_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
أيّام بحوافٍ زُجاجيّة .
لطفا لا تنسون التصويت والتفاعل بين الفقرات
⊰ دُر ⊱
فكت عيونها متعجبة وعمران يجبرها تظل بمكانها بصوت
مسموع صاحت وهي تتوسل ابوها بنظرات ترجي
دارين : Stop Dad please .
اني وعلي الآكبر وباقي اخوانه كلنا التفتنا على جــود
لزمه علي الآكبر من ضهره وابتسم
_ شد حيلك لا تفشلنا .
بس الصدمة جانت رد فعل جــود عكس كُل مرة جان خازرها
وعلى نفس النتر ونظرات استصغار ينظر لدارين
جــود : وراهم ملعوب هي وابوها هل **** .
تقرب جــود من عمي وهمس بـ اذنه بحيث عمي هز راسه
ابو حسن : يلة بوية سبقوني على سيارة اني عندي كلمتين
بيني وبين عمران واجي وراكم .
علي الآكبر: انا ما اتحرك الواضح عمران يريد يتريش على ايدي .
عمران : عدواني حقود اگولها بوجودك وبغيابك .
علي الآكبر: اشششششش استمتع لكلام تاج راسك أبوية .
فر جــود ايده لعمران وبلغة التهديد نطق كلماته
_ افرج القاعة على چبير الرياش يشبع سحل وغم ؟
دارين: savage .
جــود : شگالت هاي بنت الارهابي ؟
دُر : همجي ، بربري .
تمسك سيف الدين بيده ودفعه هو وسراج الدين الخارج القاعة
انــور : اطلع برا عمران .
عمران: انوررررررررر .
_ اجيت تخربها مووو ؟
_ اجيت اشوف اخوك وينه ؟
_ بعد شنو تريده منه ؟
_ عندي اخبار دسمه تفيده تفرحه توگف گلبه من الفرح .
انــور من سمع طريقته عرف اكو ملعوب جبير ينحاك
هجم عليَّ وابوية وگف بوجهه يلزم بي وعلي الآكبر صار مقابيل عمران
علي الآكبر: اطلع بكرامتك .
_ صاحبك وين ؟
_ سافر .
_ يلة يرجع بالوقت الضايع .
_ بالوقت المناسب للصيد .
_ يا صيد ؟
_ يصيدكم .
بين كل الهوسة والصراعات والتهديدات الي صارت وتصير
عمي اخذ دارين من ايدها گعدها بعيد وسحب كرسي صار امامها
مبتسم بحنان ويسأل وهي تجاوب بكل هدوء وبرود تفهم بي
اقتربت منهم من شافتني سكتت عمي لزم ايدي وعرفها عليَّ
_ دُر بنت عمچ يوسف وزوجة ابني علي الآكبر اعتبريها اختچ .
دارين: هاي دُر .
ابو حسن : گولي السلام عليكم بنيتي .
دارين : سوري بس لغتي مو مرتبة بحكم سفري .
دُر : عادي تصير تتعودين بمرور الوقت .
بوستها وگعت بصفها وكلها تتعارك وتتعاتب هناك وتتهدد .
ابو حسن: جنتي مسافرة .
دارين : من عمري 3 سنوات طلعني ابوية اني وزوجته الثانية
مايصير عدها اطفال ربتني بس جنت كل فترة اطلع منها .
دُر : ليش .
دارين : أتحفظ على السبب .
أبو حسن: وين جنتي بالضبط ؟
دارين : كُل سنتين يغير مكاني جنت اتنقل .
دُر : وليش رجعتي بهل وقت بالذات .
دارين : ماعندي علم بس هوَّ قرر ولازم انفذ .
هز عمي راسه بـ اسف مقهور مهضوم
ابو حسن: تجين ويانا؟
_ لا اعتذر منك لازم اروح .
نهضت وهي تمشي تلتفت علينا الى ان وصلت لعمران
تحجي وياه وهو قافل على عركهم ، عافتهم وطلعت للباب تنتظر
واني رجعت يمهم اشوفهم شبيهم يرادد وياهم وياسين اقترب
ينهي الكلام بكلمات وعيونه بعيون انــور
ياسين : تذكر كلامي بيوم عرسك عندي ترتيبات حلوة .
انــور : اعلى ما بخيلك اركبه يلة منا يلة .
طلعوا كلهم مغتاظين وشهد گاعدة تشاهدهم وبرطمت بزعل
علي الآكبر: اني بالباب كملوا لا تفكرون بيهم انا وجود نبهذل أحوالهم .
انــور : اعتمد عليك الشر شفته بعد بعيونهم .
علي الآكبر: جبناء .
انــور : يدرون بيك موجود ما يسون شي .
طبطب على ضهره وعافنا وطلع عمي من شافهم راحو تقدم عليهم
ابو حسن : ديروا بالكم تخربون فرحتكم ابني انت وشهوده
كملوا مثل ما متفقين افرحوا لا تخلوهم يحققون مبتغاهم .
شهد : كلها ماتريد نفرح كافي عفية نرجع للبيت احسن
اني غياب امي على خطوبتي مدمر نفسيتي وهذولي هدموها .
انــور : انعل ابوهم ما نرجع والله ، توكل عمي يمي شهد .
هز عمي راسه وطلعوا بقينا كلنا وياهم وامي راحت لابو ديجي
وشغلت ردح ورجعت على شهد اخذت ايدها ترگص بيها
انــور اجه بصفي رفع ايدي يرگص يخليني افتر يهز رگبه
واني هزيتها وياه نسوان عمومتي كلها تصور
هز جتف انــور واني وياه فرينا القاعة على نفس الهز
شمس وشروق يهلهلون اجت شمس بصف انــور تصفگ
وهو يصفگ بكل قوته وهي وياه .
اخذ شهد من امي حضنها يرگص وياها وبدون تقيد يبوس بخدها
رگص وياها رگص ويوگفون يضحكون والمصورين داير مدايرهم
يصورون بيهم وياخذون لقطاتهم ، فحطت عفتهم وگعدت على ميز
اجت امي بصفي بيدها عصير وتعدل بشعرها انوب تصغر
صارت بعمري اذا تشد حيلها اصير اني اكبر منها
_ عمتچ ماكو ؟
_ مريضة .
_ رفضت انــور هههههه .
_ لان انتِ امه .
حجيتها وكفت ابتعد منها قيدتني من ايدي
جريتها منها قبل لا تحجي تريد تجي ورايَّ
انــور لمحها اجه اتجاهي اخذني النص الصالة نهز كتف
قيدها قبل لا تضايقني بعد ما گدرت تقترب يمي ولا تنطق بحرف
بنص ضحكتنا ونرگص انــور اخذ ماي يشرب نطق وهو مقهور
انــور : والله ناقصها حُــرة اله تحرگ الحفلة حرگ شگول عليك ريــان .
