّ بالعناد يحجي
هيج من يضوج منك يحير شنو يحجي ويدري من يذكر اختك تعصب .
_ انعل * و امووووته هل *** .
_ ياااا يااا عزا شنو هل حجي دخيلك كافي .
بوست وجهه اريد بس يسكت انفعل ويريد يطلع هوهَّ هيج
عصبي يعني نقرا على انــور السلام توسلت يگعد ردت ماكوو
قفل بعد لعلي الآكبر ويقفل ، سلم وراح رجعت للبيت شفت
ريــان واكف بالشباك يطل على كراج واخذ دور المتفرج
هادئ الى درجة رحت كعدت وهوَّ بعده نفس ماهوَّ
_ شلونك ريــان ؟
_ تمام .
_ رنيم وينها مختفية ؟
_ بغرفتها .
_ شنو ناوي تسوي بموضوعها ؟
_ بس تولد بخير وسلامة ننفصل .
_ وانت تريد تنفصل عنها ؟ تريدها لو لا .
رفع ايده اثنينهم بعلامة ما ادري وشغل جگارة يشرب بيها
بدون ما بحجي وكان رجع نفسه ذاك ريــان المنعزل
بس مجبور يركض بينا مبين لو بيده يرجع يعتزل .
ساعدت صفية وبقيت افتر بالبيت واروح وارجع
من الملل البيت فارغ ، صعدت خابرته جاوبني من إول رنه
_ ها عيوني .
_ وصلت ؟
_ اي .
_ شنو جاي تسوي ؟
_ اتريك .
_ مو اكلنا اني وياك .
_ بشرفچ ؟
_ والله عزا مو اكلت اني وياك شبيك نسيت .
_ روحي الريوك اذا مو طماطة وبيض وجاي مخدر مهيل ماينحسب
ريوك اني مايصرف ويايَّ العصير والأجبان .
اريد احجي وانسحب التلفون من علي الآكبر واسمعه يصيح
جــود : زوجة اخي ، اخوية مو مثقف اني سوالف العصير
والترتيبات والتوست والبوست والجبوووون عشقي اضيع واسربت .
دُر : هذا اخوك خبلني .
جــود : عزميني على عصير وتوست يا توست .
دُر : تعال عليك الله باجر الصبح من وكت ناكل اني وياك .
جــود : وتحجين مثقف .
_ yes .
_ جعلني يسسسسس .
علي الآكبر: جــود راح اجي اصب قوري الجاي على راسك .
جــود : احجي بد مثقف عليچ العباس .
اخذ علي الاكبر التلفون وگع الجود غمممم غمممم
_ فاشل من كون غمه تغمك غم يا أغم .
ورجع عليَّ يصيح
_ شكووو دُر ليششششش تجاوبين هذا المطي.
_ حبيبي ؟
_ يا ابووووو فاضل .
_ احبك اني وحگ ابو فاضل .
_ احممم دروحي نامي ساعة كاعدة من الفجر اطگطگين فوك راسي .
_ تحبني .
_ اي .
_ بس اي ؟
_ مووووو هذا نعال فاتح عيونه وأذنه بعدين يا عيني .
_ اذا ما تحجيهاااااا اسد التلفون ما افتحه.
_ كافي يلة .
_ تجبني ؟
_ اي احبچ شعندي غيرچ .
جــود : العب صار بيهااا غزل ورومانسية وانا رجال كاتلني الجفاف.
طلع من المكان ما ادري وين راح يحاجيني
دُر : اليوم تجي بليل ؟
علي الآكبر: انتِ ارجعي لبيتچ .
دُر : ها ، ان شاء الله ، اروح اشوف صفية وانت خلص شغلك .
سديت الخط ورحت الحرة شفتها كاعدة تتريك
كعدت حجيت الها الصار وضحكت
_ شفت الصبح الصورة تجنن بيوم من الأيام هيج انشر .
_ عاد ريــان بي هيج لقطات تموووت .
_ دولي انتِ واخوچ .
فتح الباب ريــان ودخل جتف ايده واستند على باب
_ ماعجبها ريــان تريد .
