_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
هلي لو ضعت منكُم
عَني لا تنشدون وادم مالي بِـ الوادم رَبع
روحوا خُمّو عيون كِل مَتعوب تلگوني دَمع..
لطفا لا تنسون التصويت والتفاعل بين الفقرات
⊰ حُــرة ⊱
طلعت وياها عدلت جنطتها
والأوراق وفتحت الباب هيَّ طلعت وشافت علي الآكبر
لابس رسمي من طلعت فتح باب السيارة
دُر : علي الآكبر ؟
سكت ما جاوبها ضحكت
دُر : لو جايبين ياسين سايق وحارس احسن منك .
علي الآكبر: وعليكم السلام ، يلة نتوكل اصعدوا .
دُر : بطلت ما آروح ارجع للبيت .
علي الاكبر: اي تدللين اساعدج تصعدين بالسيارة ليش لا .
دُر : شنو ؟
بعدها ما كملت كلامها لزم ايدها وصعدها بالسيارة .
بقت تنتظر يصعد افتر وركب بنبرة حقد حجت
دُر : شتسوي هنا ، هددت ابوية مو جبرته يوافق عليك ترجع
علي الاكبر الي ينصب ويضحك على اكبر واحد بلسانه .
هيَّ تحجي وعلي الاكبر يستمع بنهاية الكلام رن تلفونه جاوبهم
_ اسمع ، تمام ، كلشي تحت السيطرة لا تخابر بعد .
حُــرة : دُر تريدين اتعارك وياه ؟
_ عوفي هسة بس نوصل اخذ تكسي وارجع للبيت .
التزم علي الآكبر الصمت ويسوق بالسيارة بكُل احترافية
الى ان وصلنا نزلت دُر تمشي سريع ركضت ورأها
بعدنا نمشي واشوف علي الآكبر يمشي مقابيلها وكفت
واستدارت عليَّ مصدومة وتأشر وهوه عبالك مايشوفها
دُر : راح يدخل ويانا؟
حُــرة : علي الآكبر راح تدخل ويانا؟
علي الآكبر : منوع السؤال .
دُر : استلمي .
حُــرة : خلي يفوت عادي شكو بيها .
دُر : استحي بابا شيگولون عليَّ .
علي الآكبر: منو يگول احودهم حود وحگ داحي بآب خيبر.
رجعت للسيارة تريد تفتحها وراح علي الآكبر يمها بقيت بعيدة
عفتهم يحجون ويتفاهمون ما اريد ادخل بيناتهم .
دُر : رجعني
علي الآكبر : الدوام .
_ راح تفوت تسوي مشاكل ادري بيك
تريد تخبلني شكووو رجعت مو تمنيت ارجع غريبة
غربت روحي عنك ليش ترجع شنو تريد مني ؟
_ وصرتي غربة وانا غريب على هل اساس اتصرف وياچ .
_ واني هممممم اتصرف وياك حالك حال الغريب .
_ هاي هيَّ بعد على شنو محروك گلبچ وتصيحين فوتي يلة .
فاتت واني وراها من الباب وبعد ما دخل
كعدت وطلعت فلوس من الجنطة
_ حُــرة اريد ماي فدوة يبس ريگي .
_ شبيچ .
_ من اشوفه ينگطع الهواء مني جرحني كسر كلبي
ورجع يريد يخايني اشوفه بوجهي كل يوووم حُــرة .
عفتها ومشيت سريع اشتري ماي الها سمعت اسمي
التفتت على مصدر الصوت شفت علي الآكبر واكف بصفها
وبيده عصيرها الي تحبه ولفات اثنين ، رجعت اتصفن على ايده
علي الآكبر: خليها تاكل وهذا علاجها تشربه .
دُر : علاجي هذا علاجي شلون وصل يمك ؟
علي الآكبر: هذا شغلي ولازم اعرف كُل المعلومات على شخص
الي اشتغل عنده ، وضعه الصحي ، وضعه العاطفي
وضعه النفسي ، وضعه الاجتماعي وغيرها .
ترك الأكل وطلع لزمت راسها تهز بي ورفعت عيونها حمرة
_ ما اتحمل اشوفه ولچ اموووت والله صار فترة
متت باليوم الف موته حتى ابتعد وما أتنازل وأحاربه مثل ما حاربني
هذا منووووو رجعه ويايَّ منوووو يريد موووتي منوووو .
حُــرة : لا تبجين ولا تصيحين وتنهارين اكيد كاعد يراقبچ
لا تبينين نفسچ ضعيفة هوه مو جرحچ بالكلام انتِ صيري
قوية ورجعي كرامتچ بس بالأفعال احنا النساء لازم نصير قويات
الضعف مووو ثوبنا دُر هل ركاكة بطليها وارجعي ارفعي راسچ
وبيني انتِ تخطيتي وجودة بحياتچ بأفعالچ .
خلت ايدها على صدرها وتجر بالنفس وتزفر كررتها خمس مرات
وضربت خفيف على ميز وابتسمت بوجهي
_ أني اقوى منه اني دُر .
مشت تشوف شنو باقي من اجراءات وساعدها صديق
انــور موجود هناك ومنتظر وصولنا بعدنا ما مخلصين
ورن تلفونها راح الولد يتأكد من كم ورقة ودُر جاوبت
_ ها امي ، صباح النور ، اي بالجامعة ليش ؟ ها انتِ ومنو
بالمطعم ؟ ما اسمع بس اخلص هل كم اجراء واجي ماشي هلو هلو امي .
بقت بالساعة تروح وترجع تكمل وتوقع وتبصم بس كملت
اخذت بطل ماي شربت نص بطل وهيَّ تهمس
_ حتى الساني ثگل من الصدمة الصباحية .
_ هذا كون الثگل للساني الحيوان لچ عيني يورطني بطراگيع .
_ على يوم تنسحلين من انــور وريان .
_ هذا انــور شوية اخاف ما اجفص هواي وياه
اله هذا ريــان من اشوفه الجفصات تمطر ارگع بالأولى
تجي الثاني لو اخلي روحي بيها ما تنصبغ ولا تترگع .
ضحكت وطلعت شافنا علي الآكبر مستند على السيارة
يحجي بالتلفون مندمج لمحنا من بعيد نضحك
غلس عدل ملابسة سد الخط وفتح السيارة صعدنا
النص الطريق ودُر تحمحمت تحجي وعيونها بالتلفون
_ اريد اروح المطعم **** امي تنتظرني هناك .