دُر : اي والله عقلي يمها وعلي الآكبر يعرف شي ومغلس يگول زينة .
انــور : وينها النملة الجنية بنت الكلب مشتاق الها .
اخذت شهد الماي ورجع يجيب عصير وانفتح البوفية
كلها راحت تاكل شمس اخذت جهالهم ورجعت بقت بس شوق
تندمج هي وانور ويحششون
شوق : والله من احد يشوفه يگول هذا مستحيل يضحك
طلع يضحك مو بس يضحك .
ما خليت رگص صور ، اكل اكلنا ضحكنا سولفنا
راحد شهد بدلت هي وشوق وياها واحنا نودع بالمعازيم
عزلنا الحفلة على ايدنا ، طلعت لابسة فستان عادي
اخذها انــور يمشون قبلنا ويسولفون ونرجس تخابرني
_ ها حبيبي .
_ دُر من ترجعين تعالي انت وعلي الاكبر .
_ ليش .
_ هيج مثل ما گلت .
_ انتِ وين .
_ فوك راح انزل .
_ شنو هذا الصوت .
_ تعالوا بسرعة .
سدت الخط وراحت انــور صعدنا بالسيارة وكمل شغل
اغاني يرگصون واحنا نرگص ونصور اخذ ايدها
واني فتهت التصوير وعلى صوت لحن الردح هزوا كفت
اخذ ايدها باسها ويضحكون بعلو صورهم نزلت الفديو على انستا
وكلها شاهدت بالدقيقة ريمان بتول وميثاق وكل شخص موجود
حتى اخوتها ، تعجبت لان كل مرة مو كلهم هيج يشاهدون
عبالك احد بلغهم بالفديو بحيث الكل دخل .
نزلنا انــور مقابيل البيت ونزل ويانا بس دخلنا
ودعنا وشغل السيارة وراح اول ما فتت من الباب
شمس ونرجس اخذوا شهد واحنا نضحك بهتت
اريد احجي واشوف من بعيد عمتي گاعدة بعدني
فتت وعمتي رفعت حاجبها تنظر بعيون الحقد
ام حسن : اختفت ضحكتچ لازم رجعتي خربت مخططاتچ .
اريد اجاوبها ودخل جــود من شاف عمتي فتح ايده وصاح
_ الغالية الحلووووة تاج واسي وراس العشيرة ام حسن هنا .
حضنها يبوس براسها وايدها ردت اغلس حتى ما تصير مشاكل
استداريت نويت اروح وصوتها العالي استوقفني
_ دُررررررررررررر .
گلبت عيوني ورجعت الها ردت ابوس راسها استوقفتني رفعت
ايدها تمنعني واشرت على تخم مقابيها وهي تحجي بجدية
_ اگعدي هناك گدام عيوني .
عمي اشر على مكان بصفه وهو يبتسم
_ تعالي هنا بنيتي يمي اگعدي .
رحت بصف عمي جــود عقد حاجبة وسألها
_ شكو يمه شصاير شبيچ وياها .
ام حسن : لا تدخل انت عندي حجي وياها ، وينها هاي الجديدة .
سراج الدين : يمه مشاكل ما اريد كلامچ ويايَّ .
بقيت اتلفت نسوان ولدها الثعاببن كلهن موجودات ميثاق وجماعتها
وحسن يلاعب بـ ابنه ، وعز الدين مركز وياهم من حجت هيج حسن ادخل
_ يمه توهن راجعات خليهن باجر نحجي والله ما تسوى .
ام حسن : انا شرط من شروط رجعتي احجي وياكم كلكم من ارجع .
الكل سكت فاتت نرجس اشر الها سراج الدين راحت قريب منه
ام حسن : بيوم الخطبة شني گلتي دُر لنرجس ؟
دُر : شگلت ؟
ام حسن : منو خرفان .
_ لاااااااا لاااااااا اني ما گلت خرفان انتِ گلتي على اولادچ خرفان .
ام حسن : وانتِ تعلمين هل جديدة تشد حيلها علينا
جنتي تحجين على ميثاق لان البنات بحبنها تالي جبتي جماعتچ يمچ .
دُر : على حق بعمرنا ما صرنا غلط .
ام حسن : صلفة عرمة نافخة روحها شوف گعدتها شلون
رجل على رجل وتحجي من طرف خشمها ابني مقوي ضهرها علينا .
نزلت رجلي بقيت اهز بيها بعصبية واني اسمع ولدها يحاجونها
حسن : سدي الموضوع يمه لا يجي ويرجف علينا حيل ماعدنا نتصايح.
جــود : بعلي هو روحه بطرف خشمه بس يسمع بهذا الحجي يتخبل .
سراج الدين : امي رجعت تريدها تصير مذابح .
ام حسن : انا اريد حل وياها فاتت للبيت بزون مكتول سكوتيه
لعبت علينا كلنا مو بس على اخوكم ، لا بقت سفر ما سافرت
وهو مخبل ظل يدورها لحد ما سيطرت عليَّ اذا تگله موت يموت .
وكفت اريد اطلع لان اذا اجاوب اسويهن طشار
عاطت بعلو صوتها عبالك زعطوطة يمها
_ مكانچ حاجيني اذا يدري تگولين عليَّ خروف شيسوي .
جــود : كلشي ما يسوي .
ام حسن : اذا ما يسوووي شي صدك خرررروف ما ألومها .
دُر : شيسووووي يعني ويثبت هو زلمة برأيچ يضربني ؟
حسن : كافي واح يجي كاااااااافي .
ابو حسن : اذا يجي وتكبر انا ايدي اشيلها منكم كلكم .
ام حسن : خلي يجي .
گعدت تحجي الهم على موقف من نزلت وصحت على نرجس
تستلم سراج الدين واني گلت الها تدللين بقيت ملتزمة الصمت
ما تحملت اخر شي شلون طريقتها وحركاتها وهيَّ تأشر عليَّ
اجت شوق وشهد بالباب واگفات وهي تحجي على انــور
شوق : والله يمه مو مثل تفكيرچ صح من تشوفي
تگولين عبالك عصابة ومافيات بس من تتعرفين عليَّ وردة
وردة فد طيب وروحه ينطيها اذا تطلبيها جربي تعرفي عليَّ .
ام حسن : انعل ابو لابو اهله لابو كل واحد فوتهم هو وأخته علينا .
دُر : لهناااااا وكافي اني معتبرتچ بمكان امي وجنت دائماً اگولها
انتِ احسن منهاااا ليشششش هل كلام شنو بدر مني شهل حقد
شمسوووي اخووووية شمسووووي وياچ ترا بنتچ تحبه وهو يحبها
كفررررر طلع عن الإسلام جبرها تغير دينهااا مسلم هو مسلم
مثلكم موووو كافررررر شكوووو بيهااااا اذا واشم الوشم حرم
مووووو حرررررام موووو حرام عيب كافي عيب .
