أختي اتجوزت وسافرت… ولما ورثنا الأرض طلبت نصيبها كامل رغم إنها ما ساعدتش أبويا!
أبويا كان عنده أرض زراعية صغيرة، وقضى آخر سبع سنين من حياته مريضًا. أنا اللي كنت بلف معاه على الدكاترة وأدفع مصاريف كتير من مرتبي، وأختي كانت عايشة خارج مصر وظروفها ما سمحتش تيجي إلا مرات قليلة.
بعد وفاته بدأنا نقسم الميراث، وأختي طلبت نصيبها الشرعي كامل. أنا مش مختلف إن ليها حق، لكن شايف إن العدل يقتضي على الأقل نحسب المبالغ اللي صرفتها من جيبي وقت مرض أبويا.
هي بتقول إن دي كانت مساعدتي لأبويا مش دينًا عليها، وإنها كمان كانت بتكلمه وتساعده حسب ظروفها. أنا عندي إيصالات للمصاريف، لكن عمرنا ما اتفقنا وقتها إنها تترد.
السؤال: هل من العدل خصم مصاريف الرعاية قبل تقسيم الميراث؟
للنقاش: هل التضحية وقت مرض الأهل المفروض يكون ليها مقابل مادي من الإخوات؟
السؤال واضح من عنوانه، هل لو عندك فرصة تعيش في دولة أوربية سهل فيها عمل علاقات جنسية أو شراء سجاير أو مخدرات أو ترجع بلدك اللي فرص النجاح فيها ضعيفة وجنسيتها ضعيفة هتختار لولادك أنهوا طريق أنهم يفضلوا برا وسط مخاطر الانحراف دي ولا العودة للبلد وهم ونصيبهم
ابني في تانية كلية هندسة، ومن سنة بدأ يعمل فيديوهات تعليمية وترفيهية. قناته كبرت وبقى دخله الشهري أعلى من مرتبي، وبيقول إنه لو تفرغ هيوسّع المشروع ويكسب أكثر. أنا مش شايفه فاشل، بالعكس فخور بيه، لكن بخاف إن دخل الإنترنت يتغير فجأة، وإنه يندم بعد سنين لما يحتا…
انا بنت وبالصدفة شفت رسايل على فون ماما مع راجل غريب انا معرفهوش وفي بينهم كلام قذر ومن وقتها وانا مصدومة ومش عارفه اعمل ايه .. خاصة أن بابا كويس جدًا مع ماما يعني وهو بشكل عام راجل ذوق ومحترم وحاسه إني مش عارفه اتصرف لو قلت لبابا هتبقى مشكلة كبيرة ومش عارفه …
النقاش