_____________________ الــريـاش
﷽
𓆩 اســاور حــسين 𓆪
بقلمي رواية : الــرياش
دفع راسه برگبتي يجر النفس وكأنه مخنوگ ورجع يجر انفاسه
بقيت ارجف بيده هاي اني القوية انتهيت وصرت ابجي
من لمساته هو مايحس على روحه بس اني احسهن قاسيات
نزلت دموعي بس سمع شهگتي ابتعد
_ شبيچ حرتي ؟
_ ريــان .
_ عيونه وگلبه انتِ .
لزمت گلبي وهزيت راسي واني ادفعه من صدره
_ دقيقة عيوني دقيقة .
_ ها شبيچ .
_ اجر نفس .
_ ها العرمة ما تگدرين بعد تجرين النفس .
_ ليش هل سمعة ؟ وبعدين اي ما اگدر توتر ميصير .
_ مابيچ شي بعده لسانچ طويل .
رجع حضني يريد يبوسني صحت واني الزم راسي
_ دخت راح يغمى عليَّ يمه .
_ ممثلة بنت ياسين بعد .
_ وصلاة امي وابوية دخت .
_ صدگت .
اشرت على جنطة الملابس واني ابتسم واتنفس بصوت عالي
_ اكشخ اريد البس ريش .
_ يلة اني هم احب الريش .
_ ابن الرياش بعد تموتون على ريش .
_ مابيها شي والعباس السانهاااااا طوووويل .
_ تعبت اول مرة اتعب من الحجي شفت شلون وضعي متخربط .
_ جاي اشوف وساكت اريد اعرف لوين
توصلين اني وياچ والزمن طويل .
رفعت البدلة واني ابتسم هو شمر روحه على تخم ومد رجل
سند ايده على تخم ولزم راسه يباع عليَّ يريد يشوفني شسوي
حُــرة : فدوة لله شگد طالع حلو .
_ خلصينا استعجلي .
_ بالله ارفع ردت القميص اشوف الساعة وكذا .
_ راح اگوووووووووم .
_ شلون تنام انت اليوم شكبرك الله ينومك .
_ استغفر الله ربي الصبرررررر ياربي الصبرررر .
وكفت باب الحمام ذبيت البدلة وطفرت بالحمام وهو مركز بيَّ
_ هسة ليش عصبي يا عيني اعصابك .
_ ابقي هيچ شلعي گلبي حُــرة .
_ حراير بليز .
_ حرررررررايرررررر .
_ بارد واموت بدمك انت البارد أتنفسك يالجامد .
غسلت وايدي ترجف أوضاعي متخربطة لبست ابيض بـ ابيض
عدلت نفسي وطلعت لگيته بس بالبنطلون هو شافني من شفته
رجعت للحمام سديت الباب ، بقيت شوية واسمعه صار يسحب
نفس الجگارة هيج من كُل گلبه وبكل غضب قويت روحي
والله اخجل وما متعودة عليَّ جان غريب ، صار ابن عم ، زواج اجباري
وعدني اصير حالي حال اخته ، وتحولت صداقة ، تقبل ، وهسة شنو
كلهن تحولن حُب اليوم اني احبه وهو يحبني هل ليلة ليلة عرسنا
ليلة عمرنا الجديد صرت زوجته المفروض ما اخاف لان هذا الصياد
طلعت رجعت شفته ذب الجگارة وابتسم بوجهي أجه إتجاهي
تلمس ايدي ورفعها يدلك اصابيعي ورفعها يبوسها
_ ناعمات احبهن .
_ عادي بس تحضني ؟
_ وأنا الممنون .
ضمني بين أحضانه يمسح على راسي بكُل حنية واحتواء
_ جوعانة ؟
_ اي ناكل ؟
_ تأمرين آمر حرايري .
ابتسمت واني اشوفه يروح بصف السرير
تلفون رفعه يخابرهم ويطلب رحت گعدت
وهو واكف تلمست ايده وهو يحچي وياهم
صفن بوجهي واني ثبتت عيوني بعيونه
سد الخط ونزل نفسه باس شفايفي وابتعد
_ اروح فدوة لهل عيون .
_ تدري ؟
_ شنو ؟
_ اكثر شي اشتاقت اسوي من انفصلنا لليوم ؟
_ شنو .
_ تگعدني على رجلك مثل قبل .
سحبني من ايدي وگعد بمكاني وجرني على رجله گعدت حضنته
_ تحبني ؟
_ اكثر من روحي .
_ لعد بغلاتي عندك ما تجبرني على شي اليوم .
_ تم .
دُر ..
اذب بالفستان ودارين يمي تنقلي بالصور من تلفونها لتلفوني
اخذت ملابس ورحت للحمام سبحت على سريع وطلعت مبدلة
انشف بشعري اندگ بابنا فتحته عبالي علي الآكبر دخل جــود
_ ها جــود .
_ طالعة عروس زوجة اخي النازوكية .
طلعت دارين من الغرفة اشرت عليهم اثنينهم
_ يوم الكم انتوا لاثنين وافرح بيكم .
جــود : نذر هذا بيوم عرسي اولع الشوارع
والقاعة والفندق وكُل مكان امر بي بـ يا فارس بدر .
دارين : ليش هاي بالذات .
جــود : يجي يوم واشغلها مقابيل ابوچ وتعرفين ليش .
هو يحجي يريد يكمل وگف لثواني وصاح وهو يفتح ايده
_ طالعة صدگ جكليته بهذا الفستان الجوزي .
دارين : حلو ؟
_ سحلني وسحل اهلي .
دُر : ديلة اطلع لا يجي علي الآكبر وهم يصير عصبي مثل ذاك اليوم .
جــود : هو علوله يبيع استشراف براسي .
بعده يحجي وضربه علي الآكبر على ضهره طر ظهره طر
_ أبيع استشراف ليش انا مو شريف يعاررررررر .
جــود : لا والله انا مو شريف لان محترمكم واجي يمكم .
علي الآكبر: امشي اطلع لا احودك حوووووود وحگ علي .
جــود : جكليته امشي ويايَّ .
علي الآكبر: وووووووين وين ؟
جــود : اوصلها للغرفة مال جدتي خطية يمكن نعسانة جكليته.
علي الآكبر: امشي مناااااااا جــود امشي منااااااا .
بس دارين فاتت تسبح علي الآكبر اجه يمي لزمني
_ دُر مو بلغتچ اذا دارين بالبيت جــود ما يفوت للبيت
- حبيبي عبالي انت .
_ دُر اني واثق بجود .
_ اول تالي دارين وجود يتزوجون يعني عادي .
_ يتزوجون ؟
_ اي .
_ منو گال .
حضنته من رگبته ورفعت نفسي واني أهمس بثقة
_ اني قررت واذا اني اقرر لازم .
_ انفذ اني وعشيرتي .
_ هههههه اي ضروري بيبي تنفذ .
_ وعمران حبي .
_ هذا انت تستلمه .
_ راح نرجع للثام .
_ اوي اي اريد ترجع اشتياق بيبي اشتياق .
_ افدي هل دلع بروحي افديچ انا افديچ بروحي .
لزمت بطني فكيت ايدي منه عدلت نفسي
_ دُر نامي صار كم يوم تفترين الطفل تعب .
_ وانت وين رايح ؟
_ اشوف جــود .
_ راح تبدي بجود .
_ المهم رايح انفذ روحي انتِ .
طلع واني رحت على ثلاجه طلعت شاورما وفتحت كاميرا
اني وشهد أحمي بالأكل واسولف وياها ، طلعت دارين
واخذت خبز الصاج من الثلاجة تلف بيهم ويخربون ماتعرف
حاولت بيهم وجاوبت شهد على كلامها
_ هي حُــرة گالت هيچ ؟
شهد : اي والله گالت حالي حال اخته بقت اشهر عود صارت زوجته
وخلته يحبها يموت عليها اني هم اظل اشلع بگلبه الحد ما اشوفه ميت بيَّ .
دارين : هايَّ الحيوانه من شنو مخلوقة .
شهد : بنات والله اني جنت ما اصدگ من يصيحون عليها جنية
من اجيت وعاشرتها يمه حتى الجنية مو مثلها مخبله العائلة كلها .
دُر : تعلميني بيها هي ابوها فرته فر انوب هسة اجت على اخوية .
شهد : هو اخوچ راضي متونس على عمايلها بس يضحك .
كبست الصاج واخذتهم على ميز الطعام فتحت دارين عصير جاوبتها
دُر : خطية اخواني الله عاقبهم بنسوانهم .
شهد : اوكفي لحظة شنوووو عيدي عيدي سمعي ثگيل .
دُر : حُــرة خبلت ريــان ، وانتِ مرجفة انــور .
اشوفها طلعت من الغرفة تمشي سريع ومن فوك صاحت على انــور
فرت الكاميرا عليَّ وهي تحجي بقهر
_ دُر تحجي عليَّ اختك هاي اختك الحيه .
انــور : شبيها شصاير ؟
_ تگلي رجفتي اخوية .
رفع حاجبة واخذت التلفون ابتسمت وغطيت وجهي
_ ها دُر .
_ ها انــور .
_ شبيها شهد وياچ ؟
_ حبيبي دا أربيها الك .
_ باجر الصبح اجي اخذچ تبقين ترتاحين يمي هنا .
_ بس علي الآكبر يمكن ما يقبل .
_ اجي والله كريم .
شهد : شو هذا غير الموضوع انوب عزم اخته .
رجع التلفون وهو يبتسم لمحته گاعد على تخم بنص الصالة
ومقابيله سلاح لون اسود كاف القميص ويشتغل بي عبالك مافيا
دارين صفنت بي فرت شهد التلفون عاطت بيها
_ استحي شوية لچ عينچ افگسهاااا هذا كُله ملكي .
حجتها وسدت الخط بوجهنا ، هزت دارين ايدها وهي تضحك
_ شوف هاي هو اني غير سيطر على گلبي ابن صفوان .
_ اخوها .
_ اي وبعد ما إشوف غيره ابو جكليته .
_ وهوَّ .
_ بعده ما معترف يبيع ثگل .
غسلت رحت للغرفة وهي رتبت المطبخ واجت وكفت بالباب
_ اروح انام دُر باجر اجي اشوفچ .
هزيت راسي وآني مندمجة ما جاوبتها
_ احجي وياچ الو .
_ لچ ماشي ماشي مو نازل بارت
اريد اقرا لا تقاطعين حبل مخيلتي .
_ بارت شنو ؟
_ رواية .
_ رواية شنو .
اجت يمي فريت الها التلفون قلصت حاجبها
_ وهذا كُله تقري ؟
_ قليل ولچ بسرعة يخلص .
_ كُل عقلچ ؟
_ جربي اقري والله تصير ادمان لچ اني قبل زواجي جنت اقرا .
عافتني وطلعت ما مقتنعه واني رجعت اقرا بعدني بنص البارت
ودموعي صارت تجري دخل علي الآكبر ما تحملت شمرت التلفون
ورفعت ايدي اشهگ مخنوگه حضني يمسح على راسي ويصيح
- منووووووو وياچ منوووو خابرچ لچ حاجيني والله اموتهم والله .
_ هذا تموووووز .
_ يا تموز ؟
_ تموز موت ذهب من الضرب فلشها للبنية
ملخهااا تملخ خطية البنية مريضة مريضة عود يحقق وياها .
_ ذهب منووو .
_ زوجته لكانون يصير ابن عم تموز .
_ شنو السالفة حبي كانون منو تموز منو لا تخبليني .
شهگت واني الزم گلبي وارجف وهو يمسح على شعري
ما مفتهم فتح تلفوني شاف البارت رجع شمر التلفون
بعصبية مقلص حاجبه وياخذ بيدي ما راضي
_ قصة روحي قصة .