اجت يمي بسرعة لزمتني من ملابسي حود وگف بوجهه
_ يممممممممممممممههههههه عوووووفيهااا .
ام حسن : روح مناااا لا اغضب عليك دنيا وأخرة .
جــود : اسمعيهااااا مني راح بجي وراح يعرفهااااا
بجت من عيونهااا وحگ ابو راس الحار يفقددددد يفقدددد .
ام حسن : احجي وياهااا ليش تبجي ضاربتهاااا انا ضاربتها
هاي گدام البنات تعالن ريمان بتول شمس شوق بيوم الخطبة
گالت على علي الآكبر خروف لو انا جذابة .
ابو حسن : اي وگالت شنو يعني .
ام حسن: عادي تگول يعني تقبلها انتَ اگول عليك گدام العالم خروف .
ابو حسن: احترمي نفسچ مرارتي راح تنفجررر منچ يا
مرة سويتيها بلا ملح تخبلتي ما جنتي هيچ منو يدحس براسچ منووو .
سمعنا صوت باب برا فات سيف الدين باي راسها ما يدري بالمشكلة
حسن : وين علي الآكبر .
سيف آلدين : راح للمحل هسة يجي حان خابرت گلت امي رجعت .
كلها سكتت ما جاوبت اريد اروح رجعت صرخت عليَّ
_ وين رايحة سمعتي اجه خفتي خلي يسمععععع .
دُر : عمووووو شبيهاااا بس فهمني شبيهااا شنو تريدين
تصيررررر مشكلة والله گلبي خلص من المشاكل ليش تخربين فرحتي .
من حجيت هيج جــود ظل يصيح ويترادد وياهم ويهدد
فتح حسن البردة يشوفهم علي الآكبر دخل يفر بالمفاتيح
ويمشي بكل هدوء بس مقوس حاجبة مبين سمع اصوات عالية
اول ما دخل ابتسم من شاف الوجوه ما تتفسرر واني گعدت
ولزمت راسي راح ينفجرررر من القهرررر
ام حسن : لا تبوس راسي اگعد هنا بصفها احجي وياكم .
علي الآكبر: بصفها منووو بصف منوو .
ام حسن : دُر .
علي الآكبر: اي گولي دُرررررر مووو بصفهااااا .
ضحك حسن وهو يحجي ويفهمها
_ يمه الموضوع بكبره تسدي على اسم شفتي شصار
زيديها بعد راح تقوم القيامة على راسنا اليووووم .
ام حسن : بس احجي اشوف شني ردت فعله من يعرف .
علي الآكبر: اعرف شنو ، شصاير لا سامح الله وجامعتنا كلنا .
ام حسن : مرتك .
علي الآكبر: اي كملي اسمععععععععععع كملي شبيهااااااااااااا.
حسن : نشهرنا صوتكم .
شمس : الله يخليك لا تسوي هيج علي الاكبر مو تعرف امي
من تضوج بعد ما تدرب بروحها شنو تحجي وعلى شنو تتعارك .
علي الآكبر: اي مووووو عليّها خططططططط احمرررررررر
هي تعررررررررف خططط احمرررررررر .
سكتت وهو گعد بصفي يهز برجله وكل شوية
يفر راسه عليَّ يشوفني شبيه ويطگطگ برگبته وضهره
_ اسمع شصاير ؟
گعدت تحجي عمتي بالحرف الواحد شصار رجعت كررت كل الكلام
علي الآكبر: الزبدة شنو ؟
_ گالت عليك خروف .
رفع أيده وگف بنتر وبسرعة عبالك تكهرب فاتح عيونه صاح
_ انتِ سمعتيهاااااا گالت خررررروف ؟
_ اي گالت وكلها شاهدة حلفهن .
علي الاكبر: واني ما سمعتها مايهمني انتوا شنو تسمعون منها .
اجت عمتي قريب منه تصيح وتفهم بي واني ما تحركت بس اتفرج
آم حسن: والله گالت گدام خالاتك واهل بدر خلت وجهي اصفر .
_ مااااااااااااااااا گالت مااااااااااااا سمعتهاااااااااا .
ريمان : والله كلنا سمعناها .
بس سمع صوتها وضرب الشباك بكل قوته فلش الجام
لزم جــود ايده دفعه وهو يصيح ويردد بنفس الكلمة
_ ماااااا تگول ومن اگول ما تگول يعني ما تحجي يعني شنوووو
ما تحجي ما تحجي فهميها ما تحجي مااااااااا تحجي .
لزمه عمي يريد يطلعه التفت واني واكفه ايدي على گلبي
شافني وطلع رجع عمي صاح بعمتي
_ ارتاح ضميرچ ؟
بقت ساكته ضاغطه على راسها
حسن : هو بكلشي قابل وكلنا نعرف بعد هل تدخلات مالها لازم
يلة ريمان اخذي الجهال امشي فوك يلة شهيرة صارت على خالي بلاش .
ابو حسن: بنيتي دُر روحي شوفي فهمي ماكو شي .
دُر : والله الدم نشف بجسمي ، والله خاطرك جبير عندي
والخاطر علي الآكبر اسكت اني اعرف ادافع على نفسي كبرتها
والمشكلة ما تسوى والله شاهد عليَّ ما گلت خروف هي گالتها .
عفتهم وطلعت دخلت للبيت ماكو فارغ بعني ما فايت
خابرت ما يجاوب طلعت برا جــود بالگراج اشرت
على باب وهمست برهبة ارجف اجه بخوف يشوفني
_ شبيچ ؟
_ وين علي الآكبر طلع موو ؟
_ اخابر ما يجاوب هسة يرجع .
_ روح شوف وينه .
_ لا روحي انتِ نامي بقي يمي اخلي ينسى الصار يمكن نطلع .
رفعت حاجبي واني ارجع للبيت اريد التلفون صحت بي
_ بـ احلام احلامك .
رجعت للبيت راسلته كتبت الصار بالتفصيل واني ارجف
"اعترف غلطت من جاوبتها تدللين بس مو نيتي غلط اسفة "
"رجعت فرحانة صار هواي ما فرحت هيج انور صار زين
ويحبني ما تتخيل فرحتي بي واسمع احد يغلط عليَّ كلبي
والله كلبي ينمرد ليش هيج صار جنت فرحانة "
ذبيت التلفون ومشيت بدلت ملابسي اغسل بوجهي سمعت
الباب انفتح وخطواته دخل للغرفة من سمع صوت الماي
نشفت وجهي وطلعت هو واگف ينزع بالسترة
_ خفت عليك ايدك توجعك مو ؟
رفع عيونه طول بنظراته وهو يستدير على كنتور حاجاني
_ بجيتي ؟
_ لا .
_ جذابة .
