حبيبتي قالتلي مش هنكمل مع بعض عشان أنت موهوم وفقير .. فسيبتها وبقيت غني
كنت مرتبط ببنت بعشقها حرفيًا، كانت كل حاجه بتمناها من الحياة، وكنت بتمنى ييجي اليوم إللي نعيش فيه مع بعض .. لكن ظروفي مكانتش أحسن حاجه خالص ماديًا، مع الوقت هي بدأت تزهق رغم إني كُنت بعمل كل إللي عليا حرفيًا لكن كنت حاسس أن كل حاجه ضدي حرفيًا ..
لحد ما في يوم جت قالتلي .. مش هينفع نكمل مع بعض .. أنت أهدافك غير واقعيه وقدراتك أقل من أهدافك بكتير، وأنا مش هضيع عُمري معاك .. وقتها حسيت أن الدُنيا أسودت في وشي تمامًا .. مكنتش عارف اعمل ايه خالص، كُنت منهار وبعيط وبترجاها متسيبنيش .. لكن هي قررت تمشي .. وتنسى كُل حاجه حلوه بيننا .. ومن وقت ما مشيت حسيت حياتي أتقلبت 180 درجة .. بدل ما أخش في نوبة إكتئاب حسيت إني بقيت شخص جاد جدًا مش متقبل هزار ولا تضيع وقت (لفترة من الزمن) اشتغلت على نفسي فترة تقريبًا سنة مش بعمل أي حاجه في حياتي غير إني بشتغل وبس ..
والنهارده شُفتها تاني صدفه لأول مره من ساعة ما سيبنا بعض، كان في إيدها طفل (معنى كده أنها أتجوزت بعد ما سابتني على طول) كانت واقفه مستنيه أتوبيس عشان تركب .. في الوقت إللي كُنت معدي من قُدامها بعربيتي الجديدة من نوع (تسلا) واللي كانت عربية أحلامها ..
وحقيقي الموقف ده أثر فيا جدًا .. مش لأني هحسسها بالندم .. لكن عشان حسيت إني نجحت وإنها شافتني وأنا ناجح .. لدرجة إني بعد ما عديت من قدامها مشيت شوية وركنت العربية وقعدت أعيط .. مكنتش عارف بعيط من الفرحة ولا بعيط ليه .. لكن أرتحت جدًا بعدها
✧Thank you for reading.
You are not here to judge the storyteller. If this brings up difficult feelings, consider reaching out to someone you trust or a qualified professional.
💬 Thoughtful replies (0)
Share a kind word or a related experience. Replies are moderated before publication; authors are not required to respond.
No published replies yet. Leave a thoughtful first message.