_ بس صارت وصدك ضربها .
_ شسوي هسة انا اروح احودهم حود واسبيهم سبي .
_ والله اذا اندل عنوانهم اخليكم تروحون عليهم .
حجيتها واني ارجع راسي بحضنه وابجي رجعت اخذت التلفون
اخذه من ايدي رفعت راسي أتوسله
_ بس اشوف كانون وين راح ليش ما يجي يحميها من هذا الوحش .
_ روحي تقرين حتى تتونسين لو دگ ولطم شسالفه ؟
_ اني اريد اتونس بس هاي الكاتبة بهذلتني .
_ اسبيها سبي وحگ علي نخلص من الضيم الحقيقي تجين هنا تبجين .
راح يجيب ماي اشرب شمرت التلفون وغطيت وجهي
_ ها شكوووو ؟
_ قفلتهااا انوب قفلتهااااااا .
_ شنوو راح اكسر التلفون .
_ انتحرت ذهب شمرت نفسها على سيارة .
_ ليش .
_ مو فراس وكانون وتموز راح يسلموها للدولة .
_ ليش يسلموها للدولة .
_ غير اهلها دواعش ودزوها بمهمة حتى تسلمهم راس كانون .
_ كانون زوجها .
_ اي تزوجته بمهمة .
_ انتِ شنو گاعد تقرين روحي دُر ترا ما عايزين
ما نصدگ نرتاح يوم تروحين تشيلين هم العالم وتبجين عليهم .
غطيت وجهي واني ارجف جر المخدة
_ رجعي ضهرچ عيوني رجعيها وعوفي هل صخام
انعل ابو القصص شنو تبجين عليهن .
_ انقهرت والله علي الآكبر هسة نمرد گلبي .
_ بعد ممنوع تقرين شني هل ضيم فوكاها قصة لا هي زلمة
وأحاسبها على هل دموعچ ولا هي واقعية .
_ شنو مو واقعية ترا حقيقية .
_ بداعت الترا اعصابي فارت اسكتي عوووووفيها .
_ ليش تصيح .
_ بعد لاااااا تقريهن .
_ لا ترفع صوتك هاي شبيك .
_ چا شني تحرگين گلبي وتبجين
على هيچ شي وتخليني احترك وايدي مربطه هسة
انا احاسب منو على دموعچ ؟
باوعت على تلفون ورجعت اباع عليَّ بقهر
_ تعال نومني حبيبي راسي صار يوجعني وبطني تشنجت
_ عفية عليچ عرس وفرحانة شبيچ دخيل ربچ .
_ اذا اكمل احداث هيلانة والسفاح هسة اجيب .
_ اسحب التلفون ؟ اسوي بلوك للرواية وللكاتبة ؟
احجي فهميني شسوي هسة تسكتين لووووو شلووووون .
_ نومني وتروح مني هاي الشهگة .
جرني بكُل هدوء على صدره نومني ويمسح بدموعي
يغنيلي ويدللني ضحكت واني ارفع راسي ابوسه
_ ابوسك بس اسكت حبيبي صوتك محلو .
_ هههههههه بوية دُر ابقي اضحكي لا تعذبيني .
نمت الثاني يوم فزيت على صوت أذان الظهر
رحت اتوضأ ورجعت بغرفتي بعدني اصلي
واسمع صوت علي الآكبر فتح الباب ويحجي
_ أتفضل انــور .
لملمت السجادة وطلعت من شافني انــور ابتسم
سلم وباسني وهو يسحبني اگعد قريب منه
انــور : اجيت اخذها اليوم غداها عدنا .
علي الآكبر: شكو .
انــور : مو ريــان وحرة اجلوا سفرتهم على باجر
نريد كلنا نلتم هيج لملمة عائلية .
_ شوكت يسافرون .
_ باجر الفجر .
انــور : يلة بدلي .
علي الآكبر: هاي مو حالة اليوم والثاني تريدوها وتاخذوها .
انــور : ترا أختنا مو ملكك ما تسجلت بـ اسمك .
تأفف علي الآكبر منه وظل يخزر بي حاير
_ هسة اذا ما اقبل اطلع قاطع صلة الرحم اخذها وروح .
انــور : امشي بدلي عيوني .
_ صارت عيونه المدگدگ .
_ وتاج راسي هاي الوحيدة الغالية .
علي الآكبر: انتبهت اني شنو احب العالم كلها تصير تحب هل شي.
انــور : اختي شي ؟
_ المدگدگ مو هذا مقصد كلامي .
_ روحي بدلي صرتي شي خوية روحي .
علي الآكبر: يابه وحگ هو علي مشتاق اسوي عندك إغماء بغمه .
انــور : ههههههههههه سويها وشوف شلون اخذها وما ارجعها .
علي الآكبر: وحگ ابو راس الحار ضحكت من الخوف .
انــور : دُررررر يلة امشي هذا يريد اغسله غسل .
ركضت ابدل وعلي الآكبر يصيح
_ اي اركضي عليهم اركضي .
لبست سريع وانور طلع التفتت على علي الآكبر بست خده
_ احبك .
_ واضح .
_ والله احبك .
_ وتعوفيني ؟
_باجر اجي وعد .
_ روحي دُر .
طلعت مستعجله اضحك وهو مبتسم وصلنا البيت اهلي
شفت سيارة ريــان بالباب دخلنا البيت هدوء فضيع
_ هاي وينهم ؟
انــور : داخلين مرحلة سبات .
شفت جنطة حُــرة لزمتها وهمست
_ هاي حُــرة هنا .
خابر انــور على ريــان جاوبه بسرعة
_ ها ريــان رجعتوا ، وين طلعت سيارتك بالباب ؟
ها مابيها بانزين ، زين وحرة وياك ، ها لعد فوك
تتأخر؟ لعد ننتظرك دُر هنا ، ماشي الله وياك .
سد الخط واني رحت گعدت على تخم ابتسم وهو يحاجيني
_ اشتاقيت للجنية .
راح قريب من الدرج وصاح بعالي صوته
نزّلت تگمز على درج وتضحك
_ اووووي اخو زوجي .
_ بيج حيل دولة نسوان كاملة .
_ عيونك بيها عود كون .
_ هاي على منوووووو ؟
_ على دُر ، شلونكم .
بس وصلت قريب منه سحبها من ملابسها
_ تجاوزي بعد .
_ اي .
_ أخلي مناطقنا تبجي اسبوع عليچ .
_ حتى ريــان .
_ اي اي اي شيسووووووي .
_ هم يبجي .
اخذتها من عنده لزمتها من ايدها وگعدنا وهو راح صعد فوك
_ ها ولچ شلونكم .
_ اني تمام بس اخوج اعصاب من البارحة دمه يفور .
_ هيچ يعني وحدة أعصابه تفور ؟
_ لا بس بلغته راح اسوي مثل اختك .
_ اخته اني قصدچ .
_ اي مو بقيتي اشهر متزوجه وما متزوجة وصبر عليچ
لان يحبچ اني هم اريد اجرب يحبني لو ما يحبني يصير لو لا .
_ لچ غير انتوا جنتوا متزوجين قبل وانفصلتي .
نزلت شهد وهي تنزل تصيح عليَّ
شهد : لچ هم ارملة ومطلقه مرتين وهم تتعزز
ولچ خلصينا مو اني من يمي طگت روحي .
رفعت حُــرة ايدها غمتها اجت شهد لازمه النعال وعلى راسها
_ غميني بعد وشوفي شلون اخلي يخليچ تحلقين بالفضاء .
حُــرة : عبالها اني خفيفة مثلها من اول يوم .
شهد : شكو باقين نختمرر مدگدگ وگدامي ارفض ليش .
حُــرة : خفيفة مو دا اگول خفيفة .
انــور : شبيهااااااا هاي شبيهاااااا .
كورت نفسها ولزمت ايدي وهي تهمس
_ الف الحمدلله زوجوني لريان ما اخذني انــور
لان لو انــور زوجي تصير لو قاتل لو مقتول حي على صلاة .
شهد : اصلا وفاء ولدت انــور بأسمي والدليل بعمره
ما شايف ولا مقترب ولا معترف بالنسوان .
دُر : اوووووووووووو واني اشهد .
انــور : ها دُر سالمين عيوني انتِ شكو .
دُر : لا سلامتكم بس غير اشهد انك اشرف من الشرف .
حُــرة : هو من وجهه مبين ابو نسوان يا شريف عفيف بعد .
ضرب على طبلة وهو يگعد يأشر على حُــرة
_ انتِ من تحجين نملة تگرصني تجبرني اگوم امردها مرد .
حُــرة : عفية رجال گادر بس عليَّ .
شهد : شنو قصدچ .
حُــرة : غير ناس مثل مرته يخاف منها خوفت الحية .
طفرت وهي تحجي تركض على مطبخ واني وشهد رحنا وراها
انــور : شيفيد الحجي لچ هوَّ اذا زوجج شارد ما ادري
شمسويه للرجال هج من البيت هج ولچ جنية والله جنية .
بقينا بالمطبخ يجهزن واني بس اكل رتبن السفرة
رجع انــور خابر على ريــان بلغه يتأخر، اشر انــور
على كرسي قريب منه گعدنا كلنا ومقابلنا الأكلات
انــور يفلس بالحم ويخلي على ماعوني
دُر : تذكرت من جنت بعدني بالروضة وارجع منها
انــور يصب ماعون التمن ولحم يفلسه بيده ويوكلني
ومن اخلص يغسلني ويظل يمي الى ان انام اجباري ينومني .
انــور : والله ايام تنامين انتِ وانتظر ريــان يرجع .
شهد : واهلكم .
حُــرة : اكيد مسافرين وحدهم بالبيت .
دُر : صح ايام وايام مطر ورعد وخوف وبرد واحنا وحدنا .
شهد : شلون تگدرون .
دُر : جنت ما احس بالخوف لان انــور اعتبره ابوية .
خلت شهد ايدها بـ ايد انــور من صفن اسمعها تهمس
_ ومن هل ضغط صرت لعبة بيدهم واخذت المخدرات ؟
هز راسه وهي كملت كلامها
_ اول وشم الك بهل يوم ؟
_ اي ، ليلة الي تمرض بيها ريــان ودُر خايفة جانت واني وحدي .
سكت بس صفن بوجهي لدقايق وقطعها وهو يلمس وجهي
انــور : وبعدين عفتهم وحدهم اعتبرتوني
اب واني شردت من مسؤوليتهم .
نزلت راسي گرص خدي وشهد علت نبرة صوتها بحماس
شهد : كملوا اكلوا حتى نطلب حلو بعد الاكل .
انــور : عدها مسابقات على اكل اذا تستمر شهد على هل حال
شهر اكرش واصير ابو كرش والبس دشداشة وارفعها وامشي بالبيت .
حُــرة : لا تخاف ابوك ما سواها .
انــور : ابوچ الشريف سواها .
حُــرة : لا وين الرياش كلهم لابسين هل رسمي
ويفترون حتى خاست عليكم .
انــور : عليكم ؟
حُــرة : اي انتوا وياهم .
نهض هو مبين خلص وكف فوك راسها ولزم اصابعها اثنينهم
_ منوووو انتم تقصدين منووووو ؟
_ هسة انت شنو لابس ؟
_ رسمي وشنوووو خايس عليَّ .
_ المقصد يا عيني لازگين بهل رسمي بعد حتى ما نشوفكم بالتراكات
كُلشش كُلشش بغرفكم بالداخليات واذا ما تعجب الداخليات تبقون بنطلون .
_ فوگاها مسوية اظافررررررر وتشمرررر بيهن اكسرهن .
