_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
هَاي گلوبنة مِن الخوَف والصِدمات
گامَت مِا تمَيز فِرح لوُ لچمَة .
لطفا لا تنسون التصويت والتفاعل بين الفقرات
⊰ حُــرة ⊱
هو يحجي وياه وطلع تلفونه يسجل بالصوت بس يرجف
ايده ترعش من العصبية صرت بين الميز وبين الكنتور من الخوف
_ انطيني عنوانك هسة اجي اني وياها .
_ هههههههههه لا شسوي بيك دزلي بس حرتي نتونس وياها .
_ اي تدلل خادم اني خادم .
سد الخط واخذ تلفوني بجيب البنطلون ومخبوص ما ادري شيسوي
بتلفونه بس يكتب وصوت شعارات محادثة تمطر وسجّل صوتيه
_ اي اني عرفت منو وراها بس اريد أتأكد منو صاحب الصوت .
رجع يستمع الصوت الشخص الثاني ورجع سجل صوتيّة
_ رقمها بس عندي وعند اخواني ماكو غريب الرقم اخذوا من تلفوني .
طلعت من مكاني وسحبت كرسي گعدت مقابيله اريد اسمع
ريــان : صعبة السانها فالت بس تصير عصبية تخرط الأول والتالي .
اشرت على روحي ورفعت ايدي يقترب اجه يمي وهمست بأذنه
_ تقصدني اني اخرط الأول والتالي ؟
_ اكو غيرج ؟
_ لا اني عد عيناك بالأسرار اذا تأمني على سر يموت ويايَّ
وبالعلامة ادري بأنور يخابر بشهد بس اني ابد ماحجيت حرف البشر .
سد التلفون واستمع لكلامي بتركيز
_ يا شهد ؟
_ شهد اخت علي الآكبر شبيك حتى صار معلم علمودها .
_ منو معلم ؟
_ انــور اخوك يااااا شبيك .
_ انــور عنده علاقة بشهد اخت علي الآكبر وصار معلم علمودها ؟
_ اي بالقران شفت شلون لوتي عرف يختار المدگدگ حب نعالها .
لزم راسه يفر بي ويضغط بيده حيل بكل قوته
_ الله لا يوفقك يا انــور عفت أمة محمد
كلها وركضت على اخت علي الآكبر .
_ حبها بعد شيسوي المسكين .
نزل راسه أكثر ولازمه فريت ايدي وهمست بتردد
_ هاي نفسة حركات ابوك قلل منهن مو حلوات .
رفع نظراته خازرني ابتسمت ورفعت اصبعي اشرت صبر
_ گلت أنبهك عادي اذا ترتاح بيها سويها هوه العرق دساس .
طگ رگبته ولزمني من ايدي سحبني عليَّ
_ هاي أول مرة تحجين انتِ وهل سا**** مو ؟
_ منو ؟
_ هذا ابن الحيوان .
_ طبعاً اني من بعد مصطفى ما اشوف رجال ولا احجي وياهم .
_ ماتشوفين رجال لعد شنو تشوفين ؟
_ نسوان .
_ انعل ابوج والله .
_ نعلتهم قبلك .
وكف يريد يطلع ويدردم بصوت عالي
_ حتى ما أسألها المفروض لان هاي وينها وين المكالمات بنت الكلب
اني بستها بالحلال فضحتني وتريد تشتكي ولو طالعة بالشارع
اي واحد يشوفها تصيح ريــان باسني منو ريــان زوجي ريــان .
طلعت وراه افر بيده اعترضت طريقة وتخصرت
_ نعمممم شو بعدك تتذكر البوووووسة ؟
_ شنو فقدت الذاكرة ؟
_ بعدك تتذكررررهااااااا ؟
_ شنوو ؟
_ البووووووووووووسة ؟
_ يا بووووسة ؟
_ عبالي .
دفعته من أكتافه ورجعت للغرفة شفت دُر گاعدة صافنة متعجبة
_ نامي انتِ نامي مو يمج الموضوع .
_ الله يساعدك ريــان .
_ آي طبعاً اخوووووج .
_ الله يساعد اخوية على هل بلوة .
لفت راسها هزيت ايدي ورحت اخذت كتبي اريد اركز ما أكدر
شوية واجت ميمي بيدها التلفون فتحته شفت داخل على جهات
الأتصال والبرامج كُلها والفيس وعلى بحث وشايف صفحة مصطفى
والفديوات طلعت من الفيس لان بس ادخل انهار وكملت
اشوف داخل على ستديو الصور وشايف صوري كلهن
و كلهن اني اكل ماشاء الله العالم تاخذ صور للأشياء الحلوة للأماكن
اني تصويري للأكل خليت جهازي على شحن وبقيت افكر منو وراها ؟
تعبت من التفكير وبطني وجعتني من الجوع اني من افكر اجوع والله
نزلت البيت ظلام اذا اذب ابرة تنسمع دخلت للمطبخ فتحت الكاونتر
فضيحة الصوت فضيحة طلعت الطاوة شغلت النار فريت ايدي
بالله شنو هل شهيرة بليل ، خليت الطماطة بالزيت والنار اشتعلت
رجعت اني رجعت ورجلي زلجت طرت وكعت جفي على ظهري
اريد اصرخ استحي احد يجي ويشوف الطاوة اسكت الوجع موتني
اشتغلت إنارة المطبخ واسمع واحد يضحك بعلو صوته
التفتت واشوف المدگدگ يضحك على حالي
انــور : ثول .
_ تعال ساعدني تعال ظهري طگ .
اجه لزمني هوا رفعني ودخل ريــان
_ شكووووو هناااااا .
انــور : شكوو ؟
_ مو نايمين .
انــور : ماتنام منو يمك .
_ وانت وياهاا ما تنامون خفاش ليل انتوا .
انــور : بكيفنا نريد نسهر عندك شي يمنا ؟
_ إمشي ناموا يلة انتِ مو عندج دراسة نامي ما تنامين.
حُــرة : شعليككككككككككككك .
طلعت رنيم من الغرفة تشوف شكو اشرت عليهه وصحت
_ روح مرتك الخايسة طلعت .
_ حررررررة .
_ هذا شبي ؟
انــور : يريد يسهر وياكل بس مايعرف شلون يفاتحنا بالموضوع .
حُــرة : يفاتحنا؟
_ اي .
_ اني وياك تقصد ؟
_ اي .
_ ليش منو گال اني راح اقبل انت تاكل وتسهر ويايَّ ؟
ضحك ريــان بشماتة وراح الغرفة وانور لزمني من ملابسي
_ كملي الأكل حتى ناكل وعندج حجي مهم وياج .
_ لااااااا تجذب .
_ لاااااا تصيحين .
_ لااااا تاكل ويايَّ .
_ مشكلتج ردت افيدچ .
_ يشنو ؟
_ كملي وكثري آكل واصعدي فوك انتظرج رايح اشوف دُر .
صعد واني رجعت على طاوة كثرت اكل واني الوب اريد اعرف
شنو يريد وشكو براسه ، أخذت الاكل بصينية وصعدت وكل
دقيقة اعثر بشي دفعت الباب ودخلت عليهم دُر بعدها نايمة
وانور بالگاع گاعد صافن بوجهه ويعدل بشعرها
ونظرات الندم واضحة بعيونه من شافني وكف وهمس
_ راح اكعدها تاكل خطية .
_ بلكي تقبل تاكل من تشوفك .
همس بأسمها فزت مرعوبة تتلفت وتصيح
_ لااااا جذابين لاااااا اني ما اكررررهك جذابين .
كعد انور يمها مرعوب وملامحه ترستها الرهبة حضنها انــور
ويمسح على ظهرها ويعلي بنبرة صوته حتى تستمع
_ ماكو شي دُر كابوس هذا كابوس اني يمچ اخوچ وياچ .
ابتعدت تنظر بعيونه مسح دموعها وابتسم
_ لا تخافين اني يمج .
_ انت يمي ؟
_ اي يمج
_ اني اذيتي كلها منك شلون انت يمي .
حضن وجهها بين ايده وهمس
_ سامحيني .
_ اني سامحتك بس ما انسى اذيتك .
عافها يدي يطلع صاحت بأسمه
دُر : انــور لاتروح حباب .
انــور : ما اريد تتأذين من تشوفيني .
_ ارجع فدوة والله بعد ما احجي .
رفعت ايدها اجه لزمها وسحبها
_ لعد تعالي اكلي .
حُــرة: تعالوا أذلكم ذل بطبخي .
كعدوا اثنينهم بصفي على ارضية واني ادري انــور ما متعود
بس سلكني وسكت اكل ودُر اكلت شوية وخلانا صافنين من كلامة
انــور : هل فترة اريدكم تاخذون بالكم من رنيم .
دُر : شبيها .
انــور : المفروض الموضوع بسرية تامة بس لازم أحذركم
تحسباً لأي مشكلة منها ادري بيها مو راحة .
حُــرة : يعني شنو شفت عليّهه ؟
انــور : بعدني ما متأكد ما اريد احجي قبل لا أتأكد .
دُر : وريان يدري بيها ؟
انــور : ريــان اخذ وضعية اني وياچ احس ويمكن كاشف
كلشي بس منتظر تصحين على نفسج وتجين تعترفين بـ أغلاطچ
لان ما اريد اخسرج ، مشكلته يحبهاا انتظرها وصبر حتى ترجع
يعني يجذب عيونه حتى ما يخسرها .
حُــرة : هوه منا اخوك اعمى وعقله ما يستوعب
ويزيدها بالحب اعمى كملت علينه وعلى خلفونا .
انــور : بنت الـ**** لا تحجين على أخوية .
دُر : انــور يعني برأيك شنو تكدر تسوي رنيم ؟
_ كلشي اتوقعوا اذا صادف وبس انتوا وياها
بالبيت الباب ينقفل عليكم واتصلوا عليَّ لو على ريــان .
دُر : خوفتني عزا .
حُــرة : دولي خافت والقران اشگهاااااا شگ خلي تتنفّس ويايَّ .
هز انــور ايده وكمل اكل وطلع واني من كملت اخذت الصينية
رجعتها واريد اصعد وكلبي راد يوگف من سمعت صوته
_ ممنوع تنزلين بعد بنص اليل حُــرة .
بقيت اتلمس المطبخ فتحت الأنارة گاعد ويدخل
_ شبيك كاعد بالمطبخ وحدك مسكون .
_ سمعتيني .
_ جعت .
_ خابريني اني اطلب الج اكل .
_ لا احب طبخي .
_ خابريني اني اجي يمج .
_ شكو شبيك سالمين .
تحرك سريع صار بصفي لزمني من ايدي ورفعها
_ اليوم مو اتزحلگت رجلج ؟
_ اي .
_ لو واگع عليج الزيت شلون ؟
_ شلون ؟
_ يعني شسوي ؟
_ أخذني مستشفى .
_ انتِ غبية لو تمثلين الغباء .
_ اثنينهن .
عبرته وصعدت جريت نفس وذبيت حسرة لازم استمر
بهل تمثيلية وبالغباء والتجاهل وابتعد ضروري ابتعد
ما اريد اكسر حتى ما اكسر گلب الصياد بيوم .
دُر ..
ثاني يوم الصبح نايمة بعد ليلة صعبة فوك همي حملت هم اخواني
كلبي مرعوب على ريــان من جهه صدمته برنيم ومن باب ثاني
التعلق الصار بحرة واني درست حُــرة بمعجزة تتقبل ريــان ..
انــور ومعاملته اليَّ الي تغيرت جذرياً وكأن الأدوار انقلبت بأمتياز
عدلت كعدتي استمع الأصوات مو غريبة عليَّ طلعت استمع زين
وصعدت ميمي شافتني وهمست
_ ماما بابا ابا حسن تحت .
نزلت الدرج مستعجله وللنص تذكرت ملابسي قصيرة
رجعت صعدت اركض لبست تراك ورحت الهم
_ السلام عليكم عمو ..
شفت عمتي وحسن موجودين سلمت عليهم وسلموا
وريان يشاهد بصمت گعدت قريب منه وعمي ابتسم
_ بوية دُر اجيت أعزمكم بس ريــان ميبس راسه .
ريــان : ابو حسن اني الخاطر ..
قاطع عمي كلآمة وكمل
_ الخاطري ماتكسر بخاطري محاولة اخيرة .
_ صاحبي وأعرفه عمر صار وياه ، وأختي ماتهون عليَّ تنجرح .
_ الخاطري ماعندي خاطر يمكم اريد اصلح الوضع ونخلي النقط
على حروف ونكشف المستور لا اكثر ولا اقل .
ريــان ثبت عيونه عليَّ يريدني بس ارفض وتطلع مني
بقيت بين اريد اسمع الحقيقة وبين مترددة منها
ريــان : يعني تريدهم يتقابلون اقصد علي الآكبر ودُر ؟
ابو حسن: الله شاهد ما ادري يجي او مايجي هوه مايعرف
انتوا معزومين واحتمال ضعيف يجي اني ردت انتوا تسمعون
اكو حقيقة ضروري اشيل غطاء الستر منها الخاطر دُر .
_ هاي هيَّ نجيكم بس اذا ..
_ بطل اذا ولماذا دخيلك وخلينا على حب الله نكمل .
_ اعتمد عليك .
_ بضمانتي .
عمتي حجت تقربت يمي حجت استسمحت وعمي وياها
حسن فشلان وما عرفت من شنو بالضبط
ابو حسن : اخذ منك كلمة زجال .
ريــان : من الشارب تأمر عمي .
راحوا واريد ادخل لزمني ريــان من ايدي
_ اني هل روحه ما هاويها بيها مصايب .
_ ليش ؟
_ علي الآكبر حتى على اهله مختفي معناها اكو شي جبير.
_ اي غير نكشف شنو هل شي اظل اني على عمه وجهي .
_ اذا تشوفين هل شي صح ماعندي اعتراض وبراحتج .
التزمت بالصمت لان وصلت مرحلة اريد ابرر بس استصعب الكلام
اريد اعاتب بس حيل ماعندي ، اريد حل حياتي مخربطة بس حل اريد
_ باجر الصبح نطلع على غدانا هناك .
_ وين يعني بيتهم ؟
_ ابو حسن مشتري بيت بكربلاء ويريد يعزمنا هناك .
_ بيها الخير .
صعدت احجي الحرة حسيتها هيَّ هم ترددت
_ انتِ مريضة دُر خليها بعدين فدوة .
_ اريد اشوفه علي الآكبر مستحيل يجرحني بكلمة .
_ كلبي ناغزني إحساسي يگول راح يصير شي .
لزمت السرير ونمت اجتني الدوخة الله يخلصني منها
اخذت تلفوني بعده مشايف الرسائل خليت ايدي على كلبي وهمست
" ربي اني اعتبرت علي الآكبر العوض بعد التعب لا تختبرني بي "
الثاني يوم من الصبح جهزنا نفسنا ونزلت شفت انــور
يعاتب ريــان لان ياخذني وافق من شافني تقرب لزم ايدي
_ من تحتاجين شي خابريني لو وين ماتصيرون اجي عليچ .
_ والله ؟
_ والله دُر والله العظيم بس خابريني .
هزيت راسي وطلعنا اني وحرة رنيم كاعدة بالصدر واني وحرة
بالخلف اول ما صعد ريــان وحرة هيَّ تلعب بتلفونها حجت
_ أني الاولى ورميم الثانية المروض اني اكعد بالصدر موو ؟
رفع حاجبة من المرايا يباوع عليهه وشغلها ورنيم انفجرت
_ انزل اطيح حظج اذا تعيديها ادب سز .
جرتها حُــرة من شالها وصاحت
_ اطيحين حظ منوووووو لج خايسة .
_ تسمعهاااا انت تسمعهاااا .
_ منووووو يسمعني منوووووو .
دارت حرة وجهه عليَّ وصرخت بوجهي
_ هذا اخووووج شنووو اسمه زووووج هااايييي شسمممه احجي ؟
سديت أذني منهن وريان عبالك مخلي سماعات ولا يسمع
اخر شي حُــرة تملش برنيم ورميم تريد تفتر تضربها صاح بيهن
_ اي عفية تعاركي انتِ وياها عليَّ .
هو حجه هيّج واثنينهن صفنن بوجهه حُــرة الكبرياء ضرب بسگف
السيارة ماتقبل ورنيم ماتريد تحسسه هاي ضرتها دخلهن صامت
النص الطريق وحرة صار عدها استيعاب متأخر
_ شنو قصدك نتعار عليك ؟
_ مو تعاركتي هسة انتِ وياها ؟
_ مووووو عليك يحظي موووووو عليك .
رنيم : فد *** هسة انتِ ولا يشوفج والله .
ريــان : ليش ما اشوفها فقدت النظر ؟
رنيم : عبالها تهتم الها الحيوانه هسة انزل راسها اكسره
اخليهااا تعرف حجمها الحقيقي هل *** .
ضربت حُــرة على باب وصاحت على ريــان
_ اركنهااااا للسيارة اركنهاااااا خليني اشتغل مرتك الخايسة .
رنيم : بنت ياسين طبعاً كُل تربية ماعندج .
_ ارررركنهاااا لا اشمر روحي من السيارة واموووتها .
دُر : عزززززا كافي عيب شنو هل اسلوب الرديء .
حُــرة : اووووووووويييييييي اخت هذا اسكتي .
رنيم : اركنها عبالها أخاف .
دُر : ريــان احجي شي وياهن موووو نسوانك ترا دخت .
ريــان : إتحملي بس اعبر السيطرة انزلهن بنص الشارع اخبزهن
اذاااا ما اخليهن بنص الصحراء .
رنيم : اني والله ما اريد اتعارك هيَّ تعيل بيَّ .
حُــرة : تهددني ؟
هي حجت هي وريان التفت عليهه وخفف سرعة قفل البوب وصاح
_ شبيج .
_ تهددني بالصحراء .
_ لااااااااااا .
_ والله هددتني ؟
_ گلت لاااا كافي يلة اسكتوا .
رنيم : لا بالله اي هدد شنو تسوين .
ريــان : راح انطيچ راشدي والله
عوووووفيهاااا هل مخبلة لا تسوي شي .
رنيم : تخاف منها ؟
ريــان : يعني احسن تسوووووي مصيبة خبلتوووووني كافي .
رجعت حُــرة نفسها وشغلت السماعات مرتاحة لان خوفتهم
ورنيم ضمت راسها وريان كمل الطريق وصلنا بـ11 عمي
والولد من الباب استقبلونا كلهم يرحبون بريان وعمتي والبنات
من المطبخ دخلتنا فرحانة سلمت على شهد تحضن بيَّ بكل قوتها
بعدنا كلنا بالباب نريد ندخل ودخل سراج الدين وعلي الآكبر
جايبين السمج ومبين حسن بعده ماشايفه
عبرنا حسن مستعجل لزمه من أيده وحضنه
باس علي الآكبر راس حسن والتفت على ريــان
_ منوووو هنا العضيد .
اثنينهم رفعوا ايدهم وضربوها وحدة بالثانية يتصافحون
ريــان : مشتاقلك لك .
_ صدك .
_ لو ما اهلك الزمك هسة دگ على راسك .
ام حسن : يمه علاوي السمج من ايدك .
_ بعد عيونه الغالية .
اخذهن سيف الدين من ايده وسراج الدين أجاني سلم عليَّ
بقت نظراتي ثابته ترفض تلتفت اريد املي عبوني من شوفته
شكد مشتاقتله صوته ، ضحكته ، حركاته ، خجله ، ملامحه
ردت يريع عيونه يخليها بعيوني يشوفي بنظره صرت استعطف
النظرة منه وما احصلها لو بي يشوفني يحضني ومثل كل مرة
حتى لو اني غلطانة يعتذر اني ما اريد يعتذر بس يحضني
طالبة امان وحنان وحب وهوس علي الآكبر بس خابت امالي
وتذكرت كلامة وتهديداته نفذهن اليوم بيَّ
(بس لا مفكرة من اريد انتقم منچ اسافر لو اترك بيتي
واهلي وناسي حتى ما اشوفچ واضعف وارجعچ بـ اسمي يمي بحضني ؟ )
" وحگ من زرع عشگچ بگلبي اخلي عيني بعينچ بس ما اشووووفچ"
وهنا نفذ بيَّ علي الآكبر تهديده بالحرف الواحد بدون نقصان .
رنيم وحرة بصفي وأمه قريبة مني تقرب لدرجة عطرة دخل انفاسي
سلم جيس اسود بيد امه والتفت على بنات واني يمهن والله اني يمهن
علي الآكبر: شلونج خوية رنيم ؟
_ بخير خوية الوالدة تسلم عليك وتسألني عنك دوم .
_ سلميلي عليهه إن شاء الله بس ارجع اليه زيارة الها .
_ عاد هيَّ تفرح بزيارتك انت وريان .
ابتسم وكمل
_ خوية حُــرة انتِ شلونچ .
_ بخير .
دارت وجهه عليَّ هو طر طريقة من يمي مايشوفني ولا كآن موجوده
ضحكت اخفي قهري ودخلت من المطبخ اذا احجي حرف ابجي
حاربت حتى اروح قريب من شهد واهمس
_ الحمام .
اخذتني للحمام وتلفونها وصل شعار دخلت وقفلت الباب
كلبي يريد يوجف اذني تصوفر من القهر والحزن اكلني
اريد اشوف بعيوني استغفر اجر النفس ثگلغسلت وجهي بماي
بارد وحاولت ما ابجي وافضح روحي لان عيوني مفضوحة
طلعت ساعدتهم اني والبنات بالمطبخ وعمتي ماتقبل اتحرك
اتخاف اتخربط بقيت ادور بعيوني على جــود مختفي انوب جــود
واحد يظهر الثاني يختفي عدهم ابو ختيلان
اخذ سراج الدين السفرة وسيف الدين ينقل المواعين
رتبوا السفرة للزلم وحدهم واحنا بالمطبخ گاعدين
اريد اكل بس اني حالي حال الطير المجروح الوب
نار تاكل بروحي اكل خلصت شهد ما صدكت
امثل اساعدها بالجاي حتى محد يجبرني اكل
بس اخذ سراج الدين الجاي ونقلوا المواعين
البنات كلهن ايد بيد ينظفن سريع رجع الاستكانات وصاح
سراج الدين : دُر رجعي جيبي جاي وتعالي قدمي .
دُر : اني ؟
_ اي أبوية بريدج يمه تعالي وياها .
اخذتها شهد صبت واني دخلت بيهن بس هوه ماكو
يدري اني اقدم يتحجج بالجگاير وريان مخنزر مبين ما راضي
والواضح صاير شي وزعت الجاي وعمي سحبني قريب منه
وريان على جهه الثانية مال راسه يشوفني ورجع شغل جگارة
دخل علي الآكبر اخذ استكان الجاي وكعد شال بنت حسن
بحضنه يلاعبها وعمي صاح
_ علي الآكبر نزل بنت اخووووك خليهم يطلعون الجهال
حتى نحجي نريد انسولف حتى نروووح نزور .
طلعها ورجع المكانة وعمي تحمحم وبصوت واضح
يحاجيني بدون تكلفة بدون مراوغة وتلاعب
دخل سراج الدين بيده ابنه الجبير وكف بيني وبين ريــان
_ الصار وياج هذا ابني مسوي بتعليم امه اني ميثاق
طلقتها وبعد ماترجع على ذمتي اليوم الدين انتهت .
وابنه يرجف والدموع تجري على الخد ويهمس
_ اسف بعد ما اعيدها والله بعد ما اعيدها.
سراج الدين : هذا تحت ايدكم والله على صار بيج
يا خوية شسوين بي حقج والله يلومًكلًمن يلومج .
ابو حسن : الصار بيج مو قليل الخوف والوجع
والعذاب وبيتكم كلهن اخذوهن منه اني قمت بالواجب وبعد انتوا .
_ لا جدو ابوس ايدك عوفني والله بعد ما اعيدها بابا
والله مو اني مو اني ما اعيدها جدوو بيبي وينج بيبي .
بهتت وكل حيل بعد ماعندي من شفت شكله وشلون راكع
جوة رجلي ويرجف ويتوسل مايصير لي شي ادموعي
جمدت بعيوني مانزلت وعفت الطفل وبقيت احفظ
وادرس تصرفات علي الآكبر وشنو يحس بعد ما بينت الحقيقة
درت اريد اشوف ريــان والمح جــود كاعد بس مايطلع النفس
بعيد كلش بعيد عليهم مايدخل بيناتنا
سراج الدين : وانت علاوي ابني ابنك انت عاقبه بكيفك
بيدك هوه والله شسوي قليل هواي قليل .
عدل علي الآكبر لحيته ومال جسمه استند على رجله
والجگارة بيده ما نزلها ردت بس يشوفني عيوني
حتى بعد ما اكدر ارمش بيهن اخاف ما اشوفه يشوفني
شوفني علي الآكبر شوفني ارفع عيونك اني دُرر روحك شوفني
ارددها بيني وبين نفسي بس ما شافني وموتني وكان مصر على قتلي
علي الآكبر: تعال عمو تعال يمي .
راح ابن سراج الدين على علي الآكبر رفع ايده يريد يلزمه
الولد خاف يغطي بوجهه سحبه وباس راسه بقوة وهمس
علي الآكبر: انت بطل واني اشكرك لان فتحت عيوني على حقيقة
جنت بوهم عمو انت صحيتني منه .
ابو حسن : علي الآكبررررررر ..
_ خليني بوية مو تريد اخلي النقط على حروف خليني براحتي .
ريــان : لا تغلط دير بالك تغلط خليني مخلي مواقفك بين عيوني .
ام حسن : بغلاتي عندك فكر قبل لا تحجي .
_ ومن شوووكت علي الآكبر يحجي بدووون مايفكر يمه ؟
ابو حسن : لا تجرح احد بكلامك ومن ألأخير تريدهاا ؟
علي الآكبر : بعدني ثابت على قراري ننفصل تريد استمر
بعلاقة استنزفت حيلي جنت قبل لا تبجي كلبي ينمرد والله
من سكوتها اعرف شبيها مريضة زعلانة فرحانة .
نزلت راسي امرد بيدي وجسمي بهتز من جرح كلماته
_ فقدت روحي وعقلي وياها خسرت خسرررررررتني
واتهمتني بـ اذيتها بوقت جنت مستعد اذا تطلب روحي ترخص الها .
ريــان : كافي علي الآكبر كاااااااااافي .
علي الآكبر: تدري شنو اعظم خسارة خسرتها
هذا شوووووف اخوية مايخلي عيونه بعيوووووني
لان اني اتهمته بكثر ما اخاف اخسرررها اتهمت
الي يشمر روحه على موووت قبلي .
ملت راسي واشوف جــود منزل راسه مايخلي عيونه
بعيون علي الآكبر وعاف المكان بكبره وطلع
علي الآكبر: انا وياهم متعادلين خسرتها وخسرتني وياريتني ما حبيتها
انعل ذاك اليووووووووووووم ياريت نوجع الذاك اليوم من اول
ما طلعت من الباب وشافتهااااا عيوني يا ريتهاااا ترجع غررررريبة .
خليت ايدي على ادني وصرخت بعلو صوتي
_ اشششششش كافي لا تكمل كافي .
واني احجي ركضت طلعت برا وعمي وريان ركضوا ورايَّ
سد جــود الطريق ضربت على وجهي وصحت
_ اريد اطلععععع خلوووووني اطلععععع كلبي جووود كلبي .
لزم ريــان ايدي وعمي يتوسل بي حضني وصاح على بنات
طلعت حُــرة تبجي اخذتني من ريــان وطلعتني
وكلهم يحجون وياه يريدون يقتنع ومايروح
ضربت على جام الشباك اجه فتح الباب وصعدني
_ اعذرني لازم اخذها دمرها صدمني اني صدمني
لعد هيَّ شصاااااار بيهااااا مو يگول اخاف اجرحها بكلمة
هي هاااااي الخوف مالته اذا يوگع بيدي انعل استغفر الله .
حرك السيارة اريد ابجي راح اموت اريد ابجي
الدنيا خنگتني النفس ما ينسحب وهذا كلبي مردني
مرد هلكني كلبي هلكني هلاااااااك كل جزء مني يرهش
بس العبرة تعصر بلعومي عصر
ريــان : دُر ترا علي الآكبر عصبي .
بقيت اهز براسي ما احجي عيوني جامدة دموعها ياريتها
تبجي لااااا ما اريد ابجي ما اريد الطريق طويل
وصلنا الطريق اعرفه احس كلبي صار يدك سريع صحت
_ منا ريــان فوت منا .
_ وين دُر وين .
_ اريد اروح الهم دخيلك بس فر السيارة الله يخليك .
فرها وهو يحاجيني ينبهني بخوف
_ ما تدخلين بس نمر منهم .
دخل بالفرع ومن بعيد لمحت البيت وهي تمشي السيارة فتحت
الباب شخطها وكف شمرت روحي وكعت ورجلي تزلغت
ضربت الباب جبير وحيل ماعندي ضربته بكل قوتي
فتح الحارس الباب دخلت اركض لا خوف ولا مرعوبة
ماكو شي بعد يخوفني اكبر مخاوفي فقدان علي الآكبر وتحقق
شاغت روحي واني اضرب الباب الداخلي صارت صفيّة مقابيلي
وامي توها تصعد الدرج وابوية كاعد بالصالة الجبيرة
ركضت على امي وگعت جوة رجلها اصرخ
_ حضنيني يمممممممممممه ابوس رجلج حضنيني .
ادموعي شلال تجري على خدي نزلت امي للأرض وحضنتني
بكل قوتها لأول مرة بحياتها تسويها وتحضني بهل طريقة
دُر : كررررررررهني ما يررررريدني يممممممممه
يلعن اليوووووم الي عروووفني بي يااااااا يممممه يااااايممههههه .
رفعت وجهي ملخت روحي فقدت طاقتي وحيلي وقوتي فقدت كلشي
_ ليششششششش ماعندي حظ بهل دنيااااا يممممممه
حتى عوضي من عذابكممممم يتمناني ارجع غرررريبة
يگووووول ياريت يگووووول ياااااااريت يممممممههههه .
يوسف : ررررريان اختك شبيهااااا ريــان .
وفاء : دُر مو نصحتج لج يمه ماكو حب الحب كذبة
وووهم الحب وهم الناس مصالح بداياتهم مصطنعة
ونهاياتهم يطلعون اسوء مابيهم وينهشون كل ذكرى
حلوة بنوهاااا بـ بداياتهم شسويتي انتِ يمه شسوووويتي بروحج .
دُر : هوووو صار اهلي يمه اسمعيني اني اني ليش هيج
شووووووووكت ارتاح فهميني شووووكت خلصت
شبابي بالضيم والقهرررر ولكمممممم تعبت هلكت
حتى المووووووت ما يريدني يمهه حتى الموووت حاربني
حرمت نفسي من الأكل ومن الشرب وتمرضت وهلكت
والموت مايرررريدني شووووكت ربي يأخذ امانته
ليششششش انجبر انتحررررر .
حسيت بحرة تمسح بظهري وتشهك بعلو صوتها
_ دُر امسحي وجهج الله سبحانه يعوضج .
لزمت ايد امي بستها وصحت
_ يمه ادعيلي اموت انتِ مو ام ادعي الام مو مستجابة دعواتها
ادعيلي امووووووت فقدت كل احلامي وفقدت روحي
بعد ما اريد الدنيا يمه ادعيلي .
سحبني ابوية من ايدها وهيَّ خلت ايدها على راسها
امي تبجي شفت امي تبجي ابوية رفع وجهي بيده وصاح
_ خلي يوووولي جنت اعرف هاي النهاية.
هو يحجي وعيوني غوشت وحسيت اذني صوفرت
وجسمي خيوط صار ما احس بي فقدت وگعت بين ايده
عضيت الساني وعيوني انگلبت وجسمي خشب ويعصرني
نزع ريــان السترة دفعها بحلگي حتى ما اعض الساني
اكثر وابوية لازم رجلي ويصرخ على حرس السيارة
جهزززززوا السياااااااااررررررة .
فقدت بلحظة ما شالني ريــان وركض للسيارة
ماحسيت بعد بشي ، نمت بدون شعور بدون تفكير
واتمنى ما اصحى ماتنفتح عيوني بعد ساعات مرت
ومستمرة تمر وعمري يخلص واني فاقدة الوعي
والشغف على استمرار بحياتي خلص اليوم والثاني
بديت استعيد نور عيوني فتحت بتعب ، الضوء
ضايق عيوني اصوات الممرضة والدكتور
يحاولون يصحوني وعيت اي هاي وعيت بعدني عايشة
يحجي الدكتور ويايَّ اسمعه بس ماعندي طاقة اجاوب
كلشي بيَّ بهت صرت ما احس بشي طفت روحي طفت
دخل ريــان عيونه تتفحصني وابوية برا يحجي هو والدكتور
_ دُر احجي شي لا تبقين ساكته .
غمضت عيوني ودرت وجهي منه
_ لا تنامين لا تحجين بس لا تنامين .
اخذ ايدي بين أيده والتفت على وجهي
_ دُر الخاطر الله لا تسوين هيج بنفسج
الحياة ما توكف على احد افهمي الي ما يريدك لا تريدي
جنتي وحدچ بس هسة كلنا وياچ .
_ الحياة توكف على انسان اذا جان يستاهل وعلي الآكبر يستاهل .
_ يريد تنفصلون .
_ اي ننفصل عادي .
حجيتها بس جانت خنجر ونبت بكلبي مو كلمات وعدت
جانت خسارة ضحكة مسلوبة وفرحة مهدومة وحلم مبيوع
الخسارة مو سهلة والحُب من يروح يدمر الگلب وبعد مايرجع مثل قبل .
طلعوني من المستشفى اسمع اصوات ريــان وابوية يتجادلون
وين اروح ريــان يريد ياخذني وابوية يهدد بي لازم اعيش وياهم
بس وصلنا على بيت ابوية يريد ريــان ياخذ البنات ومديت ايدي
بيدي ابوية ونزلت اخذتني صفية وريان صاح
_ دُر تررررجعين ويايَّ .
_ لا اريد اعيش وحدي .
يوسف : احنا وياچ .
دُر : الصار بيَّ لان كوهت الوحدة اثاري الوحدة ارحم من العالم .
صعدت بمساعدة صفية فتحت باب غرفة من الغرف مؤثثه
بالكامل گعدت على سرير واندفع الباب دخلت حُــرة
_ امشي بنتي امشي وين تبقين هنااا .
_ روحي حُــرة اريد اظل وحدي فدوة .
_ اني احس بيچ واعرفها شكد صعبة
دُر ماكو اصعب من الموت انتِ بعده عايش
اكو امل بس اني ماكو امل نرجع وكلي امرچ الرب العالمين هو يتكفل بيج .
درت وجهي منها وسحب الحاف ونمت
امثل النوم تحجي تعبت ملت دخل ريــان يحجي يتوسل
مل من الكلام وماحصل نتيجة همَّ بعالم واني بعالم ثاني مختلف عنهم
بس طلعوا بجيت بجي ام وفاقدة ضناها بجيت من كل روحي
ما ادري شكد مر وكت بس جنت ابجي افقد وارجع اكعد
وحدي وكسر هل حاجز فتحت الباب شميت عطر مو غريب
وأنفاس ثقيلة اقترب مني اكثر افتر على السرير والجهه الثانية
من وجهي رفع خصلة شعري وفتحت عيوني اشوفه
_ انــور .
_ دُر تعالي ويايَّ لا تبقين هنا .
_ اريد اعيش وحدي .
سحبني من ايدي كعدني يدور على حذائي
_ موووو بكيفچ بكيفي اني اخوچ الجبير ما اقبل تبقين هنااا .
سحبت ايدي من عنده جسمي صاير تالف مابيَّ احرك ايدي
رجعت على سرير ورجع سحبني دفعته من صدره صاح
_ دُر لا تخليني اجبرچ ماتبقين هناااااااااا .
_ اطلع برا اطلععععععع .
_ تعالي الله يخليج تعالي .
_ لااااا تدخلون بحياتي .
يسحب بيَّ ويحجي سديت اذني ما اريد اسمع صوت احد
وهوه يسحب ايدي مايمل يجرني ويتوسل من شاف حالتي
عافني ونزل وهوه يصيح
_ اليووووووم منوووو يخلصك مني لك علي الآكبر ..
شهد ..
طلعوا كلهم من عدنا وابوية التفت على علي الآكبر
دفعه على الحايط ورفع ايده يصيح
_ لك شسووووي بعددددد وياك شسووووووي .
علي الآكبر : جيتها قبل الك وارجع احجيها من اخلي شي براسي اسوي .
