_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
اني ذاك الكاعد متانيله صدفة تلمة بيك
اني_ذاك_الشاف كومه وجوه حلوة
وگلبه مارف بس عليك
لطفا لا تنسون التصويت والتفاعل بين الفقرات
⊰ حُــرة ⊱
همس بصوت هيمان ضايع ولهان
_ منو گال الصياد ما ينصاد ؟
_ ريــان .
_ حراير الصياد هم ينصاد .
بمجرد آنتهى من كلامه سيطر على حركتي والصياد
صاد شفايفي واخذها بين شفايفه فريسه ..
دموعي جرت على خدي جريت روحي جر من ايده
واني امشي ملخت شفايفي تملخ امسح بيها واضربها
والدم يجري منها هو فاتح عيونه مصدوم من تصرفي
شنو جان يفكر افرح ؟ اريده ؟ أتقبله ؟ شاطت روحي
ركضت ضربته بوكس على وجهه لزم مكان الضربة
وابتعد مايحجي يعرف بروحه غلطان
حُــرة : الرجال كلمة واني اخذت منك كلمة تعاملني حالي
حال اختك ركزززز اختك وانت خالفت كلمتك انت موووووو رجال .
شمرت شكو كزاز كسرته وهوه موتني كلمة مانطق
حركة ماتحرك ثابت بس يراقبني
_ انت تعررررف شسوووويت برررروحك
هسة تعرررف لو ماتعرف ؟
احجي واشر بأصبعي عليه ودمي فايررر اريد اكله بسنوني
_ اي اسكت صووووتك لاااا يطلع اني احجي
اسمعهااااا مني انت فتحت على نفسك باب جهنم راح اخليك
تكره اليوووووم الي شفتني بي وتحقد على ساعة الي فكررررت
تقترب مني وتذل روحك انت ذليت روحك ترا ورخصتها
لان بست وحده عقلهاااا وگلبهااااا عند غيررررك تحب غيررررك افهمها .
فتحت دُر الباب احتارت تشوف حالي لو حال اخوها اجت
تركض رفعت راسي وتمسح بالكلينكس بشفايفي
_ حُــرة هاي شصاير بيچ يمه عززززا .
فات انــور شاف ريــان ايده بجيب البنطلون ويشاهد بصمت
واني شفايفي تجري دم ضحك هو ضحك وآني انفعلت
_ ليششششش تضحكككككك على شنوووووو تضحك .
ريــان يريد يطلع وانور استدار عليه وصار عينه بعيونه غمز
انــور : عنيف طلعت المعقد السكوتي .
تجاهله بس اني شلون اتجاهله دُر تمسح بوجهي
شلت علبة حافظة الكلينكس ثگيلة شمرتها على انــور
اجت براسة لزم المكان وصدح صوته بالبيت كله
_ رررررراسي .
دار وجهه باد حيلي ودُر الي احتمي بيها من شافت عصبيته
ورجفته وجهه شلون احتقن بالغيظ والغضب ما ادري
شلون وصل يمي دفعني واخذ ايدي لواها لوي افتر جسمي
صارت على ظهري وبيده الثانية لزم رگبتي من ورا راسي
_ تضرررربيني انتِ تضررررربيني .
دُر خلت ايدها على راسها وصرخت مرعوبة
رجع ريــان برغم حالتي وحاجتي ماردت يساعدني
بس هو ركض ودفع انــور هو عافني واني وگعت
ماكدرت اسيطر على جسمي واني اوگع وجهي انضرب
بطرف السرير لزمت مكان الضربة وبقيت ارافس بمكاني
بلا صوت احس روحي طلعت وصوتي اختفى من قوة الضربة
اريد احجي اريد اصرررخ بس ارافس رفعتني دُر تريد تشوفني
شالت ايدي وتمسح بالمكان وتضرب على رجلها
دُر : يمهههههه سودة علية البنية راحت روحهااا .
لزمت بيدها واضرب إيدي بالارض اجه ريــان يمي
يريد يشوف وجهي زحفت بس ابتعدت شوية ركضت
للحمام وقفلته عليه اغسل بوجهي وانفجرت هنااا ابجي
احتار بوجع شفايفي تملخت لو بوجع الي صار بين خدي
وبين خشمي رجعت اغسل بوجهي
دُر : حُــرة افتحي الباب بس اني أفوت اشوفج
نزلتهم والقرأن راحوا بس اني وياج فوك .
فتحت الباب طلعت للغرفة تجاهلتها هيَّ وإخوانها
حُــرة : نعال عليهم وعلى هل بيت وعلى هيج ذل .
دُر : شصار بس حاجيني .
واني ابدل بملابسي اريد اهج منهم بعد هل بيت الزبايل ما اعيش بي
وهي تحجي فوك راسي طلعت انزل على درج وهيَّ تركض ورايَّ
وصلت النص الدرج وجاوبتها بعلو صوتي
حُــرة : اخووووووووج الرجال الزلمة الزين باسني .
رنيم : شنووووووو ؟
حُــرة : اجيتي والله جابچ هاااي الي تسوي إغراءات الزوجج
المحترم الثگيل الي ضايج من حركاتها
تريد تعوووف البيت ليششششش برأيچ ليشششش لان زوجج باسها .
رنيم : تحلمين وصّلت وياج تتهنين بريان يحب زعطوطة مثلج .
حُــرة : مايحب بس نفسه دنيئة لوووو صدك يحبچ ما يتجرأ
يتقرب لوو يفكر مجرد تفكير يتقرب من غيرج بس واضح
منووووو عشيررررته منوووو ابوووو يعني منوووو ؟
دفعتها اريد اطلع ركضت على باب الاستقبال مفتوح
اول مادخلت واشوف ريــان گاعد ايده على راسه
وانور واگف يتسمعون على كلام من شافني انــور
اشر بكُل برود على باب عكس صوته الغاضب
انــور : اريد اشوف بنت امها وابوها تخطي خطوة برا عتبت هل باب .
_ ايباه شسووووي يعني تموووتني بعد احسن
تضربني اني عندي ايد املخك بيها تملخ لو اني لو انت
اني بهذا النعال البيت ما اعيش بعد ساعة وحدة .
انــور : موووووو بكيفچ لچ مووووو بكيفچ .
_ تجبرني اشتكي عليكم والله .
دفعتني رنيم وفاتت عليهم وكفت مقابيل ريــان رفعت راسه
ترجف ايدها وجسمها وصوتها وتأشر عليَّ
_ صحيح كلامهاا ؟ نزلت من روحك انت ريااااان نزلت من روحك
ونفسك تدني على زعطووووطة مثل حُــرة معقولة .
حُــرة : تاج راسكم حُــرة لچ حيوووانة لا تجاوزين .