_ لا عيني لا .
_ شنو علاج هل لسان فهميني اريد تفهميني .
_ إن شاء الله اكبر واعقل .
كمزت صعدت فوك وهو راح يغسل اخذت تلفوني
اراسل علي الآكبر وشهد ساعدت صفية وصعدت
تبدل ملابسها ، دقايق واجه انــور يمي
_ تريدين عصير برتقال لو فاكهه .
_ عصير احسن .
_ تدللين .
_ وينهن لچ حررررررة شهد تعالن سون عصير برتقال لدُر .
اختفن ماكو صوتهن اني طبكت رجل على رجل اتشمت
انــور : حرررررررررة .
حرة : مررررتك حرررررة مرتك روح تأمر على شهد لو تگدر بس عليَّ .
_ وين اگدر عليچ يعرمة .
_ صح ماعاش الي يتأمر عليَّ اموته .
_ حُــرة نصيحة لوجه الله انزلي لا اصعد وانزلچ طيران .
_ هذا صياد وينه يجي يصيدك ويخلصني منك .
_ هو يريد يخلص منچ .
_ ما يگدر يمووووت .
ضربتني شهد على ضهري وعبرتني وهي تنزل تحجي وياه بنتر
_ احنا مو خدم عندك وعند اختك گاعدة ونخدم بيها هل حيه الفاهية .
دُر : سوي عصير برتقال وانتِ ساكته .
_ سمعت اختك لو ما تسمعهاااا لو اشتغلكم تعرفون بشنو ؟
انــور : تحبن اسوي الچن عصير برتقال لو عصير ليمون .
شهد : اريد بُرتقال لا اشهركم شهيرة انت وهاي اختك .
دفعت رجلي وگعدت بصفي ، صعد اخذ حُــرة من ايدها
وراحوا للمطبخ كل شوية اسمعه يعيط بيها وهي تكمل
دقايق ورجعوا بيد حُــرة صينية العصير
_ اني عروس المفروض تخدموني موووو اخدمكم عزا .
اخذته منها نشرب اني وشهد ونسولف وانور يشتغل
على لابتوب ، وحرة مقابلنا ماعدها حتى عصير انفتح الباب دخل ريــان
بوزت وعيونها نملت بدموعها وهي تباع عليَّ هو شافها هيچ
تقدم اتجاهه ساكت كلنا نباع عليهم اخذنا دقيقة صمت
ضم ايده بجيب بنطلونه وبالثانية رفع وجهه
_ عيوني .
_ شوفهم كلهم خلوني اخدمهم اسوي عصير هذا انــور .
_ انوووووور ؟
انــور : هو عصير شمسويه حرثت الزرع .
آخذها من ايدها وهو يمشي يهدد
_ خليني اسكتها واجي أحاسبكم يضيع الكلام من اشوف دموعها .
انــور : شگد جذاب ، انت تستاهلها تلعب عليك .
همَّ صعدوا واني رجعت اسولف على دارين وجود
انــور صح بعيد بس يستمع ومغلس على وضع
الظاهر قابل على بيت صفوان ما يرفضهم
للعصر انــور طلب أشكال الحلويات الكنافة البقلاوة الكيك
نزلوا حُــرة وريان ومبين جانوا نايمين واحنا نعدل بيهن
شهد تقريت من حُــرة تسألها
_ ها بشري حمامة غراب .
حُــرة : عادي بجيت شوية ونومته ونمت خطية استسلم .
دُر : شنو من بشر انتِ .
_ لا تدخلن حياتي وبكيفي .
اخذنا أكلنا واجتمعنا كلنا ناكل ونسولف ونضحك ونتذكر الماضي
حُــرة ابد ما تتذكرنا بس انــور شايفها من جانت صغيرة
ريــان مثلي ما شايفها ولا يعرفها ، اخر شي گعدت شهد
تسولف النا على طفولتهم وفتحنا موضوع عمتها ام دارين
اخذتنا السوالف ومر الوقت وصار ليل ، تعبت وضهري وجعني
صعدت فوك للغرفة خليت مخدتي اريد انام لمحت صفية
تباع مبتسمة جانت شاهدة على كُل معاناتي وهسة شافت التغير بعينها .
غفيت وبوقت متأخر فزيت من نومي
على لمسات دافية تلامس وجهي
فتحت عيوني بس شميت عطره تغلغل انفاسي
_ علي الآكبر.
_ بوية روحه لعلي الآكبر انتِ .
_ اجيت ملثم .
_ اجيت اخذچ اريدچ يمي .
فتحت عيوتي شفته لابس لثامه ابتسمت وتحركت بحماس بفراشي
جر ملابسي يلبسني واني شبه غافيه نعسانه ، حضنته واني ابوسة
من رگبته واحضن بي رفعني ضحكت وصحت بخجل بس طلعني من الغرفة
_ نزلني استحي علي الآكبر .
حجيتها واني آرجع أغفى حضني اكثر طوقت رگبته بكُل قوتي
وهو ينزلني من الدرج سمعت صوته يگول
_ شكراً صفية يروحلچ فدوة انــور وعمران وكل رياش .
خليت راسي اكثر برگبته وهمست واني ابتسم
_ حتى ريــان واني ؟
_ انتِ اني اروحلچ فدوة .
_ لا تذب لثامك حبيبي .
_ باقي .
_ اريد انام .
_ نامي بوية نامي بحضني .
صعدني بالصدر ملت جسمي على ايده وهو يسوق
اخذني فتح باب بيتهم دخل السيارة ونزل شالني وفوتني للبيت
نزلني على سرير يعدل بشعري وملابسي ويبوس بوجهي
_ يومي مو حلوووو دُر ثگيل بدونچ .
_ اممممممممم .
_ من تبتعدين حتى هذا النفس يصير ثگيل .
حضنت ايده وهوَّ يبوس براسي ويشم عطري
_ ردت روحي اگدر هسة انام مرتاح عقلي تعب اليوم هواي تعبت .
_ راح تتعب .
_ احب هذا التعب وداعت دُر .
اخذني بين ايدي يلاعبني ويحتويني بكُل حُب وخوف ياخذ
بوساته ولمساته بكُل حنية واحتواء ، بعد حين نومني
على صدره واني وياه غفينا مرتاحين
الثاني يوم سمعت ريــان وحرة سافروا، وشهد رجعت الدوام المدرسة
وحاولت بكُل طاقتها انــور يرجع وياها رفض واستلم شغل ابوية من جديد .
دارين بين تظل يمنا وبين ترجع لبيت ابوها كم يوم
وترجع شاردة من زوجة ابوها ، وبس تروح جــود بعد
مايعوفني الساعة والثانية يجيني يخليني اخابرها
من بعد اسبوع على سفر ريــان وحرة خابرني انــور بلغني
_ دُر ما ردت تقلقين بس من البارحة اني وشهد
بالمستشفى رنيم عدها ولادة وهسة ولدت ولد .
_ يعني جابت ؟
_ اي الحمدلله هذا الطفل بيد شهد .
_ فدوة حبيبي الحمدلله على سلامتها وسلامة البيبي .
_ راح اطلعها ترجع لبيت امها بين ما يرجع ريــان .
_ شوكت يرجعون ما عرفت ؟
_ بعد ثلاث ايام تقريباً بس يقبط 10 ايام .
_ خابرته بلغته .
_ لا خليها من يرجع .
سديت الخط غسلت وجهي ورحت ابلغ علي الآكبر
وهو الثاني ايد كلام انــور بس يرجع ريــان يبلغونه
واني راجعه للبيت اسمع بصوت جــود يتجادل هو ودارين بالمطبخ
وكفت بالباب شفتها گاعدة بصف عمي هزيت راسي وهمست بقهر
_ دارين اخذتي معزتي ومكاني عند عمو هذا مكاني شنو هاي .
ضحك وهو يطبطب على مكان قريب منه رحت بصفه عمتي
صبت اليَّ جاي وعمي يسب بجود
_ يلة كافي عوف البت تاكل براحتها .
جــود : البارحة جبت الها حلويات وقنعتها وافقت تتزوجني
شنو هل تغيرررررر تبيعين ثگل بنت عمران .
دارين : نمت گعدت قررت ما اتزوج .
ابو حسن : براحتها شني تجبرهااااا .
جــود : چا اني غير الخاطرها خربت خطبتي
خابروني موافقين ورفضتها واختاريتها .
ابو حسن : ما تريدك ابني .
جــود : بالعباس انا ما اليَّ شغل اريد اتزوووووووج .
دارين : روح تزوج منو لازمك .
جــود : اريدچ انتِ جكليته .
ملت راسي وهمست بصوت واضح
_ اوووووي فدوة گولي موافقة احسكم من هذولي ابطال القصص .
ابو حسن : يا قصص ؟
جــود : بوية اريد حل عوف هاي ام القصص حاجيني .
ابو حسن : البنبة ما تريدك .
جــود : جكليته تريديني ؟
_ لا ما اريدك .
التفتت على صوت علي الآكبر وهو يضحك يحجي وياها
_ تخسرين .
دارين: يا ليش اخسر .
جــود : احنا اولاد صفوان خسارة اذا ننرفض .
دُر : عاد والنبي هاي صحيحة وافقي على مسؤوليتي .
علي الآكبر: الله من مرتك ترضى عليك .
جــود : راضيهااااا كلش طبعاً حتى قرد تحولت واخذتها
خلتك تگمز على بيوت تتسلق وتحرگ .
_ تستاهل ام جبل .
دارين : جبل ؟ ليش مو هضبة هههههههههه .
رفعت ايدها وجهه صار احمر احنا كلنا صافنين عليها
واني وجهي يريد يبچي لزمت راسي وهي تصيح
_ سوووري سووووري بس الاسم بي تنمر عالي الجودة .
دُر : حقچ الصراحة .
علي الآكبر: لا تحاولين انتِ وبنت عمچ جبل يعني جبل .
دُر : حبيبي والله عيب .
عافنا وراح ورجع جــود يحاول وياها عفتهم
ورجعت للبيت رتبته على خفيف واخذت حمام
فاتت دارين حايرة تفتر بس تريد تحجي
دُر : ليش ما توافقين ؟
_ مترددة .
_ ترا جــود وردة والله يجنن طيب .
_ ما ادري .
بعدني اريد احجي وياها وندگ الباب ودخل
جــود : عادي احجي وياها .
هزيت راسي عفتهم بالاستقبال بس الباب مفتوح واني
اشتغل بالمطبخ واسمع من فترة للثانية صوتهم
جــود : انا اول ما شفتچ ما كرهتچ بس ترددت من ناحيتچ .
سمعت هل كلام وراح صوتهم لدقايق
دارين : بس اني ما اكرهك .
جــود : وعد زلمة اذا توافقين ما راح تتندمين بيوم
ودموعچ بعمرها ما راح تنزل راح اخليچ فرحانة وتضحكين دوم وعد زلمة .
مريت اخذت من يمهم الشاحنة ورجعت طلعت اسمعها تگول
_ وابوية مستحيل يقبل .
_ ابوچ يمي اني اخلي يقبل انتِ بس گولي موافقة .
_ راح تحبني دائماً .
_ وعد مني احبچ حب ما شفتي مثله
وأصون العشرة بيناتنا ، بعمري عيوني ما تشوف غيرچ
وبحياتي ما اخليچ تنامين زعلانة ، اصير الچ دنيا حلوة
وتصيرين إليه عائلة مثقفة جديدة اني حبيتچ وما اريد غيرچ جگليته .
_ موافقة .
هي حجت هيچ وهوَّ ضاع بعد ما يعرف شلون يعبر
باسها بالهوا واجه لزم ايدي يفر بيَّ
_ قبلت اجت المثقفة الي تكسر ثقافتچ .
_ ههههههه اني وبنت عمي عليكم متخيل شيصير بيكم .
_ قابلين والله قابلين اهم شي مثقفات فاهيات .
طلع مستعجل ثواني واسمع هلاهل عمتي اجت دارين خجلانة
_ هذولي فرحوا ما يدرون ابوية لو نموت ما يقبل .
_ اذا انتِ موافقة عوفي الموضوع بعد على اولاد صفوان .
_ شيسون ؟
_ يشغلون يا فارس بدر ويلعبون عليهم يحودوهم حود ويسبوهم سبي .
اليوم الاول كُلها فرحانة بالموافقة اليوم الثاني صاروا يشتغلون بتخطيط
باليوم الثالث ما اشوف غير الشيوخ والناس معممين كلهم بيت عمي
بدلوا جــود وعلي الآكبر بيتنا وطلعوا مستعجلين
دارين بعد ما وصلت بابهم بقت يمي وعمران مايدري
عايفها هنا واحنا بكيفنا نخطط ، للعصر كلهم صعدوا بالسيارات وراحوا
بقيت اكل بروحي اكل الى ان تأخر الوقت ورجعوا طلعت
وإني لازمه بطني اشرت لعلي الآكبر اجه وهو يمشي يعض اصبعه
_ اخ نار گلبي اخ .
_ ها ما وافق مو ؟
_ شحده اعدمه بنص بيتهم دخلنا عليَّ انذار وحگ فارس بدر .
_ اي وشصار .
_ تجاووووز هووووواي يتجاوز بالكلام اريد املخه ابوية لازمني .
بعده يحجي واشوف العالم راحوا وهو راح يوصلهم ويسلم
رحت انتظرهم بس راحوا سألت عمي اول ما سد الباب
لزم علي الآكبر من ايده وضربه على ضهره
_ ولك انت شني ما تنگدررررر تقصدت وحگ علي
عرفته راح يرجف اول ما دخلنا گعدت قريب منه حتى اسيطر عليَّ .
علي الآكبر: سبع مرات ردت اخبزه وهو يدري .
حسن : هو من يشوفك بعد راح تنفجر يهفت يتراجع
من كلامه انوب يرجع يحجي ويرجع يشوف علي الآكبر يريد
يهجم يتراجع دوخوني هو وعمران ههههههه .
ام حسن : هسة طمنوني شصار بالاخير .
ابو حسن : ما قبل ، وكلنا نريد نطلع راح جــود وعلي الآكبر
قريب منه يهددون بي ما ادري شلون صاحني گال ابو حسن ارجع .
حسن : جــود العباس عليك شنو حجيت انت وعلي الآكبر وياه
شغل علي الآكبر جگارة وأستند على حايط يستمع الهم
جــود : علي الآكبر گال لعمران اذا رفضت وطلعنا بدون موافقة
اتحمل عدد فارس بدر من تشتغل ترن على راسك وياها مصيبة
كل مرة تسمعها اخليك تحير يا مصيبة تصير وياك .
دُر : اووووي صنديد اسكندر .
ضحك واني اشرت علية ورحت قريب منه لزمت وجهه
_ ليش يخافون من هل وجهه والله لطيف .
ابو حسن : بس مقابيلچ لطيف اني شاهد على وجهه الثاني
اذا يصير عصبي اني ابو اخاف منه وانتِ بعد قيسي .
بعدنا نحچي واسمع صوت يطلع من السيارة بالگراج
ونزل جــود من السيارة وصوت عالي يتردد وهو يرگص
جــود : الحبك ماخسر ياحيدر يافارس بدر ياحيدر
الحبك ماخسر ياحيدر يافارس بدر الحبك ماخسروالعافك خسر .
طلع سيف الدين يهوس هو وياه وعمتي تفر بعبايتها
جــود : تبقى انت ولينا تظل قائد علينا گالها نبينا
علي بعدي ولي يتصدر يافارس بدر .
راح على علي الآكبر وأني قريبه من عنده يهمس
_ اگلك للتأكد اليوم تخويف على طريقتك لـ عمران .
اشر على الآكبر على عيونه وشمر الجگارة صفگ وردد وياه يتفاعل
علي الآكبر : علي حامل الراية علي ملاوي المنايا علي هز السرايا
ومحبس صار بيدك خيبر يافارس بدر .
نرجس : انتوا متحلفين أعراسكم صارت كُلها واني حامل .
سراج الدين : حقهاااااا اخليكم تأجلون اذا ما تراضيها .
راح جــود وهو يصفگ ويصيح
_ زوجة اخي البطة بطنچ صارت اكبر منچ شوفي
هاي دُر حملها حمل مثقفات ماعدها بطن .
راح علي الآكبر ضربة على راسه وهو يصيح
_ صلي على محمد عينك تكتل بني ادم صلي على نبي .
_ اللهم صلي على محمد وآل محمد شبيك
اني هم راح اصير اب انتظروا فد شهر شهرين .
ابو حسن : اثگل .
_ علمني انا مو ابنك علمني .
رجعت على دارين من الفرح اريد اطير حضنتها وهي حضنتني
بعدني اريد احجي وياها وفات علي الآكبر وجهه مبين عصبي قبل لا يحجي
_ دارين ابوچ هنا .
دُر : لا علي الآكبر هذا ما ناوي على خير .
_ اتفقنا هسة وياه سبع ايام ويعقدون وبهل شهر يتزوجون
لان احنا ما نثق بي وهم مستعجلين لا تخافين اني وجود ما نخليها .
دارين : واذا رجع سفرني .
علي الآكبر: جــود اخذ كُل مستمسكاتچ عنده .
دُر : واذا ضربها ؟
_ ما يسويها لان يعرف شنو ينتظره اذا يرفع ايده .
دُر : اخذها منك كلمة .
_ اخذيها مني .
طلعت هي وعلي الآكبر بس خايفة مترددة ما تأمن بي تعرف
ابوها ماعنده رحمة وتتوسلني بعيونها ماتروح ، اضطريت اسكت
بس خابرت على انــور بلغته طلع يعرف بكل الموضوع من علي الآكبر
صار اليل جــود صار يلوب وينود عليها ، لبس هو وعلي الآكبر
وجهه الفجر وطلعوا واني اراقب الهم الوضع ، بقيت انتظرهم
يريد يطلع الصبح رجعوا تعبانين يريد بس ينام
_ شفتوها ؟
_ اي جــود شافها كلش زينة مابيها شي لا تخافين .
_ ريــان رجع .
_ اي رجع متأخر وخابرني .
_ شلونهم .
_ زين ريــان .
_ وحرة .
_ شعرفني روحي قابل مخابرها .
هز راسه فات يسبح واني خابرت بقيت بفراشي
بس رجع نمنا الثاني يوم رحت على حُــرة وريان اشوفهم .
حُــرة ...
تململت واني بفراشي اول ما فتحت عيوني صارت ملامحه
الهادئة گدامي رفعت نفسي بست خده ورجعت بحضنه من ابتسم
حضني بقوته ورفعني على صدره وهو يهمس
_ لا تروحين ابقي يمي .
_ دُر دزت رسالة راح تجي .
نهضت وسحبت الروب قبل لا انهض واني اهمس بخجل
_ غمض عيونك .
_ هههههههه ، الصبح تستحي وبليل تلعب لعب .
_ بليل اشمشم من اخوك غمض عيونك غمضهاااا .
غطه وجهه واني ركضت على حمام اخذت حمام سريع
وطلعت شفت ريــان ماكو ، بدلت واني اشوف وجهي متحسس من لحيته
خليت مكياج وصلني شعار على تلفوني شفته وابتسمت
من لمحت صورتنا بسفرتنا ، جانت عشر ايام مثل الحلم
كُلشي بيها حلو حتى من البيت ما طلعنا بقيت اني والصياد
عشر ايام بكوخ مليان دفو وحنيته طغت على كُلشي نسيت كُل
يوم عذاب عشته ، جنت بين ايده اميرة صغيرة دللني
حبني شفت بريان شخصية ثانية تطلع بس ويايَّ
ضحكته ، حركاته ، شلون يسايرني وياخذني على گد عقلي
كلهم مطبوعات براسي من اشوفه يجبرني ابوسة
المشاعر ما اگدر أوصفها بلحظة المح وجهه گلبي يدگ
وروحي هاي روحي احسها اطير وترفرف مثل الحمامة .
بدلت ونزلت شفت رنيم طلعت من غرفتها وبيدها طفل
عبرتني ونزلت ، لمحت ريــان جوة ينتظرها من شاف الطفل
ضحك واني على ضحكته ضحكت ونزلت ركض
حُــرة : اووووويييييي فدوة ولدتي رنيم .
اخذه ريــان منها من شافه ظل صافن بوجهه ونزل باسه
ريــان : بابا حبيبي ما شاء الله على جمالك ابوية واهلي .
نزل راسه يكبر بـ اذنه وانور اجه بصفي على درج
ريــان : اسميتك إلياس .
نطقها ورفع راسه ابتسم بوجه رنيم وتقرب باسها من راسها .
ابتعدت منه بزعل رجع صافن بالطفل وتقدم اتجاهي
_ تعالي شوفي حراير .
تقدمت اخذته من ايده واني ارجع وبضحكة حجيت
_ فدوة يا عمري نسخة طلع منك ريــان .
ريــان : يبتسم من سمع صوتنا .
بعدنا نحجي ونضحك فز ريــان ولزم رنيم من ايدها
ساعدها گعدها على تخم وهو يفتح الشال
_ رنيم شبيچ رنيم تسمعين .
هزت راسها وهي تجاوبه
_ بعدني تعبانة من الولادة .
حُــرة : اسوي الج عصير او شي تاكلي .
هزت راسها بالنفي وجاوبتني وعيونها بعين ريــان
رنيم : اني اجيت حتى ما تگولون ولدت وشردت حتى ما تطلگ
هسة اني ولدت تگدر تجيب شيخ وننفصل حتى تعيش بس انت وياها .
بقيت مركزة بالطفل يعني يعيش يتيم وابو عايش
ويصير ضحية من ضحايا الرياش وهل مرة ريــان هو المذنب
رجعت رفعت عيوني شفت رنيم تنزل دموعها همست بقهر واضح
رنيم : طلعت اني الطرف الثالث وبالأخير فاز حبكم انت وياها .
گعد ريــان على طبلة مقابيلها ايده على راسه يتجنب يباع بعيونها
تقربت انهي هل حيرة الصارت بكم كلمة عسى ولعل انقذ هل طفل
حُــرة : ماكو واحد بينا طرف ثالث كلنا ضحايا الرياش
واذا تنفصلون ابنكم يصير الضحية الرابعة بيناتنا .
عافنا انــور وصعد فوك ترك النا مسافة نحل مشكلتنا بدون تدخلات
خليت الطفل بحضن ريــان وگعدت بالجهه الثانية وكملت كلامي
_ لازم قبل لا تخطون خطوة الطلاق تخلون هل طفل بين عيونكم .
رنيم : بس اني ما اگدر اتقبل ريــان كزوج ، ولا هوَّ يتقبلني .
حُــرة : ادري بس ابنكم اهم خطية شنو ذنبه يتبهذل بدون واحد منكم .
ريــان : اني مستعد اقدم الچ كافة احتياجاتچ وكلشي تطلبي
يوصل الچ واگول تم وتبقين ام الياس اول فرحتي غالية
غلاتچ بغلاته والله تعيشين معززه مكرمة محد يتجرأ يگول
على عينچ حاجب بس لا نبهذل الياس .
رنيم : يعني تقبل ما ننفصل .
ريــان : اني الخاطر إلياس كُلشي مستعد اسوي والله
بس ما اريد اصير ظالم واظلم هل طفل ويانا .
خليتهم وحدهم يتفاهمون وابنهم بنصهم وصعدت
ما انكر كلبي يغلي بس هذا كُله وأقع انفرض علينا كُلنا
اذا اني اجي افكر بنفسي لو ريــان يفكر بنفسه لو حتى رنيم
تفكر بنفسها بس هل طفل يدفع الثمن بس هل طفل والله .
لملمت الغرفة وما ادري شصار بيَّ من اتأخر
اريد انزل اكسر راسه بس صبرت روحي فاتت دُر
بطنها صايرة واضحة حضنتها باستني وهي طايرة من الفرح
دُر : ها اگول مبروك .
حُــرة : احمممم اي هسة صدك مبروك .
دُر : اووووي يوم الولد الصالح .
حُــرة : على طاري الولد الصالح وين اخوچ غط هوَّ ومرته الثانية .
دُر : من اجيت ريــان بالگراج جان رنيم ماكو ، وهسة واكف برا
يسولف هو وعلي الآكبر عبالك صار سنين ما شايفين بعض .
حُــرة : خلي خطية هو اني غير نسيته اهل اهله اروح فدوة لروحي .
جرتني من ايدي ونزلنا جوة شفت شهد واكفه بصف
اخوها تحجي وياه وهوَّ حاضنها يبوس براسها
وانور بعيد صافن عليهم رافع حاجبة
علي الآكبر: يلة شهد بدلي حتى نروح .
انــور : اني قاطع صلة الرحم مرتي ما تطلع .
علي الآكبر: هسة لو تبجي هنااااا هم اخذهااااااا امي تريدها .
انــور : تبات يمكم ؟
علي الآكبر : اي اكيد .
انــور : اني هم اجي انام يمكم شكو بيها ؟
علي الآكبر: اسويهاااا عليك رعب ظلمة ودليلها الله .
انــور : اخذ اختك لا تهدددددد اخذهاااااا .
ركضت شهد تبدل اخذها وانور حضن دُر گدامهم
دُر وشهد يضحكن عليهم دخل ريــان وهو يسد يالتلفون
ريــان : طلبت اكل من برا لا تسون شي .
رحت لزمت ايده ودخلنا گعدت قريب منه وانور ودُر طلعوا للحديقة
من وصل الاكل دخلوا ودخلوا من جهزنا الأكلات على ميز
فات ريــان اخذ صحن مشاوي وعصير وقبل لا يصعد بلغنا
_ اكلوا اني دقايق وراجع اوصل اكل رنيم خطية .
صعد واني ودُر وانور گعدنا ناكل فاتت وفاء وعمي وياها
غسلوا وگعدوا ويانا قبل لا تاكل وفاء مدت ايدها على بطن
دُر خلتها تتلمسها نزل ريــان وهي شالت ايدها
عمي هدوء بس اكل وصعد وفاء نفس الحالة بعدهم
بعد كل الصار والسنين على نفس الطبع ثابتين .
بس صار اليل دُر رادت ترجع واني وريان عدنا نواقص
بالغرفة اخذنا بطريقنا اول ما وصلنا شفنا انــور هم نزل
ريــان : ها ولك ما تصبر .
انــور : لك خابرتني ما ادري شبيها شهد .
حُــرة : عزا شبيها يا ستار .
قفل السيارة ريــان ونزلنا وياه اولما دُر فاتت تركض
فتح جــود الباب ودخلنا كلنا ابو حسن وام حسن
والباقين كُلهم موجودين وشهد اجت ترجف ما ادري خوف لو خجل
راح انــور قريب منها وعاف الكُل والتفت على علي الآكبر
_ شهد ليشششششش تبچي علي الآكبر شبيهااااااا .
لزمت شهد ايده ورفعت ورقة بيدها وهي تهمس بخجل
شهد : اني حامل انــور .
ام حسن : حامل بـ مدگدگ صغير .
جرت ام حسن قميص انــور تنزل بي وهو بحضن بشهد فرحان
_ نزله من اشوف هل دگ والوشوم جسمي يقشعر .
التفت عليها وهو يضحك وشهد تعرف بي شنو يريد يحجي
_ الله شاهد بيوم نويت أمسحه بنتكم ما قبلت گالت إذا تمسحه
بالحلم ما أصير إلك گلت ذا البنية قابلة ما اهتم بالأهل .
جــود : هنا الحجي .
ام حسن : طلعن سوالف بنتك يا رجال طلعت البنية تريد مدگدگ .
شهد : وهسة أريد طفل مدگدگ .
انــور : اشهر ويجي أحلى مدگدگ العيون شهدهد .
حضنها باس راسها وكلها التفتت نظراتهم علينا
ابو حسن : يوم الريان والبنتي حرة .
ريان : إن شاء الله إذا الله كاتبها .
انــور : ناقصنا جنيات وفاهين .
علي الآكبر: لا ناقصنا مدگدگين .
انــور : الله يستر من ابو رجفة الصغير .
ما يقبلون نروح بقينا قاعدين سوالف وضحك ولمة حلوة
وكلها صارت تحكي بموضوع خطبت جود دارين
واتفقوا على الخميس الجاي خطبتهم ، انور اخذ شهد
وياه بالسيارة ما قبل تبات بيت أهلها ، وصار صديق امها
بحيث أم حسن هي اللي صاحت بشهد تروح وياه
وأنور يبوس برأسها ، ضربت وريان أخذني بالسيارة
مر على مطعم عصير أخذنا كوكتيل نشرب ونسولف
_ شنو قررت أنت ورنيم ؟
_ بعدها تفكر وأنا بعدني افكر ، هي ما تتقبلني وأنا ما أتقبلها .
_ الخاطر الطفل .
_ اتفقت وياها نستمر سنتين اذا نفس الوضع ننفصل .
_ شلوووون يعني تعرف الالوضع تغير تروح تنام يمها ؟
_ هههههههههههه
بالعباس بداخلي اگول هاي شنو ما تحبني ابد ما تغار .
اشرت بيدي مثل الغلايان واصيح
_ ناااااار تغلي بگلبي ناااااااااار .
ضحك بصوت اعلى وهو يجاوبني ويكمل
_ لا اتفقنا اشوف الها شغل خاص الها او اسوي ألها مشروع
تلتهي بي وتكون مستقبل خاص بيها ، والطفل يتربى بيناتنا
بس لا اني اعتبرها مرتي ولا هي تعتبرني زوجها زين هيچ ؟
_ تالي ما تالي انت ترجع الها وهي ترجع الك .
_ الصراحة اني حبيتها حُب ما صاير
والله بس گلبي مغسول منها والله حُــرة الى درجة لا اكرها ولا احبها .
_ شرف اني ما احبها بس الخاطر الطفل هيچ واگف بعيوني
امواقفها ادگ بگلبي بسببها موتت اخوية بيدي بس والله
ريــان ينكسر خاطري على طفل .
_ اعتبريها ما موجودة بحياتنا وبنفس الوقت ما اريد مشاكل
وياها معزتها تصير وقدرها بقدر ومعزة ابنيّ الياس.
_ يعني هسة انت اب .
_ اي ابو الياس انا .
اقترب باس خدي طول بالبوسة ابتعد وهوَّ لازم وجهي
_ وابو حراير .
_ ابوية .
_ اي .
_ اوععععع جماعة باباتي لاااا بليزززز Noooooo .
_ هههههههههه اعصابچ .
_ باباتي وبنيتي .
رجعنا للبيت والطريق كُله ايدي بيده بس نزلنا
بعدنا على درج شالني يبوس بوجهي من كُل مكان
_ اريدچ تصيرين وكحه مثل كل يوم .
_ اني مو وكحه ترا ازعل .
_ انا حبيت حُــرة ليش ؟
_ ليش .
_ لان وكحه .
_ اي .
_ وعرمة .
_ اي .
_ وما اگدر عليها .
_ فريتك فر .
_ دوختيني دايخ بيچ انا .
بست شفايفة دخلنا للغرفة سد الباب وهو يردد
_ اموووووت على شخصيتچ الجريئة حرررررايرررري .
الثاني يوم التهيت ارتب بغرفتي ورحت اشتري النواقص
ثالث يوم جهزت فساتين خطوبة جــود اني والبنات ودارين
باليوم الرابع حجزنا المراكز وبعد من هل يوم
ما نشوف أزواجنا غير ساعة ساعتين باليوم نركض
محلات ومراكز عناية ومكياج ، قبل الخطوبة بيوم
راجعين والفساتين مفروشات على سرير
بيوم الخطوبة حجزنا كادر يرتبون مكان الخطوبة
لان لا اني ولا البنات يقبلون نروح لبيت عمران ونساعد دارين
جهزوا كلشي ودارين تصور ومن الصبح اخذنا على مركز
رتبوها طلعت عبالك لعابة ناعمة ، واجه علي الآكبر ودُر
رجعوها البيت عمران وبقت دُر يمها عبالك يريد يدز الهم رسالة
اذا تتصرفون ولو تصرف غلط تنهجم عليكم بيوتكم .
قبل لا يجون بيت ابو حسن رحنا اني وريان وانور
على بيت عمران ، بعدنا بالباب وانسد الشارع من الطول للطول
سيارات عالم اقارب شيوخ عراضات ، دخلوا كلهم
جهه للنسوان وصالة للزلم ، اخذ السيد دارين وجود
والشهود وياها دُر والباب مفتوح يعقد الهم
وكفت اباع واستمع ولا واحد من اخوانها موجود
الشيخ يقرا وجود ودارين اثنينهم يرجفون من التوتر
ملت راسي على ريــان وهمست
_ دارين رجلها اشتغلت هزاز هههههه .
نزل راسه ويعصر بشفته يريد اسكت اشتغلت اني هم هزاز
وهو يضحك على ضحكتي ، اجه انــور رافع حاجبه
_ شبيكم شنوووو هل ضحك جعويط انتووووا ؟
حُــرة : دخل روحه بنص النسوان .
انــور : ههههههههههه نسوان .
درت وجهي على ريــان فاتحه عيني وهو مبحلق عيونه بتعجب
حُــرة : مو قصدي والله مو قصدي .
انــور : راح اطلع روحي من بين النسوان .
حُــرة : عزززززا رجال وشيخ الشباب هم هذا انــور نسوان .
دار وجهه يهز براسه ما يستمع ، غطيت وجهي وهمست
_ جفصاتي ما تترگع مع الأسف .
اقتربت اكثر وغمزت شافني
_ بليل نتصالح .
كتف ايده وگف بـ استقامة درت وجهي من نطقها الشيخ وگال
_ دارين عمران الرياش بجود صفوان
هل تقبلين الزواج على سنة الله ورسولك ؟
بقت ساكته لدقايق رجع كررها ما قبلت تجاوب
استدار جــود بكُل جسمه وصاح بيها
_ هااااا شني غفيتي .
_ لا .
_ چا شني مااااا تحجين .
_ هسة من يعيدها 3 مرات .
_ ليشششششش عود .
_ ادلل عليكم .
_ شدعوة تتريگون لو تتعاطون ثقافة
وبرود اعصابكم عمي الطبقة المخملية .
عادها عليها الشيخ نطقتها وهي ترد
_ نعم قبلت وانت وكيلي .
_ جــود صفوان هل تقبل الزواج من دارين صفوان الرياش
لتصبح لك زوجة بالسراء والضراء .
_ نعم قبلت .
_ مبارك لكم اولادي .
هلاهل ام حسن واخواته من بينهم كلهم ركزت بعلي الآكبر
شلون سحب جــود وحضنه وجود ظل متمسك بي ما يتركه لدقايق
طبطب علي الآكبر على ضهره وابتعد راح على دُر يضحك
هو وياها هيچ بطريقة عبالك مو زوجة أخوو وكأنما اخته
سلم عليهم كلهم ورجع باس راس دارين يريد يطل وياها
حولوهم على صالة المجهزة للعقد وبيها تفاصيلها
جانت دارين بدون ام بس ام حسن تعاملها عبالك امها مو ام جــود
ترتب بيها وتعلمها وتنصحها ، طلعوا الذهب يلبس بيها
وهي خربانة ضحك كل المعازيم صار عدهم فضول يعرفون
على شنو يضحكون بس دُر ما مصدومة تجاوبنا
_ هو هذا جــود وين ما يروح يخلي العالم تتعب من الضحك .
طلعنا وجود ما يريد يعوفها ، كل عائلة رجعت لبيتها
بس شهد راحت وياهم ما رجعت ويانا، لليل ريان خابر
على انور بلغه بايت بيت ابو حسن وجود وعلي الآكبر
فوك راسه كلها تتعارك وظل ريان وياهم بالربع ساعة
يتجادلون ويضحكون ، من هل يوم كُلنا التهينا اني
رجعت قدمت حتى امتحن وبلشت دراسة ، ودُر هم حمل
ودارين اعتمدت عليها بجهاز العرس ومرات اساعدهن .
رنيم بين اهلها ، وبين ابنها وجهزت مشروعها الخاص
تصميم عبايات وصار براند خاص بـ اسمها اشتهر خلال فترة قصيرة
وريان قدم الها كُل الدعم والمساعدة ما قصر وياها ابد .
ذبيت نفسي على دراسة ايام طويلة ، الى ان قرب عرس جــود ودارين
رجعت فرغت نفسي يومين جهزت كُل احتياجاتي
وبيوم عرسهم كلنا اجتمعنا بقاعة بعرس مختلط
ملابسنا كلنا رحنا رسمي مو فساتين ، كلنا نرگص
ودخلوا اخوان جــود كلها ملثمه عمران واخوانه يريدون يسلمون
دارين لجود وكلها جمدت من سمعوا صوت قصيدة يا فارس بدر
ترتفع بكُل مكان بالقاعة وخمستهم دخلوا ملثمين لبس
جــود لثام والكاميرات توجهت عليهم يرگصون بس بثگل
اخذها جــود منهم واحترم عمران لأول مرة بحياته باس ايده
وابتعد هو وياها ، رحت اريدها ترگص ما يقبل صدمني
اجت دُر احجي وياها تجاوبني
_ يغار ما يقبل تتمايل وكل هل زلم موجودة .
_ ترا عمامنا .
_ وعمامهم هم موجودين غلسي وانتِ هم اگعدي .
رحت اني وياها گعدنا على ميز طعام واحد بس نصفگ
صح منظر الزلم مخيف ما نگدر حتى نرگص
بعد ساعات اخذها جــود وراح واني اخذتني
دُر وياها والبيت صار عبارة عن مزيقة عراقية بحت ورگص
المنطقة كُلها تهوس كبار صغار شباب اشكال
بقيت متعجبة وابو حسن بس يطبطب على صدره يشكرهم .
ما قبلت دُر ارجع توسلت بريان ابات يمهم
اجتمعنا كُلنا البنات بيتها سهرنا للصبح اغاني ورگص
طلعنا قهر القاعة كُله ، للفجر رحنا نصلي وشمس تفر بيدها
لان نرگص ورحنا نصلي ، كلنا نمنا من طلع الصبح
بس صار الظهر ام حسن فلشت الباب علينا
بدلنا وطلعنا نركض ننتظر العرسان
حُــرة : والله اذا تگول حمامة اضربها على وجهه .
شمس : ياااا ليش .
_ احنا الرياشات ماعدنا بنات سهلات .
شهد : احسها تقصفني من تحجي هيج .
_ خفيفة انتِ .
صاح ابن حسن ويكمز فرحان
_ اجه عموووو جــود اجت العروس .
فات جــود وجهه بشوش بس يضحك صاح وهوَّ ياخذ
من دم الخروف الي ذبحة علي الآكبر جوة رجلهم وطمغه بالباب
هز ايده علي الآكبر وصاح بي
_ ترررررا عرررريس مووووو حج .
_ اثنينهم يصنعون حياة جديدة .
اشر لدارين يلزم ايدها ويطفرها فوتها للمطبخ
امه تبارك الها وهو قبل لا يطلع صاح بيها
جــود : يمه من هية مرتي لا تطبخ ولا تنظف مثقفة درجة اولى .
ام حسن : هسة منو رايد منهاااا عروس ولك .
جــود : دارين ارررتاحي ارتاحي شگد ما تگدرين .
دارين : اوكي بيبي .
حُــرة : هاي البيبي وراها حمامة .
بس راح اخذتها من ايدها وصعدناها فوك سألتها سؤال الفخ
حُــرة اي دارين حمامة غراب ؟
ذبت السترة شفت زراگ بيدها هزيت راسي وسحبت خصلة من شعرها
_ حمامة لوووووو غراب احجي .
_ الصراحة حمامات مو بس حمامة .
_ الله يطيح حظ حظچ اذا عندچ حظ .
شمرت نفسها على سرير تحرك رجلها بحماس
_ حظي يموووت حظي جــود لو هيج الزواج لو بلا .
دُر : مو نصحتچ صدگتيني ؟
_ گولي الحمدلله اخذت بالنصيحة هو غير جــود جودة عالية .
حُــرة : لعد وين الثگل .
دارين : لچ عيني ولد صفوان ماينفع وياهم ثگل الرياشات
يسرسحون على گلب عبالك ماي بارد هو غير دوخني
بكلماته وغزله ولمساته وحبه اروحله فدوة .
ضربتها راشدي وطفرت للباب
حُــرة : اصحي ضاع بيچ التعب عفت دراستي واعلم بيچ .
دارين : عزا تضربيني والله احجي لجود .
دُر : يا تحجين لجود حتى يضربچ ولد صفوان عدهم مبدأ
اذا ما تضربين الي يضربچ همَّ يلزموچ ويكملون عليچ .
دفعتها شمس للغرفة وراحت دارين تريد تضربها
فرتها حُــرة فر وفلتت من الغرفة واني والبنات نضحك عليهن .
نزلنا نساعد ام حسن وبتول وريمان ونرجس كلهن يشتغلن
فرشنا سفرة للزلم وسفرة للنسوان ، اكلنا كلنا نصهم كملوا
تريد دارين تگوم واجه جــود يركض گعد بصفها يوكل بيها
عبالك ما موجودين كُلنا ، عفناهم ورحنا نغسل ونظف
شوية وعفتهم وخابرت ريــان اجه ياخذني ، رجعت الروتين
دراستي ايام وايام واني بكُل طاقتي ادرس وهل مرة قررت خارجي
بفترة الامتحانات وقبل امتحاني بيوم من الخوف والقلق
تمرضت ، كُل ما اريد اروح امتحن اتخربط وريان داخ بيَّ
يخليلي مغذي ويوصلني على امتحان ، خلصتهن على اعصابي
ونمت بالفراش شهد وريان وانور فوك راسي بس ارجف وابجي
دخلت اكتأب اعتزلت لا اضحك لا احجي لا اكل طبيعي
وبيوم اعلان النتائج وگعت فاقدة الوعي تمامآ
وعيت على نفسي بالمستشفى روحي احسها تطلع
لزمت بطني مغص بيها وريان يفتر منا ومنا اجه انــور يضحك
_ ولچ متخربطة ومخبوصين تالي ما تالي معدلچ 65 .
حُــرة : عليك الله .
_ والله .
حُــرة : والله زين هواي يعني نجحت .
انــور : 65 هواي ؟
_ خير من الله ، ريااااان عيوني ريــان .
ريــان : ها يا عيونه ها يا گلبي .
حُــرة : التاهو تتحول بـ اسمي .
انــور : ربحنااااااااا على گولت ذاك الواحد .
اقترب باس راسي وهو يطمني
_ مبروك وتستاهلين التاهو والله من باجر اني اعلمچ على سياقة .
_ صرت زينة طلعني هسة اسوقها .
ريــان : حبي تسوقين بسيارة عادية وين اكو تعايم سياقة بتاهو .
_ اني اتعلمها بتاهو غيرها ما اقبل .
انــور: لو راسلة ولا عل طلب .
ريــان : يلة تستاهل حراير .
انــور : تررررررا تاهوووووو تاهووووو مو سايبة تاااااهووو .
حُــرة : ما تغلى عليَّ مو صيادي .
_ صحيح يا عيون الصياد .
طلعني يعلمني لو سممني تسمم كُل شوية يصيح
_ فوووتي على عالم اي اي تعاركي انتِ وطسات الشووووارع
لچ كسري مناااا وين رايحة راح تضربين الررررجال .
وكفت السيارة مقابيل البيت وصحت
_ اخذ سيارة الحارس تقلقني بعد ما اعرف اسوقها والله .
رفض وبعد محاولات واتوسل بي اقتنع وما اقتنع اخذها
اني تحركت ما ادري شلون ضعت وهوَّ ضاع مني
بقيت اتلفت اسوق بطيء واباع اشوف ريــان صار ورايَّ
وما احس غير انضربت ارتديت بكُل قوتي رفعت نفسي
اشوف ابو دراجة مضروب والعالم كُلها مجتمعين فوك راسه
تلفوني صار يرن جاوبت واني ارجف
_ حرررررايرررر انتِ وين .
_ هاي الهوسة هاي العالم كُلها ملتمين على سيارتي .
_ سيارتچ ؟؟؟
_ اي ضربت ابو دراجة .
_ مصيبة على ررررراسي وررراس اهلي حررررررة .
غطيت وجهي من شفته نزل من السيارة فات بينهم عافهم
كلهم وفتح باب سيارتي يتفحصني بخوف
_ بيچ شي مضروبة حاجيني حُــرة گلبي راح يوگف عليج .
_ لا بس الولد والسيارة .
عبرت على جهه الثانية قفل الباب وراح عليهم
ظل يحجي وياهم ونزل للولد يسولف ويأشر
طلع فلوس سلمهم للولد وصعد بسرعة ساق السيارة وقفل
سيارة الحارس وصلني وراح الحارس يجيب سيارته
دخل يسبح يرجف من العصبية بس طلع گعد على سرير
رحت بتردد بست راسه وهمست
_ اسفة .
_ عادي تتعلمين بس اني وياچ مو وحدچ .
ماشي وعد ما تتكرر .
نهض فتح جرارة الكنتور المقفولة ورجع
حضني وطلع علبة فتحها وهو يبوس راسي وشفايفي
_ عيوني مبروك النجاح .
حضنته اني هم وبقيت بين احضانه ادلع للصبح .
بلش يصبر روحه عليَّ ويعلمني على سياقه
واني اتعلم الها بسرعة سهلة بس تحتاج تركيز
قدمت على جامعة وهو يعلمني ويخليني اختار وياه القسم المناسب
بنص الهوسة وسمعت بخبر ولادة نرجس بولد
مرينا على محل اشتريت ملابس النرجس والطفل
وهدية قلادة ذهب ناعمة لليل اخذنا انــور اني وشهد
شفناها وشفنا البيبي اباع على دُر هم بطنها كبرت
وشهد كُل ما تشوفها تگول الها
_ وجهچ مال ولادة احس هل أيام تولدين .
دُر : بعد شهر وايام مو هسة ولچ .
ام حسن : ومن هسة علي الآكبر دخل انذار .
شمس : حقه يخاف على روحه .
رجعت للبيت شفت رنيم گاعدة هي والطفل رحت يمها
احجي الها بكُل حماس على نرجس والطفل بنص الكلام
عافتني وهي تهز بيدها اخذت الطفل وراحت خلتني مصدومة
شافها انــور وريان اثنينهم ما نطقوا بحرف
ابتسمت وصعدت فوك متجاهلة الصار وتوبت اعيدها وياها
ومن بعد ايام دخلت دُر انذار يوم والثاني تجي هم نمشي
وبنفس الوقت تجهز الطفل ، بنص السوك ناخذ بالأغراض
ولزمني وجع راسي گعدت واحس بطني رجعت تلويني لوي
خابرت دُر على ريــان طلعنا برا ننتظر بس شفت سيارته
انفجرت ابجي صعدني مهستر من الخوف على حالتي
دخلني مستشفى طوارئ، وهو ينتطر والدكتورة تفحصني وتسألني
ابتسمت وهي تستدير على ريــان
_ مبرررروك زوجتك حامل .
ريــان : هل نملة حامل .
حجاها وحضني واني حضنته بعدم تصديق
ودُر تشكر بيها اخذني وهو يمشيني على بطيء
وصلني على دكتورة تراجعها دُر بس شافتني اكدت حملي
بعد فحوصات طويلة ، سجلت علاج ورجعت للبيت
ومن هل يوم بس اوكف ادوخ واگعد ، واذا آكل اتقيأ
بس اريد ريــان يظل يمي ما يعوفني ابد
وبليلة وبين النايمة والواعية اسمع ريــان يصيح
_ لك انوررررر دُر بالمستشفى عدها ولادة .
دُر ...
دكتورات وممرضات ، اضاءة واصوات عالية
اوجاع ما بعدها اوجاع ، دخلتني الدكتورة للصالة
صرخت بعلووووو صوتي احس حبالي الصوتية تتمزق
ملخت روحي بس راح الوجع عمتي يمي تلزم بيَّ
والممرضات فقدت اضرب بروحي اريد اشرد منهن
رجع اجاني الوجع وأقوى من الي قبله بقيت من الوجع ارجف
بس راح دفعتها وطلعت واني بملابس الولادة بس فتحت
الباب صار علي الآكبر گدامي فتحت عيوني رجع الوجع
صرخت بوجهه وجريت شعري وگع بيدي اضرب على وجهي
بخبال ، لزم ايدي يصيح اخس برجفته هزتني هز
علي الآكبر: يممممممه راح تمووووووت يمههههههه .
دُر : عملية اسوووي عملية الله يخليكمممم علي الآكبر
راح امووووت والله ما اتحمل حباب ابوس ايدك .
ظل يتجادل هو والدكتورة رفضت العملية ورجعتني
وعمي اخذه طلعه برا ، رجعت اصرخ ما يقبلن اطلع
حسيت روحي طلعت رحت على حايط افلش بي تفلش
وعمتي تمسح بضهري وتقرا ايات رفعت راسي بوجع
ملخني تملخ وصرخت ودموعي هنااا نزلت وصرت ابجي بخبال
_ يمممممممممممممه وينچ اررررريدچ يممممممممه .
لزمت بطني امرد بيها والدكتورة تساعدني الى ان سمعت
صوت ابني غمضت عيوني ارجف فقدت بعد نمت
گعدت اني بالغرفة غطيني والطفل قريب مني وعلي الآكبر يصلي
الغرفة فارغة بس اني وياهم بس كمل همست
_ علي الآكبر .
التفت ملهوف لملم السجادة واجه مستعجل يبوس يدي وراسي
_ اسف يا روحه لعلي الآكبر اسف والله لو لوجع زلمة اموته
حجاها ونزلت دموعه يبجي ويرجف يحضني ويبوس بيدي
_ ردت اموت من شفت حالتچ وانا ما بيدي شي
دُر هاي اول واخر مرة الخاطري دُر بعد ما نريد جان رحتي من ايدي .
بست خده وحضنته لدقايق التفتت بنظراتي على طفل وسألته بفضول
_ ولد لو بنت ؟
_ ولد .
_ اريد اشوفه .
_ نسخة منچ .
راح يشيله وهو يرجف خفت على طفل ، نزله بيدي خفت اكثر منه
_ ما شاء الله اللهم صلي على محمد وال محمد فدوة .
_ شنو راح نسمي الخاطري مو جبل .
ابتسم واخذه من ايدي هز راسه وصار يأذن ويكبر
_ اسميتك الكرار علي الآكبر .
ضحكت وبست خد الكرار اخذته بحضني
حاولت اخلي ياخذ رضاعة ما عرفت
اجت الدكتورة تعلمني وتنصحني وبس طلع الصبح
اخواني ونسوانهم ، عمتي وعمي كُلهم گعدت شفتهم موجودين
انــور يشوف بالطفل صافن بي فرحان ويخاف ياخذه بحضنه
ريــان عادي متعود ، وعلي الآكبر يحاول يتعلم
انــور : اني الياس كبر هسة وشوية اتردد من اشيله اخاف علية .
ام حسن : تعلم ما باقي هواي وتصير اب .
انــور : اي اي احاول والله .
ساعدتني شهد وحراير بالتبديل
سندني علي الآكبر حضني يخاف ويحسب الخطوات
صعدنا بسيارة ريــان علي الاكبر بصفي يحجي هوَّ وريان
على مستشفى ينصح بي ختموا كلامهم وهمَّ يضحكون
ريــان : وين جان حجينا وين صار .
علي الآكبر: جانّ مولوتوف صار ولادة ومستشفيات كبرنا .
ريــان : كلشي تغير حتى احنا صرنا احسن .
دخلت بغرفة عمتي ما رحت على بيتي بقت يمي
تعلمني شلون اشيل الكرار وابدله وادير بالي
شلون ينام وشلون اغسله ، وعلي الآكبر يصفن ويايه
ابو حسن : علمي بطريقچ علي الآكبر لان هو راح يربي ههههه .
دُر : اي لازم ضروري يتعلم يساعدني اني وحدي ما اگدر .
ريمان : قابل عندچ فوج اطفال هو طفل .
علي الآكبر: هذا الطفل راح نربي يعادل عشيرة مو خلف واشمررر .
الثاني يوم رجعوا اخواني وكُل واحد بيهم يلبسني ذهب شكل
انور لبسني گلادة وباس راسي وريان اسوار وباس ايدي
كُل العالم صارت تجي وتبارك واخر الناس اجت امي وياها ابوية
ملت الاستقبال هدايا واغراض وابوية مشتري تراجي ومحبس
وامي حتى ما كلفت نفسها تشيل ابني گعدت على اعصابها ومن العيب
هي وابوية وطلعوا عبالك احد بركض وراهم .
ما خليتهم بعد يأثرون عليَّ ومن هل يوم وعدت روحي
كُلشي عشته من اهلي ما اخلي اولادي يعشون مثله ابد
بقيت بين بيتي وبين ابني وعلي الآكبر حبه يزيد ما يقل
واهتمامه يغنيني عن العالم بكبره ، ايام واشهر وما حبيت
بعد حتى اطلع اكتفيت بـ عائلتي ، وبيوم فجريه اترعبت
من فز علي الآكبر الجو بارد الى درجة
لملمت الكرار بحضني وهو يبدل بلغني
_ شهد بالمستشفى عدها ولادة راح اخذ امي .
_ شنو احنا ولادتنا كُلها الفجر .
هو طلع واجت دارين يمي تركض من البرد
_ شهد راح تجيب طفل برج الجدي .
_ اي عفية هههههههه راح يطلع على ابو .
كل ساعة والثانية اتصل على علي الآكبر اخر مكالمة هو خابرني
_ ولدت شهد بنوته ، سمتها غرام .
حاولت احجي وياها ما بيها حيل تجاوبني
باركت لـ انــور وسديت الخط وجه الصبح رجع علي الآكبر
سبح بخاف على الكرار واخذه بحضنه ونام اخذت الهم صورة
ونشرتها وكتبت " والان اكتمل اماني رياشي نهجي المُغاير "
دارين وجود عايشين بعالمهم الخاص
لا يخليها تتعلم تطبخ ولا تنظف هو وعمتي صايرين حرب
وبس يشوفها تريد تتعلم يزعل عليها وتجي تشكي
حيرتها بين جــود وبين عمتي ، دخلت علي الآكبر بينهم
طلع جــود مو هل موضوع ورجعت تصالحت هي وعمتي
وعلمتها على غسل المواعين بس هذا شغل دارين بالبيت كُله .
وتمر ايامنا بين بيت اهلي وبيتي وبيت عيالي
استقريت واخر فرحة فرحتها من حضرت
ولادة حُــرة وبيومها كسرت امها قاعدة الرياش
وحضرر ولادتها ، حُــرة من الفرح زاد الوجع عليها
وهي تصيح تحضن بـ امها ، وتركض تضرب وتعض بريان وهو
متحمل يخجل يصيح وبخاف يدفعها ، بس اشوف وجهه ينطعن
دم احمرررررر ، أخذنها الدكتورات وبس امها وياها
بقيت اصبر بريان وهو يسمع صوتها على اعصابه متحمل
صعد ضغطه واشوفه يرفع براسه خفت تجي نوبة صرع
نقذتنا الدكتورة من طلعت وبيدها الطفل
_ الف مبروك أجتكم بنوته .
انــور : جنية صغيرة .
اخذها ريــان يبوس بيها بخوف
_ اروح لهل وجهه فدوة لچ بابا الرحمن يحرسچ .
كبر بـ اذنها وهو يهمس الها
_ اسميتكِ رزان .
طلعت حُــرة مبتسمة نقلوها على غرفتها ريــان
سند راسه على راسه ويهمس بـ اذنها وهي تهز راسها
بقت ساعتين وطلعوها من المستشفى ، حاولت اساعدها
تبدل ترتاح وصفية طلعت تعرف للأطفال ساعدتنا برزان
لليل اجه علي الآكبر اخذني واضطريت اعوفها حتى اشوف الكرار
شهد اسطر من عدنا بحيث تشيل مسؤولية بنتها ورزان
اثنينهن تسبحهن اثنينهن تبدل الهن الى ان ضبطتها
حراير ويدت تعرف تعتمد على نفسها .
وبيوم عيد ميلاد ابن سراج ونرجس الأول
سوينه حفلة بيناتنا احنا البنات وكُل وحده من عدنا بيدها طفلها
نتمايل على صوت الاغاني ونصور ذكرياتنا السعيدة
گعدنا بكُل بساطة على ارضية ناكل بالكيل ونسولف
ونضحك بدون تفكير وهموم استقرينا من بعد همومنا وتعبنا
كُل وحده بينا جاها العوض من ربها وتمت فرحتها .
اريد اشحن تلفوني شفت شعار جديد من روايتي المفضلة
باوعت على بنات ورجعت واني ابلغ حُــرة
_ نزل بارت .
_ صدك يمه كلبي استهترت اريد ارجع اريد اقرا .
شهد : قصة شنو بنات .
بقيت اني وحرة وحدة تباع على ثانية وگعدنا نشرح
للبنات على قصص وشلون تروح صاحبة القصة للكاتبة
حُــرة : بنات تدرون اذا نكتب قصتنا تصير فدشي ولا بالاحلام .
دُر : اني شگد قريت قصص بس بحياتي ما قريت مثل قصتنا
إصلا كُل وحده بينا عدها رواية تختلف عن الثانية .
شهد : اني قصتي رگعت اخوچ بالقندرة وحبني هههههه .
حُــرة : الصراحة قصتي راح تصير احلى من قصتچن كُلچن .
دُر : متوهمة اني قصتي توب وان .
فتحت حُــرة تلفونها وهي تحجي
_ اني اذا اقرر اكتب قصتي اروح الكاتبة ظلمات الغيهب .
دُر : منو اساور حسين ؟
_ اي من اقرا قصتها ادخل اجواء الرواية عبالك عايشة وياهم .
دُر : مسويها جماعية يعني اني وياچن مو كُل وحدة وحدها .
_ منو گال تقبل تستلمها ، ترا اذا ما استلمها اشيل الفكرة من راسي .
دُر : ماشي واني وياچ .
ومن ليلتها بلشنا نراسل وماكو جواب ..
صدت عيوني على ساعة بـ2 بليل ولا علي الاكبر
لا ريــان لا جــود ولا انــور يسألون علينا عكسهم
سراج الدين وحسن وعز الدين كُل واحد اخذ زوجته وصعد
نتصل ماكو رد ، اخر شي دزيت رسالة لعلي الاكبر شافها وخابرني
_ ها بوية دُر .
_ انتوا وين .
_ بيت ريــان بيت العائلة .
_ شوكت تجون خلصت الحفلة .
_ اليوم اخذيهن وروحي على بيتنا اسهري انتِ وياهن عيوني
اني والشباب سهرانين هنا .
_ سهرانين وحدكم .
_ اي .
حُــرة : وحدهم شنو يسون ؟
سديت الخط فرت شفايفها بشك هي وشهد وصاحت
_ الله يستررررنااااااا راحووووا بعددددد ايسي انتِ وياها وياها .
شهد : والله اخلي ابوية ياخذني عليهم گلبي ما مرتاح .
حُــرة : هسة اذا نروح نشوفهم جايبين نسوان على عددهم .
دارين : اموته والله .
دُر : علي الآكبر ما يسويها اثق بي .
حُــرة : مستشفى المجانين متروسة منين ؟
دُر : منين ؟
حُــرة : من الي على اساس يوثقن بيهم ويصدموهن صدمة حياتهن .
دُر : لاااا تدفعيني ترا بسرعة اندفع .
راحت شهد على ابوها تحجي وياه واني وياهن خلينا
الجهال يم عمتي واخذتهن على بيتي بدلنا
وسحبت اربع شالات لون اسود وطلعنا بسيارة عمي
هو يسرق واني وياهن نلف الشال على شكل لثام على ملامحنا
وتمي خربان ضحك نزلنا مقابيل البيت ما نزل بس دخلنا البيت حرك
السيارة عمي ورجع للبيت وعافنا وحدنا .
بس دخلنا اشرت شهد بعلامة اسكت للحارس واخذت المفاتيح
فتحت الباب بدون ما يطلع صوت وفاتت وهي تمشي
على اطراف اصابعها واحنا نمشي مثلها بكُل هدوء
نسمع صوت ضحكهم عالي يدوي بكُل البيت هزت شهد ايدها وهمست
_ سهرتهم مبين صباحية .
حُــرة : قتالية وصلاة امي وابوية اخلي يتخبل مني يتخبل .
دارين : عزا تخلي يمهم بنات يمه قررررف قررررف .
رحت بعيد لمحت علي الآكبر مستند على انــور ويسولف
ويضحك ضربه على ضهره ودفر ريــان وهو يصيح
_ بطلات صحبه انا وهذا الفاهي هذا الضلع صار شمه المدگدگ .
اجت حُــرة يمي تباع وتجاوب بصوت ناصي
_ أي طبعاً يصير صاحبك يجيب خوش نسوان .
شهد : المدگدگ يجيب نسوان اخلص عمره اذا صدگ .
عفتهن تخبلت من كلامهن دخلت وصرخت قبل لا افوت الصالة
_ علي الآكبررررررررر ابوووو رجفه .
_ جوووووووود ابو المثقفااااااات .
_ رياااااااااااااان الباااااررررد الجبل الثلجي.
_ خاب ابوووووووو شمه المدگدگ .
دفعت شهد الباب وفاتت وحرة دخلت تتلفت ودور بكُل مكان
ودارين تريد تبجي عبالك طفلة
دُر : وينهن حاجيني لا تصفن وينهن .
علي الآكبر: شلون وصلتن هناااااا .
حُــرة : ريــان البنات وين احجي .
علي الآكبر: انــور روح صعد البنات فوك قبل لا يشوفنهن .
دُر : عززززززا علي الآكبر تخوني .
انــور : يريد اربع بنات .
شهد : وانت شگد تريد .
انــور : اثنين كافي .
جــود : الوضع امان شباب طلعتهن .
دارين : انت هم تخوني ؟
ريــان : يعني جايبين بنات وهو ويانا شيسوي يصلي .
دُر : وينهن ، علي الآكبر وينهن والله اخليك تموت وانت ادور على ظلي .
انــور : روحن شردن واني ادبر الهم كل واحد اربع نسوان .
شهد : لابسه كعب انوووووووور طلگني هسة اطلگني .
دارين : واني هم يطلگني هذا الخفيف .
دُر : اني ما اطلب الطلاق اعرف انتقم بطريقتي الخاصة .
راحت حُــرة على ريــان وسحبت سجين وعاطت وهي ترجف
حُــرة : ادخل بيك سجن والله اشرحك تشرررررح والله وين البنات .
ريــان : يا بنات شنوووو تخبلتن .
دارين : هذا حلف جــود مو حلفت ما تخوني ابد بشنو قصرت وياك .
جــود : لاااا تنزل دموعچ عيوني ديري بالچ تبجين حالف اني حالف .
دارين : تخوني ليش تخوني .
جــود : عساني ميت لو افكر لو المح غيرچ لچ بابا كُل عقلچ .
حُــرة راحت تفتش وشهد تفتر وياها وانور نهض يصيح
_ سهرانين سهرة شباب تخربنهااااا ليشششششش.
حُــرة : وين راحن البنات وين شفتونا بالكاميرات؟
ريــان : حراير اني اخونچ ؟
_ لعد ليش تبات هنا وما تجي تاخذني .
_ گلت تغير جــو هاي جزاتي .
_ اسفة صيادي .
_ حراير ..
دُر : صيادچ يا حيوانه صار ساعة ادفعين بينا عليهم ؟
رفعوا ايدهم يأشرون على بيت والصالة
علي الآكبر: شنو تشوفين ست دُر الملثمة انتِ وجماعتچ الملثمات .
ذبيت لثامي والبنات مثلي ضحكت بخحل والتفتت على حُــرة
علي الآكبر: خوية مبين مدفوعين من حُــرة .
حُــرة : اني شكو خوية هي دُر والبنات قنعوني بس طلعتوا حبابين .
بقينا صافنين وكلهم جامدين بـ ملامحنا
ريــان : خطية قهرني .
علي الآكبر: هل مرة سماح الهن يا شباب لو نزعل ؟
انــور : اختك تريد طلاق .
شهد : اكيد انت متمسك بيَّ هاي حُــرة دفعتني والعباس .
انــور : ريــان الزم مرتك لا اطحنك انت وياها .
ريــان : انت اعرف بوضعي وياها اتحملوا كلكم .
كُل واحد بيهم رتب مكان واجتمعنا كلنا نلعب دومنة وورق
شگد نحاول نفوز عليهم ما نگدر ونصير احنا الخسارة وهمَّ الربح
اكلنا وگعدنا نسولف بين الماضي والحاضر
وكلنا على نفس الگعده گاعدين وناخذ
وننطي بهدوء ويخرب الهدوء ضحكاتهم واصوات فرحتنا
خابرنا عمتي هي ونرجس على اطفال ما قبلت نرجع
بس صار الفجر صعدنا سياراتنا ريــان اخذ بنته وحرة
وهوَّ يشيل البنية لزمت حُــرة ايدة
_ سامحتني ابن عمي تأبرني لساني بدو ئطع .
_ جنيتي حرايري نتحملها هل نملة .
_ عندك جنيات اثنين مو بس وحدة .
_ افديهن بروحي واصيد كُل من يوصل يمهن .
وانور آخذ بنتة وشهد وراحوا من بعد ريــان
واسمعها وهي تصعد تنطق كلماتها
_ اسفة المدگدگ مالتي .
_ شهدي انتِ شهدي تمونين .
جــود مكتفي بدارين جكليته وعايشين هو وياها بعالمهم الخاص
وعلي الآكبر حضن الكرار ولزم ايدي فتح الباب ودخلنا
شغل التدفئة يدفي بالغرفة وبفراشنا قبل لا انام بدلت
واجيت بيني وبين علي الاكبر الكرار نايم بكُل حُب
بست خده وخليت راسي على مخدة وعلى لمساته غفيت .
وكالعادة كـ كُل يوم اصحى من نومي على كلمات الامان من المطعم
جــود يشغلها بأعلى صوتها وهو يشتغل كـ إعلان افتتاح شغلهم
من اسمعها احس اني بنص النعيم تحت ظل اكبر اسكندر صنديد
" يا فارس بدر يا حيدر يا فارس بدر"
نهضت من فراشي لمحته يلبس حذائه يريد يطلع
واني اقترب اهمس بس لمحته نهض حضنته ونطقت كلمتي
_ علي الآكبر .
_ ها بوية دُر يا روحه لعلي الآكبر انتِ .
كانت كلمات البداية واصبحت كلمات النهاية .
عِند سَمـاع رنةُ كعبِهـا بدأت الحِكـاية
و فيّ ثنايـا عشقهُم العظيم وصلنا إلى خَط النهـاية
هـا نحنُ الآن في مَحطة الخِتـام
حَـل النور في دار الريـاش مَحـل الظلام
وأصبَح الماضي حُروف تُدرس ولا تُضـام
الجميع سـار في طريق العِشق بسلاسةٍ و إنسجام
الشجى والأسى من الأقربون بالدَم وكُـل الألام
الطُغيـان و الغَـدر و إنعدام السِـلم و السـلام
غَفـرتُ خطايـاهُـم بالحُـب والأفعـال و بِـ تَغيير الكـلام
أمـا مَـن أسماني دُر روحهُ
و علاج سَقمهُ للأبد عينـاي
مَـن رَفض أيُّ إمـراةٍ عَـداي
و سـار على النيـران لأجـل أن يلمِس يـداي
الرياشُ نَعـم لكن هوَّ ومنذُ البدايـة
" نَهجي المُغاير " الذي إنتشلني مِن الرُكـام
ثُم سـار و دَمر جميـع مَن آذاني و حَـولي حـام
أكبريّ الصِنديد الإسنكدر شَديد الغـرام
عِشقي لهُ أقل قليلهُ يُقدر بـ عَدد كُل الأنـام
من بعدهُ ذلك الذي عـاش في ظِـل الممنوعات
وخَط على جَسدهُ رُسـوم أساسهـا حِكـايات
أبعدت الجميـع عنهُ لكِـن قَربت الحيـاة
منهـا أتاهُ التُـرياق و النُـور و إحياء الرُفـات
شَهدهُ الذي نالهـا بعد الكثيـر من الظُلمـات
و هُنـاك آخرٌ يُدعى الصيـاد
من قاستهُ دُنيـاه ثُـم أعطتهُ المراد
بإنقلاب الأدوار قامت بِـ صيدهُ الحُرة بكُل إرتياد
و عاشوا معًا الصِعـاب و العشق المَليئ بِـ الوداد
إنتهى ظُلـم الرياش على يَد نهجهُم المُغاير
بعد الكثيـر من السعي و العذاب والمَخاطِـر
لَـم يبقى الآن إلا العشق المُغلف بالحَنان من غير شَرٍ غائر
يدهُ في يدهـا و يناظرُون بعضِهُم بكُـل هيـام
ثُـم يُختَـم الكـلام .. في عُذوبة الكـلام
" لا يوجد في عشق عَلي الأكبر لِـ دُرَّ روحهُ خِتـام "
الــنهاية ...