_ اني ما گلت خروف هي گالت اني جاوبتها تدللين .
_ شنو تدللين ؟
_ غلطت ادري .
_ تدللين اسوي خروف .
_ اعتذر .
_ انتِ يمهم ما تغلطين بس هنا تتحاسبين .
_ حجيتها بتسرع زعلت مني .
عافني راد يطلع رجع يريد يحجي عاقد حاجبة بتعصب
_ لا تجبر روحك ادري الصار صعب ومايهون تتعارك انت
وامك بسببي عادي اروح البيت اهلي من تتصافون ارجع .
مبتسم بغضب واعصابه تفووووور تفووووور يضغط على روحه
ويحجي من نطقت اخر كلماتي كلشي تغير بس گلت اهلي وضعه تخربط
قبض على ايدي اول مرة يلزمني بقوة گعدتي على سرير
عيوني صارت على ايده الي قابضة ايده بـ تحكم
ما اخفي خوفي ورعبي بهل ثواني من نزل وهو ثاني رجله
گدامي واخذ ايدي بين ايده نزل باسها بهوس والأول مرة اخاف من
علي الآكبر وطريقة كلامه حسيته فعلاً انسان مهوس
_ بعد ما اخلي احد يحجي وياچ شنو تريدين تسوين سوي .
_ اسمعني لا .
_ واذا صارت مشاكل شكو بيها اني وياچ بكلشي اني قابل
اقبل والله ماكو بشرر معصوم سوالف النسوان ما تهمني
لا تخليها تأثر علينا .
تلمست وجهه بيدي بكل حنان ورفعت ايده بستها باحترام
_ ردت اروح علمودك والله شفت المشكلة الصارت .
_ انتِ بس لا تروحين واني اخذ حقچ اني احلها يمي محلولة والله .
_ ما اروح بس انت هدي الخاطري علي الآكبر .
وكف باس راسي وسحبني وگفت ورجعت گعدت من شال
الحاف من السرير همس بحنان
_ نامي انتِ بوية ارتاحي .
سويت مثل ما طلب ونمت كل ظني يجي يمي
عافني يريد يطلع طفرت من مكاني بفزع ركضت
_ وين ترووووح وين .
_ هناك .
_ لا تكبرها .
_ افهمهم .
_ دخيلك الخاطري الله يخليك هسة عبالهم اني دفعتك
على امك مهما يكن هاي امك الخاطري حباب لا تسوي مشاكل عوفهم .
_ مو وياها اريد اروح اشوف الشهود بالله الي وياهااا تشهد بيهن
اروح على اخوووواني .
بقيت افهم بي وهو قافل ، على صوتنا اندك الباب
فتحته دخل عمي وسد الباب وراه
_ ليش صوتكم طالع بوية .
عافنا وشغل جگارة هو بالعادة ما يشرب مقابيل ابو ابد
گعد على تخم يبعثر بشر راسه وينفخ بالدخان
اخذني عمي من ايدي وطلعني للمطبخ مالتهم شهد خايفة
والبنات كلهن عليَّ وعمتي تستمع النا
ابو حسن : تعارك وياچ على صار مو ؟
_ لا ياريت يتعارك ويايَّ .
_ چا شني صوتكم طالع ليش .
_ يريد يجي يتعارك وياكم .
ريمان : يعني ما تعارك وياج على خروف .
_ لا يعرفني ما أتلفظ بهيچ كلمات .
خليتهم بصدمتهم ورجعت على بيت قبل لا يطلع
وعمي ورايَّ گعد وياه على تخم
ابو حسن : مشكلة وصارت وطلعت من امك سدها موضوعها.
بقيت اسوي جاي واستمع كلامه وهو يعاتب ابو ويفهمه
علي الآكبر: بوية تعبت من المشاكل واگول ميخالف
دامها موجودة تهون عليَّ والله بطلاع الروح مخليها
لو تظل عليها تعوفني ساعة على طفل ساعة على مشاكل
تجي تزيدهااا بمشكلة صار الها شهر وكسور
وگالتها ، من اجت حجتها تريد اثبت اني مو خروف
عبالها اضربها لو افشلها گدامهم ؟
رحت للغرفة بين ما يكملون وبيدي ماي اشرب ريگي يابس
شفت انــور مراسلني يسأل على شهد كتبت
"امها رجعت وبعدهم هوسة عوفها باجر راسلها "
بس شاف الرسالة رحت بين ما صبيت الجاي
دخلته الهم رن تلفون علي الآكبر جاوب وهو لازم راسه
_ ها انــور ، اي صح رجعت ليش ؟ منو وياها شهد ؟
لا شنو جبهة قتال كلشي ماكو يمكن شهد نامت منو گال امي رجعت "
دُر : اني .
رفع حاجبة ورجع انــور يحجي وهوَّ خلصها اي ولا الى ان غلق الخط
_ سألني عليها وحجيت .
علي الآكبر : دُر بوية اذا خططتي تروحي حاجيني گولي لا تطلعين
بدون علمي گلبي ما يتحمل كلششششش ما اتحمل .
وكف عمي وهو يضرب على رجله
_ اروح انا اتفاهم بهداي وياها بوية بطل رجفة .
ظل بس يهز براسه طلع عمي هو هم يريد يطلع
اعترضت طريقة حضنته من بطنه هيچ عبرت ايدي وحضنته بحنية
رفعت نفسي ارمش بعيونه نزل راسه حركت انفي على انفه
_ وين تروح ابو المشاكل .
_ اشتم اوكسجين الله .
_ انت طالع حلو اليوم .
_ بعدين نحجي .
_ تحبني ؟
_ دُر تعبان خليني اطلع .
حاولت ارجعه گعد على تخم گعدت على رجله بست خده وهمست
_ اني احبك علي الآكبر .
_ جربيني .
_ بشنو ؟
_ شگد احبچ ؟
_ شگد .
_ مهوس .
_ ادري بس شگد .
_ جربي روحي بعد مني .
_ اي .
_ تسمعين خبر موتي .
ابتسمت رجع يهز راسه ويحجي بجدية بعيد على ابتسامة ما فك ابد
_ عبالچ بس كلام دُر ؟
_ شنو ؟
_ اموت اذا تروحين مني .
_ ماكو انسان يموت ورا انسان .
_ وحگ حُب علي الفاطمة انا اموت .
_ تخوفني اذا تحجي هيچ .
_ خافي .
_ تقبل اخاف .
_ اي خافي روحي بيدچ
" انا انسان روحه بيچ تروحين تروح روحي بوية دُر "
_ واذا امو***** .
_ اشششش لااا لا تحجين بالموت ما اريد اتخيل ابد ما اريد .
_ اذا تظل هيج ادمر روحك علي الآكبر .
_ بس اني عاجبني .
_ حالتك هاي عاجبتك .
_ اي وحگ داحي باب خيبر علي .
