_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
الروحه محترگه اعله روحه بيش يطفه؟!
لطفا لا تنسون التصويت والتفاعل بين الفقرات
⊰ حُــرة ⊱
انــور : دُر خابرتني راح يعقدون الشهد على واحد اسمة بدر
لك ريــان راح ياخذوها مني .
ريــان : وين اكو يمعود لو صدك علي الآكبر يبلغني .
انــور : رياااااااان عوف البرود لا اشمرك من فوك امشي ويايَّ .
ريــان : وين نروح انت حالتك حالة وعلي الآكبر وأخوانه اعصاب
بضربة منهم تودع الملاعب وتروح هباءً منثوراً .
هجم على ريــان لزمه من قميصه يهز بي ويرجف عيونه دم صارت
_ حجي زايد لا تحجي گول ما اريد اجي وياك واكرمني سكوتك
اني ارووووح وحدي ناقص رجل ايد .
طلع وريان ركض اعترض طريقة مايخلي يتحرك
ريــان : رفل وينج صعدي .
رفل : نعم .
ريــان : فوتي بغرفة حُــراير العفو حُــرة وتبقين يمها
الباب ينقفل وممنوع ينفتح لأي شخص غيري اني وانور ودُر مسموح .
رفل : حاضر .
ريــان : اذا صار شي عليها انتِ تتحاسبين تلتزمين بالتعليمات
تقفلين الباب عليكم تقفلي قفل واي شي يصير لو احد يجي
يجي وياكم تلفون يمج تبلغيني اني بدقايق يمكم اصير .
دخلت قبل لا يروح نفذت كلامه واسمع صوته
وصوت رنيم على درج يجادل وياها وهيَّ تصيح
_ لا تلتهي بيها وشوف امي وين ، ولازم اروح مستشفى اشوف وضعي .
_ من تنفذين كلامي وشروطي بذاك الوكت انفذ كلامچ
هسة بـ احلامچ ما انفذ ولو ذرة من طلباتچ فهمتي لو افهمچ اكثر تريدين ؟
اني كل هذا الكلام ماهمني ركزت بهاي رفل اذنها على باب
وتنزل تباوع من جوة الباب قلصت عيوني وصحت بيها
حُــرة : هيووووو ترا اني مشلولة مو فاقدة عقلي تتصرفين
عبالك محد موجود ما مهتمة لوجودي ؟
رفل : شفت عركتهم .
حُــرة : وليش تشوفين عركتهم هذا شغلچ لو اني شغلچ
لا تدخلين بأي شي يخصنا هاي خصوصيات عيب .
رفل : اعرف العيب .
حُــرة : ما شفت مشيتي بي .
ماهتمت بكلامي ولا عبالك حجيت شافتني صغيرة عبالها ثولة
اخاف لو استحي ماتدري اني گاعدة اشردهاااا .
فتحت الباب طلعت واسمع صوتها تحجي بفزع
- اسم الله ست رنيم كعدي هنااا استريحي .
رنيم : افترت بيَّ الگاع .
يمكن كعدت رنيم ونزلت رفل جابت ماي اسمعها تشربها
ثواني وماشوف غير رنيم دخلت عليَّ للغرفة
حُــرة : اطلعي برا .
رنيم : اني حامل تعرفين شنو حامل يعني ريــان يريدني واقترب مني
وقرر اصير ام تعرفين شنو ام اطفال ريــان .
حُــرة : ياترى من يعرف تشتغلين انتِ وبيت الرياش شنو رد فعله .
رنيم : من هذا كلامچ استنجد شي واحد انتِ هم تحبي مو بس هوه يحبچ .
ضحكت بقرف ورفعت ايدي بصعوبة وصرخت
_ اطلعي برا لا الملم عليچ الشوارع ومناطقها وناسها .
اجت يمي لزمت شعري سحبته بكل قوتها
رنيم : انتِ منين طلعتي هااااا منين لچ دمرتي حياتي فوك دمارها .
حُــرة : رنيممممممم شعرررري .
رفل : عوفيها رجاءً ميصير هيج لا تنتكس حالتهاااا .
رنيم : اذا ما تعوفي راح احول حياة ريــان جحيم والله شاهد
صح اشتغلت وياهم ، بس من صرت حامل اريد افتح صفحة جديدة
وياه بكبر حقدي على صار بيَّ بس ريــان اول حب بحياتي واريده
بعد احو حب بگلبي .
لزمت ايدها اريد تعوف شعري ماتعرفني ضربتها على وجهه
بنص خشمها بوكس بقت تفرفح
رنيم : شلون ما اشووووف اني نهايتي على ايدچ
ومن اموووتچ انهي على روحي بعددد واني ناوية اخلص عليچ .
حُــرة : اني ما مقهورة غير بس على ريــان لو تشرفي شلون
جان يبجي دم عليچ ومتمسك بصورچ صورتچ جانت شكد حلوة وبريئة
طلعتي وحششششش بوجهه ملائكي .
رنيم : من عمايل ابوچ بيَّ قليل كلمة وحش دمرتيني انتِ وابووووچ
من البداية وقبل لا يزوجني من خطفني ابوچ گال ريان ياخذ بنتي
وسويتوها انتِ وابوچ ماقصرتوا بالتنفيذ خطتكم مدروسة .
ضحكت على عقلها وجاوبتها بكل برود
حُــرة : اني لا اعرفچ بوقتها ولا ادري عندي ابن عم اسمه ريــان
جنت عايشة بدنيا تختلف عنكم وماعندي غير مصطفى بيها عايش .
رنيم : هاي تمثيلية مصطفى شوكت تخلص سويتوها انتِ وابوچ
حتى تتقربين من ريــان وتكسبين عطفهم لان انتِ وابوچ تعرفين
كلش زين ريــان من سابع المستحيلات يتقبل وحدة من بيت الرياش .
حُــرة : هههههههههه اي اي كملي كملي خليني اضحك عليچ .
رنيم : راح يجي يوم ويكشف حقيقتچ وتلزمين الباب .
حُــرة : اي عود اذا انتِ بنت امچ وابوچ احجي هذا الخرط
مقابيل ريان يدوس راسچ والله يدوسسس راسچ
وعود لعبوها صح واثبتوا هذا الكلام .
ضحكت بوجهي خفت من ضحكتها رفعت حاجبي وقلدتها
طلعت ورفل تاكل بـ أظافرها سوتنا سينما .
اشرت على جنطتها وصرخت
_ اخذيهااا واطلعي يلة اخذيها وروحي ما اريدچ .
رفل : والله حاولت او ...
_ اششششش اششششش تشوفيها تملخ بشعري واني بلا حول ولا قوة
انتِ فتحتي الباب انتِ موووو نبه ممنووووع ينفتح ليش طلعتي ليشش .
رفل : اسفة وعد ما تتكرر وعد ما تنعاد .
_ روحي مناااا روووووحي الله يموتني ولا هل ذلة
اني ما اكدر ادافعععع على نفسي اني صرت هيج عاجزة .
_ هذا علاج اشربي حتى ترتاح اعصابچ التوتر موزين العصبية
والخوف ابد مايصير بحالتچ نامي لازم تنامين .
اخذت العلاج اشربه بأعصاب تالفة عدلتني بفراشي
واحارب بدموعي ماتنزل وتشوف ضعفي ما اريد احد يعرفني مكسورة .
دُر ..
شهد ايدها بيدي ترجف لازمتني بكل حيلها
_ خابرتي مووو خابرتي شنووو گال راح يجي لو يعوفني ؟
دُر : يجي اكيد يجي من سمع تخبل بس الله يستر منهم .
