🇪🇬Ahmed@admin

بالنسبالي better call saul أفضل مسلسل شفته .. تتفق؟

شفت مسلسلات كتير أوي على مدار السنين اللي فاتوا .. لأني شخص بحب وبفضل المسلسلات أكتر من الأفلام .. ورغم حُبي الشديد وإنبهاري ببريكينج باد وجيم أوف ثرونز إلا إني لما بدأت أشوف سول كُنت مُنبهر .. البناء البطيء للأحداث هنا، حرفيًا بيوريني أكتر من حاجه .. بيوريني بدايات شخصيات واحد من مسلسلات المفضلة وهو بريكينج باد وبيوريني قد ايه الشخصيات بتاعته ليها ابعاد تانيه غير إللي كُنت شايفها والأهم بقى هو البناء العبقري لشخصية جيمي (سول) واللحظات اللي بتكونه وبتحوله من جيمي لحد ما يوصل لسول .. على الرغم أن في ناس كتير ممكن تشوف البُطء في بداية المسلسل ممل .. إلا إني كُنت مستمتع جدًا جدًا بالبداية دي والتغيرات الصغيرة إللي بتظهر على جيمي واحده واحده