_______________________ الــريـاش
﷽
𓆩 اســاور حــسين 𓆪
بقلمي رواية : الــرياش
بين العقل والقلب قضية عنوانها انتِ
لطفا لا تنسون التصويت والتفاعل بين الفقرات
⊰ دُر⊱
_ دُر شوفي الصورة ورجعي عيونچ بعيوني .
من شفت الصورة كلشي بيه صار يرجف
رفعت عيوني مذهولة بالمنظر هريت راسي
والدموع تجمعت بعيوني : ما ادري بيها والله .
_ طبعاً ما تدرين نايمة .
_ هذا يسار والقران اني .
رجعت نظراتي على صورة لابسه فستان ابيض قصير
ونايمة ويسار بصفي يضحك ومسوي علامة النصر .
صوت انفاسي صار عالي واني أركز بجدية نضراته وحدتها
دُر : هذا يسار شنو يريد مني موتني .
_ انتظرچ تشرحيلي
_ عادي اكعد على سرير واحجي رجلي ثكلت ما ادري شبيها ؟
رجّع نفسه للخلف عاف مكان بيناتنا كعدت على السرير
ارجف خليت عيوني بعيونه وهمست : لا تضربني .
_ من عرفتيني لليوم شوكت ضربتچ ؟
_ بس الموضوع يختلف عيونك تجدح من العصبية .
_ تحجين دُر لو أعرف الموضوع بطريقتي .
_ شنو طريقتك ؟
كف ردن التيشيرت واخذ التلفون وفتح الباب وهو يصيح
_ اليوم يا بيت الرياش وحگ ابو راس الحار
غضب الله كله أصبه بيكم .
فتحت عيوني وركضت وراه صحت بعلو صوتي
_ لااااا علي الآكبررررررر الله يخليك لاااااا .
نزلت الدرج هو ماينزل طبيعي يعبر اربعة اربعة
فات على ابوية ابو حسن يحجي ويفهم بي لان دمه
فاير من شافني ابوبة صاح : راضيه على افعال زوجج .
علي الآكبر : يوووووسف هنا احجي معلگ ويايه
عووووف النسوان لو ماتعرفون لغة الزلم .
يوسف : شتريد من عدنا ولك خرّبت حياتنا من يوم دخلتها .
علي الآكبر: اجيتك وبلغتك اريد يسار انطيني يسار خيسه
واني اعوفكم ماتقبل تحمل افعالي انا ابد مو گليل شر دير بالك .
يوسف : ابو ماينطي شلون ورطة هاي شسوي ولك فهمني شسوي .
علي الآكبر: ارتاح عرفني انا اتصرف وياكم وانبش اثركم
تعرفني من ادخلها اخربها توكل لو تريد تشرب جاي ؟
يوسف : ابو حسن شنو ماعندك سلطة على ابنك .
گعد علي الآكبر على تخم فرش ايده وابتسم بمكر
_ اي كلمة وياك بعد ماعندي اتفاهم من يجي يسار مقابيلي
غيرها جود يتصرف تصرفات الله يساعدكم عليها .
يوسف : والله اكو شخص وراك لان ماكو هيج قابلية
منين حصلت الأوراق والتسجيلات .
علي الآكبر : ما اخاف مشكلتي ما اخاف
أي يوسف ورايه الصياد راح يطب بيوم وليلة
نگلب طاولاتكم عليكم ، تعرف الصياد لولا ؟
يوسف : ابو حسن كاعد تسمع لج انتِ بنت الكلب
سامعه هذا شلون يهدد ابوووووج .
دُر : انطي يسار خلي يبرد كلبي بي هل خايس .
كعد يخابر ابو يسار مايقبل وهو سد المكالمة
فات سراج الدين ينطيهم علم : انور برا ينتظرك .
يوسف : ما اتحرك منا اذا ابو حسن ما يشوف حل وياكم .
ابو حسن طلع شوية وفات هو
وانور : يابه كل عقلك تتفاهم انت وهذا ؟
علي الآكبر: بعدك ما شابع كتل تريد اهينك
اخلي ضيم يسار بيك وحگ اخو زينب .
انور : ولكم انتوا شايفين روحكم منوووووو انتووووا ؟
علي الاكبر : قادة وعيالة .
سحبه أبوية من ايدي هو دار عيونه يخزر بيه
علي الآكبر: وحگ علي افكس عيونك اذا تخزرها بعد ابو شمه .
يوسف : اكعد راح يجي ابو يسار يتفاهم وياكم ونخلص .
علي الآكبر: يسار اهم شي عندي يسار اتفاهم وياه .
يوسف : تضربة مو ؟
علي الآكبر: حگ عندي حگ اتفاهم وياه بطريقتي
اذا يسار ماكو لا يجي اخوك .
رجع أبوية يأكد على عمي رحت يم عمتي جسمي ينفض
وهي ما تگدر تحجي بس تدعي مايصير شي وشهد تفرك بيدها
فات علي الآكبر جر مخدة ونام تعجبت
_ شنو راحوا .
_ لا ينتظرون عريس المگابر يجي .
دقايق واجه جود ضرب على باب وصاح
_ ابوك موتني اجه يسار وابو دخلهم للبيت .