_ رجفتك هاي ترجف رجف ، شوف وجهك لونه
مخطوف ، اعصابك تلفت تلاف ، حيلك حتى حيل بعد ماعندك
لان غلطت وگلت اروح الخاطري لا تسوي هيچ .
_ انتِ خليني براسچ بي حبيني مثل ما احبچ .
_ احبك اني .
_ تحتاجين سنين توصلين الربع هوسي بيچ
شايفة من اشوفچ بمكان هيج اول ما عيوني تلمح شك
احس جسمي كله ينمل وفرحة تصير بگلبي عبالك هاي
اول مرة اشوفچ كل مرة اشوفچ عبالك اول مرة دُر تستوعبين كلامي ؟
بست شفايفه فرحانة بس هو ما فرحان بعده يشرحلي خوفة
_ هاي البوسة تحييني تخليني اوكف على رجلي كل يوم
واكمل يومي حتى لو اتعب بس اتعب لعيونچ اذا تروحين
منو يستاهل اتعب روحي الخاطرة ؟
_ كل يوم ابوسك .
_ كل يوم اريد اشوفچ هيچ يمي تخليني اعيش كل يوم دُر .
_ وعد كُل يوم وعد بس هدي اعصابك رخيها .
_ واذا تعوفيني ؟
_ ما اعوفك الله شاهد عليَّ .
_ تموتيني اذا تعوفيني گولي مات علي الآكبر .
لزم وجهي سند راسه على راسي باس
طرف شفتي وكمل كلامه يريد يطمن گلبه بكلامي
_ ما تتحججين بطفل .
_ لا خيولون بعد .
_ واذا صارت مشكلة ؟
_ ما اهتم .
_ ليش ؟
_ لان علي الآكبر يصير ضدهم مو ضدي حتى لو انا غلط .
_ اي والله حتى لو انتِ غلط اخليهم همَّ غلط مرتي ما تغلط .
_ احبك انا .
_ وانا .
_ مهوس .
_ راح اعبر المهوس .
_ تتخبل .
_ يمكن تخبلت بيچ بوية دُر تعبتيني
بس انتِ تخوفيني والله محد يگدر يخوفني غير فراگج .
نهضت من بين ايده رحت للمطبخ اخذت گلاص ماي ورجعت
_ اشرب .
اخذه يشرب وفتح التلفون يراسل ما اعرف منو سألته
_ ريــان هم يتصل عليك ؟
_ ها .
_ ريــان ؟
_ لا .
_ تلفونه مغلق خبلني .
_ شكو يخبلچ ما بي شي لا تفكرين وتعبين روحچ .
_ اريد انام .
شمر التلفون واجه بتجاهي رفعني من الأرض وهو يلاعبني
_ تدللين بوية تريدين تنامين على ايدي .
_ اي والله امان .
_ اروحلچ فدوة .
_ واني هم .
_ حضنيني خلي كلبي تهدي دگاته حضنيني .
_ هوَّ گلبك من قوة دگاته يبين برگبتك الشريان ينبض .
_ ابن الكلب تخبل هههههههههههه .
_ يحبني ههههههههه .
نزلني على سرير اخذني بين احضانه يلاعب خصلات شعري همست
_ لا تحاول تنومني وتروح تسوي احياء مشاكل
ومشكلتك راح تسوي عليها تحديد للكل .
_ دنامي .
_ من اتأكد انت نمت انام مرتاحة حتى ما اقلق .
_ اذا ما انام تقلقين ؟
_ اي والله اخاف وبس افكر وتجيني كوابيس .
باس خدي وشفايفي واخذني بحضنه يدري تعبانة
وعيوني تحرگني من النعاس مايريد يتعبني
غمض عيونه دقايق وتأكدت نام واني من التعب غفيت سريع .
ثاني يوم گعدت علي الآكبر ماكو بس اصوات عالية برا
بدلت ركض طلعت اريد اشوف شصاير هل صوت مو غريب
بس طلعت للكراج واشوف انــور صاير معارك هو وعمتي
هي تسب بي وهو شهد ادفع بي حتى يسكت ودموعها تجري
على خدها تضرب بروحها وهوَّ احتار بين يجاوب امهاا
ويلزم بيها حتى لا تضرب روحها من شافني صاح
_ دُررررررر جاوبيها انِ ما اريد احجي ويگولون تجاوز .
دُر : وين علي الآكبر.
عفتهم وبقيت اتلفت ماكووو الولد كلها طالعة للشغل
والمطعم مسدود حتى عمي ماكو وهوَّ جاي يتفاهم وياها
شوق وشمس يسكتون بيها وهي تهدد وتدعي عليَّ
ميثاق باتت عود يمها تخاف عليها تريت راس عمتي ترس
دايت عمتي بكلامها الى درجة خلت انــور يفقد عقلة
دفع شهد ويريد يفوت يتصايح وياها وكفت بوجهه
وصرخت بعلوووو صووووتي واني اصرررخ وابجي
من النوم للصياح والعرك عقلي وكف هناااا بقيت اصرخ
اخاف ينفعل ويتصرف تصرف غلط وهو بحالة عصبية
وعمتي تتعمد اطلع اسوء ما في حتى تخرب كلشي
ملخت روحي تملخ من شافتني هيج سكتت
ودفعت شمس وشوق يسكتوني حضني انــور وجهي
خدر من الضرب وصوتي تحجر
دُر : اطلع اذا ما تريدها تكبر اطلع انــور متعمدين
والله يتعمدون يحجون هيج حتى كلشي يخرب روح ابوس ايدك .
_ اجيت اتفاهم وياها .
التفت على شهد صاح بيها
_ غسلي وجهه شربيها ماي .
التفتت عليَّ ساعدني اكعد واني اردد بصوت منهار
_ حسبي الله ونعم الوكيل .
دخل جــود من شافني لزمني من ايدي ودخلني بالممر بسرعة
_ بالتواسيل طلعنا اليوم حتى مايسوي مشكلة
بعلي يشوفچ هبج يسويها بحر دم .
_ وانور ؟
_ انا اخووو بس روحي غسلي عدلي روحچ وتعالي .
فتت للبيت مثل مخبلة ابدل لو اغسل لو اخلي شي
بوجهي اخفي اثار ايدي على وجهي
رتبت روحي بس عيوني ورمت طلعت بسرعة روحي صارت بـ انــور
بس دخلت شفت انــور گاعد يشرب بطل ماي بارد روحه طالعة
وشهد بالباب تاكل بـ اظافرها متوترة وخايفة على انــور
ابتسم علي الآكبر من شافني تظاهرت وكأن ماكو شي
وگعدت قريب من انــور همس بصوت خافت
_ هاي زوجته لسراج الدين الاولى كلبة بنت كلب .
_ ادري بيها ال*** .
_ لو بيدي اذا ما املخهااااا بنت الكلب
والله دشداشتها ام الطگع اخليها براسها والله .