فاتت عمتي دفعت الباب واشرت بيدها شكوووو
ام حسن : امشي عماتچ وبنات عمچ هنا ليش گاعدة بالغرفة .
دُر : جنت ارتب مكياجها عمه هسة نطلع .
عافت الباب مفتوح وطلعت وشهد تضرب على رجلها وتلوب
شهد : ما اريد اطلع لچ دُر ما اريد .
دُر : معقولة عمو ابو حسن وعلي الآكبر وجود راضين بهل حال .
شهد : الكره كلشي يسوووي عماهم بعد معميين من كرههم الـ انــور
بس بريدون يخلصون منه مافكروا بيَّ مافكروا .
شفت علي الآكبر سبح وبدل ونزل اقاربهم من طرف ابو وامه
موجودين منهم هوووواييي ، عدلت ملابسي وطبطبت على رجل شهد
_ امشي اطلعي واني خليني العب على هذا علاوي .
شهد : حبابة دُر حبابة سوي شي هوه ياخذ بكلامچ .
اخذتها من ايدها طلعتها من شافني ابتسم بوجهي خزرته خزره بعمري
ماسويتها وياه وعيوني تتحرك من رجله لراسه نزل عيونه
يشوف روحه شبي وليش هيج اخزر بي گعدت مقابيل شهد على تخم
طبگت رجل على رجل ، هوه يستحي يجي يكعد من عماته
خليته بحسرة يحجي ويايَّ يطلع ويرجع يفوت يشوفني على نفس
رفعت الحاجب وخشمي عالي ما اشوفه بعيوني يتخبل
يطلع ويرجع يفوت يلوب متلوووع بس يريد اوگع بيده
صاحته عمته تحجي وياه فاصل عيونه ماتشوف غيري
لزمت تلفوني اكتب لأنور حتى يستعجل واكتب مندمجة
واسمع عمته تحجي وهوه يسلك بكلمة وكلمتين بس كمل
وياها تحمحم وبنبرة صوت بيها صيحة خوف صاحني
_ بوية دُر .
رجعت شعري وذبيت التلفون على جهه واشرت بيدي واني اجاوب
_ نعم .
علي الاكبر: انعم الله عليچ الله بالخير .
_ خير يصيبك اخي .
_ بيها اخي .
_ وخوية هم .
_ ربحانين منتصرين .
رجعت اشوف تلفوني من وصلني شعار ما اشوف غير سحب التلفون
من ايدي ناسي الخجل وعماته واقاربهم بي يريد يعرف بشنو ملتهيه منه
قرا المحادثة بيني وبين انــور عباله اخاف يخزر بيَّ رفعت خشمي اعله
يريد يروح لزمت ايده وبكُل اصرار نطقت كلماتي
_ اذا ينضرب واحد من اخواني يا علي الآكبر وحق كُل حرف
بالقران اسافر وللعراق بعد ما افوت واخليك ادور عليَّ حالك حال
النبي ادم تفر الأرض ذهاباً واياباً وماتحصل على دُر بعد للموووووت .
_ بنت **** انتِ .
مسح وجهه حيل ورجع يقرا ورفع عيونه يخزر بشهد
والبنية رادت تموت من الخوف وجهه صار اصفر كركم
ولازمه الفستان وعيونها ادمع رجعت ضهرها وبعدت وجهه منه
_ اخزرني اني عوفها .
گعد بصفي مستسلم استدار بكل جسمه ومال
راسه ميل عليَّ فاتح عيونه وضاغط على مخارج الحروف
_ تريدين تموتيني ؟
_ لا والله بالعكس .
_ يا عكس بنت الشرفاء يا عكس .
_ ترا .
_ هم گالت تراااااااااااااا يااااا هل ترررررررا الي ماتخلصصصص .
باوعت على عماته يسرقون بنظراتهم علينا بس يستحن يركزن
_ اي اي صيح عليَّ حتى يسمعون واروح لان استحي تقلل من احترامي .
_ ما استحيتي من خابرتي اخوانچ يجوووون بخطوبة اختي .
_ ترا يحبها .
_ ترا أموته .
درت وجهي قربت نفسي منه وجاوبته
_ راح يجي على آي دقيقة يوصلون .
_ خابري ممنوع يجي اسبي سبي وحگ علي .
_ لا راح تحلها انت مثل ما ورطت اختك أطلعها
لان مثل ماتعرف انــور طگه ونص يفضحكم بين الناس .
_ العباس عليچ .
_ والعباس .
_ دُرررررر .
_ عيونها وروحها انت .
حك وجهه وورجع شعره بعصبية يريد يشلع حتى شعره من العصبية
_ دُر تخابريهم ممنوع يوصلون هنااااا اذا
اني ما اضربهم اخواني مايسكتون هاي سمعتنا اختهم هاي .
_ حلال انت تحب بس اختك حرام ؟
_ تحب شنوووو تحب اني وياج حالة خاصة .
_ لا والله مو حالة خاصة مو حبيتني وتزوجتني لو غلطانة .
_ حبيتچ بس بدون ما اقترب واحجي وياج لو ابادر بقيت من بعيد
مو اجي افرض نفسي بيوم خطوبة .
_ مو اجيت بيوم خطوبتي اني وخيسة شنو نسيت ؟
_ مو جنتي ماتريدي و ..
_ ووو ووو اختك هم ماتقبل ورافضته .
_ ليش تحب اخوچ ؟
بلعت ريگي متوترة حرت اجاوب اي لو لا خفت منه غيرت
_ ها ..
_ تحب اخوووووج شهد تحب انــور ؟
_ لا ابد بس ماتريد تتزوج شبيك .
_ اخبزهااااااا خبزززز اشويهااااا شووووييي اذا تريد اخوچ .
اندك الباب بصوت عالي مخيف ضرب على رجله وهوه شايط
علي الاكبر: هسة اني شسوي شلون الززززم روحي واخوووواني .
_ ما ادري والله مشكلتك انت حلها هوه هذا عقاب الي يجبرون بنتهم .
_ ما جابرين احد اجت قسمتهاااا .
_ شنو فرقكم على بيت الرياش بهل فعل الخايس هذا .
يريد يروح لزمت ايده
_ اخواني ثم اخواني علي الاكبر أنت مسؤول على كلشي يصير .
صفن بوجهي وهمس بنبرة حادة
_ ياااااااااا صبرررررر ايووووووب .
غمضت عيوني وهوه طلع تحمحمت وابتسمت بوجهه النسوان
وشهد باقي ثواني وتتخربط بعد ماتتحمل ، وكفت بالمطبخ فتحت
الشباك وعلي الآكبر معترض طريقهم وعمي يصيح بي
_ شبيك ولك نريد نشوف الباب .
عبرهم جــود فتح الباب صار ريــان وانور مقابيلهم دار عمي وجهه على باب
الأستقبال وركض سيف الدين سد الباب حتى مايسمعون الزلم
وعمي راح على اور دفعه من صدره
_ امشي منا امشي ريــان اخذ اخوك .
انــور : والله على جثتي تزوجهاااا والله .
حسن : ازوجها على جثتك ليش لا تعال لك ***** .
لزمهم علي الآكبر ورافع ايده وانور وريان صافنين متعجبين
لان صار بجهتهم ولازم اهله علمودهم بوقت المفروض يمسح بيهم الأرض .
علي الآكبر: بوية انا احجي وياهم انا اخليهم يروحون
انت اخذ اخواني وارجعوا للديوان كملوا وين ما وصلتوا كملوا .