راح صار قريب منه يمشون اني مشيت وراهم
قبل لا يفوت علي الآكبر سحب جود من ايده
_ جود يسار البارحة خرب ليلة اخوك واليوم مستمر
وبعد انت افتهمتني استلمهم واني استلمه .
فتح الباب ودخل شفت يسار كاعد بصف انور
وعمي يسولف وياهم راح على الآكبر مقابيلهم
_ نورتونا شرفتونا يالغاليات شبيچن خاتلات خايفات .
كمل وبعد حرف واحد مايقبل يحجي وياهم بس صافن بوجهه
يسار ، ويسار صلف مركز وياه ويبتسم بغرور
عمي يحجي وياه يريده بس يحجي وياهم مايقبلون
جود استلمهم استفزاز الى ان طگت روحهم وكفوا يريدون يروحون
علي الآكبر: ما تطلعون هيج والله انا بنفسي اوصلكم للباب .
ظل ابو يسار واكف ويسحب بـ انور ويسار ما يريدهم يطلعون
يمكن فهموا علي الآكبر شنو ناوي ، طلعوا بعد ما حصرهم
بزاوية لا يقبل يحجي ولا يتفاهم هذولي اغتاظوا راحوا
اول ما وصلوا عتبة باب الشارع صاح علي بصوت جلجل قلوبنا
_ دايسين بيتي ما اكدر أخبزكم جوة ولك يسااااااااار
انعل جد جدك اليوووووووووم .
سحب الصوندة يابسة شطولها دفرا على رجله ونومه بالگاع دگ
فات سيف الدين وسراج الدين على ماي اخوانهم
لزموا انور وهو ماينطي بروحه يريد يخلص يسار
انور : عوووووف يساااااار لككككككككك راح يموت بيدك
علي الآكبررررررررررر بس اوووووكف ولكم عوفوني .
علي الآكبر لزم يسار سحله على حايط بصف الماطور
بي بروانه مثل البنكة الصغيره تفتر : رافعععععع اصابعك منتصر
موووووووو منتصرررررر اليوم ابترهن وابتر هل خلقه وخلفت
ابووووووك الخايسه يخيسسسسسسسسه .
يسار : لااااااا ايدددي ولكمممممم راسي ياااااابه .
فاتوا حسن وعز الدين يركضون يفاككون بيهم
وجود حادهم حود مايقبل يشيلون علي الآكبر
من يسار وانور يصيح بيهم غدر جود وضربه
بدفرة وركض على علي الاكبر صرخت واني
اكمز من الخوف اعرف ايد انور شكد قوية
_ انوووووووور علي الآكبر انوووور .
كمز ابوية من بينهم سحبني ويصيح
_ بعد بنتي ما تظل يمك يا عديم التربية .
سحب انور يسار من ايد علي الآكبر ويباوع بعيون علي
انور: بس عوف ايدك مووو تدخل سجن شيل ايدك .
ضربة بغمه نومه بالگاع وگف يركض كسر الماسحة
اخذ بس العودة وضرب انور على ايده أبويه عافني وطلع يخابر
وعلي الآكبر على انور ويصيح
_ لاااااا طخني ايدددددك لك شمه جوووووووود لك تعال .
ابو يسار يتضارب هو حسن لان مايقبل يخلص ابنه
العالم كلها متعجبه سحبوا علي الآكبر اخوانه كلهم
وهو يشمر بيده مايقبل ويضرب بيهم : عوووفوني ولكم خرب
يساااااار اشرب دمك والله صايرررررر رجال بالتلفوووون
بس مووو بالواقع حرمه يالحرررررررررمه انعل خيركم اليوم .
جود : حودهم حود اسبيهم سبي بعد اخووووووك .
وكفت النجدة هو بعد مايشوف بعيونه
عبرهم كلهم جر يسار من شعره: تعال ولك وين رايح ما خلصت .
ما ادري شنو يحجي وياه لان صوته صار ناصي
واصوات الزلم عالية طلع يسارّ تلفونه وفتح الرمز
رافع ايده يحتمي بيها اخذه منه ودفره على تحت بطنه
ويسار صاح بعالي صوته متأذي ويتبحرث بالارض
بنص الهوسة فات للبيت صعد ركض للغرفة ونزل
بدون التلفون يعدل بشعره وامه تحجي وياه
_ ولك يمه ليش هيج تسوي العالم شني تحجي علينة
تتذابح انت واهل مرتك ثاني يوم العرس .
علي الآكبر: انااااا اهلها ما عدها اهل غيررررررررري .
وجه نظراته اتجاهي تخوف رفع اصبعه وبغضب عاط
_ دُرررررررررو افتهممممممممتي لووووووو لااااااا ؟
رفعت ايدي من الخوف اهز براسي عافنا وطلع
سحبوا الضباط صعدوهم كلهم سيارة وحدة
اخوان علي الآكبر وانور ويسار بس حسن وعز الدين باقين
العالم كلّها متعجبة شنو الصار وليش هل عرك والعرس البارحة .
وهو يصعد وامه تلطم علي الآكبر يحجي هو والضابط
_ سيدي صعدني بصف هذاك الخيسه .
_ شعندك وياه امشي مناك امشي .
_ احبه .