بقيت صافنا على باب همَّ بحجون واني فصلت
ابو حسن : معليك بالصار وكل الكلام امها عصبية
انتوا متفقين بعد اسبوعين هاي هيَّ اسبوعين والحنة وراها عرسكم .
نهض انــور واعصابه بعدها تفور
_ دام اخذت كلمة منك اتوكل اني عندي شغل .
سلم وجود وعلي الاكبر وعمي طلعوا وراه
بعدهم يحجون وياه برا مريت من باب الاستقبال وين ما وكفت
شهد وصحت بيها واني امشي على سريع
_ تعالي شهد ويايَّ .
نرجس بالصالة گاعدة تتسمع من شافتني سألتها
_ وينها هجامة البيوت ميثاق ؟
_ تترس براس عمتي علينا بالغرفة الله لا يوفقها
من وراها البارحة اني وسراج الدين صرنا محارب للصبح .
دفعت الباب عليهن وصدك عمتي گاعدة وهي ادلك
برجلها وتترس براسها ، رحت عليها والشر تارس عيوني
لزمتها من شالها شمرته وشمرت روحي عليها
وهي تجر بشعري شهد بحجة تفاككني منها وگعت الها رفس
ونرجس بوكسات تضرب ماعدها شي اسمه راشدي
عمتي تفاكك بيَّ وتضرب بالكل وكلنا على فرد صراخ نصرخ
فقدت واني اضرب بيها بكل قوتي وصدگ خليت دشداشتها
ام الطگع على راسها صلختها بحيث يريدون يفوتون
يفكوها مني ما يگدرون مصلختها اني والبنات .
من شفت عمتي وگعت وبناتها يمها
وعمي يسب بينا ويصيح
_ ولا وحده تطل بالبيت اليوم كلچن
تطلعن شهررررتنااااا العالم منااااااااااا .
غطتها شمس فاتوا كلهم حتى حسن وسراج الدين
متعجبين كلها يريدون يفهمون شصار
ريمان : گاعدين نصبر بعمتي خطية ضغطها علگ
وهذني يفوتن علينا يملخن بميثاق خلصن عليها .
ابو حسن : ششششششششهد .
دُر : شهد معليها اني اجيت ضربتهااا وارجع اضربها
اذا تهجم بيوتنا خلت عمتي ما طيق حتى بيها الحيوانة
هجمت بيتها بيدها وتريد احنا مثلها نصير .
ابو حسن : علي الآكبر تسمععععع مررررتك لووو ما تسمعهااا .
وجهت نظراتي على علي الآكبر كلهم باهتين مصدومين
_ اني ضربتها ما اخاف لان اني على حق .
علي الآكبر: دُر امشي اطلعي گدامي .
ريمان : على اقل صيح بيهااا مووو لعبة عدها احنا اكبر منها .
حسن : صوووووووووتچ انتِ صوتچ .
علي الاكبر: دُر اطلعي للبيت يلة .
ام حسن : اي وشنووو بيدك عليهاااا هذا انت القوووي
هل زعطوط ما تگدر عليها فرتك على اصبعها وفرتنا وياك .
دُر : هاي الحقيرة تستاهل تنضرب وكلكم تدرون تستاهل .
علي الآكبر: اطلعي .
ام حسن : غسلت ايدي منك عرفتك صدك ما بيدك شي عليها .
علي الآكبر: وين تريدين توصلين يمممممممه .
_ خوووفهاااا ولك هسة انت من تصيح بيهاااااا
امشي واطلعي شنو بيدك تسووووي الهاااااا تفرك فر وعلي .
_ هواي بيدي اسووووي ابوس راسهاااااا گدامچ
جرني من ايدي باس راسي وهو يكمل كلامه
_ لان ضربتها لان انا زلمة ما اكدر اضربهااااااا
وزوجهاااا تعب وهو يعلمها ويفهمها كافي سممممممم
كافي حقدددددد كافي هجمان بيوووت ولچ كافييييييي .
عفتهم وطلعت اشوف نرجس ايدها على شفايفها تضحك
_ شوكت ماتريدين اسحلها تدللين .
_ الفاهية طلعتي قوية .
عبرت على بيتي شهد دقايق واجت ورايَّ
فاتت للاستقبال تخابر بـ انــور واني بالغرفة
بهل يوم بعد ما شفت علي الاكبر ، لليل رجع وبيده اكل
وجود وياه كلنا اجتمعنا على سفرة وحدة ناكل وجود يسأل
شصار وشلون ضربتها بس علي الآكبر ساكت
لو يحجي بالتلفون مراسلة ، لليل اخذ جــود شهد ورجعوا
واني فتت غرفتي دخل علي الآكبر ومن ذاته ما فتح موضوعها
نمت بين ايده بس بين كلماته ودلعي علية .
رجعنا البنات على بيوتهن وبقيت اني بين شهد
وبين انــور عمتي بعد ما دخلت بيهم ابد ابد
وافتهمت من شهد عمي مع هددها اذا تدخل يرجعها
على بيت اخوها ، اختاروا غرفتهم وانور وحدة بالبيت رمم غرفتهم
سواها رهيبة وكلشي يشارك شهد بي تجي يمي تفتح كاميرا
ويصور الها التفاصيل شنو يعجبها وشنو يبدل
وهيَّ تحب ذوقه بس ما تبين لازم من تحجي تتعارك واني
بس استمع واضحك من بعيد لبعيد ، بالأسبوع الثاني
اجت شوق وشالت حمل شوية مني صارت هي تساعدهم
وشمس بعدها بيومين واني وياهن واتعجب على عمتي
بكلمة ما تقبل احد ياخذ رأيها بزواج شهد والكلمة والثانية تگول
" هي اختارت الرجال وعافت امها ما راضية عليها
ودام امها ما راضية االه ما راح يوفقها بحياتها "
اخر اربع ايام قبل الحنة انــور ياخذ شهد وشوق وياها
حتى يدربون على دخوليه ورقصاتهم ، اختاريت لنفسي
احلى الفساتين حنة وعرس ، وحجز انــور احسن مركز نجميل
بيوم الحنة عمتي طلعت من البيت ورجعت على بيت اخوها حتى
محد يجبرها ، كل اقارب عمي عماتها بنات عماتهم كلهن موجودات
بس خالاتها وبناتهن ماكو ولان شهد صديقتهن انكسر خاطرها
نرجس قبل ليلة حنتها فوتتها على بيتي هي واخواتها واني
وياهن عناية وتنظيف كامل خلينها تلگ لگ تلمع لمع
وهي تسب بينا وبـ انــور ، علي الآكبر بهل ايام نسيته
بس بليل اشوفه وهوَّ مخليني على راحتي افرح بزواج اخوية
يدري انــور ماعنده غيري هسة ومعتمد عليَّ ، بحيث اني استغل يخابر
_ دُر تجين ويايَّ ذوقچ حلو اختار ملابس الحنة والعرس .