سحب انــور علي الآكبر من قميصه افتر عليَّ
انــور : يكملون شنوووووو ولك يكملون شنووو .
علي الآكبر: بوية انت غبي انت اثول روح ولك روح
لا انومك هنا استخرج روحك من خشمك وحگ الله .
انــور : شالك الله ولكممممم وينكمممممم .
كمز علي الآكبر علية يسد بشفايفه وريان يلزم بيهم يصيح
_ هسة طلع من المستشفى علي الآكبر انووور مو زين يمعووود .
علي الآكبر: اخذ اخوووووووووك .
دفع انــور علي الآكبر ودخل صار وجهه بوجه هوه وعمي
وريمان وبتول يلطمن على وجهن والبنات تباوع من الشباك
ما فاهمات شنو جاي يصير ضرب انــور على صدره وصاح
_ بيووووم جبرنا دُر على ابن عمي اجيت انت ولدك
تبيع ايات قرانية براسي وتحلل وتحرم هسة انت
موووو جبرت بنتك اجيت اگلك حررررام تجبرهااا اني رايدها
وبنتك تريدني ولوووو تصير بحر دم شهد بنتك ماتصير لغيري .
لزم عمي قميص انــور وگطع الدگم من الطول للطول ويأشر على وشوم
ابو حسن : كلك سوء لا تحجي بالحلال والحرام
بنتي ما جبرتها دخلت الها وكعدت وياها بغرفة
وافقت تتزوج لملم كرامتك ورجولتك واطلع من بيتي بلا مطرود .
انــور : ارفع صوتي هسة وادخل للزلم واحجي كلشي والله
وخلي شيصير خلي يصيررررر بعد مايهمني.
يتحرك انــور والقميص مفتوح والوشوم واضحة مخيفة
وحسن يأشر على جسمه بقرف ويدفع بي
_ اطلعععع لا تخليني الزمك مقابيل الزلم اهينك اهانة ما تنساها .
لزمه علي الآكبر يريد يطلعه رفع ايده بوجه عمي وصاح
_ ما اروح والله منا ما اتحرك اذا ماتخرب هل خطبة .
علي الآكبر: ما تخرب والسيد جوة وراح يعقدون .
انــور : اموتكم كلكم والله اذا انت قبل اشتغلت مولوتوف
اني اشتغلكم قنابل يدوية اسوي الكم مسح عن الكرة الأرضية .
ابو حسن : طلعووووا .
سحب علي الآكبر انــور صار ورا ضهره وصاح
علي الآكبر : لا تضربون هل كلب لا تضربوا اني اتكفل بي
بس لا تضربوا .
سراج الدين : ماتسمع شلون يحجي بأعراض العالم .
انــور : ما حجيت اجيت طلبتها ترفضوني وتريدون تزوجوها بكيفكم .
ابو حسن : بنية الك ماعندي واخر يوم بعمري ازوج بنتي لأبن الرياش .
ريــان : عمي ابو حسن ما مقبولة منك يعني تاخذنا بذنب اهلنا
وانت تعرف كلش زين احنا نختلف .
ابو حسن : انت تختلف على عيني وراسي اخوك اقذر منهم
لليوم ما انسى شلون جان يضرب اخته يملخها تملخ گدام عيوني
واكثر من مرة دفعني واني اوصلها .
ريــان : مو بوعية ليش مصرين تذكرون بالماضي اخ واخته لا تدخلون .
ابو حسن : ومنو يضمن اخوووك مايشبع بنتي كتل هوه اخته
عنفها تريد بنتي الغريبة مايضرها شنووو تريد انسى من خطفها .
يحجون اثنينهم بصوت ناصي طلعت يمهم وعمتي تسدد بالشبابيك
ماتريد وحدة منهن تسمع وكفت بالباب وعمتي ويايَّ
لو بيدها تملخ انــور تملخ بس عمي مانعها تخاف منه .
انــور يدفع بعلي الآكبر وعلي الآكبر يدفع بي بس يريده يطلع
واحد يستفز الثاني بالكلام واثنينهم يعاندون هذا يهدد وهذا يتوعد
دار وجهه علي الآكبر عليَّ وضرب ايده بالحايط بعد مايتحمل انــور
_ ربطت ايدي ربطتي ايدددددي دائماً تسووويهاااا بيَّ تحبين تشلين حركتي .
رحت لعمي لزمت ايده واحجي وياه مايسمع مني قافل على انــور
لا يعني لا والعالم جوة طلعت اصواتهم دخل عمي عليهم وطلع
يفور من العصبية صاح بيهم
_ خليتوني اجذب روحوا
لا تفضحون بنتي وتخلون طاريها على كل لسان .
انــور : شلون اروح اني احب بنتك واريدها على سنة الله ورسولة
بس اقبل شسوي واقبل اشرط عليَّ شنو تريدون شنو تطلبون انا جاهز .
لزم عمي انــور من ايده ويمشي بي للباب
_ ماعندي شروط وطلبك ما اقبل بي بنتي دام انا اشم الهوا
ما اخليك اطخ شعرتين من راسها .
انــور : اذا تسويهاااا واسمع تمت الخطبة لا تلومني على كلشي
يصير بيكم شنوووووو من مصايب سواها ابنك وعاند واخذها
اني اسويهاااا عليكم دبل وانت اختار براحتك ننخطب على ساكت
لو تريد اولع الجود بيكم واخليك تستسلم بالأخير واخذها منكم ؟
لزمه حسن بعد مايتحمل يرفع ايده يريد يضربه وريان
وعلي الآكبر يلزمون بيده ويدفعونه من انــور وانور انطلق
هوه وعمي واحد يهدد بالثاني راح عمتي دفعته برا وصرخت
_ ما اخليهااااا تصيرررر الك ابوووو النسوان اعرف تاريخك كله
مو جنت تفوت نسوان على بيت ابو حسن اتذكر جان يشوفك
وتشمشم وتشرب كلشي مو زين بيك وتريد تاخذ بنتي
مربيها على حلال والحرام على صوم والصلاة تاخذ وأحد مدگدگ .
انــور : شنووو ولدكم حافظين قرآن مووو هم شباب وطايشين
ولعبوا لعب وهذا هذا بالخصوص لعب لعب علوله .
طلع وريان يدفع بي ويصيح بيهم ما يدفعون بي لان مريض
اشوف الشاش صار كله دم يمكن الجرح انفتح
وعلى صوت الزلم طلعوا يسألون شصاير اجه جــود لزمني وفوتني
البيت لان الكراج صار عبارة عن زلم
ابو حسن : والله هذولي نسابة علاوي جايين يعاتبون اختهم
رجعت ما بلغتهم مو جانت بيت اهلها .
علي الآكبر: من بعيد اشوفه يحجي هوه وريان وانور
وانور يدفع بيهم يريد يفوت يحجي وياهم ما ادري شلون افتنع
سلموا وراحوا ركضت على تلفون اخذته ودخلت للغرفة
_ رحتوا ليش رحت انــور وشهد .
_ وينها اگدر احجي وياها .
_ لا وين ما اگدر والله .
_ دُر اذا اليوم ما احجي وياها اسوي شي بيهم مايرضي لا الله ولا عبادة .
_ احاول والله احاول بس لا تتصرف بطيش .
_ ابقي يمها من اخابر جاوبيني .