_ اصعد بسرعة اصعد .
هو صعد واخوانه يلزمون بي على يسار
وانور واكف بوجهه يصيح : ما تشوف بعدددد حالته
والله ما نتنازل عنكم واخليكم تخيسون بالسجون .
علي الآكبر: موووو اجي اطيح حظك وحظ شكو واحد يطلع وراكم .
صعد الضابط يمهم وشال السلاح حتى يسكتون وتحركت السيارة
درت وجهي كلها تلطم اخذني ابوبة من ايدي
_ بنتي بعد ما الها مكان بينكم تعالي ويايه .
ابو حسن : عوفها لا تصير دم علي الآكبر يتخبل وحگ
ابو عبدلله يخليكم تهجون من بيوتكم روح يوسف وانا
اهدي الوصع لا تكبرررها اسمع مني .
يوسف : سيطر بس سيطر ولك ماكو هيج قابلية عند علي الآكبر .
ضحك حسن بعلو صوته من وره ابوية دار علية
_ راعبكم علي الآكبر راعبكم رعب كفوووو من شواربك خوية .
يوسف : استلم .
حسن : جذبت ؟
يوسف : اكدر انهي على علي الآكبر واخوانه
بس اني لازمتني التسجيلات والاوراق سلموني
كلشي عدكم واكف ايدي منكم .
حسن : قصدك علي الآكبر يكف ايده منكم ههههههههههه .
يوسف : دُر راح تندمين انتِ تدفعي على اهلچ انا متأكد .
ابو يسار : قتلها حلال .
حسن : تكتل منووووو ولك مو اجي افرك حلگك فرك .
سكته عمي فوتتني للبيت جسمي صار سعفه من الخوف
اسمع ابوية يحجي بالتلفون ما ادري شمسوي علي الآكبر
يوسف : ولكمممممممم هذا علي الآكبر مخاوي الجن والله .
ركضوا صعدوا سياراتهم وعمي اخذ حسن وراح
ظل بس عز الدين بالباب ما فات يحرس البيت
عمتي فرشت السجادة تصلي وشهد تفتر بالبيت تقفل
بالبوب والشبابيك ولزمت الجهال يلعبونبغرفة حتى مايطلعون
الجهال يخافون منها بعد ما طلعوا ، من نظرات ميثاق وشلتها
صعدت افتر بالغرفة اكل بـ اظافري شسوي وين انطي وجهي
ميثاق تعاتب بعمتي تصيح : من البداية نبهتچ منهم البنية
مو من ثوبنا علي الآكبر دخلها بنص بيتنا اول تالي نصير
سالفة بحلوگ العالم عيب تخزينه وراح بيها سراج الدين واخوانه .
ام حسن : عليها اهلها ما ينجرعون البنية لا بيها ولا عليها .
ريمان : عوفيها ما تقتنع اذا ما تخسر ولدها .
صبرت روحي اريدهن يسكتن ماكو وعمتي ما راضيه
وشهد تحذر بيهن ولا يمهن مستمرات هل نماذج
ما ينسكت عنهن ، كفيت ردن التراك أقلد حركة علي الآكبر
ونزلت الهن فتت على غرفة وعطت بيها
_ سمممممم تنگطين لچ شنوووووو انتِ بالوجهه
سممم وبظهررري سمممم تريدين اشتغلچ ولچ
لا عبالچ ما اعرف اصير مثلچ العبچ لعب بتك اصبعي لصغير
محترمتچ واگول جبيرة طلعتي غبيرة .
ام حسن : دُر شنووووو هل كلام عيب .
دُر : عيب عليهن مو عليه واكفات ونازلات حجي
لو بيهن خير مو جايات بس مقابيلج يحجن يترسن
راسج من يجي علي الآكبر المرّة بيهن تواجهه
وتگولين طببت مصيبة على بيتنا حتى يحل المشكلة
ليش باقيات ياكلن بروحهم اكل هل مسموووومات .
شهد : شكد عيب البنية جديدة واستلمناها .
ام حسن : اسكتي انتن ولچن لا تخلن الإخوان يتذابحون .
ميثاق : صار عمر وياكم ما بيوم تضاربوا الإخوان
بس هاي جاية والشر تارس عيونها بت منو بعد
واضح من اخوها المدگدگ وابوها شنو نوع تربيتها .
دُر : عفت التربية الچ والأمثالچ ما اسمحلچ تجيبين
طاري اخوووووية افتهمتي لا انزلي المستواچ واعلمچ
الحجي من يرجع علي الآكبر اخلي يربيني عوووووود .
ريمان : شادة حيلها بعلي الآكبر ماتنرد هل عرمة .
شهد : زوجها وتشد حيلها بي شنو علي الآكبر مو بعينچ
تكفن شر لا والله اخابر ابوية يرجع يشوف حل وياچن
انتن الأربعة امي راح توووووگع .
رجعت صعدت غسلت وجهي النار صعدت الراسي
شوكت يررررجع وين راح وعافني وين ما أكدر وحدي
هل حقيرات اول يوم ومتحملات عليه
اخذت تلفوني خابرت على صفية مغلق تلفونها
اتصلت على ريان كل عادة حتى رقمه محروگ
واني راح انفجررررر لازم احجي طلعت محادثتنا
وكتبت بيها الصار ويايه بالتفصيل الممل وسديت
التلفون بقيت افتر انتظر خبر يطمني ماكو لليل
الساعة بالوحدة دخل عمي وخسن تعبانين الى درجة
نزلت وكفت استمع الهم .