رنيم : عرفوها تطلع خليهاااا تولي تريد تهجم بيتنا على طفلة ؟
شغل جگارة ورجع نفسه طبگ رجل على رجل ويفر بالباكيت
شربها ويراقب بيها وبيَّ شلون نتجادل نص الجگارة وراح
للغرفة واني اريد اطلع ودُر تجر بيدي رجع وبيده مسدس
سحب الأقسام التفتنا ونشوف المسدس يلعب بيده
سحب طبلة ونزل المسدس بوسطها
ريــان : انتِ اذا مادخلتي هسة بهل دقيقة للغرفة انطيج بطلقة
وانتِ الثانية اذا ما تصعدين فوك افرغ شاجور براسج .
رنيم راحت تمشي خايفة للغرفة واني سحبت المسدس
بلا مقدمات صار بيدي خليته على گلبي وضحكت
_ همزين ساحب اقسام سهلتها والله .
ريــان : نزلي منّ إيدج هذا مو لعبة .
_ تهددني بهذا ؟
بلع ريگ واني ابتعد حتى يصير هو وانور تحت عيني
واشوفهم مو واحد ورايَّ ويغدرني اشر بيده أنزله
_ تهددني بالمسسسسسسدس مووو احجي وياك ؟
_ لااااااا نزلي لا انعل والدي والديچ .
_ اريد اطلع هسة ارررريد اطلعععععع .
_ نزلي وروحي يلة .
_ احلف .
_ نزززززززلي خرب اهلچ نززززلي .
_ احلف وداعت هاي الخايسة مرررتك .
_ هاي شبيهاااا احجي شي ويااااهااااا دُر .
مسحت عيوني من دموعها والألم مايخليني اركز
انــور : أني اخذچ البيت ابوچ ترجعين تحت رحمته
الطاهر مايفيد وياج الزين .
حُــرة : هذا الثاااااني همممممم يهدد يا ررررررربي .
ريــان : اسكت انت اسكت عوووووفهاااا خرب اهلكم .
حُــرة : يهدد بالسلاح نگلب السحر على ساحرررر
هسة اذا امووت روحي تروح بيها انت مؤبد لان متت بسلاحك .
تقرب مني ابتعدت
_ تخلوني اطلع .
_ مخبلة لو تخبلتي كل عقلچ على شنووو هجمتي البيت هجم .
_ وبعد وبعددد دام انت ما تلتزم بكلمتك وماعندك كلمة
بيتك ما اعيشششش بي واطلع يعني اطلع .
_ جيبي وغلط بعد مايتكرر زين هيج .
_ لا مووو زين ارجع واكررها انت فتحت على نفسك نار حهنم .
_ قابل افتحي بال جهنم بس لا طلعين .
شمرت المسدس وردت اطلع وهذا انــور بوجهي صعدت
فوك والوجع بشفتي انقرررفت منه انقرفت
اسمع اصواتهم طالعة كلهم حتى رنيم اسمع ريــان
يصيح عليهه مديت راسي شفته سحبها من ايدها طلعها من الغرفة
للكراج دخلت على غرفة انــور اطل على كراج لمحته
يأشر على كتب والدفاتر من شفت الأوراق بهتت رجعت للغرفة
مهضومة كتبي والدفتر ملخص تعبانه بي راح تعبي راح
من القهر فرشت سجادة ودعيت عليهم من كل كلبي
وهذا الحقير كلمته بـ اذنب ترن
" حراير الصياد هم ينصاد "
حلفت من هل دقيقة اخليهم يخافون من اسمع وكل مصيبة تصير
بحياتهم يعرفون بحرة سببها غاية براسي اسويها على موتي انفذها .
دُر ..
البيت متكهرب حرت بين مشاكلهم ومصيبتي
جريت رنيم من ايد ريــان وهوه متخبل اول مرة اشوفه
بهل عصبية وهيَّ مصدومة بي تمسح بدموعها وتريد بس تفوت
ريــان : مشكلتها تحلهاااااا هي سوتهااا وهيَّ تحلهااا
الكتاب يتصلح شلون وبأي طريقة مو شغلي والدفتر
والملخصات ترجعين تكتبيهن اني كلشي ولاااااا الخباثة بحياتي .
تضرب على صدرها وتصرخ
رنيم : اني خبيثة ريــان ؟
_ هذا تصرفچ شنووو تفسيره فهميني حاجيني اني ما افتهم بالله اشرحيلي .
_ انت دخلتها بنص حياتنا ريــان حُــرة على ايدها حبنا يموووت .
_ يمج هيَّ يمج ليش تحجين حجي اكبر من راسچ .
_ ترا اني مو صغيرة ريــان نظراتك ، تصرفاتك ، كلامك وياها
وضحكتك الي ما تضحكها حتى ويايَّ تروح تضحكها وياهااااا
المفروض انت تفسر انت تشررررح شنوووو جاي يصير ؟
بقيت انتظر جوابة ريــان عاملها ببرود وانور گاعد بالاستقبال
يشغل بالجگارة وجاوبها من ورا الشباك ومركز على كل كلمة
_ عاجبته صغيرة وحلوة ومرته حلاله يغمض عيونه منها ؟
دُر : شنووو هل كلام عيب لا تسمع حُــرة لا تحبه ولا تريده
ومعتبرته اخوهاااا مثل ما آني معتبرتكم اخواني هيَّ هي
حتى ماتشوف ريــان بغيرررر نظرة واذا ريــان يشوفها
من غير باب فـ انصحك تلغي حُــرة من راسك .
انــور : ليش ؟
دُر : لان تكسره ينكسر گلب اخوك تقبل حُــرة ماتحبه
عقلها وگلبها وروحها بمصطفى ماكو احد ياخذ مكانه .
طلع انــور من الأستقبال ودفع ويان الي بهتت حتى لونه
من كلامي وگعد لازم راسه يرجف ويفرك بوجهه
انــور : ومصطفى وين ؟ مات .
دُر : بگلبهااا عايش وبعقلها عايش وعايشة حتى تنتقم
من اهلها لان دمروها ودمروا مصطفى بنظرك هيج انسانه تحب ؟
ضربت رنيم على رجلها وتحجي مباشرةً هيَّ وريان
_ ساكت وايدك على راسك مهضوم طفلة رفضتك موو ؟
مرد عيونه ومبين القهر على وجهه شكد يحاول يخفي حبه بس واضح
رنيم : يمكن اني طلعت الطرف الثالث اعوف الكم البيت
حتى تعيش اجواء الحب وياهااااا تاخذ راحتك اقنعها بيك
بلكي وعسى ولعل تلتف ولوووو بنظرة عليك وتشوووف
حبك الي تاررررس عيوووونك ست حرررررررة بنت ياسين .
كملت وفاتت راح انــور بصف ريــان طبطب على رجله
_ شبيك يمعود من البداية ومن اول رفض ضجت .
_ غلطان اني غلطان .
_ استلم .