_ تدلل .
_ اختاريتي البوفي شنو من اكلات .
_ غير اختاريت يموت اصناف عشاء وقسم حلويات .
_ وترتيب الغرفة لازم تجين تشوفيها ؟
_ كملتها صفية واني اجيت حتى صور اخذت الها فخمة فخمة ما شاء الله .
_ ذكريني اذا ناسي شي .
_ كلشي ماكل واذا ينقص شي اني يمك لا تفكر ابد لا تفكر .
اني وياه جنت بكُل خطوة يخطيها بكُل حدث صغير او جبير
الثاني يوم گعدت بدلت رحت للبنات كلهن صافنات جــود طالع
شهد : حبابة روحي گعدي علي الآكبر تأخرت على موعد .
_ نام متأخر البارحة مستحيل يقبل .
نرجس : من التسعة معزل وبلبيت يا متأخر .
_ سهرنا اني وياه تراااااا شبيچ .
بقت تنگ تنگ رجعت بس شنو متوترة ادري بي قافل
كعدت بصفه ضهره عاري طبعت بوسة على بداية رگبته فز
_ مبدلة .
_ لازم نروح .
_ اي جــود ينتظركم .
_ لا طالع انت تعال .
_ خابروا انــور يجي .
_ انــور عنده شغل هووواي كُلش هواي .
_ دُر ماكو عرس .
_ اروح زعلانة منك .
مشيت طلعت الهن ادري بي قافل دخلنا كعدنا بالصالة
مددت رجلي ولا واحد ياخذنا ، اخذت نرجس رمان من الثلاجة
وجابت ليمون من الصبح فلست الرمان وفوك الرمان تقطع
باليمون مكعبات وتاكلهن وتتلذذ معدتي وجعتني من يمي
شمس : لچ روحي هناك اكلي ما اتحمل تمطگ .
نرجس : عوفوني اتلذذ ولكم متت اكل بيها وبعدني اريد بعد .
ضحكت شوق وبدون اهتمام هي تلعب بالتلفون گالت
_ هسة تطلعين حامل ههههههههه .
صفنت نرجس ورفعت اصابعها تحسب وترجع تحسب
دارت وجهه ورجعت تحسب كلنا ركزنا وياها
نرجس : ياااا صار الها شهر ماكو لا اني غلط ارجع احسب .
رجعت تعيد وتحسب بيهن
_ تلاث اسابيع اي لو اكثر يااا طيبيعي هل شي لو صدك .
شوق : والله اشك حامل .
رجعت تاكل بشهية حسبت وياها وضحكت
_ اي والله تطلعين حامل لچ حللي .
_ من نخلص اذا بقت اخلي سراج ياخذني عزا خفت .
دُر : لحظة عندي جهاز فحص حمل منزلي اروح اجيب الچ
اضبط شي اضبط شي تحليل الصبح بس بعد لا تاكلين انتظري .
نهضت من مكاني مستعجلة فتحت جرار صغير مليته ملي
اجهزة حمل بكُل شهر اتأكل احلل والتحليل يطلع ايجابي
سحبت واخد ورجعت يمهم اخذته وفاتت حللت
دقايق وطلعت عيونها فاتحتها وفرت التحليل
_ ايجابي ولكم ايجابي اني حامل صدك حامل .
هلهلت شمس بعلو صوتها على صوتها نزلت ريمان وبتول
ريمان : شنو بعد وكت .
شهد : نهلهل لان نرجس حامل بعد بعد هلهولة لچ شمس .
نرجس : اروح ابشر سراج الدين اخلي يگعد
من النوم على خبر حلو .
صعدت واني والبنات نحجي على حملها ونتوقع فات
علي الآكبر ونزلوا نرجس وسراج الدين
_ صوتكم ليش طالع .
شمس : نرجس حامل يوم الكم .
علي الآكبر: الله الله سررررراج الدين خوية مبروك .
_ يوم الك ضلعي .
علي الآكبر: يلة امشن انا اوصلكم امري لله الخاطر دُر .
شهد : يعني مو الخاطري.
_ الخاطرچ هم بس هي اكثر هههههههه .
صعدنا شكد حاولت اضحك ابتسم بس تمثيل علي الآكبر
انحفر بعقلي شلون انصدم والقهر مبين بعيونه ينقري
نزلنا كلنا حتى ما گدرت اخلي عيوني بعيونه ما ودعته
بس فتت دخلت حمامات نزلت ادموعي مو اعتراض او حسد
بس ضعف مني امنية صارت حملي امنية اتمناها .
طلعت اتظاهر بالقوة والموضوع مايهمني بس هو يهمني
شغلت نفسي اركض منا واحي مناك اساعد شهد
واحجي اني والبنات ونتناقش شنو نسوي وشوكت نخلص
للظهر طلبنا اكل انــور بيده دخل ألأكل الهم ورجع راح
كعدنا ناكل وحتى الكادر ويانا استراحة بس كملوا خلصونا
اجه انــور وكأن يريد يطير سألته
_ شبيك ؟
_ كملت فرحتي .
_ شصار ؟
_ بالقاعة تعرفين .
صعدنا بسيارة الحارس وهو ينتظر شهد تطلع
شمس طلعتها تمشي بهداي رفع راسها مبتسم
_ طالعة بنية .
_ شنوووو اني ولد جنت .
_ ظهر علي الآكبر وبان عليه الأمان .
باس راسها گرص خدها صعدها بالسيارة ما اسمع شنو يهمس
اجت شمس يمنا طلعنا على طريق القاعة كلها تنتظرنا
دخلت اني والبنات وانور اخذ شهد على غرفة الاستراحة
نسوان اعمامي كلهن وبيت عمهم وناس بعمري ما شايفتهم
من طرفهم حاضرين ، التفتت على جهة الرجال عمامي واولادهم
حتى قبلنا واصلين وكلهم حماس كلبي نغزني حسيت وراهم تهلكة تصير
المصورين تجهزوا كلهم بالباب بس انفتح صار انــور امامي
وشهد حضنت ايده يمشي هو وياها مثل ما مدربين
كأنهم امير واميرة خطواتهم خطوات ثقة وثبات واصرار على اختيار
تعالت اصوات التصفيق والهلاهل من كُل هدب وزارية بالقاعة
كعدوا العالم تسلم عليهم واني افتر على معازيم البنات ما عافوني
وحدي وامي شرفت على الباقي من الحفلة وجانت فرحانة من كل خاطرها .