ابو حسن : هاي العصبية مايبطلون منهاااااا تعبوني
هسة اني وين اگدر على يوسف واخوانه ما ينجرعون .
حسن : هذا يسار من الضرب ما دخل مركز بالسيارة
مخلص علية غم غم غم واكع ضرب مكمل الصار بي هنا بالسيارة
وهذا جود اذا الزمه أتوبه من سوالفه يلزمهم ويخلي علي الاكبر يهجم .
عمتي تلطم على راسها وتبجي صاحت
_ شلون عفت ولدي اربعتهم بالسجن واجيت يااااا يمه
بالله كتلوهم شلون وين انطي وجهي .
ابو حسن : تحقيق ولازم يتحولون محكمة غير الولد يسار
راسه مفتوح ايده مكسورة وجهه كله مورّم جسمه يابس
من الصوندة صاير ازرگ .
حسن : اني ذابحني ابو عبالك مو ابنه اهم شي عدهم
الصوتيّات والأوراق وهذا ابنه من الوجع يرافس .
ميثاق : ميصير عمي لازم تحجي وياهم لا يسوون مصيبة
اكبر من هاي هسة بالله شلون يطلعون منها .
حسن : يعرفون يطلعون روحهم مو زغار يتحملون غلطهم .
ابو حسن : يوسف دفع مال الله وعباده اليوم شيخلصهم
من كتل التحقيق .
عز الدين : حتى يتوبون .
حسن : السجن للزلم يكبرون وينسون اهم شي علي الآكبر
يگول برد كلبي بالتفليش .
ابو حسن : انت وياه فرررررحان على افعال اخوك .
حسن : وابو فاضل علي الآكبر كارثة ماكو هيچ قابلية
خاطهم خوط حتى سامر وابو سامر يحجون ويايه قبل شوية
يگلي نلزم بي يفك روحها ويفرهم فررر .
عز الدين : هههههههه هو غير باوعت على يسار
بالباب لبست نعالي يسار جوة الماطور وعلي الآكبر صاعد فوكاه .
حسن : يسار شغلته يزاگط برجله ههههههههه .
عز الدين : بس حق الله هذا اخوچ انور يا خوية دُر
فد طركاعة ضربته كرك دفعني دفعه كومني تكوم
نزلت راسي يعلمني هو غير مجربتها اطلع الروح .
عمي سكتهم وطلعهم من الغرفة رجعت صعدت
شوية وفاتت شهد : دُر محتاجة شي .
كعدت يمي لزمتني من ايدي نزلت راسي خجلانة منهم
_ صارت المشاكل الكم بسببي والله خجلانة .
_ لا تحجين هيج انتِ شكو عركة زلم عادي تنحل .
_ اربعة بالسجن حقها عمتي تلطم .
_ امي اذا يتأخرون تلطم عادي بس يرجعون تنسى .
_ علي الآكبر انضرب براسه اني شفته أنور ضربة .
_ اخوچ مبين مافيا مو راحة ابد عكس ملامحچ .
_ لا انور شكله مثلي هو فقدّ روحه وبرائة ملامحة بالوشم
وسوالفه الطايح حظها .
صار صوت برا طلعت ورجّعت مبتسمه
_ نامي ارتاحي واذا تريديني خابريني
اجي ، والله اني لو اعرف انام بعيد على امي جان نمت يمچ .
_ اخذي راحتچ لا تشيلين همي .
الثاني يوم عمي طلع الهم يفتر ومايقبلون يطلعون
والثالث يوم وماكو بالرابع صارت محاكمتهم وصادف
يوم جمعة وسبت ولازم ينتظرون الاحد وعمي يسب بيهم
ليل ونهار عمتي حتى الأكل نجبرها ، حسن ما عافهم
كلشي يحتاجون وفره الهم السبت بليل راح ساعة
وصعدت تركض شهد بيدي ملابسي ارتب بيهم
_ حسن ماعنده رقمج ويريدچ .
اخذته منها وذبيت الجنطة
_ الو حسن .
_ احمممم دُر
_ علي الآكبر .
_ حسن اطلع بس دقيقة .
سمعت صوت الباب هو بسرعة ذب حسرة ويحجي بصوت تعبان
_ مشتاقلچ دُر عيوني تريد تشوفچ .
_ شلونك خايفة عليك .
_ انتِ لا تخافين من اسمعها منچ اريد اموتهم والله .
_ ارجع بسرعة حباب .
_ مشتاقتلي ؟
_ لا .
_ امممممم حسن وينك ، راجعلچ راجع وكلشي راح يتغير .
سد الخط شهد صافنا بوجهي مبتسمة
_ اخوي رسمياً واگع بغرامچ نقرأ عليه الفاتحة.
ضحكت اخذت التلفون وطلعت بقيت اعدل بالأعراض
الى ان كملت نصهن ، ثاني يوم على أعصابنا باقين
راح عمي وحسن ومحامي وياهم خابرنا قبل لا يدخل
گال شفتهم زينين وشوية ويدخلون للقاضي .