بنظرات الصدمة اشرت عليهم اثنينهم وسألت
دُر : هاي صدك تحجون؟
انــور : شبيچ ترا يحبهااااا شنوووو حرام ؟
انتظرت ريــان يحجي ساكت الكلام مو وياه ابد
دُر : اي حرام حُــرة ماتريد ريــان افتهم ولا تنسى فرق العمر بيناتهم .
انــور : الحب مايعرف عمر .
دُر : ههههههههه من شوكت انــور يعترف بالحب تطورات .
ريــان : انعل ابوك لابو الحب وحدك تحجي حيوان انت حيوان .
قبض انــور على سترت ريــان وسحبه
_ منوووو حيوان ولك ؟
_ لا تحجي بكيفك .
_ اني من احجي واثق وما اخاف وما استحي مو مثلك .
_ شنوو قصدك انووووور ألزم حدودك لااااا تخليني .
_ شسوي مثلاً تضربني اكسر ايدك والله لااا تنسى اني أخوك الجبير.
درت وجهي اني وياهم على رنيم الي لمت ملابسها
ومبدلة شمدت الجنطه وتشهگ بالبچي وتحجي
_ توصلني على بيت امي لو اني اروح بكيفك .
_ رنيم الف شغله وشغله براسي لا تزيديها عليَّ .
_ ماكو براسك غير هل زعطوطة .
فتحت الباب تريد تطلع صاحها
_ انتظري اجيب المفاتيح .
دخل للبيت وانور استلمها خبلها وخبلني بكلامه
_ انتِ رضيتي برجال متزوج بعد هل عيارة منين
حرة الاولى انتِ ضرتها انتِ الطرف الثالث .
رنيم : يا حُــرة لازم نسيت انتَ واهلك سبب فراگنا اني وياه
لو متزوجين من زمان جان هسة مكونين عائلة انتوا شياطين .
انــور : وهسة شنو تغير حبي كوني عائلة .
رنيم : منوووو گال ما احبه ؟
انــور : هههههههههههه اضحكي على ريــان مو على انــور .
كمل وفات خلاها تبلع بريگها خايفة وأوضاعها تخربطت
طلع ريــان إخذ الجنطه من ايدها وصعدت وياه
وتحجي وتحجي اباوع عليهم من فتحت الباب الصغيرة
وتبجي وتضرب بنفسها وبالسيارة وهوه يجاوبها
بالربع ساعة شغل وطلع ، لملمت الأوراق ودخلتها خليتهم بالصالة
خفت اصعدها وتشوف حُــرة وتنقهر ما ناقصها قهر سودة علية
اخذت تلفوني من الشحن على امل اشوف رسالة او مكالمة
فتحته تمنيت على اقل يقرا الرسائل الي جنت بس ادزها بالثواني يشاهد .
بقيت جوة حتى حُــرة تاخذ راحتها ساعدت ميمي خطية
دائماً وحدها نزلت ملابسهم من السطح رتبتهم وهيَّ
دخلتهم للغرف ، اخذت ملابسي وصعدت الغرفة فارغة
خليت الملابس على ميز وطلعت ادور على حُــرة طلعت
من الحمام لازمة بطنها وراسها تمشي بتعب
_ اسم الله شبيچ ؟
_ استفرغت من الهبطة هبطني هبط اخوج .
نامت وهي تحجي اجيت يمها امسح على راسها
_ شصار .
_ باسني لچ اخذت منه كلمة گال حالج حال دُر يا دُر عمي
شو هذا صدمني يگلي الصياد هم ينصاد صادوك بسم فار
كوووون يااااا ريــان يا ابن يوووسف روح ان شاء الله
يصير بيك ابوووو خريان وبعد ماطيب طول عمرك تحبب .
ضميت الضحكة خفت اضحك وتضربني درت وجهي
وهيَّ لفلفت نفسها تريد تنام همست
_ هم خابر علي الآكبر .
_ لا وحتى مايشوف الرسالة .
_ شعجب هو مايفوت رسالة .
_ يمكن صدك كرهني .
_ الي يحب بعمره مايكره .
حجتها ونامت عفتها بفراشها طلعت صعدت فوك
فتحت السطح وطلعت اجر النفس بصعوبة
جريت طابوگة وصعدت عليهه شفت الشارع والمنطقة هدوء
لا طفل بيها ولا باب مفتوح عبالك مهجورة
اجت ببالي منطقة بيت علي الآكبر شكد بيها حنيه
ناسها عبالك عايشين سوية مو غرب
نزلت گعدت على طابوگة واتصلت على عمي جاوبني على سريع
_ السلام عليكم .
_ وعليكم السلام بنيتي دُر شلونج .
_ زينة وانت شلونك عمو شخبارك .
_ بخير بوية من الله زينين .
_ مو انتوا وين اقصد انت وين ؟
_ مسافر والله بنيتي ليش محتتجة شي صاير شي ؟
_ علي الآكبر مسافر وياك ؟
_ اي .
_ شلونه ؟
_ عايش .
_ عمو ليش مايجاوب ولا يشوف الرسائل ؟
_ اني بس ارجع اجي آسمع منج مثل ما سمعت منه
بس هسة انتِ ارتاحي بنيني لا تفكرين بشي واي شي تحتاجين خابريني .
استصعبتها احجي اكثر سلمت ونهيت الأتصال سمع منه ؟
شنو سمع ؟ شنو الي جاي يصير راح افقد عقلي علي الآكبر يرخصني هيج ؟
سمعت صوت سيارة جوة مديت راسي شفت يسار نزل
ذب الجگارة وداسها ويسد بالسترة دك الباب ميمي فتحت الباب
تذكرت حُــرة وحدها بالغرفة نزلت اركض واني انزل صار مقابيلي
يصعد على درج وميمي أدلي على انــور
دُر : وين نعمممم ؟
التفت على صوتي
_ دُر انتِ هنا ؟
_ انت شسوي هنا ؟
_ اجيت اشوف انــور .
_ ناوي تخلي يرجع للمخدرات .
_ لا اكيد بالأصل فرحت لان عافها .
_ يوم الك .
_ على ايدچ جاهز والله .
_ شالك الله .
كملت طريقي اريد افوت الغرفة اعترض طريقي
_ وشمت اسمچ حفرته حفر على گلبي تشوفي ؟
_ حفروا اسمك على قبرك استحي لا اخليك تستحي .
_ الله دُر مشتاق لصوتچ احجي بعد احجي .
_ لازم متعاطي .
غمض عيونه ورفع راسه اريد اروح دفعني على حايط
_ ما اسامحچ ونفسي بيچ عمرج كله ماراح ترتاحين
خليتيني احبچ ورحتي للغريب بعتيني بالرخيص .
دفعته مني وجاوبت بثقة
_ انت بعت اني جنت زينة وياك وافقت عليك بس انت
خربت كلشي بتصرفاتك نسيت شنوووو جنت تسوي لو اذكرك .
_ باقي انتظر ترجعيلي عندي امل بيوم نرجع .
_ لا تتأمل .
_ تتذكرين حبنا .
_ لا .
_ والله تتذكرين .
_ كافي عيب عليك اني متزوجة .
_ شوكت تنفصلون وترجعين .
دفعته ودخلت للغرفة اتصلت على ريــان جاوبني
_ ها دُر .
_ يسار بالبيت بغرفة انــور .
_ راجع اني بالطريق .
بقيت اكل بأظافري الى ان سمعت صوت خطوات على درج
فتحت الباب ريــان صعد مستعجل دفر الباب وفات
وكفت شفت انــور گاعد يشتغل على لابتوب ويسار
فاتح الشباك ويشرب جگارة ويسولف وقطع كلامه ريــان
_ هل زبايل شكوووووو داخل بيتي ؟
يسار : ريــان .
_ وجععععععع اطلععععع برا يلة فوراً اطلعععععع .
يسار : اجيت الخاطر انــور .
ريــان : انوووووور ؟
انــور : حالي من حالكم نايم وشفت هل ثور فوك راسي .
دفعهم يسار وطلع من شافني هز راسه وطلع من البيت .
ريــان: ممنوووووع هل حيوووان يرجع يفوت بيتي
لا وبرراحته فايت ابن الـ***** .
نزل على ميمي منعها تفتح الباب اذا ما تجي واحد
يطلع وياها يشوف منو واذا ما موجودين ممنوع ينفتح
هو يحجي واني عيوني صارت على غرفته شفت رنيم
ترجع ملابسها بالكنتور هو التفت شافني اباوع على غرفتهم
دُر : رجعتها ؟
_ اي .
صعدت بدون كلام زايد بقيت بالغرفة الحد ما تعبت من التفكير ونمت
ثاني يوم حسيت على حُــرة بدلت واخذت الجنطة مددت جسمي
ونزلت وياها ، ما اشوفها غير فاتت من المطبخ وانور وريان
گاعدين خطية فزت على صوت انــور من صاح
_ وين .
_ ابو الخط بالباب البوم دوام .
كملت وطلعت بدون كلام اكثر رنيم شالت المواعين
وكل واحد بيهم راح للشغل مالته صعدت فوك شفت
المحادثة بعدها مثل ما هيَّ ماكو مختفي حتى من الظهور
رجعت نمت اريد اخلص وقتي بالنوم مليت من التفكير ..
شهد ...
_ جــود تاخذني اليوم انت ؟
_ اي جيت دقيقة انتظريني .
نزلت على سريع اسمع صوت ريمان تحجي هيَّ وحسن
ريمان : اني وياك وأطفالنا هسة اوله بالبيت فارغ
علي الآكبر سافر ودُر بيت اهلها وتكره البيت فدوة اقنع عمتي .
حسن : ريمااااان هذا البيت بيت علي الآكبر تعب بي وصرف
كل فلس عنده عليَّ هاي الفكرة امحيها من راسچ ما اريد اسمع
الموووضوع ينفتح بعد .
_ زين مو حرامات فارغ صار هواي واحنا بهل غرفة .
_ الغرفة اذا ما تريديها نطلع ونأجر ما اخذ بيت اخوية
شنووو يگولون علينه مرته شردت وحسن اجه گعد
حتى اذا يشكون بيَّ ما ألومهم مخبلة عاقلة انتِ .
فتح الباب شافني سويت روحي انزل وخليت ايدي على كلبي
بس لا تطلع ريمان هيَّ هجمت بيت علي الاكبر عزا العزاها اذا صدك
تفكيررري يطلع صح معناها مصيبة
نزلوا كلهم وجود وياهم رحت اركض صعدت بالسيارة
وصلني باب المدرسة وراح نزلت انطي دروس
وأفكر بأمي البارحة من التفكير والخوف على ابوية وعلي الآكبر
تخربطت من مرارتها .
اخذت دروسي والنص الدوام طلعنا اني وصديقتي
وخطيبها ويانا هم معلم نحجي على خطط الجديدة
وشلون وتحضير الاسئلة استنسخنا كم ورقة
وأخذنا عصاير سمعت صوت تلفوني وصلتني صورة فتحتها
هاي صورتي هسة من قلب الحدث التفتت على مكان الي
اخذ بي الصورة وشفته واكف بعيد كاتب
" عبري الشارع لا اعبر آني واخليكم حديث الساعة "
" امشي منا لا اخابر عليك اخواني الظاهر خليتك تتمادى بزيادة "
قراها ونزل من السيارة هو عبر واني فتت للمطعم من الخوف
بوجهي للمغاسل وطلعت تلفوني كتبت
" لا تسوي مشكلة لا تخجلني "
" خليهم يروحون "
" ميصير اريد ارجع وياهم "
" لووووو تموووتين ماترجعين وياهم طلعي يلة طلعي "
طلعت بس بعدني بالباب كتبت
" شبيك مخبل "
" اي شنو ماتدرين "
"اشتكي عليك ؟"
"شوفي ذولاك السيطرة روحي اشتكي يلة "
" اكرهك "
طلعت الهم مرتبكة تحمحمت وحجت بخجل واضح
_ أنتوا روحوا قبلي اني اخوية خابرني راح يجي ينطيني شي مهم .
غسان : ننتظرچ عادي .
_ ها .
درت وجهي شفته يأشر اجي رجعت عليهم احجي سريع
_ لالا روحوا تتأخرون هسة اجي وراكم .
غسان : براحتچ عيوني .
بس ابتعدوا دخلت شمرت العصير دخل سحب كرسي
_ تعالي هنا .
_ على اي اسااااس اگعد وياك وانت غرررريب شبيك عيب والله .
_ ومن طالعة وياهم مووو عيب .
_ خطيبته صديقتي شبيك راح اضربك .
_ انعل * لابو ** خطيبته .
غطيت وجهي من الفشلة ودرت اشوف منو يسمع
_ كافي دخيل الله كافي .
_ تعالي هناااااااااا راح اصيح .
اجت كعدت بس اريد يسكت متخبل والله بي راشدي
_ اهلج يدرون طالعة .
_ عادي قابل وين رايحة .
_ لااااا مو عادي اني ادري بيهم ماعدهم هيج .
_ هاي شبيك قابل صاحبي ؟
_ الله اعلم .
فتحت عيوني على وسعها ونهضت اريد امشي وگف بوجهي
_ رجعي لا تجبريني ارجعچ بطريقتي .
دفعته وطلعت من المطعم عبر الشارع يركض
مثل البركان يغلي على ساعة ينفجر شخطر السيارة
بحيث الشارع كلها استدارت ينظرون على الصور
بس عبرنا الفرع اسمع اطارات السيارة شلون ملخها
راد يسحبني طفرت بمعجزة
_ اصعددددددي شششششششهد .
_ عزززززا العالم .
_ اصعدي .
صعدت من الخجل بعد وين انطي وجهي مسحت دموعي وصحت بي
_ ماتعررررف العيب .
_ لااااا .
_ حقك منوووو اهلك لا تربية ولا اخلاق نكرررررره انت نكرررره .
_ بعد ممنوع تطلعين انتِ وهذا القذر نظراته ما عجبتني .
_ غسان مؤدب .
_ انتِ تشوفي مؤدب .
_ اي وانت شيطان .
_ اني شفت شي انتِ ما شفتي شهددددد لا تخليني أتلفظ
بـ ألفاظ ما مطررررروقة بقاموووووس الغلطططططط .
تلفون يرن اريد اجاوب سحبه من ايدي
_ من اني وياج تنسين كل النعااااايل .
_ هو نعال عباله العالم نعايل مثله .
_ على اي نعال ماتردين .
_ اي مو اهم نعال يمي .
_ شهدددددددد .
_ احجي عدل احجي عدل تصيح اصيح تغلط
اغلط انت تحدد مستوى كلامي وياك .
ضرب على ستيرن السيارة وشمر التلفون
_ خبلتني والله خبلتني .
_ يلة اريد ارجع للمدرسة .
تغيرت نبرة صوته من العصبية للهدوء
_ شهد انتِ زاوية نظيفة بحياتي ليش تخليني اشوفچ بغير نظرة ؟
_ زملائي عاد ...
_ هم گالت نعاااااااالاتي .
هو رجع يصيح اني رجعت اصيح
_ انت معليييييييييييييك .
_ صوتچ .
_ صووووووتك انت السيارة خليهاااا توكف نزلني هناااا .
_ بعد ما اصيح هاي شلون مصيبة ناقصني اني ناقصني .
_ منو جابرك ؟
_ شهد بس افهميني .
_ شنو .
_ اخاف عليچ .
_ ما خفت على اختك .
شخط السيارة وكف مال جسمه وفتح الباب مالتي
_ انزززززززززززلي انززززلي .
_ ليش تصير عصبي من الحقيقة .
_ شهد لا تخليني اغلط وياج انزلي .
_ تغلط ؟ تضربني مثلاً مثل ما جنت تضرب اختك ؟
عيونه صارت حمرة دم مسحها ونزل من السيارة سحبني ونزلني
ورجع صعد جسمه يهتز ويمسح بعيونه حرك وهو يفتر منا ومنا .
رجعت للمدرسة اريد اركز بدرس ما اكدر طحلني القهر طحل
ما ادري شلون خلصت دوام ورجعت للبيت لكيت امي بالطبخ
تحجي هيَّ وابوية اخذته منها سلمت عليَّ بس رافض يگول
وين مسافرين حتى امي واخواني مايعرفون
جــود : اول تالي يصير شي بهذا البيت انا ما اعرفه .
ام حسن : خبلني هل رجال ساكت .
بدلت واجيت يمهم اصب بالأكل واحجي وياهم
شهد : ابوية يدخل وصار علي الآكبر بيده معناها صاير شي جبير .
امي وجهه صار اصفر من حجيت هيج رجعت كملت
_ ابوية شكد تصير مشاكل ينصح لو يرزل من بعيد
ليش بهل مرة اخذ علي الآكبر لا يقبل نحجي وياه
ولا يقبل نعرف وينهم متكتم على موضوعهم اكو شي والله اكو شي .
كعدت اكل والتلفون يمي بلا ما احس افتح بي اشوف اكو رسالة لو لا
كملت اكلي وعفتهم وفتت ارتاح ساعة ، نمت كعدت المغرب
صليت وطلعت بالاستقبال استلمت اطفال ادرسهم قريتهم
وشفت التلفون ماكو شي ، كملتهم بـ10 التهيت بين اخواني
وجهالهم وضحكهم ولمتهم وسوالفهم تاخر الوقت كُل واحد اخذ
اطفاله وراح واني نمت بفراشي ماكدرت انام زحفت وصعدت
على جرباية امي مديت ايدها فتحت عيونها
_ أنام على ايدچ ؟
حضنتني وتلعب بشعري نمت مرتاحة على ايدها
وانزاحت كل الأفكار من راسي .
ويوم بعد يوم اسبوعين واكثر بس على اتصال ابوية مايبين
وامي طگ كلبها على علي الآكبر تنام وتگعد تبجي وتون عليَّ
ومن اخواني يتعاركون وياها تصيح وهي تضرب على گلبها
" ولكم انا گلب ام وگلبي يگلي ابني موووو زين علاوي بي شي "
روحها تشوغ كلها حواليها بس ماتريد غير علي الآكبر
وصلوا اخواني خبر حالة امي لأبوية خاف عليهه
بس ماينطي حق ولا باطل يصبرها ويحلف ماكو شي
بس حتى اخواني شكو بالموضوع ومن يصيرون وحدهم
واحد يگول للثاني علي الآكبر بي شي صاير شي خطر .
اليوم احد بداية اسبوع جديد وركض بعد راحة يومين
بدلت وجود وصلني رتبت شعبتي بالاصطفاف وكفت بصفهم
والكل منتظر المديرة تجي وفاتت وضربتني بصدمة خلتني
فاتحة حلگي وعيوني مفتوحة اريد استوعب يممممه دخيلك ربي
شنو صرت اتخيل عزا بس لا تخبلت يمكن هبط ضغطي
راسمة عيوني بكحل فركتها فرك مستحيل علت صوتها
وبعد الكلام اشرت على المصيبة وعرفتنا عليهه
_ اقدم الكم الأستاذ الجديد ويانا بالكادر التدريسي انــور يوسف .
وكلها رافعة ايدها تصفق تصفيق حار للمدگدگ عجبهم
وحتى المعلمات بعدهن نصهن بعمري التبسبس صار بفلس
اني من الصدمة ايدي على شفايفي والثانية على راسي
بعدين من شفت ضحكته استوعبت ونزلت ايدي وكفت عدل
فريت الساني بحلگي ومشيت الأخر طالب انطيهم ظهري
لان الضحكة الخايسة بنت الخايسة قررت تجيني بالوقت الغلط
وهذا المدگدگ اذا يشوفني اضحك هسة يگول فرحانة لان داومت وياها .
ثبت يمها والمديرة تاشر علينة حتى يتعرف على كادر
وهيَّ قزمة وهوه بطول الحايط يخوف انوب لابس رسمي
عود شوفوني اني شخصية مؤدبه ، كمل الاصطفاف
وكل مرشدة ادخل طلابها على صفهم وصلت واني بنص
جلطتي خليتهم يطلعون الكتب جريت نفس عيب الطلاب
كلها صافنين بوجهي عبالك هبلة امشي بلا هدف
شرحت الهم نص الدرس خليت الكتاب على رحلة
وثبتت اديناتي على رحلة واشرح وما اشوف غير الطلاب
كُلها وكفت وعلى صوت واحد عاش العراق التفتت شفت
المدگدگ يضحك صاح : استريحوا .
" شكراً استاذ "
انــور : قيام من جديد .
فتحت عيوني وهذولي وياه ضحكوا وصاحوا عاش العراق .
رفع ايده اشر الهم يگعدون ورجعوا
" شكراً استاذ "
ورجع رفع أيده ويضحك كشرت وجهي ورحت قريب منه
_ شبيك ما شايف .
_ لا والله وين شايف هههههههه .
_ انت مو عاقل تدري .
هز راسه ودخل عليهم قلد حركتي وسند اديناته على رحله وسألهم
_ شلونها ست شهد وياكم .
خليت ايدي على خصري وحجيت بنبرة صوت خافته بس هو يسمعني
_ استاذ مو مرشد اكو فرق فشلتنا .
_ ديروا بالكم على دروسكم ركزوا لا تعبون معلماتكم .
_ ابو گلب الحنين .
_ أوزع حنينه اخوج مو احسن مني .
رحت بصف الباب بمعنى اطلع اجه بتجاهي من صار قريب همست
_ اخخخخخ كون افضحك
واطر تاريخك الخايس حتى يعرفوك مدگدگ ابو شمه .
_ غير المدگدگ مالتچ سحل المعلمات كلها انتِ شفتي بعينچ لو لا .
_ لاااااااااااا ومايهمني .
_ لازم تهتمين لا اروح منّ إيدج .
رجعت للصف امثل اني اشرح بالي عنده متوترة مرتبكة
اوضاعي تخربطت ما ادري شبيه وشنو صار بحالي اعدل
بالشال وامشي وهوه مايروح يراقب من رجعت اريد اروح
السبورة شفته ماكو تنفست كدرت اتنفس بس طلعت
اشوف وين راح لمحته من بعيد بنص الساحة
يمشي وحدة ويشرب بالجگارة .
على اعصابي كملت الدرس بس صار تبادل رحت
الغرفة الاستراحة اخذت كوب جاي وگعدت اكل
واستمع الكلام المعلمات صار المدگدگ حديث الساعة
يبحثن على اسمة وحتى صديقتي خطيبة غسان
راحت ولا عبالك مخطوبة وحدة تگول شخصية
والثانية عاجبتها الكاريزما والثالثة تتغزل بضخامته
_ ها شهد ماكو صوت اليوم .
شهد : خلوني اكل اليوم الطلاب هبطوا ضغطي .
بعدنا نحجي ومر هو والمديرة يمشون بالممر
هو مخلي ايده بجيب البنطلون وبس يستمع مايحجي
والمديرة ما ادري شنو تحجي ولا سكتت دقيقة
طلعوا على ساحة لزمت افنان ايد روان وطلعن يركضن
عليهم يريدن يبرزن نفسهن مقابيله مو على اساس هو فد نمونه .
رن الجرس طلعوا الطلاب وصارت الهوسة هو لمحته
يمشي وطلع وهو يلعب بالتلفون مايشوف احد
من دخلوا للصفوف وصارت الدروس رجع دخل
هسة اني ليش ارقبه ايعععع لا بس هو يمر اني
كاعدة وساكتة هنا غير هو يفوت قابل اعمي عيوني
طلعت على درسي بغير شعبة اخذتهم وبنص الدرس
دخل ومد ايده اليه وهيج لكل جدية وثقة
_ هاج كوفي وكرواسون .
_ نعم ؟
_ كوفي وكرواسون شنو نعم انعم الله عليچ بيَّ .
لزمت راسي وحاولت افهمه بكُل احترام
_ اخذهن واطلع منا رجاءً أنت حالياً عليك العين
واني ما اريد تصير عليَّ سمعة او كلمة مو حلوة بحقي .
نزلهن على رحلة ومال راسه وبملامح الجدية والغضب جاوبني
_ منو يتجرأ يذكر اسمج بالموزين ؟
_ الكل شنووو ترا احنا بمجتمع يحبون القال والقيل
واني سمعتي اهم شي عندي ابوية واخواني بين عيوني .
_ شهد اني ما أرضى احد يجيب اسمج بالموزين .
_ لعد لا تقترب وروح مني عاملني مثل الغربة .
_ الغربة الهم وانتِ تبقين ساكنة گلبي يگلبي .
كمل كلامة وطلع بقيت مبتسمة بسذاجة ما حسيت على روحي
التفتت على كوفي والكيكة يسميها كرواسون المثقف
وينك جــود صدك هيلب جنت بدُر صرنا بالمثق اخوها
اكلت منها وشربت كوفي هسة يطلع مسويلي سحر
يلة عيني يسويلها سحر مو على اساس بس انتِ بنية بالعالم .
كملت كُل دروسي بالدرس الأخير رجعت شوفني شكله
انــور : ست شهد .
رحت واني استغفر ما اجرم بي كل شوية وطال عليَّ
_ هاااااااااااا .
_ وين الأنوثة ست اعصابچ .
_ الدرس الأخيرة وروح روحي وروح اهلي طالعة وانتِ
خلصتهااا تفرفر بالمدرسة على راحتك ودگ سوالف انت والمديرة
يعني مرتاح لأبعد الحدود شنو تريد خلصني .
شمشم وهو يضحك
_ اشم ريحة دخان ؟
_ امداني اذا صدك ..
_ اكلتني نسخة من اخوها .
_ لا تجيب طاري على اخوية تصير مو زينة .
_ اجيت اگول اني راح إطلع اوصلج بطريقي .
_ لا توكل خلصني .
_ تعالي شبيچ .
_ انــور تروح لا انزع برستيجي وبهاي استلمك .
اشرت على حذائي ورفعتها هز راسه يمين ويسار
ويحرك ايده منا ومنا ويقلص بعيونه ويجاوب بكل صراحة
_ لا بأس هذا الحذاء احسن من نعالج تك وتك تتذكري
يا ام الـ برستيج ياااااااا خدامتهمممممم يااا خدامتهمممم .
هوه راح واني بقيت جامدة يا فشلتي يعني يتذكر
اكيد حتى شواربي يتذكرها يا خزي ويعارررري يبووووو
حجيت بدون ما احسب حساب المستقبل خدامتهم اني خدامتهم
عزا العززززاني كووووون يبوووووو ، مديت راسي شفته نزل
من الدرج رفع راسه ابتسم وكمل طريقة بكُل هيبة ورزانة يمشي .
طلعت للبيت جــود الطريق كله يحجي ويايَّ اني بغير عالم
بالأخير طلعت روحه مني عاط بيَّ
_ موووووو وياج شهدددددد .
_ هاااا
_ وين مو احجي وياج .
_ دايخه من المدرسة اريد انام .
فتت للبيت حتى اكل ما اكلت بس غسلت وبدلت وصليت ونمت
گعدت على صوت امي تبچي وتناشغ صار هواي ما سامعه امي
تبچي كل هل بجي طفرت من فراشي افرك بوجهي مرعوبة .
شفت ابوية حاضنها بالصالة وهي تدفع بي وتضرب على وجهه
_ وين ابني صفوووووان حاجيني علي الآكبر وين راح .
_ مايصير تصيحين هيچ الخاطري اذا عندي خاطر يمج اسكتي .
_ ريح گلبي گلي وين علي الآكبر سمعني صوته كلبي
والله كلبي ما مطمئن خايفة صفوان الخاطري انت الخاطري .
_ لا تمردين گلبي مو وياج احجي غير تسكت افهمها
اخذ كلينكس يمسح بوجهه ويبوس بيدها وراسها
واخواني گاعدين ينتظرون يحجي وهوه ما مهتم
يعدل بشالها ويمسح على ايدها علي الآكبر ورث حنان ابوية على امي .
گعد بصفها حضنها وايدها بيده ما عافها
_ وين علي الآكبر صفوان بغلاتي عندج ريح گلبي .
_ شوفي علي الآكبر غلط ما اريد اذكر بشنو غلط بس بالنسبة
اليه ارتكب ذنب عظيممممممممم اني شكد مرت عليَّ مصايب
ما فكرت بي بس الظاهر انا فتحت الطريق زايد اله .
عز الدين : بوية خوفتنا شمسوي .
_ ما احجي لا تحاولون هو تعب هواي تعب بالفترة
الأخيرة وكلكم تعرفون يحتاج يعيد حساباته .
بقت امي عيونها على باب وتناشغ بلوعه
_ وينه هسة دخيلك حاجيني رجع وياك ؟
_ لا مايريد يرجع هسة خلي يرتاح ويفكر بمستقبله زين ويرجع .
_ لاااااا دخيلك خابره احجي وياه خابره فدوة .
_ مايجاوب لا تحاولين .
_ انت تجذب عليَّ اكو شي اكبر والقران اكو شي اكبر
حاجيني بي شي مسجون مخطوف ميت جاوبني لا تجذب عليَّ .
عافها وراح طلع واخواني وراه يمشون
رحت أتنصت عليهم يعاتبون بي وهوه
نفس الكلمة يكررها بكُل جواب
" انسوا علي الآكبر هل فترة "
بقيت اصبر بـ امي ابجي على بجيها وأواسيها
بس هيَّ گلبها علمها علي الآكبر مو بخير
بقيت سهرانة وياها للفجر وابوية فات
_ بابا شهد روحي نامي هناك عوفيني وياها .
عفتهم وسديت الباب وطلعت بقيت الوجهه الصبح كاعدة
ثاني يوم ما داومت ما كدرت اعرفها خابرت المديرة
واعتذرت منها وبلغتها عدنا مشكلة عائلية للعصر
ابوية اخذ امي يزورها واني التهيت اقري بالجهال
رجعت امي عيونها منفوخة خلت إخواني يفقدون
من العصبية والقهر على حالها وابوية حار شيسوي وياهه .
داومت ثاني يوم بلا نفس وعندي امتحان لازم امتحنهم ومراقبة
دخلت عليهم وزّعت الاسئلة وبدا وقت الامتحان بقيت افتر اراقب
بس عقلي مشوش امشي ولمحت انــور جايني من بعيد لابس بدلة
رسمي لون نيلي دگ الباب وابتسم
_ الحمدلله على سلامتچ ست شهد .
وإني بمكاني واتلفت حتى مايصير غش أومأت براسي
دخل عاقد حاجبة دخل بنفس الممر الي بين الرحلات
_ شبيچ تعبانة ؟
_ اي .
صفن بوجهي بحيرة
_ شصاير .
بقيت ساكتة سحب كرسي واشر
_ ست شهد تعالي هنا .
اشرت على طلاب بمعنى امتحان وهوسة
_ اني موجود تعالي .
رحت كعدت وهو يمشي ويراقب بدون ما يحجي
بس يراقبني بين الدقيقة والثانية لزمت راسي
واستندت على الرحلة قريب مايريد يخلص الامتحان أجاني
_ شهدهد شو رفعي راسچ اشوفچ .
رفعت وجهي واني گاعدة وهو واكف يتمعن بنظراته
_ رحت فدوة لعيونچ .
رفعت حاجبي وكفت اعترض طريقي يريد يحجي وتلفونه رن
_ الله ها ريــان منووو دُر يا مستشفى ؟ جيت مسافة الطريق واني يمك .
يريد يطلع صحت بخوف
_ انــور .
_ دُر شهد دُر بالمستشفى .
_ لحظة اجي وياك .
اخذت الجنطه اريد اطلع وتذكرت اهلي اذا يعرفون
رحت وياه مايسكتون ولا يعدوها على خير وكفت هو استدار
_ يلة شهد .
_ انت روح اني اخابر ابوية ونجي وراكم .
عافني وطلع مستعجل سحبت الأوراق وخابرت على ابوية
_ بابا تعال اخذني دُر بالمستشفى خلينا نروح فدوة .
_ اجيت .
خليت الأوراق بالجنطه واستأذنت من المديرة بقت تحجي
بس آني مضطرة طلعت لأبوية امي جاية وياه طلعنا
للمستشفى ابوية يسالني على مستشفى بقيت بحيرة
خابرت على انــور جاوبني بصوت تعبان
_ ها شهد .
_ حُــرة انتوا يا مستشفى ؟
فهمني رد اسم المستشفى وسديت الخط طلعنا عليهم
لزمت ايد امي نزلتها وصعدنا الهم بالطابق الثاني
ابوية خابر على ريــان طلع إلنا دخلونا على غرفة خاصة
اول ما دخلنا شفت انــور گعد على كرسي مقابيل سرير دُر ونايم على ايدها
من شافنا نهض وطلع وعيونه مصبوغة صبغ احمر دممم .
ابو حسن : خيرها شبيها البنية ذبلانة حالتها
حال هاي ليش بوية ريــان .
ريــان : والله يا ابو حسن شنو بيدي عليهه نفسها ما تتقبل الاكل .
ام حسن : مخلصه من الضعف وجهه مال موته اسم الله .
حُــرة : والله خالة تركت الاكل هي من قبل ما تاكل
واخر فترة بعد كلش ماتتقبل نجبرها والله على عصاير .
گعد ابوية يم راسها يمسح بوجهه وانطعن وجهه من القهر
وامي تستغفر بقهر وتتحسب على الي كلن السبب باذيتهم
وابوية يسكت بيها اجت حُــرة بصفي هي هم وجهه تعبان
_ انتِ شبيچ ؟
_ من الدراسة .
طلعت التحاليل عدها فقر دم حاد جداً بحيث حتى عيونها ماتكدر
تفتحهم رجع انــور وبيده علاج اجه الدكتور مشرف على حالتها
كعدت بس تفتح عيونها وترجع تنام من الخمول اخذت العلاج
وطلع ريــان ساعة ورجع بيده معلاك ومشاوي ابوية
ساعدها توكف يوكلون بيها تستفرغ ما يدخل اكل بحلگها
نامت والوقت يمشي على امل تصير زينة بس الدكتور
رجعًكشف على حالتها وبدون مبالغة شرح وضعها خطر
ولازم تظل تحت المراقبة الى ان تتحسن .
بقينا لليل ورجعنا للبيت ثاني يوم على اعصابي كملت الدوام من رجعت
لگيت ابوية وامي رايحين وعايفيني ومارجعوا الثاني يوم
سآلتهم عليهه بعدها نفس وضعها مابيدي شي غير افرش السجادة
واصلي وادعي الها ترجع مثل قبل واحسن ، ويوم يجر يوم
صار اسبوع ودُر بالمستشفى على مسكنات والمغذيات
نروح الها ما تحجي شي بس هووواي تلزم التلفون وتكتب
رجعناها بعد تسع ايام على بيت بس من طلعناها ما فرحتت
لان الحرن بعيونها كاسر عيونه كلنا .
حُــرة ..
صعدت اغسل استغليت الفرصة دامهم كلهم عند دُر
سبحت ولملمت شعري بماشات صغير لان يزعجني
طلع بس قصير حيل مايطول بسرعة رشيت عطر بالفانيلا
ونزلت اركض على درج دخلت للمطبخ طلعت كيلو البرتقال كله
سويته عصير طبيعي اخذت كلاصات على عددهم وزعت على
عمها وعمتها وشهد وانور وعبرت رنيم وزوجها ما ادري شسمه .
ساعة وابو حسن أخذ عائلته وراح وانور وريان طلعوا
بقيت بس اني ودُر شغلت الها تلفزيون اريد انسيها
وصينية حلويات بس تهز براسها ما اريد
طلعت المسلسل مالتها بنص الحلقة وسحبت التلفون
اني بصفها كتبت
" طلعت من المستشفى اهلك موجودين واهلي بس اني اريدك "
انتظرت على امل يسوفها ذبت التلفون وتمسح بدموعها
_ حُــرة صعديني انام فوك .
ساعدتها حضنتها بكل حيلي دخلتها للغرفة ونومتها
نزلت ألملم الاستقبال ودخل ريــان اذا اطلع يگول تتهرب
تجاهلته وكملت شغلي دخل للغرفة واسمع صوتهم طالع هو ورنيم
مبين عصبي ما ادري هيَّ عصبية نارهم تاكل حطبهم
رجعت نعمة الله بالثلاجة وفات انــور من الباب صاحني
_ حُــرة شنو عدكم اكل .
بدون ما اشوفه لو احجي وياه جهزت مقالي على سريع
رتبتهم على ميز الطعام طلع ريــان شافني اني وياه بالمطبخ
عفتهم وصعدت من اخر موقف كلبي شال عليهم اثنينهم بعد ما اطيقهم .
اخذت كتابي وتلفوني يهتز تعجبت برقم غريب اني محد يعرف رقمي
رديت مترددة بس انتابني الفضول
_ الوو منو ؟
_ حُــرة .
من الصوت عرفتها هيَّ هاي امي صوتها نفسه سديت شفايفي ورجفت
نزلت دموعي اهز براسي ما اصدك امي بعد كل هل فترة امي تتصل
_ يمه ؟
_ حركتي كلبي على سجاد حُــرة .
_ راد يموووتني .
_ ما اسامحچ ابد طول عمري .
_ واني ما اسامحكم ولكم كسرتوني واني طفلة .
سكتت لدقايق وهمست من بين صوت نحيبها
_ ابوج بالسجن .
_ ليش ؟
_ زوجج ريــان سجنه بفديوهات قتل مصطفى .
_ يعني ابوية مسجون بقضية موت مصطفى ؟
_ ما تدرين ؟
_ لاااا محد يحجي وريان ماجاب طاري الموضوع ابد .
_ اقنعي يساعدة .
_ يسااااااعد منووو يساعد ياسين الي دمر حياتي يستاهل .
_ تتشمتين بـ ابوچ .
_ واغني بفرح وراح امووووت من الضحك فررررحانة اني فرحانة .
سديت الخط منها وبجيت جنت متأملة تحن تشتاق بس
مع الآسف مبين باقي عمامي بسجن ابوية مقلصين
عليهم حتى الأوكسجين ، درت وجهي شفت رنيم بالباب
فزيت وبلا وعي صحت بيها
_ شكوووووو هنااااااا لا احم لا دستوووور .
_ منو هذا الي تحجين وياه بالتلفون .
_ وانتِ شكووووو تحاسبيني ولچ .
صعد انــور على صوتها اشر بيده
_ خير ؟
_ ردت اشوف دُر وشفتها تحجي بالتلفون وصوت ولد
من خوفي عليهه بعدها صغيرة سألتها منو .
من حجت هيج انــور تقدم اشر بيده على تلفون
دُر على أصواتنا فزت وريان صعد بقيت اباوع بالوجوه
رجعت رنيم حجت نفس الكلام قاطعها برفع ايده
_ اشششششش .
_ شبيك ريــان .
_ أنزلي فوراً .
من فشلتها ماتعرف شنو تسوي نزلت وملامح
الغضب على وجهه ، التفت على انــور ورفع إصبعه بوجهه
_ لاااا تعيد هذا التصرف .
انــور : التلفون .
_ اني موجود من اموووت حاسبها .
عفتهم اريد اطلع ولزمني من ايدي ريــان ثبتني
واشر على باب حتى انــور يطلع هوه دايخ بدون اعتراض راح .
بعده حتى ما ملتفت ما احس غير تلفوني انسحب رن على اخر رقم
فتح الصوت عالي والطرف الثاني رد بدون انتظار
ثبتت عيوني بعيونه عظلات بطني تقلصت من سمعت الصوت صوت
رجال والمرعب اكثر كلامة وهو يفتري
_ الو حرتي عيوني ليش سديتي الخط ابقي احجي ويايَّ
خليني اشبع من صوتچ .
مسح على لحيته وضحك بشر وهو يجاوب
_ وين انت خليني اجيك اني وحرتك ؟
_ منو انت العار مالتها هههههه الي تهين بيك وباقي وياهاا .
_ حلوووو حلوووو شلون عرفتني ؟
_ تحجيلي عليك واكف بطريقنا ولك انت حس حرتي تريدني .
هو يحجي وياه وطلع تلفونه يسجل بالصوت بس يرجف
ايده ترعش من العصبية صرت بين الميز وبين الكنتور من الخوف
_ انطيني عنوانك هسة اجي اني وياها .
_ هههههههههه لا شسوي بيك دزلي بس حرتي نتونس وياها .
_ اي تدلل خادم اني خادم .
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..