دخلوا فنانين اثنين حاجزهم انــور من المعروفين
وبدت من هنا الحفلة الي خلت الجبيرر والصغير يرگص
بنص الهوسة واشوف ريــان دخل اخذ انــور ايده واثنينهم
يرگصون ويسالم وياه ويبارك اله ، صفك ريــان وانور يتحرك
ويركص بس برزانة وثقل يخايني اصور بي من يركص
يعجبني وهو يهز كتف ويطگ اصبع وهو يطك صار بمستوى
ريــان واثنينهم يطگون اصبع ويضحكون لزمني ريــان من
ايدي يرگص ويصفك اليه واني ارگص وانور على جهه
الثانية يحركني ويطگ اصبع واني وياه صرت
بحيث الكل صاروا مصدومين بتحسن علاقتنا اني وياهم .
بكثر ما رگصنا هلكنا كلنا گعدنا وبدت العالم تاكل وتطلع
شبه فرغت القاعة والباقين اعمامي واولادهم وزوجاتهم
دخل علي الاكبر يريد ياخذنا مو الحفلة لان خابرنا
وتقدم عمران وبأعلى صوت عنده صاح حتى يلتفت انتباهنا
وبيده كارتات معقودات بشريط نازكات بلون وردي وبيجي
لكل واحدة من عدنا سلم كارت وتكلم بنبرة عالية
_ بعد زواج انــور عدنا زواج ثاني جهزوا نفسكم .
فتحناهن كلنا على نفس الوقت اكرم اتقدم بخطوات
واثقة بنظرات خبثة ونواياه حقيرة بمجرد ما قريت الدعوة
زواج " اكرم عمران من حُــرة ياسين "
رفعت عيوني على بطاقة بيد ريــان عصرها عصر بيده كورها
وبكُل ماعنده من قوة ضرب اكرم ونام فوكاه يضرب بخبال وبدون وعي .
انــور لزم ياسين يضرب بي وكلها تضرب ببهم صاروا
وكانوا منتظرين هل فرصة ، رفع علي الآكبر كرسي
وترك الكل فلش راس عمران بالكرسي بلحظتها وگع غشيان
وكلها تصيح وتصرخ على نفس الصوت
_ علي الآكبر قتل عمران .
وكل هذا وريان بعده يضرب بأكرم ويصيح
_ لك هااااي مرررررتي اني حُــرة حرررررتي
لا انت ولا عشيرتك تغيروووون هل شي اموووتك
ولك اموووووتك وما تصيررر الك .
اكرم : عقدت عليها وخلصت لا تحاول .
رفعه من شعره وطگ راسه بمرمر القاعة ونهض
منه من سحبه انــور وعلي الآكبر
ريــان : لككككك جابرررريهااااا اكيدددد
ضاربيهاااا شبعووهااا ضرب وافقت .
علي الآكبر: الصار فخ وكلنا وگعنا بالفخخخخ لك اصحى .
_ اخذووووهااااااااااا مني اناااااا اناااااااا سلتمتهاااا انا .
كلهم متمسكين بي وهوَّ بعده يريد يهجم
انــور : افتح عيونك خلي عقلك ويايَّ لا تخسرنا
اصحى قوي روحك دخيلك قوي روحككككككك ترجع نرجعهااا .
اكرم : على جثتي ارجعها.
ريــان : ترررررررررريد تصيرررر جثة لك بالخدمة جاهز انا حاهز .
ضرب انــور ريــان على وجهه وسحبه علي الآكبر على وجهه
طلعنا انــور منهم بوجهنا البيت اما علي الاكبر ما دخل بعد
على مشاكلنا والهوسة الصارت راح وياهم يحلها
حُــرة ...
حسب ما فهمت من اتسمع عليهم بعد ما عزلوني
عن العالم بالكامل وحتى المساعدات بالبيت مننوع انطق
بحرف لو اطلب طلب منهن صرت اتسمع وعرفت رايحين حنة انــور
ولان الكل ماكو زوجة اكرم استغلت الوضع وهجمت بمداهمة
على بيت وياها الحيوان اكرم قبل لا يروح وياهم على حنة
وبنص البيت صوتها يصدح والسب وطولت السان والتجاوز
اني ام السان خجلت ، طلعت من غرفتي هي شافتني تخبلت
_ وتجذب عليَّ تگلي اتزوجهااا اكسر عين ابن عمي
طلعت طفلة تريد تلعب عليها وتلعب عليك تجدد عمرك وياهااا .
حُــرة : ها بربوك عابرة مراحل من الرخص
هسة رنيم شگد حية بس مو مثلچ تعلي صوتهااااا .
ضربت اكرم على صدره فر ايدها وشمرها ويصرخ
_ اضررررربچ والله .
حُــرة : خرب حضي اسود ياهوَّ متزوح لو ارمل اطلع الثانية
والطرف الثالث يمل ، هسة اني هجامة البيوت مو انتن تعالي سحليني .
اكرم : اكرميني سگوتچ .
حُــرة : يعني لازم اني الطرف الثالث المخرب
هسة بالله رنيم حقها ريــان يطگ بالگاع هتذا شنو واتعارك علموده
لا خلقة ولا اخلاق اني لو منچ بيده ازوجه واخلص منه ومن شره .
ما احس غير فر وجهي بكف صرت اشوفهم اثنين اثنين
والحقيرة زوجته بنفس حقارته نامت فوگ جسمي تضرب
حضنتها وصعدت اضرب بيها دمتني ودميتهاااا
ضربتني ملختها خليتها تصرخ خلصوني
واني وگعت من الوجع ما اكدر اتحرك ولا حتى ايدي ارفعها .
زحفت اريد اخلص روحي منها بعدها تريد تخلص عليَّ
قفلت غرفتي نشغت ارجف بس من التعب والوجع ما ينوصف
ايدي تزلغت وجهي ما ادري منين يجري دم خشمي موتني
وكلبي من الرهبة والخوف والتفكير تعب احس يريد يوكف
دعيت عليهم من كل كلبي اشوف بيهم يوم ونمت على سرير اهمس
_ صار هوووواي عاقبتني تعاقبت اني تبهذلت بس ارجع .
اريد انام ومحمد فات سحلني من السرير شمرني بنص
الصالة يمهم عمران عاط بي يرجع يلزمني
_ هاي انتِ هيج سويتي بيها .
_ شوف هي شنوووو سوووووت بيَّ .
يريد يضرب محمد عاط بي ابوية صعدت ودموعي على خدي
ما مستوعبة الصار واني احاول اخلص من الوجع نمت بنفس هدومي
وفزيت على لمست ترفع خصلات شعري عن ملامحي
بمجرد ما فتحت عيوني وملثم صار مقابيلي فزيت اريد اصرخ
حضني وسد شفايفي سحبت لثامه رفض رجعت سحبته اكثر
وبنبرة الصدمة وبدموع تنزل كلها عتب نطقت كلماتي
_ الصياد رجع يشوف حُــرة ؟
حجيتها وعيوني تگلب فقدت وعيي بين ايده وگعت غشيانه .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..