_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
لا تراهن ؏ شديد التعلق
فـ حين يجرح ، يصبح شديد التخلي ...
لطفا لا تنسون التصويت والتفاعل بين الفقرات
⊰دُر⊱
لزم ايد عمي ودفعها على صدره وصاح ولاول مرة بحياتي
اشوف انــور منهار دموعه تنزل على خدة وضعه يبچي العدو
_ رايدهاااا واحبها ، بدر لا يعرفها ، ولا حبها ، ولا تندم وفكر بيها
بيوم ، ولا هي تعرررفه ولا تحبه ولا تريده اريددددها اني اريدها
خبيتها عمي والله حبيتها حرام عليك ابوووس ايدك ابووووس ايدك
لا تكسرررني اني وياها وافق لا تخلونا نغلط وافق .
ابو حسن : انت طلبت وانا موافق انطيك بنتي .
انــور : عيدها عيدها ما اسمع اخاف سمعت غلط عيدها .
ابو حسن : وافقت على زواجك من بنتي شهد .
انــور : تعال ابوسك .
حضن انــور عمي يبوس براسه وبيده وابوية يضحك
الكُل بحالة صدمة علي الآكبر واخوانه مصفرين واكفين بدون رد فعل .
ابو بدر : ابووووو حسن لازم نسيت متعنين مناك لهناا
تالي ماتحترم وتنطي بنتك وابني مخطوف من وراها .
انــور : ابنك مو مخطوف لا تخاف بضيافتي ارجعه الك لا تخاف .
ابو بدر : هاي وحدة وياك ابو حسن ما أنساها ومردودة .
طلع عمي وراهم وهَّ مغتاظين اعصابهم صايررة نار نار
صاح شيخهم بعلو صوته
_ مريد منك رد اعتبار ابو حسن .
ابو حسن : رد اعتباركم محفوظ عذروني يا جماعة
بس بنتي ما اكسرها وانا ادري بيها ماتريد ابنكم .
صعدوا بسياراتهم ورجع عمي استقبل اهلي مر مني
انــور گرص خدي وفات دخلت اشوف شهد ماكو وعلي الآكبر
وابوهم اختفوا كلهم دقايق وشهد لبست عبايه وكفت بظهر عمي
ابو حسن : انت رايد بنتي ؟
انــور : اكيد .
شهد : واني ما اريدك .
وگف انــور وعاط وهو يشمر بيده ويتوعد
انــور : ليشششششش تضحكين عليَّ شنووووو .
شهد : اي .
انــور : شنوووو اي .
جــود : تقبلتك وحجت وياك وصلت انت لهل مرحلة
تريدها وتبجي عليها حتى تنتقم منك لان خطفتها .
ابو حسن : يعني الصار ثار وانتقام وهسة صرنا متعادلين .
هز راسه انــور واني دفعت جــود ودخلت وكفت مقابيلهم
دُر : شنووو انتقام شهد من كل عقلچ انتِ مو تريدين انوووور ؟
شهد : انتِ سألتيني واني وهمتچ اي اريده بس الحقيقة اتفاق جانت .
انــور : ياااااا اتفااااااق شهد دخيل ربچ ياااا اتفاق شوفيني
وينچ خلي عينچ بعيني يااا اتفاق حاجيني لچ حاجيني .
علي الاكبر : كافي لا تلح بالموضوع ويلة شوفني عرض أكتافك .
انــور : اسمهاااا منهااا اريد خليها تجاوبني لچ حاجيني لا تشلعين گلبي
مو اعتذرت مو سامحتيني سويت كلشي الخاطررررچ تكسرررريني ؟
شهد : انت كسرتني واني رديتها اطلع برا .
هجم عليهم انــور يريد يلزمها واخوانها صاروا بوجهه
يدفعون بي وابوية انفعل وكف يصرخ ويهدد من شاف انــور
وريان يحجي هو وعلي الآكبر واسمع صوته غاضب
ريــان : تخبلت انت واهلك مشاعر الناس لعبة
تضحكون على اخوية الفترة هاي كلهااااا وكسرتوا گلبه ليششش
مو على اساس تخافون الله تصرفات هاي مال كفاااااااررررر .
دُر : علي الآكبر حاااااجيني تضحكون علينا انتووووا .
علي الآكبر: هذا الموجود اذا الوضع ما يعجب اطلعي وياهم يلة
هو ثار وخلص وانتهى بعد وجودكم مو مهم .
ضربت على صدري ما اصدگ اذني حتى اذني هنا اجذبها
هزيت راسي وتجمع الدمع بعيوني ، واسمع صوت نرجع
تتعارك هي وسراج الدين وتصيح
_ شنو عل مهزلة والله اذا تطلع دُر اني هم اعوف
البيت ما تستحون انتوا ، تطردون بالبنية واهلهااا .
ادافع انــور هو وجود يريد يوصل مقابيل عمي وشهد
تعالت الأصوات والتهديدات ما اشوف غير انــور اختل
توازنه وگعد على تخم لازم راسه وريان يرفع براسه
وابوية من جهه يترادد هو وعمي
يوسف : امشوا احنا غلطانين نزلنا نفسنا وجايين نخطب
وهاي اني محترمهم وزوجت ابنهم من بنتي وتصرفاتكم رخيصة .