ساعتين والتلفون نخابر وماكو عمتي طلعت برا تبجي
متت من القهر عليها هاي لو امي حتى ما تدري بالموضوع
شهد تسوي عصير ليمون تشرب وهل حقيرات
كل شوية وحدة تذب سمها وما اكدر اسكت عنهن اذا ما ارد اموت .
وصارت اربع ساعات خابر عمي يحجي هو وعمتي
ويسب ويغلط بيهم يصيح بيها : انعل ابو تربيتهم ولدچ
ال****** خليهم يخيسوووون بالسجون لزموا عمام
يسار كتلووووووهم هذا علي الآكبر اذا يوگع بيدي
انعل والدي والدي ، هيج منه ومن اهله ومن تربيته .
وعمتي تخبلت وكعت وعز الدين يركض على مضمدة
بصفهم جابها بقيت اباوع استحي اقترب بس شهد
خلتها بحضنها وميثاق وريمان يمسحون بيدها وبتول تبجي
ضغطها كلش ارتفع اخذت تلفوني وصعدت اتصلت
على ابوية جاوبني يسب بيه وبعلي : والله بابا اذا علي الآكبر
وإخوانه ما يطلعون عاف الاوراق عندي هم البس واسلمهن .
المصيبة اني ما ادري شنو نوّع الأورآق وهو يصيح
_ لچ لمنوووو تسلمين أنطيني الاوراق واقنع يسار
وعمامچ يتنازلون ويطلعون .
دُر : ما اتصرف بدون علم علي الآكبر
هو البارحة خابرني والقران البارحة خابرني
گال دُر اذا يصير شي هل عناوين تسلمين اوراق وتسجيلات صوت
تدري بابا عنده عليكم فديوات مرعبة لا تتورط وياه طلعوا .
سبني سب وسد الخط بوجهي رجعت نزلت وياهم افتر اذا يريدون
شي اكل بروحي على حالهم وخايفة يلوموني بس عمتي وشهد
ما يحسسوني بشي ، رجع عز الدين يخابر قلق ساعتين وبعد
ما تحمل صاح : شهد قفلي البوب ما اتاخر اشوفهم وين راحوا .
وصل للباب ودخل عمي وعلي الآكبر واخوانه وراه يمشون
ضحكت بنصر والله وفادت لغة تهديد علي الآكبر تعلمتها منه
عمتي تبوس بيهمّ وهو يبوس براسها عاتبته على عصبيته سكت
رفّع روحه شافني ظل يحجي وياهم وعيونه ما رفعها مني
صار يسلكهم بالكلام وياهم خاص الصبر عنده عافهم وصاح
_ دُر تعالي جهزي الحمام .
هو صعد ودخلوا شيوخ فتحوا الديوان وعمي
صاح على ولده وياه هو كمل طريقة وصعد فوك
صاحتني عمتي رحت وياهن بالمطبخ هو كلشي ما اعرف
بس اخلي شكر بالاستكانات نص ساعة ونزل لابس دشداشة
لون ابيض وبيده سبحة يفر بيها عطره لعب بكلبي لعب
تعدانا ودخل شهد تستمع عليهم من الباب وضربت على خدها
_ يمه جايين يحجون على مشاكل الصارت يبوووووو
فزيت على صوت علي الآكبر ابو يغلط وهو يهدد
علي الآكبر: بوية انت ماتدرين هل عار شمسوي خليني ساكت .
الشيخ : شمسوي يعني احسن الك عريس بالسجن مو عيب .
علي الآكبر: مو نهاية العالم اهم شي حگي اخذه من حلگ السبع
ولووو مابيهم واحد سبععععع .
الشيخ : چا شكوووو اخذت منهم .
علي الآكبر: لااااااا ما إقبل ينحجي بـ اهل مرتي انا قاصد عمامها
ابوها على عيني وراسي ما اقبل ينهانون اهلها واجب احترمهم .
ابو حسن : بعد انا اضمنه ابني ما يسوي شي .
علي الآكبر: انا لا تضمني ما اسيطر على روحي من اشوفهم .
وعمي صوته جلجل الديوان واخوانه يهدون بي
يصيح عليهمممم : ولكممممممم يرررررجف ابو رجفه يررررجف
راسه يابس ابني واعرررررفه ما يركد اذا مو كارثة .
دقايق وصارت تدخلات وكلام وتعهدات طلع وياهم برا
يسولفون واخوانه اباوع من الشباك يضحك خربان من الضحك
يتذكرون بالعركة وجود يمثل الهم الصار ظل برا واني التهيت
بين اصعد للغرفة لو اكعد بصف عمتي ارتاحت وصارت تسولف وتضحك
صار اليل وجهزوا العشا ساعدتهم فرشوا سفرة كلها كعدت
استحيت متت بدمي ما أكدر اكل وهو مندمج بالسوالف
بس عمي ما يحجي وياه عفت السفرة ما اعرف بهل امور
وصعدت بعدني على روتين اهلي اكل واغسل واصعد وصفية تغسل .