_ تدري بيها مكسورة وتكسرها .
_ كسررررررت روحي اني بووووووية ماكسرت احد اني
كافي دخيلك تعبت انتقامك دمرررررني طلعوووووهاااااا
من قاموووووس ثاركم انتوا وبيت الرررررررياش .
لزمه حسن ودفعه بداخل الأستقبال الكل بحالة صمت
من كلام علي الآكبر قفلوا باب الأستقبال وابوية يصيح
_ سيف الدين اخذوا امكم والبنات للزيارة اخذوووهم طلعوهم من البيت .
افتريت على جهه الثانية من باب الأستقبال على جهة الصالة
خليت اذني استمع وابوية متخبل
_ الثار بكفة وحبك وهووووسك الملعون بدُر بكف ثاني .
_ ما اكدر اكمل ما اكدررررررر طلعني منها طلعني .
_ وحقنا .
_ خسرت اضعاف .
اجت امي سحبتني وسراج الدين طلعني للكراج
بدلت بسرعة لبست عباية وصعدنا بالسيارة
الف فكرة وفكرة براسي ، انتقم شنو ؟ ثار منو ؟
شنو جاي يصير معقولة كلنا داخلين بملعوب !! .
وصلنا للأمام دخلنا تفتيش كلنا نمشي بدون عقل من امي
النسوان اخواني ضايعين بعد التفتيش دخلنا للأمام
زرت وطلعت صليت وكعدت مقابيل الضريح
" اللهم برداً وسلاماً على اهلي "
طلعنا من ضربح الامام الحسين (علية السلام )
وتلفوني يرن ابتعدت عن امي وجاوبت
_ الو .
انــور : وينكممممم انتوا وين عنوان بيتكم .
_ لاااا انوررر لا الله عليك لا اسمع كلهم حاقدين
عليك لا تزيدها ماكو شي ينحل بالمشاكل .
_ شهدددددددد العنوووووان وين .
_ ما احجي لا تصيح انــور حباب لا تجي لا تجي.
_ لز تحجين اني اعرف شلون اطلع العنوووان اليوم لو اني لو هل س** ..
سد الخط وامي ترزل بيَّ لان أتأخرت
_ منوو هاي ؟
_ صديقتي بالدوام .
أخذتنا على ضريح الإمام العباس (علية السلام)
صليت صلاة الزيارة وزرت واني ابجي من الخوف
امي تسألني شكو شلون افهمها وشلون اكدر احجي
صرت بين نارين نار اهلي ونار انــور .
كملنا وسيف الدين مايقبل يرجعنا ابوية مايقبل
واني بس اريد أوصل للبيت نار وشبت بروحي
توسلت بـ امي ومثلت اني مريضة راحت على
سيف الدين تتعارك وياه وصعدتني اني ونسوان اخواني
ماصدكت افوت للبيت دخلت على غرفة واشوف جــود نايم
كعدت بصف راسه ونزلت نفسي بست خده
_ كاعد ادري بيك ويمكن جنت تبجي ؟
_ ما ابجي بس اريد انام ؟
_ مشتاق العلي الآكبر مو ؟
_ لا غلطانة .
_ اتكابر تتخيل اذا تروح هسة تحجي وياه وتضحكون شكو بيها .
_ هو غلطان وهوه يعتذر .
بقيت بالغرفة اسولف اني على الدوام والطلاب عاف كلشي وسألني
_ ماكو مثقفة عدكم معلمة مديرة ؟
ضربت على ايدي وجاوبته بغباء
_ معلماتنا حالياً دايخات بالمدگدگ اخذ عقلهن .
كملت كلامي واستوعبت الساني الحيوان شنو غرد
جــود : المدگدگ؟؟
شهد : ها .
جــود : المدگدگ شمه لو متوهم ؟
شهد : دين المتوهم مووو بس متوهم يا عيوني .
جــود : شهد احجي اسردي المقتل بالكامل لا اثرد عليچ وحگ علي .
_ قصدت خطيب صديقتي هيَّ بالأصل علمتني على لقب المدگدگ .
ضحك بشك وغلس يمثل اخوية ودارسة تصرفاته حركاته
دفع الباب علي الآكبر وكف يباوع على جــود وتحمحم
_ وينك تعال اريدك .
جــود : شهد سدي الباب نعسان اريد انام .
علي الآكبر: جــود اتحرك .
جــود : مو احجي وياج شهد طفي كلشي من الصبح كاعدين .
علي الآكبر: جــود انا أحتاجك .
رفع البطانية يغطي براسه متجاهل وجوده
جود: مات جــود مات .
علي الآكبر: انا تعبان روحي ما متحمل روحي .
جــود : لا دخلني بحياتك لا تروح تموت .
علي الآكبر : خليني احجي وياك بس افضفض بس اسمعني .
جــود : لا تحاول مستحيل رووووح .
سد الباب وراح وجود شمر الغطوة صفن على مكانه
_ لا تعوف علي لا تخلي وحيد فدوة مايرتاح ويانا كلنا يريدك .
رجع نام بس يلوب نمت وهوه نام بعد تفكير
ثاني يوم للظهر وأسمع صوت عالي برا فزيت ولملمت روحي
وركضت هذا صووووته هووووه هذا هوووووه
البوب مفتوحة فتحت الشباك واسمع صوته عالي
انــور : سراج الدين اريد اخووووووكم يلة اليوم ما اتحرك منا
اذا ما الزم علي الآكبر ليش مختلي حرررررمة هوووه حررررمة .
رحت على استقبال من سمعت صراخ علي الآكبر
أبوية لازمه وحسن بوجهه مايقبلون يطلع
راح كعد يسلكهن وحادهم وطفر من المطبخ فتح
الباب وطلع صاح وهوه يحجي بزود
_ شمه هناااااا .
_ العااااار عرورفتك عاااار من البداية تعال لك تعال
اطلع برا ما اريد اكتلك بنص بيتكم تعااااال .
طلع علي الآكبر وابوية يسحب بيهم وحسن يدفع بـ انــور
حتى يصعد بالسيارة وهذا شرايين ايده تريد تنفجر
وجهه صاير مخيف من الغضب ملامح الغضب مستحلّه شكله
سحب علي الآكبر من قميصه وضرب راسه براس
_ لك ابووووووو رجفه أتخلي اختي تبجي عاررررر
دخلت من وراك مستشفى حالتهااااا خطرررررررة علمودك
انت منوووو انت منووووووو فاشل ابن الـ**** .