عدل المرايا يباوع عليها ومبتسم بطرف شفايفه
_ امچ ؟
_ اي امي .
_ اي تدللين ست دُر .
صرنا بوسط ازدحام طلع تلفونه ما أدري شنو يكتب
بس تحرك السير فر السيارة وتوجهه للمطعم
دخلها للكراج رجعت دُر تحاجي
_ لا تنتظر ارجع اني وامي .
_ مووووو بكيفچ بعدچ على ذمتي لا تخليني هسة
افر السيارة وارجعچ غصباً عليچ البيتي اني وتحلمين تشوفيهم .
_ وتدري شيصيررررر اذا تسويهااا .
_ مايهمني .
_ يهمك ضروري يهمك اكيد ما تجبر انسانه تعيش وياك
وهيَّ رافضتك گلبي وعقلي رافضين وجودك وتدخلاتك بحياتي
كُل ما المح وجهك اتذكر كلامك بذاك اليوووووم .
نزل من السيارة وفتح الباب مالتها
_ وصلنا .
_ تروح ؟
_ باقي .
_ ما انزل ؟
_ تعرفين منو موجود جوة ؟
_ منو ؟
_ يعني ماتعرفين ؟
_ امي شبيك ناقصني تشك بعد وتتهمني .
_ لا بوية ما اتهم انزلي يلة .
وصلنا الباب المطعم ولمحت وفاء وكاعد يمها يسار
بس دخلنا شافنا يسار ما اعرف شنو بسبس بصوت خافت
بحيث وفاء گمزت واستدارت بكل جسمها هيَّ والكرسي
لزمت ايد دُر وسحبتها من علي الآكبر
وبلا خجل ولا وعي صرخت بنص المطعم
وفاء : هذا شيسووووووي هناااا وشلون ترجعين وياه تحجين ؟
دُر : مو اني هذا ..
وفاء : روح منا لا اخابر عليك ولدنا ينهون عليك والله .
مال علي الآكبر راسه على يسار الي گاعد على كرسي
وطابگ رجل على رجل يبين روحه قوي ما مهتم وخايف من علي الآكبر .
علي الآكبر: اروح ضروري اروح لان جمعة نسوان
هاي الحلوة منين بنت عمتكم گاعدة خجلانة .
يَسار: لا تجاوز اني ما متجاوز عليك .
_ جرب تجاوز واخليك تلوح الغيم واطمك طممممم بيدي .
طگ علي الآكبر رگبته وراح اليسار لزمه من ايده وجره
جر بنص المطعم لزمته وفاء وصاحت من فشلتها بالمطعم
_ منا العالم عوف الولد .
علي الآكبر: تخافين عليَّ لو تخافين منه حددي حتى اعرف شغلي .
وفاء : شنوووو قصدك ؟
غمز الها علي الآكبر وكمل طريقة يجر بيسار ويسار يسحب بروحه
_ لا تخاف نوكف انا وياك برا احاول ارجعك تصير زلمة يخيسه .
دُر : يريد يروح هد ايده عيب منا العالم .
دفع علي الآكبر يسار ورجع على دُر سحب كرسي ولزم ايدها
گعدها وهوه يحاجيها مستعجل لان يسار طلع يركض
_ انتِ عيشي حياتچ مرتاحة بهل ايام الحلوة بينچ وبين امچ
وخلي الباقي بيدي انا اتصرررررف اعرف اعالج الحيوانات .
عافنا وطلع وفاء انخبصت تتصل وتروح بعيد تحجي
ترجف وترجع تحاول قدر المستطاع ماتصيح بوجه دُر
_ غير المفروض تبلغيني ابن صفوان وياچ هيج تصدميني ؟
_ اني مثلج طلعت الصبح وعلي الآكبر بوجهي
مافهمت ابوية لو ريــان مخلي وين صايرة بالله ترا
احنا على ابواب انفصال .
اخذت وفاء جنطتها وطلعت ادردم
_ اروح اشوف هذا أخآف يأذي الولد هل همج ابن الهمج .
حُــرة : يأذي ؟ اووووف من بزر النساتل .
طلعت دُر والتفتت تحجي سريع مستعجلة
_ ابقي بصفي مو تروحين بعيد وتضيعين .
_ اضيع ؟
مشيت وراها واهز بيدي ركضت من شفت علي الآكبر
حاصر يسار بين الحايط والسيارة وفاء تفك بي
من وصلت دُر ابتعد منه يعدل بملابسة وببرود وجهه كلامة اليسار
_ أتوكل حبيبي روح كمل حياتك وعيشها .
وفاء : الله لا يوفقك يا همجي .
علي الآكبر: انقهرتي على ابن حماج حقچ صاحبة واجب .
عافته يحجي وراح على دُر لزمت ايدها وجرتها وهيَّ تصيح
_ على جثتي اخليك تاخذهاااا تحلم ترجع وياك يا مجرم عصابجي .
غض غضبه منها وحسيت يريد ينفجر بوجهه بس تماسك
وكمل طريقة للسيارة ويسار طلع من الكراج بسيارته
صعد علي الآكبر سيارته رحت الدُر وحجيت بستغراب
_ عادي عنده راح ؟
_ لا تسأليني على هل انسان عجزت أفتهم تفكيره .
صعدنا بسيارة وفاء الطريق كُله تسب بي ودُر تفتح
بـ جام السيارة لو تسوي روحها تشوف التلفون
النص الطريق ورن تلفون وفاء جاوبت تلهث
_ يمي ماخليتها تروح وياه ، لاااا عيوني لااا شبيك
خيولي بنتي بعده ماتريده ولا طايقه اسمة هسة
كم يوم ارتب اموري واسافر اني وياها اي اي ماشي والله صار .
سدت الخط ودُر التفتت عليها
_ منو هذا ؟
_ من تعاركوا خابرت على زوج صديقتي
عسكري يدز دورية يسجنون هل همجي بس لغيتها .
من طريقة كلامها ورجفت صوتها عرفتها تجذب على دُر
اول ما وصلنا الباب البيت شخط علي الآكبر سيارته
قبل سيارتنا ونزل يخابر بالتلفون ويشرب جگارة
طلع انــور مستعجل يريد يطلع وعلي الآكبر صار بوجهه
انــور : شعندك هنا .
علي الآكبر : كمل طريقك ابني .
_ ابنك ؟ شتسوووي هنااااا شعندك على شنو ناوي بالجديد .