دخّلت الغرفة تعبانة ايام صار ما مرتاحة والوب والنوم طاير مني
خليت راسي على مخدة الغرفة دافية غفيت ، مر وقت حسيت
بلمساته على خدي حسيت بدفو انفاسه قريبة من شفايفي
غمضت عيوني بقوة من اخذ شفايفي يبوس بيها بلهفة
من عرفني كعدت دخّل اديناته جوة ظهري ورفعني بحضنه
لزمته نزل راسه برگبتي يبوسها ويجر النفس بقوة
بعدت روحي باوع بعيوني تقرب باس راسي
_ ردت روحي بيچ .
ضميت ايدي على صدري هو يلاعب خصلات شعري
وينزل يتلمس ركبتي ركزت على ركبته يبلع ريگه
جر نفس وعيونه ذبلانه : دُر اريدچ والقران تعبت .
حجيت بصعوبة عيوني ثگلت وكل جسمي تشنج بيده
_ احجيلي خليني ارجع اثق بيك .
رفع ايدي باسها اصبع اصبع وهو يجاوبني
_ لو سهلة ما أعذب نفسي واحاربها احجي واخذچ بحضني
بس خطر وداعت هل شفايفي خطر .
سحبت كل جسمي منه وهو يحاول يلزمني ويهمس
_ حتى انتِ تريديني لا تعاندين حتى نفسچ حرام والله .
وكفت استند على ميّز واني احجي صوتي ذبل
_ حرام عليه مو عليك ، اذا ما اثق بيك ما اسلم نفسي .
كعدت على تخم وهو صار مقابيلي على سرير
_ هذا عنادچ اذا ما أبطله فلا ارتاح .
_ اي منو مانعك .
_ تعالي هنا على اقل انطيني ايدچ حتى انام .
_ هاي جديدة .
فتح عيونه انگلب صار يخوف وصيح بعلو صوته
_ دُررررررر لاااااا هاي ولااااا هاي ليش تخبليني
عليچ بهل ليل تعااااالي هنااااااااا تعااااالي .
مشيت متردده كعدت واني ادردم
_ بس ايدي واذا ...
ذب الدشداشة رفعت حاجبي وصرخت
_ نعممممم هاااا شكوووو .
_ ما تتحملين تشوفيني هيج .
_ البس مطلع رجلك كلها شعر .
_ هسة اسوي مزيل مثل يسار خيسه .
نام وسحب ايدي شوية وجرني حيل ضربته لزم ايدي جهر صوته
_ دُر مو حذرت ممنووو ترفعين ايدچ ؟
_ اكره تجبرني عليك .
عاف ايدي وكف اخذ ملابسه السود ولثامه من الكنتور وطلع .
انتظرت هواي وماكو ، نزلت جوة ماكو استحيت ورجعت صعدت
اخذت تلفوني اخابر ما يجاوب ، اضطريت اكتب بقهر وحيرة
_ ما احب تزعل علي الآكبر وعدني يعاملني مثل اب ويحتوي بنته
يعني الأباء يزعلون بسرعة من بناتهم ؟ اكره شعور الحيرة
ما اريد افكر اني تعبانة من التفكير ردت علي الآكبر لان من جنت
احير بشي هو يحلها هسة شنو اختلف ليش هل معاملة
يعني هو يريدني بس علمود رغبته وكل الوعد كذب ؟
بنفس لحظتها شافها وكأنه ينتظرها انتظرت يجاوبني
بس ادري لو شيصير ما يجاوبني ، لفيت نفسي اريد اهرب
من تفكيري وقهري انفتح الباب التفتت بسرعة دخل
ذب مبايله وأغراضه: دُر تعالي ويايه .
_ وين ؟
مد ايده رحت بسرعة خليت ايدي بين ايده نزلنا بدون صوت
البيت ساكن الكل بغرفهم لمحت الساعة بـ3 الفجر فتح باب
المطبخ وتوجه على مطعم فتحه وسحبني قفله مسوين
مثل الميز بس مرمر فاصل بين المطبخ والمطعم
صرخت من رفعني من خصري وگعدني وراح يشغل الطباخ
_ جوعانة .
_ لا .
_ ركزت بيج ما اكلتي .
_ دائماً تركز بيه .
_ تسوين اتعب عيوني بيچ .
طلع لحم مثروم اكياس جهز الخلطة بين ما ماع الحم
خلط كلشي وكل شوية يوكف يصفن يبتسم ويرجع يكمل
_ تحبّين تاكلين لفة همبركر ؟
_ اي اريد .
_ واني اريدچ .
ضحكت من اجه اتجاهي كرص خدي .
راح يجهزها بالصمون اجه ابالي سؤال
_ شوكت شفتني اول مرة ؟
ضحك ضحكة طويلة رتبهن بالماعون وياها فنكر وصوص وببسي
خلاهن يمي اشر عليهن : اكلي واسولف .
اكلت هو مركز بحيث خجلت خجل بعمري ما خجلت مثله
دقايق وجاوبني : بعز شغلي واكف انتظر ابوچ يطلع
مركز بترتب السيارة وانتِ طلعتي جنتي مبدلة شعرچ يتلاعب بي الهوا
عقلي صفن بيچ حسيت كلشي انمسح بس انتِ اشوفچ تمشين
صوّت كعب حذائچ لليوم يرن براسي ، عطرچ بريتي دخل
دخت بيچ من يومها حياتي كلها انگلبت .