انفتح باب السيآرة واشتغلت ونزل جــود صاح
_ جاي عراك شمه ؟
_ اجيت اكسرررر راسكم اطركم طررررررر اليووووم .
جــود : تأمر امر بس انصحك تنسحب قبل لا اشغلها
واحوووودك حووود ونسبيك سبي وحگ ابو فاضل .
اتجاهل كلامه ورجع العلي الآكبر وامي تلطم على وجهه
انــور عبالك وحش وهجم وعلي الآكبر مو اقل منه بالخشونة
واحد لازم الثاني لزم انــور علي الآكبر من رگبته يخنك بي
_ هسة ترررررجع ويايَّ اطلك هسة بعد مت اخليهااا على ذمتك .
علي الآكبر: موووو بكيفك لك .
رفع جــود صوت المسجل بعلو صوته
" يا فارس بدر يا حيدر يا فارس بدر "
واخذ حديده وعلي الآكبر صار بوجهه
_ خلي صدمني شمه يدافع على اخته معجزة المفروض نحتفل .
لزمت امي من كعدت على عتبة باب المطبخ تصيح على ابوية
سحب ابوية انــور يريد بس يخلي يسمع قافل عليهم يصيح
ويهدد ويتوعد ومايقبل يروح يريد علي الآكبر يروح وياه
حتى يطلك دُر وعلي الآكبر يعاند بي وهذا دگ رجل مايتحرك
معرت بعلي الآكبر مايخلي يتحرك وهذا مشتغله على بارد
يشرب جگاير وانور يهز براسه وكل شوية يريد يدفره
ابو حسن : وهسة شلووون تبقون هيج ؟
انــور : احجي وياه يجي ويايَّ ما اتحرك والله .
دخل ابوية يخابر على ريــان يبلغه ويعلي بالتلفون
لان مايسمع اصواتهم برا عالية بلغه وريان جاوب
_ ابو حسن اني هسة رجعت دُر للمستشفى اختي مو زينة
هذا انــور روح افتح صوتي خلي يسمعني احتاجه يرجع .
طلع ابوية والتلفون بيده وصاح بيهم حتى يسمعون
وهذولي واحد يجادل بالثاني واحد يعير بواحد
ابوية اخد الحديدة من جــود واثنينهم ضربهم وفاككهم
واتقرب من انــور صاح
_ اسمععععع اخوك على خط اسمعععععع .
ريــان : انــور اني وابوية رجعنا دُر على مستشفى
والبنات وحدهن بالبيت امشي ارجع للبيت .
انــور : خابرني على تلفوني خابرني.
سد الخط ورفع اصبعه وبنبرة تهديد صاح
_ بسيطة اني اعلمك اذا ما احرمك منهااااا يا فاشل .
رن تلفونه فتح خط وهو يصعد يحجي
_ رجعت فقدت وصلتوا شگال الدكتور بوعيها لو فاقدة
رايح راح اروح للبيت واوصل رنيم على اهلها واجيب حُــرة واجي .
هوه حرك وعلي الآكبر كعد بالشارع صافن على الطريق
ابو حسن : تروح .
_ لا خليها كم يوم وتتعود بدوني .
_ وانت ؟
_ موت ياخذني اريد الموت ياخذني .
فات للبيت بس كلنا هوسة علي الآكبر يطلع ويرجع يفوت
للغرفة ويصعد فوك وبنزل طلع ورجع دخل الظهر اخذ
مفاتيح السيارة ابوية صاح بي : وين ؟
_ ازور بعد ما اكدر اجر النفس بوية .
هوه طلع وجود لبس الحذاء وطلع يركض
مشيت وراهم صعد بدون ما يحجي وياه .
راحوا وبقيت بنار عليهم دخلت للبيت وللغرفة
قفلتها واتصلت على رقمة ثواني وجاوبني
_ انت بعقلك .
_ لا .
_ ليش تتهور ماتفكر ماعندك عقل .
_ شهددددددد شبيچ شكوووووو شبيچ .
_ عفية عفية عليك وعلى اسلوبك .
_ اني حال الضيم حالي شهد بطرانة انت فد بطرانه
_ صيح بعد صوتك بي نبحه .
_ شنوووو قصدج بنت ..
_ بنت الـ شنووووووو ؟
_ الشررررررريف .
سديت الخط رجع خابرني دمه فاير ويضرب مبين صاعد سيارة
_ ليششششش تسدين الخط بوجهي .
_ ما تحترمني ليش احجي وياك .
_ صدك ؟؟
_ انــور تحجي عدل لو اروح ولو تموت بعد ما اجاوب .
_ هذا اخوووووج اذا ما اشرب من دمه
حُــرة : الله لا ينطيك خلستني خلس الله يخلسك انت وهاي الثانية .
سمعت صوت ضربة ضربت على رجلي اخ لو يمي المدگدگ
_ انتوا وين ؟
_ رايحين للمستشفى .
وصلوا ونزلوا وما اسمع غير صياح انــور وتلفون
صار بيده حُــرة وحرة شهرتهم شهر وبس اسمع
صوت علي الآكبر وجود وانور وريان طلعت اركض
رفعت تلفوني على ابوية وصرخت
_ بوية علي الآكبر وجود بالمستشفى اسمع بابا اسمععع
اخذ التلفون شاف بي رقم يستمع للمكالمة ويلبس بالحذاء
انسد الخط وطلعت المحادثة الي بيني وبين انــور مقابيله
صفن يقراها شفت الرسائل ورفع وجهه فاتح عيونه
رفعت ايدي اشرت لااا واتراجع للخلف رجع يقرا
بيهن فلش المطبخ اتفلش ويصيح بحرگان گلب
_ انورررررررررر ابن الرررررياش المدگدگ
لچ شهددددددد انوووووووورررررر .
_ بوية ابوس ايدك بس احجي بس افهمك .
جرني من ايدي وسحلني سحل للغرفة شمرني بيها وفات
وقفلها علينة بس اني وياه بداخل الغرفة ومحادثتي
اني وانور الي صارت من هل دقيقة كابوس اسود
لا بل غيمة وحلت على حياتي ..
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..