_ ناوي اطيح حظك ، كمل طريقك يلة لا دوخني كافي امك .
_ تريد اخبزك مو ؟
_ ههههههههههه صاير خباز ، دمشي لا اسكر ملفات وجهك .
نزلت دُر لزمها انــور من ايدها وبيده الثانية
فر سترة علي الآكبر بيده يحجي ودمه يغلي
انــور : هذا ليشششش رجع نبص روحه بحياتنا
مووو اخذت منچ كلمة هل عار مايرجع .
باوعت دُر على علي الآكبر الي مبتسم بحقد وجاهز للهجمة
خلت ايدها على صدر انــور تفر بجسمه وتحجي باستعجال
_ امشي نحجي جوة بالبيت فدوة عيب من العالم كل شوية
وصايرة مشكلة انــور حباب تعال .
علي الآكبر: اسمع كلامها لا آصفر أذنك اخليك تسمع بس ونات .
طگ رگبته وباثنين اديناته سحب انــور علي الآكبر
وصاروا واحد مقابيل الثاني ما بينهم غير كم خطوة
انــور : كف ايدك منهاااا دُر بعد لوووو تموووت ماترجع الك
وحتى لووو دُر بيوم سامحتك احنا اهلها مانقبل عوف اختي
علي الآكبر لاااا والله اعاملك بالمثل .
طلع ريــان يصيح على انــور يفك ايده مو علي الآكبر
ودخله للبيت قبل لا يروح اشر على دُر موجهه كلامة الريان
_ وصلت الأمانة .
_ بالحفظ والصوت اخذ راحتك حبيبي .
غض علي الآكبر نظراته من دُر وراح بسيارته
صاح بيهم ريــان دخلوا واستدار رافع حاجبة
_ فووووتي ست حرررررررة .
_ انت واهلك بالف مسرحية من مسرحيات عادل امام .
_ شوووفي حُــرة روحي ما طايقها تكفي الشر وخيطي
شفايفچ وفوووووتي للبيت وانتِ صامت اريدچ اليوم سايلنت .
قلدت حركته ورفعت حاجبي تخصرت وملت جسمي ورفعت اصبعي بوجهه
_ اسمعععع ترا اني مو روبات وتتحكمون بيَّ أشهركم والله
تعالي حُــرة ، روحي حُــرة ، نامي حُــرة ، اكلي حُــرة
ماااااا عاش الي يتأمرررررر على حُــرة اموووووته .
نزل راسه يفتح بالحزام وتوعد بالكلام
_ حقچ ماااا طلبتي غير حقچ تريدين تنكتلين ماتعرفين شلون ؟
_ عبالك اخاف اني من ابوية ما اخاف شوف هذا .
_ هسة نشوف .
_ ولااا تخوف زعاطيطي هههي اي والله ههي .
_ ههي اليوم اخليچ هههاااااي تصيحين .
طبگ الحزام صار اثنين وطلع منه صوت مخيف
ضحكت وهوه يتقدم بس وصل يمي رفع ايده مشيت برهاوه
_ قررت اكبر عقلي وافوت للبيت راح استخطيك .
_ بنت الـ***** نعلت الله على ابوچ .
_ والداعي ايضاً .
سرعت شوية من مشيتي مو خوف بس المشي البطيء
مو حلو وياخذ وقت من عمري لازم استعجل وافوت واصعد
بوجهي فوك بس هل مشهورين وين يخلوني وفضولي ابن
الحيوان وين يخليني فارض وجوده مثل هذا زوج الخايسة .
وكفت على درج اسمع بـ انــور يتعارك متخبل من وجود علي الآكبر
خبلوني بعلي الآكبر خطية ماعدهم محتوى للحديث غير بهذا
ابو رجفه الي فارض وجوده عليهم كلهم
ريــان : سد الموضوع.
انــور : يعني قابل يرجع صاحبك لحياتها؟ نسيت شصار بيهااا ؟
ريــان : ما نسيت ولا هيَّ نست .
انــور : اي مووو لعبة بيده ما اريدچ وبعدين اريدچ اكسر راسه .
ريــان : منوووو گال يريدهااا شبيك يمعووود .
انــور : لعد شكوووو يفتر وراها اذا ما يريدها .
درت وجهي على صوت يوسف جاوب انــور
_ اني رجعت علي الآكبر من ضمن الحماية مالتي
وتحديداً Body Guard لبنتي دُر .
انــور : لاااا تخليني اطلعععععع عن قاموووس الغة العربية
واسطررر كلمات ما مطروقة بالكوكب زوجهاااا بعده زوجهااا
يا Body Guard خلصوووووا بعد ماكو Body Guard
غيرررر علي الآكبر .
راح يوسف كعد بالصالة ويشغل بالجگارة
_ وهوه لأن زوجها انسب Body Guard الدُر
وعلي الآكبر يمتلك المؤهلات الكافية للعمل ويايَّ
انت خليك بشغلك لا تدخّل بقراراتي .
_ غلط قراراتك غلط .
_ انت تعرف شي واني اعرف شي مختلف جذرياً عن تفكيرك
قراري مو بيوم ويومين اخذته لا هذا قرار مصيري ولابد منه .
انــور : دُر ليششششش ساكته احجي شي .
_ اني بهذا البيت حتى كلمة ماعندي ابوك براحته يقرر .
انــور : يعني ما قابلة على علي الآكبر مووو ؟
دُر : اني وياه مو على صلح ابد من يشوفني واشوفه نتعارك
وانت تعرف بالقران اني مريضة وأعصابي تالفة
قرارك غلط انت بهذا تصرفك تضرني ما تنفعني
حتى وجودة يسبب قلق احس راح تصير مصيبة
بكل دقيقة تمر اخلي ايدي على گلبي راجع قرارك ادري
اذا اصيح هسة واعاند راح تزيد وتثبت على كلامك
واني والله ما اكدر كل يوم اشوف علي الآكبر راح تعذبني .
انــور يريد يحجي ريــان اجه يصيح حتى يطلع
وانور عاند ويتعارك هوه وعمي وفاء تخلي الأجواء
صراعات من تدخلاتها وكلماتها بين دقيقة ودقيقة
بالدفع والعرك گدر ريــان يطلع انــور برا يحجي وياه
وفاء تعاتب بـ يوسف لان رجع علي الآكبر بعد ما طلع من
حياة دُر وگدرت ترجع للدراسة وعدها امل بحياتها
قابلها يوسف بالبرود والتجاهل ، تركت المكان وصعدت
وبصوت عالي تدعي على علي الآكبر وعلى اهله
صعدت للغرفة مالتي وقفلتها ذبيت ملابسي وفتحت الشباك
لمحت ريــان يحجي بـ انفعال ويضرب انــور بطرف أصابعه
وانور طابگ حاجبة وملامح الصدمة وعدم التصديق واضحات
بالنص ساعة اروح ابدل وارجع اشوفهم يحجون
طلعت الفات الي جابها علي الآكبر والعصير اكل واراقبهم
فتحت الشباك وكعدت على طرف اريد اسمع حرف ماكو
طلعت رجلي من الشباك مابي حدايد مقابيلي ظهر بيت
محد يگدر يشوفني لان يحجون وراه البيت بالحديقة الصغيرة
شربت عصير واكلت بعد هل حوار الطويل طلع انــور
خلصت لفتي اريد اسحب الثانية حتى اكملها حرامات تخرب
وريان يريد يروح وعلى حركة رجلي رفع راسه من شافني
حسيت ماتت عنده خمس ارواح وبقت اثنين لان عتوي .
رفع ايده وضربها بالحايط صار جواي مباشرةً حتى اذا اوگع
يلزمني يضحكني هل رجال خليني امشيها عليَّ اموت على
هل سوالف البريئة وصل الملعب حُــرة يدلل
ريــان : حُــرة انزلي لا تشمرين روحچ ترا المسافة صغيرة
تتكسرين ما تموتين .
_ لا اوگع شطح على راسي .
_ لا العباس عليچ لا تسويها حرررام لچ حرررام .
_ حرام عليك لو عليَّ ؟
_ بعدچ صغيرة الدنيا گدامچ .
_ شنو قصدك بالدنيا گدامي بس لا انت الدنيا ؟
ظل يروح ويرجع حاير يريد يصعد ويخاف اذب روحي
_ لا شنوووو اني ، حُــرة اخليچ تكملين دراسة .
_ وبعد .
_ انتِ شنو ببالج انزلي خلي نتفاهم اني وياچ يلة فدوة .
_ احجي هنا اسمعك .
_ ولچ انززززززززلي كلبي راح يوگف حُــرة انزلي بروح مصطفى .
_ تخليني اروح البيت اهل مصطفى ؟
_ اي .
_ احلف هووواي احلف .
_ بالقران والله العظيم والعباس تروحين زين هيچ بس انزلي
رجلي بعد ما تساعدني اوكف لچ دخيل الله انزززلي بس انزلي .
عصرت عيوني طلعت دموع وصرخت
_ اريد اسوي ثواب المصطفى ؟
_ اذبح اربع طليان أوزعها ثواب الروح مصطفى
اگله رووووح ارتاح بگبرك خليت المصيبة عليَّ .
_ تحب اخلصك من المصيبة ؟
_ لاااااااااااا ديري بالچ لچ ارجعي لا تزحلگين .
اجه انــور على صوته شاف ريــان حال الضيم حالة
_ شبيك ولك تصيح .
_ لك شوووف هاي بنت عمك خبلتني ناقص مصايب اني .
رفع راسه شافني رفع ايده يغلط شمه
انــور : ها بنت ياسين الـ**** تريدين تنتحرين
كون انتِ وابوج بيون واحد انعل ابوووج بنت الـ*** .
حُــرة : ريــان شووووف شلون يغلط حتى لو اريد اتراجع
وما انتحر بكلامكم هذا تجبروني اموت روحي واخلص من الظلم .
انــور : يا ظلم يا بربووووووك يا ظلم هذا يالعرمة
انتِ ظالمتنا منووووو يگدر يظلمچ بت ياااااسين .
دفعة ريــان ويصيح بي حتى مايغلط
ريــان : ولك انــور اريدك عون هاي تسويهاااا صدك
حاجيني شسووووي ماتقتنع يبست حلگي .
انــور : خليها تنتحر هاي تفحطك والله .
رجعت روحي شربت شوية عصير وصياح ريــان
رجاج بالبيت رجعت خفت منه هذا صدك راح انتحر عزه
العزاني غطيت وجهي حتى لا يشوفوني ابتسم وخايفة
حُــرة : اني هل حياة ما احبها تعبتني .
انــور : انتِ تعبتيها النمرة .
ضربة ريــان على رأسه ودفعه
_ شلوووون يخلي راسه براسهااا يريدهاااا تنتحر اسكت لك اسكت .
_ جذابة هل عرمة ما تنتحر تضحك عليك .
حُــرة : والقران اشمر روحي ريــان اضربة .
ريــان : كافي عيوني دنزلي ومايكون خطرچ غير طيب
الي تريدي وتأمريني بي يتنفذ بعد وهاي يمين عليَّ بس انزلي .
حُــرة : خليني افكر دقيقة .
ضرب ايد بأيدي وانور يشيل بروحه ويرگعها يغلط ويسب
ريــان : فكري بس ارجعي لا توگعين ارجعي فدوة ارجعي .
حُــرة : خطية راح يموت اخوك لك انــور اغسل وجهه .
انــور : بدمچ اغسل وجهه خليني الزمچ يا بوية شسوي بيچ .
حُــرة : شسوي ؟
انــور : اموووووووووتچ خلاااااااااص .
حُــرة : لعد خلي اموت نفسي اني احسن ، من يتحاصر الجندي
يكتل روحه بسلاحه واني حالي حال الجندي .
ريــان : لاااااااااااا حررررررايررررر لااااااااا مو راح اموت .
عض انــور أصبعه ويصيح محروك گلبه
_ انطيني هل بربوك ساعة بس ساعة غير اخليها
كل ماتشوفنا تختل اربيهااااا تربية من هاي التوووووب .
حُــرة : شنو حشاكم يعني بس قابل جلاب .
انــور : حررررررررررررة .
لزم ريــان راسه ونزله وجسمه يهتز وانور تخبل يصيح
_ كل عقلك تبجي لچ انزلي .
واني عبالي صدك يبجي نزلت ومديت بس جسمي اشوفهم
رفع وجهه صاير احمر من الضحك
انــور : تضحك ؟
ريــان : السانها ، مصيبة على السانها .
انــور : ريــان انت منين اتعاني ؟ اكفخكككككككك تريد اكفخك .
ريــان : هههههههههههههه .
حُــرة : اضحك ابن عمي تأبر مرتك الثانية ان شاء الله .
انــور : امين وانتِ بصفها يأبرج أبرر رررر .
حُــرة : وأبركم بصفي ابن عمي المدگدگ .
اجت دُر دفعتني وصاحت بيهم
_ صار ساعة اضحك عليكم انتوا تصيحون وباع حُــرة
العصير ولفات تاكل وتلعب عليكم حل تستاهلون هههههههه .
ريــان : جذابة .
كمزت بحماس واضحك مديت راسي وصحت
_ والله تحجي صدك شبيك هههههههه .
_ اجيت احرك ابوووووج .
انــور : رجعها البيت ابوووها هل عرمة .
لزمت قميصي اكمز من الخوف عضيت دُر وطلعتها
من الغرفة كون امووووتهااا من الكتل اختهممم بعد العرگ دساس
قفلت الغرفة ورحت للحمام هم قفلته وبس التلفون يمي
اهز برجلي وهوه يهدد ويتوعد بصف الباب دقايق
وصار هدوء مبين راح ، طلعت اخذت العصير وكملت لفتي
وسحبت الغطوة تغطيت ونمت جريتها نومة لليل گعدت .
فتحت الباب ماكو احد وإنارة البيت خافته نزلت على أطراف اصابعي
شفت المطبخ فارغ حميت الاكل على سريع ورجع للغرفة
لا يروحون يشوفوني ويسوني شوربة ، يومين اني بالغرفة
دُر بعد ماتقبل تطلع من غرفتها للغرفة مالتي وتنزل مرات جوة
باليوم الثالث واسمع صوت صراخ من هذا الي يخلي گلبي يهتز
من الرعب والرهبة طلعت من غرفتي وكفت على درج نزلت
شوية والمح ابوية داخل هوه واربعة من ولد عمي الجبير
خلص على ولده وهسة دور ولد عمي لازم يدخلون ولدهم
شفت البيت فارغ وصياح صفية ورعبها والمسدس براسها
شلون دخلوا هذولي شلون والحراس اثنين برا وينهمممم ؟
زحفت حتى ما اطلع صوت اريد اركض ورنيم صاحت
_ شبيچ حررررررة خايفة وتزحفين معقولة تخافين من ابوج .
درت وجهي عليهم ولد عمي ركضوا اثنين طلعت دُر من غرفتها تركض
لمتني من ايدي وسحبتني وراها ودفعت رنيم بكل حيلها
دُر : ياسين لملم هل كلاب وروح منااااا اذا يوصل صگاركم يحودكم حود
والله خابرت علي الآكبر والله وعلى وصووووول يدفنك دفن .
ياسين : قناص على واجهة موقع البيت بس يوصل يخلص عليَّ .
دُر : هذا القناص يفره عليكم فررررررر والله لا تلعب واطلع .
دفعها ابن عمنا يتضارب وياها وهيَّ تضربي بي
جريت شعره وضربته على بطنه ما ينگدر
صعد بعد واحد ثاني وياه حتى يساعده وينزلنا
ورنيم تمثل الخوف تصيح وتستنجد بس محد يقترب منها
_ وينهمممممم هذولي وينهممممممم .
كمزت وسحبت دُر من الصوت العالي الي صار
برا والنار توج بكل مكان ، صعد ابوية لزمني من شعري
وضرب راسي بالحايط وفاقد يملخ بيَّ ودُر تذب روحها عليَّ
وهوه يستغل الوقت ثانية ودقيقة يملخ بيَّ بحقد والمسدس
يضغط بي على راسي وايده ترجف من الكره والحقد
_ ضررربتي اخوووووج بنص گلبه مووووو وعشتي حياتچ
خليتيني انتِ وزوجج بالسجون وكملتي على باقي اخوانج الخاطر
شنوووو لأن ما خليتچ تزنين انتِ وصاحبچ اغسل عارج بيدي
بيددددددي اغسل عارچ يا عاااااااار .
دفرته بلا وعي وارافس برجلي ودموعي تجري على ايده
_ يابه راح امووووت اختنكت .
گلبت عيوني وبعد ما احس بكلشي احس بروحي تطلع
وبس اسمع دُر والمحها واني اسد بعيوني تضرب على وجهه
وظهر ابوية وتسحب بيده وبعلو صوتها تصرخ
_ مااااااتت مووووتتهااااااا ماااااتت حرررررة عووووفهااااا .
دُر ..
طلقة تبعت الثانية انضربت من جوة الفوك استهدفت
الحايط الي صاير قريب من ياسين العار بقيت اضرب بوجهي
من شفت جــود وريان دخلوا يركضون ريــان صعد وجود
على ولد عمي إثنين وهوه واحد وريان نفس الحال اثنين وياهم
ياسين حيله حيل شاب بداية عمره اريد اخلص ريــان
وهوه يدفعني ويضرب بهذا ويكمز على ثاني ويجر بـ ياسين
بس حتى يگوم من حُــرة ويصيح وهوه يضرب وينضرب
_ دُررررر حرررررة دُررررر بعد ما تتحرك لچ دُررر .
دخل أبوية يركض يسحب بـ ياسين ويصرخ
_ عووووف ولدي اطلععععع برا ياسين اطلععع بررررا .
ياسين : سجلت أملاكك بـ اسماء ولدك وبنتك مووووو
بصمت بهاااااي ايدددددك بصمت
طلع المسدس لمحت علي الآكبر دخل ضميت راسي وصرخت
من خوفي من المسدس ما اسمع غير صوت طلقة
وريان صوته صدح بكبر البيت مفرفح
_ ابووووووووية بوووووية ولك ليشششششش
ياسين ابووووووية بوية حاجيني تسمعني .
كمز علي الآكبر على عمي والجوارين كلها على صوت
دخلوا علينا للبيت يفاككون بجود ولد عمي وريان
وعلي الآكبر فقدوا على ياسين يشيلون بيهم
وبعدهم يضربون بلا وعي يدفرون وعلي الآكبر كعد على صدره
بوكسات ويخنگ بي ويشيل براسه ويرگع بي بالگاع
الحد ما دخلوا النجدة والجوارين يحجون ويصيحون
هذولي دخلوا موتوا البنية هاي فوك وضربوا ابوهم
والموضوع صار عركة املاك .
اخذوا النجدة جــود والجوارين والحرس ينزلون ابوية
علي الآكبر: لك مررررتك رووووح شوفهااا .
دخل انــور من الباب شاف ابوية يجري الدم من ايده
وحرة ايدها تهتز شبه ميتة اتخبل وهوه ضخم
طفر على ياسين يريدون بس يفكون ايده منه
اخر شي واحد منهم ضغط بجهاز كهرباء بخاصرته
طفر ، لزموا علي الاكبر وانور اخذوهم ولان ماكو احد
يروح للمستشفى عافوا ريــان يروح وياهم بقيت
بزاوية الصالة الفوك اشوف بالدم تارس الگاع
واهز بروحي فقدت عقلي ما اكدر افكر ولا اتحرك
عجزت اني عجزت افكر .
طلعت رنيم تمسح بوجهي عيوني ثگلت اريد افتحها
افتر وجهه والگاع بيَّ فر ماكدرت اتوازن وگعت
فاقدة ، ماعرف الوقت وشكد مر بس گعدت اني
مو بنفس بيتنا اريد اكعد عندي دوخة الزم بالسرير
الدنيا كلها تهتز بقيت نايمة بس رافعة راسي انتظر تروح
مني حتى اكدر افتهم شنو يصير ويايَّ ، نزلت راسي
اشوف ملابسي مو نفس ملابسي ماتحملت وكفت بيدي مغذي
دخلت امي تمسح بعيوني وخايفة عليَّ
_ سودة عليَّ دُر ماما تعالي اساعدج تتعدلين وتنامين عدل .
_ اني وين ؟
_ جنتي بالمستشفى ماما فقدتي الوعي خلص مغذي بالثانية
گلت تطلعين أحسن لان المستشفيات لعبان نفس صايرة.
_ منو غير ملابسي .
_ اني ورنيم ماما مو عيب من المستشفى ملابسج بيها دم .
عصرت عيوني اريد اتذكر ما أكدر
_ ابوية وحرة شلونهم .
_ ابوج الضربة بيده الحمدلله الطلقة طالعة ما بقت بيده
وحرة بعدها بالمستشفى ما سألت عليها .
_ هذا بيت منو .
_ ها بيت صديقتي هسة نرجع للبيت أنتظرت صفية تخابرني
من تخلص تنظيف الدم عندي فوبيا من ريحته .
لزمت ايدها نمت عليهه اريد احس بالأمان وانسى الصار اليوم
بقت ايدها جوة خدي وتلعب بتلفونها باردة بس احس بالآمان يمها .
ساعة وطلعنا من هذا البيت حتى ماشفته زين
تسوق بالسيارة بكُل هدوء وصلتني بالبيت
صعدت بغرفتي بيتنا نظيف وفارغ راسي بعده
دايخ اجت امي شربتني كبسول ونمت
كعدت وجع براسي ضغطت على راسي
ورفعت ايدي نفس ملابسي راجعت بيهن دم
نفس ملابس العركة استندت على حايط
وطلعت ادور على امي ماكو وصفية مختفية
بقيت نص ساعة ودخلت امي تهرول مستعجلة
_ ها ماما دُر مو گالت صفية متخربطة انتِ ؟
نزلت رنيم لزمت شعري تعدل بي
رنيم : فوتتها اني وصفية للغرفة ترتاح والحمدلله صحت .
لزمت راسي وكفت اشمر بيدي اتذكر وراسي يعصرني من الوجع
دُر : ماما انتِ مو اخذتيني للمستشفى ؟
وفاء: اني ؟
رنيم : يمكن تتهيأ عمة خطية الصار مو قليل دم وابوها وبنت عمها .
دُر : لا ما اتهيأ شلون اتهيأ والله يعني الصار حقيقي .
وفاء : صح مرات نحلم احلام عبالك حقيقية .
_ يعني جنت احلف لو اتخيل حتى ملابسي جنّت مبدلات
من كعدت رجعوا نفسهم مو معقولة وهم مستحيل .
طلعت امي وهيَّ تمشي تجاوبني
_ مو وقت كلام اروح اشوف ابوج وحرة شصار وياهم .
دُر : دقيقة بس ابدل اروح وياج فدوة.
وفاء : وهل رنيم تظل بيتي وحدها ؟
دُر : اريد اطمئن عليهم يمه لازم اروح .
صعدت بدلت والزم حياطين واسند روحي بالمحجر
رحت وياها بالسيارة دقايق وصلنا دخلنا على ريــان
حاير يركض بين ابوية وبين حُــرة والباقي بعدهم كلهم
بالمركز ولا واحد بيهم طلع ، رفع ابوية دعوة على ياسين
ولد عمي الجبير وعمامي فاتوا علية للمستشفى وبطن الغرفة
بس ابوية وريان بالعرك قبلوا يدخل ولا ساعة ولا ساعتين
يتفاوضون، وامي تستمع من ورا الباب وترجع تكعد بمكانها .
بعدني استمع واستداريت على صوت عمي وسراج الدين وحسن
تعجبت وامي من شافتهم بهتت وتبلع بريگها
ابو حسن : بنيتي دُر شلونچ ؟
_ الحمدلله .
سراج الدين : دُر خوية تعالي ويايَّ .
وفاء : نعم وين تجي وياكم من ذاك اليوم اجت بنتي
وكعت ماتت بيدي والسبب ابنكم بعد ما عدكم شي يمها
انتهيتوا مثل ما ابنكم منتهي من حياتها .
تقرب مني عمي لزمني من ايدي ويحجي بصوت واضح وخافت
_ بنيتي لو ما اخاف عليچ ما اجي واطلب منچ تجين ويايَّ .
دُر : اني بيتكم حلفت بعد ما افوت بي اعذرني عمي .
طلع ريــان شافهم وعمي اخذه على صفحة يحجي وياه
وهوه يستمع بكُل تركيز ، حسن يخزر بـ امي وهيَّ
عجزت آفتهم نظراتها وياه تغاضيت وعميت عيوني وجذبت احساسي
اجه ريــان عليَّ اخذني من ايدي وطلعني وعمي والولد
يمشون وراه سريع فتح حسن الباب صعدني ريــان صحت بي
_ عفية ما اريد اروح شبيك ريــان ما افوت هناك .
_ دُر تعبان لا تزيديها عليَّ ماعندي حيل احجي وافهم
اسمعي الكلام الخاطري اذا عندي خاطر يمچ بطلي عناد .
سد الباب لزمت ايده ومسحت دموعي
_ شصاير بس فهـ ...
حرك حسن السيارة قبل لا يحجي وسراج الدين يخابرر
وكلشي ما افتهم منه وعمي مخبوص يتصايح هوه وحسن ..
شهد ..
ارق ، ايام مجهولة مهجورة من احلامها ضاعت واخذت من عمري
محبوسة بغرفة محرومة من دوامي واهلي وهذا ثمن غلطي
انفتح قفل الباب وظل مفتوح فاتت شمس اختي حضنتني تبجي
_ شصاير بيج شهد .
_ امي شلون قبلت تفوتين هنا .
_ تعالي اطلعي امي منهارة اخذوا علي الآكبر وجود
متعاركين همَّ وبين ياسين عم دُر ومسجونين كلهم .
لطمت على وجهي وطلعت روحي فرفحت على اخواني
امي من شافتني صرخت بوجهي
_ لااااا تخلوني اشوفهاااا وجهه ما اريد اشوفه خليها تطلع من غرفتي .
شهد : يمه بس اقيس السكر مالتچ اخاف صعد .
ضربت امي اختي شوق على ظهرها وصاحت بيها
ام حسن : تسوي روحها خايفة عليَّ وانا اذا اموت شهد سبب موتي .
شهد : يمه اني شسويت ليش هيج تحجين ويايَّ
والقران ما غلطت اني ماغلطت وداعتچ وداعت ابوية .
جدتي عدنا من الاستقبال وصاحت
_ شني هل اصوات الطالعة منهووو يبجي وينكم منهو هنااا .
راحت شمس تركض الها تحاجيها واني رجعت احاجي امي
ماتقبل بعد حتى تجاوبني وشروق اتحاول وياها ولا يمها .
ريمان : عمة عمي جايب دُر وجاي .
شروق : هلا بيها البيت بيت زوجها .
ريمان : بس عمتي ماتقبل .
ام حسن : امشي ام المصايب شهد روحي فوتيها على غرفتچ
لا تدخل هنا وتشوفني ابجي عيب امشي بساع .
عدلت نفسي وطلعت الها وريمان وبتول على فرد بسبسه
_ مسوين الها قدر وشان تخاف تشوفها تبجي وست دُر يتكدر خاطرها .
بتول : وداعت جهالي مو الخاطر دُر بس يخافون من علي الآكبر .
شهد : وين حسن يجي يسمع حجي زوجته المصون .
ريمان : عليچ القران هسة من تستقبلوها ولدكم بالسجن
من وراه اهلها شنو معناها فهميني اذا مو خوف شنووو ؟
شهد : نموت على مثقفات من تصيرين مثقفة انتِ واهلج
وتفوتون اخواني للسجل نستقبلكم ونرحب بيكم .
فتحت باب الأستقبال دخلوا ودُر وياهم بوستها ونزلت سلمت على
بيبيتي وقبل لا تحجي اخذتها من ايدها وفوتتها للغرفة مالتي
من شافتني عيوني دمعت حضنتني تمسح على ظهري
_ هاي شصاير بحالچ لچ شهد وشنو هذا الأثر مال ضربة بخدودچ
بس لا اخوانچ هيج مسوين بيج عزه اذا صدك مصيبة .
_ راشدي امي هذا مو أخواني اصلا صار شهرين
ما اشوفهم ولا اكعد وياهم ولا اسولف ابد .
_ ليش زعلانين منچ .
_ امي حبستني هنا .
_ وعمو ابو حسن وين عنج ؟
_ حلفت يمين اذا يدخل تعوف البيت وتهج وتموت روحها .
حجيتها وشهگت بالبجي اجر النفس ما ينجر
بقيت افرك بصدري وهيَّ تاخذني بحضنها وتسألني
_ وجود مستحيل يرضى .
_ متخبل جــود لا اني ولا علي الآكبر يجي هنا يتعارك ويطلع
والله دُر بيتنا صار جحيم عرك وصراخ ما جان هيج ابد بالسنة
حسنة نتعارك ومو احنا الإخوان لا الجناين وابوية وامي يراضون الكل .
رفعت وجهي تتلمس اثر الراشدي
_ من راس انــور صار هيج بيچ مو ؟
_ هوه مايقصد هيج يصير بيَّ اجه يخطبني .
_ استعجل .
_ هوه زين ؟
_ منو ؟
_ ا ان انــور زين ؟
_ شهد تحبين انــور ؟
سديت شفايفي بيدي حيل اريد الموت والله اريد الموت
_ هذا كلبي ورطني دُر وگعني بمصيبة وكره اهلي بيَّ
حاربت روحي وعقلي وكلبي حتى ابتعد وما احبه
ما ادري شلون صارت هيچ من اشوفه كلبي دُر گلبي يرفرف
ابتسم من إشوف أهتمامه واني ما ناقصني اهتمام بس احب
لمعة عيونه من تصير بعيوني احب روحي بعيونه دُر .
فزيت من سمعت صوت امي برا لزمت ايدي دُر تمسح بدموعي
_ وانور يحبچ .
_ اعرفه يحبني وصادق ويايَّ ومايلعب ويريدني على سنة
الله ورسولة بس دُر اخذيها مني من سابع المستحيلات بيوم
نجتمع اني وانور اهلي كُلهم على إطلاق يكرهون ذكر اسمة
وبالخصوص امي وابوية .
_ ليش ؟
_ ابوية يگول انــور يشبه عمكم الجبير اكبر واحد
وسمعت قبل فترة من جنت بكربلاء بيوم الجدال
الصار بينچ وبين علي الآكبر من طلعتي علي الآكبر
أتخاصم هوه وابوية گال بوقتها طلعوا دُر من ثاركم .
_ يا ثار ؟
_ الظاهر ابوية عنده ثار وياكم .
دُر ..
كفختني على وجهي بكلمتها واكدت كلام يسار بعقلي
وثبتت الشكوك براسي " دُر ورقة رابحة عند علي الآكبر "
يوم بعد يوم استحقر علي الآكبر وكُل شخص يغطي افعاله
عفتها وطلعت اريد اشرد منهم وعمتي استوقفتني
حضنتني وتبوسني واخوات علي الآكبر اثنينهم موجودات
خجلت من تعاملهم واضطريت اسلك وأبلع غصتي
لزمت ايدي ترعش وصايرة قالب ثلج .
_ هاي شبيچ يمه ليش ترجفين .
_ يمكن من التعب لو فقر الدم .
_ اكيد كلشي ما اكلتي من الصبح .
_ ها .
_ شمس شوق وينها هاي شهد تعالن فوتن المطبخ
جهزن اكل خلينا ناكل .
_ وين عمي .
_ راحوا للمركز يمه يشوفون سالفة الولد وشوكت يطلعون .
اخذتني شمس للمطبخ البنات صاعدات بقيت بس اني وياهن
وعمتي راحت للاستقبال كعدت هيَّ وجدتهم تسولف
ما تريدها تعرف بالصار مبين ، لفت شوق لفة كبة وفنكر
نطتني على اساس تصبيرة بس اني شبعانة مغثه
والله عبالك اكلت ذبيحة بكبرها ببطني .
بس اسلوب وكلام البنات يجبرني ما اثگل وجهي
بقيت احجي وياهن طبيعي ويسألني على صار بالبيت
احجي وجسمي صار سعفه واذني توشوش، عيوني تزغلل
واني احجي غسلت شمس وجهي وشريتني ماي
_ يمه دُر اسم الله عيونچ انگلبت بس لا تفقدين الوعي تعالي نامي .
ما كدرت حتى اقاوم رحت للغرفة بقت تعدل بشعري غفيت
ودموعي تجري على خدي بحيرة وخوف وقلق متواصل
فزيت الثاني يوم على صوات عالية برا وعمتي تعاتب
ومن بين الأصوات ميزت صوت علي الآكبر صاح
_ يمه لاااا تزيديها عليَّ اني همي كافي كلبي مورم
جود رايح ابدل ملابسي وانتَ روح بدل يلة حتى نطلع استعجل .
كمت واني اكفش بشعري اريد اصحصح لملمته
وكفت اعدل بي والباب انفتح هوه شافني وسع عيونه ما مصدك
مال راسه بمعنى شلون اجيتي هنا هيج فسرت نظرته
اريد اطلع مد ايده على خصري ودفعني على حايط
وسد الباب برجله دفعته من صدره اريد افتح الباب
مد ايده على شعري ونزل راسه يشتم عطري يجر
بالنفس ويطول مثبتني من خصري بكل قوته
_ ردت روحه العلي الآكبر .
_ لا تخليني املخ روحي عوفني علي الآكبر .
_ دُر بوية .
ردت اضرب روحي عرفني وكشف حركاتي من اريده يضعف
سيطر عليهه ولزم ايدي رفعها فوك راسي ورجع راسه صحت
_ لا تحجي هيج اكررررره هل كلمات عرفتهن تمثيل .
_ بنيتي انتِ دُر بوية .
_ راح اصيح عوفني لا يفوت احد عوووفني شبيك .
_ ما طالب منچ شي اريد تردين روحي يا بعد روحه لعلي الآكبر .
_ اني مو لعبة عندك تتسلى بيها شوكت ما يعجبك .
_ لعبتي ، وراحتي ، يلي من ابوسچ اهيم وادوخ واسكر يا حلالي .
نزلت روحي بس اريد يفك ايدي ثبتني وهمس بأذني
_ ماتريدين تسمعين كلماتچ الي اتحبين تسمعيهن مني ؟
_ لااااااااا ابددددددد .
_ اتخافين ؟
_ من شنووو .
_ تستسلمين بيدي .
_ راح تندم لان جبرتني اصير بهل قرب منك .
_ قابل انا قابل بكلشي منچ دُر انا هيمان بتفاصيلچ .
_ ما اريد اسمعهااا كافي .
_ بوية دُر انا هيمان بتفاصيلچ .
ابتعد بعد ما شاف تأثير كلماته عليَّ گعدت ايدي على راسي
اشمئز من روحي لان تضعف بيده وعنده ، ابغض دُر وضعفها
بكلماته ولان كشف نقطة ضعفي بكلامه ، من بعيد نزع القميص
لبس تيشيرت ثاني ويراقب بتصرفاتي
_ متقصد تخليني استحقر نفسي مثل ما استحقرك
لو صدك تحبني لووووذرة حب بگلبك موجودة
ماتخليني اكرررره نفسي وتخاف ما تخاف أذي روحي ؟
التزم الصمت لدقايق عفت الغرفة وطلعت دخلت على عمي كاعد
_ عمو مو انت جبتني هنا انت رجعني على بيت .
_ تعالي بنيتي اشوفچ احجي وياچ وبعدين روحي .
_ الله يخليك طلعني ما اريد .
_ ليش بنيتي احد وياچ .
_ ما اريد اتواجد بمكان بي علي الآكبر .
_ طيح الله حظك علي الآكبر .
التفتت على صوت غريب ناعم لبنية وصوت علي الآكبر يجاوب
فلك : الحمدلله على سلامتك عمو .
علي الآكبر: الله يسلمچ بوية فلك .
بقيت جامدة بوجهه البنية وكلمة " بوية فلك " سجين وضربت كلبي .
زدت بإصراري ورجعت على عمي لزمت
أيده لازمه نفسي ما تنزل دموعي
_ عمو تاخذني لو اروح وحدي .
علي الآكبر: اكعدي اكلي وإني أوصلچ بطريقي .
دُر : عمو جاوبني I can't انو اصبر وانتظر رجاءً .
جــود : تعالي زوجة اخي اني ارجعچ سودة علية تگول I can't
ان شاء الله كانت بعلي الآكبر واهله .
علي الآكبر: اكعد لكككككككك اكعد لا اجيك .
اريد احجي رن تلفون علي الآكبر عمي بسرعة سأل
_ منو ؟
_ ريــان ، ها الو ريــان ، شبيك ، شكووووو احجي اتنفس
بس دقيقة حتى افتهمممم عليك اي اكعد بمكان ريــان
لك صوووتك يرجف منووووو هذا منوووو شبي انــور
لك ريــان انوووور شبي مو احجي وياك اسمع منو يمك
انطيني احد يمك ما افتهم ريــان ما افتهم .
رحت قريب منه اشرت على تلفون يفتح الصوت مايقبل
حاول اجره من أذنه ابو صاح بي
_ علي الصوووت حتى نفتهم لا تشلع گلبهاااااا .
رفع الصوت اجه صوت واضح صاح
_ السلام عليكم خوية اخ هذا الرجال انضرب غدر هسة بالكراج .
ريــان : علي الآكبر تعال لك تعال خلوني بنص النار
ابوية واخوية وزوجتي كلهمممممم ولك كلهمممممم .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..