بقت ساكتة واني صفنت بوجهه اريدها تحجي ماكو البنية
صارت خرسة على اخير وريان يأشر بيده
ريــان : القط بلع لسانچ احجي اسمع احجي .
حُــرة : دُر ماي .
شربتها ماي وريان فات رجع ضهره على ميز
ريــان : خطية عطشانة ؟
هزت راسها ودارت عيونها من عنده
دُر : شبيچ حُــرة ؟
حُــرة : كلشي مابيَّ زينة كلش زينة .
دُر : ريــان ليش هيج تباوع عليها شبيها عبالك خايفة منك .
رفع ايده وغمز الحرة وطلع بس سد الباب وحرة
ما عافت غلط ولا كلمة مسبه تعتب عليها سطرتهن تسطر
دُر : ما حجيتي مو جان واكف .
حُــرة : اني بنية مشلولة وهذا اخوچ لا تربية ولا اخلاق
يجي بليل يـ ...
تريد تحجي سكتت عبالك تذكرت شي وكملت وهيَّ تغير كلامها
حرة : ما احجي هددني يبووووو عليكم
خلي ارجع اتحرك وتشوفين شيصير بيهم .
دُر : بسنو تهددتي بالله .
حُــرة : عيب احجي .
بقيت يمها سبحتها واكلت اني وياها شفت مسلسل اني
وياها داريتها لليل رجعت للغرفة سبحت ولبست ملابس خفيفة
نمت على سرير وقبل لا انام كتبت للرياش نهج مغاير رسالة
_ علي الآكبر باجر دوامي لا تنساني .
من شافها ما جاوبني لفلفت نفسي وقبل لا انام انفتح باب غرفتي
درت بسرعة اشوف منو دخل علي الآكبر ملثم عضيت شفايفي ضحك
بصوت عالي فتحت ايدي افتحها واسدها معنى تعال اجه يمي
علي الآكبر : ادري تحبيني هيج گلت اسوي اغراء .
فرك ايد بيد من البرد ورفع لحافي
علي الآكبر: الله الله دافي الفراش .
_ بردان ؟
_ يعني ، عادي انام بحضنچ .
مديت ايدي نام عليها بس ما ثگل راسه ، حرك نفسه صار راسه
برگبتي يشتم بعطري ويحضن بجسمي ذب لثامه وباسني بنص شافيني
وأني مغمضة عيوني حتى ما اتحرك بيده جمدت
وهوه استغل الفرصة اخذني كُلي يبوسني ويحضني ويغازلني ويدللني
وبعد ما مر وقت مو قليل سحبني بحضنه ونمت اني وياه بدون تفكير .
الثاني يوم فزيت بدون منبه على صلاة الفجر
سبحت صليت وبديت اجهز بروحي للدوام ونزلت للمطبخ قبل لا ابدل
طلعت اربعة طماطة واربعة بيض سويت طماطة وبيض
وبحثت باليوتيوب شلون اخدر الجاي حاولت وياه ريحته صارت طيبة
طبقت كل الخطوات وهم سويت اجبان وصعدت رتبتهم على طبلة
ورحت قبل لا اخلي يكعد احذت اله صورة ضحك .
_ هل مرة انشريني على عام لا تخليها بنفسچ بنت الرياش .
_ هو كم شخص معين براسي يشوفون وبالستوري موجودين .
_ اموت على خباثتچ .
فتحت تلفوني اريد انشر وضحكت
_ اوي ست فلك دزت طلب هم تريد تشوف .
_ هههههههههه عيب بوية شسالفة .
سحب الحاف من عنده برز صدره وقدمت وجهي
_ بوسني .
رفعت التلفون سد عيونه ولزم وجهي حيل يبوسني
ابتعدت افرك بوجهي وانشر بيها وجهي يوجعني وهم اريد انشرها
كتبت ( الوحش الرياش بنهج مُغاير )
_ عادي انشر ؟
_ لا تخليها بنفسچ بوية انشري هي هاي عقلية النسوان شنسوي نتحمل .
نشرت واشرت على اكل فات سبح وطلع يبدل وينشف بشعره
صبيت الچاي وكعدت اكلت اني وياه ، نزلنا اني وياه صعدني
يوصلني ويفهمني على وقت وين يوكف رن تلفونه
_ الو ، صباح النور فلك ، اي متذكر الدوام بس وصيت جــود
هوَّ يوصلچ للدوام ، بالرجعة عندي شغل بس احاول تدللين اهلاً اهلاً .
سد الخط واني سويت روحي ما مهتمة
_ شكو ؟
_ تريد اوصلها وارجعها .
_ سايق بيت الخلفوها ، احم اقصد اي خلي جــود احسن .
_ ههههههههه الخاطر خاطرچ ما اصير سايق غيرچ .
_ وين اكو منك .
وصلني دخلت لكل المحاضرات بعني اريد أدخل الأخيرة
واتصل عليَّ جاوبته واني بالممر اريد افوت
_ اني بالباب .
_ شكو .
_ سلامتچ اني بالباب طلعي .
درت ورجعت للكراج اشرت من بعيد شكو فتح الباب
صعدت بدون سابق انذار ومو طلب بلغة امر حجاها
_ ترجعين ويايَّ لبيتنا .
_ بس .
_ بدون بس طفح صبري .
بقيت ساكتة اريد احجي يسكتني وصلنا نزلت اني وياه
سلمت على عمي كاعد على ميز بصف المطعم
بس دخلت جــود مد راسه ورفع ايده
من الممر الي يوصلني على بيتنا
جــود : رجعت المسعدة .
سيف الدين : رجعت لمدلله .
جــود : رجعت الفايخة .
سيف الدين : رجعت المحظوظة .
ورفع ايده يأشر بالهوا وبيده وصلة مسح وصلة
سيف الدين : عمي نسوان تالي وكت يأمرن وينهن .
علي الآكبر: واضح تريد احودك حود .
سيف الدين : فوكاهاااااا انووووب نظفنا بيتكم .
علي الآكبر: اشتغل وانت ساكت .
اشر علي الآكبر بيده بقيت نظراتي عليهم واضحك
فتت للبيت عمتي بالمطبخ من شافتني ضحكت وكفت باستني
ورجعت تنظف بالخضرة ، وريمان وبتول غصباً عنهن سلمن
اجت فلك من الغرفة تلف بالشال ضحكت بوجهي
_ هاي منو موجود فدوة دُر .
سلمت عليها وعمتي صاحتني
_ دُر يمه غسلي وتعالي ساعديني حتى نفرش السفرة .
رحت على مغسلة اغسل وخابرت حُــرة حجيت الها جاوبتني بـ
_ يلة بلشي بالخطة الثانية شهد طلعيها .
سديت الخط ورجعت للمطبخ ، ساعدتها وفرشت السفرة اني وفلك
نعدل بالمواعين والأكل نقلنا بدون ما احجي وياها بس هيَّ تصفن
بوجهي بدون ما تنتبه ، كلنا على اكل موجودين بس شهد ماكو
عفتهم بحجة اغسل وصعدت فتحت بال غرفة جــود
شفتها نايمة وداير ما داير عيونها صايرة حمرة دم
من البجي والقهر كعدت يمها لزمت ايدها من شافتني بجت
دُر : لا تبجين وعد والله وعد تطلعين من هل مصيبة والحزن
واني وياج والله ايدي بيدچ لا تبجين يا كلبي لا تبجين .
شهد : لج راح يبطلوني حتى الاجازه خلصت بعد شنو حجتي .
دُر : صبري هل بومين صبري .
ردت انزلها تخاف من عمتي ما قبلت نزلت وحدي
كعدت بصف علي الآكبر ياكل تمر ، اريد ابنسم لو اكل بعد
ما اكدر انسدت نفسي من كلشي قبلهم كلهم خلصت وعمتي تسألني
ام حسن : ها يمه ما اكلتي شني الأكل مو طيب .
دُر : عاشت ايدچ الدولمة طيبة والدجاج هم بس شبعت .
سعدتهم بالمواعين وللنص اخذت جنطتي من شفت
علي الآكبر اخذ استكان الجاي وطلع بالكراج يشرب جاي وجگارة
عبرت منه بدون ما احجي شفت جــود بعده يمسح ويضب بالبراغيم
مال شباك وسيف الدين ماكو ابتسمت من شفت وجهه تعبان
_ تعبتك اسفة .
_ تستاهلين ولووو اختي انتِ .
_ ما زعلان مني ؟
_ لا والله ابد اني ماحب اشيل بكلبي
على انسان فما بالچ روحه لعلي الآكبر .
خجلت منه اكثر صرت قريبة فتت ذبيت الجنطة وكملت كلامي
_ بس اني خليتكم تتعاركون .
_ عادي الإخوان يتعاركون وحقچ بكلشي تسوي
كلشي جان يخوف وغامض ما ينعرف منو ويانا ومنو علينة
دخلنا بدوامة وانتِ ضحيتها .
_ يعني ما زعلان .
_ لا لان احبچ مثقفة تخبلين .
_ هسة يجي علي الآكبر يخلي الدرنفيس بنص بطنك .
نزل من الشباك يعدل بملابسه ويفهمني
_ البيت كله غسلته وفرشت فراش جديد
والبوب والشبابيك امان واي شي تحتاجين خادم انا للمثقفين .
_ انــور مثقف خلي يتزوج اختك .
_ وحگ العباس لو اخوانچ نسوان اتزوجهم على ثقافتهم .
غلس وطلع وهوَّ يلطف الجو بالعشر دقايق يحجي برا هوَّ وعلي الآكبر
اجه سيف الدين اشر بيده بعلامة فلوس كل واحد حط بيده
خمسة وعشرين وراحوا .
آخذت منشفة دخلت اسبح ومو بيدي اتذكر شصار بيَّ من سبحت
هنا وراسي شصار بي سبحت على سريع بس اريد اطلع
لفيت نفسي بالمنشفه وطلعت ، شفت علي الآكبر گاعد على
سرير سحبني من ايده وگعت بحضنه
_ شبيها الحلوة .
_ كلشي ماكو بس مقهورة .
بعدت نفسي وكفت رحت للكنتور اشوف ملابس البسها
واحجي بدون توقف ادردم بدون ما اوجه لعلي الاكبر الكلام
دُر : يعني والله عيب بنية فقيرة محبوسة بغرفة ومحرومة
من دوامها وعدها انذار فصل من التدريس وممنوع تگعد
لو تسولف هيَّ واهله شنو ذنبها بالله هاي لآن انخطب
شنو اول وحدة تنخطب وترفض عيب بس منو يعرف العيب
الي يقهر عدها ست اخوان معقولة ولا واحد يگدر يفرض
كلمته ويخليها ترجع تدرس معقولة ماعدهم ثقة بـ اختهم .
اني احجي وهو ساكت يسوي روحه مو يمي
من كملت صاحني انام على ايده واني سكتت
ورحت نمت بين ايده وصدره ، لليل عمي خابرني
جاوبته شكد احب ضحكته حنينه
_ تعالي بوية جبت فواكهه تعالي ناكل .
بدلت وعدلت شعري وعفت علي الآكبر نايم وطلعت
دخلت للمطبخ عمي واكف يغسل بيهن وكفت وياه اساعده
اخذناهن ورحنا بالاستقبال فات علي الآكبر ما انشوف غير
افتر وصعد فوك بدون ما يدخل علينا عمتي بقت عيونها على درج
تريد تشوف وين راح وشنو براسه ابتسمت ونزلت راسي من شفته
نزل وشهد بيده غسل وجهه ومسحه بالكلينكس وفاتت وهيَّ
بضهر اخوها گعدت قريب منَّ اخذ برتقال قطعها الها اخذتها من ايده
تاكل بيها وهوَّ رفع صوته وكل اخوانه گاعدين يحجي بثقة .
_ بوية باجر اوصل شهد على دوامها بطريقي ؟
سكتت عمي والتفت على عمتي
ام حسن : ماعدها دوام شهد بطلت .
علي الآكبر: خابرت المديرة اكووو دوام وباجر شهد اداوم .
ام حسن : تريد تكسر كلمتي ؟
عافتنا راحت للغرفة عمي حضن شهد وعلي الآكبر راح
للغرفة وراها يحجي وياها ساعة تطلع اصواتهم وساعة يسكتون
طولوا هوووواي طولوا جوه وطلع رجع ياكل
وعمتي فاتت المطبخ ورجعت بيدها جاي وكعك وكيك
طبطب على ضهر شهد ويفهمها
علي الآكبر: باجر صبحي جهزي نفسچ من وكت ماشي .
هزت راسها وتمسح بدموعها ماتريد امها تشوفها تبجي .
طلع علي الآكبر واني رجعت للبيت درست لان عندي محاضرات
وطولت علي الآكبر مايريد يضوجني عافني ادرس على راحتي
الثاني يوم طلعنا وشهد تنتظر قبلنا بالباب تريد اطير من الفرح
وصلناها وطلعنا للدوام .
شهد ...
بعد ايام تعب وقهر رجعت للدوام جنت اتذمر وامل من دوام الصبح
بس بعد الصار شكد حبيت دوامي وصار درس اليَّ
لا امل من شغل ولا اما من دراسة ، دخلت وقعت وفهمت المديرة على
سبب غيابي جذبت جذب بتاريخ الهند ما صاير
ودخلت اول درس على طلابي بكل حب وحماس ادرسهم
واروح منا واجي منا واسوي فعاليات وضحك بيني وبينهم
بأخر درس طلعت وجود ينتظرني بالباب رجعني وفلك وياه
سولفت الجود على مدرسة وشلوو جان يومي حلو .
رجعت للبيت سلمت امي ما ترد السلام
بدلت ونزلت صبيت اكل وكعدت بصف ابوية
مثل ما عودني احجي الصار كله مرت امي وهيَّ تمشي حجت قهرتني
_ تأكد من بنتك بس هذا الصار وياها لو هم تمثل مثل
قبل تالي ما تالي نكتشف المدگدگ ابن الرياش معلم وياها .
ابوية مايحب يسوي وياها مشاكل يسكت منها بس يمسح
على راسي وقبل لا اروح لزم ايدي ويحجي بحنية
_ اني واثق بيچ بوية ما سويتي غلط وما يطلع منچ
ولو ادخلچ بفوج زلم تطلعين بنت صفوان واخوت الست اسود .
_ تربيتك اني بوية .
بست راسه وصعدت ارتاح ، نمت وللمغرب كعدت اصحح دفاترهم
واسوي جدول خطة جديدة للتدريس ، الثاني يوم داومت
بنص الاصطفاف وطل المدگدگ هوَّ والبدلة الرسمية لون اسود
والحذاء اذا ماكو مرايا اباوع بيها اشوف وجهي .
نزلت راسي ولزمت ايدي العب بـ اصابعي اتجاهل وجودة
هوَّ صار مقابيلي واكف بصف المديرة والمديرة تلقي كلمتها
وتنطي نصائحها للطلاب صار يتمشى على صف صف
من السادس واني شعبة الرابع مر مني وعبرني يسوي روحي
مايعرفني يقلد تصرفاتي لوووو شنوووو قصده ؟
رفعت حاجبي هوَّ مكمل طريقة يفتر والمديرة تحجي
كملهم للاول ورجع يمها كتف ايده والسترة تريد تنفجر من
العضلات شمه شمشوم عود شوفوني معضل هوَّ مضروب بالنعال
والله اذا اطلع القي كلمتي هسة أشر عليَّ واگول الهم استاذ
انــور شابع نعايل مني وافووووخ كلبي بي اخلي يگمز ويولول .
كملت دخلنا للصفوف وهو راخ يريد يفوت من الباب الثاني وست
وسن ام الأول بعدها صغيرة مشت وياه وتسولف هيَّ وياه
واني امشي واباوع عليهم ما احس غير طرت وعلى وجهي
زرگ وگعت من الفشلة قبل لا يشوفوني كمزت وركضت
للصف اباوع من الشباك صافنين هو وست وسن يريدون يعرفون
شنو هذا الصوت بس لا شافوني طرگاعة على راسي وراسك يا سقوطي .
نكتت فستاني رفعته رجلي تزلغت ذبيت عليها ماي من البطل
مالتي واسمع صوت ورايَّ خشن ومثقف
انــور : سلامتچ ست شهد تريدين تروحين للمستشفى .
تحمحمت ما اريد اجفص والطلاب كلها فاتحة عيونها مركزين
شهد : ليش المستشفى مافهمت .
_ غير صرتي باتمان ضوء لمع وسط المدينة رسم نداء لمنادينا
حيناً يبدو ويختفي حيناً تلك إشارة باتمان .
ثبتت نظراتي بعيونه وايتسمت بحقارة فريت لساني وسط حلگي
ونزلت عيوني على حذائي ورفعتها شوية بدون محد يحس ويفتهم وجاوبته
شهد : بعدها جديدة اذا تحب تجربها تستفتح بيك .
انــور : احمممممم .
شهد : تندل طريقك ؟
عافني وراح علاجك حذائي علاجككككككك .
كملت اول درسين وطلعت اخذ استراحة بالفرصة
هم اراقب الطلاب وهم مريت اريد اخذ بسكت وحليب
اجت بنية عيونها ملونة اصفرررر ومسوية ضفاير صغيرة تجنن
وبيدها كوفي ولفة صغيرة رفعتهم اخذتها من ايدها واستدارت تأشر
على انــور وهوَّ بغرفة المديرة فاتح الشباك وبيده نفس لفتي والكوفي
اخذتهن وبوستها من راحت مشيت ورفعتهن حتى يشوفهن
شفت طالب گاعد بعيد كعدت قريب منه ومديت الأكل
_ هاك اكلها .
اخذها مني وخليت الكوفي على صفحة
_ شبيك ضايج .
_ بابا وماما يتعاركون ، والبارحة نمت ماما يمي من گعدت
بابا گال راحت البيت جدو اخاف ماما عافتني .
حضنته بوست راسه وبقيت اطمن بي
_ ماكو ام تعوف ابنها اكيد ترجع وتاخذك لو ترجع بالبيت
هسة بابا يصالحها ويرجعها حبيبي لا تنقهر واني يمك من تحتاج
شي اعتبرني امك وتعال .
ضحك وكمل اكل اشتريت عصير خليته يشرب ودگ الجرس
ذبيت الكوفي وقبل لا ارجع للصف لمحته بعده يراقبني
يعني عرف اني ما اكلت ولا شربت ورافضه كلشي منه .
من هل موقف اختفى اليوم كُله كملت دوام وطلعت للبيت
على نفس الحال والروتين بين الصلاة ورجعت اكعد بنص
اخواني علي الآكبر ودُر رجعوا الضحكة بالبيت ابوية وامي
فرحانين بيهم وابوية اوووف ابوية ما شفت عم يحب زوجت
ابنه مثل ما ابوية يحب دُر بنصهم وكل شوية ينطيها
شي لو يضحك وياها ويحضنها وجود يفرح ينتعش من تحجي
وهيَّ ختى من تححي حجي عادي مو مثل كلامنا هيج كلامها
بي نبرة ثقافة من الله ، وابوية يصيح
ابو حسن : دُر بنتي الرابعة .
ويهدد بعلي الآكبر اذا يزعلها ينطرد من البيت
ودُر ترد على ابوية
_ المفروض اني تهددني لان اطلع روحه بالمشاكل .
داومت اليوم الثالث ماكو وبالرابع ماكو گلت مل وبعد مايرجع
بالأسبوع الثاني داوم يوم خميس رفعة علم والتكريم بيومها يصير
سمعت صوته ورايَّ يحجي بكل ثقة ارتبكت من قربة مني
انــور : اليوم يكرموني .
شهد : على شنو فهم علم .
_ مدرس مو بعينچ ؟
_ حتى فنية ما اخليك تخرج جيل شمشمه ودگدگ .
_ وليش مقهورة يريدون يكرموني قابل منچ .
رفعت اكتافي وجاوبته
_ الله واعلم شمسوي للمديرة وهيج صايرة بيدك بكيفك تتحكم بيها .
_ تعشقني .
درت وجهي خزرته ومشيت عفت الاصطفاف حسيت اريد انفجر اريد املخه
اشيل حذائي وبنص الطلاب والمعلمين اشگگ الحذاء على راسه
فتت الحمام المعلمين غسلت وجريت نفس اصبر بروحي
طلعت واكف بمكاني بعدني اريد ارجع والمديرة صاحت اسمه
المديرة: اليوم اخب استدعي استاذ انــور للتكريم .
مشيت قريب منه وغنيت بصوت يسمعه بوضوح
شهد : امشي وردد يا فارس بدر يا حيدر
يا فارس بدر حتى تحس روحك قوي وتستاهلها يزلمة .
رجعت المكاني وهوَّ اخذ من المديرة ما ادري شنو مغلف
واحت ست وسن وام السادس بنفس عمر وسن بعدن صغار
بيدهن هداية وكلها تتحمد لأستاذ انــور بالسلامة
رجع وكف بصف الخمس بس قريب مني
شهد : حرر الموصل خطية .
سكت بس خزرني خزره خلاني ابعد وجهي منه
رجعنا للصفوف كملت درسين بدون ما اشوفه
بس صارت الفرصة لملمت الدفاتر والطلاب يطلعون
واشوف ظل طويل صار فوك راسي طلعهم اريد اطلع
لزمني من ايدي ورجعني ويخلي عيونه بعيوني يهدد
انــور : اذا تطلعين تنخطفين الحل بيدچ وانتِ تختارين
من بين الخيارين تبقين نحجي لو تنخطفين اليوم لو اعرف
افوت ومن نص بيتكم اخذچ مخبل اني واعترف بروحي مخبل .
بقت عيوني على ساحة خجلانة اخاف يشوفنا احد
_ استحي والله يحجون عوفني انــور دخيل ربك
لا توصل لأهلي ويحرموني حتى من دوامي .
_ الياب مفتوووح اني اخاف عليچ ترا عندي غيرة
وانتِ غالية على كلبي ما اقبل تطلع عليچ كلمة مو زينة .
شفت الساعة ورجعت احجي وياه
_ لازم اجهز الأوراق عدنا امتحان الدرس الجاي .
_ شبيچ ويايَّ مو صرتي زينة تحجين وتضحكين حتى لو قليل
بس صار عندي امل بيوم تقتنعين وتصيرين مرتي تحولتي .
_ تعذبت .
راد يتقرب منعته وابتعدت امشي بالممرات حتى اصير بعيدة
شهد : بعد ما اريدك من صدك وحتى اذا بيوم اني اريدك
اهلي كلهم يحاربوني انت منبوذ عدهم مكروه .
انــور : انعل والدي والديهم كلهممممم .
شهد : بالقران اضررربك اذا تعيددددهاااااا
انت على شنو شايف نفسك اطلعععع يلة اطلعععع منا لا اضرررربك .
دفع الباب انسد واجه يمشي سريع اتجاهي سحبني من ايدي
بكل قوته واني مسوية روحي ما اخاف حضني بكل قوووته
حسيت ضلوعي تفلشت بين ايده من قوته دفعته ما يندفع
عطره دخل للرئة بگد ما دافع وجهي بحضنه
تخبلت واني اتخيل غضب ربي لو احد يشوفنا لو اهلي يمممه اهلي
دفعته بجنون وبلا وعي ضربته على وجهه براشدي
ايدي حسيتها من قوته تريد تنفجررر وصارت حارة وما اكتفيت
ضربته على صدره نسيت الطلقة والعملية .
باوعت على باب وعلى ساحة من الشباك جسمي يرجف
يرعششش من الخجل والخوف والرهبة صحت بلا وعي
_ انت ما تخااااف الله اني اخااااف من ربي واخاف اكسررر
ثقة اهلي ولككككك انت شلون تحضني شلوووووون ما تستحي
شلوووون تخطي وتفكررررر هيچ عبالك اني رخيصة
مثل البنات الي تعرفهممممم بكلمة وكلمتين ومن تحضني
اضعف واسلمممم روحي لك اني اخت علي الاكبر وجوووود
انا بنت صفوووووان اذا انت واهلك رخيصين اني مو هيج .
ظل مصدوم صافن بوجهي وعلى ملامحه الف علامة استفهام
شهد : اهلي ما غلطاني من رافضين شي اسمة انوررررر
واني هممممم بعد ما اريدك دام ما تخاف الله وسويتهااا
وحضنتني بالحررررام كلشي تسوووي انت كلشي تسوووي
لان ما تخااااف الله .
فتح دگم السترة القميص ابيض انصبغ دم احمرررر ينزف
هز راسه بأسف ويريد يطلع من شفت منظر الدم تخبلت
عبرت من الرحلات وكفت أمنعه يطلع وعيوني على دم صارت
_ هاي من ضربتي مووو من ضربتي اني هيج سويت ؟
ضرب الرحلة ويأشر بيده اثينهن منفعل مقهور وملامحة
حزينه وعيونه تلالي بالدموع يريد بس ينفجر ويبجي
انــور : ليششششش شهد ليششششش هيچ تسوين
بيَّ اني مكسوووور عايش غربة اني ومتمسك بيچ
اهلچ كلهم يهينون بيَّ ويتحاوزون ويشوفوني
بعيونهم الصغيرة ومتحمل الخاطررررررچ اني مووو هيچ
لووو اني مثل انــور قبل اسوي اهلچ طشارررررررر
والله والله اطمهممممم طممممم بنص بيتهممممم .
عصر عيونه وراح ابتعد فتح دگم القميص شاف الجرح ورجع
ايده ببها دم واني اريد بس يسكت وهذا انفجر يحجي بقهررر
انــور : شسوووووي فهميني لا اخذ امل منچ ولاااا من اهلچ
وانااااا اريدچ كلبي وروحي وعقلي كلشي بيَّ يريدون شهددد
انا تعاطيت اي وشروربت اي والله شربت وتعاطيت
وطلعت وتعرفت على اشكال الوان النسوان بس وحق ربنا
وحق الله شهدددد ما حبيت مثلچ ما حبيت اني ابد ما حبيت
انتِ اول حب بحياتي وكسرررتيني فوك كسرتي كسرتيني .
كعدت على رحلة من منطر الدم وحالته وعيونه شصار بيها
ورجفته خلص حيلي بعد خلص گعدت وراسي نزلته
تقرب ورفع وجهي ثبت عيونه بعيوني
_ حاجيني ريحي گلبي اريد امل لو واحد بالمية بيوم
تصيرين اليه وتحبيني وتحاربين حتى نصير اثنيناتنا
تحت سكف واحد مثل ما اني احاوب عليچ ومستعد اتحمل كلشي
حتى احصل على شهدددد انتِ اريد منچ بس كلمة متمسكة بيَّ
ومستعد كلشيي اسوي والله مستعد كلشي اسوي .
ضرب الرحلة الي قريبة مني وصار قرررريب كلششش قريب
_ تدررررين جنت اكره علي الآكبر وضجت من دُر بان دخلته
حياتنا بعدين من التقيت بيچ وتعرفت عليكم اكثرر وشفت
خوفكم من الله وحبكم لبعض وحنانكم وكلبكم طيب عذرتها
وعرفت شنو سبب اختيارها ، وانا اريد نفس الحنية
والاهتمام اني احتاج هيج بحياتي تربيت محرررروم منهن
كلهن لا شفت حب ولا احد احتواني وعلمني اني ربيت
روحي وطلعت عن الطريق بس رجعت والله وجعت لا مخدرات
ولا شرب ولا نسووووان تبت والقررررران تووووووبة .
نزع السترة ورفع ردن القميص وفتح ايده متأذي بس ما مهتم
انــور : مستعد اتعلم اصلي واصلي واحفظ قران واصير
مثل ما يريدون وحتى الوشم هذا الوشم تارس جسمي تررررس
بس مو ابوچ مخلي الوووووشم حجه امسحه كله امسحه
حتى لوووو اطول بس امسحه .
تلمست الوشم بيده بلا عقل مني ومشيت اصبعي بخط مستقيم
ارسم شكل الوشم وهوَّ يتبع ايدي بصدمة لان لزمت الوشم
شهد : اني حبيتك من شفت الوشوم بجسمك اذا تمسحهن
لوووو تموووت ما اصير الك .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..