_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
ستؤمن بي وستُلحد بهُن، انا توبتُك وهُن الذنوب
لطفا لا تنسون التصويت والتفاعل بين الفقرات
⊰حُــرة ⊱
بنبرة الصدمة وبدموع تنزل كلها عتب نطقت كلماتي
_ الصياد رجع يشوف حُــرة ؟
حجيتها وعيوني تگلب فقدت وعيي بين ايده وگعت غشيانه .
صحيت على طبطبة على وجهي فتحت عيوني بثگل
جريت روحي وگعدت ودموعي تجري بلا صوت
حُــرة : ليششششش هيج تسوي عاقبتني نيتك تعاقبني
ذاك يوم الطلاك وهذا يوم ما كلفت نفسك تعرف شلوني ؟
ريــان : لا تبجين احجي بس احجي ، برضاتچ صار العقد
بينچ وبين الحيوان ابن الحيوانات اكرم ؟
هزيت راسي أنكر تفكيره وگعدت على حيلي
افهم بي واشرح ودموعي دقيقة ما سكتت
حُــرة : بجيت وملخت روحي وتعارك بس حتى مايصير
وحتى فهمت الشيخ اني مصار زمان على طلاگي لازم اخلص عده
تهدد الشيخ واني هددوني بشرفي ، عمران يگول سألت
دام ريــان ما داخل بيها يعتبر خطيبها ما واجب العدة وطلعت بس للمتزوجة .
ريــان : يفتهم ويسأل الـ**** اذا ما ابجي اذا ما اهلي عمران يبجي دم .
حُــرة : واني اخليك تبجي على صار بيَّ .
ريــان: حقچ والله حقچ سمعت كلام زعطوط وطلگت
المفروض جان اكسر راس راسچ وادخل بعينچ ما اقبل المفروض ما اوافق .
حُــرة : انت متسرع ؟
_ اني ؟
هزيت راسي وتلمست إيدي صايرة بلون ازرگ طوخ
اقترب يريد يشوفها سحبتها ورفعت عيوني تلالي بدموعها
_ ميصير تلزمني .
_ تحرمتي عليَّ .
_ اي .
_ ترجعيلي ؟
_ اي .
_ بس امسحي دموعچ حتى اعرف احجي .
_ خلصني منهم .
_ ردت افوت اتفاهم وياهم كلهم ضدنا
ورفعوا قضية على علي الآكبر بتهمة الشروع بالقتل .
_ عزززززززا ليشششش .
_ ضرب عمران على راسه وفاقد الوعي .
_ ابوس ايده هل علي الآكبر كفوووو والله زلمة .
يجاوبني وعيونه تلمع يتفحصني بيهن
ويحاول يقترب مني بعدين يتراجع ويكمل كلامه
_ برد كلبي بس خايف عليَّ .
_ عمران بيوم العقد ضربني على راسي
وصلوني للمستشفى من الضرب ردت اموت وانت ماكو .
_ والعباس حُــرة والعباس اذا ما اخليهم لا نهارهم نهار ولا ليلهم
ليل ويدورون على راحه ما يحصلون شي منها ادمرهم رجعت ادمرهم .
نهض يريد يروح صحت برهبة اريد انهض أجه يستوقفني
حُــرة : لا تروح لا تروح لا تعوفني وحدي لا تروح .
ريــان : شمسوين بيچ لچ انتِ حُــرة لا انا ولا انــور
نگدر عليچ ترجفين من الخوف ترجفين .
_ تعبت تعبوني ضربوني هواي جسمي يوجعني
يخوفوني كلهم يخوفوني ليش تروح ليش تعوفني
والله بعد ما اتجاوز عليك ولا اضربك ولا اعلي
صوتي بالبيت ما اخليكم تصيرون اعصاب وعد والله وعد بس طلعوني منا .
بقمة صدمته رفع راسه ونزع لثامه
گعد مقابيلي يفهمني بصوت خافت حنين
ريــان : اخذچ اكثر من يومين ما تبقين هنا بعد ، بس اذا
تطلعين هسة ويايَّ راح يعرفون انا الصياد وعدهم فديوات
توصلني مؤبد يصير كلشي ضدي واخسرچ واخسر روحي .
_ لعد شلون فتت .
_ علي الآكبر وجود دبروها دخلت ملثم محد يشوفني
وطالع بدون ما اخلي احد يشوفني شلون تروحين ويايَّ هادمين حيلچ همَّ .
بقيت أتبع تحركاته قبل لا يطلع التفت ينظرلي بحزن وندم
سحب السلاح من خصره وما ادري شلون نزل وطلع
وكفت بكل ما تبقى من حيلي امشي واتعثر وصلت للدرج
شفت ريــان التفت على باب الخلفي مناك يطلع مو من الحرس
ساعة بمجرد ما مرت ساعة واسمع صياح ابوية رج البيت بكبره
طلعت اشوف شكو اسمعه يحجي ويصيح
_ لك هذا الصياد مووووو علي الاكبر ما تشوووووووف عدل
شلوووووون فات على نص بيتي واخذ بنص الصالة صورة شلون .
محمد : هذا اخاف بعده بالبيت ومسوي كميل فتش البيت لك
حيوان انت وياه شنوووو شغلكممممم لعدد وين جنت انت وياه من دخل .
رجعت اعرج من وجع بطني وخواصري ما اريدهم يشوفوني
نمت بفراشي ارجف بس من الوجع ودفرات اكرم الكلب
مسحت دموعي وبقيت انتظرهم واستمع الهم شلون دايخين
بس عرفت الحرس راحوا رجعت طلعت كعدت بصف المحجر
ما اكدر اوكف ، اسمع ابوية يخابر بـ اعمامي يبلغهم
ياسين : اني تهددت اني واولادي وبيتي واملاكي بخطر
دزيت الكم الفديو هذا الجني متعاقد هو والشياطين شلون يفوت شلون .
ما اسمع ردات فعلهم بس زيد ابوية بالكلام وطلب اثنين
يوكفون بعد على ابواب ، وراح على مكتب يشوف اكو اوراق ناقصة
رجعت على غرفتي بعد ما كدرت اكعد ولا اشوف شصار من الألم
الثاني يوم صراخ اكرم ومحمد خلوني افز واقفل باب غرفتي
اخاف يجوني ويضربوني معقولة كشفوا صياد نفسه ريــان ؟
اسمع اكرم يصرخ بعلو صوته
_ لك انت منوووو منووو وتهدد ؟
فتح الصوت اعلى شي حتى يسمعهم جاوبه بصوت غريب خشن
_ اندگيت بالصياد ، ليلك اسوي صبح ، اخلي على جروحك ملح .
_ انت لو زلمة واجهني .
_ لا تتوازه الوحك الوحك لا تتوازه على موت .
_ اطيح حظ حظك يا ******** .
_ تايه انت ، من اريدكم اتگلب عليكم كلكم والزمكم
اكسر ضهركم ومن عيونكم انزل دم مو دموع حذرتكم انا انتظر افعالي اكرم .
انسد الخط اتصل محمد خايف بس اكرم عكس محمد
ابد ما يخاف ولا سمعت صوته وابوية يجاوبهم
_ احنا رايحين نلقي القبض على علي الآكبر
من ارجع نشوف موضوع الصياد ، اكرم خلي
يروح للمستشفى يشوف ابو .
طلعوا راح صوتهم واني كلبي مردني مرد شنو حالچ يا دُر هسة ؟
علي الآكبر...
واكف بظهر بيت عمران انتظر الصياد يطلع وحسيت صارت حركة
بس شفته هو يبحوش بالتلفون ضربته على ضهره احجي وياه
علي الآكبر : ستعجل نطلع قبل لا ينتبهون .
ريــان : انــور وين ؟
_ راح هو وابوك الهم يتفقون وياهم .
_ وانت شلون تتصرف .
طفرنا من السياج على شارع صعدنا السيارة جــود يسوقها
اتصل انــور يأكد موضوع الدعوة وصدك رافعيها بتقرير طبي
رجعت للبيت ريان فات وانور ويوسف دخلهم ابوية على استقبال
حولوها من حنة فرح لمشاكل وقضية اولاد الزنة
غيرت ملابسي ضميت لثامي اريد اطلع فاتت دُر
تلمست ملامحها من البجي منفوخه عيونها
_ رايح برجلك عمو يگول تريد تروح برجلك .
_ لان ما خايف وانتِ اريدچ قوية زلمتچ علي الآكبر
عيب هل دموع تصب اريدچ قوية مثلي ما تهابين
وتخافين غير بس الله سبحانه .
_ اخاف عليك .
_ ارجع وغلات دُر وعيونها راجع هذولي زعاطيط العب عليهم
وعلى اكبر واصغر واحد بيهم احودهم حود واسبيهم سبي وحگ علي .
بست راسها جهزت نفسي سهلتها على دولة وقمت بالواجب
طلعت الهم كلهم بالاستقبال انــور نهض صفگ بيده
_ يا اخي غلطططط المفروض تختفي من العين كم يوم
بين ما ندبرها نشوف حل بكاميرات القاعة .
علي الآكبر : يا كاميرات ؟
انــور : القاعة شبيك .
علي الآكبر : عطلانه خطية كل كاميراتهم .
_ لا شغالات من حجزت القاعة بلغني شغالات .
علي الآكبر: بساعة العركة عطلن خطية كلهن .
_ شلون هيچ .
علي الآكبر: بالعافية عليچ خوية شهد زوجچ فهيم .
گلب عيونه ما يعجبه كلامي لمدگدگ
_ فهمت انت عطلتهن .
ريــان : صنديد سكندر گدها وگد عشرة مثلها لك يا اخي
عقلك هذا عقلك يعجبني كون ينباس .
علي الآكبر: انا رايح انتوا تشتغلون على بارد مثل ما متفقين
انــور : اني وياك اروح .
_ شكو ليش تروح ؟
_ عندي ناس عرف يخلصوها النا .
_ ما يحتاج .
_ ما اخليك تروح وحدك اروح غصباً عليك امشي اطلع يلة .
_ يريدني اغمه .
اجه بتجاهي لزمني من ردن القميص طلعني مستعجل
يشرح على عرف وناس واصلين هناك ، اول ما دخلنا
سلما على ضباط اثنين واحد منهم تقدم وصاح على مفوض
_ اعتقله ابني .
بعدنا نريد نحجي ودخلوا اثنين واحد ملامحه مو غريبة عليَّ والثاني
ما اعرفه ، اثنينهم علاقتهم قوية بـ انــور واثنينهم اعلى رتبة
احتراماً الهم استقبلونا گعدنا دقايق تحقيق وتدخلات
الضباط وانور تداخلوا سألني
_ وين كنت اثناء الحفلة .
_ يعني سيادة النقيب انت تعقلها اني اتواجد بحنة اختي
اكو اخ عراقي يروح يحضر خطبة لو حنة لو عرس اخته وين عايشين .
الضابط: صح كلامك يعني ابد ما جنت قريب من القاعة .
_ وافرض قريب من القاعة نقيب احمد يعني اني ضربته .
_ واذا انثبت العكس ؟
علي الآكبر : يب كاميرات ، احد الشهود الموجودين لان
معازيم هواي واكيد كلشي يشوفون اسأل حقق وياهم .
جماعة انــور صاروا يتجادلون همَّ والضباط الباقين
على باقي الإجراءات وعلى ضروري انتظر يمهم
كلمة مني موضوع من انــور ، على تدخلات الضباط
دخل يوسف من شافوا وعرف عن نفسه اشر النا على الباب
يوسف : انتظروني برا بابا دقايق .
طلعنا كلنا ظل بس هو والضباط كلها خمس دقايق وطلع اشر النا نطلع
علي الآكبر: شصار ؟
يوسف : يريدون المالات ورقت لهم يدللون اهم شي تطلع منها .
علي الاكبر: وين ريــان .
يوسف : هو وجود ماعرفت وين راحوا .
هزيت راسي ومشيت قبلهم اخذت تلفوني من الاستعلامات
ومشيت مستعجل خابرت على ريــان مايجاوب جــود بسرعة فتح خط
_ انت وياه وينكم .
جــود : ناخذ صور بيت ياسين .
_ عاشت ايدكم يلة اطلعوا لا تنسحلون سحل الزمايل يلة .
ريــان: طلعت ؟
_ اي راجع .
_ تعال على بيتي بمنطقة *** انتظرك هناك .
_ على شنو ناوي ؟
_ على شر ابرد كلبي بيهم .
_ قادة وعيالة بوية اطمهم طم وحگ علي .
يوسف راح وانا اشرت على انــور اجاني صعدنا بالسيارة
افهم بي شنو لازم نسوي وصلنا البيت ريــان فاتح اضاءة البيت
دخلنا البيت صاير تراب دفعت الباب جــود بالمطبخ
_ ريــان ينتظركم جوة .
دخلنا على استقبال متمدد ريــان لازم راسه
انــور : شبيك ؟
_ راسي مو زين .
علي الآكبر: لازم تنام كون بعمران مو بيك .
انــور : هو عمران ظل عنده راس تفلش .
علي الآكبر: تتذكر انــور من حصرتك بالسيارة ودگ على راسك ؟
ريــان: اسكتوا انت وياه .
رجع جــود بيده حبوب وجع راس وجاي وماي
اخذهن ريــان وعصر راسه وهو يفهمنا الصار
_ بنت عمي لازم تطلع من ذاك المهجوم اليوم باجر تطلع
حالتها فطرت كلبي والله كلبي من الوجع احس يريد يوگف .
جــود : من يضربون بنات لا حول ولا قوة شنو حساسهم والله
اريد افتهم اني اذا اصيح على اخواتي مرات ليلي ما أنامه
احوالي تتبهذل الله يكسر ايدهم حتى بنت عمك صغيرة
مو مال ضرب محبوبة خطية .
انــور : منو محبوبة .
جــود : ام ريلاكس هاي الناعمة الحلوة البنية عبالك طفلة .
هو يحجي وريان ذب كلاص الماي كله بوجهه وهجم رفعه من التيشيرت
_ انجب لك .
_ شبيك ؟
_ انجب عزيزي انجب .
_ فهمتني غلط .
_ عيدها وشوووووووف عيدهااااااا .
رفع جــود ايده دفعه ريــان ورجع بمكانه
بهل اثناء اتصل أبوي عليَّ يريد نرجع
اخذهم وطلعت اخذتهم وطلعت بس ريان جان
مو زين طول الطريق مرجع رأسه ومغمض عيونه بس وصلنا للبيت
لمحت أبوي منتظر بالباب قلقان وجهه اصفر
دخلتهم كلهم واخذت صينية الجاي من شمس
شربوا شوية وراها بدقائق فراشنا السفرة الأكل
التهينا نحجي ونتفاهم صار ما صار بالمركز واشرح على أبوي شنو صار واتصل يوسف بلغ انــور عمران مو زين وياسين وأولاده وإخوانه ناوين على الشر ضحك ريان مستهزئ بيهم وأبوي مهتم
ابو حسن : اتركوا موضوع عمران عليه أنتوا عليكم البنية تطلع مناك .
ريــان : هل يومين عمي وحق الله هاليومين .
بعدنا ناكل ودخل يوسف دايخ بموضوع إخواني قاعد بس هو هو وأبوي ما أدري شنو يحچون ، بس التهيت اصفن بريان ، عفتهم يحجون ودخلت على
دُر بست رأسها أول ما شفتها عيونها هدمت حيلي
_ شنو صار ، علي الاكبر صار ساعة
من رجعت ساعة ليش ما جيت طمنتني .
_ يا روح العلي الأكبر أنتِ انتهيت وياه وهسه إجيت
_ شنو سويتوا طمني .
_ محلولة أبوية المهم هسه أريد تفوتين
تشوفين أخوچ ريان لأن وضعه ما أعرف شبيه .
بس حچيت هيجي تخربط كل وضعها عافني
ودخلت الركض على الاستقبال تتلمس براس ريان
_ ريان حبيبي منو ضربك ليش هيچ وجهك أصفر عبالك مال موته
_ دُر حُــرة مو زينة ؟
گاعدة قريب منه وهو يشرح لها صار ما صار وياه وشنو حال
حرة من شافها ودُر تسمع أحد ينضرب ينهد حيلها وبعد ما تگدر تتحكم
بدموعها حضنها طبطب عليها جنت اريدها تواسي صار هو يواسيها .
وجهت نظرتها تجاهي تعاتبني على حال ريــان
طلعت من الاستقبال توجهت على بيتنا تريد تجيب علاج
رحت وراها أسمع صوتها من الباب اتناشغ
_ افااااااا افاااااااا ادموع غاليتي تنزل .
_ حرة عاشت نفس عذابي ، هي تتعذب واحنا گاعدين
هنانا شنو معقولة ما بيدنا شي عود أنتوا الصياد وعلي الأكبر
المفروض هسه تهزون الگاع بيهم زلزلهم علي الأكبر سوي شي .
_ أگدر هسه أروح واخذها من نص بيتهم
بس لازم تخلين ببالچ أنا ما أعود لحرة يعني تنحسب نقطة حمرة
وريان اليوم طليقها هو طلگها وما أعرف إذا العقد بينها وبين أكرم
صحيح أو مو صحيح بس تنحسب عاقدة على شخص ثاني شلون
اخذها مو بهالسهولة دُر روحي أنتِ مو بهالسهولة .
أخذت العلاج ورجعت أنا وياها سمعت أبوي اتفق هو ويوسف
وانور يتمون العرس بات ويشتغلون وقت عمران
بالمستشفى كلهم ملتهين بي اتفقوا على كل شيء
وأنا وإخواني تركنا الموضوع بيد أبوي
ما دخلنا بموضوع عرس أبد أبوي شاف
هذا صح هذا صح دخلت على البيت
شهد منظرها مو منظر عروس جانت تعبانة
وشمس مقابلها تهز برأسها
علي الآكبر : شهد حبيبتي رفعي راسچ احجي شصاير ؟
شمس : أمي لعبة لعب بالكلام خربت فرحتها خطيه عروس
يعني خلت البنية تصب دموعها من رجعنا الهل ساعة
تگول الها الي جاي يصير وياچ وعرسكم
جاي يخرب و فرحتچ ما تتم بخير
لأن أنا ما راضيه عليچ امچ ما راضيه عليچ .
خليتهن ودخلت على غرفة امي گاعدة ادري بيها
مقهورة على حال شهد والصار وياها بس تكابر
_ طول عمري اگول ماكو بطيبة قلب أمي
ليش تسوين هيچ يمه رجعي مثل قبل بنية اختارت
وحبته احنا إخوانها وياها هي بحاجتك هي البنية
شوكت تحتاج امها مو بهل ايام فرحتها بعرسها
خليتها وحدها يمه وحدها بنتچ الصغيرة
وتزيدها وتكسريها بكلامچ ليش ليش يا أمي ليش .
التزمت الصمت تجاهلني وكأنه آني مو موجود اخذت أيدها
بستها بست راسها حجيت بكل هدوء وتفهم
_ خلي الزعل يولي يمه روحي لبنتچ
لا تخليني هالأيام مطبوعة براس شهد
ومن تذكرها تگول أمي عافتتني أمي
ما وگفت ويايَّ أمي ما سندتني .
_ أنت وشهد ولا يمكن راح يجي يوم وأرضى عليكم .
_ ليش ست ميثاق ما راضي علينا معناها أنت ما ترضين
ترست راسچ بالحقد والنفاق لان تغار منهم بكلشي همَّ احسن منها
وتريدين لأن ميثاق ما راضية لا على دُر ولا على أخوها
لازم احنا نطلگ لازم احنا ما نعيش حياتنا نعيش بكيفها حتى ترضين .
طلت النظر بأمي مبتسم بخيبة رفعت راسها تشوفني
هزيت راسي بأسف نصحتها قبل لا انهض منها
_ رجعي أم حسن الجبير والصغير يسولف بحنانها
كلها تعرف أم حسن شنو من قلب شايلة لا تخربيها
لا تخلينا ننفر منچ دخيل الله يمه الخاطري وأنا ادري
اشكثر عزيز عليچ ميثاق من حياتنا طلعيها.
وقبل لا أطلع بس إيدها ورجعت بس راسها طلعت بدون ما أسمح كلمة منها
شفتهم كلهم واقفين أنوار وريان ويوسف وأبوي يودع بيهم وجود
يسولف هو وأنوار وصلهم للباب وأنا وياهم ودعتهم واتفقنا باجر
يجهزون النواقص من العرس وأنا اتكفل بالباقي .
الوقت تاخر والمنطقة هدوء لكل نايم ما دخلت
البيت عبرت على ممر بيتنا شفت الباب مفتوح
فتت وقفلته ، مشيت بخطوات محسوبة للغرفة
شفت دُر گاعدة تنتظرني أول ما شافتني
رفعت عيونها مليانة بالدموع
_ خاطري أطلب منك طلب .
_ عيوني إذا أقدر بعيوني .
_ خليني أروح يمهم خايفة عليهم .
_ وأنا أخاف أخاف أوديك هناك وضع خطر هنا أمان أكثر .
_ و الله خط التلفون ينفتح ما ينسد والله و الله .
_ باحر الصبح تشوفيهم .
_ شلون أگدر انام أنت شفت حال ريان على اقل
آني شوية أعرف إذا يصير شي يمهم .
_ تخليني بنص النار وتروحين مكان خطر شلون أوديچ .
_ عيوني ما راح تغمض آني آني أعرف نفسي .
_ جهزي نفسچ .
اجت باست خدي وبدلت فستان على سريع وطلعت
جــود برا گاعد فاتح باب المطعم يرتب بي بنص ليل
علي الآكبر : تعال اقفل الباب ورانا .
جــود : وين رايحين آلوقت تأخير .
دُر : يوصلني على بيت اهلي .
جــود : صدك بعد وكت روح روح وصلها وارجع
راح اعمر نركيلة وحبشكلات اشتري نسهر .
رحت اطلع بالسيارة من يحچي هيج دُر تلتفت عليَّ
ترفع حاجبها وتخنزر بعيونها عود تخوفني هههههه
دُر : راح يوصلني ويرجع ينام باجر وراكم شغل هواي .
جــود : اي نشتغل عندچ وعند اهلچ .
دُر : علي الآكبررررررر .
علي الآكبر: غصباً على راسه تعالي روحه انتِ تعالي .
صعدت بصفي هي تخزر بجود وهو يخزر بيها
بس طلعنا ألتفتت مركزة بيَّ تريد بس اسألها شبيچ
بقيت مسوي روحي ما أشوفها ومنتبه على طريق بس أنا حافظها
وصلنا للباب مالهم نزلت ضربت الباب كل قوتها ضحكت بس
شافتني ضحكت عرفتني مفتهمها ومغلس رجعت فتحت
الباب وهي نازله صاحت
_ ما تحجي ماتريد اكول لا تروح وياه تسهر حتى لا
تضطر تحلف ماتروح بقيت متجاهل نظراتي كُل الطريق برافووو .
_ هو شنو بوية ؟
_ ماتعرف شنووو ؟
_ لا تصيحين صوتچ لا تعلي .
_ لا والله وشنووو تسووووي مثلاً اذا رفعت صوتي .
_ صوتچ بوية اخاف على بلاعيمچ تظل توجعچ .
نزلت عيونها ماتريد اطلع نفسها زعلانة بس سكتتها هذا اسلوبي
وياها من اشوفها عصبية حتى لا تكبر المشكلة وهي صغيرة
ولو ارجع على صدك ضجت لان رفعت صوتها بوجهي
بس اخاف انتر بوجهه وتروح تزعل وزعلها مو هين عندي
دُر : روح اسهر براحتك .
_ فوتي عيوني يلة حتى احرك السيارة واروح .
رجعت ضربت الباب وراحت وانا حركتها راجع للبيت .
دُر ..
دخلت على بيت اهلي بس رنيم كاعدة جوة بعدها
من شافتني انصدمت ، عبرتها اريد اصعد صاحتني
_ لا تروحين على غرفتنا ريــان اعصاب وحتى اني طردني .
تجاهلتها وصعدت امي طلعت من غرفتها
_ ها اليوم هنا .
_ اجيت أشوف آخواتي .
_ حنينة فدوة لعيونچ .
_ الحمدلله ماطلعت عليچ .
دگيت غرفة انــور سمعت صوته مبين نايم .
_ ادخل .
فتحت الباب وامي تراقب
وفاء : مو تعرفي مايحب من ينام احد يدخل .
من شافني ابتسم عدل نفسه بس ظل نايم على ظهره
_ فوتي دُرر فوتي وسدي الباب وراج .
_ اجيتك حبيبي .
دخلت وسديت الباب وعفتها برا بصدمتها
_ بالي يمكم ما گدرت ارتاح شلونك شفت
محمد ضربك حيل على راسك .
_ هذا محمد الـ*** ضربني انا ماشفت منو من الهوسة .
_ اي محمد بالفازة مال ورد ضربك حيل .
_ سهلة .
تلمست مكان الضربة مبينة
_ شهد خابرتها ماجاوبتني .
_ اكيد نامت من التعب ترا الساعة ب3 .
_ باجر اريد تنتبهين عليها خربوا فرحتنا هل حيوانات .
_ تدلل ، ريــان شفته .
_ گال اريد ارتاح لا تروحين انتِ هم ارتاحي .
هزيت راسي اريد اطلع صاحني واني بصف الباب
وكف على حيله متوجهه للكنتور طلع دوشك ولحاف زيادة
_ نامي هنا بالغرفة امان اكثر .
_ وانت .
_ راح انام هنا افرش .
فرش فراش بصف السرير على ارضية
وتمدد واني بعز صدمتني سألته
_ ليش ما اروح هناك بالغرفة .
_ ماعندي ثقة لا بـ امي ولا برنيم كلشي يصير يمكن يدخلوهم علينا .
_ لعد شلون راح تجيبون حراير وشهد هنا .
_ من نصفيهم .
رحت على فراش رن تلفوني فز انــور رديت بسرعة
_ شفتيهم ؟
_ اي .
_ شلونهم .
_ انــور زين
_ وريان ؟
_ ما ادري .
_ نامي .
_ انت وين ؟
_ سبحت راح انام قفلت البوب .
_ وجود يمك .
_ لا راح نام بغرفته .
_ الحمدلله .
_ ههههههههههه .
انــور : يلة دُر حبيبتي نامي .
علي الآكبر: هذا شنو شكووو .
_ انــور .
_ وينه .
_ نمت بغرفته .
_ ليش ؟
_ امان .
انــور : سدي الخط بوجهه ونامي .
_ لااااااا بقي الخط فتوح مو متفقين .
_ اي صح متفقين اخلي الخط مفتوح .
انــور : نعمممممم شنو مخطوبين ؟
علي الآكبر: بكيفنا لك المدگدگ .
خليت التلفون على صفحة وإيدي جوا راسي
من التعب والتفكير نمت بدون ما أحس الثاني
يوم الصبح فزيت على صوت انور شفته قاعد بيده المنشفة
_ الله العريس سابقنا وگاعد .
_ تأخرنا دور شهد بالمركز .
_ منو أخذها .
_ علي الأكبر من الصبح گعد لان هو گال اني اوصلها .
_ أنا أشوف ريان أخابر جود أو علي الأكبر يجون يأخذوني .
_ وأنا راح أكمل الأمور بالقاعة اريد يصير كلشي مثل ما اريد .
_ راح يصير إن شاء الله يصير ربك ربي يرد
كيدهم في نحورهم يبعدهم عنه .
طلعت من الغرفة البيت ولا عبالك أكو عرس الكل نايم
ما أدري الكل بغرفهم ، دخلت الحمام غسلت وجهي
أريد أروح الريان أجت رنيم لونها مخطوف حجت وهي تأشر على الباب
_ من البارحة أحاول افوت للغرفة قافلها
الصبح إجيت أريد أشوف شلون صار ماكو بعدها مقفولة .
تركتها وبقيت ادگ بالباب دگيت دگيت ماكو جواب .
رجعت على غرفة أنوار صحت
_ انووووور وينك انوووور .
طلع مستغرب من صوتي اشرت على الباب ودموع تريد تنزل
_ انور ريان ما يجاوب فلشت الباب اتفلش وما جاوبني تعالى عافية .
شمر المنشفة مفزوع ركض على الباب يدك
بكل قوتة ويصيح بأعلى صوت
_ ريان تسمعني أنت تسمعني افتح الباب .
طلع أبوي من غرفتي على صوتنا من شافني وانتبه على وضعنا سأل
_ شبي ريــان .
انــور : صفية وين صفية المفاتيح مفاتيح الاحتياط لغرفة ريان .
صعدت تركض وحتى صفية صارت تخاف علينا أكثر من أمي
اللي ما بدر منها أي رد فعل بس أخذت وضع المتفرج
نزلت دموعي مجرد ما تخيلت شبي أخوي ليش ما يجاوب
سؤال بعد سؤال يدور براسي وأنا مركزة بانور شلون يفتح الباب
وضعه تخربط نضر بعيوني قبل لا يفتحه
وعيونه ما تفسر من الخوف دفعوا ودخل الغرفة
فارغة بس بس صوت الماي مفتوح
ملابس ريــان والفراشة بعدهن نفس وضعهم
يعني شنو ريان ما نام بفراشه ، الماي الماي ليش مفتوح ؟
ردت أدخل انور رفع ايده يمنعني ، ورنيم أيدها على قلبها تاكل أظافرها
تهز برأسها ملامحها ما تتفسر تلزم أبوي وتصيح بصوت يرجف
_ شوفه روح شوف ريــان شبي رووووووح .
رجلي بعد ما تساعدني أوگف گعدت على السرير
انــور فتح باب الحمام صاح بصوت مخيف ، يضرب
بالباب بكل قوتة الباب مفتوح بس يضرب بكل قوتة ، سد
الماي وطلع ويصيح على أبوية
_ إسعاف بسرعة إسعاف أخوية ولكم ريان ولكم ريان .
فات ابوية يصيح بـ اسمي يريد اجي
_ تعالي بعده بملابسه تعالي شوفي النبض .
دخلت وياريت ما دخلت ريــان مشمور بالحمام من البارحة
تلمست مكان النبض عنده نبض ضعيف ، شفايفة اشوف شفايفه
زرگ صايرات ولونه اخضر عبالك ميت ، اخذت ايده على كلبي
صايرة ثلچ ، دخل انــور صار مقابيلي يريد يرفعه
بنبرة الصدمة نطقت كلماتي
_ ريــان مريض صرع ؟
سد شفايفي وفتح عيونه يمنعني احجي
ابوية باب الحمام يحجي هو ورنيم يصيح بيها
لان ما بلغتنا ، التفتت وجاوبته حتى يسكت
_ لا بلغتني بس ما عبالي هيج فاقد الوعي .
من طلع يشوف الإسعاف همست ونبرة صوتي ترجف
_ صدك جاوبني ريــان مريض صرع .
_ اي جان بس علي الآكبر يعرف
بعدين بلغني وريان رافض فكرة احد يعرف دُر
اذا يطلع الموضوع من عدنا ما يسامحنا .
_ ليش ؟
_ هو صرع نفسي بس من ينضغط عليَّ نفسياً
والبارحة تعب ومن شاف وضع حُــرة ماتحمل .
_ احتمال بمرة من النوبات نخسر ريــان .
_ لا هذا الصياد مايصير شي بي حُر يتگلب على العدو .
صوت الإسعاف صار عالي برا جر انــور لحاف لان ريــان
بس بالداخليات ، ودخلوا اثنين مسعفين والسايق وانور
كلهن متگابلين نزلوا ريــان وهو فاقد للوعي تماماً
قبل لا اطلع شفت رنيم وكفت بعيد وجهه ابيض من البجي
صاير احمر دم ، رحت يمها رفعت وجهه أطمنها
لان حامل مايهون عليَّ اعوفها خايفة
_ ما بي شي لا تخافين اني بس يفتح عيونه اخابرچ
واذا تريدين تحجين وياه هم تدللين بس ارتاحي لا تبجين .
عفتها واني انزل صحت بصوت على صفية
_ عينچ على رنيم خليها تغسل وتتريك مو زين على طفل
وخابري امها تجي يمها ادير بالها عليَّ لان بعذا البيت
حتى اذا شخص يموت ما يدرون بي والدليل ريــان .
صعدت بسيارة ابوية وانور بعده بالتراك راح
بسيارة الأسعاف، ما طول احنا بالسيارة وابوية يخابر
دگاترة وحجز بمستشفى اهلي معروفين بشطارتهم
نزلنا مقابيلها بمجرد ما دخلنا اتذكرت تلفوني بالبيت
وبغرفة انــور وانور من يطلع غرفته تنقفل لان بيها شغل
نسيت والتهيت من استلموا ريــان من باب المستشفى اخذوا
من عدنا انــور من الركض والهبطة گعد وايده على راسه
دقايق قليلة بس وطلع الدكتور ما راضي علينا كلنا
_ حالته جداً خطيرة وين جان معقولة ما حسيتوا عليَّ .
انــور : صارت وياه بغرفته وبوقت متأخر كلنا نايمين .
_ حالته هاي اكيد قبلها اعراض ما معقولة بسرعة صارت .
دُر : صح قبلها يشكي من راسه وعيونه طفت .
عافنا ورجع دخل شفت الساعة من بعيد ب10
ابوية داخ من الصار كله ركض بركض
تمسك بيَّ واخذته امشي للطوارئ دخلنا
قاس الضغط ، والسكر ونام على سرير يريح راسه
رجعت اشوف ريــان سمعت انــور يحجي بالتلفون
كعدت قريب منه اسمع صوت علي الاكبر يحجي
_ انــور انت وين مختفي ؟
_ اجلوا العرس اني بالمستشفى
ريــان حالته خطرة ممنوع احد
يعرف ريان بالمستشفى وبالخصوص بيت ياسين .
_ تقصد حرة ، المهم عمران ناوي ينفذ التهديد انــور .
_ انا مطمأن علي الآكبر واخوانه موجودين .
_ استلموهم علي الآكبر واخوانه استلموهم .
اشرت لأنور اخذ التلفون سلمني الجهاز وراح ابتعد
_ حبيبي .
_ الحمدلله على سلامته .
_ زعلان لان نسيت التلفون ؟
_ عادي .
_ يعني زعلان .
_ مو مهم .
_ اني هم زعلانه .
_ فريها لوفيها .
_ ليش ابد ماذكرت مرض ريــان .
_ لان هو مايريد .
_ وحتى لو اني اختلف .
_ لا ما تختلفين الأمانة تظل امانة وهو
امني على سر على موتي ما احجي بي .
سمعت صوت هوسة قريب منه
علي الآكبر: دُر رايح ارجع شهد من المركز
والله حاير شلون ابلغها حتى عرسها خرب
ومن ترجع اني اجيكم .
_ انتظرك لا تعوفني وحدي .
_ راح اجي .
_ وشهد .
_ كلبي ما ينطيني انا ابلغها
اخلي ابوية وجود يروحون .
ظل يحجي ويايَّ اسمعه يحجي الصار وعمي صفگ بيده وصاح
_ لا يا الله ما يستاهل هل زلمة ولا ارتاح بحياته .
_ انا اروح الهم .
_ ما عرفت شنو بي ؟
_ يگولون ضغط عالي هسة اروح واتأكد .
سمعت خطواته تبتعد مبين طلع وصوت الشارع والسيارات
_ دُر بوية ما طلع الدكتور بعد ؟
_ لا .
_ اكلتي شي من البارحة لليوم .
_ اخر مرة اكلت .
_ اي شوكت .
_ اول البارحة وياك تعشيت وبعد ما اتذكر اكلت .
_ عفية بنيتي .
تذمرت بقلة حيلة ورديت بنبرة صوت خافته من الملل
_ مو تدري هل طبع مو بيدي تعودت اعيش
ايام بلا اكل ولا شرب عادي واعيش طبيعي.
_ بدلي عندچ سوء انتظام تغذية حتى الدكتورة حجت عليج.
_ بس ارجع اكل .
_ وصلت يمكم انا .
سديت الخط وعيوني صارت على الممر انتظر علي الآكبر
يمر وعيوني ادوره ، بس شفته مر بطولة وهيبته ورزانته رحت سريع
وصلت عنده ملت راسي سحبني من ايدي حضني وباس راسي
_ لا تخافين بوية شبيچ جاي يتعالج وباقي شي قليل ويطيب منه .
التفتت من طلع الدكتور رجعنا عليَّ وهل مرة يحجي بأسلوب
_ الحمدلله كدرت اخذ منه رد فعل بس يحتاج يرتاح
نفسياً وجسدياً ، حاولوا قبل لا يطلع توفرون بيئة هدوء .
_ بس يصير زين ويطلع اخلي يسافر يكمل علاجة .
علي الآكبر: اي بعد انت اخو الغ الجبير گدها وگدود .
عافنا الدكتور وراح وهو يبلغنا هل يومين ريــان يبات يمهم
تحت المراقبة ، من سمع علي الاكبر ضحك وهو يحجي
_ ريــان بس يفتح عيونه يطلع وهذا يگول يومين .
دُر : وهي شنو شغلت عناد .
_ مو عناد روحي بس صاحبي واعرفه الف شغله براسه .
_ ما طايرة هل شغل صحته اهم .
علي الاكبر: مو اهم من حُــرة عنده .
بقينا لا ساعة ولا ساعتين ننتظر ماكو امل يگعد وندخل
انــور وعلي الآكبر اتفقوا عليَّ اطلع من المستشفى
قبل لا نطلع دخل عمي ابو حسن واولاده بس جــود وسيف الدين ماكو
سلموا كلهم على انــور ، گعد ابوية ووالباقين كلهم
وانور يحجي الهم مختصر عن وضعه ، وعمي يستمع
اشر علي الآكبر حتى نطلع رحت وياه رجعت للبيت
من الباب عمتي كاعدة بالكراج بيدها ابن حسن صغير
_ ها شلون صار اخوج .
_ بعده فاقد الوعي .
_ ارتاحي ساعة واخذي حمام
اخذي قران وروحي اقري على راسه .
_ اي اي هسة شوية وارجع .
طلعت شمس وشوق من سمعوا صوتنا عبالهم تحجي عليَّ
ام حسن : يلة روحي راح اجيب وراكم صينية
اكل اكلوا لا تقفل الباب انت .
عفتهم ورحت على بيت وهوَّ ظل يمها يحجي وياها
تعجبت على تغيرها المفاجئ، دخلت بوجهي للحمام
دقايق وندك الباب فتحته شوية اخذت المنشفه من ايده
اني انشف وهو يعدل بملابسي اقتربت منه لبسني دشداشتي قصيرة
كعدت على سرير جاب الفرشة يسرح بشعري دخلت شمس
علينا ردت انهض لزمني يمنعني وكمل تمشيط
ضفر شعري واني احجي وياها
_شهد وين ؟
_ نامت .
_ اكيد مو نايمة بس مقهورة .
_ تگول هاي اشارات من رب العالمين
يمكن ينبهني اكثر من تنبيه صار .
علي الآكبر: شنو قصدها .
شمس : تگول يمكن زواجها من انــور غلط وكلام امي صح .
دُر : عزا اذا يسمع انــور عزاااااا هو وين بي حيل هيج صدمة .
شمس : ما ادري والله شكد حجيت وياها ولا تقتنع .
خليت ايدي على راسي تلفون علي الآكبر يدك
_ هذا انور .
دُر : لا تحچي شيء حباب علي هو اللي به كافي .
_ لا لا لا مستحيل أبلغك أصلا ماكو شي شهد أن أحچي وياها .
رد على المكالمة شاف الساعة صار العصر
_ ها المدگدگ .
_ ريان گعد دقائق ورجع نام
بلغنى يريد يشوفك أول ما يگعد .
_ جايين عيوني ساعة ساعتين وأنا يمك .
راحت شمس ، اريد اكل بعد روحي انسدت احتاريت شهد شبيها
جبرني وكلي بيده بس خلصت رحت اتوضيت
ورجعت صليت كل صلاة اللي فاتتني وبدلت
وعلي الأكبر بدل قبلي وطلعنا عمي گاعد
بالإستقبال وفاتح الباب سلمنا عليه وطلعنا ، جود بره
يغسل بالسيارة أخذنا السيارة الثانية وتوجهنا
للمستشفى ، بيدي القرآن دخلت على الغرفة
مالته گعدت قريب من رأسه على الكرسي صغير
خليت إيدي على راس ريــان و وبديت أقرأ القرآن سورة
بعد سورة القرآن كملت بست كتاب الله خليته على ميز
وطلعت قد علي الأكبر يحچي ويا أنوار من شافوني
غيروا الموضوع وأنا ادري بيهم غير والموضوع .
تأخر الوقت 10:00 بالليل ودخلت الدكتور على ريان
طلع وهو مبتسم فتح الباب وهو يخبرنا
_ تگدرون تفوتون هسه المريض بانتظاركم .
دخلت بلفة بس شفته فاتح عيني روحي رديت لي بس راسي
ابتسم ابتسم هيچ حنية وحنان وبقت إيدي بإيدي
علي الآكبر: الله الصياد الحر گعد منتظرك ولك .
ريــان : أريد أطلع الدكتور ما يقبل شوفلي حل .
انــور : وين تطلع ولك حالتك مو زينة تريد تلعب علينا أنت .
ريــان : أنطيتها كلمة لازم تتنفذ طلعني علي الأكبر .
عافنا علي الآكبر وأخذ انور وراح الدكتور
بالساعة هم يقنعون بالدكتور آخر شي
أجى وياهم بس ريان عنده علاج خاص
جايبه من دكتورة بالخارج ، ساعد أنور
يلبس ملابسه طلعنا وريان علي الأكبر وأنور يحچي ويا صار
وأني أمشي مقابيلهم ما يقبلون امشي وراهم صعدنا
بالسيارة رجعنا البيت أهلي اخذ علاجه اللي وصفة
الدكتور له صار يگدر يحجي ويانا طبيعي يضحك
يعبر ولا عبالك صاير شي العلاج كان قوي
رنيم اخذت غرفة ثانية التزمت الصمت
ما تحچي تعرف وضع ريان مو تمام
بس ساعة ساعة أشوف امها تخدمها
اخذت تلفوني من الغرفة لگيت رسائل
من شهد كاتبة بيها آني حايرة عادي من تفضين تجيني .
انتظرت ساعة وساعتين إلا أنا تأكدت صار أحسن
عرفتهم ورجعت اني وعلي الأكبر دخلت على
غرفتها عيونها ما تنوصف من النفخة
حالتها تبجي حضنتها وهي حضنتني بجت
_ لو أنت بمكاني أمچ ما راضيه عليچ ومثل ما جاي تگول
رب العالمين ما راح يوفقچ ما دام أنا مو راضية عليج
ويمكن هي كلامها صح .
_ أنا ما راح أحجي وياچ راح أخلي زوجچ يحچي اللي منتظرچ
اللي هلك من التعب الخاطرچ هو ما عافچ بس
انتِ تعوفي باصعب ايام حياته بهذا اليوم اللي واگع بمصيبة
وأخوه بشدة والمفروض أنت أكثر وحدة توگفين ويانا
تعرفين أنت شگد عزيزة علي عفتي كل شيء وجيتي
تگولين فال ما فال إشارة ما إشارة رضا مرضى
لچ انور يحتاجچ لچ انور ما يگدر بدونچ حارب على الخاطرچ .
طلعت أريد اتصل بانور علي الأكبر منعني
لازم إيدي وأخذ التلفون مني
_ الولد مابي حيل تجين أنت تزيدي بهاي .
_ لازم يتفاهم وياها اخاف بعدين ينصدم .
_ أنا أتفاهم وياها شهد يمي خلاص نقطة راس سطر .
على أعصابي رجعت لبيتي من التعب والتفكير نمت
ثاني يوم علي الأكبر ماكو انتظرت انتظرت ماكو
رحت يم البنات شهد جانت ملتزمة الصمت عمتي ابد
ما ضايقتني ميثاق رجعت لبيتها ، نرجس
وشمس وشوق براس شهد يحچون ويقنعون بيها
بعدنا نسولف وعمي دخل الساعة صاح باسم حسن
_ هذا أخوك سواها لك فلش راس الرجال
هجموا على بيت ياسين ويمكن يمكن أخذوا البنية حرة .
حُــرة ...
حسبت الساعات حتى يجيني كنت متأملا وما خيب ظني
من فتحت الباب واسمع الأصوات جوا شلون صارت
المفروض أخاف بس جنت ادري الصياد گدها
جانوا بس إخواني ثلاثة بالبيت الباقي كلها طالعة
وگفت على الدرج فاتحة عيني
ويا ثلاثة كل واحد بيهم لازم واحد من إخواني
يحذره يتحرك ضحكت أول ما شفت ذاك الملثم يصعد بخطوات واثقة اتجاهي
خلاني اقفز مثل الطفلة ، نزع قليل من اللثام وشاركني ضحكتي وفرحت
_ انا إجيت حرايري اجيت اضحكي روحي فداچ أنا اضحكي .
مدلي إيده كالأمير وأنا أضحك أضحك
اضحك فرحانه وفرحتي ما انطيها لأحد
_ حرايري خلي إيدچ بيدي أنت تريديني .
_ وما أريد غيرك أنا احبك صيادي .
تمسك بيدي وتحت أنظار إخواني طلعنا تركهم من الباب الثاني
الخلفي للبيت فتح الصياد القفل فلشه تفلش وطلعنا
سيارة انتظرتنا بالباب أول ما صعدت تحركت
السيارة تركنا الباقيين هناك شلون يرجعون
شوكت ما أدري ، بس هو فاقد من فرحته باقي متمسك
بيدي ولا تركها دقيقة وأنا ضحكتي ما فارقتني
ثانية رغم شكلي تعبان وحالتي وقهري من أهلي
بس كأني سجينة طلعت براءتها .
وقفت السيارة أمام عمارة عملاقة
فتح لي الباب ونزلني أشوف ملامحه
طال النظر بعيوني ك نزلت عيوني
لمحت بإيده ضماد مغذي
مخلي وهو يدخل عمارة بيده سألته
_ صياد شنو بيها إيدك .
_ تعبان من فراگج ولچ حراير .
رمشت بعيوني بفخر عضيت شفايفي بخجل
_ عوفيهن هذني ميت عليهن عوفيهن .
_ لا استحي شوية ترى أنا مرة متزوجة عيب عيب .
_ خاف جانت بالموته تحجي ، لا هسة صرنا
متزوجة ومتزوجة استلميني يلا .
فتح باب الشقة دخلت شقة مفروشة حلوة كل شيء بيها حلو
صفقت بيدي بحماس التفتت عليه صحت
_ يعني صدق سويتها خلصتني من بين إيدهم .
_ انطيت وعد وأنا گد الوعد يومين ما تبقين
يمهم وسويته يومين ما خليتچ تبقين ما أتخلى عنج
الصار والطلاق بطلبچ وانتِ تدرين طلبچ امر عندي
بس بعد الصار أعذريني طلب فراگچ مرفوض
الصياد صاد حراير وصادته فراگهم خط أحمر .
گعدت وبان حزني دموعي بعيوني
_ بس أكرم أخاف زواجنا صار أخاف مو باطل لازم نسأل .
_ لا هو بالحالتين أكرم يطلك حتى كلبي يطمئن وانت ترتاحين
إذا إذا تقبلين إذا تقبلين بعد ترجعين ترجعين مرتي .
_اممممممم هذا الموضوع أفكر بية لا اوافق عليك لو ما اوافق .
_ أي بنية ومن حقك ترفضين توافقين
شي راجع لچ ست حراير بنت ياسين العلم .
اتقرب بكل تردد مد إيده على طرف دمعتي اللي نزلت
_ لا تبچين يا ضوة عيوني .
_ ما ابجي .
_ ولا تعرفيني ماكو احد يحبچ بگدي .
_ من ابتعدت عرفت الفرق بينك وبينهم .
_ إذا همَّ يريدون حراير مصلحة ، أنا رايدها عمر .
_ وحراير تريدك .
اقترب مني إلى درجة ما بيني وبينه مسافة غمضت عيوني
حسيت بشعر لحيته قرب مني فزيت أني وياه على صوت التلفون
ابتعد يفرك بوجهه ويجر النفس بصعوبة ، وأنا من
الخجل دخلت الحمام بس أسمع صوت جاوب
على التلفون عصبي صوته عصبي
_ ها ها ها ها ها شكو شكو شكو .
انــور : شبيك شبيك اعصابك عمي سالمين .
_ يلا خلصني شنو سويتوا ؟
_ هذا شبي راح أطيح حظك .
_ غيري يخلص .
_ علي الأكبر تعال يمعود شو هذا يصيح علي .
علي الأكبر : ههههههه من شاف أحبابه نسى
أصحابه أخوك الخايس يطبقها .
أنور: اگُلك أكو واحد تحبه موجود بيد علي الآكبر.
ريــان: الله اشم ريحة ابن عمران .
انــور : شنو چلب .
علي الآكبر : طالع على أخو الجبير .
غسلت وطلعت گعدت مقابيله وهوَّ يحچي بالتلفون
ريــان : جيبوا الشيخ وتعالوا .
اكرم : لو تموت طلاگ عناد بيك ما اطلگ .
حُــرة : انــور من يمك بوكسي .
أكرم: لچ حررررررررررة احترگوا اهلچ كلبة بنت الكلب .
حُــرة : اي والله اشتغلوا بگاز ونفط وبنزين وتيزاب
وأنت وياهم يا عار الزلم أمداك من بينهم
إذا ما أخلي ريان يضرب راسك بالدرج مثل ما ضربت راسي
لو بيك خير مرتك الخايسة ما تضربك يا خايس يا ابن الخايس
أمداك وامده أهلك وامده أمك على هيچ تربية خايسة يا خايس تف عليك .
جــود : ولكم هاي بارود رمتنا رمي .
انــور : سكتها الفاهي شنو دگمتها عطلت من لعنة الله
على هل لسان الاكشر .
حُــرة : لك هذا منوووو العريس ولك تسوي عرسك بدوني .
انــور : عرفت عينچ على هل عرس حتى خرب .
ابتعد مني اتفق وياهم على موعد يجون بي
غلق المكالمة دخل المطبخ طلع بطل ماي من الثلاجة
من جيب حباية انتبهت عليه شربها
توترت ليش ما أدري بس وجودي وياه بنفس المكان وترني
گعد مقابيل إيدك على رأسه مبين موجوع
_ حباب بيك شي .
_ لا بالعكس فرحان ومنتظر هل لحظة
الي تنفصلين من هذا الحيوان .
_ وشنو يصير بعدها ؟
ساعة دقائق أو ثواني اندگ الباب جر نفس طويل هلكان تعبان
_ هلا و الله هلا هلا تفضلوا هاي الزلم الزينة .
دفع علي الآكبر أكرم بنص الصالة وجود وأنور رايحين يجيبون سيد
قبض ريان على قميص أكرم العار شمره على التخم
اكرم: أندمك يا ريان يا ابن يوسف .
الصياد : لك أنا أسرج بيك وبأهلك ولك أنا خيالكم انت تندمني هههههه .
ضربة بوكس بعد بوكس لزمه من راسه ورگعه بالحايط
اكرم : طلاگ ما أطلگ مو حباً بيها أنا لو بيدي أشرب من دمها بس .
بعدين نكمل كلامه وريان بكل ما عنده من قوة ضرب بوكس
ما أدري منين الدم ينزل من أسنانه لو عض لسانه بس ينزل دم بكثرة .
دخلوا جود وأنوار وياهم الشيخ وهذا بعده يعاند وياهم
تحمحم على الأكبر عالم ملامحه ابتسامة حقد وانزعاج واضح
سحبه من ايده وترخص هو وريان من الشيخ دخلوا الغرفة
الجوه وبس اسمع صوت القفل قفلوها عليهم
جود وانور يشغلون بالشيخ ، دقائق وطلعوا أكرم وجه ما يتفسر
صار قطعة من الدم لازم كليته يمشي اعوج
خزرني هو يرجع يگعد وبكل غضب صاح بالشيخ
_ قابل على طلاگ خلصني فضها .
ضربة عليه الأكبر على رأسه أكثر من مرة
_ شاطر ابن عمران شاطر .
_ اني أعلمكم بس اطلع منا يا كلاب .
سكتوا عنا الآن نطقها
_ انتِ طالق حُــرة ياسين الرياش .
كمل الشيخ كل الإجراءات انور يوصله للباب
راد ريان يضربه رفع علي الأكبر ايده يمنعه
_ لا لا تضرب ويگولون اخذوه غادر .
اكرم : اي صيروا زلم .
جــود : غصباً على راسك وراس اهلك .
علي الآكبر : روح الهم وبلغهم اخذناك
ولان انت مو زلمة خليناك اطلگ بس ما ضربوني
گول للكلاب علي الأكبر يگول
" أطبكم وحدودكم حود وسجل سحلتكم للتاريخ ولكم اجدح بيكم جدح "
أخذوا عليه الأكبر وجود كل خروف هيج يسحلون بي سحل
وانور وريان باقين يحجون شلون اخذوا اكرم
حُــرة : شوكت تتزوج ؟
انــور : حتى أخاف أفكر شوكت ؟
_ ليش .
_ تطلعين بمصيبة جديدة يا جنية .
حُــرة : انتظر لا تتزوج بسرعة
خليني أصير زينة وارجع استوعب بالحياة والحياة تستوعبني
وادخلك في الدخول الزينة بعرسك خلي الحبير والصغير يحجي بيها .
هز انــور ايده ورايان يضحك على كلامي وجهه هيج رجع الدم بي
ريــان : اكلك ليش خلينا الشيخ يروح .
انــور : ها شنو يبات عدنا .
_ لا بس اريد اعقد على هل جنية .
_ مفلفل الفاهي السكوتي لوتي .
عافه يحجي وخابر على علي الآكبر
ريــان : اكلك شو اخذت الشيخ ورحت غير يعقد لنا .
_ يعقد لمنو .
_ انا وحرة شبيك .
_ هذا شبي شاخط .
انــور : ولا عبالك البارحة موات بالمستشفى .
علي الآكبر: صحصح صار حصان .
قوس حاجبة بغضب دفع انــور وعاط بعلي الآكبر
ويان : لا يا حصان انت وياه شعليكم .
انــور : انتظر ابني اصبر .
_ يعني شلون البنية تعيش ويايَّ بالحرام .
انــور : منو گال اخليها تعيش وياك ؟
_ ها سالمين .
_ آخذها بالبيت بس انت تطلع .
حُــرة : لا وين يطلع ليش تحجي وحدك
ما اقبل يطلع وين مايروح اروح وياه .
علي الآكبر: ربحنا .
ريــان : البنية قابلة وانا رايدها ليش تعارضون .
انــور : امشي بدلي امشي تعالي ويايَّ لا اتخبل عليج .
حُــرة : ريــان تسمع اخوك اضربة .
انــور : تررررروحين لوووووو شلون .
_ ما اروح .
فز من مكانه صار فوك راسي ضحكت وخليت ايدي على وجهي
_ وصلاة امي وابوية ردت اگوم بس اريدك تضحك شبيك .
اشر على باب هزيت راسي وكفت البس بالحذاء
ريــان : على كيفك وياها لك شبيك وياها شبيك .
حُــرة : وصلاة امي وابوية هذا تعنيف .
لزمني من ملابسي رفعني وصعدني بالمصعد
بس صرنا جوة هو يمشي واني وراه صحت
_ اشتاقيتلي انــور .
_ لا .
_ كل يومية اتذكر من بجيت .
وكف واستدار عليَّ عاط
_ اني ابچي وگدامچ ليشششششش .
_ اي من حضنتني وبجيت واني رحت عرفتك تموت عليَّ .
رجع رفعني من ملابسي بنص الگراج همزين فارغ صخام بوجهك
_ انتِ حضنتيني ، واني ما بجيت بس انقهرت عليچ
لان ادري راح تنسحلين سحل الچلبة سحلتتتتتت شنوووووو .
_ الجلبة .
شمرني بالسيارة ورجعني البيت بس وصلنا فتت بسرعة
دخلت صارت رنيم مقابيلي حضنتها وبستها
_ يمممممههههه ضرتي مشتاقتلچ عمي انتِ فقير
عرفت قيمتج من جربت ضرة ثاني عمي نمرات بس انتِ
حبابة اني سحلتچ بعمرچ ما سحلتيني .
انــور : بالعافية عليك أخوي راح يتزوج اثنين .
حُــرة : انت جرب تفكر تتزوج اثنين وشهد
تغني اجاك طاير لنعال گوم اگعد تلگاه .
طفر يريد يلزمني طفرت فوت
وشمرت بوسات هوائية لرنيم الوردة
وحماها العسل ، فتحت غرفتي بالمفتاح ودخلتها
مثل ما هيَّ ما متغير شي غير كنتوري مفتوح
وتراك نومي على سرير وقميص ريــان موجود
شنو هذا جان ينام بغرفتي عزززا ما يستحي .
اخذت التلفون شحنته بس انفتح خابرته
_ ريــان .
_ عيونه حرتي .
_ تحبني ؟
_ ميت عليچ .
_ بوست مرتك الخايسة والله طلعت حبابة .
_ رنيم .
_ اي عمي اني ساحلتها هي ابد ما سحلتني
هاي الخايسة ضرتي زوجته للخايس اكرم سحلتني سحل انوب .
سمعت صوت جدح الجداحة وجر نفس من الجگارة وسألني
_ وانتِ شسويتي ؟
_ وداعت ريــان سحلتها هي وزوجها بس تعرف اثنين على واحد .
_ الله يساعدچ .
_ انت ورنيم سهلين عمي جوة ايدي اخليكم افركم فر .
_ راجعة شاده حيلچ علينا .
_ هههههههههه اوووي احبك .
_ سحليني اني وعشيرتي قابل .
_ تدلل هههههههههه احاول اكون لطيفة تعرفني اني كتلة لطافة .
_ اي اني الي اعرررررفچ .
قبل لا اسد الخط فكرت وقررت اتأمر بنية ومن حقي
_ اكلك اكد على اخوك المدگدگ شمشوم من يتزوج يعيش ويانا .
_ ليش .
_ اكرز بيهم مشاكل اتونس عليهم .
_ شنو جلاب .
_ لا حشاهم عيب لا يسمعك تگول عليهم جلاب .
_ واذا يسمع تگولين اتونس بيهم .
_ انت اقنعه يا عيني .
تحمحم وبصوت ناصي همس
_ ماشي وبعد .
_ عود تعال اشوفك بليل .
_ شتسوين بيَّ ؟
_ اسولف وياك عندي هواي حجي .
_ عندج تجمع حكايات ومحد يسمع غيري .
_ اكلك شوكت يتزوج انــور ؟
_ راح يتفق وياهم .
_ اوكي .
_ وانتِ ؟
_ شبيَّ .
_ جهزي نفسچ .
_ لشنو ؟
_ بعد زواجهم زواجنا .
فزيت من مكاني ما مستوعبة گلبي يدگ بكُل سرعته سألته
_ زواج زواج ؟
_ اي اي عروس اريدچ اميرتي انتِ .
_ البس بدلة وعروس وهاي وتسريحة وقاعة ودخولية ؟
_ وعد احلى عرس عرسچ يصير .
_ يمااااااااااااااااااااا صدك والله اني اصير عروس احلم بالبدلة اني والله .
_ من افخم واحلى البدلات اطلب الج من اي مكان او دولة تعجبچ .
_ وعد .
_ وعد زلمة هاااا وقاعة عرسچ وعرسچ اخلي الدنيا كلها تسولف بيها .
عجزت عن الكلام وفزيت على فتحت الباب دخلت دُر وحضنتني
سديت الخط هي تبجي واني ابجي بصوت اعلى منها
_ ليش تروحين حُــرة .
_ تعبوني دُر .
بقت حاضنتني تأشر اليه ما اتذكر وما احجي ، طلعت بوكس
وهي ترجف فتحته ورفعت ايدها تحلف
_ والله والله اجهز العرس انــور اشتريت ملابس اليه
وهناك شفت هذا گلت ما تلبسه غير حُــرة وهل لبس ما يناسب غيرها .
_ انتِ ماكو منچ احلى اخت بالدنيا اشكر ربي عليچ دُر .
رفعته شفت فستان بلون وردي فاتح منفوش كُله ترتر يلمع
خليته عليَّ هزت راسها وضحكت اخذته مني
_ لالا انتِ وهذا وجهج الشاحب مو مناسب
اخذچ للمركز يسون الچ شحن وغسل من جديد .
_ بس اني تعبانة هل يومين دُر ما اكدر حتى اطلع والله .
_ مو اليوم باجر نروح حتى حمام ومساج تسوين خلي نفسچ بيدي .
لملمت الفستان واني تمددت بفراشي وسحبت قميص ريــان
خليته على گلبي حضنته حيل متمسكة بي
_ راح تباتين يمي اليوم دُر .
_ اي نسوي جلسة فضفضة .
رجعت القميص ورحت اغسل اريد ارجع اسمعها تحجي بالتلفون
_ لا تخاف ابو الرون شبيك يمي حُــرة والله اهليها تحجي وترتاح
مثل ما تريد ، اي وصلوا الفلوس باجر اخذها انت ارتاح تدللون صار .
من سدت الخط دخلت سألتها
_ تحدد عرس انــور ؟
_ خليت انــور گاعد هو وشهد واجيت .
شهد ..
هوَّ يحجي واني دايره عيوني منه مكسور كلبي
ما ادري شصار بيَّ بس بلحظة ما كملت كل مكياجي وتسريحتي
وصاحوني وشفت ابوية يگلي بوية تأجل العرس كلبي
من لحظتها ما هدأت دگاته ودموعي ما نشفت
مرات اذا نريد نطلع ونكمل تحضيرات وتخرب الطلعة
تدمر نفسيتنا فـ ما بالك عرس كامل وبدلة وتسريحة ومكياج .
انــور : احجي وياچ شهد كلبي مشلوع تعبان اني واحتي يمچ لا تزيديها .
_ انــور شنو تنتظر مني اگول .
_ كلام ابوچ صح .
_ اي .
_ شنوووووو اي شنوووووو .
_ اذا تطل تصيح اروح احسن .
_ ما اصيح هاي انجبيت وسكتت فهميني .
_ يعني ما تلاحظ كل هاي اشارات من رب العالمين .
_ اشارات شنو ؟
_ زواجنا فال مو حلو .
_ اني ما اؤمن بهل فال ما فال شهد ما اؤمن انا الي اؤمن بي حبي الچ .
ضميت وجهي بيدي وصرت ابجي هو لدقايق داخل بحالة صدمة
نهض من مكانه اسمع خطواته يتقدم اتجاهي
_ تبجين شهد تنزل دموووعها ليششش ؟
_ ما مرتاحة گلبي ما مرتاح اخاف .
_ ما راح يصير شي بعد والله اخذيها مني والله مايصير شي .
_ واذا صار .
_ قدر مكتوب المهم عندي تجين يمي تعبت واني انتظر هل يوم .
_ وگلبي والله والله ناغزني .
_ خوف عروس اي عروس تخاف هل خوف طبيعي
الخاطري شهد اذا تحبيني خلي نكمل كل طريق صعب
مريت بي اني وياچ وصلنا هنااااا حاربت وانتِ حاربتي
وصلنا اليوم العرس وينتهي هل كابوس وبعد لو تحترگ الدنيا ما اعوفچ .
جريت نفس مخنوگة عبالك طابوگ على صدري ما اكدر النفس اجره
ومن البجي حيلي كله تعبان ما ظل عندي حيل
_ لا تكسرين خاطري والله كل المشاكل الي تمر بحياتي
اگول عادي وتهون بس تجين يمي تصيرين بيتي .
بقيت على نفس سكوتي رفع وجهي بيده وما حسيت غير صرت
على رجله گاعده لازمني بتملك اخذ شفايفي بين شفايفه
لدقائق واحنا فاصلين عن الدنيا كلها ابتعد وهو يجر النفس همس
_ الخميس عرسنا .
_ الخميس زين .
_ احبچ اني .
_ ادري بيك .
_ وانتِ .
_ يعني .
رجع اخذ شفايفي بكل رغبة يضغط على خصري ويتفنن بلمساته
_ وهسة تحبيني .
_ اي .
_ شنو اي ؟
_ احبك .
_ شگد ؟
_ بگد حبي للوشوم مالتك .
_ عاشگچ انا هاويچ .
دفعته خفيف من صدره نهضت وضعي
كُله تخربط گعدت على تخم دايخة
وهو يضحك منتصر عبالك من يشوفني بهل حال يفقد يفرررح
تحمحم وهو ينهض يعدل ملابسه ويسد دگم القميص
_ رايح ابلغ عمي الخميس عرسنا .
ظل دقايق ينظر اليَّ وانظر اله طلع مبتسم
واني فتحت الباب كلها تنتظر بالصالة
شمس : ها بشريني .
باوعت على امي وهي تسوي روحها ما مهتمة جاوبتها
_ الخميس .
نطقتها وعفتهم ودخلت عي غمضت عيونها جانت تنتظر غير جواب
رجعنا مخبوصين نرتب جنطة تجهيزي بدلتي واكسسواراتها
ورجعت احجز نفس المركز ، وهل مرة دُر وحراير ويانا
الى ان صار يوم العرس ومن الصبح كلها كاعدة تتريك
اخواني وابوية وامي لبست عباتي وشمس وشوق اخذوا جنطتي
دُر اجت تسد بسحاب الجنطة صرت مقابيل
امي وگدامهم كلهم حجيت وياها واني دموعي تنزل على خدي
وصوتي برجف من القهر منها مهضومة هضمتني امي
_ اني رايحة يمه وانتِ ما راضية عليَّ
بس اريد تعرفين اذا صدك سويتيها وما اجيتي وكفتي ويايَّ
حالچ حالّ الأمهات وتخلين فرحتي تنقص لان انتِ ماكووو
على على گبررري يمه حتى على موتي ما اريدچ
لان كسررررتيني حطمتي فرحتي انتِ خليتيني
من يوم خطوبتي للبوم دموعي ما نشفت بعيني
تعبتيني يمه ما خليتي فرحتي تكمل ابد واذا تكمليها
اليوم وصدك سويتيها وما اجيتي ما راح اسامحچ طول عمري .
اخواني وابوية كلهم نزلوا راسهم واخواني على صوت بجيتي
يبجون ، ابوية يريد يحضني ويصبرني طلعت ما كدرت بعد
صعدت بالسيارة وجود اجه وصلنا واسمع صوت صياحهم كلهم جوا صار
بقيت ملتزمة الصمت وكلهن ما يحجن ويايَّ خلوني براحتي
دخلت والعبرة بلعومي تذبح ما اليَّ نفس اسوي شي
خليت البنات يشرحون شنو اريد وشنو ما اريد
واني مثل لعبة بيدهم صرت يحركوني بكيفهم
الى ان كملت وكفت شفت نفسي البنات ياخذن صور وفرحانات
واني جامدة بس اشوف روحي طلعت حلوة كلش حلوة .
نزلت على قسم الانتظار بعدني ما گاعدة
واشرت دُر اجه ريــان ياخذنا للقاعة انــور ملتهي
اول ما طلعت شفت ريــان واكف هو وحراير والضحكة
مالته اول مرة اشوفها حلو طالع وهي عبالك لعابة باربي ناعمة
وهو ضخم وكبير طالعيني رهيبي هو ذايب وهي تدلع عليَّ .
ابتسمت الهم لزم ايدها فتح الباب صعدها گدام
وكلنا شمرنا ليورا طلعت اغاني بلش عرسها قبلنا
تصفگ وتصور هي وياه يطگون اصبع
دُر : عزا صدك هذا اخوية الثگيل هيج مسرسح .
شمس : الزلم يم نسوانهم يسرسحون اسأليني اني .
دُر : شنو قصدچ ولچ .
شوق : يعني شايفة تسرسح اخوچ اخوية اضرب .
شمس : اخونا يذوب يفقد يفصل .
ذبيت حسرة واني اسمعهن صاحت دُر بيَّ
_ شهد راح اكفخچ اضحكي عاد بزعتيني ترا عرسچ مو فاتحتچ .
حُــرة : ريــان شهد عدها عزا اليوم لا ضحكت
لا اخذت صور ولا الها نفس خبلتني زعلانه .
ريــان : هسة تشوف كشخة المدگدگ مالتها وتنسى الزعل وأسبابه .
ابتسمت واني اسمع بكلماته صاح
_ شوفوهااا ضحكت بس ذكرت اسمه .
رجع يسوق مندمج هو وحراير فاصلين عنه
وصلنا للقاعة دخلتني دُر وشمس على انتظار ويانا حراير
ونسمع الأغاني والرگصهم برا اجتني الرجفة متوترة
بس دخل انــور هبط ضغطي وگعت ما گدرت بعد اوكف على رجلي
صرت بالارض سندتني دُر اخذني من ايدها يطبطب على وجهي
_ شهد تسمعيني شهد .
لزمت راسي وصحت بوجع رفعني من الارض على تخم
وطلع برا مستعجل رجع وياه بنية لابسة رسمي محترمة الى درجة
شافتني واسمعه يگول الدُر
_ دكتورة هبة زوجة صديقي .
هبة : اريد لبن وملح كثروا ملح .
عافنا وطلع يوصي واحد لبن ومشتري ملح
رجع يخلي بالملح ويخض گعد بصفي يشربني
بيده وشمس والبنات كلهن طلعن من كمل كله گدرت اشوف بعيوني
_ ادري طالع حلو بس مو لدرجة تتخربطين من جمالي .
_ دروح بابا روح غير كلشي ما اكلت وهبط ضغطي .
_ حلفي .
_ يعني هم من شفتك توترت .
_ ليش .
_ ضخم تخوف فايت عبالك عصابجي .
_ هههههههههه
_ حلو .
_ احمممممم اي .
_ انتِ طالعة توگفين الگلب من الجمال .
قاطعتنا منظمة الحفلة وهي تدخل تنبهنا على وقت
لزمني من ايدي وطلعنا بكُل خوف وقلق الدنيا بيَّ
عدلت نفسي وكفنا باب الاستقبال دقايق وانفتح
وعيوني شافت ارقى وافخم واضخم قاعة اعراس شافتها عيوني
تلمع بثرياتها والورد الي نازل من سقفها ، وكل ميز
وكرسي مزين بورد وعطر القاعة ورود صاير
اشتغلت بلون البيض شرارات على طول طريق نمشي والمصورين
ويانا يمشون اصوت الهلاهل والتصفيق مرهب
گعدنا بمكانه المخصص النا والكل صار يجي يبارك .
كلشي فخم وين ما ادير عيوني جمال ورقي
فدوة للمثقفين ، بنص الهوسة وبعز تعبي جانت عيوني على الباب
ايست امي تحقق حلمي انور والبنات كلهم منتبهين
شلون عيوني ما فارگت الباب دقيقة وبص الحفلة
انــور يحجي ويايَّ ولمحت امي واخواتها كلهن دخلن
شهگت ضربت على صدري وركضت عليها نزلت بايات
ورفعت بدلتي ورحت اركض ملهوفة وهي فتحت أيدها
هي تبجي واني ابجي اخذتني بحضنها خضنتني بكل قوتها
وانور ورايَّ يمسح على ضهري ويضحك وياها
_ كبرتيها وطولتيها اگول شهد على منو طالعة خشمها عالي .
ام حسن : المدگدگ انا خشمي عالي .
_ ويابسسسسس .
بعدنا نريد نحجي واسمع دُر صاحت على ريــان
_ ريــان اركض دارين وجود صايرين امالخ برا .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..