_ بس اني ما شفتك .
_ ادري دائماً جنت اشوفچ وماتشوفيني .
_ مو قصدي بس عقلي دائماً متشوش .
_ ادري بيج بوية .
مديت ايدي بيها صوص واحاول انزل حتى اغسل
رفعني حضني حيل وصلني للمغسلة رفع ايدي
_ اعرف اغسل .
_ اني اغسل ايد بنتي .
غسلها بالصابون وسحب كلينكس ينشف بيها رفع
ايده على شفايفي يمسح بيهن ذبلت عيونه بسرعة
حارب روحه حتى مايقترب ابتعد وهو ينطيني ظهره
_ شبعتي بوية .
_ اي عاشت ايدك كلش طيبة .
_ تنامين .
_ اي .
اخذني وطلعنا قفل البوب وصعدني هو يبدل ويحجي
_ نامي انا راح اكعد شوية وانام .
عرفت مايريد يقترب لأن يضعف خليت راسي على مخدة ونمت
_ علي الآكبر .
_ امر .
_ شكراً .
_ راضيه .
_ اي .
_ انا مرتاح لان دُر راضيه .
غمضت عيوني ودرت وجهي اضحك كلبي يدك سريع
وجسمي من الفرح ينمل بقيت اتحرك الى ان نمت
فزيت الصبح ماكو علي الآكبر ، دخلت سبحت وبدلت
تراك ورفعت شعري ليفوك ونزلت ، شفت عمتي كاعدة
ترتب هي والبنات بالمسواك مبين رايحة للسوك
_ صباح الخير .
ريمان : الساعة بـ12 اذن وخلص يا صباح يا حلوة .
ام حسن : صباحچ خير يمه ايدچ بيد خواتچ يلة
حتى تجهزين روحچ اليوم السبعة مالتچ والعالم تجي .
دُر : شنو سبعة ؟
بقت تشرح اليه عدهم بعد سلع ايام زواج يسون سبعة
بيها الروس تلبس سبع فساتين وتجي ملاية تغني
افتهمت عليها حاولت اسعدهم كلشي ما اعرف بقيت
اصفن حايرة بروحي ، وعبالهن اتقصد بس اني من صدك كلشي ماكو
بقيت افتر افتر الى ان صاحت عمتي : شهد يمه اخذي دُر
تجهز روحها هم يلة .
صعدنا اني وشهد كويت شعرها وهي تكوي بشعري
مكيجت نفسي وسويت مكياجها هو اني بس بسوالف
المكياج والملابس شاطرة ، لبست فستان احمر ضيق
ورفعت شعري طلعت طوق من ورد لبسته ورشيت عطر
نزلت من سمعت صوت النسوان كلهن مجودات .
دخلت سلمت وكعدت وشهد ويايه ما عافتني
اجت شمس بوستني وتتغزل جنها اخوها
وشوق تضحك عليها فاتت الملاية وياها
اريام خطيبة علي الآكبر وامها ونسوان اخوانها
تعجبت على صلافتها سلمت على نسوان كلها واني
ولا عبالك تشوفني بدت الملاية تغني ودگ طبل
وهي وميثاق يرگصن سحبتني شهد وشمس
من ايدي بقيت اصفك وافر بنفسي خجلانة .
كلها تركص من تعبت وكفت واني صعدت بدلت فستاني
بفستان ثاني زيتوني وغيرت لون حمرتي نزلت
وبعدهن ركص بدون تعب كعدت اضحك وعمتي
تعرفني على نسوان الموجودات ، بدلت الثالث
قصير اسود .
لمحت علي الآكبر فات صعد فوك نص
ساعة ورت ابدل هو نزل سابح ومبدل
خالته تبوس بي وهو يضحك وياها وعماته يرگصن
وياه هو ثابت ويجاوب بثگل دار وجهه شافني عباله
بنية دار وجهه ورجع يباوع من جديد عرفني ابتسم
ورفع اليه ايده بمعنى تعالي اول ما اجي سحب راسي
وباسني : ها بوية ما شايفچ اليوم شلونچ .
_ زينة وين جنت سألتهم عليك .
_ بالمطعم خابريني من تريديني .
هزيت راسي كرص خدي مقابيلهن كلهن وطلع .
صعدت لبست الفستان الرابع واني انزل سمعت
صوت بنيّة تبجي تقربت على غرفة ميثاق
اقتربت اكثر اسمعها تشكي : يحبها آني آعرفه علي الآكبر
من يحب عيونه تلمع حتى مايخجل يعترف بيها اني من
جنت خطيبته يگلي مايصير اعبر مقابيل الكل
وهسة شفتي يبوووووسهااااا من راسها ويحجي وياها
عبالك بنته مو مرته لچ بكلبييييييي نار ميثاق اريد اموووت
ما اتحمل اشوف علي الآكبر يهتم بـوحدة غيري .