سديت الخط وطلعت اسمع عمتي منفعلة اقتربت على حمام
واسمع صوت شهگات شهد فتحت الباب شفتها واگعه
بالگاع صرخت بلا وعي على صوتي ركض جــود يغسل بوجهه
دفع علي الآكبر الباب شالها ورجعها للغرفة مايقبلون امهم تفوت عليها
مسحت وجهه بالكلينكس ودرت وجهي عليهم
_ خايفين عليها ولد الرياش صايرين نسخة منهم .
جــود : استلم .
علي الآكبر: عوفهااا عوفها تريد تجلطني .
دُر : انت جلطتني مو بس تريد .
علي الآكبر: فوكاهاااااا اطلعني اني الغلطان .
فات حسن خازرها ورافع حاجبة
_ شعندچ وياه ؟
بقت ساكتة لازمه بيدي دخلت شمس وشوق يهدون بيهم
حسن : اريد اعرف شني عدها وياه ليش مستقتل ؟
دُر : برأيك ليش يهين نفسه ويعرض روحه للخطر ؟
حسن : دُر وداعت جهالي خاطرچ وخاطر علي الآكبر
لازم روحي من اخوج محد يقبلهااا شنو يفوت ويحجي بـ اختنا .
دُر : لو عندي خاطر يمكم ما تطردون اخواني بس كلشي واضح
ما غلط من اخوكم رادني وكفتوا وياه حلال من اخوية استقتل
على اختك معناها اكو شي غلط وعيب موووو ؟
حسن : ابد لا تقارنين زواجكم بهذا الموضوع ماكو مقارنة .
راح على شهد لزم ايدها وحذرها بهدوء
_ اني احبچ وتعرفين كلنا نحبچ واني لليوم بعيوني
انتِ نفسها الطفلة الي اوصلها للمدرسة واشيلها على ظهري
واركض بيها وتضحك ، لا تخليني اغضب عليچ على سبب
استغفر الله حتى حجي ما اكدر احجي شهد شهد خوية شهد
كلمتنا لا تكسريهاااا احنا نشوف انــور ابن الرياش مو مناسب .
شهد : ما اريد اتزوج ابوس ايدكم لا تكسروني بزواج رافضته .
وكف واحد يتصفن بوجهه الثاني
علي الآكبر: اعتبريها خربت امسحي دموعچ .
جــود : انا امسح دموعها .
گعد يمسح بوجهه حضنته تبجي بصوت مخنوك مقهورة مهضومة
شهد : امي راح تموتني اذا تعرف حجيت هل حجي والله .
حسن : أني أسكتها منچ بس لا تطلعين واركضي اصعدي
بغرفة جــود امشي واقفلي الباب ركض يلة ركض لا اغير رأيي .
اخذتها من ايدها اتجنب اخلي عيوني بعيون علي الآكبر
اول ما طلعوا صعدتها ركض فوك كعدتها ونزلت على درج
ما اسمع ولا صوت بس دوي همسات النسوان
دقايق والبيت صار سكووووووت هدوء سكون مخيف
وصلت النص الدرج وعمتي تريد تصعد وتصيح وتسب بشهد
_ تريد تنزل راسناااااا تالي وكت هااااي ياااااا
خزتني شهرررتني على هل مدگدگ .
علي الآكبر: كااااافي يمممممممهههههههه .
_ ماتقبل احجي تخاف ست الحسن والدلال تسمع .
حسن : عيب يمه اخوهااااا تقبلين احجي على اخوانچ .
ابو حسن : وينها شهد ؟
رحت ركض الها هزت راسها وضربت وجهه ملخت روحها
من سمعت صوت قريب على درج نزلت راسها
ابو حسن : دُر بنيتي انزلي اشربي عصير شوفي علي الآكبر .
خجلت وطلعت ما أكدر اعاند من الباب شفت على الآكبر يغسل بيده
بالمغسلة ويحچي هوه وجود نزلت وتقصدت اصدر صوت واضح
بكعب حذائي رفع راسه شافني اريد انزل عاف المي مفتوح
وصعد وجود يسد بب ويهز بيده لزمني من ايدي ورجعني
يصعد بيَّ على درج سحبت ايدي منه ومشيت للغرفة
اول ما دخل سديت الباب بيدي وابتسمت
_ ضايج مني ادري .
خطيت اربع خطوات برشاقة وحاوطت رگبته بيدي
رفعت نفسي وهمست بصوت ودود اريد اتودد اشوف يفيد
دُر : انزل ابوس خدك لا ترفع راسك بعد ما أوصلك .
علي الآكبر: لا توصلين احسن .
_ ماتريد بوستي .
_ تبوسين حتى تمهدين للجلطات .
_ لا وين ترا اني حبابة .
_ ام الدگايگ الناقصة انتِ .
رفعت اصابيعي اتلمس رموشة بهدوء وحدي اوصل
حنجرته طبعت بوسة على يمين وبالوسط وجوك اذنه اليسار
دُر : ادلل ، وقوية ، وادلع ، وارفع راسي ، ما اخاف من احد
وتتحملني لان انتَ وعدتني تصير ابوية ولا يتحمل تصرفات بنته لازم مو ؟
ضرب بيده على گلبه ويجاوبني بأعصاب مغتاظ مامتحمل روحه
ويجبر روحه يتحملني ويسمعني ومايروح مني
_ بگلبي ادوسين كلبي من تتصرفين تصرفات تسوي مصايب
وبالوقت الفايت تهدديني بيچ وتعال حلها اذا ماتحل المشكلة ماتشوفني .
_ من الخوف اهدد بس ما اقصد .
نزل راسه وعيونه ذبلانة من التعب والضغط والمشاكل ويجاوب بحزن
علي الآكبر : تتقصدين دُر رخيص عندچ انا تفضلين الكل عليَّ .
_ احسك قوي رجل من فولاذ هيج صنديد انت مو الصنديد
الاسكندر احس والله ماتحتاج مساعدة احد بس الكل يحتاج
انت قوي وذكي واني من اخلي المسؤولية عليك لان اعجز احلها
وادري اني عزيزة عليك واذا احلفك بيَّ لو اهددك بيَّ تساعدهم
صح اخواني اذوني بس احبهم ، امي شكد دمرتني بس اتمنى
اسمع منها تبرير واعرفها جانت مجبورة هاي اني علي الآكبر
هاي اني كلبي هذا كلبي مو بيدي والله وغلاتك عندي مو بيدي .
رفعت ايده بست باطنها صفن متعجب لأول مرة اتصرف
هيج تصرف وياه بس رفعت شفايفي من ايده اخذ ايدي باسها
مثل بوستي دمعت عيوني وإني أتوسله
دُر : اني ادري ضغطت عليك وتعبتك هواي
جنت وين وصلتك وين التعب بعيونك كل من يشوفك يشوفه
وادري اني سبب تعبك ، اصبر عليَّ علي الآكبر والله اني قوية بيك تتحملني .
سحبني على صدره يحضني بقوة وكان يگول اني يمچ لا تخافين
هيج فسرت حضنته ولمساته الحنونة علي الآكبر بعمره
ما حسسني حبه رغبة ، حبه ما يتفسر غير حب حنون ساكن
يجبرني ارجع شكد ما ابتعد ارجع واني اطلب حمايته
دُر : تتحملني سنة وسنتين واربعة ويمكن حبك يوصلنا عشر سنين
صبر بعدين تضطر تتركني وتشوف حياتك .
قوس حاجبة ما فاهم كلامي رفع وجهي بطرف اصبعه
_ ليش تحجين هيج ؟
_ قابل تخلص حياتك بدون طفل يشيل اسمك .
_ ههههههههه من يوم عرفت دُر بلغتها الأطفال مو مهمين هيَّ بنيتي .
_ هذا كلام حتى لو انتَ گلبك ما ينطيك تكسر بيَّ اهلك يجبروك تتزوج .
_ يلبسوني بدلة وتول عروس ويودوني صالون تسريحة ومكياج .
ابتسمت وأني اجاوب على كلامة اعلق
_ ترا احجي صدك مو اضحك شبيـ ...
قطع كلامي من جر شفايفي بين شفايفة ابتعد من تعبت وتعب
_ بنسوان العالم كلها ما ابدل دُرر روحي هاي روحي ما تتبدل
هي روح وحدة ما تتبدل ولا تستبدل بلاها انا اموت بعد ماكو علي الآكبر .
رسمت ملامحه بأصبعي بكُل سلاسة واريد اسمع منه اريد يحجي ويعبر
دُر : والعروس موجودة يا اما اريام ، يا اما فلك .
علي الآكبر: بطلي بوية بطلي هل تفكير عايزچ تعب انتِ
تزيدين همچ هم يا اريام ويا فلك هوه انا اشوف غيرچ .
دُر : احس هذا حساسي بالآخير تمل وتعوفني وتتزوج وحدة منهن .
عدل حلقتي بيدي ورفع اصابيعي يبوس بيهن اصبع اصبع
علي الآكبر : اريام مخطوبة خلصنا منها
وفلك اعتبرها بنتي صغيرة وما اشوفها غير طفلة .
دُر : بنتك ؟
علي الآكبر: يعني طفلة .
دُر : تتهنى بيهااا وتتهنى بيك بالعافية عليكم هاي بدايات المحبة عندك .
دفعته من صدره وطلعت سحبني من ايدي وهوه يضحك
_ مثل اختي عمي غريبة لا اعرفها ولا تعرفني ولا اشوفها بس اعصابچ .
_ بعد حجيتهااا واني حذرتك ذاك اليوم تجرحني تقهرني من تعتبر
بنية غيري بنتك لو تصيح عليها بوية والله اعتبرها خيانة حتى
لو تعتبرني جعويط وعقلي صغير لو انانية لوووو اي شي شنو تفكر فكر
بس اني مشفت الحب ولا الحنية من غيرك ولا سمعت هل كلمة
بحنانها واحد يعنيها بس منك ترد روحي من اصيح علي الآكبر
وتجاوبني ها بوية دُر تعرف انت شيصير بيَّ تعرف .
اريد انزل شالني بين ايده ويدفع بوجهه بركبتي
يبوس بيها ويضحك وما اشوف غير باب غرفة
ريمان ينفتح وتطلع هيَّ وفلك نزلني بهدوء وتحمحم
_ نازل انه بوية دُر كملي وانزلي خليني اشوفچ گدام عيوني .
_ اوكي بيبي .
_ شنو ؟
_ بيبي اختصار .
غمزت بنهاية الكلام ورجعت ايدي ورا ضهري واحرك بجسمي
ضحك وكشر خشمه بگزگزه ونزل يضحك .
ابتسمت بوجهه فلك وريمان ورجعت للغرفة اعدل بوجهي
تحسس من لحيته رابت ملابسي وصعدت للغرفة فوك
بعده بابها مقفول وعمي موجود اسمع بس همسات
انتظرت بالربع ساعة وبعدهم استسلمت ونزلت
للصالة عمتي تعاملها اتغير قبل شوية تنتر بيَّ هسة
اول ما شافتني ابتسمت وعلي الآكبر بصفها گاعد يحجي وياها
وأخوانه موجودين عز الدين وحسن وسراج الدين جهالهم يحضنهم
اخذت ماي شربت ومركزة وياهم بيبتهم وخالتهم وعمتهم
واثنين بنات ما اعرفهن وجناين خالتهم گاعدات يسولفن
صفنت بعلي الآكبر من يحجون وياه ويجاوبهم بثقل ورزانة وشلون يحسبون
حساب للحرف قبل لا ينطق عكسي احجي بكل أريحية بين ايده
ويجاوبني بكل حنية ، ارفع راسي وابتسم من استوعب هذا زوجي
افتخر اني زوجة انسان بي كُل الصفات الي احبها وجنت أتمناها .
نزل عمي والمفتاح بيده انتظرت يحجي من شافني سكت
تحسباً يحجي واسمع كلامة وازعل مهما يكن ما اتقبلها صعبة
عفتهم وصعدت اريد اشوف شهد ضربت على باب
جاوبتني بصوت اقل ما يقال عنه منهار متهشم
_ اسمعچ دُر .
_ اخذي تلفوني انــور يريد يحچي وياچ .
سحبته من جوة الباب واسمع صوت شهگتها تغيرت من جاوبها
شهد : انــور ، اي اني شهد ، لالا تجي ما اقبل ما اريدك ولا اريد اتزوج
مافي اذا صدك تحبني ابتعد ما اضمن رد فعلهم مرة الجاية
ابوية بعمري ماشفت ابوية يكره شخص بكثرك ليش يكرهك ؟
وليش دخلت حياتي ؟ ليش خليتني بالنار واني حذرتك
جنت اعرف عواقب هل ...
رادت تحجي سكتت ماتگدر تگول حبك وتعترف بحبها
شهد : جنت آعرف بالآخير امووووت واهلي يحقدون عليَّ
متخيل يريدون يزوجوني حتى لو ما اوافق بس حتى يخلصون منك
ليششش انــور دخلت حياتي ، اطلع منهاا لا تعذبني اكثر عوفني .
سكتت لدقايق بس تهمس بـ اي بين فترة وفترة فززتني من انهارت
شهد : لااا تهدد عوووفني من اگول عوفني تعوفني شنوو ماكو
بعد بنات انقرضوا روح شوف حياتك اني ما افيدك لا تخليني
انكسر اكثر من كسرتي اطلع من حياتي اطلعععع .
ماجنت اكدر اسمع شنو جاوبة بس تفلش كلبي من سمعتها تحجي
وياه بهل طريقة سنو رد فعله وشنو مشاعره هسة وكمية الجرح
الي زرف روحه من القهر سودة علية انــور
شهد : ارجع بس اني اوكف بوجهك وأرفضك مقابيل شيوخكم
لا يمكن اقبل تصير نهر من دمكم ودم اخواني على شنوووو اهدر دمهم .
استمعت للكلام وصاحت
شهد : ياااا حب هذا يا حب ، الحب الي من وراه ندخل بحر من دم ما اريده .
سدت الخط وشمرت التلفون ومن وراه الباب وبس استمع
تضرب بروحها وتعاتب نفسها على كلامها نزلت اخابر بي
مايجاوب، رجعت اخابر على ريــان جاوبني شرحت حالة
انــور بالتفصيل وهوه كلمة والثانية يهمس اي سديت
خط واشوفهم يبدلون مستعجلين وحتى ريمان وياهم .
طلع جــود من الغرفة ما عرفته من الجمال رحت
ومثل الثولة امشي واضحك اشرت بيدي على ملابسه
دُر : طالع نمبر وان تشگ شگ جود اووويييي يوم عرسك .
جــود : اشگ شگ مو ؟
دُر : طالع 100\100 عبالك مو انت من الجمال .
جــود : تجين ويايه اريد مثقة حتى تفتهم عليهم .
دُر : شوف اخوك اذا يقبل اروح عدهم اروح ماعندي شي .
طلع جــود يحجي هوه وعلي الآكبر برا
ريمان من سمعت اني رايحة وياهم وجهه صار وجهه الجدر مجعمر
واني افتر ، بيهن مرض اسمه اسمعچ حجي ما اخاف لبستها تجاهلت
ولبست شالي ونزلت امسح بالكلينكس بحذائي طلعوا اخوانه
يحجون وياه قرروا يطلعون سيارتين عمتي وعمي يصعدون
بسيارة حسن وجود وسراج الدين شمس وشروق بسيارة علي الآكبر
صعدنا وهوه ساقها البيت النيك اول ما وصلنا عني شاف البيت
ضحك ، بيهم عملاق مثل بيتنا ، نزل هوه معضل ولابس رسمي طالع
انيق بشكل .
دك الباب طلع رجال جبير بالعمر واضح ابوها ويعرف احنا جايين
استقبلنا احسن استقبال وكلامة لطيف يرحب وجهه بشوش
دخلنا للاستقبال مالتهم يفتح النفس شرح واسع وتنسق الأثاث بي
يجذب النظر اتعرف على عمي وعمي تعرف عليَّ طلع عسكري
برتبة لواء بالدفاع بعد نقاشات سياسية دارت بينهم دخلت
البنية ناعمة وبياضها ساطع اخوته علي الآكبر مصدومين من دخولها
ماعدهم هيچ قبل العقد تدخل واحد يشوفها طبگ جــود رجل على رجل
ويحجي حتى يقلل من صدمتهم والبنية تمشي وتقدم گهوة
جــود : همَّ هذولي المثقفين بكلشي يختلفون اغديلهم فدوة .
مسح ايد بيد متحمس صافن بيها ويهمس
_ بعد ما اتخيل الحيطان نسوان اتخيل مرتي .
حسن : تسكت لو نطلع انت وهل شاخطين جايبنا عليهم .
جــود : هوه هذا الي يزوج مو مثقفة يغار صلوا على نبينا محمد واسكتوا .
وصل البنية يمنا اخذت منها الگهوة اخذها علي الآكبر من ايدي
ورجعت اخذت الثانية وصلت البنية بصف جــود علي الآكبر
يگرص بي يغمز يعض شفه بس يريده يثبت خزاهم
جــود : هلا بالطش والرش هلا بالمثقفة نورتي حياتي .
علي الآكبر: شگد عيب ثول اي والله ثول بي غمه بس آطلع بسيطة .
دُر : عليك الله غمه غمه تغمه غم بس نصعد بالسيارة .
اخوانه غطوه وجههم من عنده وهوه بعد مايشرف احد وگع غزل
والبنية صارت طماطة بس تريد ياخذ الگهوة حتى تتحرك
سحب سراج الدين اثنين گهوة خلاها مقابيل جــود راح كملت الباقي
وگعدت بصف ابوها بكُل هدوء
ابو حسن : ابو جولي انا وعائلتي جايين نطلب ايد المحروسة بنتك
جولي لابني جــود على سنة الله ورسولة .
ابتسم الرجال واشر على جــود وجاوب برزانة واحترام
_ صار تقريباً سنة او اكثر اتردد على موقع مطعم ابني جــود
عرفت اخلاقه ونعم التربية شاب محترم صاحب نخوة وجربته
بأكثر من موقف عطلت سيارتي انخبص اكثر مني وصلحها بيده
بدون مايعرف ببنتي بس اني جنت اتردد اخذ منهم لنظافة المطعم
والأهل عاجبهم اكله وطريقة تغليفهم مميزة يجذب المشتري
اتشرب بي بس جــود بابا انت شنو مخلص دراسة ؟
جــود : هندسة ميكانيك .
كمل ابوها على كلام جــود
ابو جولي : جيد وجولي هندسة الطب الحياتي .
مال جسمه علينا اني وعلي الآكبر وبصوت خافت يحجي
_ بكلشي راهمين صدقة لله كون تصير واكسر خشمك وخشم هل مثقفه .
علي الآكبر: الثگل لو يبيعون منه اشتريلك حتى تثگل .
جــود : اشوفك من ردت المثقفة ثگلت يا ابو رجفه مو ثبرتني ثبر
يلملثم ضليت تزاگط على بلكونة مالتها جنگ غوريلا وهيَّ مرتاحة
تشوفك غوريلا تنط ماعدهم غوريلات قبل .
علي الآكبر: نطلع واخليك تشوف الغوريلا على أصول .
دُر : ركز انت واخوك الرجال يحجي .
ابو جولي : اني اهم طلب اطلبه من تجي قسمة ونصيب بنتي
تكمل دراستها وجود رجل بمعنى الكلمة اكدر اسلمه بنتي
بس بعد ما اخذ منه كلمة ، بنتي سنة ثالثة جامعة اريد تكمل دراستها .
جــود : من هل جانب اطمئن انا An open man .
غطيت وجهي بيدي شكد عيب يشوفون ضحكتي شكد عيب يفهموني غلط
علي الآكبر: ولكم هذا حول السستم انكليزي .
جــود : شيت اب كلكم .
دُر : اوه ماي گاد .
من بعد ما استمعنا وافقوا على كُل شروطهم اخر شرط جان صدمة
ابو جولي : وطلبي الثاني منكم مهر بنتي يكون 50 حاضرها و100 غايبها .
اندك الباب طلع الرجال ومرته وبقت البنية خجلانة
جــود : مهرچ بكلياتي الاثنين .
بقت منزلة راسها خجلانة
جــود : بوية شوكت اكدر اخذ الورث .
ابو حسن : تريد تموتني ؟
جــود : يومي قبل يومك بس قسم الورث من هسة اريد اتزوج .
رادت تطلع البنية عمتي لزمتها
_ يلطف جو هوه هذا جــود يحب يضحك .
جولي : It's okay, I don't care
جــود : اسيح واتخربط على كيري لموني اطشرت لموني .
رجع روحه وطبگ رجل على رجل يأشر عليها
_ صبرت وشلون راح افطر فطور وليمتي دسمة بالثقافة .
رجع الرجال وجهه مگلوب وزوجته مو وياه صاح على
بنته بصوت عالي خلاها تفز
_ فوووتي جوووووة .
ابو حسن : صاير شي ابو جولي .
_ اعذرني اخي بنتي ما ازوجها ماكو قسمة بين بنتي وابنك .
ابو حسن : قبل دقايق وافقت شنو الي استجد ورفضت .
_ ماكو شي يا ابو حسن بس قسمة ماكو .
ابو حسن : براحتك اخلي العزيز ربي يحفظك ويحفظ المحروسة .
جــود : شصار منو خابرك ؟ تهددت ؟ احد تعرض الك
حاجيني وحگ علي اطشررررهم طشار اخليهم .
ابو جولي : ما عاش كل من يهددني ماكو هيج كلام .
سحب عمي جــود من ايده وطلعنا منهم كلنا مستغربين
ريمان : ان شاء الله الي ببالي منو صحيح .
ام حسن : وشنو براسچ .
ريمان : لا تصيرون اعصاب يمكن يمكن اهل دُر وراها
لان ماشاء الله كل مشاكلنا وتعرقلات حياتنا من راسهم .
رجعوا كل واحد بسيارته طول الطريق الكل ساكت الكل
اول ما نزلنا نزل جــود وراح يمشي يمشي ويمشي بعد
دخلنا للبيت وعلي الآكبر يخابر بي مايجاوب لليل
اخذت اكل وصعدت لشهد فتحت الباب وفتت جوة شفتها
مبدلة ملابسها وجهه نظيف مابي قطرة مكياج او اثار دموع
فارشة السجادة تصلي من شافتني ابتسمت بتعب
_ شصار على خطوبة جــود .
حجيت الها كلشي صار من اول ما دخلنا للرفض بقت ساكته
جبرتها تاكل حتى لو قليل اكلت ورجعت للحمام توضت وكملت صلاتها
دخلت شمس وشوق بس تصدقت صاحن بيها
_ امشي انتِ ودُر جــود رجع وجايب اشكال والوان حلويات
خلونا نگعد كلنا ناكل ونتونس ونضحك قسمة وماصارت لا
شهودة ولا جــود مقسوم تصير قسمتكم اليوم .
شهد : لا تگولين شهودة گولي شهدهد .
حجتها ونزلت دموعها سحبتها بحضني عرفت كلمة انــور من يدلع اسمها
قنعتها اني والبنات تنزل ويانا ماقبلت تشوف امها
صعد جــود مبدل تراك صفگ بيده ولزم ايدها سحبها حيل
_ امشي ولچ امشي اضحك عليچ .
شهد : اني اضحك عليك ابو لعلوم حتى خطبتك ما فلحت بيها .
اخذها ينزل بيها ويملخ بشعرها حاضنها ويضربها ويبوسها
يگرص بخدودها ويرجع يدفعها نزلنا وراهم گعدنا كلنا
انتبه على علي الآكبر من دونهم عيونه تغفي بس يريد ينام
نص ساعة وصعد قبل الكل ، بقيت اني والبنات والولد كلهم صعدوا
غرفهم ، نص ساعة وصعدت ابدل من فتحت الباب رفع ايده
_ تعالي يمي .
_ لا اريد اسهر اني والبنات .
_ نوميني وروحي .
_ طفل رضيع شنو ؟
_ براحتچ .
اخذت ملابس اريد اطلع رحت قريب منه
_ زعلت .
_ ابد والله روحي غيري جو .
_ تحبني .
_ اكيد .
_ اني ما احبك .
فتح عيونه نزلت نفسي طبعت بوسة على طرف شفته اريد اشوف تأثيري
على هل انسان الغريب البارد ، ذبلت عيونه وهوه يشوفني .
وقبل لا يلزمني طفرت برا للحمام بدلت ونزلت مستعجلة
كعدت اني وشهد وشمس الثاني يوم نمت الفجر حسيت
شعري ينرفع من وجهي وبوسات خفيفة تنطبع على وجهي
ثواني وانسحبت من ايدي نومني على صدره فزيت خجلانة
_ اهلك .
_ ارجعي يمي .
_ بعدين مو هسة .
_ شوكت ؟
_ من كلشي يصير تمام وضعك ، وضعي ، اخواني ، وحرة بحاجتي .
_ وأنا احتاج دُر احتاجج يمي .
_ ادري بس .
_ مايحتاج تبررين براحتچ بوية .
تلمست خط حنجرته ونزلتها لصدره
_ طالع حلو وجهك وشعرك وعطرك .
_ كلي ملكچ يحلوة .
_ علي الآكبر عادي اطلب منك طلب ؟
_ تأمريني .
_ عادي تحجي انت وانور بموضوع شهد حتى ما تكبر .
_ ابد وسدي الموضوع لا تحاولين بي .
عافني ونهض وجهه محتقن طلعت غسلت وجهي
ورجعت خابرت على ريــان
_ صباح الخير .
_ يا خيررررر هذا وعندي هل نملة بنت الحشرة .
_ منو حُــرة .
_ اي نعال اكووو غيرهاااااااا تعلعل گلبي بنت الكلب .
_ تعال اخذني اخلصك منها .
_ اجيت بس ارجعها تنام بفراشها .
_ شنو يمك هيَّ .
_ هاي المسمومة يمي النملة يمي .
_ وينها بالله .
ثواني وسمعت صوتها تتحمحم
_ ها اخته .
ابتسمت وجاوبتها بضحكة
_ شعجب يغلط عليچ وساكته .
_ ها .
دُر : الواضح الجفصات من العيار الثقيل .
حُــرة : بكبر راسه .
ريــان : راس منوو .
حُــرة : مو يمك تحجي على غير موضوع اعصابك
انت رجال جبير تروح تنجلط اصحاب البشرة البيضاء مثل
خام الككو الأبيض تموع بسُرعة .
اخذ التلفون سد الخط بوجهي بدلت رجعت على ملابسي القديمة
دقايق ونفتح الباب نرگع بالحايط خليت ايدي على گلبي
_ شبيك علي الآكبر ؟
_ خابرتي ريــان .
_ حتى ارجع .
_ ليششششش ما تتحملين تبقين يمي لهل درجة كارهة تواجدي يمچ .
شفت حالته وعصبيته اذا اضغط بالكلام وهوه يضغط راح تكبر
رحت قريب منه اريد الزمه مايقبل لزم اديناتي اثنينهم بـ ايد وحدة
ويبعدني منه يخاف يضعف ومايگدر يعاتبني
_ باجر عندي دوام والله .
_ آني اخذج .
_ وحرة والله صايرين عرك من الروس حباب علي الآكبر .
صفن بعيوني وعاف ايدي وابتعد
_ حرت شلون اتعامل وياچ حرررررررت .
كمل وقبل لا يطلع نبهني
_ اخوج ينتظر برا امشي .
طلعت سلمت عليهم وعمتي ماقبلت على روحني وعمي يقنع
بيه قنعتهم بحرة وطلعت من البيت وعلي الآكبر روحه طلعت
من العصبية يصيح ويصرخ على رايح والجاي وكلها انتبهت
اضطريت اصعد رفع ريــان ايده وطلع
_ شبيك راح تنفجر .
_ دُر اگعدي وياها فهميها عيب تجفص كلامها يدگ براسي
لسانها طويل عيب تجاوز عيب .
استداريت عليَّ مبتسمة
_ شسوت ترا بعدها طفلة خطية .
_ يااااااااا طفلة مو عبرت سن الزمايل بعد
يا طفلة اكو بعمرها عدهن جهال .
_ اني اليوم اكعد وياها وافهمها .
_ اي خليها تبلع لسانها علميها تحترمني من تحجي وياها
تجاوب عدل مو كله تحشيش ، من اجي اساعدها لا تسبني
يعني هم كاسر ضهري واشيل بيها من مكان لمكان وما تقبل
تگلي لمساتك مو راحة اتحسس منهااااا شلون استأجر واحد
من الشارع يشيلهاااااااااا فهميني شنوووو الحل حاجيني .
اشرب بيدي حتى بس يهدي ونحجي
ريــان : فوتت الحمام وتغير ملابسها گلت خطية
والبنية ماتريد تنكشف عليَّ ورافضتني ويجي يوم ننفصل
احترمتها وجبت رفل تساعدها بس من انقلها من مكان لمكان شلون .
دُر : حقك وحقها .
بقيت اقنع بي يسكت ويهدي وبس رجعنا دخلت صعدت بغرفتها
شفتها نايمة وعيونها وارمات من البجي
نزلت لمحت فهد گاعد هوه وريان ياكلون سلمت وگعدت
_ عيون حُــرة وارمات خطية ريــان ليش تخليها تبجي
البنية صغيرة وعاجزة فدوة اعصابك وياها ميصير .
ريــان : عمي اني مو ادمي الغلط مني بعدددددد لا
اگرب الها ولا اجي يمهااااا ولا اريد اشوووووفهااااااا .
عافني وطلع وفهد وراه طلع بقيت بين اخوية وبينها وبين حياتي محتارة
صعدت الغرفة انــور فتحتها نايم سديت الباب وطلعت رحت على غرفة
حُــرة من سمعت صوتها وصوت رفل سلمت ودخلت بوستها
وابتسمت بوجهه رفل
_ تگدرين تعوفيني وياها فدوة .
اخذت تلفونها وطلعت كعدت قريب من حُــرة عدلت شعرها وهمست
_ شصاير ؟
_ اخوج مرته مو حامل ؟ مو استقتل عليها وبعدها وياه
ويريد الطفل ؟ شكووووو يجي يمي شكووووو حراير
والصياد ينصاد وتحت امرچ الصياد وانقهر من تذكرين غيري
شبي هوه شبي يجبرني اهججججج يجيررررني .
_ يمكن يحبچ .
_ دُر انتوا ماتعرفون شنوووو بكلبي ماتعرفون اني شنووو
اذا بيوم اخوج يحبني ينكسرررر گلبه يعني هوَّ ينكسر
من رنيم ومني تريدون اخوكم يموووووت .
استغربت من كلامها سألتها بفضول
دُر : حُــرة شنو قصدچ وضحيلي حتى اني اوضح لريان وأفهمه .
حُــرة : صعبة واخاف يشوف ويمووووتني والله يموتني مثل
ما ابوية يريد يموتني ريــان يحقد ويكره ويموتني .
دُر : عزا خوفتيني لچ فهميني شكوووو ؟
دخل انــور فتح الباب وابتسم بحقد وغضب واضح
_ شعندچ احجي .
حُــرة : لا تدخل اطلع برا يلة .
_ ادخل ونصصصصصص احجي شمسوووية .
_ اجذب عليها حتى تخوف ريــان ويعوفني .
_ لا تجذبين لچ احجي شنووووووو السرررررر .
_ اطلعععععع برررررررررا .
دُر : انــور البنية مريضة تخبلت .
لزمته من صدره ادفع بي ثگيل ما يندفع لزمها من ملابسها
ورفعها يصيح بوجهه مغتاظ فاقد السيطرة على نفسة
_ احجيييييييي اذا ما تحجين اطلععععع روحچ احجي .
_ لووووتمووووت ما احجي افتهمت لو تموت لان
لزمتني وتصيح ونريد تضرب تحلم احجي حرررف واحد .
فتحت الباب ونزلت ركض اصرخ بـ اسم ريــان دخل يركض
_ انــور تخبل على حُــرة .
صعد دفع الباب وفات صار بالوسط بين حُــرة الي نايمة ماتگدر تتحرك
وانور لازم الجرح وساحبها ليفوك من ملابسها دموعها تجمعت
بعيونها بس ماتريد تبجي بعدها لابسة ثوب القوة
انــور : اذا ماتحجي شنووو الشي اذا يعرفه ريــان يكرها ويكتلهااا
مثل اهلها اني اكتلهااااا هناااااااااا احنا هناااا مو طلياااان .
ريــان : هذا شبي ؟
انــور : سمعتها گالت اكووووو شي اذا يعرفه ريــان يكتلني
مثل ما ابوية يريد يكتلني غير نعرررف شنوووو
هل مصيبة توصلك مرحلة القتل .
حُــرة : عناد بيك ما احجي ويلة يلة اطلعععع برا يلة .
انــور : موووو بعينچ لچ انتِ ماتستحين تحجين بهل طريقة ويايَّ .
كمز يريد يضربها لزمت ايد ريــان وسحبته على جهتها وجلبت
وهيَّ نايمة بالسترة مالته تحتمي بي حتى ما تنضرب .
طلع ريــان انــور بالدفع والصياح شوية وسكتوا وصار هدوء
خليت حُــرة بحضني العب بشعرها صاير طويل احسن من قبل
حُــرة : بس اصير زينة اعوف هذا البيت واروح .
دخل ريــان وهيَّ تحجي سمعها گعد بكل هدوء مقابيلنا وابتسم
_ اذا بيوم قررتي تروحي تعالي يمي واطلبي مني طلاك
اني اخذج سيد ننفصل وامن عليچ بمكان يعجبج شوفي
انتِ وين تريدين وروحي اني بعمري ما اصير عثرة بطريق احد .
نزلت عيونها خجلانة من تعاملة وياها ابتسمت وجاوبته بنفس الهدوء
دُر : همزين عاشرت وصرت صديق علي الآكبر صاير نسخة من حنيته .
يجاوبني بس عيونه على حُــرة نظراته حزينة خايف مرهوب
ريــان : متفقين حُــرة .
_ لا .
_ ليش .
_ ما اريد اتفق وياكم .
_ ادري بيچ حالتچ النفسية تعبانة وحقچ .
_ من عرفت اني مشلولة ليش ماطلبت يموتوني شنو فائدة حياتي هسة .
_ تضحكيني شكو بيها اذا تبقين وتضحكيني .
شالت وجهه من حضني وجاوبته
_ مو تگول ما اتحمل جفصات
_ لا احبهن عادي اقبل .
_ خوش لعد روح سوي تان صير اسمر .
_ هههههههههههه .
_ حتى تحبيني .
_ حتى اتقبلك .
طلع وعافها واني رحت وياه انزل على درج ويسألني
_ علي الآكبر ما قبل تجين ويايَّ .
_ اي .
_ خابرتي هسة صاير نار .
بقيت ساكته رحت بالمطبخ وطلع هوه وفهد وأنور بالحديقة
نص ساعة وصعدت رتبت ملابس دوامي ولليل طلعت شفت حُــرة
شنو تحتاج رنيم مختفية بغرفتها وامي ماكو الها اثر ما ادري وينها
الثاني يوم بدلت ونزلت تأخرت على دوامي فتحت الباب واشوف
سيارة علي الاكبر تقدمت ولمحت فلك موجودة هيَّ عينها بالأوراق
هزيت راسي واني اضحك بستهزاء ورجعت دخلت للبيت
اخذت مفاتيح سيارة ثانية فتح الحارس الباب من صعدت شافني
حرك سيارته وطلع من صدمتي نزلت اشوف سيارته ماكو بس ترابها
رجعت للبيت صعدت فوك دكيت باب غرفة ريــان طلع مستغرب .
_ شبيچ لونچ مخطوف .
حجيت كل الصار خابره جاوب بسرعة
ريــان : ها علاوي اخذت دُر لو بعدك ؟
علي الآكبر: شفتها طلعت بسيارة .
_ لا وين ماكو السيارات كلها موجودة ودُر ماكو يمعود اخذوهااااا.
_ راجع .
_ مايحتاج اني اشوفها وين وأوصلها .
رحت بسيارة ريــان وصلني للجامعة دخلت حضرت كل المحاضرات
وطلعت شفت فلك صعدت قبلي بقيت بمكاني الدموع تجمعت بعيوني
متعبني وجودهاااااااا كلبي ما مرررتاح مو بيدي والله مو بيدي
صعدت سلمت وملت راسي على شباك السيارة همست وصوتي يرجف
_ وصلني اني اول شي ممكن .
هز راسه وطول الطريق فلك تحجي وتسولف على قسمها
وهو يستمع ويشاركها الرأي نزلت اريد بس امشي عدل
ما اريدهم يحسون بيَّ دخلت للبيت صعدت ركض حُــرة
تغسل بالمغاسل ورفل يمها من شافتني أجّت ورايَّ
كعدت يمي سولفت الها الصار وهيَّ بس تهز براسها من كملت ردت
حُــرة : عندي خطة كدها تنفذيها وتخلين علي الآكبر يعيد حساباته .
_ شنو هيَّ ؟
_ خطة نفرهم بيهااا فرررر وروح مصطفى .
_ اسمع ..
حُــرة : ......
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..