بقيت صافنة بوجهه علي الاكبر وهو يتجنب يباوع بعيوني
مايريد هيج يحارب روحه بس حتى ما يلتفت ويشوفني
حتى جــود متوتر وشهد صارت تاكل باظافرها
دُر : بابا خلينا نروح وبعد يا علي الاكبر لو تموت ما اخليك
تشوف وجهي ، وراح تتندم والله تتندم على هذا تصرفكم كلكم تتندمون .
ضحك عمي واجه حضني اخذني من عنده علي الآكبر يبوس
براسي ويمسح بدموعي وجود راح على انــور
جــود : رجال شكبرك تصير توگع هههههههههه .
ريــان : شسالفة .
ابو حسن : ردت اجرب اخوك قبل لا نتفق .
وكف انــور مقابيلهم واشر على شهد
_ بسيطة اني اعلمچ .
جــود : هذا يهددها من هسة خربوها خربوها .
انــور : والله اليوم منا ما اطلع حتى لو اختك ما تقبل اعقد واطلع .
واني اعاتب بعلي الآكبر مقهورة منه شلون اهون عليَّ هيج يعاملني
دُر : ليش هيچ سويت بيَّ ؟
علي الآكبر: اسف روحي انتِ بس ابوية حلفني هو وشهد
وهاي فكرة البلبل مالتچ جــود اقترح الفكرة .
طلعت اني وشهد واشوف عمتي لبست عبايتها واخذت اخواتها
وطلعت من البيت ، ريمان رجعت وميثاق معزومة صارت
المرادد بفلس والحجي مخلص ، عفناهن ودخلنا للغرفة متجاهلين
وجودهن وكلامهن ، نرجس تصفگ وترگص بشهد واخواتها
على صفحة صح يضحكون وفرحانين بس مقهورات من راحت امهن .
شهد ..
ساعة بالتمام والكمال كلهم جوة يتفقون على زواجنا
مليت وبس اريد اعرف شصار نرجس تبرعت وأتصلت
على ماسنجر سراج الدين وهمست بصوت تدلع بي
_ حبيبي عادي تبقي الخط مفتوح اسمع وياكم .
_ وليش تسمعين ما ادري بيچ فضولية بوية عيب .
_ شنو عيب داخلين وياكم نريد نسمع .
_ تريدون ؟
_ اقصد اريد شكو بيها حباب سروجي .
دُر : اوووعععع سروجي شنو سرج خيل .
سراج الدين : خلف الله عليچ خوية دُر .
دُر : مرتك تگول سروجي ما زعلت بس من دُر حجت تزعل .
ظل الخط مفتوح ورجع يمكن دخل لان صار صوتهم واضح
وكلنا نايمات على تلفون ابوية يحجي وياهم على سالفة ياسين
ابو حسن : بنت اختي لليوم جثتها ماكو وبس ياسين يعرف وينها ؟
يوسف : ومايقبل يگول وينها حاولنا وياه هو وعمران قافلين .
ابو حسن : ثارنا مايبرد وياه وموتت اختي من القهر على بتها ما تمر.
يوسف : اختك جانت زوجة عمران والبنية الماتت بنته ومثل
ما انت مقهور انا مقهور والصار ظلم ما ننكره كلنا الله شاهد .
ادخل ريــان بالكلام وشارك يوسف بكلامه
ريــان : وحقكم محفوظ وانا بعدني على كلمتي اظل احفر الهم
الى ان نعرف مكان البنت ونطمئن مدفونة حتى تحقق وصية امها .
ابو حسن : اولادنا بعيدين على ثارنا علي الآكبر رغم الثار
بس حب بنتك واخذتها والله شاهد بمعزة بناتي ولدي صارت
وابنك يريد بنتي ما اكسر بخاطرهم بس ثارنا يظل وياكم للممات .
انكشف سر ابوية عندي وعند دُر بقيت اني واخواتي ودُر
وحدة تصفن بالثانية بذهول ، رجعت اسمع من اتفقوا على حاظر والغايب
ابوية يريد يخلي مبلغ ادخل انــور وهو اقترح
انــور : مهرها بيت بـ أسمها بأي منطقة تريدها
والغايب مليار وعمرة .
ابو حسن : مليار ولك مليار ؟
_ اي لان على موتي اطلگ هي بس خليها تصير موتتني .
ابو حسن : طلعت اضرب من علي الآكبر .
انــور : علي الاكبر شنو ومنووو ؟
ريــان : اسكت مؤقت بس خليها تعدي بخير وبسلامة .
دقايق وصاحوا بصوت عالي طريق البنات كلهن طفرن
دخل ابوية وحسن وعلي الآكبر وياهم انــور وابو وريان
بقيت گاعدة وابوية بصفي وخواني بصفحتي گعد انــور بصفي
وبدا الشيخ يحجي واني اردد وراه ختمها
_ شهد صفوان هل تقبلين الزواج من انــور يوسف ؟
بقيت بصمت صوتي اختفى من الخوف والخجل والفرحة ما واسعتني
رجع كررها مرتين مال انــور روحه وهمس
_ لا تبيعين ثگل وجاوبي اريد استلمچ .
شهد : دير بالك ترا كعب عالي وجديد .
انــور : خليهم يطلعون واني اعلمچ لابسة فستان
ومكياج ومجهزة روحهااااا تريد تنخطب ام قندرة .
صاح الشيخ بينا جاوبته بخجل
_ موافقة .
كررتها ثلاث مرات ، ورجع كررها على انــور جاوبة من اول مرة
_ نعم قبلت .
_ الف مبروك ابني .