ما تحملت اسمع اكثر نزلت ركض عبوني أدور علية بالمطعم ماكو
رحت بصف عمتي الوب لزمت تلفوني وكتبت
_ انت وين لا تدخل للبيت ممنوع اختنكت ترااا اني اكررررره
احد يشاركني ويفكر بشي راجع اليه اني انانية كلش انانية
اذا احس بس احس شخص يشاركني بيك ما اعيش لحظة
بنفس مكااااانك مقهورة كلبي اعتصررررر .
شافها وطلع ، رجعت كتبت
_ شلون جنت تعبر على حبك هااا اريام شلون تعبر الها ؟
شافها طول بالمحادثة كتبت
_ اي تذكر شلون تذكر تخيل وحدة غيري .
سديت التلفون خابرني ما جاوبته انحرجت من عمتي
لحت على فستان صعدت لبست ماروني ونزلت
وكف علي الآكبر بالباب گال الشهد : اغراضي سلميهن الدُر .
انطتني المبايل والمحفظة وهي تضحك
_ شوكت اتزوج وبعز الهوسة زوجي يصيحني يسلمني
صبحوا شهد وينطيني الأغراض .
عاط بيها جود فززها: غير تستقر أمانات باب المرررراد .
وهي فطست ضحك طلع ورجع وره نص ساعة
يصيح بعالي صوته : وينهاااااا دُر أمانات باب المراد
اريد التلفون والمحفظة .
طلعت اريد أسلمه ولمحت ميثاق تحوم برا
مبين براسهن شي دخلت انفتح الباب ودخلوا
عمي والولد والملاية تغني الختامية قبل لا تطلع
انطاها حسن غنت بـ اسمهم والباقي نفس الشي
فات علي الآكبر بدون ما يدفع علت الصوت وغنت
_ اسمر ويخبل وكل القوط تلوگ علية .
هو طلع من النوع الخجول مسح راسه بالكلينكس
واني مفهيه اباوع عليه هو من شافني ضغط على اسنانه
نزع القمصلة وصار يتقرب مني
_ طالععععع كله طالععععععع مو كلهم واكفين .
صار مقابيلي حتى مايشوفون وفات جود
صاح بعالي صوته : العباس عليها اللي عدها بنية وما تنطي .
وهي تغني وذب لحم بالنص هو وشهد والولد يضحكون عليهم
دخلوا يهوسون وياهم وهو يسوي حركة عود يفرّ بشعره
ضربة عمي على راسه : ولك بت انت عيب خزي ياهو ينطيك مخبل .
كمل رگص وصاح بيهن قبل لا يطلع
_ كل بناتكم مو حلوات شفتهن كلهن
انا اريد مثغفه مثل زوجة اخي .
وعمتي تسكت بي عاط بيه
_ دُر احجي مثقف صفنيهن .
كعدت على كرسي خربانه ضحك وعلي الآكبر طفر هو واخوانه
خزاهم تخزي بالضحك وعماته يصيحن : ولك شني قصدك
احنا معدان يت طايح الحظ امشي لا بارك الله بيك .
صعدت لبست اخر فستان من نزلت اريام ماكو
بس امها وميثاق بالمطبخ من شافتني نزلت
أرتبكت فتت على استقبال الولد وعمي كاعدين
والخطار رايحن بس كم وحده موجودة
خابرته جاوبني بسرعة : انتَ وين ؟
علي الآكبر : بالمطعم .
_ منو يمك ؟
_ منو ؟
_ جاوبني بدون جذب ؟
فات للبيت وآني أحجي لزمني من ايدي سحبتها وصعدت
اول ما دخلنا للغرفة سد الباب فتحت كنتوري وصرخت
_ مااااااا ارررررريدك .
_ شكوووووو .
_ ما احب هيج تلعب نفسي تفتهم شنو تلعب نفسي
هاي سوالف الشك مو جوي ابد حسيت وما اريد اشوف .
_ دُر شيسمونها غيره .
_ احترام لازم تحترمني .
_ وتعلميني شلون احترم بدون ما توصيني .
_ هسة تخلي النقط على حرررروف فووووراً .
_ شلون ؟
_ انتَ تحلهااا مشكلتك مو مشكلتي .
لدقايق هو مركز بيه واني ارجف من العصبية فقدت اعصابي
اشر على كنتور وهو يطلع
_ بدلي هسة اطيب خاطرچ بيهن بس لا ترجفين .
هو نزل ودقايق والأصوات صارت عالية اسمع
صوت ميثاق وسراج الدين يصيح وام اريام تبچي
ما افتهمت شي بقيت بالغرفة ساعة كاملة وبعد
ما سمعت شي اريد انزل وصلت الباب غرفة ميثاق
وما احس غير سحبتني من ايدي اريد استوعب سدت ريمان حلگي
ما گدرت لزمتني ملختني تملخ رفعت ايدي
جريت شعرها ودفرتها ضربتها راشدي وهي نامت
فوك بطني تضرب وتسد بحلگي وريمان تضغط على راسي
رجعت دفرتها وزحفت فتحت الباب وركضت
عثرت وعلى اخر لحظة لزمت بالمحجر دفعت
الباب وفتت عليهم علي الآكبر من شافني وكف
وصاح : شبيچ منووووووووو وياچ لچ منوووووو .
حضني حيل شهكت بعلو صوتي وصحت : كتلوني علي الآكبر كتلوني .
يتبع ...
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد