آخر مره شفت كلبي .. ودلوقتي معرفش إذا كان عايش ولا لا

من فترة أضطريت إني أودي كلبي الجولدين استضافة بسبب إني كنت بنقل من شقة لشقة تانية، وللأسف بعد ما وديته سائت أوضاعي المادية جدًا، وبقى يعدي يوم ورا التاني، وكل شوية أكلم فندق الاستضافة واستأذنهم نطول المُدة لحد ما عدت أسابيع وبعديها شهور .. وكلبي بيكبر بعيد عني والأزمة المالية بتزيد عندي .. لحد ما جه وقت والفاتورة إللي بقت عليا بقت أكبر من إني أقدر أدفعها .. وكان وقتها لازم آخد القرار .. إني أطلب من المكان أنه يطلع الكلب تبني عشان مش هقدر آخده عندي ومش هقدر أدفع الفلوس إللي بتزيد عليا كل يوم .. وعدت سنين ولسه لحد دلوقتي ضميري بيأنبني وبفكر .. هو لسه فاكرني؟ طيب هو فاكر إني أتخليت عنه؟ وأصعب سؤال بييجي في دماغي .. هو لسه عايش؟