وكفنا اثنيناتنا اقترب يوسف باس راسي وطلع ظرف فلوس
بست ايده باحترام واخذته منَّ وانور باس راس ابوية وايده
انــور : شكراً موقفك هذا ما انسى طول حياتي والله .
ابو حسن : تعوضني من تحافظ على بنتي وتخليها بعيونك
وهاي مقابيلهم كلهم اذا بيوم نزلت دمعتها اخذها منك
خيالها بعد شنو خيالها ما تشوف خيالها .
انــور : بيت صفوان يباركون لا والله يهددون .
اتقدم علي الآكبر يبارك واحد باس الثاني وانور يسأل بكل ثقة
انــور : منو اقوى دخوليتك لو دخوليتي ؟
علي الآكبر: ربحت لك مدگدگ .
انــور : أنّت بالمولوتوف بطل گزاز اني اسلحة ورمانات اشتغلكم .
جــود : بس ما عندك يا فارس بدر وهي ما تكمل وتصير فخمة من دونها .
يوسف : عمي دخلنا بتاهووو وسديت الكم الشارع فزنا عليكم .
انــور : واليوم ابات يمكم مو بس علي الآكبر يبات بيتنا .
لزمه ابوية يريد يطلعه حك انــور بعلو صوته وتوسل
_ لا عليك الله بس ابارك لمرتي واطلع والله .
ابو حسن : گدامي .
تقدم واني اريد اموت بدمي باس راس علي الآكبر وجود
يسولفون همَّ وريان من رفع انــور ايدي فروا عيونهم صفح
وانور يركز باس ايدي وطلع صوت وعلي الآكبر وجود
طفروا برا الغرفة يغلطون عليَّ ما يتحملون يشوفونه قريب مني .
علي الآكبر: يلة طلع اخوك وين طالع انت خلي يجي بوية سحله سحل .
دُر : حق الله لازم يظل وياها على الأقل عشر دقايق .
علي الآكبر: ماعدنا هيچ لازم شنو لازم اسكتي مني دُر .
دُر : بابا اني اجي وياكم اليوم علي الآكبر كلش فاقد الاحترام ويايَّ .
علي الآكبر: وتروحين تسوين جرة اذن .
همَّ يحجون وانور واكف وجهه بوجهي ويهدد بيَّ
_ صح اجيت وخطبتچ وصرتي مرتي بس زعلان منچ
الى درجة احس كلبي يوجعني ، عادي تصيرين الغيري
مبدلة ومجهزة نفسچ لو متممين كلشي شلون ما فكرتي ؟
_ خيرتني امي بين رضاها وبينك انــور .
_ لو تحبچ ما تخيرچ وتشوفچ مجبورة وتبچين وما تهتم.
كمل كلامه وطلع انحرج منهم نزعت الشال
وفاتت دُر تهلهل وياها حُــرة على خط
حُــرة : ها زوجة حماية مبرررروك شلون اخذتي واحد نفسية
عيوني يوووويلي الله يساعدچ بسسس هاي اني بلغت بعد .
شهد : عادي نعيد تربيتهم من جديد شبيچ .
دُر : ترا اني اختهم وما اقبل عليهم .
شهد : اسكتي الفاهية لا اسحلچ هنا .
حُــرة : راشدي من يمج يفر وجهه .
شهد : حتى علي الآكبر يشغل المولوتوف على راسي .
حُــرة : وانــور الورد يشغل قنابل على راس اخوچ واهلچ .
اخذت دُر التلفون وطلعت تشوفهم اخواتي يباركون
وگعدت شمس تبچي وشرق تفرك بظهرها
شمس : ماحضرت امي ولا راح تسامحنا والله اعرفها بعد ماترجع .
شوق : لا تخربين فرحت شهد بهل كلام عوفها فرحانة
متأكدة ابوية يرجعها بطريقته امشي ناخذ شهد تگعد برا .
شهد : لااا راح ابدل ما احب هذا الفستان واستحي اظل بي .
انتظرت يطلعن قفلت الغرفة وخابرت امي جاوبتني بسرعة
ام حسن : سويتيها ؟
_ يمه ابوس ايدچ فكري بيَّ ما اگدر دخيلچ بدر
الزلمة ماعرف شي عنه .
ام حسن : وهذا خطفچ و*** والله اعلم *** حبيتي موو .
لطمت على وجهي من سمعت كلامها
_ يممممممههههه شنووو هذا الحجي يمممه عيب والقران
ما طخني والله بعدني مثل ما اني بس صح حبيته و.
ام حسن : متبريه منچ اليوم الدين لا انتِ بنتي ولا اعرفچ .
سدت الخط مني خلتني اشيل بروحي وارگعها
ملخت جريت شعري افتح بالتسريحة وشگگت الفستان عليَّ
بالقران ما طخني اني شريفة ما مسني والله طاهرة اني طاهرة
امي هاي امي هيچ تحچي الغرورريب شلووووون الغررررريب
الباب يدگ ما اگدر افتحه جسمي كله جسمي ثگل من قهري
وكفت اخذت ملابس لبست سريع وفتح الباب
من شافوني كلها بهتت ابوية صاح بيَّ بعمري ما سويتها
وما ارد علية من يحاجيني ركضت للحمام اغسل بوجهي
بكل حيلي اغسل ، بس طلعت لزمني جــود من ايدي
_ شبيچ مو انتِ تريدين انــور ليش تبچين شبيچ ؟
_ عوووفني بس عوووفوني وحدي خلوني وحددددي .
عفتهم اريد افوت دفع علي الاكبر بابي ودخل بس هوَّ
قفل الباب واني صرخت وعليت صوتي بدون قصد
_ اطلععععععع لا تحجي شي اطلعععععععع .
لزمني مو ايدي سحبني على صدره ادفع بي وهو متمسك بيَّ
_ شبيچ يا عيوني انتِ شبيچ منو وياچ منو زعل بنتي منووو ؟
_ ما اريد احجي كلبي هذا كلبي ينززززف من امي ينزززف
صدمتني ضربتني على وجهي والله ياريت ما خابرت يارررريت
عفتهاااا تزعل ولا تحجي هذا الكلام امي هاي امي يطلع منها هيچ .
گعدني لان جسمي من الرجفة صار يخوف وحلگي يبس
عيوني احس يطلع منها ناااار نااارررر والله ناررر من كلامها
گعد بصفي حاضني ويمسد بشعري بحنيته الي متعودة عليها
_ حاجيني شبيها شنو حجت وياچ .
_ اتهمتني تشكك بشرفي امشي تگول ....
حجي كل كلامها عيونها رادت تنط من العصبية طلع وهو يصيح بالبنات
_ ابقن يمهاااا لا تعوفنهااا وحدهاااا ، بوية تعال برا اريدك .
كمل وطلع يفوووور وابوية راح يمشي وياه يريد يتفهم شصار
اجت شمس وشوق يمي ماقبلت احجي كلمة ، لقيت راسي
واهز بجسمي الى ان تعبت وغفيت ودمعتي بعيني هدمت فرحتي هدم .
گعدت ثاني يوم عيوني مورمات وجهي من لطمي منتفخ
بقيت گاعدة بس بفراشي ، خفت احد يسألني ، وترددت اعرف شصار
البارحة بعد ما نمت ، ساعة واني نفس مكاني شفت تلفوني يهتز
مديت ايدي وشمس فززتني
_ من البارحة انور لليوم يخابر بس يريد يچي وياچ خطية .
رجعت ضميت ايدي وغمضت عيوني
_ تريدين اكل .
ما جاوبتها ، تهربت بالنوم ورجعت غفيت احس بروحي تعبانة
ضغط الفترة الفاتت ، والصار البارحة تعبوني هواي تعبوني .
للعصر گعدت غسلت واسمع صوت انــور برا
من طلع جــود بجيت وبقيت اكمز اختنگت احس صار حمل على گلبي
_ اذا يفوت والله شوف شسوووي بروحي عوفوني خلوني وحدي .
_ لچ بابا عيب من البارحة خابرنا كلنا وهسة اجه عباله احنا
وياچ وما قابلين على خطوبة يحلف بـ ابوية بس يحجي كلمتين وياچ .
دخلت للغرفة قفلتها بالساعة وعرفت بي طلع من صار صوتهم برا
اخذت تلفوني من سمعت رسالة
" لا تلوعيني لا تخليني اتوسل زعلانة لان گلت زعلان اسف
غلطت جنت زعلان بس اني رضيت وراضي عليچ فرحتي
البارحة ما انطيها الشخص من نطقها الشيخ وگال مرتك بوس راس مرتك "
جاوبته
" مريضة اني مو زعلانة منك لا تنقهر حباب مايهون عليَّ "
غلقت التلفون الثاني يوم عشت بنفس الوضع ثالث يوم صادف احد
ودوامي صباحي جبرت روحي اداوم لبست فستان ولفيت شالي
وعدلت وجهي حتى التعب ما يبين بيَّ وطلعت شفت جــود ينتظرني
بس وصل للباب علي الاكبر صاح بي
_ اني اوصلها بطريقي عوفها .
شهد : وفلك منو يوصلها .
جــود : اخذوها اهلها زعلوا .
شهد : ودوامها عزا خطية .
جــود : مشكلتهم .
صعدت بسيارة علي الاكبر يسوق سريع يريد يوصلني
لان دُر عدها امتحان ولازم توصل على وقت بحيث
الطريق كله عيونها بالملازم ما رفعت راسها
بعدنا براس الفرح وهمست واني اعدل الدفتر والجنطة
_ نزلني هنا عيوني لا تفوت بالفرع تتأخرون .
نزلت وهوَّ مستعجل واني امشي ورفعت الدفتر على راسي
وما احس غير انفتح باب سيارة ونسحبت من خصري ودخلت بيها
بقيت ارافس واسمع صوت مو غريب عليَّ ينبهني
_ لچ شهدهد هذا اني اني .
وكفت مصعوقة اريد اكفخه على هل رعب هذا اريد املخ هل خلقة
_ تريد تموتني ؟
_ جبت سيارة مظللة اريد ابوس .
حجاها وسحبني يريد يخليني على رجله ، لزم وجهي وباسني اول
بوسة ، وثاني قرب يصير بيناتنا من بعد ما حضني ، جر شفايفي
يتفنن بالبوسة واني جامدة ما استوعب شنو جاي يصير وشصار .
دفعته من صدره وسعت عيوني اتلمس بشفايفي تجري دم
سحب كلينكس وضحك وعيونه بعدهن عليهن
_ امسحيهن اروحلهن فدوة امسحيهن جانن بنفسي من يوم خطفتچ .
_ تكره روحك تريد اموتك مو ؟
_ شوفي اخاف جنت اسكت لان محافظ على مسافة هسة
تتصرفين تصرف موووو خوووش تدرين شيسووي .
_ شسوي مثلاً ، تهديد لا تهدد والله هاي الجديدة اشغلها عليك ابو شمه .
_ گول بعد شمه اعضها شفتچ عض املصها ملص .
حرك السيارة اشرت على مدرسة قفلها وهوَّ يشغل جگارة
_ اخذت اجازة مخطوبين من المديرة لا تخافين قبل لا ينتهي الدوام نرجع .
_ اريد اداوم لا تبتعد نزلني فدوة نزلني .
_ لا تخافين صرتي حلالي .
_ شنو حلالك نعجة اني .
_ شنو قصدچ اني خروف ؟
_ هاي شلون فهمتها ؟
_ غير نعجة تتزوج خروف .
_ اسكت مني لا تغير الموضوع ورجعني حباب .
_ غبي اذا ارجعچ .
ضربت على رجلي ودرت وجهي على شارع
وترني ، خفت والف فكرة صارت ادور براسي
بس لا ياخذني على بيت يااا يمه شكد عيب اموته وافلت
لا يمكن اكو شي شريف براسه ان بعض الظن اثم
شفت دخل بشارع بي مطاعم صف السيارة ونزل نزلني
لزم ايدي ويمشي واني أتلفت خجلانة كلبي يريد يوگف
ومن اركز بي ابتسم واخجل هذا المدگدگ هوَّ نفسه يمشي ويايَّ .
دخلنا سلم على كاشير مبين يعرفه ويتردد على هل مطعم بكثرة
اجه شخص ابتسم وقدم لابتوب اثنين عبالي يريد نتصفح بي
_ شنو وقت لعب ؟
_ ههههههه اختاري وجبة ام قندرة .
_ ام قندرة شنو شكد عيب لا يسمعون .
نزلت اشوف بالآكلات عقجت وجهي ورجعته على ميز
_ شنو هاي اطلب انتَ هوسة .
طلب نفس وجبته وكف اجه بصفي وقرب الكرسي يمي اخذ ايدي
بيده فتحها يبوس باطنها ، رفع نظراته ثبتها بعيوني ويضحك
_ صرتي حلالي بس ما اخاف اقترب منچ .
_ حتى لو خطيبتك بعدني مو مرتك غلط تقترب مني .
_ بالخطوبة لازم ضروري اقترب سمعت الخطوبة احلى من فترة الزواج .
_ ايامها حلوة مو احلى من الزواج يسمع ويطبق بدون فهم .
عاف ايده وقبض ايده يقبضها ويفتحها يصبر بروحه
انــور : شهد هذا لسان سيطري عليَّ اني زلمة عصبي
لا اروح افلتهاا وتصير مو زينة .
_ شسوي تضرب ؟ اطلع على حقيقتك خليني اخربها واگطع اثرك .
_ شلون راح الزم اعصابي الصبرررررر ربي .
_ شوف انــور اني سمعت ايدك طويلة وشفت هم
خليني اتفاهم وياك على نقطة مهمة بحياتي .
_ ما راح اضربچ وعد زلمة وبيوم ترفع ايدي عليچ شاربي أزينه .
ردت احجي رفع ايده على شفايفي سكتني وملامحه نقلبت للجدية
_ متندم وشيب ترس راسي على كل يوم ضربت بيها دُر
واخجل منها ومرات من اشوفها اتذكر اريد اخذها بحضني
واتراجع اريد اعتذر الها من كل كلبي احس بيني وبينها حاجز
حتى نظراتها من تشوفني بعدها تنظر بخوف وما تتوقع تحركاتي
احسها تتردد بكلشي يخصني هل موضوع متعبني .
ملت راسي مرد گلبي مرد
_ بس والله دُر تحبك تموت عليكم انت وريان .
- ادري بيها وحنيتها اتعبني اكثر وتخليني اكل بروحي من الندم .
_ عرضها .
_ شلون ؟
_ ارجع حقق احلامها الي جانت تتمناها من عدكم .
- حافظهن كلهن حافظهن .
_ نفذهن لا تحفظهن واني اساعدك .
نزلوا الصحون اشكال الوان من الأجبان والبيض
هو كاعد يمي بقيت اباوع على جبن اخذ بالشوكة يريد اكل من ايده
باوعت على مطعم ورجعت اخذت وحدة اريد اكلها جر ايدي
واكلها ورجع يريد اكل
_ استحي كافي شبيك .
_ شهد تستحي معقولة ؟
_ هاي شبيك وحد اني ما استحي شنو هل نظرة ؟
_ اكليها لا اخذج بحضني اوكلچ غصباً عنچ .
_ سوالف المثقفين هاي ما احبها ابد .
_ واحد اثنين .
اخذتها اكلتها رفح استكان الجاي شربني ورجع اخذ بعد استسلمت
وبقيت اكل من عنده وهو يركز تركيز يخليني اختل
بهدومي من نظراته الجريئة .
ما صدگت خلصت رحت للحمام اغسل امسح بوجهي واهفي بيدي
اريد النفس يمه شكووو شبيچ صيري قوية شدي روحچ يشوفچ
خجلانة انوب يتمادى اكثر ، انتِ قوووية اني شنووو قوية
لا لمدگدگ ولا عشرة مثله يخلوني اخجل
طلعت رافعه الراس هيج ابتسامة ما ابتسم نفسية فول
سحب الجنطة مستعجلة بالمشي
_ يلة انــور نرجع تأخير ما اريد .
_ لا ست شهد ما اقبلها نرجع .
_ انــور اهلي ما يعرفون طالعة واني مريضة رجعني .
عافني احجي اخذ ايدي وطلعنا من المطعم ما قبل نروح للگراج
طلع برا المطعم يمشي بالشوارع والمحلات تجنن اخذ عصير
نشرب ونمشي بس اني انتبه على تحركاته مايحب احد يباوع بوجهه
يرتبك ولا هو يخلي عيونه بعيون شخص يتجنب العالم
دخل على محل ورود طلب منها ترتب بوكيه ورد سحبت ايده وهمست
_ لا مايحتاج حباب شنو اگول اخواني ابوية اذا يشوفون .
_ عادي بالمدرسة سلمته الچ صعبتها بعد .
عدلت شالي واخذت ايدي منه حتى لا يحس برجفتي بس خلصت
سلمتنا البوكيه اخذته منه اشم بعطره والدمعة بطرف
عيني اخاف منها تنزل ، رفعت وجهي تحاسب والتفت يبتسم
_ عطرچ اطيب من عطرهن والله .
خجلت ومن الخجل اريد اطلع وما احس روحي غير انرفعت
وبكل قوتي انظربت بالباب ورجعت وگعت على ظهري .
نزل يتفحصني ويرفع بيَّ وينزل بالفستان وكفت ما بيَّ شي
راسي ماخني من الوجع بس الفشلة وجعها اقوى هو صامد
فتح الباب ويسألني شلوني وجهه انطعن طعن احمممرررر
طلعنا واني متمسكة بالورد بعين صلفة وامشي عود ما بيَّ شي
اني وصلت وصعدت بالسيارة وطگيتها بچي من شفته يضحك عليَّ
ويدگ على رجله حيل حيل حيل اختنگ من الضحك
واني اختنگت من البچي .
ظل يمسح براسي لازمني يشوف راسي عنجر انوب
ومن يشوفها بعض بشفايفه حتى لا يرجع يضحك
_ اضحك كملها لا تموت .
_ لا سودة علية ما تستاهلين ههههههههه .
_ كله منك بعد ما اطلع وياك لو تموووت .
_ ثولتچ بجمالي وهيبتي حقچ الله يلوم كل من يلومچ .
حرك السيارة ويمشي بطيء رجعنا للمدرسة بنص الدوام
دخلها وايدي بيده والورد بعده بيدي من شافونا المعلمات والمعلمين
اخذوا لحظة صمت وسن اخذت لحظات حدادة على روح احلامها
كلها تبارك النا من وصلت الوسن اجت تهز بيدها وتضحك
_ صدك من گال ابو المثل من السكوتي موتي ، اكثر معلمة جانت
ماطيق استاذ انــور صارت خطيبته .
انــور : اني داومت الخاطرها حتى اقترب منها لان قبل المدرسة احبها .
رفعت حاجبها متعجبة تباوع عليَّ تستصغرني ردت امرد عيونها
شهد : خطبني الف مرة ورفضته بس بعدين قنعني .
مرد ايدي بيده ودخل گعد وياهم وهوَّ يضحك
_ باجر كلكم معزومين على حسابي بعد الدوام .
شهد : آخذت رأيي؟
التفت ساكت بس يباع بوجهي ، رفعت حاجبي وهزيت ايدي
طبگت رجل على رجل وگعدت ، طلع التلفون صفن بي وصاح
_ نسيت باجر عملية اخوية خلوها غير مرة نحدد موعد اني
وست شهد ونطلع كلنا .
شهد : عملية .
_ اسكتي لعد شگول شهد ما تقبل .
_ وتفاول على ريــان .
_ كلشي ميصير بي ابو راس .
حُــرة ..
نهضت من التخم بعد ما حفظت ملامحة التعبانة وصوته وشكله
بكل ليله مرت بهل ايام الفاتت وهوَّ يتوسلني ينام بغرفتي
غسلت وجهي بالحمام وعدلت شعري على مرايا ، اريد انزل
اجهز ريوك اني فتحت الباب وصارت رنيم مقابيلي وامها وياها
مرجعتها ، دفعتني بكل حيلها من ايدها اندفرت بالگاع على عكسي
صرخت وهي صرخة وفز ريــان من الفراش مرعوب هو شافها
تخبل ريــان تخبل يريد يلزمها وامها تصد بي خلتها وراها وهي تصرخ
_ اگول ذا تجاهلني شمررررني كل ما اخابر يگول ارتاحي ابقي الفلوس
توووصل اثاري الطفلة مالته منومته بحضنها للصبح رنيم شنو .
وكفت امسح بيدي كلامها يخنك يدمرني وتگمز وتملخ بروحها وتصرخ
_ ولچ انتِ شني تررررويدين من عدناااا فهميني
دخلتي بالنص وهجمتي الأول والتالي خبلتي .
ام رنيم : حتى ابنة بعد لا يريده ولا يسأل على حبيبته
انتظرها سنين من شافچ غسلتي عقله غسل .
ريــان : تسكتين انتِ وبنتچ وتخليني محترمكم لا وحق الله
تعررررفوووون شنوووو اگدرررر اسووووي .
رنيم : وينها الممثلة الي تسوي روحها طفلة وهي شيطانة
اكوووو اكل نرررجع مثل قبل واحسن شوفي بطني
اني حامل بـ ابنه حامل بوووولد وانتِ عثرة بطريقنا بت ياسين عوفيناااا .
اريد اطلع لزمتني من ايدي تهز بيَّ وام رنين تتوسل بريان
ما يضربها وهي تصرخ بوجهي بخبال وجهه من العصبية يهتز
_ عجبچ مووووو تصيحين ما اريده واني احب ومخلصة
المصطفى ووووين كلامچ وين صار ريــان يحلى بعينچ
حبيتي ترررريدي ؟
حُــرة : اريده شنوووو ؟ ما احبه لو يظل اخر رجال بالعالم .
رنيم : جذذذذذذابة ولكممممممم جذابة لو ما تحبي وبعدچ
مثل قبل تصدي عنچ وتخلي يخاف حتى يجي يمچ
چان ما دخل ونامممم عندچ لو انتِ مثل قبل ما تفوتي بغرفتچ
لچ شيطانة انتِ شيطااااانة.
من منظرها والله والله خفت الزمها املخها الخاطر حملها
صبرت روحي عليها وبس سحبت ايدي منها وجاوبتها بنفس علو نبرتها
حُــرة : انتِ الكلام وياچ عقيم ما احجي خليني انزل روحي من وجهي .
نزلت سريع بلعومي صارت شهگة اريد اشهگ اصرخ ابجي اختنكت
دخلت للمطبخ وبوجهي للمخزن قفلت الباب اكتم بصوتي
مو وقتهاااااا لا ابجي ممنوع تنزل دموعي حقهاااا والله حقهاااا
اني عثرة بطريقهم هذا زوجها حقها وحبيبها ابو ابنها
ريــان متزوج وزوجته حامل حررررررررررة .
طلعت من سمعت طگطگه شفت ريــان مقابيلي تجاهلته وطلعت
جبن وفتحت الغلاية اتجاهل وجوده استوقفني من گال
_ اسف على موقف الصار مايتكرر بعد .
_ ماكو داعي تعتذر لان ماسوت شي غلط رنيم البنية صح كلامها .
_ صح كلامها ؟ يعني صدك حبيتيني حراير ؟
ضغطت على اسناني اضرب بالميز وفتحت ايدي وبغضب صرخت
_ عفت كل كلاااااااااامهااااااا وركزت بهل كلمتين احبك
اني احبك شلووون احبك تخبلت اني كلبي مااااات مدفووووون
ما يحب كلبي ما يحب اصحى ارجع الحب حياتك ام ابنك عووووفني .
طلعت من المطبخ واني اضرب بگلبي واصعد
ملامحه صدمته عيونه وشكلها ودموعه يتراوالي
تبلت رسمي تخبلت اركض واردد بيني وبين روحي
عوفني عوفني عوفني دخيلك خليني ارجع الهم ارجع
دخلت للغرفة قفلتها وصوتهااا بعده عالي رنيم بعدها تصيح
سديت اذني وارجع اضرب براسي ودموعي تجري
لچ شبيچ اصحي حررررررة اصحي ريــان انتِ مجبورة
عليَّ انتِ حبيبتة المصطفى ريــان اخر واحد تحبي ريــان
رجعي غريب لااا ياربي كلشي ولا هل احساس انسان غلط ريــان غلط
لچ حرررررررررررة فتحي عينچ متزوووووج رنيم حب حياته
انتظرهااا سنين ينتظررر بيهاا انتِ طرف ثالث مرته حامل .
نطقتها وگعت بالگاع اضرب على راسي وروحي راشديات
حامل راح يصير اب ريــان ويگدرون يفتحون صفحة جديدة
لا تبقين بينهم لا تبقين لچ لا تبقين ، فزيت اضغط على اذني
من وفي من صوتها وصياح ريــان هز مسامعي
طلعت خايفة يرجع يضربها ، وصلت للباب وامها خايفة
برا تستمع فتح الباب عليهم وصحت على رنيم ملخت نفسها
حُــرة : صح انتِ صح والله الصار غلط واكبررر غلط ما يتكرر بعد
ولا يتكررر وروح مصطفى ارجع الحدود اكبر واكثر من قبل .
شگت عبايتها وتضرب بوجهه رفعت ايدي اشر الها لااااا
وعيوني على بطنها كبرانه وهي تلزمني من ايدي حيل
رنيم : موووو كافي لچ وجودچ هناااا اكبر غلط مخلين وحدة
متزوجها حلال عليَّ وبعدچ صغيرة غلطططططط غلطططط وتگمزين
على راسه وتسوين هاي حركاتچ وهوَّ رجال طبيعي يرغبچ
يريدچ يخليچ برررراسه هوَّ هسة يريدچ رغبة لا تتأملين اكثر .
وكفت امنعه منها سحلني وشمرني ولزمها فرها من ملابسها
رنيم : لو اموووت روحي اليوم لو هل **** تطلع من بيتي هذا بيتي .
ريــان : الطمع دمرررررررچ ، الفلووووس عمت عينچ رررررنيمممم .
حُــرة : كااااافي تتعاركوووون كافي رنيم بس صبريلي والله
راح اروح منا حبابة راح يصير شي بيچ وبالطفل .
اني حجيت هيج والتفت ريــان عيونه نطت لزمني من ايدي وصرخ
_ ووووووووووووين لچ وووووووووين ؟
جريت ايدي وعطت بوجهه
_ هذا مو مكاني وجووودي اكبر غلط اني مو اناني لو هجامة بيوت .
كملت كلامي جريت ايدي منه وطلعت شبه منتهيه صبري نفذ
دخلت للغرفة ماكو دقايق وندك الباب وصوت ريــان عالي
_ حُــرة فتحي خليني احجي ونتفاهم مو يكيفچ تقرررين .
قوت الضربة ورنيم شهرتنا مو بس بالبيت احلف حتى المنطقة سمعت
رنيم : افتحي الباب ررررراح يموووووووت لچ فتحي
يرررركض وراچ صاااار مثل الطفل خليتي خاتم بيدچ بنت ياسين
تمكنتي ولچ تمسكنتي وتمكنتي .
سمعت صوت راشديات وصراخها وهو يصيح بيها
_ عيب عليچ لچ عيب الج عين وتحجين انتِ .
_ انت ابو ابني اذا موووو علمودي الخاطر الطفل الي ببطني .
_ لازمتني انتِ لچ لزمتيني من ايدي الي تووووجعني
خليتيني مربط والله لووو موووو حامل لچ والله لحظة ما تبقين على ذمتي .
ام رنيم : خليها تصيح دخيلك لا تهتم والله من الحمل عصبية هاي هرمونات .
رنيم : مخلي طفلة تتحكم بحياتنا .
_ تاج ررررراسچ هاي الطفلة تاج راسچ
لچ على اقل تدري الي حبته غدرهااااااااا
وما تقبل تنطي بي بحررررف وخلت مصيبته
وياها تحفررر بگلبها وما گالت غدرني .
رنيم : بنت ياسين تاج راسي ؟
ريــان : حبت ما كسرررت احد مثل مااااااااا كسررررتيني
لچ رنيم كسرتچ دمرتني والله دمرتني ، هاي الطفلة ما ضمت روحها
مثلچ اتفقتي انتِ والرياش تختفين وتستلمين المبالغ المهولة
الي استلمتيهاااااااا من الررررياش ياااااسين وخليتيني عايش
سنين عمري متندم متعذب انتظرررررر بيچ لچ شلوووون انسى
شصار بيَّ منچ شلوووون ، ندمان والندم ذبحني على
ايامي انتظاري الچ تررررجعن ياااااا ريت ما رجعتي يا طماعة
استغليتي حبي الچ جنت مفكررر انتِ تختلفين طلعتي اسوء من ياسين .
رنيم : اني بسببببكم ادمررررت لا تنساها .
ريــان : جذابة انتِ اكبر جذابة زوجوني الريفي المخادعة
ابوچ من من القهررر شاف بنته عااااااق صدمتي بطمعچ والجشع
وهمتيني تعذبتي طلعتي عايشة برفاهية وامي سنين تضحك
عليَّ وتسافر يمج بالشمال تتونس وتجي تبجي يمي
كل فتررررة تريد بتها وتخليني ادور مثل المخبل وطلع كلشي وهم خطة.
سديت اذني اضرب براسي بالكنتور صوتهم دمرني صووووتهم
دقايق والأصوات خفت احسن من قبل حبست روحي انتظرت اليل
لبست ملابس اريد اطلع اهج منااا ، اخذت فلوس مجمعتهم وطلعت
بلا لا اصدر الصوت بلغت الحرس وفتحت الباب توني امشي
وانور طوط بسيارة احتاريت بين اثبت وبين اركض
اجه مستعجل سحبني من ايدي وفوتني
_ وين رايحة ريــان يدري ؟
هزيت راسي بـ لا خايفة من انــور شكله وتعاملة يخوفوني
ما تحملت انفجرت اناشغ وابجي بعالي صوتي ، اشنج بجسمي
واقبض بـ ايدي واتوسله
_ هل بيت اموت اذا كملت بي طلعوني منا انووور الله يخليك
اخذني احسن من ما اني اطلع انتَ طلعني .
_ منووو وياچ منوووو .
_ مو طرف ثالث اني مووو طرررررف ثالث .
هنا افتهم ترك كلامي واخذني من ايدي فوتني
نزل ريــان ورنيم عاط بيهم انــور يسأل
_ شمسووووين انت وهاي هي وامها شكووو هنااااا .
حُــرة : طلعووووني من هل بيت ما اظل هنااااااا .
اريد اطلع ركض ريــان حضني دفعته بكل قوتي
رنيم : ليش تدفعي صرررتي شريفة تستشرفين هسة غير عودتي
يحضن ويبوس بيچ وليل كله مخليته بحضنچ نايم .
هجمت عليها تخبلت اكثر منها صرخت بوجهه
_ يناااام بحضني شنوووووو ولچ منوووو هو وينام بحضني
ما نايم شنو هل صلافة ووووين ينام بحضني
لووو اموووت ما اخلي لووو امووووت اني احب مصطفى .
جرني انــور جر يخليني وراه ظهره وريان رفع ايده وصاح
_ رجعتي تعيدددددين هذا كلامچ ليشششش تخليني اربيچ .
حُــرة : انوووور طلعني منااا .
انــور : تطلعين بس خليها براسچ مو بكيفچ تطلعين
وين ما تريدين والمكان الي يعجبج ، خيارين عندچ
لو تگدرين تتحملين هل بيت وتتعايشين وتوكفين الكل
عند حدهم ، لوووو تگولين ما اگدر
ادزلج لا بيدي ارجعچ البيت ياسين لو بهذا البيت .
حُــرة : اوگف منووو رنيم حقهااًهذا زوجهاا ابو ابنها
اوكف بوجهه بنفسة صاحبة حق حتى لو غلطت
رجعني على بيت ابوية اليوم واخوك خلي يطلگني .
_ريان طلگهاااا ..
يتبع ..
ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..